Andre Dippenaar

Drienasies

Begin
TRANS-KAROO
Drienasies
Strandfontein
Rooikappie
KuipeStoppe
Derby
Kruis vir Coco
Pou Moleste
Hoe Pleit jy?
leeujag
Kluite Toe
Harley Ryers
Geesbevange
Sitrishdal
Bakkieman
Preek n Preek
400 teen 1
Bliksem
Lakenskeur
Vetkoek Safari
Katkistrofe
HELDRYWERS EN HO TEE
VRYSTAAT SE KOEIE
HOT AGTER

DRIE NASIES - (Rugby)

rugby.jpg

DRIENASIES

 

So sit Dippies en sy buurman Frik mos Saterdag daar in Dippies se “privaat losie” tuis en stapel proviand et al op om te kyk hoe die Bokke die All Blacks gaan opf….rommel.

 

Lekker opgetense oor die voorskou. Hang ewe plegtig die Vierkleur voor die binnebraai op en gooi ‘n ou flenter Union Jack as kleed oor die proviand tafel. Berg van Kastele gebou. Nuwe Coke Zero’s opgeline om die Wellington mee te verdun. Drie boomstomp grootte beesbiltonge op ‘n skinkbord gedrapeer en 4 pakke Simba sout-en-asyn tjips op die kantlyn. Net vir ingeval. En ‘n bakkie peanuts – vir impak!!

 

O ja, en Dippies  het ‘n vuvuzela by Pikkewyn by die drankwinkel persent gekry. Di staan neffens sy stoel om die groot oomblikke mee te basuin. Sommer kans om fiks te word vir 2010 se spektakel.

 

Naas-goed probeer nog om ingeligte kommentaar te lewer oor hoe dit gedoen moet word, maar Frik-goed kan g’n stuk niks hoor nie, want 35,000 tromme op Nuweland lui die nuwe era in. Hoor en sien vergaan. Naas lyk soos iemand wat in ‘n sinkskuur op die Knersvlakte staan en sing midde in ‘n moerse haelstorm. Lippe beweeg, maar g’n geluid nie!

 

Wonder Frik wat het gestaan en word van banjo’s, kitare en saksefone. Ds mos Nuweland musiek. Nie hierdie midde-Afrika gerommel nie. Dippies stry nie. Knik en kou net.

 

Fluitjie blaas en Butch skop ‘n regte ou k*k skoppie. Frik stik in sy tweede Kasteel en Dippies laat val ‘n Zero van die kroegtoonbank af. Spuit onder oorverdowende trom-getjommel alles binne reikafstand nat en taai! Asof ‘n voorspel vir wat nog gaan kom.

 

Frik se derde kasteel vou hy sommer so opslag in sy vuis toe toe die swartspan gaan score Skuim loop teen sy hand af en hy trek ‘n Lot se vrou op hom. Versteen soos ‘n soutpilaar en staar na die kassie asof EVKOM so pas “load geshed” het!

 

Manne, en toe begin die pre mos die stange deurbyt. G’n keer nie. Dippies donner twee blokkies ys in Frik se bak peanuts in plaas van in sy eie glas. Habana sny lyn en gaan score. Gryp Dippies die vuvuzela en hol voorstoep toe om die “try” te trompetter.

 

Vir die wat  nie weet nie – Dippies het twee honne. Tessa, die oudste, reeds gevorderd tot bykans 112 mensjare. Stokblind en vrot van Alzheimers [of wat ookal ou honne kan kry] en ‘n middeljarige reunhond, Ketoolsie.

 

Met die dat Dippies die vuvuzela oopdraai, spring Tessa vervaard op en val die eerste en naaste potplant verwoed aan! Ketoolsie val van die voorstoep af en hol swembad toe. Dek sommer opslag die Kreepy Crawley!

 

Frik skrou Dippies moet sharrap en die TMO se beslissing kom kyk – Dissie ‘n drie nie!

 

Vlie teen die muur maak video en digitale kameras bymekaar om hierdie spulletjie vir die nageslag vas te vang.

 

Gryp Frik die Geelbladsye en begin vervaard die SPCA se nommer opsoek. “Hoe de donner kan hulle ‘n gidshond aan ‘n blinde skeidsregter se fluitjietou vasmaak en toelaat dat hy die stomme hond die veld vol rondsleep!” bulder hy. Enigste een wat Frik se tirades hoor skyn Matfield te wees, want twee keer probeer hy die skeidsregter se donkerbril afhaal om saam met sy fluitjie en wit kierie in sy gat op te druk. Of altans, so moedig Frik aan!

 

Ons twee vrinne raak al stiller en stiller. Staar nikssiende na die kassie. Dippies gooi nog ‘n Wellingtontjie en met die wat hy dit wil opkikker met ‘n Zero, gil Frik soos ‘n haweslet met ‘n orgasme. Val Zero die tweede keer. Spuit Zero vir die tweede keer.

 

Dippies dog Frik was in ‘n trapskrum te oordeel aan die bloed. Beduie pawiljoen toe vir noodhulp. Staar Frik met oopgesperde o na sy linkerduim sonder kop! So meegevoer geraak dat hy die biltong met 4cm misgesny het!

 

Brandewyn hettie brieke nie! Dips gooi ‘n stywe knerts in in ‘n lang glas en verdowe vir Frikman opslag. Verbind vernuftig die wond met die Union Jack en s: “Jy kan maar cheer en beduie met daai hand, maar net nie as die Bokke dalk score nie. Tussen al die k*k is daar nie nog plek vir Hensoppers en Hanskakies ook nie!”

 

Algaande raak onse vrinne al stiller en stiller. Kom kyk die vrouens of of hulle nie dalk AVBOB se pawiljoen toe is nie. Soos  geitjies wat pypolie ingekry het sit die tweeman skare en staar na die kassie. “Alles nog oukei?”, vra vroulief Dips. “Is julle donners blind?” skrou die skare. “Lyk dit vir julle of als oukei is? Ons bleddie Olimpiese span vaar beter as hierdie spul palookas!”

 

Blaas Vroulief-goed maar die aftog en sluip uit die losie uit. Brom iets van “dronkgat swak verloorders” maar versigtigheidshalwe buite hoorafstand. Gaan bre solank die snoek en patats. Die twee groentruie gaan na dese in elk geval te moeg wees om rooster om te draai!

 

Kerf, skink, kou, sluk. In stilte. Twee ongelowige Thomasse wat nie kan gl wat hier voor hulle o aan’t gebeure is nie.

 

Doodsnikke van die wedstryd – nog doodsnikliker is die voorraad Kasteel en Wellington. Skare sit nou knikkoppie en staar na die swart sekels wat besig is om alles wat groen is met presisie af te maai.

 

Steyntjie na De Villiers, De Villiers “pass” sierlik na die Swartspan en die Hakas dryf die laaste spyker “smile-smile” in die groen kis met die goue deksel in.

 

Sh Dippiesh: “Frikman, hulle kan sh wat hulle wil, maar nou het daai donnershe All Blacksh darem shmart by onsh agterlyn aangeshluit. Onsh gaan nie weer gou sho ‘n shkitterende agterlyn beweging shien nie!

 

“Ish sho”, beaam Frikman en voeg by: “Volgende Shaterdag gaan ek die vrou en kindersh vat om blomme by Shitrusdal te gaan kyk. Kom julle shaam?”

 

En so sit onse twee vrinne verbysterd en luister hoe die coach, van agter ‘n swaar snorgordyn, met sy helium stemmetjie, almal probeer wysmaak perdedrolle is vye.

 

Swaar sug ou Dippies: “Met eish ja, met eish!”

 

 

Andr Dippenaar

Vredenburg

18 Augustus 2008

.

Teken in op Kammanuus


    3046 Lesers al reeds!
    GetResponse E-pos Bemarking