|
....Só MAAK MENS ! |
|
|
|
Jun 2010
Donderdag. 24 Junie Dagsê Lesers! Vroeg oggend lê
die bos se blaredak en die omliggende grasveld langs die Gariep spierwit geryp. Krakend onder my skaapvel pantoffel-sole as
ek vroeg uitgaan om wit kristal foto's van alles te neem. Tot my vingers en tone begin krul van die koue dan hardloop ek behoorlik
terug na my oewerhuisie om dadelik my hande om 'n warm koppie koffie te kan vou. Dan staan ek so slukkie vir slukkie en kyk
hoe die son sy eerste strale oor die rante anderkant die rivier gooi, hoe die strale oorkruip tot op onse stoep en dan
begin die blare druppeltjie vir druppeltjie reën soos die witryp wegsmelt. Die Groot Genade, oorlewering, én
die natuur, het my geleer dat sulke wit gerypte oggende die voorspoor is tot 'n prag dag! So tussen die goue son-gevulde windstil
wintersdae, wil ek graag lesers se navrae beantwoord! Ronel Henning het geskryf: Ek is opsoek na 'n
patatgereg wat by braaivleis geëet kan word.Vermoed dit kry room bo-oor. Help groot asseblief! Miemie Koukeas, het
geskryf: Groot asseblief : ekonomiese sult resepte! En Jeanette: Hi, ek sit in die vreemde
en geniet al die lekker resepte en wenke. Ek soek na 'n resep vir iets wat ek baie jare terug gemaak het en nie die
resep van kan onthou nie. Dit was dadel bolletjies gerol in klapper. Onthou net die dadels word opgewarm met botter en suiker.
Nie seker wat nog nie. Sal baie waardeer as jy my kan help met die resep. Groetnis!! Dankie vir jul navrae!
Hoop ek kan help met die volgende! Hier is 'n paar heerlike PATAT-RESEPTE O.a. van Peter Veldsman en ANNA EKSTEEN. Kry
gerus haar GROENTE-RONDOMTALIE en ander GROENTE reepteboeke, bestel op die RESEPTE blad, daar is heerlike goete daarin!! Geniet
dit!! SOETPATATS (4-6 porsies) 110 g (125 ml/ 'n halwe koppie) suiker 125 g (125 ml/ 'n halwe koppie) gouestroop 50 g (50 ml/ 4 eetlepels)
botter 1 stuk pypkaneel, in die middel deurgebreek 5 ml (1 teelepel) fyn gemmer 4-5 middelslag patats,
geskil (in skywe gesny en in suurlemoenwater geplaas sodat die water die skywe bedek - plaas 'n piering daarop as hulle nie
onder die water wil bly nie, dit keer dat dit verkleur!) gedroogde nartjieskil OF vars dungeskilde lemoenskil sout na smaak vanielje-geursel OF
selfs 'n lepeltjie of twee brandewyn,soetwyn of sjerrie 1. Skep die suiker in 'n kastrol en voeg ongeveer 75 ml (6 eetlepels)
van die patatwater by. roer oor lae hitte totdat die suiker opgelos is. Verhoog die hitte en kook een minuut lank. Voeg die
gouestroop, botter, kaneel en gemmer by en roer totdat die botter gesmelt is en die mengsel begin borrel. 2. Dreineer intussen
die patatskywe. Moenie droogdruk nie. Voeg die patats by die stroop en gebruik 'n houtspaan om die skywe om te keer sodat
almal behoorlik met stroop bedek is. Sit die deksel op, verlaag die hitte na laag en prut ongeveer 20 minunte lank. Daar sal
nou 'n redelike hoeveelheid vloeistof in die kastrol wees. 3. Verwyder die deksel, geur met sout na smaak en voeg die skil
by. Verhoog die hitte effens. Prut totdat die sous begin taai raak en keer die skywe af en toe met 'n houtspaan om. Van die
skywe sal begin sag kook en breek. Hou so aan totdat die mengsel mooi toffiekleurig en taai is. In hierdie stadium kan die
soetpatats met 'n klein bietjie vanielje-geursel gegeur word, indien verkies. Skep in 'n opdienskottel en hou warm. Sit voor saam met braaiboud,
varktjops, geroosterde hoender of gestoofde skaapnek. HOE OM PATATS TE BAK Patats hoef nie stroopsoet gedokter te word
nie. Maar moenie hulle net in gesoute water gaan staan en opkook nie. Maak so: Kies patats wat almal ongeveer ewe
groot is sodat hulle dieselfde gaarmaaktyd sal he. Skrop mooi skoon sonder om te skil. Plaas die patats in 'n oondpan en bak
teen 160C. Bak ongeveer een tot een en 'n half uur lank. Toets met 'n toetspen. Die patats moet in die middel sag wees. Verwyder
uit die oond en Voila!! PATATTERT Hier is 'n plan met oorskiet- gebakte patats. Nie so soet soos die soetpatats
nie, maar geurig en 'n besonderse bykos by braaivleis se boerewors. Selfs deftig by 'n skyf beesfilet en 'n sousie op die
bord by die gestyfde damasktafeldoek vir die meer formele ete! (EK, gebruik sommer gekoopte bevrore skilferkorsdeeg met hierdie
vulsel.) Slegs die helfte van die deeg word vir die patattert gebruik. Suurroom word egter verpak en aangekoop in houers
van 250-275 ml en daarom word 'n dubbele hoeveelheid deeg berei,die ander helfte kan jy vir latere gebruik vries. DEEG: 415 g (875 ml/ drie
en 'n halwe koppie)koekmeelblom 12,5 ml (1 eetlepel) sout 3 ml ('n halwe teelepel) rooipeper 3 ml ('n halwe teelepel)
mosterdpoeier 100 g (100 ml/ 8 eetlepels) koue botter, in blokkies gesny een houertjie (250-275 ml) suurroom VULSEL 3-4 gebakte patats
(lees weer hierbo) 10 ml (2 teelepels) fyn gemmer 3 jumbo- of 4 ekstragroot eiers 125 ml ('n halwe koppie)
dik room 185 ml ('n driekwart koppie) melk 125 ml ('n halwe koppie) groenteaftreksel (gebruik 'n halwe blokkie) sout en peper 5 ml (1 teelepel) borrie 'n halwe fyngerasperde
neutmuskaat 1. DEEG: Sif die meel, sout, mosterdpoeier en rooipeper in die bak van 'n elektriese menger. Voeg die
botter by die meelmengsel en klop 30 sekondes lank met die K-hak by "spoed 2". Verhoog die spoed tot 4 en klop nog
15 sekondes. Verminder die spoed tot 1 en voeg die suurroom by. Klop nog 20-30 sekondes totdat die deeg 'n bal vorm en die
kante van die mengbak skoon is. Keer uit oop 'n meelbestrooide deegplank en druk liggies saam. verdeel in twee dele. Bedek
met kleefplastiek en plaas minstens 30 minute lank in di ekoelkas om te rus voordat die deeg uitgerol word. 2. Voorverhit die oond
by 220C (450F). Rol die deeg uit en voer 'n tertbord met 'n deursnee van 250 mm (10 duim) of effens minder met die deeg uit.
Prik die boom van die deegdop met 'n vurk. Bedek met bakpapier en vul met droebone. Bak 10 minute lank. Verwyder uit die oond
en verwyder die papier met die bone en al. Bak nog 5 minute. Verwyder en laat koud word. Verlaag die oondhitte tot 160C (325F). 3. VULSEL: Trek die
patatskille versigtig af en sny in skywe van 12,5 mm ('n halwe duim) dik. Pak 'n laag patatskywe in die tertdop. Strooi vand
ie gemmer oor. Klop die eiers, room, melk en aftreksel saam en geur met sout, peper, borrie en neutmuskaat. Skep van die eiermengsel
oor om die skywe amper te bedek. Herhaal met nog patatskywe en geur weer met gemmer. Herhaal met van die eiermengsel. Gebruik
al die patatskywe en skep die res vand ie eiermengsel oor om amper die kors tot bo te vul. Bak 35-45 minute lank totdat die
vla gestol en die bokant van die tert mooi goudbruin is. Verwyder uit die oond en laat effens afkoel. Rond af met tamaties
en kruie. Sit louwarm voor. GEBAKTE PATATS 500g Patas geskil en in 1cm blokkies gesny 250ml Vars Room 125ml Melk 1 pakkie Royco Dik
Wit Uie Sop 1 huisie Knoffel - fyngemaak Gemaalde swart peper NOG PATAT TERTJIES (4 klein tertjies van sowat 8 cm in deursnee) Deeg 225 g (400 ml) meel knippie sout 15 ml strooisuiker 125 g wit margarien,
in klein blokkies gesny 30 ml botter, in klein blokkies gesny ongeveer 2 eetlepels koue water Sif die meel en sout
saam in 'n mengbak. Voeg die strooisuiker by. Voeg die margarien en botter by en vryf in tot dit soos broodkrummels lyk. Voeg
die water eetlepel vir eetlepel by en meng tot 'n stywe deeg. Maak toe met kleefplastiek en laat rus in die yskas vir omtrent
30 minute. Vulsel 2 eiers 225 ml melk 500 g patats, gaargemaak, fyngedruk en afgekoel 125 g (150 ml) strooisuiker 1 ml sout 1 ml neutmuskaat 1 ml fyn gemmer 2 ml fyn kaneel nog fyn kaneel om bo-oor
te sif styfgeklopte room, om voor te sit Verhit jou oond tot 200 °C. Rol die deeg uit op 'n meelbestrooide oppervlak.
Sny sirkels uit en voer gesmeerde tertbakkies daarmee. Klits al die vulselbestanddele goed saam en skep in die uitgevoerde
bakkies. Plaas op 'n bakplaat en bak vir ongeveer 35 - 45 minute. Toets die vulsel met 'n toetspen - wanneer dit droog uitkom,
is die tertjies gaar. Laat die tertjies in die bakkies afkoel en keer hulle dan versigtig uit. Sny 'n blaarvormige patroon
uit 'n stuk papier en plaas die papier bo-op die tertjies. Sif kaneel oor en haal die papier versigtig af. Sit voor met styfgeklopte
room. GEBRAAIDE PATATS IN PYNAPPELSTROOP Bestanddele 500 g Patats 1 med Pynappel gerasper 2 e Botter ½ k Bruinsuiker ¼ k Lemoensap 12 Malvalekkers Metode Kook patats in soutwater
en trek die skil af. Maak 'n sous van die res van die bestanddele (behalwe malvalekkers). Verhit die sous bestanddele net
tot kookpunt. Rangskik patat skywe in oondskottel en plaas malva lekkers oor. Giet die sous oor. Bak vir 20 tot 30 minute
teen 180°C. SOETPATAT EN APPEL GEREG 1.5 kg patats (geskil,skyfies gesny) 1 kg appels (geskil,
blokkies gesny) 8 naeltjies 300 ml kookwater 250 ml vars lemoensap 200 g geelsuiker (250 ml) 7 ml gemmer Plaas patatskyfies
onder in kastrol. Plaas appelskyfies bo oor. Voeg naeltjies by. Bedek en stoom gaar, ongeveer 15 minute. Verwyder naeltjies,
giet oortollige water af. Meng patat en appelskyfies deurmekaar. Plaas in 'n gesmeerde vuurvaste bak. Plaas lemoensap,
suiker en gemmer in kastrol. Los suiker op, verhit tot kookpunt. Giet bo-oor patat en appels. Bak 30 minute lank in
voorverhitte oond teen 180 grade C. Dien op saam met gebraaide varkboud of tong. PATATS MET GEMMERKOEKIES: 6 patats 150g bruinsuiker 50ml stroop ½ pak Marshmellows
- gesnipper 250ml room Pakkie gemmerkoekies - fyn gedruk. Kook patats in soutwater tot amper gaar. Meng suiker, stroop
en room. Pak lae patats en koekies, gooi suikermengsel oor. Bak in matige oond tot sous dik word. En MY GUNSTELING PATATS!! 500g patats 1 rol Blaardeeg (ontdooi
in yskas oornag) 1 koppie bruinsuiker 1 koppie room 1 teelepel karamelgeursel of vannillageursel Kook patats sag in
soutwater. Rol blaardeeg uit en maak patats fyn en vou patats toe in blaardeeg. Plaas in oondbak. Meng suiker, room en
karamelgeursel en gooi oor patats. Bak in voorverhitte oond vir so 'n halfuur teen 180 grade Hier's ook ámper
al my DADEL bolletjie-resepte, party bykans dieselfde, so lees en kyk maar, watter een jul wil maak! DADEL HAPPIES 250 g Botter of Margarien 250 ml Suiker 500 g Dadels - fyn
gesny 1 Eier, goed geklits 200 g Marie beskuitjies in stukkies Klapper Smelt suiker en botter oor lae hitte, die mengsel
moet nie verbruin nie. Voeg dadel en eier by en roer goed sodat eier egalig inmeng. Voeg beskuitjies by en meng deeglik. Haal van stoof af en
gooi mengsel in 'n gesmeerde pan van 23 X 23 cm. Stryk plat met 'n mes. Strooi klapper bo-oor en laat koud word. Sny in blokkies
en geniet. Wenk Die Marie beskuitjies kan vervang word met Rice Krispies. Gooi genoeg Rice Krispies in. Rol nou die
mengsel in balletjies. Rol die balletjies in die klapper. DADELBALLETJIES 250 g ontpitte dadels,
fyn gesny 250 g botter 200 ml strooisuiker 4 x 250 ml Rice Krispies 70 g klapper 2 ml koeksoda Verhit die dadels,
botter, strooisuiker en koeksoda in 'n dikboomkastrol tot kookpunt. Roer gereeld. Laat vir 3 minute kook tot dik, bruin en
stroperig. Verwyder die kastrol van die hitte, voeg die Rice Krispies by en meng goed. Laat afkoel. Rol in balletjies en
rol die balletjies in klapper. Bêre in 'n lugdigte houer. (maak ± 48) Nog DADEL EN ONTBYTPAP
BOLLETJIES 1 lb (500gr) Dadels 2 kop Suiker 6 kop Rice Crispies 2 eetlepels gesmelte Botter 4 Eiers geklits Klapper Laat dadels, suiker
en botter saam kook vir 10 minute. Roer goed geklitste eiers by. Kook weer. Voeg rice crispies
by. Rol balletjies en rol dan in die klapper. DADEL EN NET TRUFFELS (Arina v.d. Landbou weekblad
se resep.) 250 g (1 pakkie) ontpitte dadels, fyn gekap 130 g marsepein, in klein stukkies gesny 100 g (1 pakkie) gemaalde
amandels 30 ml heuning 300 g donker sjokolade, fyn gekap Verwerk die dadels in 'n voedselverwerker tot
fyn. Voeg die stukkies marsepein, gemaalde amandels en heuning by en pols tot goed gemeng. Keer uit in 'n mengbak, rol in
ewe groot balletjies en pak op 'n bakplaat. Verkoel tot yskoud. Smelt intussen die donker sjokolade stadig oor lae hitte tot
heeltemal glad. Gebruik 'n vurk om die dadelballetjies in die sjokolade te doop. Lig elkeen uit en laat oortollige sjokolade
goed afdrup voor dit op 'n vel waspapier gepak word om hard te word. Sodra hard, versier die truffels met eetbare goue of
silwer poeier, of drup gesmelte, wit sjokolade daaroor. Pak in papiertruffelkoppies en in 'n mooi, vlak boksie met 'n deksel.
Hou in die yskas. Lewer sowat 35 truffels. DADELROLLETJIES (Uit Anna Eksteen se E-RESEPTE BOEK: VIR DIE
SOETTAND!) 250g botter of margarien 250ml bruinsuiker 1 pakkie Mariebeskuitjies 2.5ml vanilla geursel 15ml kakao
2 eiers, geklits 25g pakkie dadels, fyn gesny 250g pakkie klapper 12.5ml brandewyn (opsioneel) Smelt botter, suiker
en kakao saam oor stadige hitte. Voeg fyngesnyde dadels by. Verwyder van hitte. Laat effens afkoel en voeg die goed geklitse
eiers by. Rol in balletjies en dan in klapper. (Gaan kyk gerus op die RESEPTE bladsy, jul kan daar van Anna se
boeke bestel!) En, MY DADEL-DELIGHTS!(gaan loer gerus in die ARGIEF ook rond...) VRUGTE EN NEUTE HAPPIES.(2
opsies) ½ kp baie fyn gekapte droë mango (of ander droë vrugte) ½ kp gekapte Macadamia's ( of Pekans) ½ tl fyn
kaneel 1kp grondboontjie botter OF 1kp fyn gekapte dadels 1kp fyn gekapte droë appelkose ½ kp fyn gekapte
Pekans ½ kp Macadamias Meng alles baie goed. Rol in balletjies en rol balletjies in klapper of sesamsade. Oor AFVAL en BRON /
SULT: WIKEPEDIA seg: ( Ek het dit bietjie geredigeer!!)Toe die meeste boere self hul vee geslag het was dit gebruikliker
om die slagoorblyfsels vir geregte aan te wend, soos beestong, skaaptongetjies, bees- en skaapderms, harslag (gemaalde of
in klein stukkies gesnyde longe, hart en lewer; soms ook milt of niertjies), 'peertjies' ('n hoefdier se testikels), beessnoet,
skaapharsings, die netvet, soetvleis (sweserik), beesstert en dies meer. Wanneer skaapafval met die kop berei word, saag
'n mens eers die kop oop en sit die harsings in die kleinpensie (ritikulum, ook harsingpensie, heuningkoekpens of ruitjiespens
genoem) sodat jy dit met die kop, pens en pootjies in die afvalpot kan laat prut. Party mense verkies
hul afval met uie, aartappels en naeltjies. Party mense voeg borrie, kerrie, kortgekookte uie, wonderpeperkorrels, lourier,
suiker en sout by. Dit maak 'n pot kerrieafval. Bereiding Teneinde die pens sag te kry en die misgeur
te laat verdwyn, kook 'n mens hom eers 'n halfuur in 'n aparte pot kookwater met sowat 2 ETL asyn(hierdie proses word afwater
genoem), waarna jy hom met die res van die afval laat prut. Afval neem omtrent 3 tot 4 ure se prut om gaar te wees; Die vleis
is dan murgsag en dit val van die bene af. As die vleis sag is word die skedelbene, pote en kake uit die
pot gehaal, die vleis word in kleiner stukkies gesny waarna die vleis terug in die pot gesit word. Dan word die speserye en
uie aan die afval toegevoeg en word dit 'n halfuur gekook, terwyl 'n mens dit goed roer om te verhoed dat dit aanbrand. Afval lyk na 'n dik,
klewerige, ryk bredie. Dit behoort goed lymerig te wees, aangesien die binnegoed van die onderste lit baie lymstof -- kollageen
-- en gelatien bevat. As die afval heeltemal afgekoel is, stol dit. Dit is baie belangrik dat die afval goed skoongeskraap
is voordat dit gekook word. Die pootjies se harde naeldeel van die kloutjies moet afgehaal word, die kop en pootjies se hare
moet met koeksoda of kalkwater afgeskraap word. Die pootjies moet tot by die eerste lit tussen die kloutjies ingesny word
om die kliertjies te verwyder. Veral pens kan die afval 'n wilde smaak gee indien dit nie goed skoongemaak is
nie. Deesdae word afval in die supermarkte en by slagters -- verbruikersvriendelik -- skoon en wit afgelewer
of verkoop. Sult Kommersieel word Van varkkop en varkpote of beespote ook sult berei. Hierby word
die vleis met met lourier, naeltjies, sout en peper gekook, dan word dit gemaal (sonder die lourierblare) en by die dik, lymerige
sous teruggesit. Dan stol dit in 'n bakkie in die yskas. Soms is die sult te dik; in dié geval word die sult weer opgewarm
en word daar water bygevoeg. KERRIESULT (Peter Veldsman) (12 porsies) 2,5 kg beesskenkels,
gewas 1 beespoot, gewas 2 varkpote, gewas 4 lourierblare 20 peperkorrels 3 vet knoffelhuisies, gekneus en geskil 3 groot uie, oorlangs
(in die lengte) gehalveer, geskil en gekap 30 ml olie 50 ml matige kerriepoeier 375 ml asyn gemaalde peper na smaak 10 ml fyn koljander 20 ml sout 10 ml borrie 30 ml sagte bruinsuiker 30 ml appelkooskonfyt 1. Plaas die
skenkels en pote in 'n groot kastrol, bedek met koue waster en verhit tot kookpunt. Blansjeer die vleis en pote vir drie minute,
verwyder en druk droog. Gooi die blansjeer-water weg. 2. Skep die vleis en pote in 'n groot kastrol en bedek met
koue water. Voeg lourierblare, peperkorrels en knoffel by. Verhit tot kookpunt, verlaag hitte, bedek en prut 3-4 uur of totdat
alles sag is. Laat afkoel, skep vleis en pote uit en laat koud word. Behou die vloeistof. 3. Braai uie
in olie tot sag en deurskynend, maar nie bruin nie. Strooi kerriepoeier bo-oor en roerbraai vir 2-3 minute. Voeg asyn bietjie
vir bietjie by sodra dit lyk of die kerriepoeier wil aanbrand. Roer elke keer goed deur. Voeg die res van die bestanddele
by, verhit tot kookpunt, verlaag hitte en prut 5 minute lank. 4. Verwyder bene, sny die vleis kleiner of kap of maal dit
fyn, na gelang van hoe grof of fyn jy van jou sult hou. Skep die vleis by die kerriemengsel en voeg van die behoue vloeistof
(waarin die vleis gekook is) by sodat die vleis net-net met vloeistof bedek is. Prut een uur lank en roer af en toe deur.
Indien nodig, kan nog van die behoue vloeistof bygevoeg word. 5. Giet die mengsel in 'n ge-oliede vorm, bedek met kleefplastiek
en bêre in die yskas om te stol. 6. Keer die sult uit en sny dit in skywe. Sit voor met 'n tamatie-en-komkommer-sambal,
slaphakskeentjies en lekker vars brood. 'n Wen-reseppie vir SULT: ('n Wyle terug vir my ingestuur deur 'n anonieme
leser) Sowat 1,5 kg skenkelvleis en 4-5 skaaptongetjies, in 'n pot geplaas met 'n koppie droë witwyn en net genoeg water
om die vleis te bedek. Hierby kom 'n ui, twee wortels en twee selderystingels wat grof opgesny is, takkies roosmaryn, tiemie
en pietersielie, 'n paar heel swartpeperkorrels, naeltjies en sout na smaak. Onthou net dat heelwat sout gebruik kan word,
want die sult word koud geëet, en dit demp dan die geur van die sout. Prut nou die pot so twee uur, totdat die vleis
maklik van die bene afval. Haal die vleis uit en laat afkoel.Verwyder alle bene. Laat die vloeistof in die pot nog 15 minute
lank vinnig kook. Dit is jou eie keuse of jy die velletjies van die tongetjies wil afhaal. Vir my pla hulle nie, want
hulle kook nogal baie sag. Maar dalk verkies diegene met 'n fyner palet om die moeite te doen.(Ek, Retha, trek dit af, die
velletjie maak die bron moeilik snybaar in sy koue vorm, en dit hoort eintlik af! ) Sny die tongetjies in skywe, plaas die vleis
in 'n bak waarin jou sult gaan set, óf 'n broodpannetjie, óf 'n poedingbak. Giet eers die vloeistof
waarin die vleise gekook het deur 'n vergiettes en dan nog 'n keer deur 'n baie fyn sif. Jy wil ontslae raak
van enige stukkies wat ronddryf en as dit goed gesif is, gaan jy 'n helderbruin sous hê, eintlik nes consommé.
Daar behoort omtrent 'n koppie en 'n half hiervan te wees. Omdat die bene wat ek hier gebruik het, nie veel gelatien afskei
nie, moet 'n bietjie kits-gelatien bykom. Hiervan neem ek drie teelepels en meng dit in 'n bakkie met 'n halwe koppie water.
Dit staan so 10 minute om sag te word - dit stol eintlik heeltemal - en dan voeg ek dit by my steeds warm vleissous. Roer
goed deur, proe of jy dalk nog sout nodig het en giet die sous oor die vleismengsel. Plaas dit in die yskas en binne ses tot agt
uur behoort dit goed gestol te wees. Oornag is die beste. Om die sult uit die bak te kry, gly ek 'n mes om die rand van
die sult en ek plaas die bak 'n paar minute in warm water. Hou dan 'n bord oor die bak, draai dit om, en die sult behoort
sagkens uit te val. As dit nie wil nie, sit dit net weer in warm water. Nog 'n variasie is : STERT en TONG SULT Hiervoor gebruik jy
'n kilogram en 'n half osstert, 'n gepekelde beestong, een varkpoot en drie beesmurgbene. Plaas in 'n groot pot
met genoeg water om dit te bedek en met dieselfde groente en geurmiddels as hierbo. Laat nou drie uur prut. Haal die tong en beesstert
uit, gooi die varkpoot, murgbene en groente uit en giet die sous soos in die vorige resep. Plaas die sous weer
oor die hitte en voeg 'n halfbottel rooiwyn daarby. Laat dit vinnig kook totdat die sous met die helfte afgekook is. Haal intussen die vleis
van die stert af, trek die vel van die tong af en sny die tong in blokkies. Giet dan die sous oor die vleis totdat die vleis net-net
bedek is. Weer yskas toe en laat dit stol. KERRIESULT: 3kg beesskenkels (ék
gebruik ook graag 'n mengsel van vark-pootjies ("Trotters") "Eisbeins" en skaap-skenkels! ) 15ml swartpeper
en sout 3 middelslag uie 30ml sonneblomolie 30ml kerriepoeier 15ml borrie 375ml bruinasyn 30ml appelkooskonfyt
of perskeblatjang 2ml gemaalde koljander Bedek die vleis met koue water, geur met sout en peper en prut
tot baie sag. Skil die uie en sny dit in skywe. Verhit die olie en soteer die uie, kerriepoeier en borrie daarin. Voeg die
res van die bestanddele by die kerriemengsel, verhit stadig tot kookpunt en laat afkoel. Ontbeen die vleis en sny dit in klein
stukkies op. Voeg die kerriemengsel by die vleis en prut dit 'n uur lank. Giet dit in 'n nat bak en laat afkoel. Bedek die
bak met kleefplastiek en plaas die sult in die yskas om te stol. Dit kan tot 2 weke in die yskas gebêre word. LET WEL: Sult moet nie te styf
wees nie. As dit die geval is, smelt dit in 'n groot kastrol oor matige hitte en vog nog kookwater by. Proe daaraan of dit
ekstra smaakmiddels nodig het voordat dit weer gestol word. En Jacques van PE het die volgende hieroor in
'n ou WEG gesê: Daar is n groot verskil om bron en afval gaar te maak. Bron/sult kook mens vark pote en beesvleis saam
met al die fieterjasies (spices) as dit gaar is maal jy dit soos verkies word (grof of fyn). Daarna meng jy alles goed en
sit omtrend dieselfde hoeveelheid koue water by. Sit dit dan in n plat bak in die yskas - oornag. Die volgende oggend krap
jy net die vet-lagie wat gevorm het af. Afval - dis hoe! 2kg afval, 1 kg beespens. Sny al die vleis en
velle van die skaapkop af (as die kop nie in die oond gebak gaan word nie), sny alles including die pens, behalwe die blaar
pens waarin die brein moet kom in bitesize chunks. Braai 2 uie to bruin, haal uit gooi so 10 naaltjies, en 6 lourierblare,
10 heel swart peper korrels in die pot, sodara mens die spices begin ruik, gooi 3 eetlepels lekker sterk kerrie by en so 2
koppies kook water - staan terug want die kerrie dampe en stoom gaan jou treef. Gooi die skaap afval en beespens in dit pot.
Gooi so 3 etlepels borrie in, n halwe koppie bruin asyn, sout, woestersous, en 2 lepel braaivleis speserye. Laat dit stoom vir
so 45 minute kook in die stoompot. as dit daarna nog taai is stoom vir nog 20 min, Gooi dan 6 artappels saam met die gebraaide
uie in en laat stoom vir nog 20 minute. Meng 4 eetlepels Mezina met 500ml room en gooi dit by. Roer terwyl dit kook en die
sous lekker dik is. Tadaaaaaaa! En ag, terwyl ek besig is, hier is sommer nog iets waarvan jul
dalk sal hou! (Ook uit 'n ou Landbou Weekblad. Het jul ook boeke en boeke vol uitgeskeurde wenresepte, uit al wat
tydskrif is en oor die jare bymekaargemaak? Dan word party met sterretjies of regmerke of "Dis 'n wenner"
of met 'n glimlag in al die kleure van die reënboog gemerk, met penne of kryte (toe die kinders nog klein was!!) wat
op daardie tydstip in die kombuis rondgelê het!) 'n SKON-bêremengsel 1 kg bruismeel 12 ml bakpoeier 3 ml sout 175 ml botter Sif die meel, bakpoeier
en sout saam. Vryf die botter met jou vingerpunte in tot krummelrig. Skep in 'n droë, gesteriliseerde fles of houer en
verseël lugdig. Etiketteer en bêre in die yskas. Gebruiksaanwysings Vir elke 3 koppies (750 ml) skon-bêremengsel: Klits 1 eier en 150
ml karringmelk saam. Voeg by die droë bestanddele en sny in tot klam krummels vorm wat aan mekaar vassit. Druk bymekaar
op 'n meelbestrooide oppervlak en druk skons uit. Bak vir 15-20 minute teen 220 °C tot goudbruin en gaar. Lewer ongeveer
nege skons. Vir elke 6 koppies (6 x 250 ml) skon-bêremengsel: Klits 2 eiers en 300 ml karringmelk saam. Voeg
by die droë bestanddele en sny in tot klam krummels vorm wat aan mekaar vassit. Druk bymekaar op 'n meelbestrooide oppervlak
en druk skons uit. Bak vir 15-20 minute by 220 °C tot goudbruin en gaar. Lewer ongeveer 18 skons. EN : Neutelekkers en heuningkoek Die groot geheim by
albei hierdie resepte is om te sorg dat die suiker heeltemal opgelos is vóór die mengsel begin kook en dat daar
geen suikerkristalle teen die kastrol se rante of teen die lepel vassit nie. Kook die mengsels tot goudkleurig, amper 'n diep
karamelkleur, voordat die koeksoda bygevoeg word. NEUTELEKKERS 375 ml suiker 125 ml vloeibare glukose Knippie sout 60 ml water 625 ml lig geroosterde,
gemengde neute, grof gekap 5 ml vanieljegeursel 5 ml koeksoda Spuit twee vlak foeliebakkies van 20 cm x 20 cm goed met kleefwerende
kos-sproei of smeer met botter. Hou eenkant. Verhit die suiker, glukose, sout en water baie stadig oor lae hitte terwyl aanhoudend
geroer word tot ál die suiker opgelos is. Was enige suikerkristalle van die kante van die kastrol met 'n nat kwassie
af. Verhit die helder stroop tot kookpunt en kook, sonder om te roer, tot die sagtebalstadium (238 °C op 'n suiker termometer).
Jy kan die kastrol liggies kantel om te verseker dat die stroop eweredig kook en verkleur. Sodra sagtebalstadium bereik word,
roer die neute by en kook verder tot die mengsel 'n diep goue kleur het. Verwyder van die hitte en roer versigtig (dit sal
baie bruis) die vanieljegeursel en koeksoda by. Klop die mengsel deur en giet dadelik in die foeliebakkies. Laat heeltemal
afkoel en breek in kleiner stukkies. Verpak lugdig (in 'n glasfles of 'n bakkie wat dig seël) en bind 'n mooi strik met
'n etiket om. Genoeg vir vier mense. HEUNINGKOEK 375 ml witsuiker 90 ml heuning 30 ml botter of margarien 5 ml koeksoda Verhit die suiker en
heuning stadig oor lae hitte terwyl aanhoudend geroer word tot ál die suiker opgelos is. Was enige suikerkristalle
aan die kante van die kastrol met 'n nat kwassie af. Voeg die botter of margarien by, verhit tot kookpunt en laat prut, sonder
om te roer, tot die mengsel 'n diep goue kleur het. Verwyder van die hitte en roer die koeksoda by. Die mengsel sal borrel
en bruis. Gooi dit dadelik op 'n gesmeerde bakplaat uit en laat staan tot heeltemal koud en hard. Breek in stukke en verpak,
of doop die stukke in gesmelte, donker sjokolade en laat hard word voor dit verpak word. Genoeg vir twee mense. En aangesien dit nou
SOMER by party van julle is, hier is 'n heerlike SUURLEMOENSTROOP / SUURLEMOEN LEMONADE resep! 500 ml vars uitgedrukte
suurlemoensap Fyngerasperde skil van 1 suurlemoen 750 ml witsuiker Verhit ál die bestanddele baie stadig
saam oor lae hitte terwyl aanhoudend geroer word tot ál die suiker opgelos is. Verhit tot kookpunt en prut vir so
2-3 minute. Verwyder van die hitte, giet in gesteriliseerde bottels en verseël goed. Bêre die stroop
in die yskas en verdun met koue water of sodawater soos nodig. Lewer ongeveer 500 ml stroop. WENK: Plak etikette
op en gee dit as geskenk saam met 'n mooi stel koeldrankglase. Hoop jul het b.s. geniet! Wil jy soms net verdwyn?
Wel jy het nie towerkrag daarvoor nodig nie, al wat jy nodig het is 'n Bestemming! Beste groete, R. Sondag. 13 Junie. Die Sondag vóór VADERSDAG. Dis 'n Son-stil windlose dag, met rimpellose
Gariepwaters wat rustig en diep voor ons nuwe breë omtraliede-stoep verbyvloei. So nou en dan dryf 'n afgebreekte droë
rivier-riet verby. Geduldig
en gedweë volg dit die rivier se stroom, hak hier en daar vas, hang so bietjie skuins en nes jy dink dit het vasgesteek
kom dit moeiteloos vry en dryf verder. Verby die nou reeds goudgeel Wilger met sy klein skalie-strandjie op die oorkantste
oewer, kom dan lui-lui skuins na ons oewer oorgedryf, verby die Dextertjies wat staan en waterdrink, verby die pompstasie
vanwaar buur-boere waterpomp, om nuwe lande voor te berei na die huidige mielieoes gestroop is. Verby my Skolliehond ('n Skaap-kollie,
Kelpie, met die naam SKOLLIE) wat blaffend 'n entjie saam met die drywende riet wil draf. Verby die droë boomstamme op
die oewer waarlangs ons huisie staan. Verby en half onderdeur die oorhangtakke van die reuse Blink-blaar Wag-'n-bietjie, waarin
drie katte uitbundig en rats baljaar sonder om in die water te beland! Ons sit en teug welbehaaglik aan 'n koppie tee en sit gemeensaam en
kyk na die rivier se vloei op hierdie wonderskone Goddelike dag. En my siel is in my, stil. Binne in die blink vlek-vrye staal, gas-spitbraaiertjie, draai 'n
BLESBOKBOUD. Aan
die agterkant pik 'n bruin, wit en swartvaal Spekvretertjie kort-kort fladderend na sy eie weerkaatsing, onafgesit deur die
hitte, draaigeluid of reuk van gaarwordende vleis. 'n BLESBOKBOUD, ALA seun SW, gestop met knoffel, stukkies gerookte spek-en-kaasworsies en takkies roosmaryn. Goed
gegeur en dik gesmeer met appelkooskonfyt. In die oond is 'n oondbak vol skywe patats, met 'n ruim porsie stroop oorgegooi, daarna gestip met
klontjies botter, en dan kom nog 1 kp room bo-oor. (As jy nie room wil gebruik nie, meng 1 kp ongegeurde jogurt met 3 tl kondensmelk.)
Dit word alles liggies met kaneelsuiker bestrooi en bak nou stadig @ 180 grade C vir sowat 1 en 'n half uur, tot die patats
gaar is en die sous mooi bruin soet en taai gekarameliseer het! As die vleis nog nie gereed is nie, en jy jou lus kan beteuel
om langer vir die patats te wag, gooi so half koppie hanepoot of appel Liquifruit oor patats en bedek met foelie om te keer
dat dit in die oond uitdroog... Ek gaps gewoonlik 'n bakkie vol as voorgereg... Saam met die vleis en patats kook ek die laaste vars Spinasie uit
die tuin voor die wintersryp dit gaan afmaai. Sit hierby 'n tamatie-sambal as slaai, en wat meer kan jy voor vra!
Poeding? Eet nóg
'n skeppie patats saam met 'n klein lepeltjie roomys wat so oor die warm patats insmelt... (Oe! Het ek verklap ek's mal oor
patas? !!) En op hierdie soete noot, groet ek en wens jul toe 'n rustige welbehaaglike
dag!! Maandag. 7 Junie. BLOU beslis nie! SJOKOLADE-BRUIN, Dis wat!! Liewe Lesers! So ‘n wyle terug het ‘n leseres,
Hannie, geskryf: Ek
soek die resep wat 24 april 1992 geplaas is vir ouma anna se Sjokoladekoek ! Wel, ek hét gesoek en ons Webmeester
het, na ek gevra het hy moet in onse groter ARGIEF gaan loer, geantwoord: Ek sou vreeslik trots gewees het as ons al 18 jaar op die lug was.
Kammanuus en Onsdorp, bestaan egter slegs van vroeg die huidige eeu. Ek sal gaan soek maar sy sal met n meer akkurate
jaar moet kom. Groete, Hendrik
Greeff So, toe dag ek, Hannie, ek sal vir jou én ons ander lesers gaan soek na die béste en mees gewildste SJOKOLADE KOEK RESEPTE !! Party van hierdie resepte is deur my uitgetoets ander nie, (ek het
bygeskryf!)Party is baie soortgelyk met net hier en daar 'n verskil, maar ek plaas dit nogtans. Ek het die resepte uit boeke, tydskrifte,
van tantes, susters, niggies, vriendinne en oorge-erf-tes gekry, party tot op Facebook raakgelees! Party het op meer as een plek voor gekom
dus neem ek aan dis plagiaatvry en baie gewild, en reeds male sonder tal geserkuleer, juis om daardie rede gee ek dit hier ook weer vir die wat dit
nog nie het nie! Omdat soveel al, soveel male, van hand tot mond en andersom aan mekaar oorgedra is, weet ek regtig nie, WIE meer die
oorspronklike skrywers daarvan was nie, so indien dit jou ma of tannie of vriendin se resep is, laat weet gerus en ons kan dit
gerus ook byvoeg! En
jul kan natuurlik ook vir my JUL gunsteling resepte aanstuur, wie weet, as die reaksie goed is, skep ons dalk 'n eksklusiewe SO MAAK MENS-SJOKOLADEKOEK RESEPTEBOEK!! Sorg net dat jou naam, en kort beskrywing
vanwaar jy die resep het, en waarom dit spesiaal is, by is! En ja, natuurlik kan ek nie naastenby al die resepte vir sjokoladekoek hier weergee nie, vergewe my
dus as die een wat jy nog soek nie hierby is nie! Vra gerus en ek soek dit vir jou! Die MILOENERS-RESEP laat ek aspris weg, want dis wraggies net té
dekadent om gereeld te wil bak!! Party dinge moet mens mee suinig te werke gaan...! Maar as jul mooi vra...ek bewaar my TANT COBA se MILJOENERS SJOKOLADE
KOEK vir spesiale dae..! So Hannie, belees elk van die volgende en seg my: Was dit dalk een van hierdie resepte, waarna
jy gesoek het? Hierdie een was al op die werfie,
een van Esme en Jan se oorspronklike resepte !! 3 MINUTE SJOKOLADE KOEK 3etl Kakao 2 eiers 1/3k sagte botter 3 t Bakpoeier 1 3/4k Meel 11/3k Suiker 1/2t Kaneel 1/2k Melk 1 t Vanilla
of 2t Kitskoffie Meng droë bestanddele saam. Vryf botter in en voeg melk by. Meng alles goed deur. Bak vir
40min in gesmeerde koekpan. My seun SW, se selfbak-gunsteling resep: RASSIE SE MIKRO SJOKOLADEKOEK RESEP ! Rassie, sy nefie
en die se niggie, Retha, is saam op 'n Nuwejaarsdag, oppad na ons toe in 'n motorongeluk oorlede. Rassie het altyd die koek Sondag aande gebak, om
Maandae saam te neem koshuis toe. Na sy dood het my seun SW dit graag vir homself vir die koshuis begin bak! Dus, om verskeie
redes, 'n familie gunsteling!) MENG : 1 kp meel 2 en 'n 1/2 tl bakpoeier 1 kp suiker knippie sout. KLITS vir 30 sekondes: 1 kp kookwater 3 Etl Kakao 1 tl vanilla 2 groot eiers Meng nou alles. Klits weer .Gooi in 'n ringpan
wat met handdoek-papier uitgevoer is. Bak 6 min op HOOG. Haal uit, laat staan rukkie, keer uit, trek papier af, versier mildelik met karamel kondensmelk! KARRINGMELK SJOKOLADEKOEK 2 kp. meelblom. Voeg droë bestanddele om die beurt met
melk by. Voeg vanielje by. Bak vir 20 - 30 minute ( of bietjie langer ) teen 180 Grade C. Wenke: Gooi 15
ml wit asyn of suurlemoensap in 'n maatbeker en vul die melk aan tot 250 ml.Laat staan vir 5 minute en gebruik soos die karringmelk in die resep. OF verhit
25o ml melk effens in die mikrogolf. Voeg 22,5 ml (1.5 eetlepel) suurlemoensap of 20 ml wit asyn by die melk en meng goed. Laat dit
staan tot die mengsel afgekoel het. Maak jou gewone sjokolade botter versiersuiker
- net baie slap en loperig. Voeg kersies en neute by die versiersel. ANITA de VILLIERS se SJOKOLADEKOEK al die botter gesmelt het. Voeg dit by die
meelmengsel en roer goed deur. Klits die eiers liggies met 'n vurk en voeg by. Voeg die karringmelk, koeksoda, vanilla en
kaneel by. Roer tot alles goed gemeng is en gooi die beslag in 'n gesmeerde reghoekige glasbak (33x23x5cm). Bak in die
voorverhitte oond by 180 grade vir 30-40 minute of tot die koek gaar is. van die versiersel oor die koek smeer.) Sif die droë bestanddele saam, voeg
dit by die eiermengsel en meng goed. Klits die eierwitte styf en vou dit by die mengsel in. Voeg laastens die vanilla by. Gooi die beslag
in die glasbak en bak dit vir 35 minute of tot gaar. Dis 'n klein resep - ideaal vir 'n ringpan,
1 enkel ronde- of vierkantige koekpan. Meng die eiergele,
olie, suiker en vanilla. Meng die kakao hierby in. Vou hierdie mengsel by die droë bestanddele in die mengbak en meng goed.
Klits die eierwitte tot styf, en vou dit liggies by die beslag in. Versier die koek na jou keuse. Mikrogolf dit op medium-hoog (80%) vir 10-12
minute. PETRO vd WESTHUIZEN se SJOKOLADEKOEK. 125 g botter Roer eenkeer
om. Laat koud word by kamer temperatuur. Sif droë bestanddele saam. Meng met verkoelde mengsel en voeg eiers by. Die mengsel
moet glad wees. Gooi in koekpan en kook onbedek vir 10 minute. Bedek en laat staan vir 10 minute in mikro. OONDPAN SJOKOLADEKOEK (1) 250 ml (1 koppie) warm water 125 ml (halwe
koppie) kakao 1 koppie olie 2 koppies suiker 6 eiers 1 teelepel vanilla 2 koppies bruismeel 4 teelepels
bakpoeier knippie sout Smeer 'n oondpan goed. Meng kakao en warm water, laat afkoel. Sif die bruismeel,
sout en bakpoeier. Klits suiker, vanilla en eiers vir 10 minute (ja 10 min) dit baie belangrik !! Voeg olie en
kakaomengsel by die suikermengsel en klits net deur. Vou dan die meelmengsel by. Bak vir 40-45 minute by 180 grade. Sous : 1 en half koppie
suiker 1 en half koppie water 3 eetlepels kitskoffie 1 teelepel vanilla Kook als saam. Terwyl die
koek in die oond is moet die sous vir ten minste 5 minute kook. Ek maak die sous 1 en half keer aan. Dit maak die koek net lekker nat. Sodra die koek uit die oond kom moet die
kokende sous stadig oor die warm koek gegiet word. Dit trek sommer dadelik in. Om die rante van die koek werk baie stadig
sodat dit teen die rante ook kan inloop. OF jy kan die koek eers laat afkoel, keer die koek dan om op 'n skinkbord
en giet die warm sous dan oor. Klits 250 ml room (Orley-whip werk beter want dit klits stywer) en 1 (of 'n half blikkie)
karamel kondensmelk saam. Hang af of jy dit soet wil hê of nie. Smeer dit oor die koek en versier met sjokolade
splinters, krulle of sommer 'n gebreekte “Flake.” MARITHA de BEER se SJOKOLADEPANKOEK (2) ‘n wenner van my eie keuse!! (Huisgenoot
Wenresepte 3) Hierdie
koek is heerlik - GENIET DIT! My kinders noem dit sommer DAM-KOEK, want as ons piekniek gaan hou het by die dam, het ek dit gebak
en net so in die oondpan saamgeneem, dit blokkies gesny en elke blokkie het 'n rooi kersie in gekry! Was hulle mal
oor my! 500 ml witsuiker 500 ml bruismeel 2 ml sout 250 g botter/margarien 250 ml water 75 ml kakao
- gesif 2 eiers - effens geklits 125 ml karringmelk 5 ml koeksoda 5 ml vanieljegeursel 2 ml kaneel BOLAAG: 1/2 pak versiersuiker
- gesif 125 ml kakao - gesif 80 ml margarien - gesmelt 75 ml karringmelk (of melk met suurlemoensap) Oond 180 ºC Smeer oondvaste
bak. Sif suiker, meel en sout saam. Verhit smeer, water en kakao saam tot kookpunt. (Ek doen dit sommer in mikrogolf) Giet warm mengsel
oor gesifte bestanddele en meng. Voeg eiers, karringmelk, koeksoda, geursel en kaneel by en klits tot glad. Giet beslag
in bak en bak koek in oond 30 - 40 min - tot gaar. Meng bolaag 'n rukkie voor koek uit oond gehaal word. Meng versiersuiker,
kakao, smeer en karringmelk. Skep liggies oor warm koek en smeer ewerig met agterkant van lepel of mes. Laat afkoel en sny in blokke. “Pyrex”-bak
ipv. oondpan kan ook gebruik word en dit is nie nodig om koek uit te keer nie. Bedien dit net so uit die bak uit. Ek maak die
resep DUBBEL aan as ek my groot oondpan gebruik. AMARULA SJOKOLADEKOEK 60 ml Kakao 125 ml kookwater 3 eiers 220 ml suiker 60 ml olie 250 ml koekmeel 10 ml bakpoeier 2 ml sout STROOP 200 ml suiker 250 ml water 60 ml Amarula-likeur
(of sterk swart koffie!) 1 blik karamelkondensmelk styf geklopte room vir versiering Flake-sjokolade Stel oond op 180
grade Celsius. BESLAG: 1. Meng kakao met kookwater en laat dit afkoel. 2. Klits eiers, suiker en olie saam, voeg
koue kakao-mengsel by en meng deeglik. 3. Sif res van droë bestanddele by en meng goed. 4. Skep
in 22 cm x 30 cm-pan en bak ongeveer 20 min. of tot toetspen skoon uitkom. STROOP: 1. Kook suiker en water saam vir 5 minute
en verwyder van stoof en voeg Amarula by. Roer goed. . 2. Prik koek met ‘n vurk sodra dit uit die oond kom en gooi
warm stroop oor. VERSIER SO: 1. Laat goed koud word, verwyder uit pan, smeer karamelkondensmelk en styf geklopte
room oor. 2. Versier met Flake indien verkies (nie Pepperment Crisp nie, want dit belemmer die smaak). Dis ‘n
heerlike klam koek wat lekker klam bly. WENK: Meer Amarula kan gebruik word indien verkies.(Peterjassie resepte) 'n HUISGENOOT SJOKOLADEKOEK, van jare terug – VLOOI, van Bak en brou, se persoonlike wenner!) 50 g (125ml) Kakao – gebruik soms minder,
anders is die koek te donker. Verhit die oond tot 190° (375F). Smeer
die laag panne van 23cm in deursnee. Meng die kakao en kookwater (pasop dat dit nie brand nie). Smelt botter in die kookmelk. Voeg kakao
en vanielje by. Klits die eierwitte in ‘n groot mengbak, tot styf. Klits strooisuiker bietjies by. Klits tot die mengsel romerig is. Sif meelblom
en bakpoeier en sout saam, oor die eiermengsel. Vou dit liggies in. Voeg kakao en gliserien by en vou dit ook liggies in, tot dit goed gemeng is. Gooi deeg
in panne, stamp die lugblasies uit. Bak vir 20-25 min, of tot die koek aan die rand van die panne lostrek. 4 eiers, 1½k suiker, ½ t vanielje geursel Klits die bestanddele
baie goed saam Meng 2k meel, 60ml kakao, 15ml koffie poeier, 5ml sout, 20ml bakpoeier goed saam en voeg ook by eier en melk mengsel. Bak die koek
vir 35min by 180°C in 'n groterige tert bak. 1 k Koekmeelblom 1 k Suiker
of Strooisuiker ½ t Sout 1 k Lou Water 1 t Vanieljegeursel 9 e Versiersuiker 1 Eier of bietjie water Sif die droë
bestanddele saam. Klits die water, olie en eiers saam. Voeg die vloeistof by die droë bestanddele en klits tot gemeng. Voeg vanieljegeursel
by en klits tot gemeng. Giet beslag in mikrogolf bestande houer. Bak vir 6 minute teen 100% krag. Klits al die
bestanddele van die versiersel saam. Versier die koek. Gooi klapper of sjokolade flenters oor die koek. KOEK: 375 ml Meel SOUS: VERSIERING: Gebruik die heerlike nuwe sjokoladekoekmengsel
-in-'n-pakkie of u eie gunsteling- resep. Vervang egter die vloeistof wat u in die koekbeslag gebruik deur
vars lemoensap en voeg 1 E (15 ml) gerasperde lemoenskil by. Indien jy die koekmengsel gebruik,
bak die koek in die gewone oond in 2 x 20- cm-koekpanne. Vulsel en Bolaag: 1/2 K (125 ml) vars lemoensap
1 E (15 ml) suurlemoensap 1/2 E (7,5 ml) gerasperde lemoenskil 1/4 K (62,5 ml) suiker 1 E (15 ml) mielieblom knippie sout 2 E (30
ml) Van der Hum-likeur (opsioneel) 1 K (250 ml) room 2 lemoene, geskil en huisies versigtig uitgesny. Verhit
lemoen- en suurlemoensap en voeg skil by. Meng suiker, mielieblom en sout. Voeg by die sappe en kook tot dik. Voeg likeur
by en laat heeltemal afkoel in yskas. Klop die room tot styf met 1 E (15 ml) ekstra suiker. Gebruik 1/3 van die room tussen
die koeke, smeer die volgende 1/3 bo-oor en spuit roomrosies rondom met die laaste 1/3. Meng die lemoenskyfies met die
afgekoelde lemoenbolaag en rangskik mooi bo-op die koek. Gooi die res van die mengsel bo-oor. BETH ALLEN se SJOKOLADE-“BROWNIES” (WEG) Só maak jy! Weg sê: Raak spoggerig en sif ’n bietjie versiersuiker
oor voordat jy dit voorsit! ALTYD SUKSESVOLLE SJOKOLADEKOEK 4 eiers, geskei 375ml suiker 125ml olie 200ml kookwater 375ml koekmeel 125ml kakao 15ml bakpoeier 10ml vlapoeier knippie sout 10ml vanieljegeursel. VERSIERSEL: 125ml sagte botter 500ml versiersuiker 30ml kakao 25ml melk 5ml vanielje
geursel Voorverhit die oond tot 180ºC. Klits eiergele en suiker saam tot lig en romerig. Meng olie en
water en roer geleidelik by eiermengsel. Klits saam. Sif droë bestanddele en roer by eiermengsel. Klits eierwitte
styf en vou in. Roer vanilla by en meng goed. Skep beslag in 2 gesmeerde panne of oondpan en bak vir 30-40 minute.
Laat afkoel. Meng als vir versiersel en versier. Vir
wit koek kan kakao uitgelos word en bietjie meer meel gebruik word. Vir Vla koek word versiersuiker vervang met dik vla 750ml bruismeel 60ml kakao 7ml koeksoda 312,5ml strooisuiker 60ml goue stroop 3 eiers 300ml olie 300ml melk VULSEL 200g wit of bruin melksjokolade 125ml room 15ml kitskoffiekrummels
opgelos in 20ml kookwater 50g bruin melksjokolade, fyn gekap 150ml versiersuiker VERSIERSEL 75g botter 100g bruin melksjokolade 500ml versiersuiker 50ml melk Voorverhit die oond tot 160°C. Smeer
‘n vierkantige koekpan met margarine en voer uit met waspapier. Sif die bruismeel, kakao en koeksoda en strooisuiker
saam in ‘n groot mengbak. Plaas die stroop, eiers, olie en melk in ‘n groot mengbak. Klits goed. Voeg dit by
die droë bestanddele en klits 2min of tot gemeng. Giet in pan en bak 60-65min of tot gaar. Keer uit op ‘n draadrak
en laat afkoel. Plaas koek op ‘n gelyk oppervlak. Meet 4,5 cm van onder met ‘n liniaal en merk met peuselstokkies
reg rondom die koek. Sny boonste deel van koek af en sit eenkant. Meet ‘n 4cm rand reg om die koek en
merk weer. Sny die vierkant in die middel uit, maar moenie die koek tot onder sny nie. Behou die bodem. Berei die vulsel.
Smelt sjokolade teen 70% krag in mikrogolf. Roer elke minuut want blokkies behou vorm. Voeg die room en koffie by. Klits 5min lank
met draadklitser tot mengsel verdik. Voeg gekapte sjokolade by en meng. Sif versiersuiker by en meng goed. Skep in uitgeholde
koek. Plaas boonste laag terug en verkoel sowat ‘n ½ uur lank. Berei versiersel. Smelt botter en sjokolade. Voeg versiersuiker en melk
by. Versier koek. VARIASIES: Vir ‘n goedkoper koek kan jy dit vul met vanilla roomys waarby jy ‘n bietjie
sterk swart koffie gevoeg het. Anders gebruik jy sjokolade of rum & raisin roomys. 1 liter roomys sal genoeg wees.
Vul die koek dan net voor bediening en hou verkoel. Jy kan ook die versiersel vervang met gewone botter versiersel. Verroom 150g
sagte botter. Sif 900ml versiersuiker bietjie vir bietjie en klits goed. Los 30ml koffie in 15ml kookwater op en voeg
by. EMMA van 7DE LAAN SE SJOKOLADEKOEK 1 Pakkie MOIR’S se sjokoladekoekmengsel (...en jul het gedink
sy het 'n eie resep!!) 2 eiers 50 ml olie 200 ml melk VULSEL: 1 blik karamelkondensmelk VERSIERSEL: 75g margarien
by kamertemperatuur 480 ml versiersuiker 60 ml kakaopoeier kookwater heel okkerneute om te versier. Voorverhit
die oond tot 180°C en smeer 2 ronde 20cm koekpanne. Besprinkel liggies met meel. Plaas die koekmengsel in 'n groot mengbak. Voeg die eiers,
olie en melk by en klits ongeveer 1 minuut stadig met 'n elektriese klitser. Klits daarna 2 minute teen die hoogste spoed. Giet die beslag
in die voorbereide panne en bak vir 30 minute. Laat 10 minute in die panne afkoel en keer dan op 'n draadrak uit
en laat heeltemal afkoel. Smeer die karamelkondensmelk op die een helfte van die koek en plaas die ander helfte
bo-op. Klits die botter en versiersuiker tot gemeng. Los die kakaopoeier in 'n bietjie kookwater
op en voeg dit by. Klits baie goed. Smeer versiersel bo-op die koek en versier met heel okkerneute. Sprinkel ekstra
kakaopoeier liggies oor. DIE BESTE VAN ALLE GEREGTE se COKE SJOKOLADE KOEK: 500ml koekmeelblom
5ml
sout 500ml suiker 250g
sagte botter 45ml kakao 250ml
Coca-Cola 375ml malvalekkers, in kwarte gesny
5ml koeksoda 125ml karringmelk
2 eiers, geklits 5ml vanielje geursel VERSIERSEL: 125g botter
45ml kakao 90ml Coca-Cola
500g versiersuiker, gesif 100g pekanneute, gekap
5ml vanielje geursel Voorverhit die oond tot 180C. Sif meel
en sout saam. Voeg suiker by. Verhit botter, kakao en Coca-Cola tot die botter gesmelt is, verwyder van stoof
en voeg malvalekkers by. Roer en meng goed in die meelmengsel in. Los koeksoda en karringmelk op, voeg by mengsel
saam met geklopte eiers en geursel. Meng goed. Skep in gesmeerde losboomringkoek pan van 250mm. Bak sowat 45
minute of tot ‘n toetspen skoon uitkom. Laat afkoel in pan en keer uit. Versiering: Verhit botter, kakao
en Coca-Cola tot net onder kookpunt, voeg by versiersuiker en meng goed. Voeg driekwart van die neute
en die geursel by. Versier koek met orige neute. TRANSVAAL JAGTERSVERENIGING se LEKKERLEES
RESEPTEBOEK se ONGEWONE SJOKOLADEKOEK (Met erkenning aan Rina Fourie-Sűpra) 570ml koekmeel 285
gr suiker 25gr kakao 5ml koeksoda 250ml mayonnaise soos Miracle Whip 250ml
koue water 5ml vanilla geursel Stel oond op 180°C. Sif droë bestanddele
saam . Voeg mayo en water by. Klop 2 minute lank. Bak @180 grade tot gaar. Nog 'n resep uit die geselsbrief
- Begin jou
dag 'n slag met 'n lag,
is LORRAINE se SJOKOLADEKOEK. STROOP:250ml water en 250ml suiker Stap 1:Kook stroop en laat eenkant staan om af te koel. Spuit 'n tuitpan met kleefweermiddel,
voorverhit oond tot 180 C en meng dan die koekdeeg. KOEKDEEG: Stap 2: VERSIERSEL: Stap 3: En laastens,
weer die: GEVAARLIKSTE SJOKOLADEKOEK IN DIE WêRELD. (Per epos via my niggie in NZ!) SJOKOLADEKOEK in 'n BEKER! No 1. 3 Eetlepels Bruismeel 3 Eetlepels Suiker 1 Eetlepel Kakao, vir vanilla koek laat kakao
weg en voeg 1 extra eetlepel bruismeel by. Knippie sout 2 Eetlepels Olie 2 Eetlepels Melk 1 eier 1/2 teelepel Vanilla Vat koffiebeker en spuit met Spray &
Cook. Voeg al die droë bestanddele bymekaar roer met 'n teelepel. Voeg dan die nat bestanddele by en meng goed. Sit in mikrogolfoond vir 3 minute op hoog. Haal uit en baie belangrik laat staan vir 2 minute. Gooi uit en versier soos verkies. SJOKOLADEKOEK in 'n BEKER! No 2. 4 eetlepels meel 4 eetlepels suiker 2 eetlepels
kakao 1 eier 3 eetlepels melk 3 eetlepels olie 3 eetlepels “choclate chips” (opsioneel) 1 klein tl vanilla 1 groot koffiebeker Voeg droë bestanddele in beker en meng goed. Voeg die eier by
en meng goed. Voeg daarna die melk en olie by en meng weer goed. Voeg dan die “choclate
chip” (indien gebruik) en vanilla en meng weer goed. Plaas die beker in die mikrogolf en kook vir 3 minute op 1000 watts
(hoog). Die mengsel sal begin oor die kant van die beker rys, maar moenie daaroor bekommerd wees nie. Laat toe om af te
koel (en effe skeef terug te sak, maar wie gee om hoe dit lyk...)
en tip dit dan op 'n bord uit (indien dit so verlang word!). Bedien nes jy wil, of met roomys of vars
room. (Hierdie resep kan twee bedien as jy goedhartig voel) Die rede vir die benaming : GEVAARLIKSTE
SJOKOLADE KOEK ? Want nou is jy net vyf minute weg van heerlike sjokolade koek dag
of nag! En nou moet ek iets sjokolade-agtig in my
mond kry!! AS jy weer die GROOOOT LUS ontwikkel: Skep 1/3 blikkie kondensmelk in 'n bakkie
of glas uit, roer 4 Etl MILO goed daarby in! Eet dit sommer met 'n tl net so uit die bakkie of glasie! (Wie't nou koek nodig!!Jy kan mos hierdie ook versier as
jy wil! ) Drink daarna 2 glase water terwille van jou gewete, want dan word
dit mos Sjokolade-melk, en dis mos gesond!! Voila!! Woensdag. 2 Junie. Winter. Ja nee! So begin my Junie-maand sommer op die Tweede! Wat het van die Eerste Junie geword? Dit het
iewers in 'n tyds-gleuf ingeval en ek kon dit nie weer terug kry nie. Dis hoe Tyd werk, as dit eers verby is, kry jy dit nooit
weer terug nie, so gebruik elke sekonde oordeelkundig en moenie dit vermors, verby laat gaan nie! Jul
weet mos: Koop die TYD uit...en Leer ons ons dae so te tel, 'n wyse hart te bekom... So
sit ek juis hoeka gister, op die Eerste, onder 'n Blinkblaar-wag-'n-bietjie en kyk na die stroom water wat voor my verbyvloei,
en ek dink aan die woorde: ”met die waters wat verby is sal die meul nooit weer maal nie...” Dit bly darem maar 'n mooi en waar spreekwoord. Dit het my verder laat peins oor die Engelse
woorde : ”...all in DUE time...” Ja, inderdaad, op die BESTEMDE tyd, sal gebeur wat vir ons
bedoel is, dit wat ons nie noodwendig wou hê nie, maar retrospektief, wat ons nódig gehad het om as mens
te kon groei, sodat ons ook kan sê: Kyk! Die meetsnoer het vir ons, op lieflike plekke geval... Dalk
die dat die Ingelse seg: “Don’t rush great things...” Maar
om 'n lang storie kort te maak, het ek vir jul: 'n 17 Woorde, MIELIEBROOD resep! 1
blikkie Kondensmelk 1 blikkie Room mielies 500 g bruismeel Meng. Bak sowat 1 uur @ 180ºC . Korter
kan dit nie! Geniet dit!! (Resep van Riekie Muller, Argilla) |
|||||||||||||||||||||||||
|
|
|
||||||||||||||||||||||||
|
|
|||||||||||||||||||||||||
