MAKERIEPAS!

Blou Koffie

VOORBLAD | Die Begin | Die Medies | Week1 | Koffie | AWOL | Plonsput | Killer | Tentpenne | FietsMajoor | Ruiter en Perd | Terug na ONSDORP

Blouvitrioel

bloukoffie.jpg

Blou Koffie

 

In party basisse is die weermag kos op sy beste net nie lekker nie. Maak nie saak wat jy doen en hoe jy dit doen nie. Jy kan die kos maar doodgooi met tamatiesous en met Worcestersous, maar dit help ook nie.

 

Van ons groot salaris van 50 sent ʼn dag moes ons ook menasie fooie betaal. Natuurlik is elke sent vir ons baie belangrik gewees en ons wou weet hoekom ons menasie fooie betaal. Die antwoord was gewees om Tamatiesous en Worcestersous aan te koop vir julle om te eet.

 

Die weermag kokke het seker geleer hoe om slegte kos te maak van baie goeie bestanddele. Blou is die natuurlike kleur vir gekookte eiers in die weermag. Maar die eiers is nie al wat blou was nie.

 

Die koffie wat jy saam met die blou eiers en die koue roosterbrood gekry het was ook blou. Die verskynsel het ons nie so mooi verstaan nie. Maar wat ons wel opgemerk het was as die koffie blou is het die ou manne nie koffie gedrink nie.

 

Natuurlik het ons nuuskierige rowers gevra hoekom drink hulle nie die blou koffie nie. Hulle (die weermag) vertel die oumanne ons gooi blou fieterjoel in die koffie. Nou weet ons nog minder, want ons wat gedink het ons is so slim, is eindelik bleddie dom. Die rede hoekom ons so dom was ons het nie geweet wat is blou fieterjoel nie.

 

Daardie dommigheid het ook nie baie lank gehou nie, want iemand het ons vertel wat die blou goed eindelik doen. Die fieterjoel is in ons koffie gegooi om ons drange in toom te hou. So klomp jong manne se seksuele drange kan nogal hand uitruk.

 

Die weermag, om die drange te beheer gooi dan die blou medisyne is in die koffie. So paar dae voor die manne op pas gaan, het hulle glad nie koffie gedrink nie. Natuurlik wou hulle nie hulle drange in beheer gehad het as hulle op pas gegaan het nie.        

 

As ek nou aan daardie tyd dink, dink ek al hoe meer daaraan dat ons maar net nommers was, en daar is niks, geen, absoluut boggerol aan ons self oorgelaat nie. Mamma korporaal was ons begin en einde gewees. Hy het besluit wanneer ons gaan slaap, wanneer ons gaan opstaan. Ook het iemand Írens besluit wat gaan ons eet en hoe laat.

 

Ons as troepe het geen maar niks besluite geneem nie. Ons was maar robotte en pionne in die hande van die weermag gewees.  

Enter content here

Enter content here

Enter content here

STUUR JOU EIE STORIE AAN pos@onsdorp.com

Teken ons Gasteboek  Stories in ons Gasteboek

Die GASTEBOEK skakels hierbo bevat al reeds verskeie nuwe staaltjies vanaf lesers wat ons webwerf besoek het. Gaan loer gerus en skryf sommer joune daar in.

tenk.jpg

Teken in op Kammanuus


    3046 Lesers al reeds!
    GetResponse E-pos Bemarking