Joe Mulder

AFRIKA HEIMWEE

Iewers hier binne my, in die plooie van my siel,

is daar ‘n verlange wat hunker na ‘n land ver van my!

‘n Land ver van hier, onder sterre so mooi,

waar die daeraad die aarde met ‘n vlamrooi skynsel tooi!

Waar kameeldoringbome en gras die landskap verfraai,

ja, daar waar die polsende ritme van Afrika draai!

Wat is dan mooier as 'n dag wat oor Afrika breek?

Waar doudruppels hul leplek in die grasse wegsteek!

Daar waar die wild rustig wei, pronk en baljaar,

dis die plek waarna my siel nou so ontsettend verlang!

Die stilte, die oopte, die sorgloosheid van aldaar,

dis Afrika skoonheid op sy beste, sowaar!

Dit bring die heimwee en herinneringe weer terug na my siel,

hier in die vreemde waar ek my nou bevind!

Net môre sal ek 'n toekoms besluit moet maak,

en my heimwee vleuels gee, soos ‘n visarend op jag!

Laag oor die waters, dan weer hoog in die lug!

Dan sal ek weet waarna my siel so oneindig smag!

Ek sal terugkeer na my land

waar ek weer vryelik asem kan haal,

om net weer te beleef die geboorte van ‘n Afrika dag!

Wat God sal laat spoel oor my droe dorre siel,

na ‘n eensame tweejaar lange donkernag!

VREEMDE MELKWEG

Ek ken die son se baan beslis

My vel sal jou sy spore wys !

Maar snags is dit ‘n vreemde spul,

‘n hemel wat onbekend aan my is!

Die Suiderkruis is dan nie daar,

is Noord dan Suid … en Wes is waar?

Hoe sal ek ooit my ware rigting vind?

Maak dit dan saak waar ek my nou bevind?

God weet mos waar ek werklik is!

As ek die sterre snags aanskou,

pak angs en vrees my in die nag se kou!

Waar’s God se bekende tekens dan,

of kan ek nie eien wat Sy maaksels is?

Is ek dan blind, kan ek nie sien,

God se melkweg oorkoepel my dan !

Verseker weet ek dit is Sy werk!

Wie anders is soos Hy - so sterk ?

Ek weet nou dat Hy alomteenwoordig is,

Ps 139 bevestig my dit!

Al is ek dan nou ookal waar,

Texas of die Republiek van Suid-Afrika.

Die Alomteenwoordige is altyd daar,

om my te behoed en ook te bewaar!

‘n Eie ster het hulle wel hier,

op vlag, op staal en op papier!

Hul noem die plek "The Lone Star State"

Een van vyftig, ver en wyd!

Hier is geld die god van die tyd,

want oliepompe pomp olie van Noord tot Suid!

Maar groter is die erfenis wat ek eendag gaan kry,

as al die skatte wat Texas my met oop hande bied!

My rykdom is verborge,

vir die oe wat net geld raaksien!

Ek is glad nie meer bevrees nie,

ek weet nou waar ek werklik is!

Die vreemdheid van die Melkweg,

stem my ou siel nou meer gerus!

Hy is nou die kragbron van my lewe,

my Metgesel, waar ek ook is!