....Só MAAK MENS !

KOS praatjies

logo1.jpg

 

LET WEL ASB.: 

Klik op die KLIEK HIER  skakel, na hierdie sin  om  by die NUTTIGE bladsy met

omrekenings tabelle en ander nuttige wenke uit te kom!   

KLIEK HIER!

Patats    beskuit    nageregte     Vis & Chips    rissies    sampioene   
uie    Biltong    Koekies    terte     souse       
Kos-navrae en VELE meer!!

  

 

Liewe Lesers!!

...baie van die inkomende navrae lewer ‘dieselfdes’ op, wat reeds in een van die afdelings beantwoord is, voor jy jou vraag vra, maak seker dat dit nog nie iewers beantwoord is nie asseblief, want baie van julle mag vir die volgende 2 maande dalk wonder hoekom jou antwoord uitbly... 

Soos party weet, het ek 'n oewerhuisie aan die Grote GARIEP verruil vir stadsliggies, want ek het weer VOLTYDS op MATIELAND begin studeer...en dit is tans eksamentyd so tot einde November is ek nie hier doenig nie... ek vra dus nederig omverskoning vir die ongerief, en versoek dat jul intussen hier gaan loer vir tuin antwoorde:

http://www.onsdorp.com/somaakmens/tuinpraatjies.html

http://www.onsdorp.com/somaakmens/tuinhoekie.html 

Let ook asb. op, dat daar by elke bladsy hierbo 'n AFSAKLYS is as jy met jou muis daarop huiwer waar nog 'n magdom inligting verskyn.

Weens die groot volume wat reeds van die begindae af geplaas is  kan ek ongelukkig dit nie meer kompak kry as  tans nie en moet die afsaklyste  dus  baie skatte huisves! Speel rond en krap en kuier orals asb.! Ek wil veral vra dat jul onder die BEGINDAE sal gaan loer, daar is ook 'n verskeidenheid lekkerhede!

Baie navrae wat AL REEDS hier verskyn of iets daaroor reeds verskyn het, het ek bloot die skakels aangestuur want meer daaroor kon ek nie antwoord nie.

Een groot guns wat ek vra is dat julle nie van my 'n volledige uiteensetting moet verwag vir skooltake nie...ek sal help waar ek kan, maar ek kan ongelukkig nie’ kiddo’s’  se take vir hul hier doen nie.

Ek plaas dus nou sommer 'n hele kaboedel uittreksels van lekker briefies en antwoorde vir die lekkerte en diversiteit daarvan, baie ander het ek egter na die epos adresse geantwoord...

Mooiste Groete!

Retha.

 

 

RINIE skryf: Goeie dag ek probeer nou al dae om na Esme en Jan se laaste opname te luister help aub.

Vriendelike groete , Rinie.

Soos wat ek aan Rinie verduidelik het sal daardie skakel weer eersdaags beskikbaar wees, ek moet dit in samewerking met SPRINGBOK RADIO se amptelike webbladsy  gebruik en hulle is besig met opgradering aan hul bladsy, dus sodra dit weer reg is, plaas ek die nuwe skakel! Intussen kan jul my nader ek het dit in MP3 formaat beskikbaar. 

 

LEONE FULLARD was opsoek na die regte hartstigting dieet, ek het dit aangestuur. (Hopelik!!) en hier is ook inligting: http://www.onsdorp.com/somaakmens/sept_des2009.html

 

YUSUF OMAR het geskryf: lieflike website! voel of ek in tydskrif blaai. Dankie sal definitief vir my vriendinne hiervan vertel! Baie Dankie Yusuf, dit word waardeer!!

 

LORAINE FOURIE skryf: Hallo Retha, dit was nou die lekkerste lekker om in daardie tydsgleuf te gaan kuier met Esme en Jan! Baie dankie! Dit het my baie naby aan my ma geneem!

Loraine, herrinneringe is soms van mens se kosbaarste skatte! Ek is bly as ek op hierdie wyse kan bydra tot iemand se gelukkige onthou!  

 

CHRIS V D WALT het geskryf: Goeie dag, jammer, ek sien in die BEGINDAE by 28nov 2009 'n skakel: LEES MEER, oor eierpoeier, maar ek kan dit nie oopmaak nie. Hoe maak mens eierpoeier? Groete, Chris,Mosambiek.

Chris, ek is jammer, ja daardie skakel het intussen verval want die plek waar ek dit  vandaan gekry het het intussen ‘toegemaak’..! Hier is egter dieselfde video beskikbaar,  direk van Youtube, en ook ander  web bladsye wat jy kan lees !

http://www.youtube.com/watch?v=ppiWt9jvQh4

http://www.ehow.com/how_2304324_make-powdered-eggs.html

http://everydayfoodstorage.net/about-food-storage/powdered-eggs-food-storage-food

http://www.dryit.com/driedegg.html

http://daily-survival.blogspot.com/2010/08/how-to-make-powdered-eggs.html

http://www.frugalvillage.com/forums/kitchen-basics/117581-how-make-powdered-eggs-yourself.html

http://www.tacticalintelligence.net/blog/how-to-make-powdered-eggs.htm

 

 

DALENE BOTHA seg bloot: Lekker gelees!!  

Dankie Dalene, ek is baie bly!!

 

IEMAND HET IETS OOR DADELBOLLETJIES WAT HARD WORD GEVRA..? http://www.onsdorp.com/somaakmens/jun2010.html

 

MARIE NEL: Ek het alles gelees en vreeslik geniet veral die omskakelingstabelle. Ek wil iets vra asb. Hoekom praat party resepte van SPEKVLEIS is dit nou maar die dood gewone 'BACON' ? As u ooit ʼn kansie kry verduidelik tog vir ons die verskillende soort kase ens. 'n klomp van ons voel so onnosel as dit by kaas kom...

Marie, Spekvleis is maar gewone ‘bacon’ ja!...en ons kry letterlik honderde verskillende KASE, een vir elkeen se voorkeur en smaak, vir elke geleentheid en sommer ook vir tussen in! Ons kry Halloumi kaas, koud in skywe of warm gerooster! Bekende Cheddar en Gouda, Camembert, Roomkaas, Smeerkaas, Skaapmelkkaas, Bokmelkkaas, Brie, Igor Gorgonzola kaas, Feta kaas, Deense kaas, Bloukaas....teveel om op te noem! Ek  maak hiervan 'n knopie in my oor vir jou..!! Een van CHECKERS se wen-wenke is:

Plaas gegeurde roomkaas, gekapte, gerookte salm, gekapte dille en kappertjies in 'n ramekin wat uitgevoer is in kleefplastiek. Dop uit en bedien as voorgereg met vars uitgedrukte suurlemoensap en dun snye geroosterde plaasbrood!

 

JANA VERMEULEN: Ek soek asb grootmaat resepte vir koperpennie slaai en pampoen gereg vir 100 mense

En MARLENE CRONJE: Ek het 'n resturant en wil graag Sondae buffet ete gee maar soek hulp met die hoeveelhede om voor te berei. Ek vertrou jul het die grootmaatresepte wat ek aangestuur het  nuttig gevind, en ook die ander in die BEGINDAE raak gelees?

 

NATÁSJA KEYTER: Ek is graag opsoek na heerlike diabetiese koekies en diabetiese beskuit resepte. Kan iemand dalk vir resepte email asseblief? Ek sal baie bly wees as ek die resepte kan kry, ek is self 'n diabeet en wil graag die resepte gaan uit toets.

Natasja, het jy die raakgelees hier? :

http://www.onsdorp.com/somaakmens/okt2010.html

http://www.onsdorp.com/somaakmens/mei2010.html

 

AMANDA BEKKER:Hi daar,Ek wou weet waar ek kefir kan koop mense is maar suinig met dit ek weet van mense wat het, wat gebruik word vir gemmerbier maar myne het ek 25 jaar gehad en is by my gesteel Het jy vir my  oom Jan se gemmerbier resep?

Amanda, ek het vir jou die adres gestuur van JEAN ons Gemmerbier-KEFIR (Oftewel: SKG-fundi)  sy sal jou verder help daarmee… blaai ondertoe asb daar is nog gemmerbier resepte maar hier is  OOM JAN SE RESEP:

2 tl gemmer

4 l water

4 kp suiker

1 pk kitsgis

1 tl wynsteensuur

2 tl kremetart

Handvol rosyne

Meng alles  bymekaar in ’n  5 liter emmertjie. Laat staan vir ’n paar  ure of oornag. Syg deur, en hou in yskas. Hou die rosyne daarin!

 

JOHNA COETZER: Ek is opsoek na die soet mostert sous resep maar die een met die suiker en asyn nie met die kondensmelk, asb??

Hoop dis die een wat jy soek!

1 Eier

4 t Droë Mosterd poeier

1/2 K Wit asyn

4 t Witsuiker

Knippie sout

Meng mosterd poeier in asyn tot mooi opgelos. Klits eier goed. Gooi alle bestandele in n dikboomkastrol en kook oor lae hitte. Roer aanhoudend om te verhoed dat dit klonte maak. Kook tot net dik en haal af van hitte. Laat afkoel. 

 

DULCIE BARNARD

Ag sal so graag daardie ou resepte wil verkry van daardie tyd asb . Seëning

Dulcie, ons publiseer in elke uitgawe van die KAMMANUUS een of twee oorspronklike resepte, sodra ons almal  daar geplaas het, sal dit per E-boek beskikbaar gestel word.  

 

ANITA PIO: Ek soek asb. ʼn doppie resep die een wat ek soet en sout kan vul.

20 - 25  DOSYN DOPPIES!

8 kp meel

1 ½ kp suiker

1 lb ( 500g ) botter

1 tl sout

8 tl bakpoeier

4 eiers

Klits die botter en suiker goed en voeg eiers een by een by, dan die meel en bakpoeier.

Dit moet nie 'n  te stywe deeg wees nie.

Rol uit , gebruik deegdrukkertjie om die deeg sirkeltjies netjies in kolwyn pannetjies te vorm,

en bak  blind.

Vul met jou gunsteling vulsel soos nodig.

Melktertpap, vla, en  karamel kondensmelk bly treffers.

Doppies gevul met Karamel kondensmelk en pofrys is 'n  kinder treffer!

 

DEWALD: Goeie dag Hennie, Kan die Mammie of die vroutjie wat die resepte doen asb kyk of julle nie iewers 'n chocolate koek vir diabete iewers kan kry wat getoets is nie ...GROOT ASSEBLIEF, Vriendelike groete!

Dewald, probeer die een!

SUIKERVRYE SJOKOLADE KOEK

(deur Admin @friKos MEi 31, 2012)

100 g bruismeel

2 eetl kakoa

100 g lae vet margarien

2 eiers

klein bietjie afgeroomde melk

50 g suikerplaasvervanger

Verhit die oond tot 180°C. Plaas al die bestanddele in `n bak en meng tot `n gladde beslag. Skep lepels vol van die beslag in elke gaatjie van `n kolwyntjie pannetjie. Bak in die oond vir 15 tot 20 minute. Laat heeltemal afkoel. Geniet. Vir gewone koek kan die kakao uitgelaat word.

 

BEULAH:Resep vir eiervrug asb. Het een persent gekry en weet glad nie hoe om dit gaar te maak nie/ \help asb en Baie dankie !

Beulah, gaan loer hier asb.: http://www.onsdorp.com/somaakmens/feb2010.html

 

LEONIE SAAYMAN: Ek sit met 'n klomp gedroogde perskes en wil dit verwerk in tamelêtjies of versuikerde droë vrugte lekkers, maar kry nie resepte daarvoor nie. Is daar iemand wat asb kan help? Groete

Leonie, Gaan kyk gerus tussen die BEGINDAE, daar is heerlike resepte  hiervoor!

 

RIA LE ROUX: soek patat resepte asb.

Ek deel graag hierdie een ook weer met almal:

DADEL- EN PATAT- KOEK

2 koppies koekmeel

2 teelepels bakpoeier

340g gekapte dadels

200g botter

1/2 koppie lemoensap

1 1/2 koppie bruinsuiker

1 koppie gouestroop

2 teelepels bakpoeier / baksoda

2 koppies geskilde en gerasperde patat

3 eiers, geklop

Sif koekmeel en bakpoeier saam.

In aparte bak meng dadels, botter, lemoensap, bruinsuiker en gouestroop.

Mikrogolf tot warm.

Roer baksoda en patat by die warm dadelmengsel.

Voeg dadelmengsel en geklopte eiers by die meelblom en roer tot net gemeng.

Plaas in ronde los bodem koekpan 25cm deursnee.

Bak teen 180°C vir 30 - 40 minute of tot middel van die koek terug bons.

Hierdie digte koek kan versier word met roomkaasversiering of bedien onversier met druppels “Maple-syrup”

(Esdoringstroop) en Mascarpone-kaas.

En heelwat ander wonderlike resepte is hier te vinde:

http://www.onsdorp.com/somaakmens/feb2010.html

http://www.onsdorp.com/somaakmens/jun2010.html

 

MARYNA DE KOCK : Goeiedag,ek soek raad asb. hoe om ou geharde politoer van 'n hout blokkiesvloer te verwyder asb? Groete!

En  ISHELLE : Ek is opsoek na 'n resep vir hoesstroom met suurlemoen

Maryna, en Ishelle,  ek hoop jul het die raad en wenke boekie wat ek gestuur het handig gevind!

 

LINA WEBER :

My Ma het die heerlikste lemoen- en vermicellikoek gebak. Die beslag kry 'n gerasperde lemoen saam met die vermicelli in. Ek het ongelukkig die resep verloor. Kan u dalk help asb.

Lina, ek soek nog vir jou!!

 

ANDREAS LOUBSER:  Hi Retha, ek het toevallig op jou blog afgekom en geniet dit regtig. Ek woon al 12jr. in Ierland. Jan Cronje het vir my klas gegee op die destydse Goudstad onderwys kollege in Johannesburg. Ek en hy was goeie vriende. Ek het egter later ʼn sjef geword en vir 8jr hier in Ierland en verskeie ander Europese lande gewerk. Groete uit n baie groen Ierland. Andreas

Andreas, Baie Dankie vir jou briefie, dit was heerlik om van jou te hoor!! Rx.

 

WILLEM skryf via sy swartbessie:  Ek is n ou plaasboer van Wes Tvl en het nou in di stad Pta beland. My liefde v kos kom v my ma sy was n besondere kosmaker. Ek sukkel al 16 jaar om n kookboek te skryf van my ma my eie en dit wat ek al probeer het enm verander na my smaak. Kos moet lekker lyk want dan eet jy lekkerder. So alles wat jy op jou werf het geniet ek en is baie anders as di streng eng korrekte gestelde goed. Jy se soos wat dit kom. Hou dit so. Lekke naweek praat weer

Hi Willem, Dankie vir jou kuier op die So Maak Mens werfie en dat jy dit geniet het!

 

RETHA HAPER : Hallo Retha, ek wil graag weet kan mens self gouestroop maak - vriendin oorsee kry dit nie daar nie en wil dit self maak – dankie

Hi Naamgenoot! Die basiese resep is: (Ook maar nagelees op die internet!)

600 g Suiker

450 ml Water

'n halwe suurlemoen in skyfies gesny OF 3 skyfies suurlemoen en 1 hele lemmetjie in skyfies gesny

Bring alles tot kookpunt oor lae hitte totdat die stroop 'n  goue kleur aanneem.

Verwyder die suurlemoen en lemmetjie skyfies. Laat afkoel. Gooi deur sif om van alle citrus selle ontslae te raak. Berg in lugdigte houer. Laat staan vir  ten minste een week voor gebruik.

Gaan loer gerus ook hier:

http://neckredrecipes.blogspot.com/2009/12/homemade-golden-syrup.html

http://www.frenchcookingboard.com/how-can-i-make-my-own-golden-syrup-515710.html

http://www.ehow.com/how_6172188_make-golden-syrup.html

 

AMANDA FOURIE

Goeie dag. Help tog asseblief.  Ek soek na die regte egte klaper-ys 'coconut ice' lekkergoed resep.  Nie die verskonings wat hulle vandag verkoop nie.  Baie dankie en groete uit Alberton, Amanda

Amanda, Hier is my Granny se 3 wenresepte:

ONGEKOOKTE KLAPPERYS

250 g versiersuiker

125 g klapper

3 E Ingedampte melk

½ t kleursel

Meng die melk en suiker, roer die klapper by, kleur die helfte. Besprinkel 'n pan met versiersuiker, skep die ongekleurde helfte in en druk liggies vas, skep die gekleurde laag bo-op, en druk liggies vas. Laat staan tot verhard. Sny in blokkies.

OF

4 k suiker

1 k kookwater

¼ t kremetart

2 k klapper

1 t vanilla

kleursel

Kook water en suiker saam en voeg kremetart by. Kook die mengsel tot by  sagtebal stadium. Verwyder van stoof en voeg kleursel en klapper by., en meng goed. Gooi  helfte in gesmeerde pan. Kleur  ander helfte met voedselkleur en skep versigtig bo op eerste laag. Laat afkoel, keer uit en sny in blokkies.

EN DIE ANDER EEN IS:

 ½ k melk

450 g suiker

100g klapper

 Plaas melk en suiker in kastrol, roer tot suiker opgelos. Kook tot sagtebal stadium.  Roer klapper in, gooi in gesmeerde pan, laat afkoel, sny in blokkies. Kleur soos bs, indien verkies.

 

SURITA KRUGER en BETS VAN DER MERWE, het alles en nog wat oor SEEPKOOK gevra, en ek herinner jul graag dat by 17 September 2009 ‘n hele stuk oor die kook van tradisionele BOERSEEP was, gaan loer gerus! http://www.onsdorp.com/somaakmens/sept_des2009.html

 

HESTER KRUIS, het gevra: Ek soek 'n resep vir die inmaak van sampioene soos die wat jy in blikkies koop by die supermark. Ook 'n “Sweet Chillie" sous resep soos die wat smaak en lyk soos Steers s’n! En ELISE COE:  Hi, ek is opsoek na 'n resep vir gepiekelde knoffel, ek sal dit waardeer as jy my kan help. Groete, Elise en MARIETJIE DU TOIT: Die inmaak van sampioene in water asb!

Wel Julle, my resep proe NIE soos die sampioene in die blikkies nie, maar dit hou net so lank en is baie smaakvol, so probeer dit gerus en laat weet of dit jou kon help!

En ek neem aan jy het ook al die resepte oor RRRRRRISSSIES… in die BEGINDAE gekry? MAAR, blaai gerus net nog ondertoe die resepte is wel hier ondertoe geplaas!

 

SANDRA SPANGENBERG, JOPIE LABUSCHAGNE en JULIE REINHARDT het almal  weer gevra, Hoe om bron te maak!

Ek wys hier 'n UITTREKSEL wat alreeds op die werfie verskyn het, nog meer inligting is hier:

http://www.onsdorp.com/somaakmens/jun2010.html

AFVAL en BRON / SULT:

 

WIKEPEDIA seg: ( Ek het dit bietjie geredigeer!!)Toe die meeste boere self hul vee geslag het was dit gebruikliker om die slagoorblyfsels vir geregte aan te wend, soos beestong, skaaptongetjies, bees- en skaapderms, harslag (gemaalde of in klein stukkies gesnyde longe, hart en lewer; soms ook milt of niertjies), 'peertjies' ('n hoefdier se testikels), beessnoet, skaapharsings, die netvet, soetvleis (sweserik), beesstert en dies meer.

Wanneer skaapafval met die kop berei word, saag 'n mens eers die kop oop en sit die harsings in die kleinpensie (ritikulum, ook harsingpensie, heuningkoekpens of ruitjiespens genoem) sodat jy dit met die kop, pens en pootjies in die afvalpot kan laat prut.

Party mense verkies hul afval met uie, aartappels en naeltjies. Party mense voeg borrie, kerrie, kortgekookte uie, wonderpeperkorrels, lourier, suiker en sout by. Dit maak 'n pot kerrieafval.

Bereiding :

Ten einde die pens sag te kry en die misgeur te laat verdwyn, kook 'n mens hom eers 'n halfuur in 'n aparte pot kookwater met sowat 2 ETL asyn (hierdie proses word afwater genoem), waarna jy hom met die res van die afval laat prut. Afval neem omtrent 3 tot 4 ure se prut om gaar te wees; Die vleis is dan murgsag en dit val van die bene af.

As die vleis sag is, word die skedelbene, pote en kake uit die pot gehaal, die vleis word in kleiner stukkies gesny waarna die vleis terug in die pot gesit word. Dan word die speserye en uie aan die afval toegevoeg en word dit 'n halfuur gekook, terwyl 'n mens dit goed roer om te verhoed dat dit aanbrand.

Afval lyk na 'n dik, klewerige, ryk bredie. Dit behoort goed lymerig te wees, aangesien die binnegoed van die onderste lit baie lymstof -- kollageen -- en gelatien bevat. As die afval heeltemal afgekoel is, stol dit.

Dit is baie belangrik dat die afval goed skoongeskraap is voordat dit gekook word. Die pootjies se harde nael-deel van die kloutjies moet afgehaal word, die kop en pootjies se hare moet met koeksoda of kalkwater afgeskraap word. Die pootjies moet tot by die eerste lid tussen die kloutjies ingesny word om die kliertjies te verwyder.

Veral pens kan die afval 'n wilde smaak gee indien dit nie goed skoongemaak is nie.

Deesdae word afval in die supermarkte en by slagters -- verbruikersvriendelik -- skoon en wit afgelewer of verkoop.

SULT

Kommersieel word Van varkkop en varkpote of beespote ook sult berei. Hierby word die vleis met met lourier, naeltjies, sout en peper gekook, dan word dit gemaal (sonder die lourierblare) en by die dik, lymerige sous teruggesit. Dan stol dit in 'n bakkie in die yskas. Soms is die sult te dik; in dié geval word die sult weer opgewarm en word daar water bygevoeg.

 

KERRIESULT (Peter Veldsman)

2,5 kg beesskenkels, gewas

1 beespoot, gewas

2 varkpote, gewas

4 lourierblare

20 peperkorrels

3 vet knoffelhuisies, gekneus en geskil

3 groot uie, oorlangs (in die lengte) gehalveer, geskil en gekap

30 ml olie

50 ml matige kerriepoeier

375 ml asyn

gemaalde peper na smaak

10 ml fyn koljander

20 ml sout

10 ml borrie

30 ml sagte bruinsuiker

30 ml appelkooskonfyt

 

1.  Plaas die skenkels en pote in 'n groot kastrol, bedek met koue waster en verhit tot kookpunt. Blansjeer die vleis en pote vir drie minute, verwyder en druk droog. Gooi die blansjeer-water weg.

2.  Skep die vleis en pote in 'n groot kastrol en bedek met koue water. Voeg lourierblare, peperkorrels en knoffel by. Verhit tot kookpunt, verlaag hitte, bedek en prut 3-4 uur of totdat alles sag is. Laat afkoel, skep vleis en pote uit en laat koud word. Behou die vloeistof.

3.  Braai uie in olie tot sag en deurskynend, maar nie bruin nie. Strooi kerriepoeier bo-oor en roerbraai vir 2-3 minute. Voeg asyn bietjie vir bietjie by sodra dit lyk of die kerriepoeier wil aanbrand. Roer elke keer goed deur. Voeg die res van die bestanddele by, verhit tot kookpunt, verlaag hitte en prut 5 minute lank.

4.  Verwyder bene, sny die vleis kleiner of kap of maal dit fyn, na gelang van hoe grof of fyn jy van jou sult hou. Skep die vleis by die kerriemengsel en voeg van die behoue vloeistof (waarin die vleis gekook is) by sodat die vleis net-net met vloeistof bedek is. Prut een uur lank en roer af en toe deur. Indien nodig, kan nog van die behoue vloeistof bygevoeg word.

5.  Giet die mengsel in 'n ge-oliede vorm, bedek met kleefplastiek en bêre in die yskas om te stol.

6.  Keer die sult uit en sny dit in skywe. Sit voor met 'n tamatie-en-komkommer-sambal, slaphakskeentjies en lekker vars brood.

 

'n Wen-reseppie vir SULT:

('n Wyle terug vir my ingestuur deur 'n anonieme leser)

Sowat 1,5 kg skenkelvleis en 4-5 skaaptongetjies, in 'n pot geplaas met 'n koppie droë witwyn en net genoeg water om die vleis te bedek. Hierby kom 'n ui, twee wortels en twee selderystingels wat grof opgesny is, takkies roosmaryn, tiemie en pietersielie, 'n paar heel swartpeperkorrels, naeltjies en sout na smaak.

Onthou net dat heelwat sout gebruik kan word, want die sult word koud geëet, en dit demp dan die geur van die sout.

Prut nou die pot so twee uur, totdat die vleis maklik van die bene afval. Haal die vleis uit en laat afkoel. Verwyder alle bene. Laat die vloeistof in die pot nog 15 minute lank vinnig kook.

Dit is jou eie keuse of jy die velletjies van die tongetjies wil afhaal, hulle kook nogal baie sag. (Ek, Retha, trek dit af, die velletjie maak die bron moeilik snybaar in sy koue vorm, en dit hoort eintlik af! )

Sny die tongetjies in skywe, plaas die vleis in 'n bak waarin jou sult gaan set, óf 'n broodpannetjie, óf 'n poedingbak.

Giet eers die vloeistof waarin die vleise gekook het deur 'n vergiettes en dan nog 'n keer deur 'n baie fyn sif.

Jy wil ontslae raak van enige stukkies wat ronddryf en as dit goed gesif is, gaan jy 'n helderbruin sous hê, eintlik nes consommé. Daar behoort omtrent 'n koppie en 'n half hiervan te wees.

Omdat die bene wat ek hier gebruik het, nie veel gelatien afskei nie, moet 'n bietjie kits-gelatien bykom. Hiervan neem ek drie teelepels en meng dit in 'n bakkie met 'n halwe koppie water. Dit staan so 10 minute om sag te word - dit stol eintlik heeltemal - en dan voeg ek dit by my steeds warm vleissous. Roer goed deur, proe of jy dalk nog sout nodig het en giet die sous oor die vleismengsel.

Plaas dit in die yskas en binne ses tot agt uur behoort dit goed gestol te wees. Oornag is die beste.

Om die sult uit die bak te kry, gly ek 'n mes om die rand van die sult en ek plaas die bak 'n paar minute in warm water.

Hou dan 'n bord oor die bak, draai dit om, en die sult behoort sagkens uit te val. As dit nie wil nie, sit dit net weer in warm water.

 

Nog 'n variasie is :

STERT en TONG SULT

Hiervoor gebruik jy 'n kilogram en 'n half osstert, 'n gepekelde beestong, een varkpoot en drie beesmurgbene.

Plaas in 'n groot pot met genoeg water om dit te bedek en met dieselfde groente en geurmiddels as hierbo.

Laat nou drie uur prut.

Haal die tong en beesstert uit, gooi die varkpoot, murgbene en groente uit en giet die sous soos in die vorige resep.

Plaas die sous weer oor die hitte en voeg 'n halfbottel rooiwyn daarby. Laat dit vinnig kook totdat die sous met die helfte afgekook is.

Haal intussen die vleis van die stert af, trek die vel van die tong af en sny die tong in blokkies.

Giet dan die sous oor die vleis totdat die vleis net-net bedek is.

Weer yskas toe en laat dit stol.

 

KERRIESULT:

3kg beesskenkels (ék gebruik ook graag 'n mengsel van vark-pootjies ("Trotters")

 "Eisbeins" en skaap-skenkels! )

15ml swartpeper en sout

3 middelslag uie

30ml sonneblomolie

30ml kerriepoeier

15ml borrie

375ml bruinasyn

30ml appelkooskonfyt of perskeblatjang

2ml gemaalde koljander

Bedek die vleis met koue water, geur met sout en peper en prut tot baie sag. Skil die uie en sny dit in skywe. Verhit die olie en soteer die uie, kerriepoeier en borrie daarin. Voeg die res van die bestanddele by die kerriemengsel, verhit stadig tot kookpunt en laat afkoel. Ontbeen die vleis en sny dit in klein stukkies op. Voeg die kerriemengsel by die vleis en prut dit 'n uur lank. Giet dit in 'n nat bak en laat afkoel. Bedek die bak met kleefplastiek en plaas die sult in die yskas om te stol. Dit kan tot 2 weke in die yskas gebêre word.

LET WEL:

Sult moet nie te styf wees nie. As dit die geval is, smelt dit in 'n groot kastrol oor matige hitte en vog nog kookwater by. Proe daaraan of dit ekstra smaakmiddels nodig het voordat dit weer gestol word.

En JACQUES van PE het die volgende hieroor in 'n ou WEG gesê:

Daar is ʼn groot verskil om bron en afval gaar te maak. Bron/sult kook mens vark pote en beesvleis saam met al die fieterjasies (spices) as dit gaar is maal jy dit soos verkies word (grof of fyn). Daarna meng jy alles goed en sit omtrent dieselfde hoeveelheid koue water by. Sit dit dan in ʼn plat bak in die yskas - oornag. Die volgende oggend krap jy net die vet-lagie wat gevorm het af.

 

AFVAL - DIS HOE!

2kg afval, 1 kg beespens.

Sny al die vleis en velle van die skaapkop af (as die kop nie in die oond gebak gaan word nie), sny alles, behalwe die blaar pens waarin die brein moet kom in ‘bitesize chunks’.

Braai 2 uie tot bruin, haal uit gooi so 10 naeltjies, en 6 lourierblare, 10 heel swart peper korrels in die pot, sodra mens die ‘spices’ begin ruik, gooi 3 eetlepels lekker sterk kerrie by en so 2 koppies kook water - staan terug want die kerrie dampe en stoom gaan jou tref. Gooi die skaap afval en beespens in die pot. Gooi so 3 eetlepels borrie in, n halwe koppie bruin asyn, sout, woestersous, en 2 lepel braaivleis speserye.

Laat dit stoom vir so 45 minute kook in die stoompot. As dit daarna nog taai is stoom vir nog 20 min, Gooi dan 6 aartappels saam met die gebraaide uie in en laat stoom vir nog 20 minute. Meng 4 eetlepels Maizena met 500ml room en gooi dit by. Roer terwyl dit kook en die sous lekker dik is!

 

VOILA!!

 

 

Hester Grobler skryf: More. Ek is op soek na diabetiese konfytresepte.
Is al die diabetiese konfyte so ‘n mission? En die soort wat in die vrieskas gehou
word is ook nie vir my. Klink my maak en bottel is maar moeilik daarmee.

Julle het ‘n puik website, ek stuur die link aan al my vriende! Baie dankie byvoorbaat! Groete, Hester.

Ja, nee, ongelukkig is al die Diabetiese konfyte so ’n missie, dit is omdat suiker ’n natuurlike preserveermiddel is…

wat in diabetiese konfyte chemies gedoen moet word…

…Volgens my vriendin met ‘n diabeet tiener kan jy gewone konfyt resepte gebruik MAAR i.p.v. die suiker,

gebruik sy FRUKTOSE.

Huletts se SUGALITE is ook 'n goeie alternatief. Die rakleeftyd is  EGTER ALTYD korter en dis effe

suurder en ook ‘n meer lopende konfyt.

Jy kan ook VRUGTE PEKTIEN maak, dit bottel en bêre.

Jy het al kommersiële suikervrye konfyt gekoop nie waar?

Wel dan weet jy dat dit nie regtig 'n rakleeftyd het as dit eers oopgemaak is nie.

Dit is omdat die basis daarvan 'n pektien of jellie basis is. Maar, maak klein hoeveelhede en hou

dit maar in die yskas.

Jy kan dus 'verneuk’ en klein hoeveelhede "kamma-konfyt" maak, deur te eksperimenteer en

amper enige vrugte te versap en met gelatien te verdik en dit dan in die yskas te bewaar vir gebruik.

Toets egter eers jou eter se voorkeure...

 

Growwe vars lemoen-jellie op roosterbrood .

Skil en sny 2 lemoene fyn, meng 1kp se aangemaakte gelatien, volgens aanwysings op pakkie maar vervang

die water met suikervrye aanmaak koeldrank.

Meng die gelatien mengsel met die vars vrugte en laat stol.

Kies ook vrugte soos aarbeie, frambose en moerbeie vir mooi kleur en sterk geur.

‘n Mengsel van droë vrugte soos dadels, sultanas, appelringe en perskes wat verpulp is tot ‘n pasta is ook ‘n

lekker en gesonder alternatief vir konfyt.

Lemoen en suurlemoen kan verwerk word tot 'lemon-curd' wat ook baie minder suiker as marmelades bevat.

 

Piesang-jellie. (Die is nogal lekker!)

1/2 kp korente

6-8 piesangs

1/2 kp gemengde droë perskes of appelkose

Verpulp die korente in ‘n versapper tot ‘n pasta. Voeg die piesangs en droë vrugte

by en verpulp verder tot glad en amper romerig.

Hou in yskas in glasfles. Bedien i.p.v. konfyt.

 

Appel of Appelliefie pektien.

1 kg suur vrugte ( gesonde vrugte wat net net ryp is, nie  volryp en oorryp nie)

1 l water

Was en sny vrugte fyner met skil en pitte.

Voeg water by en kook met deksel op sowat 20 minute tot vrugte sag is.

Syg deur ‘n klam doek sonder om dit te roer of te druk.

As al die sap deurgeloop het, meet die vrugtemoes. Hou die sap eenkant.

Voeg net soveel water by as wat daar vrugtemoes is en kook dit weer sowat 20 minute.

Syg weer deur.

Neem die eerste sap en hierdie tweede sap en kook vinnig in ‘n groot kastrol tot

dit 500 ml (2 kp) meet.

Giet die kokende pektien in gesteriliseerde bottels en verseël dadelik.

Jy kan die helder jellie of pektien NA DIE KOOKPROSES met kunsmatige versoeter

geur, of jy kan ander vars vrugte net in water opkook tot dit sag is,

dit deursyg en die vrugte met pektien meng en dit dan ook met kunsmatige versoeter

versoet om bv. Perske "konfyt" te maak.

As jy bv. groen appels ontkern, en in elke gaatjie rosyne, knippie kaneel en 1 tl bruin

suiker sit en dit dan in die oond bak, en dit daarna verpulp,

kan jy dit dan met die pektien of jellie meng, dit het dan daardie karamel smaak by en het ook nie soveel

suiker soos tradisionele konfyt in nie.

 

Suurlemoensmeer.(Lemon Curd)

500 ml suiker / fruktose

125 g botter of margarien

Sap van 3 suurlemoene

Gerasperde geel skil van 1 suurlemoen

4 eiers

Meng suiker, botter sap en skil, roer aanhoudend en verhit tot kookpunt.

Klits eiers , voeg by en roer tot mengsel verdik is.

Skep in flesse, bêre in yskas en gebruik soos nodig.

 

NOG WENKE:

*Die suiker alleen is nie die gif nie, gebruik lae GI kosse, meer vesels en nie te veel vet nie.

*10 gevriesde druiwe korrels is ‘n porsie. Vries die vrugte, dis amper roomys mos!!

*Dadels is jou soet-tand se beste vriend. Soet, dekadent, en vol vesel en goedheid!

*Eerder bietjie suiker as kunsmatige versoeter, want die diabeet se liggaam reageer daarop amper

net soos op suiker, so albei is eintlik ewe nadelig! (Auch!)

*Amandels en  Pekanneute is beter opsie as Macadamia's.

*Wanneer jy hawermout in bv. pannekoek of gebak gebruik, vervang dit met hawersemels,

dit maak ligter gebak en die vesel inhoud is hoër.

*Ongegeurde  springmielies of gegeur met ‘n ½ pakkie vanilla gegeurde Canderal poeier bly ‘n

lekker krakerige soetheid.

 

En ’n Lekker DIABETIESE BESKUIT

Probeer gerus hierdie een! Daar is wel suiker by, maar omdat dit so hoog in semels is, is dit Gi-Goed!

En mens kan nie juis teveel daarvan eet nie! Uitstekend vir die maag! Dit is baie bros hoor!

9 kp semels

2 kp bruismeel

3 kp Nutty Wheat

1 ½ kp suiker(gebruik plaasvervanger soos Natreen of Huletts se Suger-lite...)

1 groot hoë E bakpoeier

1 dessertlepel sout

500 g botter

4 eiers

500 ml melk

3 dessertlepels asyn

Meng droë bestanddele.

Vryf die botter in die meelmengsel in.

Meng al die vloeistof bestanddele en roer by bs.

Druk vas in oondpan

Bak vir 40 min teen 180 grade C. Sny in vingers en Droog uit.

 

Martie Heinenmann: Kan jy dalk help ek is op soek na 'n resep wat jy vars gemmerwortel kan inlè. 

Dit moet 'n soet smaak wees. Baie Dankie vir jou hulp by voorbaat.

 

 Hier is twee resepte van die wat ek aan Martie gestuur het…

 

Gepreserveerde gemmer is veelsydig en ’n kern bestanddeel  van baie geregte en vars gemmer nie altyd

beskikbaar nie! Gemmer gee aan enige gereg ’n pikante smaak veral in nageregte en dus iets wat in

elkeen van ons sê kombuise moet wees!

 

MAKLIKE GEMMER INMAAK RESEP:

Gelyke hoeveelhede gemmer en suiker (dus 2 k gemmer op 2 k suiker)

water ( 1 ½ k  OF  375 mℓ water op 450 g suiker)

berging houer / glas bottels

 

Skil die vars gemmer met die sykant van ’n teelepel dit gaan maklik onder die skil in sonder om

die binnekant te sny! Sny die gemmer in 2 cm stukke en week oornag in water.

plaas geweekte gemmer in ’n dieperige pan / kastrol, bedek met water en bring tot kookpunt.

Dreineer. herhaal hierdie proses drie keer totdat die gemmer stukke sag genoeg is dat jy met ’n

vurk daardeur kan steek. ouer gemmer sal langer neem om sag te kook.

 

Maak intussen ’n stroop met 450 g suiker en 375 mℓ water. kook water en suiker tot ’n liggeel

stroop sowat 20 minute.

Voeg gaar gedreineerde gemmer stukke by die kokende stroop en kook vir sowat 1 minuut en

verwyder van hitte en laat gemmer by kamertemperatuur oornag in die stroop staan. 

Bottel koud, maar hou die bottels dan in die YSKAS.

Jy kan dit ook koud in die bottels skep, dan die bottels in water plaas en stadig verhit tot kookpunt

en dit so laat deur warm word en dit dan warm bottel, of een-een in die mikrogolf verhit totdat

die stroop in die bottel net begin opborrel, bottel dan warm en keer dadelik om. In die yskas berg dit

tot 8 maande en warm gebottel net so lank soos konfyt.

Gebruik  soos benodig, die stroop is ook heerlik oor roomys en kaaskoeke of in die plek van heuning

in resepte…Geniet dit!

Jy kan natuurlik ook GEMMER IN WODKA preserveer! Jy het net vars gemmer, wodka  en ’n glasfles nodig!

Skil die gemmer. Sny in stukke of in skyfies. Skep dit in ’n glas fles. Vul met wodka. Hou in Yskas. 

Gebruik soos nodig in geregte .Voila!

Ingrid Schmidt: Jare terug toe my Moeder nog gelewe het, het my ma altyd die program geluister

en resepte neergeskryf van die program "So maak Mens"

onder andere praat ek nou van jare gelede toe ek nog jong was in die jare

1960-1980 'n resep van n 'Wit Poeding" ons kan die resep nou nêrens vind nie, van die bestanddele

wat ons kan onthou is ideal melk en geklitste wit van eiers - dit word nie bebak nie mal wel in die yskas gestol.

Daar’s nog meer bestanddele wat ons vergeet het. Sal baie bly wees as julle miskien kan help.

baie dankie

Ingrid

 

Ingrid! Wat jy vra kan net Sneeu Poeding of Blamaans wees. Van die sneeu poeding resepte kan jy Ideal melk

gebruik i.p.v. water. Blamaans aan die ander kant kan jy Ideal melk en eierwitte gebruik.

Daar is soveel variasies van die twee. Indien dit ook nog nie is wat jy soek nie, laat weet asb.!!

Hier is die basiese resep vir Sneeu Poeding...

GELATIEN Sneeupoeding

22,5 ml (een en 'n halwe eetlepel) gelatien

60 ml (1/4 k) koue water

250 ml (1 k) kookwater

250 ml (1 k) suiker

60 ml (1/4 k) suurlemoensap

gerasperde geel skil van 1/2 suurlemoen

2 eiers, geskei

vla poeier

Week die gelatien vir 5 minute of langer in koue water en los dit op in die kookwater.

Voeg suiker, suurlemoensap en -skil by.

Syg mengsel deur 'n sif en laat op 'n koel plek afkoel.

As die mengsel feitlik gestol is, klits dit met 'n vurk of klitser tot lig en sponserig.

Klits eierwitte styf en vou in.

Giet in 'n nat vorm om verder te stol.

Maak vla van die eiergele en sit voor saam met die poeding

 

 OF

 

MAIZENA Sneeupoeding

2 k kookwater

5 ½ e Maizena

¾ k suiker

1 k koue water

¼ k suurlemoensap

2 eierwitte

¼ t sout

 

Meng droë bestanddele, maak aan met koue water en roer dit dan by kookwater.

Roer gedurig en kook saam vir sowat 5 minute tot glad en blink. Haal van hitte af en roer suurlemoensap by,

vou laastens styfgeklopte eierwitte in. Giet in vorm en laat koud word. Bedien met vla.

 

 

Blanc-mange / Blamaans / Maizena Poeding

NB, dit moet ten minste 5 minute kook om gaar te wees  nie net tot verdik nie!

 

4 k verhitte melk

½ k Maizena

¼ suiker

 ¼ t sout

 ½ k koue melk

1 t vanilla

Meng droë bestanddele, maak aan met koue melk. Roer tot heeltemal glad. Roer by die verhitte melk

en bring tot kookpunt. Roer gedurig en kook 5 minute op matige hitte. Die mengsel moet glad en blink wees.

Roer geursel by.  Spoel ’n vorm met koue water uit en giet mengsel daarin om te stol.

Laat koud word, bedien met heuning, stroop of vlasous.

 

Helena Kruger se 0UTYDSE BLANC-MANGE
50 g Mielieblom
50g Suiker
knippie sout
750ml Melk
1 eier
1t Vanilla
Metode: Meng die mielieblom, suiker en sout en maak dit aan met n bietjie melk.

Voeg die eier en vanilla by en klits tot mengsel gemeng is. Verhit die res van die melk tot

kookpunt en roer die mielieblommengsel vinnig by. Roer- kook tot n dik pap.

Spoel n vorm uit met water en giet die pap daarin om te stol .Verkil.[geen klonte nie]
Glasering: 7ml mielieblom, 30ml water, 60ml appelkooskonfyt, 1t botter, ...Maak die mielieblom

met water aan voeg die appelkooskonfyt en botter by en roerkook tot die mengsel dik is.

Laat afkoel!!Ontvorm jou poeding en skep jou sousie bo-oor !!!vreeslik lekker..

N.S...Jy kan enige lekker vrugtestroop bo-oor gooi..

 

Tersia Heimstadt : Retha, kan jy my help met 'n resep vir knoffel piekels?

Ek het nou die laaste tyd 'n probleem met die goed hulle word blou!!! Waarvan sal dit kom.

Lê dit dalk by die hitte nou die tyd van die jaar? Joe, Jammer dat ek jou pla. Die belangrikste is -

wat moet ek doen dat die goed nie blou word nie!! Hoeveel knoffel gebruik jy op die mengsel? 

Ek gebruik altyd 1 tot 1.5 kg. Groete Tersia

Tersia! Jy pla glad nie! Ek het gou gaan loer op die werfie maar ek sien net die knoffel asyn daar raak!

So ek tik gou vir jou my eie piekel knoffel resep!

So MAAK JY!

Gooi knoffelhuisie vir 2-3 min in kookwater, dan rol jy die huisies sommer maklik uit die skilletjie!

Kook nou saam:  

3 bottels (750ml) asyn

1 bottel water

½ k sout

½  k suiker

½ pakkie pickling spice

Jy kan die knoffelhuisie vir 1 minuut hierin opkook en dan bottel, ek pak bloot die skoon knoffel

huisies styf in die bottels en gooi dan hierdie kokende asyn bo-oor en bottel warm

Onthou: Moet nooit knoffel in olie berg of inmaak vir LANGER as 3 weke nie dit raak TOKSIES al seg wie wat!

EN dan die blou verkleurde knoffel lyk onlekker maar dit makeer niks! Dit is bloot ’n  chemiese reaksie wat plaasvind.

En gaan lees gerus hier : BESTE knoffel info nog!

http://www.gourmetgarlicgardens.com/

http://www.gourmetgarlicgardens.com/pickle.htm

En ja, asb. Gaan loer gerus op die werfie rond!

http://www.onsdorp.com/somaakmens/

Liana Olivier: Retha ek soek na 'n baie maklike geroomde spinasie resep met min bestanddele,

kan jy dalkies help dankie

 

Hmmm ek is mal oor spinasie...!!

Al wat ek doen, is:

 

Kook spinasie gewoonweg tot gaar MAAR nie oorgaar! Net na 'verlep' nog mooi helder groen.

Maak fyn met bamix.

Roer daarby Maizena en melk soos wanneer jy witsous maak... roer tot verdik...gooi gerasperde kaas by,

roer in tot kaas gesmelt. Geur met aromat en swart peper en Ina Paarman se Italiaanse kaas-geursel.

Voila! Dis heerlik. AS jy bietjie meer Maizena gebruik dat dit dikker is, werk dit heerlik in Quiche saam

gebraaide spek blokkies en sampioene...en as vulsel in filo deeg...

 

Op so 2 k fyn gaar spinasie gebruik ek sowat 2-3 e Maizena en melk hang af van hoe dik ek die

geroomde spinasie wil maak...ek gebruik ook net vetvrye melk so dis nie so ryk nie maar die proe heerlik ryk...!

 

Susan: Hoe kom mens by enige resepte uit?  Is ek nou dom, of moet mens 'n graad he daarvoor?

 

Susan,

Hoop jy het intussen  al  by die resepte uitgekom?

 

Net vir  weer: Onthou om met die muis se 'cursor ' bloot op die  bladsy skakel bo te huiwer dan

sal die afsak lyste self oopval...

 

Hier is nog kortpaaie:

http://www.onsdorp.com/somaakmens/kospraatjies.html

http://www.onsdorp.com/somaakmens/vandag.html

http://www.onsdorp.com/somaakmens/des2010.html

http://www.onsdorp.com/somaakmens/nov2010.html

http://www.onsdorp.com/somaakmens/okt2010.html

http://www.onsdorp.com/somaakmens/sept2010.html

http://www.onsdorp.com/somaakmens/aug2010.html

http://www.onsdorp.com/somaakmens/jul2010.html

http://www.onsdorp.com/somaakmens/jun2010.html

http://www.onsdorp.com/somaakmens/mei2010.html

http://www.onsdorp.com/somaakmens/apr2010.html

http://www.onsdorp.com/somaakmens/mrt2010.html

http://www.onsdorp.com/somaakmens/feb2010.html

http://www.onsdorp.com/somaakmens/jan2010.html

http://www.onsdorp.com/somaakmens/sept_des2009.html

http://www.onsdorp.com/somaakmens/begin_aug2009.html

 

 

Maryna Grobler: Essene / Ezekiel brood resep.

Jammer naam nou Engels weet wat dit in Afrikaans is nie.

Dankie,

 

Maryna! Het jy al hierdie gesien?

 

http://allrecipes.com/Recipe/ezekiel-bread-i/detail.aspx

http://www.squidoo.com/ezekielbread

http://www.dadamo.com/typebase4/depictor5.pl?159

 

Mooi groete!

 

 

Liana Olivier: Ek is baie lief vir ys tee, maar omdat ek 'n diabete is en nie pal kan koop daarvan

nie wil ek my eie maak en ek soek dus naarstigtelik na 'n resep daarvoor wat geskik sal wees

vir my as diabete. kan iemand dalkies help?

 

Liana!

Ek maak die volgende lekker ystee!

 

 2 ℓ Sterk Rooibostee, dan voeg ek daarby kruisement OF roosmaryn takkies,

skeut suurlemoensap en gewone versoeter pilletjies wat jy normaalweg gebruik.  

SOMS  voeg ek op 2 ℓ tee, so kwart koppie heuning by.

Ek voeg ook graag soms 250 ml cranberry sap of appelsap of ander vrugte

(liquifruit) daarby vir afwisseling...

 

En as jy mense kry... vries kruisement blare of klein  roosblare in ysblokkies en garneer daarmee 

hul sal dink jy is supercool!

 

Hoop jy hou ook daarvan,  my mense en ek is baie lief hiervoor!

 

Jenny: help ek soek oudtydse gemmerbier die enne wat so 'n jellierige plantjie onder in kan

maak groot asb, dankie Jenny c

Hi Jenny!

Kontak asb. vir Jean, sy het die regte GEMMERBIER kristalle ingevoer vanaf Australië!

Haar adres is:  franciscov@telkomsa.net

Mooi groete en laat weet asb. hoe dit met die gemmerbier makery gaan!

Het jy op die werfie al die ander gemmerbier resepte raak gelees? Daar is baie ! !

Mooi groete

Retha.

 

MARTIE: GOEIE DAG

EK IS OPSOEK NA 'N KERRIE BRON (KOUE VLEIS) RESEP.

Martie!

Op die werfie is ’n hele plasing oor BRON gewees, dit is by die ARGIEWE bladsy, as jy dit nie kry nie

laat weet asb. en ek stuur dit vir jou aan hoor!

 

daphne: koeksister resep met gis gemaak

Daphne,

 

Ek hoop hierdie help jou?

Laat weet gerus!

 

Die volgende resep vir “skuinskoek” kan ook vir koeksisters gebruik word.

 

SKUINSKOEK

2.5kg Koekmeel

10ml Sout

15 ml kitsgis

1l louwarm water

250g margarien

15ml anys

750ml suiker

Sif die meel en die sout saam wyl die gis oplos in ‘n bietjie van die lou water.

Voeg die res van die water by die gis, en so ook 6 koppies van die meel.

Meng tot dit ‘n slap deeg is. Bedek en laat rys op ‘n warm plek - die deeg moet 2 keer

in volume toegeneem het.

Vryf die botter met die vingerpunte in die res van die meel. Gooi die anys en suiker by,

meng goed en knie die suurdeegmengsel hierby in.

Gooi louwarm water by as die deeg nie lekker sag en hanteerbaar is nie.

Bedek en laat weer op ‘n warm plek rys tot 2 keer die volume.

Knie die deeg af, neem balletjies deeg, rol dit in worse en sny SKUINS stukke van so 5cm lank.

Braai dit in olie tot goudbruin en dreineer op kombuispapier. Bestrooi liggies met versiersuiker.

 

As jy hiervan Koeksisters maak…wanneer klaar gebak…doop warm koeksisters in

yskoue koeksisterstroop soos gewoonweg…

 

En nou ‘n familie-geheim waarmee ek my erfporsie weg-tik...ja, een van daai

 

"familie-graf-resepte"...  Vergewe my asseblief Moeder...!)

 

RETHA-HIERNA-KERKMUIS-SE KOEKSISTER-RESEP

 

STROOP:

10 k suiker

6   k water.

Roer suiker en water oor lae hitte tot suiker heeltemal opgelos is. Voeg by:

½  t kremetart

¼  t wynsteensuur

Kook als sowat 10 min en laat afkoel

DEEG :

5  k koekmeel

3  t bakpoeier

1½  e  suiker

¼  t sout

2 eiers

¾  kp water

Klits die eiers en water goed saam.

Klits die suiker by.

Meng  res van bestanddele by.

Laat deeg vir sowat halfuur rus.

Rol sowat 5mm dik uit, moenie die deeg rek en trek nie, sny 3 beentjies en vleg

lossies  of sny net 2 beentjies en draai liggies, maak seker die punte is goed vas.

Bak in diep olie tot goudbruin.

Druk die gaar koeksisters goed onder die stroop, haal uit en laat afdrup.

Vir ‘n "droër" koeksister,  moenie lank in die stroop onderdompel nie.  Voila!

Gaan kyk ook na die aartappel suurdeeg en hele stuk oor gis ens. op die ARGIEF bladsy!

 

Japie Moller: Sjokoladekoek resep in swartsak en Amarulatert resep met wit sjokolade.

 

Hi Japie! Jy vra my vas, ek het nog nooit van ’n sjokolade koek gehoor wat in ’n

swart sak gebak word nie! Vertel eers meer hiervan dan soek ek graag verder!

Intussen, hier is vir jou iets lekkers, hoop dis waarna jy gesoek het?

Amarula Sjokolade koek/tert

Bestanddele vir Koek:
60ml kakao            
125ml kookwater        
3 eiers        
220ml suiker    
60ml olie
250ml koekmeel    
10ml bakpoeier          
2ml sout

Stroop:
200ml suiker          
250ml water              
60ml Amarula 
(As jy dit n sterker Amarula smaak wil gee gebruik 100ml amarula maar verminder die water na 200ml)

Dis wat ek gedoen het.
BO - OP:
1 blik karamelkondensmelk        
styfgeklopte room        
flake sjokolade gekrummel vir versiering (WIT sjokolade of Melk sjokolade nes jy verkies)
METODE:
Meng kakao met kookwater en laat afkoel (dit moet koud wees)
Klits die eiers, suiker en olie saam
Voeg koue kakaomengsel by, en meng deeglik
Sif res van die droë bestanddele by, meng goed
Skep in bak en bak ongeveer 20-25min  by 180grade (Ek moes myne omtrent seker 40min bak –

so dit hang maar af van hoe vinnig jou stoof is – Koek met net gaar wees
STROOP:
Kook suiker en water vir 5 min
Verwyder van stoof en voeg Amarula by
Prik koek met vurk sodra dit uit die oond kom, en gooi warm stroop oor.
Laat koud word.
Smeer kondensmelk en styfgeklopte room bo-oor
Versier met flake
Die koek smaak lekkerder as dit eers die volgende dag geëet word. 

Dan skryf Dries ook  vir ons:

Hi julle

Ek het toevallig hierop afgekom dis my eie brousel. Die eind resultaat het bitter min vet in.

Braai 1 kilos volstruisnek so bietjie bruin in olyfolie.  (ek rol eers liggies in koekmeel met sout en peper in). 

Volstruis nek is redelik goedkoop deesdae.  Kerf een ui en braai sommer in dieselfde olie so bietjie,

moet nie die uie gaan staan en brand nie. 

Dan gooi jy die vleis en uie in jou stoompot saam met:

o   Basil na smaak

o   Bietjie rooi peper, pasop vir te veel jy kan die hele besending bederf.

o   Bietjie port, maak ‘n koppie vol en gooi die helfte saam met die vleis, drink die res.

o   Rosemary na smaak

o   Bietjie water so ‘n driekwart koppie sal doen

o   Een blikkie beef stock

o   Een gekerfde rooi soetrissie – net vir kleur

o   Handvol baba worteltjies

o   Een klein blikkie tamatie puree

o   Kerrie na smaak, as ek te veel ingooi verloor Venesse belangstelling in die eind produk.

Ek skat so ‘n opgehoopte teelepel sal die ding doen.

Kook die lot tot the vleis heeltemal van die bene afval en nou kom die groot werk.

Sodra dit genoeg afgekoel is om te hanteer, verwyder alle bene (ongelukkig is daar beentjies

wat loskook en wat herinner aan visgrate).  Drink ‘n glasie of twee rooiwyn terwyl jy met die joppie doenig is.  

Maak seker al die bene is verwyder, ek sê maak seker al die bene is verwyder…

Daar moet genoeg vog in wees sodat dit maklik roer dis die geheim van die sukses agter die storie.

As jy wil, vat die helfte van die vleis en gooi dit in die voedselverwerker en looi dit. 

Haal uit en sit weer by die growwer vleis en meng goed.

Ek gebruik sommer ‘n skoon roomys bak en maak dit binne nat met koue water.

Gooi die vleis in die bak, dit moet self kan inloop soos baie dik sop, as jy dit moet skep is

daar nie genoeg vog in nie en klein bietjie kookwater los jou probleem op.

Laat heeltemal afkoel (oornag) en sit dan in die yskas vir 48 uur.

Keer om en druk die bak aan die onderkant en kante, die blok vleis val heel uit en

jy kan dit opsny in blokkies en vries. 

Die lot werk op roosterbrood en skool broodjies en werk broodjies dun gesny natuurlik..  

Op ‘n goeie sny potbrood is dit onverbeterlik.

En as jy daai vroeg middag tee vat by Kosi baai maak sommer vir jou ‘n lekker broodjie

met dun gesnyde volstruis, slaaiblare en Dijon mosterd.

Groete, Dries.

 

 

Hester Maritz skryf:  Hi Retha, Gaan dit nog goed?   My roketplantjies vorder goed en ek kan nie wag om daarvan te pluk nie…

Ek het nou weer n ou probleempie maar ek weet dat ek altyd op jou knoppie kan druk en jy sal vir my se "So maak Mens"......

My man, my dogter en my skoonseun verjaar!  Ons het beluit dat daar n varkie op die spit gebraai moet word.

My man weet dit net nie en dit moet n verassing wees…Die probleem is net dat ons n bietjie kopkrap

oor die bedruipsous en die bykosse soos slaaie. 

Ek dink dit moet iets soeterig en vrugterig wees......soos bv  Appel of Pynappel?

Kan jy dalk  GROOT  ASSEBLIEF help????? Wag in spanning om van jou te hoor. Mooi bly. Groete.

OE! GENIET DIT! ! !

MOENIE TE OORDADIG gaan nie, visualiseer die bord voor jou:

vleis en slaai is altyd vir my genoeg…maar ja, ander wil ietsie by hê,

so kies ietsie kleur – ietsie geel, ietsie groen, ietsie wit dalk ‘n broodjie…?

Om ´n vark te spit gaan jou sowat 4 ure neem.

Die bors moet natuurlik oopgevlek wees as jy die vark op die spit sit,

maar jy kan maar die kop aan hou.

Sodra die vark goed vas is op die spit moet jy kruis en dwars snye in die vel maak, verkieslik met ´n matmes.

Sit die vark op die kole, NIE IN DIE SON NIE.

Vir die 1 ste uur maak jy net die buitenste laag crackling gaar. Dit sal begin los kom van die vetlaag.

Mens trek dit maklik los.

Saam met ´n bietjie Aromat maak dit ´n heerlike voorgereg.(Cracling) AS jy dit afhaal  moet jy weer

vark in blokkies sny om sous in vleis in te laat trek.

Die laaste uur kan jy die vark begin verf met jou sous, maar net aan die buitekant.. Knorr se

ribbetjiesous werk ook lekker.

Net voor jy begin met die sous vryf jy ´n growwe sout of Marina Braaisout aan die buitekant goed in.

Ons hou van net Aromat, peper en gemmer

 I.P.V. die Knorr sous maak ons  een aan met : Tobacco sous, appelkooskonfyt en botter gemeng.

As vark 90 % gaar is, sny vark oorkruis in blokkies bedruip en smeer die vark kort-kort hiermee…

(heel naeltjies in middel van party blokkies of ’n rooi kersie op tandestokkie, druk stokkie in vark dat

net puntjie by kersie wys anders brand dit,

lyk hier en daar ook feestelik )

 

BYKOSSE:  (Kies maar hier  J ) !

 

Potbrood met Vyekonfyt

SLAAIE:

*Pynappel-wortel slaai

*Mengelslaai  

*Driebone slaai

WARM BYKOSSE:

*Knoffel aartappels: klein heel gaar gekoop, meng botter, Robertsons se Garlic-en-herbs en

Ina Paarman se Italian Chees sprinkle

en Aromat en vars pietersielie, gooi oor warm gaar ertappeltjies , roer deur…

*Gebakte patats of patats in fillodeeg rolle

*Groenbone met spek en tamatie

*Warm gestoofde Droë vrugteslaai

Vir Nagereg net Malva poeding vla en jellie! (en nog ’n skeppie van die droëvrugte hierby vir my!

Dis my nagereg! J )

GAAN kyk hier ook asb.!!

http://books.google.co.za/books?id=pBsn5rTHSFsC&pg=PA54&lpg=PA54&dq=vark+

spitbraai&source=bl&ots=1hjSwC5zdX&sig=Iu-0WqsDsXbwwToeWSUaEL0qfOQ&hl=en&ei=

JiiVTvqtF6ramAWEltjvBg&sa=X&oi=book_

result&ct=result&resnum=1&ved=0CDoQ6AEwAA#v=onepage&q=vark%20spitbraai&f=false

Carol van 
Heerden, Vroue-Beeld se kos skrywer, seg so:. 
* * * 
BASIESE MARINADE  EN BEDRUIPSOUS  VIR SPITBRAAI 
* * * 
Voorbereiding van karkas: Gebruik 5ml sout en 1ml vars gemaalde 
swartpeper per kg vleis. Vryf helfte van die sout en peper aan 
binnekant van karkas. Hou res van mengsel om karkas naby die einde 
van rooster tyd aan buitekant te geur. Indien maagholte toegewerk 
word, besprinkel met 75ml suurlemoensap en smeer met gekneusde 
knoffel en roosmaryn. 
Marinade/Bedruipsous 
*150ml suurlemoensap; 
150ml lemoensap; 
150ml olyfolie; 
10 tot 15 knoffelhuisies, gekneus; 
vars kruie na smaak. 
Appel- en rysvulsel 
*5 appels, ontkern en in wiggies gesny; 
8 x 250ml rys, half gaar; 
500ml sultanas oornag in port geweek; 
500ml droë perskes gesnipper; 
125ml vars gekapte pietersielie; 
sout en vars gemaalde swartpeper; 
knoffel, gekneus (opsioneel). 
*Meng bestanddele en vul holte van karkas. Werk holte toe en braai 
stadig oor spit. Bedruip gereeld met marinade. 


TUISGEMAAKTE  BRAAISOUT 
15ml knoffelpoeier; 
5ml droë basiliekruid; 
5ml droë marjolein; 
5ml droë tiemie; 
5ml droë pietersielie; 
5ml droë salie; 
5ml vars gemaalde swartpeper; 
2ml rooipeper. 

BEDRUIPSOUSE 
Kruie- en oliebedruipsous 
*125ml olyfolie; 
15ml suurlemoensap; 
3 knoffelhuisies, gekneus; 
5ml vars gekapte roosmaryn; 
5ml vars gekapte marjolein; 
10ml vars gekapte pietersielie. 
*Berei bedruipsous en hou gereed vir gebruik. Meng bestanddele en 
gebruik soos benodig. 

SOET BEDRUIPSOUS 
Pynappelbedruipsous 
*150ml droë wit wyn; 
50ml olyfolie; 
410g fyn pynappel (1 blik); 
15ml sojasous; 
15ml suurlemoensap; 
50ml lemoensap; 
5ml mosterdpoeier; 
50ml heuning; 
25ml Worcestersous; 
2 knoffelhuisies, gekneus. 
*Meng al die bestanddele saam en bring tot kookpunt vir 3 min. Laat 
vloeistof afkoel en gebruik as marinade en bedruipsous. Wenk: Onthou 
dat bedruipsous wat 'n soet bestanddeel bevat, maklik aanbrand. 
Draai die vleis meer gereeld en bedruip nader aan die einde van die 
gaarmaakproses. 

GEVULDE LAMSAAL OP SPIT 
*1 ontbeende lamsaal, sowat 1,5kg; 
15ml gelatien; 
Sampioenvulsel 
*15ml kookolie; 
15ml botter; 
150g sampioene, gekap; 
1 ui, gekap; 
1 knoffelhuisie, gekap; 
15ml vars gekapte kruie of 
5ml droë gemengde kruie; 
250ml vars broodkrummels; 
30ml sjerrie; 
7ml sout; 
vars gemaalde swartpeper na smaak. 
Kruiebedruipsous 
*125ml bedruipsous (sien eerste resep) 
10ml vars gekapte kruie of 5ml droë gemengde kruie. 
*Om die vulsel te maak, verhit olie en botter saam in 'n 
swaarboompan of in 'n skottelbraaier en braai sampioene, ui en 
knoffel liggies tot ui deurskynend is. Voeg res van bestanddele by 
en meng goed. Strooi gelatien aan binnekant van lamsaal en skep 
vulsel bo- oor. Laat 25mm oop rondom kante. Vou die twee kante van 
vleis sodat dit in die middel bymekaarkom en bind elke 25mm met tou 
vas. Steek lamsaal in lengte op spit en plaas 'n druppan daaronder. 
Rooster lamsaal 1 uur sowat 150mm oor matige kole. Meng bestanddele 
vir die kruiebedruipsous en bestryk vleis gereeld gedurende die 
laaste 30 min. Laat lamsaal 10 min. op warm plek staan en sny in 
skywe. Verhit res van bedruipsous en giet oor die skywe vleis. 

GLANSLAMSBOUD OP SPIT 
*1 lamsboud, sowat 2kg; 
Heuningglanssous 
*50ml heuning; 
50ml sojasous; 
125ml vleisaftreksel; 
50ml suurlemoensap; 
30ml kookolie; 
2 knoffelhuisies, fyn gekap; 
5ml vars gekapte origanum. 
*Verwyder die twee bene (skenkel- en pelvisbeen) aan albei kante van 
die boud, maar laat die murgbeen in die middel. Steek die spit deur 
die middel van die boud, parallel met die murgbeen, en bind die tou 
rondom die dikker deel van die vleis om die vorm van die boud so 
eweredig moontlik te kry. Plaas 'n druppan onder die vleis en 
rangskik die kole rondom pan. Spitbraai die boud een en 'n half uur 
sowat 150mm bo matige kole. Voeg vars kole van die tweede vuur elke 
halfuur by om 'n konstante temperatuur te handhaaf. Meng bestanddele 
vir glanssous en bedruip boud gereeld tydens die laaste 30 min. 
Wanneer die boud gaar is, haal van die spit en laat dit 10 min. op 
'n warm plek. Sny dit dan teen die grein in skywe. Meng res van die 
glanssous met vleissappe in pan, verhit en sit saam met die vleis 
voor.

 

Elma vra: pekel resep met salpeter asb.

 

Elma, ek “plak” hier  uit die ARGIEF vir jou die volgende  oor PEKEL :

 

Sout en salpeter is jou aktiewe preserveermiddels. Sout is jou bewarende middel maar dit laat

ook die vesels verhard.

Die bruinsuiker werk die verharding teë, maar dit is juis die sout wat die besonderse geur

aan gepekelde vleis gee.

Die salpeter verleen die aantreklike pienk kleur aan soutvleis en hamme, en help ook met

die preservering daarvan.

Te veel salpeter verhard ook die vesels en sal jou vleis taai maak, gebruik dus net die aanbevole hoeveelheid.

By die droë metode, waar die lug vogtig is, gebruik witsuiker, sodat die pekel mengsel nie skuim nie.

Jy kan speserye soos koljander, lourierblare naeltjies knoffel  en mosterd korrels ook by die

pekel mengsels voeg vir ekstra geur.

Die water moet altyd vooraf eers gekook  word, dit voorkom bederf in jou pekel mengsel.

Pekel wat bederf is skuimerig en smetterig.

Houers vir pekel moet plastiek, hout, emalje of erdeware wees, geen aluminium of ander metale nie.

Pekel wat met die metaal in aanraking kom reageer met verkleuring en bysmake.

'n  Lang regop houer is die mees geskikste, dit kan 'n  paar snitte bo op mekaar hou met 'n 

minimum vloeistof.

Pekel balies van sement of asbes(Liefs nie!!) is in die handel te koop.

Jou pekel mengsel moet altyd koud wees. In warm klimaat kan jy dit selfs in 'n 

koelkamer of in jou yskas pekel.

Gaan koop jou salpeter om jou pekel te maak by jou naaste slaghuis, apteek of Freddy Hirsch

verskaffer en dan maak jy so:

 

NATPEKEL:

1 liter kookwater

500 g growwe sout

40 g salpeter

14 g swartpeperkorrels

310 ml bruinsuiker

1.5 tot 3 kg vleis

Ekstra sout vir invryf voor die tyd.

Giet die water oor die sout, salpeter, peper en bruin suiker en laat afkoel.

Vryf die vleis goed in met die ekstra sout en plaas dit dan in die koue pekel oplossing sodat dit heeltemal

bedek is.

Sit 'n  bord op die vleis  met 'n  gewig bo-op sodat dit die vleis heeltyd onder die pekel oplossing kan hou.

Laat die vleis 3-4 dae in die pekel lê en draai die vleis net elke dag om.

Jy kan dit ook in 'n  hout vaatjie doen.

 

DROOG PEKEL: ( is ietwat verouderde proses en het heelwat massaverlies tot gevolg.)

90 ml sout

30 ml bruinsuiker

15 ml salpeter

10 ml koljander

3 kg vleis

Meng alles goed en vryf die vleis goed in met die mengsel.

Laat dit drie dae(bedek met doekie)lê, en draai net elke dag om.

Was na die 3-4 dae die vleis deeglik af en as dit lank in die pekel oplossing gelê het,

week dit vir 1 uur in vars koue water.

Sit die vleis in 'n diep kastrol, bedek met koue water sodat oortollige sout onttrek kan word.

(Gooi water af of kook daarin, afhangende hoe sout jy dit verkies)

Verhit stadig tot kookpunt en prut stadig tot vleis sag is.

35-40 minute vir elke 500g vleis.

 

Vir HAM, gebruik die volgende Pekel resep :

30 ml salpeter

250 ml bruinsuiker

28 g koeksoda

9 tot 12 liter koue water

1 vars rou eier

Sowat 2 kg fyn sout

Roer salpeter, bruinsuiker en koeksoda in koue water tot opgelos.

Gebruik hout of erde vaatjie, maar nie metaal houer nie.

Sit die heel, ongebreekte eier in die dop, in die oplossing.

Voeg die sout bietjies-bietjies by en roer elke keer tot opgelos.

Hou aan om sout by te voeg en goed te roer tot die eier bo op dryf.

(Jy doen dit om 'n versadigde oplossing te bereik, die eier is 'n uitstekende aanwyser daartoe,

daarom moet dit 'n vars eier wees,

'n ouer eier sal nie in die versadigde sout oplossing dryf nie... sien ek's amper Wetenskap onnie ook! )

Verwyder dan die eier, en plaas jou varkboud of ham in die pekel oplossing, hou onder die pekel

vloeistof vir 3-5 WEKE.

Draai daagliks.

 

As jy dit in 'n vaatjie of emalje emmer doen, mens kry by die slaghuise sulke "plastiek" nette

waarin jy jou vleis kan sit en dan

hang jy dit daarmee in die pekel dit vergemaklik die draai en hantering baie, as dit "los" in die

pekel hang hoef jy dit nie te draai daagliks nie,

sorg net dat dit altyd bedek is.

Hou die pekel dop, as dit skuimerig raak bo-op, haal vleis uit, en maak vars pekel aan,

sit vleis weer in nuwe oplossing tot die 3-5 weke om is.

As die pekel proses klaar is, haal vleis uit en hang dit oornag op om winddroog te raak.

Pers nou die vleis tussen 2 planke  met 'n  swaar gewig daarop tot daar geen water meer uitkom nie.

Verf die oppervlak van jou ham met kommersiële róók geursel of berook dit in 'n beroker.

Indien die ham lank gebêre moet word, werk dit in moeselien of kaasdoek sakkies toe,

en hang op in koel droë plek.

Spekvleis, word ook soos Ham gemaak, maar pekel dit net vir 3-4 DAE !

Jy kry ook kommersiële pekel mengsels wat jou hele proses verkort dat jy jou vleis binne 7 ure

na inspuiting of 2 - 5 dae se lê al kan gebruik.

Die hele rook geursel of beroking is jou eie keuse en smaak, party hou van gerookte Ham ander nie.

Jy kan by die kamp winkels 'n  CADAC beroker aanskaf as jy nog nie een het nie, en dan volg jy

net hul aanwysings en pakkies saagsels...

 

As jy jou eie beroker wil maak, maak jy so:

Maak 'n  100 liter drom goed skoon.

Verwyder die boom en deksel. Heg een of meer dwars stawe vas aan die binnekant van die drom

sowat 75 mm van bo af om die vleis aan te hang.

‘n ou fietswiel werk ook lekker, plaas die vleis op die speke en laat sak die wiel dan af oor die rook

en hang dit met hakke oor die kante van die drom.

Die stawe kan vas gesweis of vas geskroef word, of in gleuwe wat bo in gesny word, rus.

Bou nou 'n  fondament waarop die drom kan staan deur 'n dubbellaag stene opmekaar te stapel

(sonder sement as jy dit nie permanent wil doen nie)

Laat 'n  opening in die boonste laag waardeur die fyn saagsels aan die brand gesteek kan word.

Die lug deurvloei word beheer deur 'n  plank voor die opening.

Pak klam grond rondom , aan die buitekant van die bakstene, om die hele samestel lugdig te maak.

Bedek die boonste opening met 'n  plat plaat.

Dit kan gelig word om rook uit te laat deur twee 5mm plankies tussen die plaat en drom in te skuif.

As die drom dwars gleuwe het waarop die stawe rus behoort daar genoegsaam rook uit te gaan.

Die beste saagsels vir beroking kom van harde nie-harpuisagtige houtsoorte.

Jy kan pakkies saagsels vir beroking in meeste supermarkte

of slaghuise koop. BLY WEG van TAMBOTIE, dit is giftig! Bloekom, ook nie goed nie.

Eikehout, wingerd en vrugteboom saagsels is die beste.

Die saagsels moet baie droog wees anders sal dit nie smeul nie.

Maak jou drom bo oop terwyl jy die vuur aansteek.  Gooi saagsels onder in, 3,6 kg behoort genoeg te wees.

Frommel koerantpapier op en maak 'n holte daarvoor in die saagsels. Steek dit aan die brand,

wanneer dit uitgebrand het,

behoort die saagsels goed te smeul.

Sodra daar geen vlamme is nie en die saagsels smeul, hang jy jou vleis in die rook oor die

smeulende saagsels, en maak jou drom toe.

Rook jou vleis tot dit 'n mooi egalige goudbruin kleur verkry.

Vleis moet afkoel tot kamer temperatuur voor jy dit kan bêre. 

Beroking is uiters effektief op koeler dae, aangesien warm buite temperature maklike bederf kan meebring.

 

Voila!

Hoop jy geniet die proses!

 

Ingrid Schmidt skryf: Jare terug toe my Moeder nog gelewe het, het my ma altyd die program

geluister en resepte neergeskryf van die program "So maak Mens" onder andere praat ek

nou van jare gelede toe ek nog jong was in die jare 1960-1980

'n resep van n 'Wit Poeding" ons kan die resep nou nêrens vind nie,

van die bestanddele wat ons kan onthou is ideal melk en geklitste wit van eiers -

dit word nie bebak nie maar wel in die yskas gestol. Daar is nog meer bestanddele wat ons vergeet het.

Sal baie bly wees as julle miskien kan help.

baie dankie, Ingrid.

 

Ingrid…ek soek nog vriendin, ek soek nog!

 

SITA het gevra: Resep vir dadel vingers asb.!

 

Met graagte!

 

 

 Hilda(van Sewende Laan) se DADELVINGERS!

 250 g botter of margarien
 250 ml suiker
 500 g dadels, fyn gekap
 1 eier, goed geklits
 200 g glanskersies (rooi en groen)
 1 x 200 g pakkie Mariebeskuitjies, in klein stukkies gebreek
Klapper, om oor te strooi

Smeer ’n koekpan van 26 cm x 16 cm. Verhit botter of margarien en suiker oor matige hitte en roer tot suiker gesmelt is.

Verlaag hitte, voeg dadels en eier by en meng vinnig en deeglik om eier egalig te versprei.

Voeg kersies en koekiestukkies by, meng en haal van die stoof af.

Giet mengsel in voorbereide pan en druk dit stewig met die agterkant van ’n glas vas.

Strooi klapper oor en laat heeltemal afkoel. Sny in vingers . 

 

DADEL HAPPIES

250 g Botter of Margarien

250 ml Suiker

500 g Dadels - fyn gesny

1 Eier, goed geklits

200 g Marie beskuitjies in stukkies

Klapper

Smelt suiker en botter oor lae hitte, die mengsel moet nie verbruin nie.

Voeg dadel en eier by en roer goed sodat eier egalig inmeng.

Voeg beskuitjies by en meng deeglik.

Haal van stoof af en gooi mengsel in 'n gesmeerde pan van 23 X 23 cm.

Stryk plat met 'n mes. Strooi klapper bo-oor en laat koud word. Sny in blokkies en geniet.

Wenk

Die Marie beskuitjies kan vervang word met Rice Krispies. Gooi genoeg Rice Krispies in.

Rol nou die mengsel in balletjies. Rol die balletjies in die klapper.

 

DADELBALLETJIES

250 g ontpitte dadels, fyn gesny

250 g botter

200 ml strooisuiker

4 x 250 ml Rice Krispies

70 g klapper

2 ml koeksoda

Verhit die dadels, botter, strooisuiker en koeksoda in 'n dikboomkastrol tot kookpunt.

Roer gereeld. Laat vir 3 minute kook tot dik, bruin en stroperig.

Verwyder die kastrol van die hitte, voeg die Rice Krispies by en meng goed. Laat afkoel.

Rol in balletjies en rol die balletjies in klapper. Bêre in 'n lugdigte houer.

(maak ± 48)

 

Nog DADEL EN ONTBYTPAP BOLLETJIES

1 lb (500gr) Dadels

2 kop Suiker

6 kop Rice Crispies

2 eetlepels gesmelte Botter

4 Eiers geklits

Klapper

Laat dadels, suiker en botter saam kook vir 10 minute.

Roer goed geklitste eiers by.

Kook weer.

Voeg rice crispies by.

Rol balletjies en rol dan in die klapper.

 

DADEL EN NEUT TRUFFELS (Arina v.d. Landbou weekblad se resep.)

250 g (1 pakkie) ontpitte dadels, fyn gekap

130 g marsepein, in klein stukkies gesny

100 g (1 pakkie) gemaalde amandels

30 ml heuning

300 g donker sjokolade, fyn gekap

Verwerk die dadels in 'n voedselverwerker tot fyn. Voeg die stukkies marsepein,

gemaalde amandels en heuning by en pols tot goed gemeng.

Keer uit in 'n mengbak, rol in ewe groot balletjies en pak op 'n bakplaat. Verkoel tot yskoud.

Smelt intussen die donker sjokolade stadig oor lae hitte tot heeltemal glad.

Gebruik 'n vurk om die dadelballetjies in die sjokolade te doop.

Lig elkeen uit en laat oortollige sjokolade goed afdrup voor dit op 'n vel waspapier gepak word om hard te word.

Sodra hard, versier die truffels met eetbare goue of silwer poeier, of drup gesmelte,

wit sjokolade daaroor.

Pak in papiertruffelkoppies en in 'n mooi, vlak boksie met 'n deksel. Hou in die yskas.

Lewer sowat 35 truffels.

 

DADEL-ROLLETJIES

(Uit Anna Eksteen se E-RESEPTE BOEK: VIR DIE SOETTAND!)

250g botter of margarien       

250ml bruinsuiker

1 pakkie Mariebeskuitjies       

2.5ml vanilla geursel

15ml kakao      2 eiers, geklits

25g pakkie dadels, fyn gesny

250g pakkie klapper

12.5ml brandewyn (opsioneel)

Smelt botter, suiker en kakao saam oor stadige hitte. Voeg fyngesnyde dadels by.

Verwyder van hitte.

Laat effens afkoel en voeg die goed geklitse eiers by. Rol in balletjies en dan in klapper.

 

(Gaan kyk gerus op die RESEPTE bladsy, jul kan daar van Anna se boeke  bestel!)

 

En, MY DADEL-DELIGHTS!(gaan loer gerus in die ARGIEF ook rond...)

VRUGTE EN NEUTE HAPPIES.(2 opsies)

½ kp baie fyn gekapte droë mango (of ander droë vrugte)

½ kp gekapte Macadamia's ( of Pekans)

½  tl fyn kaneel

1kp grondboontjie botter

OF

1kp fyn gekapte dadels

1kp fyn gekapte droë appelkose

½ kp fyn gekapte Pekans

½ kp Macadamias

Meng alles baie goed. Rol in balletjies en rol balletjies in klapper of sesamsade.

 

En sommer vir die lekkerte, ou gunstelinge!

DRIEHOEK-MAASKAAS YSKASKOEK.

1 pk Tennis beskuitjies

Foelie

En vir die Vulsel: Meng goed saam: 125 ml botter, 80 ml strooisuiker, 1 bakkie (250 ml )

gladde ongegeurde maaskaas, 1 eier, goed geklits en 1 blikkie fyn pynappel.

Pak die koekies op die foelie uit in 3 rye.

Smeer die vulsel net op die middelste ry koekies.

Vou dit met die foelie toe in 'n driehoek. Vou foelie stewig bo toe, om die vorm stewig te behou.

Plaas in vrieskas tot gestol.

Net voor bediening kan gesmelte sjokolade bo-oor gegooi word. Sny in skywe en bedien yskoud.

  

MAASKAASTERT MET GLASUURSEL.

Maak 'n  krummelkoekie kors deur  koekies fyn te druk en met 3 Etl gesmelte margarien te meng,

druk stewig vas in tertbord.

Meng : ½ kp suurlemoensap, 1 blikkie kondensmelk, 250 g maaskaas en 1 tl vanilla.

Skep bo op krummelkors.

Dreineer 1 blikkie aarbeie of jongbessies, hou sap eenkant,  pak die vrugte bo op tert.

Kook die sap, tesame met 2 Etl suiker en 2 tl mielieblom tot dik en glansend, en skep dit

bo-oor die vrugte.

Laat set in yskas, bedien.

 

MARSHMALLOW TERT.

Maak 'n  krummelkoekie kors deur  koekies fyn te druk en met 3 Etl gesmelte margarien te meng,

druk stewig vas in tertbord.

Meng : 1 medium pakkie marshmallows in klein stukkies gesnipper

1 houertjie maaskaas

1 blikkie kondensmelk

125 ml suurlemoensap

Skep die vulsel in die koekiekrummelkors, garneer met rooi en groen kersies of room rosies

reg rondom, plaas in yskas tot gestol en

Voila!

 

En vir die “kinders” onder ons: SIMBA-SKYFIE-KOEKIES, 

Room 1 kp bruinsuiker, 1/2 kp olie en 1 groot eier.

Roer daarna daarby : 1 kp meel en 1/2 tl vanilla.

Voeg laastens by : 1/2 kp fyn gebreekte SIMBA SKYFIES

( Fritos / Dorito's en Pringles werk ook, maar kaaskrulle en NikNaks, aikôna!)

sowel as 1/2 kp fyn neute.

Meng goed.

Drup nou teelepels vol op 'n ONGESMEERDE bakplaat, en bak sowat 10 minute

tot goudbruin! 180ºC ! 

Voila!! 

Retha Haper skryf:  Hierdie is die beste ding wat ek nog vandag gedoen het om rond te speel op die internet - hierdie is die puikste site wat ek nog gesien het - hou aan met die 8rt job - ek is voos geloop op soek na tamatie konfyt in die winkels - wat het daarvan geword geen konfyt meer op rakke by aanstaande kettingwinkels meer nie - watter resep moet mens gebruik - ek het honderde resepte boeke maar elke resep is anders - waarom ?

Nog 'n Naamgenoot! Baie Dankie, vir jou skrywe en mooi woorde! JA, nee mens word so gebombardeer met 1000'e resepte  dat mens nie altyd weet watter een om te kies nie, so ek gaan nie eers vir jou een  gee nie! (lag lekker!) Ek doen myne maar altyd op die "gewone" manier en dit kom altyd flatervry en lekker vir my mense! Die "outydse" resep dus!

Ek weeg my tamaties, effe groen en ferm werk beter,  en gebruik dieselfde hoeveelheid suiker. Kook dit eers stadig tot die suiker gesmelt is en daarna tot die verlangde dikte  redelik vinnig! Ek toets dit gewoonlik in ’n koue piering, as dit stadige drup tekstuur bereik is dit reg. Dan hou ek daarvan om altyd  gemmer of gemmerwortel in skyfies  saam te kook, dis alte lekker. Soms gooi ek ook sowat 15 mℓ suurlemoensap  op 1 kg tamaties by, dit hou die konfyt helder en keer vinnige versandsuikering. Bottel warm maar draai deksels eers op wanneer yskoud. Ek plaas nooit die waspapier in brandewyn gedoop of kerswas  bo-op nie, ons eet dit op voordat dit nog kon "Kim"  kry !

Hoop dit help!

Marizanne Viljoen, skryf  ’n  lekker briefie! (BAIE DANKIE, hiervoor Tannie Marizanne en die mooi woorde! Ek waardeer dit! )  : Ek het toevallig op jou "So Maak Mens " afgekom en het iets besonders om vir jou te vertel. Ek en my man het in 1968 in die destydse Rhodesië gebly.(Zimbabwe)Ek was maar 23jr. oud ( Nou 67!!!!) en het min van kook en bak geweet.Ek het na 'n ligte, flatervrye sjokoladekoekresep gesoek. Ek het vreeslik na SA verlang en na my mense. ( Dit was die eerste keer dat ek ooit uit my ouerhuis in Stellenbosch weg was en dit nogal 2 000 myl ver!!)  Ek het  gereeld na die SAUK geluister op mediumgolf. (daar was nog nie FM nie en ons was ver van uitsaai - antennas af! Nodeloos om te sê dat dit na Radio Pofadder geklink het met al die gesuis!) Dit was Esmé en Jan se "So Maak Mens" op die lug en sowaar Esmé sê: "Sjokolade Chiffonkoek"!!

Ek gryp die naaste flenter papier en met 'n gekrabbel om alles afgeskryf te kry in 'n kort tydjie, pen ek die resep neer!! Ek bak dit tot vandag toe - heerlik lig en flatervry! My 2 oudste dogters het ook met Karooboere getrou (Sutherland en Fraserburg) en dis ook hulle staatmakerresep!! Beste wense met al jou inisiatiewe - wat 'n pragtige en lewendige jong vrou!! Groete, Tannie Marizanne.

En hier is dié oorspronklike resep!

Sjokolade Chiffonkoek 

Volgens ‘n uitsending van “So Maak Mens” in +- 1969  op kortgolf in Rhodesië gehoor. Bestanddele:                             

1 k. koekmeel                                      

1k. strooisuiker                                    

½ k. kakao                                                 

2 t. bakpoeier                            

¼ t. sout                                                  

½ k. kookolie                                   

½ k. kookwater                                     

4 eiers ( wit en geel apart)                                                

1 t. vanilla

Metode:                                      

1.  Sif 1k.meel, 1k.strooisuiker,½ k. kakao,2 t. bakpoeier en¼ t. sout saam.

2.  Gooi ½ k. kookolie en kookwater bymekaar en voeg by droë mengsel en meng goed.

3.  Voeg geel v. eiers by en meng goed.

4. Klop eierwit styf en voeg by – ook vanilla.

5. Bak 25 min. lank by (400’ F !!)180’ C

Tannie Marizanne skryf ook : My oudste dogter laat die kakao uit as sy ‘n wit koek wil bak, en vervang dit met meel – dan het mens sommer ‘n heerlike wit-koek. Ek vervang boonop die water met lemoensap en bak dan ‘n heerlike lemoenkoek!

Nico skryf: laat weet asb. die verskil tussen meelblom en Maizena. Kan ek meelblom vervang met iets as ek dit nie kan kry nie. Vervaardig tans net cake flour. Wat is die verskil. Grand website, voorspoed en dankie!

Hi Nico!

Mielieblom, ‘Cornflour’ en Maizena is dieselfde, word van mielies vervaardig en is fyner as koekmeel wat van koring gemaak word.

Cake flour is koekmeel of koekmeelblom, ek weet dit klink vir my ook maar altoos verwarrend die dat ek eenvoudig van  koekmeel of Maizena praat dan weet ek wat ek bedoel! (lag ek lekker nou!) Het jy al na die tabelle op die werfie gekyk?

Hier is ’n baie NUTTIGE vervangings lys! Groetnis!

http://www.onsdorp.com/somaakmens/nuttige_info.html

Jacqui sê: Help tog asb,ek is opsoek na n "Double baked cheesecake"resep.Ek het een probeer van die internet ma dit was nie so lekker soos ek erens geproe het nie.En die dametjie wou nie resep deel nie.Kan seker vestaan want dit was soooo lekker droom nou nog daar oor!

Hi Jacqui!  Hier is die wat ek  gewoonlik vir navrae aanstuur! Probeer gerus en as dit nie is wat jy soek nie, laat weet asb. Dan stuur ek vir jou nog ander meer “tradisioneles” ook!

Kan jy onthou waar jy dit geëet het? Dit kan my help om dalk die regte resep vir jou te kry?

Mooi aand en beste groete!

CHARMAINE van 7deLAAN se GEBAKTE KAASKOEK resep!

KORS
90 g botter
25 ml (5 t) strooisuiker
25 ml (5 t) olie
1 eier
200 g (375 ml) koekmeel
8 ml (ruim 1½ t) bakpoeier
1 ml (¼ t) sout

KAASKOEK
4 eiers
250 ml (1 k) suiker
60 ml (¼ k) suurlemoensap
3 x 250 g gladde maaskaas
250 ml (1 k) room
125 ml (½ k) koekmeel
vars bessies vir versiering

Voorverhit die oond tot 180 °C.

KORS 
Klits die botter en suiker saam tot lig en romerig.

Voeg die olie en eier by en meng goed.

Sif die meel, bakpoeier en sout by en meng goed.

Druk die deeg teen die kante en teen die boom van ’n diep 23 cm deursnee- veer-klamp-koekpan vas.

Maak die rande netjies en skraap tot 5 mm van die borand gelyk.

Prik die kors en verkoel 30 minute.

Bak die kors 10 minute blind en laat afkoel voor die vulsel ingeskep word.

En moenie haastig raak nie. Laat dit regtig afkoel!

KAASKOEK 
Klits die eiers en suiker tot lig en romerig.

Voeg die suurlemoensap, maaskaas, room en koekmeel by en klits goed.

Giet die beslag in die gebakte kors en bak 10 minute by 180 °C.

Verlaag die temperatuur tot 120-130 °C en bak nog 1 uur tot die vulsel stewig maar effens sag in die middel is.

Laat heeltemal afkoel.

Verwyder die pan en plaas in die yskas.

Versier met bessies en sny in skywe.

INTERNET- KAASKOEK (Anoniem!)

Kors:

25 Gemmerkoekies OF 1 pakkie tennisbeskuitjies.

100 g gesmelte botter

Meng koekies en botter en druk in 'n pan met 'n uithaal bodem om

korslaag te vorm. Laat afkoel in die yskas.

Kaas koekvulsel:

25 ml (5 teelepels) gelatien.

4 eetlepels water.

Bedek gelatien met water en laat staan sodat dit kan "spons"

Plaas 2 houers room maaskaas in 'n bak en meng. Voeg by die sap en

fyngerasperde skil van 'n groot suurlemoen. Voeg 5 ml vanieljegeursel

by. Meng 3 eiergele met 200 gram (1 koppie) strooisuiker in 'n bak -

totdat dit soos room lyk - voeg dan by die kaasmengsel.

Klits 250 ml room liggies en voeg by die kaasmengsel.

Mikrogolf die gelatien op medium krag vir 2 minute en voeg STADIG

by kaasmengsel en meng totdat al die gelatien deeglik in die

kaasmengsel gemeng is.

Gooi in pan met kors en laat stol. Versier met vars vrugte en room

indien verkies

GEBAKTE KAASKOEK MET SUURROOM

Kors

1 Pak Marie-Beskuitjies, En Fyn Gedruk

125g Botter, Gesmelt.

Vulsel

3 Eiers

125ml Strooisuiker

5ml Suurlemoensap

250g Roomkaas

125ml Suurroom.

Versiering

125ml Vars Room, Geklits

Vars Vrugte (Soos Druiwekorrels).

Kors

Meng Beskuitjiekrummels En Botter. Druk Dit In In ‘N Tertbak Met

Deursnee Van 24cm.

Vulsel

Klits Eiers En Strooisuiker Tot Lig En Romerig. Voeg Suurlemoensap By.

Vou Die Room Kaas En Suurroom By. Gooi Dit In Die Beskuitjie kors En

Bak Vir 40 Min. By 160 C Totdat Dit Gestol En Goudkleurig Is. Verkoel

En Versier Met Room En Vrugte.

 

HELENA het gevra vir my KITS RESEPTE….

“Bêre - MENGSEL”  Vir die haastige kok! Maak die volgende aan en gebruik dit soos nodig! (Addisionele meel kom soms by.)

9 en 1/3 kp koekmeel

4 E bakpoeier

1 pd margarien / botter / kookvet 

3 t sout

(ek gebruik 2.5 kg meel en  500 g margarien) 

Meng droë bestanddele. Vryf smeer in. Bêre in glasfles in yskas, en gebruik soos nodig.

Wat kan jy als hiermee maak?

 

 VLEISPASTEI - KORS

Maak 1 kp mengsel aan met koue water en skeutjie suurlemoensap. Druk / rol dun uit.

Gebruik soos benodig.

 

OF

 

SKONS / BOTTERBROODJIES

1 ½ kp mengsel

½ kp meel

1 eier met ¼ melk geklits

Maak alles aan tot sagte deeg. Druk plat, sowat 2 cm dik. Druk met glas / koekiedrukker in sirkeltjies.

Plaas op gesmeerde bakplaat en bak in warm oond vir so 10 – 15 minute tot goudbruin en gaar.

 

OF :

 

SOUSKLUITJIES

(in elektriese braaipan, ek verkies dit, maar dit kan ook in oondpan, bedek deeg bolletjies met foelie, in oond gebak word.)

4 groot E mengsel

1 groot E meel

1 E suiker

1 eier

Bietjie melk

Maak sagte deeg aan met bestanddele. Kook sowat  1 ½ cm  (! Dis reg ja, cm!) water in  braaipan.

Gooi knypie sout en ’n  paar klontjies botter by. Laat botter net smelt, skep nou lepels-vol van deeg in water in die pan, sit deksel op en kook /bak vir sowat 10 – 15 minute. 

Haal uit. Skep die kluitjies oor in opdienbak waarin dik lagie kaneelsuiker gestrooi is, en strooi nog kaneelsuiker bo-oor. Stip met klontjies botter.

Maak in dieselfde pan sous: Kook 1 ½ kp water en ½ kp kaneelsuiker op, bind met bietjie Maizena /Mielieblom, hou warm tot bedieningstyd, giet sous oor kluitjies in bak en Voila!

 

SONDAGAANDE -OPPIE -STOEP

Maak bg. SKON-degie aan.

Druk plan in oondpan.

Bak in warm oond tot goudbruin.

Haal uit oond, gooi nou ½ kp gesmelte botter oor, laat effe intrek, dan smeer jy lagie Bovril / Marmite oor, rasper lagie Cheddar kaas bo-oor. Rooster net sodat kaas smelt of opborrel.

Sny wiggies en eet sommer buite op stoep !

 

Ek het ook al tussen die Bovril en kaas, ’n dun lagie fyn gestampte biltong gestrooi, óf ’n  lagie gaar spinasie en feta geskep.

En ek het al i.p.v. Bovril, tamatiesous of vars dun skyfies tamatie en brosgebraaide maalvleis of spek gebruik.

                                

 SPESERY SUIKER  vir pannekoek, melktert, wafels...en enige soet afronding.

 625 ml sagte bruinsuiker

 50 ml van der Hum likeur

 10 ml kaneel

 2 ml neutmuskaat

 1 ml gemengde speserye

 25 ml gerasperde lemoenskil

 25 ml vermicelli

Meng 125 ml suiker met die likeur en speserye, voeg res van suiker, skil en vermicelli by en roer goed deur. Bêre in mooi dig sluitende fles.

 

SOUSPOEIER

250 g Bisto

250 g Maizena

1 pakkie elk van : bruin uie sop poeier, tamatiesoppoeier en sampioensop poeier.

Meng goed deur, hou in lugdigte houer, Gebruik soos verlang na dikte van wat verlang word. 

Jy kan dit met bietjie water of melk aanmaak en  by gereg voeg of  bloot bo-oor strooi  en roer tot verlangde verdikking plaasvind.

 

RETHA (MYNE) se TEXAN-STEAK braaivleis speserye.

Meng :

 1 groot bottel Robertson’s Braaivleis spesery

 1 groot bottel Robertson’s Hoender spesery

 1 klein botteltjie elk van: swart growwe peper, seldery sout, pietersielie, tiemie 

 1 klein houertjie Aromat.

Gebruik soos nodig.

 

Goedkoper kits-CAPPUCCINO !

...as jul so lief is soos ek vir my daaglikse Cappuccino dan sal jul hierdie nuttig vind!

 125 ml Cremora-lite verromer

 60 ml Nespray melkpoeier / Elite

 60 ml Nescafe kitskoffie

 60 ml strooisuiker ( of laat weg en gebruik versoeter soos nodig met maak daarvan)

Meng baie goed tot FYN poeier met voedselverwerker (Bamix)

Hou in glasfles wat dig seël en gebruik 3 groot tl per koppie soos nodig!

Jy kan ook vir ’n tikkie andersheid byvoeg: 10 ml kakao OF 10 ml kaneel.

Maak sommer baie hiervan aan, skep in mooi botteltjies, plak jou eie etiket daarop en gee as Nuwejaar geskenkies aan jou vriende!

 Voila!! 

Rochelle, het geskryf: Ek vra net oor 'n resep wat julle gehad het.  Nou spoor ek hom nie op die. - ek het een bestanddeel verkeerd afgeskryf, nou moet ek net seker maak wat is die bestanddeel. Dis 'n Sjokolade koek - Oorspronklik van Esme en Jan se reeks. Ek dog dit gaan maklike wees om weer te kry, maar ek kry hom nie. Dié 3 de laaste bestanddeel is 1/2 t   ...........?   (kaneel....?)  daarna is die bestanddele 1/2 k melk dan 1 t vanilla/kitskoffie. 

Dankie ek groete uit Bundaberg, Australië, Rochelle

Rochelle , Hier is die resep waarvan jy praat!

3 MINUTE SJOKOLADE KOEK

3etl Kakao

2 eiers

1/3k sagte botter

3 t Bakpoeier

1 3/4k Meel

11/3k Suiker

1/2t Kaneel

1/2k Melk

1 t Vanilla of 2t Kitskoffie

Meng droë bestanddele saam.

Vryf botter in en voeg melk by. Meng alles goed deur.

Bak vir 40min. In gesmeerde koekpan.

Hennie skryf: Mens, in die woorde van die digter dink ek "weer aan die dae van ons jeug, van bly en Blanke onskuld, van argelose vreug..." en in besonder aan KAIINGS. Hoor nou die dag op KykNET dat daar in Orania deeg-kaiings gemaak word. Bid jou aan,  in die driekwart eeu van my bestaan had ek nog nie van so 'n ding gehoor nie. Ek hoop jy kan iewers 'n resep daarvoor uit- krap asseblief.

Hoop dit gaan goed met jou en joune. Ek en my verlangste bewandel darem ook nog die ondermaanse ewe stadigies!. Sal my nie glo nie maar ons het ook 'n Retha in ons gemeente met die van Kruidenier. Sal jou ook pas!! hie,  hie , hie. Mooi bly!

Hi Hennie!

 Het jy hierdie gekyk?

http://beta.mnet.co.za/mnetvideo/browsevideo.aspx?CPage=0&CategoryId=0&ChannelId=4&Search=&sortby=5&vid=24307

Wel, as dit nie help nie, laat weet en ek maak ’n plan! Mooi groete aan julle twee!

En Dankie, ek lag lekker oor my "Naamgenoot" Retha Kruidenier! Maar ek is heimlik bly dis nie my regte van nie! :-)

 

En nou sommer nog IETS vir die LEKKERTE ! !

KORSLOSE MELKTERT,

4 E margarien ( gesmelt )

1 k suiker.

4 eiers ( geskei )

2 t bakpoeier.

1 k meelblom.

4 k melk.

sout.

Smelt margarien en suiker. Klits goed. Voeg eiergele by. Klits goed.

Voeg meelblom, bakpoeier en sout by. Klits goed. Voeg melk geleidelik by.

Vou styf geklopte eierwitte by. Bak teen 180 Grade C vir

45 minute. Sprinkel kaneel oor wanneer koud. Lewer 3 tertborde.

 

VINNIGE MELKTERT

Dit maak 2 ronde gewone silwer foelie bakkies vol of anders die gewone glas vierkantige tertbakke vol. Gebruik n kors van jou keuse. Hy het nie n spesifieke een nie.

Benodighede

1 Blik kondensmelk

50 ml Maizena

50 ml Vlapoeier

1 Eier

1 L Melk

1 t  Vanilla

Kaneel

Gooi die blik kondensmelk in n pot en maak die leë blik vol melk en gooi by met die kondensmelk. Gooi altesaam 3 blikke melk saam met die 1 blik kondensmelk. Roer aanmekaar tot kook. Vat die laaste melk en meng dit saam met die eier, vlapoeier en Maizena. Sodra die melk/kondensmelk gekook het gooi die laaste melk mengsel met vla ens. by. Maak seker jy roer deeglik. Dit is geneig om vinnig vas te brand. Roer vir so 8 min en gooi die vanilla by.

Nou kan jy die mengsel in jou bak gooi en dadelik kaneel oorgooi. Los vir so rukkie buite totdat dit afgekoel het dan kan jy dit in die yskas sit. Die tert stol vinnig.

Wat ek gewoonlik doen is ek kook die kondensmelk en melk in die begin in die mikrogolf dan hoef ek nie aanmekaar te roer nie en dit brand ook nie vas nie. Maak net seker dat dit nie oorkook nie.

 

SPINASIEGEREG

1 Rol blaardeeg

1 Pak spinasie

250ml suurroom

2 Fetakaas sirkels

½ pak spek

swartpeper

meel

Voer die bak uit met deeg. Sny spinasie en kook vir 10 minute. Dreineer baie

goed. Braai spek. Gooi by spinasie en suurroom. Brokkel fetakaas binne

in spinasie mengsel. Verdik met meel (ongeveer 2 opgehoopte eetlepels).

Skep in deeg. Bak 20 min by 200°C.

 

ARM-MANS- POEDING

3 k Meelblom

3 t Koeksoda

3 E Margarine

1 k Melk

3 E Gouestroop

Sout

Smelt botter en stroop saam, laat afkoel. Los koeksoda in melk op en roer in. Sif meel en sout in en meng deeglik.

STROOP:

Kook 3 kop suiker, 6 kop kookwater, 1 E gouestroop en 1 E botter in ‘n groot kastrol. Skep lepels vol deeg in warm stroop en laat opkook. Plaas deksel op en laat 1 uur lank stadig kook. Indien verkies, kan E.e. gemmer bygevoeg word vir smaak.

 

OATS KOEKIES

2 k meel

4 k oats

2 k klapper

2 k suiker

250 g margarien

3 t stroop

2 t koeksoda

Smelt botter & stroop (moenie kook nie net smelt)

Voeg koeksoda by

Meng die droë bestanddele saam

Gooi stroop by droë bestanddele

Gooi in ‘n oondpan en druk vas

Bak vir ± 10 – 15 min teen 180° C

Haal uit en sny dadelik.

 

PAMPOEN POFFERS    Lekkerrrr!

 

750 gr gaar pampoen

2 eiers

5 ml sout

500 ml bruismeel

15 ml bakpoeier

2 k olie

METODE

Klop gaar pampoen, eiers en sout saam.

Sif meel en bakpoeier saam en meng met pampoen tot ‘n sagte deeg. Verhit die olie en bak lepels vol in olie.

STROOP

500 ml suiker

1 k water

1/2 k melk

30 ml margarine

2 t Maizena

METODE VIR STROOP

Kook alles saam behalwe die Maizena

Meng Maizena met water tot pasta en roer by stroop

Gooi oor die warm poffers

 

Elzabé Zietsman se VISKOEKIES!

1k gevlokte snoek

1k mash (Geur Mash met botter, suurlemoensap en gekapte kruie soos  pietersielie,tiemie suurlemoenskil, peper…nie sout!)

2 eiergele

1 gerasperde ui

Meng , Vorm koekies, Vryf eierwit oor elkeen en rol in krummels

Sit in yskas tot yskoud. Bak in warm olie.

 

ROKETSLAAI !

200g     roketblare

250g     gemengde baba tamaties

100g     Pecorino kaas, geskilfer

100g     frambose (opsioneel)

10ml     korreltjiemosterd

50ml     olyfolie

60ml     witwynasyn

5ml       heuning

200g     gemengde neute, liggies in ’n pan gerooster

sout en swartpeper

1.    Meng roketblare, tamaties en Pecorino kaas saam in ’n slaaibak. Sprinkel die frambose bo-oor die slaai.

2.    Maak ’n slaaisous deur die korreltjiemosterd, olyfolie, witwynasyn en heuning saam te meng. Geur met sout en swartpeper. Giet oor die slaai en meng deur.

3.    Garneer met geroosterde neute en bedien dadelik.

 

 

N.a.v. Anton Venter se navrae oor die kweek van PATATS op die TUIN blad, het ek die volgende lekker resepte om te deel!

Onthou ook Patats vries wonderlik. Jy kan enige een van die volgende resepte vries. Maak dit wanneer patats goedkoop is en vries dit vir latere gebruik! Ek vries geskilde patats ook netso rou! DRuk net goed droog voor jy dit in sakkies sit. So 'n sprinkel suurlemoensap oor die rou patats voorkom ook dat dit verkleur!

YVONNE SE SOETPATATS

2 kg patat

375 ml geel suiker

375 ml water

2 hoogvol eetlepels Maizena (mielieblom)

5 ml karamelgeursel

Was die patat en kook dit in 'n groot kastrol tot gaar. Skil dit af en sny in skywe. Pak die patatskywe in 'n reghoekige glasbak. Meng die suiker, water, mielieblom en geursel goed saam.

(Stip die patats met blokkies margarien, indien verkies.) Verhit die suikermengsel effens, tot die suiker gesmelt het. Gooi dit oor die patat en bak teen 180 grade vir 30-40 minute, of tot die suiker stol en karameliseer.

GRAANVLOKKIE PATAT

Patat met 'n sopie brandewyn - o gatta patatta! (Vir dié van julle wat nie weet nie, die alkohol in die brandewyn kook weg en net die lekker geur van die brandewyn bly oor.)

4 patats

190 ml geelsuiker

25 ml brandewyn

60 ml botter

2,5 ml fyn kaneel

125 ml graanvlokkies (Corn Flakes)

Kook die patats tot gaar en sny dit in skywe. Pak die patat in lae in 'n oondvaste bak. Meng die suiker, brandewyn, botter en kaneel saam. Verhit dit stadig tot die suiker gesmelt is. Gooi die sous oor die patat. Druk die graanvlokkies bietjie fyner en strooi dit bo-oor die patats. Bak in 'n voorverhitte oond teen 180 grade tot die gereg deurwarm is, en die graanvlokkies mooi bruin is.

Bedien warm.

RETHA SE LEMOENPATATS

Geen resepversameling is volledig sonder 'n resep vir lemoenpatats nie. Hierdie is my ma se resep, en het 'n lekker "twist" in die vorm van die rosyntjies. As jy nie van rosyntjies hou nie, los dit eenvoudig uit.

2 kg patat

50 ml mielieblom

500 ml lemoensap

125 ml bruin suiker

2 ml sout

2 ml gerasperde lemoenskil

125 ml pitlose rosyne

Voorverhit die oond tot 180ºC.

Kook die patat met die skil tot sag. Skil af en sny in skywe. Pak in ‘n groot oondvaste bak. Meng die mielieblom met bietjie lemoensap tot gladde pasta. Voeg die res van die lemoensap by, asook die suiker, sout, lemoenskil en rosyntjies. Verhit die sous tot dik en gooi die oor die patat. Bak vir 30 minute tot die patat deurwarm is.

NJAMMIE-PATATS

Ek moet bieg - ek het nog nie die resep gemaak nie. Maar dit klink absoluut divine.

1.5 kg patat

300 ml margarien

300 ml bruin suiker

750 ml mini-malvalekkers

2.5 ml fyn kaneel

1 ml fyn neut

Kook die patat tot gaar en skil af. Sny die patat in groterige blokkies, en druk van die blokkies effens fyner met 'n vurk. Voorverhit die oond tot 180 grade. Smeer 'n oondvaste bak.

Meng die margarien, bruin suiker, 500 ml van die malvalekkers, kaneel en neut saam in 'n kastrol. Kook oor medium hitte, en roer gedurig tot die malvalekkers gesmelt is. Meng die patat goed by die mengsel in. Skep dit in die voorbereide bak uit en bak in die oond vir 15 minute. Verwyder uit die oond en gooi die res van die malvalekkers bo-oor. Plaas terug in die oond en bak tot die malvalekkers gesmelt en goudbruin is.

PATATKOEKIES

As mens dit met pampoen kan doen, kan mens dit seker met patat ook doen?

500 ml fyn, gaar patat

125 ml koekmeelblom

2 eiers

olie vir vlakbraai

Meng die patat en meel goed. Klits die eiers saam en voeg dit by die patat. Meng tot 'n sagte deeg. (Indien dit te styf is, kan 'n bietjie melk bygegooi word.) Verhit die olie in 'n kleefvrye pan en braai lepelsvol van die deeg daarin tot gaar en goudbruin.

Bedien warm met kaneelsuiker, heuning en suurlemoen.

NUTTY CRUST PATAT

Retha (Naamgenoot) skryf: OK, bogenoemde resepte was almal redelik gesond. Wel, soortvan. Maar mens moet darem 'n dekadente resep ook hê wat jou are laat toeslaan deur net daaraan te dink. As dit die tipe resep is wat jy soek, moenie verder soek nie. Hierdie resep gaan verseker jou soettand ruk en jou cholesterol op 'n onnatuurlike "high" sit. En al sal jou skuldgevoel jou nie toelaat om hierdie gereg meer as een maal elke tien jaar te eet nie, is dit regtig heerlik.

4 kg patat

3 pakke Nutticrust-beskuitjies

250 ml vars room

500 g goue stroop

Kook die patat in soutwater tot sag. Skil af en maak fyn. Smeer 'n oondvaste bak. Neem een van die pakke Nutticrust en pak dit in 'n enkellaag onderin die bak. Skep die helfte van die patat oor. Maak die stroop bietjie warm en gooi die helte oor. Gooi ook die helte van die room bo-oor. Krummel die tweede pak beskuitjies en gooi dit oor die patat. Skep die tweede helfte van die patat bo-oor en maak gelyk. Gooi die res van die stroop en room oor. Krummel die laaste pak beskuitjies en strooi dit bo-oor die patat. Bak vir 20-30 minute by 180 grade tot die gereg deurgaar is.

 

EN hier is so paar wenners van ANNA!

CREMORA BESKUIT

250ml koffieverromer poeier (soos Cremora)      

125ml kookwater

25ml wit asyn                                                            

1 kg bruismeel

12ml bakpoeier

250ml witsuiker

125ml klapper

2ml sout

250ml botter of margarien

Voorverhit die oond tot 180C.  Smeer 2 broodpanne met botter of bespuit met kleefwerende kossproei.  Meng die koffie verromer met kookwater en vul aan tot 500ml met koue water.  Voeg die asyn by.  Meng droë bestanddele en vryf botter of margarien in tot mengsel soos broodkrummels lyk.  Maak ‘n holte in middel en voeg verromer mengsel by.  Meng tot ‘n hanteerbare deeg.  Vorm bolletjies en pak in gesmeerde panne.  Bak ongeveer 45-55 minute tot gaar.  Laat net effens afkoel en breek in stukkies.

Lewer ongeveer 5 dosyn beskuit.

 

BOBAAS BROCOLLI

1 pakkie spekvleis, gesnipper

1 groot ui, gekap ’n groot kop broccoli laevet-mayonnaise sonneblomsaad

Braai die spek en ui saam. Kook die broccoli liggies in water en meng dit met die spek-en-uiemengsel. Siedaar. Laat dit afkoel en gooi die mayonnaise en sonneblomsaad by. So maklik soos val uit ’n boom!

 

BLITSIGE KAASKOEK

Kors:

1 pakkie (200gr) Mariebeskuitjies (fyngedruk)

50g margarine gesmelt

2ml kaneel

Vulsel:

1 blik (397g) kondensmelk

250g geroomde maaskaas

1 pakkie (90g) vanielje kitspoeding

100g melksjokolade (opsioneel)

Meng die beskuitjiekrummels, botter en kaneel. Druk met die agterkant van ‘n lepel op die bodem en teen die kante van ‘n 1 liter tertkbord vas. Klits die kondensmelk en maaskaas tot gemeng. Strooi kitspoeding oor en klits 1 minuut lank. Giet die vulsel in die kors en verkoel in yskas tot stewig. Berei sjokoladekrulle met ‘n groneteskillertjie en versier die kaaskoek daarmee.Lewer middelslag-tert.

 

 

 

 

VIR DIE EERSTE SEPTEMBER, het ek HIERDIE NUWE veranderings aan die werfie aangebring! Ek hoop jul vind die gebruik daarvan makliker en dat jul lekker hier sal rondblaai!

’n WONDERLIKE LENTE-MAAND word jul toegewens!

HIERONDER, VOLG ALLE KOS EN RESEP VERWANTE NAVRAE, en KLETSPRAATJIES, WAT SEDERT JANUARIE TOT EINDE AUGUSTUS  GEPLAAS WAS…

 

STUKKIE KLETS:

Die wind waai soos dit in Augustus moet waai, en tussen in verlustig ek my in die windstil dae!!

'n Leser het gevra vir foto's van die resepte. Ek sou graag wou, maar hoe meer foto's hoe stadiger laai die bladsy vir sommige ander lesers, die dat ek bietjie afgeskaal het daarmee. Vergewe toe?

Hier en daar net na opstaantyd het yswitkristalle aan die kampdraad gehang, doodstil en stadig druppend op die eerste windstil Augustus dag. Julie se laaste week se woeste winde het die Augustus wind gehalter en getem sodat vandag se verekroos losvlerk op die takke wip en hul hulself in die spieëlgladheid van die rivier kan eien...

Hennie Coetzee skryf: Hallo Retha. Hoop alles wel met jou en joune. Ek en my Verlangste bewandel genadiglik ook nog die ondermaanse maar ons verlang na egte regte outydse slaptjips maar al wat ons kry is die moderne identiteitlose harde aartappelskyfies wat ver van slaptjips verwyder is. Weet jy dalk hoe slaptjips gemaak was of was dit maar net omdat dit in papier toegedraai was?

 

Altyd lekker om van jou te hoor! Hennie, en Hoe lekker laat lag jy my nou!

Ja dit was seker die papier!! Die BESTE aartappels vir skyfies en wiggies is: Van der Plank or Fianna. (Ovaal met ligte skilletjies, en die vlees roomwit.)

Die beste raad oor slapchips het ek een aand op TV gesien deur Ina Paarman! Hier is haar metode!

 

Beste VIS en SKYFIES ooit!

Bier Beslag:

1 k (120 g) koekmeel

2 e (30 ml) maizena

1 t (5 ml) Ina Paarman’s Seasoned Sea Salt

1 k (250 ml) bier of soda water

Sif droë bestanddele saam, Voeg die bier stadig by en klop met draad “whisk”  Moet nie te bekommerd wees oor ‘n paar klontjies nie dit word gaar en verskaf tekstuur. Laat die beslag rus by kamertemperatuur vir sowat half uur voor gebruik.

VIS:

500 g  wit vis fillette, Ina Paarman’s Fish Spice, canola olie en die Bier beslag.

Geur die vis met die spesery, laat in yskas tot ferm en gereed vir gebruik.Verhit olie in swaarboom kastrol, toets of dit warm genoeg is met ‘n drupel deeg, dit moet borrel en gou verbruin. Doop die vis in die bier beslag en braai in die olie (op medium hitte) tot brosbruin aan beide kante.Laat ergste olie op absorbeerpapier afdrup of op verkrummelde bruin papier.Bedien met  suurlemoen wiggies en krakerige aartappelskyfies!

SKYFIES:

Skyfies moet bros wees aan die buitekant en sag en donsig aan die binnekant en nie teveel olie absorber nie.

Die beste wenk ooit; aartappel of rys meel!! ( by gesondheids winkels en gesondheids rake in supermarkte)

4-5 medium/groot aartappels

1¼ e (18,75 ml) aartappel of rys meel

canola olie

Ina Paarman’s Potato Spice

Skil die aartappels. Spoel en droog af.Sny in skyfies.Moet nie weer afspoel nie.Skud die skyfies in ‘n sakkie met die aartappel meel om liggies te bedek. die stysel meel sal alle vogtigheid verder absorber. Voorverhit die olie en braai die skyfies tot bros en goudbruin.Dreineer en geur met Potato Spice en bedien.

 

GEBAKTE AARTAPPEL WIGGIES

MOENIE in die versoeking kom om 6 groot aartappels te skil nie, was hulle net deeglik en sny in dik wiggies.

Skud die wiggies in ‘n sak met

3 e (45 ml) olyf olie en 3 t (15 ml) Ina Paarman's Potato Spice

Voorverhit jou oond tot 220ºC. Bak vir omtrent 35-45 minute tot goudbruin en bros.

Voila!!

 

En ‘n ander mening- en vergewe my die Engels, maar dit was eintlik vir my mooi! Dit is net ons Afrikaans sprekendes wat dit juis kan waardeer, want watter ander land se mense  weet regtig van “slap” “chips”!

Heston Blumenthal seg: …although I favour crispy, rather than slap-chip…The secret is to cook the potatoes twice. The first cooking,could be to boil or microwave the chips, enough to cook the inside but leave the exterior intact. First, cut your potatoes into rectangles about 1cm thick. Soak the chips in water to get rid of some of the starch. You could then boil the chips in unsalted water for about 10 minutes, until a sharp knife point penetrates them easily. Gently remove from the water, drain and put in the fridge to harden up a bit. I don't boil, but rather cook the raw chips in the deep fat fryer at a low, low temperature (about 50 - 60C) for about half an hour. This doesn't colour or crisp the chips in any way (if this starts happening, remove them and lower the temp.) - it merely cooks the inside to a fluffy softness. Keep checking and tasting throughout the process - this isn't an exact process. Remove from the fat, drain and put in the fridge to cool and harden. (You can do this days beforehand). When you want to finish off the chips, get the fryer's temp to 130C. Cook for about 5 minutes - this still won't brown them, but it will crisp the outside a bit and fluff up the interior. For slap chips, taste after 5 minutes - they might be slap enough, but you probably may need more time, even another 5 to 10 mins (it can depend on the variety of potato you used). If you want a crispier chip, now raise the temp to 180C, and fry until they're as brown as you would like.

 

Estelle Hattingh vra: Goeie dag, ek is op soek na n mostert resep, die een wat kondensmelk en Engelse mostert inkry. My man is verslaaf daaraan nadat ek dit by Ta Ralie se stalletjie gekoop het by Harties. Ek sal dit so waardeer as julle my kan help met die reseppie.

Estelle!Hier is een wat ek al probeer het:

TUISGEMAAKTE MOSTERD

397g kondensmelk

250ml suiker

110g Engelse mosterdpoeier     

200ml mayonnaise

200ml asyn

Meng die kondensmelk, suiker en mosterdpoeier. Voeg die mayonnaise en asyn by en meng. Klits dit goed met ‘n eierklitser. Bewaar dit in die yskas. Lewer ongeveer 1 liter.

Verder is daar in WENRESEPTE  1 of 2 'n resep vir "Skoonma se tong", dit is 'n HEERLIKE mosterd resep, en kan ook lank in yskas bewaar word. Dis vir my mense 'n persoonlike gunsteling. Die resep is iewers op my ARGIEF bladsye, as jy dit nie kry nie laat weet gerus!

 

Naomi skryf : As my uie wat in die kombuis is al begin uitloop bo, kan ek die boonste groen uitloopsels eet?

Inderdaad ja, jy kan die groen uitloopsels eet, dit sal effe flouer in smaak wees as die ui self maar dis heerlik in sop en fyn gekerf in slaaie. Jy kan ook die groen uitloopsels van knoffel  in jou kos gebruik.

 

UIE MARMELADE

150ml olyfolie

20ml mosterdsaad

1kg rooi uie, geskil, in dun ringe gesny

25ml gemmer, vars, gerasper

2 vars lourierblare

100ml bruinsuiker

150ml rooi wynasyn

100ml rooiwyn

fyngerasperde skil en sap van 2 lemoene

Verhit die olie in ‘n groot swaarboomkastrol en soteer die uie stadig oor ‘n lae hitte tot dit sagg is (sowat 25 minute) Roer dit af en toe. Voeg die res van die bestanddle by en prut saggies tot die sappe verdik. Geur na smaak met sout en en vars gemaalde peper en laat staan 8 uur sodat die geur goed deurtrek. Skep in droë, skoon en warm flesse en bêre in yskas. Sit voor met gebraaide beesvleis, ham of kaas.

 

KAAS-UIE-TERT

Deur Barbara Joubert, SARIE - Mei 2007

Die kombinasie van die gebraaide uie en kaas is heerlik. As jy wil, kan jy ’n hand vol vars roket of bronkors bo-op sprinkel.

1 vel (400 g) blaardeeg

1 eier, geklits

olyfolie

5 rooi-uie, gehalveer en in skywe gesny

100 g fetakaas, in blokke gesny

1 camembertkaas, in blokke gesny

100 g chevinkaas (1 rolletjie), in skywe gesny

vars gemaalde swartpeper

hand vol vars basiliekruid, gebreek

10 swartolywe, verkieslik ontpit

Plaas die blaardeeg op ’n gesmeerde bakplaat. Verf die deeg met geklitste eier. Plaas die deeg in ’n warm oond teen 200 °C vir ongeveer 30 minute tot mooi bros en bruin. Verhit intussen ’n klein bietjie olyfolie in ’n pan en braai die gesnyde uie tot mooi bruin. Dit duur ongeveer 20-25 minute. Wanneer die deeg gaar is, haal uit die oond en plaas die uie bo-op. Verlaag die temperatuur van die oond tot 180 °C. Rangskik die drie verskillende kase op die uie en voeg die olywe by. Geur met swartpeper en sprinkel die basiliekruid oor. Gooi nou nog ’n klein bietjie olyfolie oor en plaas terug in die oond. Bak die tert vir 20 minute tot die kaas gesmelt is. Sit warm of teen kamertemperatuur voor. As die 3 kase vir jou te ryk is, gebruik net die fetakaas.

 

UIERINGE.  (KleinKombuis)

As julle volgende keer steaks braai, maak lekker uieringe daarby.

Sny 5 groot uie in ringe – halfsentimeter dik.  Maak die ringe los en gooi dit in ‘n plastiek- of glashouer, gevul met ys en water, en sit in die yskas vir ‘n uur of meer.

Gooi die water af – gooi dit sommer in ‘n sif of vergites dat die ekstra water kan afloop, en neem ‘n Ziplock, mind you, ‘n skoon winkelsak sal seker ook die truuk doen.  Gooi daarin ‘n paar lepels koekmeel.  Dit is om ‘n lagie te vorm tussen die gladde uie vleis, en die beslag.

Gooi ‘n paar ringe op ‘n slag in, skud rond sodat die meel die uie lekker omsingel, en dan dompel jy dit in ‘n beslag wat gemaak is met ‘n draad handklitser, 250ml bruismeel, en ‘n teelepel van tannie Ina Paarman se garlic en herb sout.  Hierby gooi jy koue water en klits en verwyder klonte, totdat ‘n beslag voor jou oë vorm aanneem.

Vis die ringe uit met ‘n sosatiestokkie, of gisteraand se take away chinese chopstick!  Teen die tyd moet die olie al baie warm staan en wag – gooi die ringe in die olie, laat tog net eers die beslag bietjie  afloop weens vanselfsprekende redes, en dreineer op handdoekpapier as die uie goudbruin gebraai is.

Dit klink na moeite, ja, maar lekker eet is soms bietjie moeite. En mens dooi nie sommer van kosmaak nie!

Wenk:  ‘n ui in kwarte gesny en by tuisgemaakte slapchips in die olie gegooi, gee ‘n heerlike geur aan daardie slapchips!  As die ui te donker raak, gooi ‘n nuwe kwart in.

 

HESTER KRUIS het gevra: Ek soek 'n resep vir die inmaak van sampioene soos die wat jy in blikkies koop by die supermark. Ook 'n “Sweet Chillie" sous resep soos die wat smaak en lyk soos Steers s’n!

Wel Hester, my resep proe NIE soos die sampioene in die blikkies nie, maar dit hou net so lank en is baie smaakvol, so probeer dit gerus en laat weet of dit jou kon help!

En ek neem aan jy het ook al die resepte oor RRRRRRISSSIES… in die Argief gekry? Daar is o.a. ‘n soet-rissie sous van ’n Facebook vriendin Helena Kruger! Jy kan dit gerus probeer!

 

GEBOTTELDE SAMPIOENE (1)

6x 250g gekerfde sampioene

2 fyn gekapte uie – opsioneel

1 k asyn

8 k water

Kook water en asyn. Voeg sampioene by. Prut vir 10 minute, dreineer. Pak sampione in bottels.

1 x 750 ml kookolie / olyfolie/canola olie

1 t elk van : peri-peri, crushed chillies, pietersielie,gemmer,swart pepere, aromat, hoender spesery, paprika en knoffel vlokkies.

Kook olie en speserye sowat 5 minute, oppas vir aanbrand en brand!

Gooi warm olie oor sampioene, en bottle warm.

 

GEBOTTELDE SAMPIOENE (2)

1 ½ kg sampioene

2 k olyfolie

½ k water

6 e asyn

2 t sout

1 t koljander

½ suurlemoen se sap

1 lourierblaar

1 fyn knoffel huisie

1 rissie

1 t suiker

Kook asyn, sout, koljandeer, lourierblare,rissies, knoffel, suiker en suurlemoensap saam, voeg sampioene by en prut vir 10 minute. Dreineer en pak in bottels. Vul bottels met KAMER TEMPERATUUR olyfolie en bottel dig.

 

ANNA se MIKROGOLF RISSIE-TAMATIESOUS

1 kg tamaties, geskil en gekap                         

1 teelepel sout

4 toontjies knoffel geskil en gekneus                 

¼ koppie bruinsuiker

3 brandrissies ontsaad en gekap                       

¼ koppie vars koljanderblare

¼ koppie asyn - druiweasyn is lekker maar nie ´n moet nie!

Meng alles saam in glasbak en mikrogolf op hoog vir 25 minute roer deur af en toe. Laat koud word en meng in voedselverwerker. Gooi in gesteriliseerde bottels. Maak 625ml. Wag 2 weke voor gebruik. Hou in yskas nadat oopgemaak is.

 

Ander, RISSIESOUS

1 vars rooi brandrissie                                     

1 klein rooi soetrissie

2 tamaties                                                    

4 knoffelhuisies

2ml paprika                                                  

2ml borrie

65ml olyfolie                                                  

10ml wit asyn

sout na smaak

Plaas die rissies, tamaties en knoffel 5 minute lank in 'n warm oond van 200C om sag te word. Skil die knoffel en die tamaties en verwyder die pitte van die rissies. Kap alles fyn en voeg die speserye by. Roer die res van die bestandele by, druk dit deur n growwe sif.

 

PNP SOET RISSIESOUS

2 k suiker

3 e gerasperde vars gemmer

1 k tamatiesap

1 k wit asyn

2 gekapte rooi rissies

 Meng al die bestandele in ‘n kastrol, roer tot die suiker opgelos het en kook  dan op stadige hitte vir sowat 7 minute, tot effe verdik. Indien jy dit dicker wil hê kan 1 e Maizena bygeroeor word. Bottel warm.

WENK: Roer hiervan by roomkaas in, en gebruik as doopsous of as rissie-kaas-smeer op beskuitjies.

 

Ag UITEINDELIK!! Hier in die middel van Augustus, word die dae met tussenposes weer warmer! Is dit nie heerlik nie! Die kortste dag en die langste nag is nou lank reeds verby en ek begin reikhalsend na die LENTE uitsien!Hier volg sommer iets lekkers…

 

 ‘n bitter maklike (woes) JOGURT-TERT  resep wat jul gerus kan probeer.

1 pk Eat sum more (druk fyn) nie botter by nie

1 x 500 ml Jogurt (enige geur) chocchip is glo baie lekker

1 blikkie kondensmelk

1. Druk koekies fyn en sit onder in tertbord.

2. Klits jogurt en kondensmelk

3. Gooi in tertbord.

4. Sit dit in mikrogolf vir 3 minute!!

5. Laat afkoel/yskas en eet dieselfde dag!

 

WENK: jy kan die gewone koekie en botter kors maak of selfs die koekies net so inpak (gooi dan bietjie warm melk oor, of smeer die koekies aan die onderkant met dun lagie botter sodat dit nie opdryf nie!!)

 

PETRO GREEFF SE PATATKOEK !

550 ml koekmeel – ongesif afgemeet

15 ml bakpoeier

5 ml kaneel

5 ml neutmuskaat

1 ml sout

500 ml suiker

375 ml sonneblomolie

60 ml kookwater

4 eiers geskei

375 ml geskilde, grof gerasperde rou patat

100g (250 ml) gekapte okkerneute

5 ml vanieljegeursel

Voorverhit die oond tot 180C . Smeer twee laagkoekpanne van 23 cm deursnee of spuit met sproei.

Sif die meel, bakpoeier, kaneel, neutmuskaat en sout saam.

Klop die suiker en sonneblomolie baie goed saam. Voeg die kookwater by en hou aan klop totdat al die water ingeklop is. Voeg die eiergele en meelmengsel by en roer tot gemeng. Voeg die patats, okkerneute en vanieljegeursel by en meng. Klits die eierwitte tot styf en vou dit liggies met ‘n metaallepel in die patatmengsel in.

Skep die deeg in die panne en maak gelyk. Bak ongeveer 40 minute op die middelste oondrak tot gaar. Laat die koeklae effens in die panne afkoel en keer dan versigtig op ‘n draadrak uit om heeltemal koud te word.

Vulsel en versiersel:

250 (500ml) versiersuiker, gesif

60 ml botter of margarien by kamertemperatuur

1 houer fyn maaskaas

125 ml gekapte okkerneute

Kaneel

Meng die versiersuiker en botter of margarien baie goed saam, die mengsel sal fyn krummelrig wees. Voeg die helfte van die maaskaas by en roer tot net gemeng.

Smeer die oorblywende maaskaas op die bokant van elke koeklaag. Smeer die maaskaasversiersel op die maaskaas. Plaas koeklae op mekaar. Strooi dei okkerneute bo-op om die rand en sif ‘n biejtjie kaneel in die middel. Verkoeld die koek ‘n rukkie in die yskas voor opdiening. Bewaar die oorskiet-koek in die yskas.

 

NS. Ek gebruik nie eens die maaskaas nie, maak gewone botterversiersel aan en so bietjie suurlemoensap by maak nogal lekker suurderig.

Ek kan getuig: Dit is HEERLIK! Petro is ’n Faceboek-vriendin wat ek die voorreg gehad om te ontmoet en sy het ons trakteer op hierdie heerlike koek!  Dankie Petro jy is 'n Staatmaker!

 

Carol Elliott se VINNIGE AANDETE!

4 Dik snye brood

1 Bl WeenseWorsies

3 Geklikste eiers

2 k Gerasperde kaas

2 k Melk

1 Pakkie Baconstukkies

Pietersielie,sout,rooipeper,mosterd

2 Uie gekap

Braai uie en spek. Krummel die brood, voeg warm melk oor en week. Voeg geklitste eiers by, meng goed. Gooi alles in 'n bak, bak in matige oond tot gestol en gaar. Saam slaai! Voila!!

 

Ems Saaiman het ook geskryf: Ek is opsoek na grootmaatresepte vir gestoofde groenbone met aartappels, pampoentert en korslose melktert. Sal dit baie waardeer. Dankie!

Ek het vir Ems 'n lekker versameling grootmaak resepte aangestuur, as jy dit ook wil ontvang, laat weet my net d.m.v. die NAVRAE BLOKKIE!!

Ek hou ook baie van die volgende web bladsye rakende hierdie onderwerp! Gaan loer gerus daar!

http://www.ellenskitchen.com/bigpots/

http://www.egafrikaans.co.za/eg2010/index.php/resepteboek-hoofblad

http://www.boereenheid.co.za/viewtopic.php?f=66&t=38

http://www.jouwereld.co.za/jl_herfsfees.htm

http://www.boerekos.com/

 

Die volgende is wel nie grootmaat nie maar wel baie lekker!

 

GEBAKTE GROENBONE

500g groenboontjie stukkies (nie die french cut nie)

250g fyn spek (bacon)

1 groot ui, grof gekap

1 pakkie sampioene, gekap

½ groot pak Niknaks

1 pakkie aanmaak kaassous

1 houer (250ml) room

+- 125ml gerasperde kaas

Meng alles saam behalwe die kaassous en room.

Gooi kaassous (gemaak van room en kaassous poeier) bo-oor.

Gooi kaas oor en bedek met foelie.

Bak vir 1 - 1½ uur by 180 grade Celsius.

 

JAPTRAP-BONE

kookolie

2 uie, fyn gekap

1 groen soet rissie, fyn gekap

10ml kerrie poeier

2ml gemengde kruie

1 blikkie boontjies in tamatie sous

Braai die ui en soetrissie in 'n klein bietjie kookolie.

Voeg die kerriepoeier en kruie by, en braai nog sowat

een minuut. Roer die boontjies by en verhit.

Bedien warm.

 

PAMPOENPOFFERS IN STROOP

500 ml fyngemaakte pampoen

250 ml bruismeel

10 ml bakpoeier

2 ml sout

kookolie

15 ml botter

325 ml suiker

200 ml melk

40 ml mielieblom

175 ml koue water

kaneel

1. Meng pampoen, bruismeel, bakpoeier, sout en eier deeglik. Skep

teelepels in warm kookolie. Braai goudbruin en gaar.

2. Dreineer op bruinpapier en skep op opdienskottel. Verhit botter, suiker

en melk tot kookpunt.

3. Los mielieblom in water op en roer in 'n straaltjie by melkmengsel.

Verhit tot kookpunt en skep oor koekies.

4. Dien warm op.        

 

SMOORKOOL

1 middelslag ui

30ml sonneblom olie

2 tamaties

400g gesnipperde kopkool

2 ml sout

growwe swart peper

Skil die ui en sny in ringe. Soteer uieringe in sonneblom olie.

Skil die tamaties en sny in blokkies. Voeg dit by die uieringe en smoor 'n paar

minute saam. Voeg die kopkool by en roerbraai die mengsel oor stadige hitte

net totdat die kool sag is. Geur met sout en swart peper. Bedien warm.

 

GESTOOFDE GOENBOONTJIE (Outydse Resep)

1. Was 500g groenboontjies, haar dit af en kerf dit fyn.

2. Was en skil 1 middelmatige aartappel en 1 middelmatige ui, sny dit in skyfies en

voeg by die boontjies, Indien verkies, kan by die boontjies. Indien verkies, kan ʼn

klein stukkie skaapvleis ook bygevoeg word.

3. Kook die groente 40 minute of langer stadig in ʼn klein hoeveelheid water tot alles

sag is.

4. Maak dit met ʼn vurk fyn en voeg sout, peper en botter by na smaak.

 

En, TERLOOPS,  Vir die wat hou van boeke… Gaan loer hier en kommentaar welkom!

http://eenvolmuurboekrakvolboeke.blogspot.com/

 

THEA DE WET skryf: Sjoe! Ek's so bly ek't toevallig op hierdie affêre afgekom! Laat mens nostalgies voel! Was eintlik op soek na 'n SNACKLE resep! Asb. indien jul kan help sal ek bly wees!! EN terwyl ek op jul afgekom het- HOE kan ek 'inskakel' op hierdie webwerf, vir gereelde 'saamkuier'? Dankie! Thea

Thea, Ek is baie bly jy het op die werfie uitgekom, geniet dit en vertel jou vriende gerus!

Jy kan enige tyd inskakel, stel dit bo by jou "browser" as een van jou "bookmarks" of "Favourites" en Voila! jy kliek net daar en jy is op die werfie!

Ek stuur nog nie 'n “Blog-post”-kennisgewing van alle nuwe plasings uit nie, want ons is wagtend vir GRROOOT webwerf veranderings wat hopelik een van die dae heeltemal interaktief sal wees, hou maar die kennisgewings daaroor dop!

Dan is daar 'n 2maandelikse Nuusbrief wat ons uitstuur teen R120-00 per jaar, wat nie duur is nie, en daarin is allerhande lekker dinge, ek heg vir jou een aan as vb!(aan haar epos natuurlik!!) Jy kan daarop inteken deur bloot die blokkie - heel onder op al SOMAAKMENS se bladsye, in te vul.

Verder kan jy op my FACEBOOK bladsy (Retha van SOMAAKMENS)'n vriend word en daar ook saam kuier. Die dinge wat op FB, op die werfie en in die Kammanuus verskyn is nie dieselfde nie terwille van verskeidenheid. Laat weet gerus as ons wegraak  dan spoor ons mekaar bloot net weer op!

Ek weet presies ook waarna jy soek (Jou Snackle reseppie) en hier is die oorspronklike resep wat saam met daardie produk gekom het!! Dis in my eerste resepte boek opgeteken as " MEIS SE WAFELTJIE VORM RESEP" My sus was toe al getroud en ek nog op skool en sy het so 'n dingetjie gehad!!.... Kan jy glo!

SNACKLE -WAFELTJIES

1. Klits 2 eiers, 2tl suiker en knippie sout

2. Voeg 1kp melk by

3. Klits goed

4. Voeg 1kp meel by

5. Meng tot glad

6. Maak vorm goed in die olie warm voor in deeg doop, en let daarop dat die deeg nie oor die bokante ook is nie!

7. Vul doppies met soet of sout vulsel net voor bediening.

 

Ek onthou sy het hare altyd met 'n caramel-vla of 'n tuna-mayonaise vulsel gevul.

Dit was altyd 'n treffer! Hare het skoenlappertjies, harte, "spades"  en sirkeltjies gehad!

Die eerste plasing hiervoor kan op die werfie gevind word by :http://www.onsdorp.com/somaakmens/begin_aug2009.html

 

Mari Smit skryf: Goeie more.  Groot asseblief die resept vir die gemmerpoeding op die stoof.Baie dankie.Mari

Mari!Met graagte!

GEMMER POEDING

Kook: 2 k water

                1 k suiker

                1 e botter

Meng: 1 k meel

                2 e stroop

                1e botter

                1 t gemmer

                1 t koeksoda opgelos in 1/2 k melk

Skep lepelsvol van die degie in die kokende stroop. Plaas digsluitende deksel op en laat op lae hitte gaar stoom vir sowat 25-30 minute.

MOET nie deksel in die eerste 10 minute oopmaaak nie anders word dit kluitjierig.

Bedien warm met vla. Of met dun room wanneer die poeding koud is!

*Ek maak gewoonlik die sous 1 en 1/2 keer aan.

 

Josephine Kemp skryf: Ek soek graag 'n biltongsop resep.Dankie

Josephine, Dalk het jy hierdie resepte al, dis wat ek ook maar via die web bymekaar gemaak het! Hoop nogtans dit kan jou help!

BOEREKOS.COM se BILTONG EN BLOUKAAS SOP

Bestanddele

125 g botter

250 g koekmeel

250 g gerasperde cheddar/ soetmelkkaas

125 g bloukaas in blokke gesny

4 hande vol biltong,(gekerf )

2 l kookwater

500 ml melk

3 eetlepels port

2 hoenderekstrak

Sout en peper na smaak

Metode

Smelt die botter in die soppot. Gooi die meel by en roer dit, verkieslik met n handklitser of n vurk. Breek die blokkies hoenderekstrak by die mengsel.

Voeg nou stadig die melk en die kookwater by, terwyl jy aanhou roer. tot romerig

Voeg nou die cheddarkaas by of soetmelkkaas, 2 hande vol biltong. Hou aan met roer terwyl jy die bloukaas byvoeg en dit in die sop weggesmelt het.

Haal nou die pot van die hitte af, of draai die hitte laag genoeg om die pot warm te hou, sonder dat die sop prut. Plaas die res van die biltong in die sop en roer dit deur saam met n sopie port.

Onthou dat die bloukaas nogal sout is en die biltong sy eie speserye het, so proe eers voor jy die sout- en peper byvoeg na smaak.

 

Landbou .com se BILTONG SOP

2 uie, gekap

100 g botter

2 knoffelhuisies, fyn gedruk

60 ml koekmeelblom

500 ml ligte hoenderaftreksel

250 ml warm volroommelk

125 g beesbiltong, fyn gekap

60 ml bloukaas, gekrummel

60 ml fetakaas, gekrummel

Sout en vars gemaalde swartpeper na smaak

Braai die uie in die botter tot sag. Voeg die knoffelhuisies by en braai tot geurig. Voeg die meel by en braai tot die mengsel borrel. Voeg die hoenderaftreksel by en verhit, terwyl geroer word, tot kookpunt. Voeg die warm melk by en verhit weer tot kookpunt. Laat prut tot dit gaar proe. Voeg die biltong by en verpulp tot glad. Verhit net voor opdiening weer tot kookpunt, roer die kaas deur, geur met sout en peper en sit voor as voorgereg. Genoeg vir 6 mense (as voorgereg).

 

MEDIA 24 SE BILTONGSOP RESEP

1ui, fyngekap

350gbroccoli

225gblomkool

200gbiltong, fyn gerasper

3-4 koppies hoenderaftreksel

250mlsuurroom

250mlverouderde Cheddar

Braai 1 ui tot sag, voeg die 225 g blomkool en 225 g broccoli by en braai vir nog 2 minute. Voeg 200 g biltong en 3 - 4 koppies aftreksel daarby en verhit tot kookpunt. Plaas al die bestanddele in 'n voedselverwerker of gebruik 'n handmenger en meng alles tot baie fyn. Roer 250 ml suurroom en 250 ml kaas daarby en geur met sout en peper. Laat prut vir 'n paar minute oor lae hitte. Garneer met roket en sit onmiddellik voor.

 

TJAILATYD, ADRI VAN WYK se BILTONGSOP

125ml (½k) botter

2 beesvleisaftrekselblokkies

2t gemaalde swartpeper

½ t neutmuskaat

½ t koljander

250ml koekmeelblom

500ml melk

1½ liter kookwater

1 k gerasperde cheddar

200g fyngekerfde biltong

room & port (Opsioneel)

100g bloukaas, gerasper of gekrummel

Smelt botter in kastrol, krummel vleisaftrekselblokkies oor en voeg die speserye by. Roer die meel in, meng water en melk, voeg dit by die meelmengsel, hou aan met roer, jy soek nie klonte nie!

Verwyder sop van die stoof en roer die cheddar en helfte van die biltong in. Moenie die mensel weer laat kook nie, hou net warm.

Roer 'n bietjie room en port in net voor opdiening.

Skep sop in bord, sprinkel orige biltong oor en krummel bloukaas oor.

 

PASELLA SE BILTONGSOP RESEP

½ k botter

1 k meel

1 L beesvleisaftreksel

1 k fyn biltong

100 g bloukaas

200 g cheddarkaas

1 k room

Smelt die botter en roer die meel by. Voeg die vleisaftreksel bietjie vir bietjie by terwyl geroer word. Verhit tot kookpunt en prut tot verdik. Voeg biltong by en laat baie stadig prut, sodat biltonggeur kan deurtrek. Proe en voeg sout en peper by na smaak. Roer die room by, en haal van die hitte af.

Voeg gerasperde kaas by en roer deeglik. Die hitte van die sop sal die kaas laat smelt. Bedien met nog gerasperde biltong oor.

 

Dries Cremer skryf:Ek wil wildsvleis inmaak.. in bottles en dan kan bêre vir 'n paar maande.  Ek het lank gelede ingemaakte buffelvleis in Skukuza gekoop, dit was regtig lekker.     

Hi Dries!

Ja dis 'n gebruik wat regtig uitsterf!

Ek onthou my ouma het dit baie gedoen, maar nooit met vleis wat bene bevat het nie, dit was gewoonlik vleis blokkies, frikkadelle of wors, dit was gewoonlik gaar gemaak met net sout en peper en min speserye, en dan styf in die flesse verpak, en dan verseël met warm gesmelte varkvet, en dan warm gebottel. Om te keer dat die vleis met gebruik later te vetterig was, is dit uitgehaal en die meeste vet koud verwyder voordat die vleis verhit is. Die vleis is gewoonlik gebruik in pasteie of stowe geregte. Die geheim is higiëne en die proses moet so warm moontlik geskied. Bottels moet baie skoon wees en warm.

Die stoom-kook/steriliseer proses waar bottles gepak word met rou vleis en speserye ens. en daarna verseël word en dan in 'n stoompot gekook word- daaroor kan ek my nie uitlaat nie want ek het geen ondervinding daarmee nie!

 

Ek het heelwat meer aan Dries gestuur as wat ek hier plaas, indien jy ook die volledige antwoorde soek, laat weet net en ek stuur dit graag aan jou!

 

Oulike werf met BAIE resepte hieroor:

http://www.recipecottage.com/preserving-meats/

 

Jong, ek weet nie of jy die bottels kan toeskroef nie, ek dink die rekke of seëls gaan beskadig van die hoë druk, maar as jy foelie oor elkeen sit met ‘n toutjie ( ek gebruik dental floss) dan behoort dit die probleem op te los.

Geniet jou vleiswerkery en hou my op hoogte van jou vleis inmakery!

O ja, En Hier’s ons reseppie vir KERRIEVIS OF KERRIE-BABER. (Seker maar dieselfde as joune)-jy weet seker hoe om baber te bewerk?...hang hom op, sny hier by kiewe al in die rondte en trek die vel af tot onder by stert sonder om dit af te sny, dan laat jy hom hang vir so 2-5 ure dat al die olie en vog in die stert af dreineer, dit verwyder die moddersmaak en oortollige olie, dan sny jy dit mooi van die graat af, rook of rooster of kerrie die vleis, en Voila!!

KERRIE-VIS

1k suiker

1 k olie

1 k blatjang

1 k asyn

4 e kerrie

2 e borrie

5 groot ui in ringe gesny

1 kg vis

Braai eers uie in olie. Gooi Kerrie ens. by, braai uie verder in kerriemengsel sowat 5-10 minute tot glansend en gaar, skep nou die visstukke in die Kerrie-uie en prut sowat halfuur. Eet netso, of bottel warm. Hou in yskas of op koel rak .

 

Theo (facebook) le Roux skryf:Haai daar! Vertrou dit gaan goed met jou! Sit en blaai nou net deur jou webwerf, en toe ek Hertzog (verskoon die spelling, hy was voor my tyd) sien, toe dink ekke, miskien weet jy:Ek soek die oorspronklike Jan Ellis poeding resep.

Theo! Dankie dat jy op my werfie kom rondloop het! Wat dink jy van die werfie? Toe, terugvoer sal lekker wees selfs kritiek ook!

Jan Ellis poeding, seg jy, ek het 'n hele paar variasies op die tema geplaas, dis maar eintlik wat ons op die basaar tafels as "familie-poeding"  "bruin poeding"  "asyn poeding" of  "Malva poeding" leer ken het. Dit het later bekend geraak as Jan Ellis poeding.(ek weet regtig nie hoekom nie dalk oor hy dit altyd gebak het of net self baie daarvan gehou het?)

Al die resepte hiervoor is egter eintlik maar inherent dieselfde! Hul seg mos, hoe meer dinge verander, hoe meer bly dit dieselfde!

Die verskille en variasies het gespruit uit die bekostigbaarheid van die resep, arm gesinne het egter net so lekker saam geëet aan hul goedkoper variasie met botter, suiker en melk sousie as die ryker gesin met hul Idealmelk/room sousie...en by party resepte het asyn bygekom, die ander het dit weer weggelaat. Die kleur verskil van 'n ligter poeding na 'n donkerder poeding was bloot maar oor die asyn toevoeging of die byvoeging van koeksoda as rysmiddel.

 

JAN ELLIS POEDING

Beslag:

5 ml koeksoda

125 ml melk

375 ml bruismeel

125 ml suiker

2 eiers

30 ml fyn appelkooskonfyt

25 ml baie sagte margarien

1 ml sout

Sous:

250 ml water

250 ml room

250 ml margarien

250 ml suiker

5 ml vanieljegeursel

Voorverhit die oond tot 180.

Spuit 'n oondvaste bak met kleefwerende kossproei.

Los die koeksoda in die melk op.

Meng die res van die beslag se bestanddele, roer die sodamelk by en meng dit baie goed.

Skep die beslag in die bak.

Bak die poeding 25 tot 30 minute lank.

Verhit al die sousbestanddele tot kookpunt.

Giet die warm sous bietjiesgewys oor die warm poeding sodra dit uit die oond kom.

 

OF

Beslag

5 ml koeksoda

125 ml melk

375 ml meel

2 tl bakpoeier

125 ml suiker

2 eiers

30 ml appelkooskonfyt

25 ml sagte margarien

1 ml sout

Sous:

250 ml water

250 ml room

250 ml botter

250 ml suiker

5 ml vanilla

Verhit oond tot 180 grade. Los die koeksoda op in die melk. Meng die res van die bestanddele vir die beslag saam en roer die melk by. Maak seker dat jy dit goed meng. Bak dit vir ongeveer 25 - 30 minute lank of totdat jou toetsstokkie skoon uitkom. Kook al die bestanddele vir die sous saam en giet dit oor die warm poeding. Bedien met lekker vla.

 

OF

1 1/2 kop. bruismeel.

2 eiers.

2 eetl.appelkooskonfyt.

1/2 kop. melk.

1/2 kop. suiker.

1 teel. koeksoda.

2 eetl. sagte botter.

1/4 teel. sout.

Los koeksoda in melk op. Meng al die ander bestanddele. Roer melk en koeksoda by en meng baie goed. Bak 30 minute in matige oond.

Stroop:

1 kop. kookwater.

1 kop. room.

1 teel. vanilla.

1 kop. botter.

1 kop. suiker.

Gooi alles in kastrol en bring tot kookpunt. Gooi warm sous oor poeding wanneer dit uit die oond kom. Bedien warm of koud.

 

OF

Malvapoeding

1 kop. meelblom.

1 teel. koeksoda.

1 eetl. botter.

1 eier.

1/2 kop. melk.

1 eetl. asyn.

1/2 kop. suiker.

sout.

Room botter, suiker en eier. Meng asyn en koeksoda en voeg by bottermengsel. Voeg meel en sout by en maak aan met melk. Bak in matige oond tot gaar. Gooi sous oor warm gaar poeding.

Sous:

1 kop. Carnation melk.

1 kop. kookwater.

1 kop suiker.

Kook saam en gooi oor poeding.

 

OF

Malvapoeding.

2 eiers ( by kamertemperatuur )

210 g. strooisuiker ( 250 ml.)

15 ml. appelkooskonfyt.

150 g. koekmeelblom ( 315 ml.)

knippie sout.

5 ml. koeksoda.

30 ml. botter.

5 ml. asyn.

125 ml. melk.

Sous:

250 ml. room.

100 g. suiker.( 125 ml.)

100 g. botter.

125 ml. Suid-Afrikaanse Brandewyn.

Klits eiers en strooisuiker deeglik saam tot lig en donsig. Klits appelkooskonfyt by. Sif droë bestanddele 3 maal saam. Smelt botter en voeg by asyn en melk. Vou droë bestanddele beurtelings met melkmengsel by eiermengsel in. Giet beslag in middelslag-gesmeerde oondvaste skottel. Bak in voorverhitte oond teen 180 Grade C vir sowat 45 minute.

Berei sous:

Smelt sousbestanddele saam en giet bo-oor poeding sodra dit uit die oond kom. Steek gaatjies in poeding met vurk om sous te help intrek. Dien warm op saam met room.

 

En NOG 'n variasie!

Predikantsvrou Poeding!

3 E botter/margarien

1 K suiker

1 eier

1 K koekmeel

1 K melk

1 t vanielje

2 E goue stroop

1 t koeksoda

knippie sout

Metode

Meng alles saam in 'n oondskottel met 'n deksel. Bak vir 'n 3/4 uur op 180ºC. Wanneer gaar gooi 'n klein blikkie Ideal melk bo-oor warm poeding. (Indien jy nie Ideal melk in die huis het nie, kook saam 1/2 K melk, 2 E suiker en 1 t margarien - net so lekker bo-oor.)

Lekker poeding bak!!

 

Rianda Retief skryf: Hallo vriendin.Hoe gaan met jou? So heerlike winterdag, na al die vele verkluim dae. ‘n Vriend het vir ons so 3 weke gelede van sy pepadew oes gebring, waarvan hy die plantjie by jou gekry het!!  Ek het geen idee waar om 'n resep te soek hier op jou werf vir die inlê daarvan nie.  Hy kom kuier weer oor 'n week en my ma wil dit graag inmaak voordat hy kom, so kan jy baie groot asb vir my laat weet of jy so 'n resep hier op die web het en waar ek dit kan opspoor!Liefde,Rianda

Nou wil ek graag hierdie stukkie hier invoeg!

Sowat paar jaar gelede is Rianda hulle se Plaashuis totaal afgebrand, sy skryf toe per vorige keer aan my hier via SMM, en vertel hoe haar Pa na sy ou musieke verlang. Na amper 5 maande was ek so bevoorreg om vir haar baie van haar pa se gunsteling musiek snitte per MP3 CD’s bymekaar te kry!!

Ek sê veral BAIE DANKIE aan Pieter en Fytie van Sasolburg wat dit moontlik gemaak het!! 

Rianda, Dit sal alte lekker wees as jy dalk na hierdie geweste kan kom, of ek kan jou iewers naby kry, dan kan ek sommaar self vir jou die pakkie van jou Pa se musieke oorhandig!! Die pakkie lê hoeka en wag op 'n geleentheid!

Vir alles oor die Peppadews en Rissies se inmaak, sal jy op die ARGIEF bladsy moet gaan kyk, by Desember 2009!! Ek plaas egter hier ‘n uittreksel!!

Peppadew® is 'n handelsnaam vir die pikantrissie, in Hollands soms genoem kaboutermusjes.

 

Inmaak van PEPPADEWS!!

Stroop:

1 1/2 k Asyn..

1 1/4 k Suiker..

1k Water..

Paar gesnyde stukke vars gemmer..

Paar knoffelhuisies..

2t Peperkorrels..

Bay leaf of n suurlemoen blaar..

knippie sout..

2 groen rissies..

Metode: Sny jou stingels af en haal die pitte mooi uit..Laat in n oplossing van 4t Sout op 2k Water le oornag of n paar ure..Spoel more baie goed af en maak droog..Kook jou stroop vir so 5min. en gooi dan jou Peppedews!!!by en kook weer 5min.. Nie pap nie nog styf. Pak dan jou bottels lekker styf in en gooi jou stroop bo oor!!Pak bo op n knoffel stukkie en n gemmer stukkie net soos jy wil en verseel jou bottels baie goed..Laat dit vir so 2-3 weke staan of langer voor jy dit gebruik..Baie lekker hoe langer dit staan ..van myne staan al 3jaar!!!

 

NS. Skud die bottel sodat die sous in die gaatjies kan inloop voor jy dit verseël en gooi dan nog sous by as dit kort..

Wanneer ek soms blokkies Fetakaas insit, pak ek my koue gevulde peppadews in die bottels en gooi die warm stroopsous oor en bottel dit dadelik warm, sonder om die peppadews vooraf te kook, dit werk soos 'n bom !Plus 'n handvol vars geskeurde basillie blare!

 

Ander resep:

1 k goeie wit asyn, 1 k wit suiker, 1 k water. Kook dun stroop. Voeg halveerde pikantrissies hierby en kook vinnig op. Bottel. (Dit is raadsaam om dit te halveer omdat myne soms 'n goggatjie in kry - As jy 'n baie mooi produk soek MOET jy elke liewe pitjie eers uitskraap. By hierdie hoeveelheid stroop voeg ek so vier - ses koppies pikantrissies. As daar stroop oorbly gebruik ek dit bloot as smaakmiddel oor slaai, broodjies en gebraaide hoenderborsies.

 

Nog 'n Resep

200g skoongemaakte ryp Peppadews (ontpit en slegte plekke verwyder)

1 k asyn

½ k suiker

½ t sout

Kook bogenoemde tot suiker opgelos het. Sit die stoof af en gooi die Peppadews in die oplossing terwyl dit warm is. Laat afkoel en bottel.

 

Tersia Heimstadt het geskryf: Hoe maak mens Koejawel steggies. Ek het 'n wonderlike boom wat uit gehaal moet word omdat ons gaan aanbou en wil die boom nie verloor nie omdat hy groot verm vrugte dra. Ek het al probeer met uitloopsels wat aan die stam uit kom, maar sonder sukses.Ek woon op Otjiwarongo, Namibia

Tersia het ‘n BAIE lang antwoord gekry, omtrent ALLES oor Koejawels en nog meer!  Gaan loer by die TUIN NAVRAE!

‘N HARDEKOEJAWEL—só praat ons van ’n eiewyse en koppige mens. En as daar iets is wat nog altyd teen die koejawel getel het, is dit sy baie en harde pitte. Van die nuwe variëteite het egter baie meer vleis en minder pitte, en suikersoet, ingelegde koejawels en koejawel-koeldranke is vandag gunstelinge in menige huis.

RESEPTE:

KOEJAWEL HOENDER

10 ml Chinese 5-Spesery mengsel

125 ml tamatiesous

125 ml sojasous

125 ml suiker

125 ml koejawel konsentraat

1 knoffelhuisie, fyngemaak

a 2 cm stukkie gemmer, gerasper

6 hoenderboude

6 hoenderdye

Voeg speserye, suiker, koejawelkonsentraat, knoffel en gemmer bymekaar.  Gooi mengsel oor die hoender en marineer oornag.  Bak, rooster of braai die gemarineerde hoender tot gaar.

 

HOE OM INGEMAAKTE KOEJAWELS VIR TOEKOMSTIGE GEBRUIK TE BERG

1. KOEJAWEL NEKTAR

Was omtrent 2kg ferm, ryp koejawels.  Skil, sny die stingel en onderkant af en sny in skywe. Kook die koejawels in 750ml water tot sag.  Druk die gekookte koejawels deur ‘n sif om van die pitte ontslae te raak.  Voeg 500ml suiker vir elke 2 liter nektar by. Verhit en roer totdat die suiker opgelos is.  Voeg water by tot die puree dun genoeg is om te drink.

Wenk: Om koejawel nektar te vries, plaas in a lugdigte houer en laat ‘n opening van 3mm vir uitsit. Dit kan tot ‘n jaar teen 0 grade geberg word.

2. BOTTELLERING / INGELEGDE KOEJAWELS

Skil ferm en ryp koejawels en sny elk in die helfte.Verwyder al die kneusplekke en beskadigde dele van die vrug.  Pak vrugte in bottels en gebruik onderstaande stroop riglyne.

Berei die stroop voor deur 250ml suiker in 500ml water op te los en dan te kook. (Ongeveer 250-350ml stroop per groot glasbottel word benodig en 125-200ml stroop vir ‘n kleiner bottel.) Plaas die geskilde koejawels in die kokende stroop en kook omtrent 10-15 minute of totdat ‘n lagie bo-op die stroop vorm of totdat die pitte los gaan.  Wees versigtig om nie die koejawels te gaar te maak nie.  Oorgaar koejawels verloor die pitte.

Verwyder al die etikette van die glasbottels deur dit in water te laat le. Steriliseer die bottels met kookwater vir 30 minute.  Bottels moet ‘n metaaldeksel he en moenie gekraak of stukkende plekkies aan he nie.

Haal die bottels uit die kookwater en skep die gekookte koejawels in.  Vul dan met stroop tot bo.

Verwyder al die lugborrels deur ‘n mes teen die binnekant van die bottels in te druk.  Maak die deksel dig toe en plaas die bottels onderstebo terwyl dit afkoel.  Dit sal verseker dat die bottels deeglik seël.

Enige bottels wat lek, moet verkieslik dadelik gebruik word.

3. KOEJAWELSMEER

1kg koejawels, afgeskil

+/- 4 koppies suiker

1½ koppies water

Maak 1 Kilogram

Sny koejawels in die helfte en verwyder die pitte. Week die pitte in ‘n koppie water. Plaas die koejawels en die res van die water in ‘n pan, bring tot kookpunt, verminder hitte en prut tot baie sag.  Dreineer die water van die pitte en voeg dit by die koejawels.  Verwyder die pitte.  Maak die koejawels in ‘n voedselverwerker fyn en plaas in ‘n swaar pot.  Voeg dieselfde hoeveelheid suiker by en kook oor lae hitte terwyl aanhoudend met ‘n houtlepel geroer word en die mengsel dik is.  Toets of die mengsel reg is deur ‘n bietjie jellie op ‘n ysblokkie te te laat val.  As dit in een stukkie afgehaal kan word, is die pasta reg.  Verwyder van die hitte en meng met ‘n houtlepel vir 10 minute of totdat dit ‘n dik mengsel is.  Voer ‘n Pyrex bak met waspapier uit en gooi die pasta bo-oor.  Laat staan vir 24 uur.  Plaas foelie oor om goed te stoor.

Om mengsel te droog, plaas die gekookte pasta op waspapier en maak toe met ‘n kaasdoek. Plaas in die son en laat 2 dae toe om droog te word.  Onthou om gereeld om te draai.

4. KOEJAWEL PUREE

Maak die koejawels in ‘n voedselverwerker fyn.  Druk deur ‘n sif om die pitte te verwyder. Voeg suiker na smaak by.  Kook stadig op die stoof of mikrogolf teen matige hitte.  Laat afkoel.  Gooi in houers en vries.

5. Kinderhoekie: KOEJAWEL SMOOTHEE

½ koppie koejawelsap

1 skep vanilla roomys of laevet joghurt

1 teelepel macadamia neute, gekap

½ piesang

¼ vars pynappel (afgeskil en ontpit)

4 aarbeie

Meng al die bestanddele vir 10 sekondes.  Voeg 4-6 ysblokkies by. Meng op hoë spoed vir 30 sekondes. Garneer met 'n skyfie pynappel en koejawel en geniet!

 

En ten laaste,  sommer vir die lekker, iets heel anders!

 

Maak een aand gou my SPAANSE RYS MET ‘N STIRFRY-TWIST!

Kook  1 k rys, Roer 1 e botter daardeur, hou eenkant.

Braai 500 g maalvleis mooi bruin, geur met sout, swartpeper, tiemie, chickenspice en aromat. Wanneer gaar, roer 1 sakkie tamatie puree daardeur. Hou eenkant.

Rasper Kool en Wortels grof tot jy sowat 2 k daarvan het, en Kerf 2 groot uie fyn . Meng 1 k gemengde gevriesde groente ( erte, mielies, bone,  green peppers, sampioene)daarby. Roerbraai dit met botter of olyfolie tot gaar en glansend.

Meng nou die rys by die groente en roerbraai vinnig deur sodat daar geen vogtigheid is nie maar dit ook nie aanbrand nie.  Bedien die  “Spaanse” rys met die gaar maalvleis, en ‘n ‘n skepseltjie parmesaankaas bo-oor.

STUKKIE KLETS:

Dis die eerste maand van die tweede helfte van die jaar. Voel dit nie vir julle ook asof die jaar voortsnel op die tyd spoor sonder halte of koelte stop nie?

Asof die jaar voortsnel en dit vir niks en niemand wil asemhaal nie.

Mens word soms so gebombardeer met rekeninge, kennisgewings, eposse wat jou E-posbus soms oorvol maak, dat mens amper selfs in die virtuele ruimte ook  ‘n stil hoekie soek, amper na ‘n leë skerm wil staar net om iewers stilte en “ruimte” te kry...

Ons kry soms soveel Nuusbriewe en aantekeninge, jy sit soms ure en staar na die rekenaar skerm sonder om by die ander  dinge wat altyd belangrik was uit te kom. Jy staar na die skerm met die sonsondergang sonder om die ware sonsondergang in al sy glorie buite te gaan opsoek en net daar te wag tot dit verby is, ademloos respekvol.  Jy sit en staar kyk in verwondering oor die lieflike boom op die vierkantige reghoekige skerm, sonder dat jy onder sy takke gaan skuiling soek, die wind deur die blare voel en die ritseling hoor…

Soveel eposse kom klokslag daagliks na jou kubervenster, mooi en minder mooi, meer as een daarvan, en al is party so baie mooi het elkeen ‘n gemene deler: dit word nie meer begin met Liewe So en So nie. Dit word ook nie onderteken met Beste Groete van So en So nie.

Soms kry jy ‘n nota bo aan of onder aan, om aan te dui wat die sender se opinie van die aangestuurde epos is, soos ‘n nagedagte dat dit tog iewers persoonlik was.

Hoe reageer mens?

Ek praat nie eers van die lukrake stuur-aan-anders-word-jy-deur-10-swerm-negatiewe-vogeltjies-betjorts, eposse nie!

Daardie lees ek en pos dit bloot na ‘n eige vouertjie toe.

Ek praat van sinvolle, mooi opbouende en positiewe eposse. Party wat jy weer en weer wil herlees, wat jy wil deel met jou vriendekring. 

Maar is ek verkeerd of onlekker, as ek weereens seg dat ek die Liewe… en Bestegroete van… mis?

En hoeveel wonderlike internetwerwe en “blogs” kry mens nie deesdae nie!  Jy kan enige woord of frase in-googel, en Voila! Jy kry 10plus antwoorde uitgespoeg! Jy kan kliek en kies en siedaar!

Ekself het soveel  wat ek “volg” dat ek nie kan voorbly om almal te lees nie!  En soveel daarvan wil ek met jul deel want soveel daarvan is net soveel meer vindingryk en vars en nuut as waarmee ek in my kreatiwiteit mee te voorskyn kan kom!

Dit laat mens besin.

Dit laat mens wonder hoeveel mens mag “ontleen”. Dit laat mens besin oor hoekom  die werfie ontstaan het.

Die dat ek lukrake resepte plasings, soos somtyds die geval was, effe afgeskaal het. Die ARGIEF, ervaar ek toenemend as ’n “onbesoekte” hoekie, want baie navrae wat ek kry is reeds daar beantwoord…

Soveel van ons is in die buiteland.

Soveel sonder ouers.

Soveel sonder Ma’s en Oumas.

Maar ons almal het die ONTHOU in ons.

En ons almal wil soms iets doen wat uit daardie herinnerings tyd ontstaan, hetsy ‘n resep, of selfdoen projek, of gesprek of raad vra of jou siening teen ‘n klankbord vasgooi …

Dis wat SO MAAK MENS wil wees.

Daardie  antwoord uit die “verlede” met ‘n moderne inslag en aanpassing. Daardie stem uit die hede en self  uit die toekoms, daardie klankbord wat jy nodig het, soms.

SOMAAKMENS,  soos die destydse radio program, waarvandaan die inspirasie gekom het, is nie net nog ‘n resepteblad nie.

Dit wil meer wees en is meer.

Dis daardie  “goue knoppie” wat ons konnekteer omdat ons Afrikaans is, dieselfde herkoms en kultuur deelagtig is, dieselfde sentimente en geloofsoortuigings deel.

Ons  weet hoe die reuk van paraffien lampe geruik het as ons saans om die tafel boeke gevat het, ons weet hoe dit was om met kerslig te studeer, later TV en elektrisiteit gekry het, van Draadloos tot Satelliet TV ontwikkel het, van Handsentrale na Selfone tot Ipads en Wonderfone gekom het.

Van swart en wit Filmkamera’s tot mega-pieksel en meer as reënboog kleure digitale versendings en onsigbare WIFI konneksies.

En net soos daardie tyd dinge relevant tot daardie tyd gespreek het en was, so wil ons met hierdie SOMAAKMENS werfie relevant bly vir vandag.

Ek waardeer dus elke NAVRAE, VOORSTEL, KOMPLIMENT en KRITIEK wat jul vir my stuur, en ek belowe steeds dat ek dit steeds klokslag sal antwoord, persoonlik en privaat alvorens ek dit hier ook in verkorte weergawes sal “spoeg-en-plak”.

Jul kontak is kosbaar, en die essensie waarom SO MAAK MENS begin is!

Ons wil hier wees vir julle.

Ons wil anders wees as die gewone en ongewone werwe en “blogs” want ons wil inter aktief wees, en vir julle daardie “oproep” na jou “ma” “ouma”  “iemand” toe wees, vir wie jy kan kontak om te vra: Retha, hoe maak mens…?

Sodat ons jul daadwerklik kan, en wil antwoord: Só, Maak mens!

So kom! Neem gerus deel!

Beste Groete!

Retha.

Sop en soetigheid, dis mos WINTERKOS!

 

BUTTERNUT SOP

2 Medium Butternuts

1 appel

2 medium uie

50g botter/margarine (4e)

7 ml medium Kerrie poeier(1 ½ t)

40 g koekmeel (4 e)

2 hoender aftreksel blokkies

750 ml kookwater (3 k)

500 ml melk (2 k)

7 ml sout (1 ½ t)

Berei die groente voor deur te skil, te ontpit en te kerf. Braai die uie in botter tot goudbruin, en voeg die Kerrie poeier daarby.Braai liggies om die Kerrie geur te ontwikkel. Voeg die pampoen en appel by en soteer liggies .Voeg die meel by, en roer deur.Los die aftreksel blokkies op in kookwater en gooi dit en die melk,  en sout, by die pampoen mengsel. Kook dit nou saam tot die papoen sag en gaar is. Roer gereeld. Puree mengsel tot glad, en bedien saam met croutons en ‘n lepel vol room of bulgaarse ongegeurde jogurt en gekapte vars pietersielie of lemoenskil!

 

Vat vyf ... ROCKY ROAD-BRUINTJIES...

Maak 12.

4 x 60 g Mars- of Bar-One-sjokoladestafies

4 e goue stroop

100 g botter

50 g Rice Krispies

100 g melksjokolade, in blokkies

Kap die Mars- of Bar-One-stafies in klein stukkies en plaas dit in ’n kastrol saam met die goue stroop en 75 g van die botter.  Verhit oor lae hitte vir 3 minute tot 4 minute totdat die sjokolade gesmelt het. Klop tot glad. Vou die Rice Krispies in en meng goed. Skep die mengsel in ’n vlak, gesmeerde bakplaat en maak die bokant glad.Smelt die sjokolade en die res van die botter in ’n mengbak bo-oor kookwater. Smeer ’n eweredige laag van die sjokolade oor die bruintjies. Laat dit vir ’n uur staan sodat die sjokolade kan stol voordat jy die bruintjies in blokkies sny.

– Uit Just Five Ingredients deur Ainsley Harriott. ISBN: 9780563539247. Die boek is deur BBC Books uitgegee.

 

Elsa du Plessis skryf op haar blog, sy het hierdie resep in een van haar ma se kookboeke gekry, wat sy gereeld gemaak het. Dalk ‘n E&J resep?

Melktert-Koek!

Kors: 1 1/2 koppie meelblom, 1/2 koppie botter, 3 teelepels bakpoeier, 1/2 koppie suiker, 1/2 koppie melk, 1 eier, sout

Klop die botter en suiker tot room. Voeg by die eiers, meelblom, bakpoeier en melk. Meng deeglik. Smeer in twee tertborde en skep die volgende vulsel in:

 

Vulsel: 2 1/2 koppie melk, 2 eiers, 1 eetlepel meelblom (hoogvol), vanielje en amandelgeursel, 1 eetlepel botter, 1 1/2 eetlepel mielieblom (gelykvol)

Kook 2 1/2 koppie melk met 1/2 koppie suiker. Roer mielieblom, aangemaak met orige 1/2 koppie melk, eiergele en suiker in. Haal van die vuur af en roer eierwitte, botter en geursels in. Verdeel die vulsel in twee dele en skep in die twee tertborde. Strooi kaneel oor voordat dit gebak word. So 180 grade C vir so 45 minute!

Voila!!

 

Hmmm, en wat sal Junie vir ons inhou...

So het Hennie bv gevra: Hallo daar. Hoop als wel met jou en joune. Hier gaan dit goed. Ek wil so graag outydse boerbeskuit volgens die resep van tannie De Villiers in "Kook en Geniet" bak maar die hoeveelhede is so groot en ek is te onnosel om dit te verminder tot die 4 koppies inhoud van my ou pannetjie. Kan jy help asseblief?

En aangesien Hennie die METODE geken het, het ek slegs gehelp met die aanpassing van die BESTANDDELE!

 

Outydse BOERBESKUIT

...dalk sal jy nietemin 2 baksels moet bak! Hoop dit kom mooi! Laat weet asb of ek reg was anders skuld ek jou 'n baksel!! :-)

Vir 'n DERDE van die oorspronklike resep in KOOK EN GENIET, neem:

1/2 kg botter of marg

1/2 k kookmelk

1/2 k kookwater

1.7 kg  of 6 + 1/2 k meel

1 + 1/3 k soetsuurdeeg of 1/2 koekie droë of klam suurdeeg of 1/2 e aktiewe droë gis

1 t sout

Dan sou ek seg vir jou een pannetjie behoort die volgende te werk:

1/4 kg botter of marg

1/4 k kookmelk

1/4 k kookwater

3 + 1/4 k meel (812.5 kg)

125 ml of 1/2 k soetsuurdeeg of 1/4 koekie droë of klam suurdeeg of 1/4 e aktiewe droë gis

1/2 t sout

 

En Alta Tromp het gevra: Resep vir Jan Smuts tertjies!

Hierdie koekies is genoem na genl. Jan Smuts wat van 1919 tot 1924 en van 1939 tot 1948 die eerste minister van die Unie van Suid-Afrika was.

Die resep lewer 4 dosyn koekies. Volgens oorlewering was die koekies destyds baie gewild onder genl. Smuts se aanhangers terwyl hul politieke opponente niks daarvan wou weet nie en net Hertzoggies gebak het.

 

Kors

400 g (750 ml, ongesif afgemeet)

koekmeelblom

10 ml bakpoeier

1 ml sout

250 g botter of margarien, by

kamertemperatuur

200 g (250 ml) suiker

2 eiers, geklits

Vulsel

125 g botter of margarien, by kamertemperatuur

125 g (150 ml) suiker

2 eiers, geklits

125 g (225 ml, ongesif afgemeet)

koekmeelblom

5 ml bakpoeier

100 ml fyn appelkooskonfyt

Voorverhit die oond tot 190°C (375 F).

Smeer die holtes van kolwyntjiepanne, of bespuit hull met kleefwerende middel.

Sif die koekmeelblom, bakpoeier en sout saam. Vryf die botter of margarien met die vingertoppe

hierin totdat die mengsel fyn gekrummel is.

Voeg die suiker by en meng. Voeg die eiers by en meng tot 'n deeg.

Rol die deeg sowat 3 mm dik uit op 'n meelbestrooide deegplank. Druk sirkels, 8 cm in deursnee,

met 'n koekiedrukker uit.

Voer die holtes van die kolwyntjie panne met die deegsirkels uit.

Verroom die botter of margarien en die suiker saam. Voeg die eiers by en meng. Sif die

koekmeelblom en bak poeier saam en meng dit met die eiermengsel.

Skep 2 ml van die appelkooskonfyt in elke korsie. Skep 'n lepelvol vulsel daarop.

Bak die koekies 15 minute of tot goudbruin op die middelste oondrak.

Keer hulle versigtig op 'n draadrak uit en laat afkoel.

 

En terwille van...REGVERDIGHEID en ONPARTYDIGHEID!!

ook die resep vir: HERTZOG KOEKIES:

KORS:

450ml koekmeel(ongesif afgemeet)                                               35ml strooisuiker

10ml bakpoeier                                                                         1ml sout

125g margarien by kamer temperatuur                                          15ml koue water

3 gele van ekstra groot eiers

VULSEL:

50-75ml fyn appelkooskonfyt                                                      3 eierwitte van ekstra groot eiers

300ml suiker                                                                            500ml klapper

KORS:

Sif die koekmeel, strooisuiker, bakpoeier en sout saam. Vryf die margarien liggies met vinger punte in tot goed gemeng. Klits die eiergele en water effens, voeg by die meelmengsel en meng tot 'n sagte, hanteerbare deeg.Voeg nog 'n bietjie water by as die deeg te styf is. Knie die deeg goed. Bedek en laat eenkant staan. Voorverhit die oond tot 180C. Smeer die holtes van kolwyntjiepannetjies. Rol die deeg dun uit op 'n meelbestrooide werkoppervlak. Druk groot sirkels met 'n koekiedrukker uit en voer die panne en holtes daarmee uit.

VULSEL:

Skep 'n teelepel appelkooskonfyt in die middel van elke korsie. Klits die eierwitte tot styf. Klits die suiker geleidelik in. Roer die klapper in. Skep lepelsvol van die vulsel op die appelkooskonfyt op die korsies. Bak die koekies 20-25 minute op die middelste oondrak. Laat hulle effens in die panne afkoel. Lewer 12-15 porsies.

 

STUKKIE KLETS:

Dagsê!!

Dit gaan goed hier met ons innie bos!

‘n Paar grepe uit die afgelope weke:…Dit reën blare op die dak, die wind dans 'n baldadige riel op die blaretapyt, drywende blare vloei in herfskleurpalette op die Grote Gariep, onder 'n wolkelose blou koepel was my Moedersdag vol sonskyn!

‎...die wind huil om die hoeke van ons oewerkaia, druk die groot bruin waters in opdraand golfies terug, wit maanhaar perdjies wat die winde ry soos die yl maan se strale hul rakelings raakvang...môre is die bos se Wag-'n-Bietjie's kaal gestroop soos die soetdorings wat kaalarms reeds na bo smeek, en sal bosmuise tussen die dwarrelende blare op die dorsvloer van die seisoen baljaar...

...dit reën in die Bo-Karoo....en ek speel in die plasse water waarin rysmiervlerkies dryf…

‎...en die watersakke van die Hemel- wie giet hulle leeg, wanneer die stof saamvloei tot 'n stuk gietwerk en die kluite aanmekaar klewe? (Job)

…En met my en wyle Esmé se verjaarsdae, het met laastelig 'n enkel ligroos wolk op die horison se einder gehang, waarna ek van onder die digte grys rammelende wolkbank wat dik oor ons gehang het kon loer - Wilgerslierte sleep deur die Gariep se water soos die wind dit heen en weer stuur en die rooi-roos-wolk raak dowwer soos die skemernag nader tot dit dieselfde grys aanneem van die wolk-kalos wat oor ons bly hang en rammel...

 

Frik Pretorius skryf: Help Retha, Hoe vries mens pampoen?

Pampoen vries maklik!! Behalwe lemoen pampoentjies, petty pans en daardie soorte, dit vries ek nie graag nie.

Klein babymarrows, was ek net af, druk droog en sny in skyfies/ringetjies en vries dit net so, dit hou egter nie so lank soos boerpampoen, yster pampoene en Hubbard’s nie. Die droër pampoensoorte vries beter en langer as waterige soorte.

Jy was/skrop die pampoen eers mooi aan die buitekant, dan bly jou hande en die binnekant van jou pampoen mooi skoon en hoef jy die binnekant nie weer te spoel nie, dan skil die pampoen, sny dit in blokkies, spoel dit af as jy wil/moet, laat afdrup of druk dit redelik droog op ‘n groot skoon handdoek, gooi in sakkies, en voila! Vrieskas toe! Net so rou.

Jy kan dit natuurlik ook blansjeer as jy wil maar hoekom al die moeite! Ek doen dit so rou maar ek sorg regtig dat dit droog is anders “ryp” dit in die vrieskas en as jy dit kook dan ruik dit soos haelkorrels en kook baie skuim, maar dit is nog eetbaar- jy kook dit net vinnig op, gooi die skuimwater af, en kook dit verder droog met net jou suiker en botter…

Wenk: (uit die E-WENKE, E-Boek, wat ek gratis aan Frik gestuur het)Om te verhoed dat hande vlek wanneer pampoen geskil word, smeer die hande vooraf met bietjie botter of vet.

Suurlemoensap sal hande wat deur groente gevlek is ook weer mooi wit maak…

En hoe lui die oudste raad hieroor? uit my ou ou boek…(1895)

PRESERVED PUMPKIN.

Cut slices from a fine high-coloured pumpkin, and cut the slices into chips about the thickness of a dollar. The chips should be of an equal size, six inches in length, and an inch broad. Weigh them, and allow to each pound of pumpkin chips, a pound of loaf-sugar. Have ready a sufficient number of fine lemons, 'pare off the yellow rind, and lay it aside. Cut the lemons in half, and squeeze the juice into a bowl. Allow a gill of juice to each pound of pumpkin.

Put the pumpkin into a broad pan, laying the sugar among it. Pour the lemon-juice over it. Cover the pan, and let the pumpkin chips, sugar and lemon-juice, set all night.

Early in the morning put the whole into a preserving pan, and boil all together (skimming it well) till the pumpkin becomes clear and crisp, but not till it breaks. It should have the appearance of lemon-candy. You may, if you choose, put some lemon-peel with it, cut in very small pieces.

Half an hour's boiling (or a little more) is generally sufficient.

When it is done, take out the pumpkin, spread it on a large dish, and strain the syrup through a bag.—Put the pumpkin into your jars or glasses, pour the syrup over it, and tie it up with brandy paper. If properly done, this is a very fine sweetmeat. The taste of the pumpkin will be lost in that of the lemon and sugar, and the syrup is particularly pleasant. It is eaten without cream, like preserved ginger. It may be laid on puff-paste shells, after they are baked.

 

Deon van der Walt skryf :  Hallo, Dankie vir jou insiggewende blad. ek wil graag weet hoe sensitief Ysland Papawers is vir die son en of ek 'n skadunet moet oprig vir die warm somermaande. Ek woon in die warm Klein-Karoo.

Deon het per epos ook nog ander wenke oor papawers en so meer gekry en ek het sy navrae afgesluit met: O ja, ek kon ook nie anders as om ‘n lekker muffin reseppie wat ek raakgelees het ook by te las nie! Gaan loer by die TUINBLAD als oor die papawer…

 

SUURLEMOEN en POPPIESAAD KOLWYNTJIES

125g botter

200ml suiker

3extra  groot eiers

500ml koekmeel

3t bakpoeier

200m lemoen of suurlemoensap

60ml poppie sade

VERSIERSEL:

2t gerasperde lemoen of suurlemoenskil

½ k versiersuiker

½ k water

Klits suiker en botter goed.Voeg eiers een vir een by. Voeg meel en bakpoeier by en dan die saadjies. Skep in Kolwyntjie panne. Bak by 160 º C vir 20 – 25 minute. Meng die versiersel se bestanddele goed en smeer oor afgekoelde gaar kolwyntjies…

 

Corne Crafford het gevra: Enige nagereg resepte vir diabete asb!

Vir Corne het ek terug geantwoord : Op die werfie is reeds 'n paar diabetiese resepte en wenke, het jy hul al gekry?( En toe gee ek haar die skakels om makliker daar te kom…En ek stuur vir haar ‘n hele klomp lekker nagereg resepte wat sy sou kon aanpas…)

Ek het ook met my vriendin gepraat wat 'n diabetiese tiener het en sy seg jy kan omtrent enige resep aanpas deur die suiker met die regte lae-suiker vervanger te gebruik en dan die meel met ten minste die HELFTE te vervang met semelryke meel om dit lae GI te maak.(Sy seg sy gebruik net veselryke meel en dan verhoog sy net die bakpoeier ook bietjie)

Toe stuur ek ook vir Corne ‘n hele kaboedel resepte wat ek nie alles hier gaan herhaal nie- as jy belangstel, kontak my gerus en vra jy wil ook Corne se volledige antwoord hê!

So met die korespondensie wat daarna gevolg het vind ek toe uit Corne se kind was besig met skooltake hieroor…

O, en ek’s ‘n ‘sucker’ vir skooltake…!! Toe stuur ek sommer nog info aan Corne !!

Maar as lusmaker van wat sy ontvang het om met sukses aan te pas, kry jul net die volgende:

ARMMAN SE POEDING

1 Koppie meel

1 Eetlepel botter

3/4 Koppie suiker

1 Desertlepel appelkooskonfyt

1 Eier

1 Teelepel asyn

1 Gelyk teelepel koeksoda

Sout

1 Koppie melk

Meng meel en suiker en vryf botter in. Klits eier en konfyt saam. Voeg by eerste mengsel.

Meng melk met koeksoda en asyn en voeg by mengsel. Bak vir 1/2 uur by 180º C.

Sous:

1 Koppie room

3/4 Koppie suiker

1/4 Koppie botter

1/2 Koppie kookwater

Kook alles saam. Gooi warm oor poeding wanneer uit die oond kom. Bedien warm of afgekoel met vla.

 

BROOD-EN-BOTTERPOEDING

10 snye wit brood, korsies afgesny en in groot blokke gesny

½ (125 ml) koppie suiker

3 eetl. botter

4 k (1 liter) melk

4 eiers

Pak blokke brood in ‘n gesmeerde vuurvaste bak en strooi die suiker bo-oor.

Smelt die botter in die melk.

Klop die eiers goed en voeg die melt-en-bottermengsel daarby. Roer goed deur.

Gooi melkmengsel oor die brood en laat week vir sowat vyf minute.

Bak vir 40min op 180° (tot gestol)

Intussen, maak die bolaag:

1 k (250 ml) botter

2 k suiker

2 eiers

2 tl. vanilla-geursel

Gebruik ‘n elek menger (of voedselverwerker) en meng die botter en suiker tot goed gemeng. Voeg die eiers een vir een by. Klop tot romerig. Voeg vanilla–geursel by.

Smeer oor die gebakte poeding sodra dit uit die oond kom. Werk vinnig want die smeer smelt. Plaas terug in oond en bak vir ‘n verdere 20 min teen 180°.

Bedien met vla indien verkies.

 

BRUINPOEDING SONDER EIERS

3 kop Meelblom

3 teel Koeksoda

3 eetl Margarine

1 kop Melk

3 eetl Gouestroop

Sout

Smelt botter en stroop saam, laat afkoel. Los koeksoda in melk op en roer in.

Sif meel en sout in en meng deeglik.

Stroop:

Kook 3 kop suiker, 6 kop kookwater, 1 eetl gouestroop en 1 eetl botter in 'n groot kastrol. Skep lepelsvol deeg in warm stroop en laat opkook.

Plaas deksel op en laat 1 uur lank stadig kook.

Indien verkies, kan 1 eetl gemmer bygevoeg word vir smaak.

 

JOGHURT-TERT/POEDING

500ml Joghurt

1 Pakkie jellie

1 blikkie kondensmelk

1 houer vars room [250 ml]

Vars of ingemaakte vrugte.

Grenadillamoes saam met Grenadilla

Joghurt [opsioneel]

Gebruik enige geur joghurt van jou keuse en gebruik dieselfde geur jellie.

Suurlemoenjellie is veilig om saam met alle joghurts te gebruik aangesien daar nie alle geure jellies beskikbaar is nie.

Meng jellie met 1 koppie kookwater en laat afkoel.

Klits alle bestanddele goed saam tot romerig.

Vir poeding:

Gooi in bak en laat stol in yskas

Vir tert:

Pak beskuitjies of konfytrol ("jamroll") in tertbak en gooi mengsel bo-oor en laat stol in yskas

 

Volgens die DIABETIESE VOEDSEL PIRAMIDE, behoort Diabete vette en suikers spaarsamig te geniet. Dit maa die eet van lekkernye en die gepaardgaande handhawing van stabiele bloedsuiker vlakke moeilik. Hier is egter iets wat jul ook kan geniet sonder om jul reëls te breek!!

 

BLOUBESSIE JOGURT SOUS (oor laevet, laesuiker sponskoek)

Dis heerlik en maklik! Hierdie versiersel is lae-kalorie en amper vetvry wat jou soettand sal bevredig sonder om jou te laat skuldig voel! Verder lyk dit heerlik en mooi!

½  k bevrore bloubessies, laat ontdooi.

½ k laevet vanilla jogurt

1 e suiker

1 t suurlemoensap

Sny  ‘n ligte sponskoek in skyfies( of gebruik onversierde kolwyntjies)Meng die bestanddele en skep bo-oor elke porsie!

 

GEEN SUIKER VLA

6 eier gele

¼ k fructose

½ k koekmeel

2 k laevet melk

1 t vanilla

1 e botter

Klop eiergele en Fruktose tot dik en lig.Terwyl jy klop, voeg meel geleidelik by. Verhit oor lae hitte en voeg geleidelik die melk en vanilla by. Kook en roer deurentyd tot verdik. Smelt die botter en gooi die gesmelte botter bo-oor die vla om te voorkom dat ‘n skilletjie vorm! Roer dit bloot in net voor bediening!

 

LEMOEN GEGLASEERDE PAMPOEN BUNDT KOEK

1 k koekmeel

½ k semelryke meel

2 t kaneel

2 t bakpoeier

¼ t sout

¼ k laevet margarine (Canola)

½ k “Splenda” of Vloeibare Nutrisweet

½ k ligte bruin suiker

1 k gaar pampoen moes

1 groot eier

½ k laevet karringmelk

2 t vanillaextract

1/3 k strooisuiker ***

2 t lemoensap

Verhit oond tot 350 º C Spuit ‘n 6 k BUNDT koekpan (ringpan!) met kleefvrye middle en hou eenkant.

Meng droë bestandele, hou eenkant. Verroom die margarien, versoeter en bruin suiker , klits eier en pampoen by. Meng nou die meel mengsel hierby en dan die karringmelk en vanilla. Skep in BUNDT pan en bak 25 – 30 minute tot gaar. Gaar wanneer ‘n tandestokkie ingesteek kan word en skoon uitkom! Laat afkoel vir so 10 minute voor jy die koek uitkeer op draadrakkie om verder heeltemal aft e koel.

Om te versier: Meng die strooisuiker en die 2 t lemoensap ( of bietjie meer om ‘n drup tekstuur te verkry) “Drizzle” oor afgekoelde koek.

 

*** Om suikervrye “strooisuiker” te maak:

Sit 3/4 k  versoeter poeier  en 2 e mielieblom(Maizena) in ‘n voedsel vermenger (Bamix) klitser en klits tot ‘n baie fyn poeier.

 0 gram suiker en slegs 4 kal per eetlepel! Moet vir niemand sê nie!! Meeste mense sal nie die verskil agterkom nie!

 

LEKKER DIABETIESE KOEK

2 k water

2 k pitlose rosyne

1 k onversoete appelsous/moes

2 k meel

1 t vanilla

2 eiers

2 e vloeibare versoeter

¾ k olie

1 t bakpoeier

1 ¼ t kaneel

½ t neutmuskaat

Kook die rosyne in die water tot drooggekook. Laat afkoel. Voeg dan die appelmoes, eiers, versoeter en olie by. Meng goed. Klits die meel en bakpoeier by, voeg oorblywende bestanddele by en meng goed.  Bak vir 40 minute of bietjie langer in ‘n 180 º C oond tot gaar.   Versier met die lekker Bloubessie jogurt sousie hierbo...

Gaan loer gerus ook hier vir nog diabetiese wenke en resepte:

http://www.diabeticcooking.com/

http://www.americandiabetes.com/diabetic-recipes/delicious-diabetic-recipes

http://www.righthealth.com/topic/Diabetes_Recipes

http://www.my-personal-dietician.co.za/?gclid=CLmRkJXv0qcCFYKFpAod_UR99A

 

Natuurlik kry ek steeds gereeld lesers- navrae oor

GEMMERBIER-BYE, SKG ‘s (Sugar-Kefir-Grains) Japanese Water Kristalle of Tibicos  om Gemmerbier en ander probiotiese gegeurde drankies mee te maak.

Ook bly die aanvraag na die KOMBUCHA “Scoby” of sampioen ook constant, waarmee swart of groen tee gefermenteer word tot ‘n unieke  en gesonde drankie vol vitamine en minerale.

Melk-Kefir, Kombucha en Tibicos(SKG) hou baie gesondheids voordele in en dit word ‘n al groter groeiende mark. Omvattende inligting hieroor kan aangevra word, ek stuur dit graag aan belangstellendes.

Een van ons lesers, JEAN van Dunottar, het so ver gegaan in haar soeke dat sy uiteindelik van die Gemmerbier-Bye (tibicos / SKG) vanaf Australië ingevoer het!  Die ENIGSTE SKG’s dus waarvan ek tot op hede van weet op Suid Afrikaanse bodem is dus in haar besit!!

… ‘n Eetlepel van die kosbare korrels het egter daarna toe ‘n behoorlike “aflos-roete” gery  sodat ek nou ook kan bely dat die “ander helfte” van die kosbare korrels nou hier by my in onse oewerkaia suutjies aan die aanteel is…dus die enigste ANDER SKG’s op SA bodem is in die Bo-Karoo…

Wanneer hierdie wonder kristal - kolonie genoegsaam aangeteel het vir uitdeel, sal ons jul HIER op SO MAAK MENS dadelik in kennis stel van die beskikbaarheid en prosedures, so hou die spasie dop!!

Intussen …so ‘n bietjie troos….

 

GEMMERBIER 1

10 liter water

1,5 kg (7 ½ x 250 ml) witsuiker

1 koekie (25g) saamgeperste gis

50 ml rosyntjies met pitte

1 bottel (750 ml) lemoen- of suurlemoenkwas

750 ml sodawater

50 ml gemaalde gemmer

• Gooi die water in die houer waarin die bier aangemaak moet word.

• Roer die suiker daarin totdat dit opgelos is. Verkrummel die suurdeeg

daarin.

• Voeg die rosyntjies, lemoenkwas, sodawater en gemmer by en roer tot

gemengm

• Laat die mengsel 24 uur lank by kamertemperatuur staan. Roer dit af en

toe om.

• Syg die mengsel na 24 uur deur en gooi dit in houers. Spoel die

rosyntjies af en gooi 'n paar in elke houer, indien verkies. Laat die bier

12 uur lank by kamertemperatuur staan en plaas dit dan in die koelkas.

• Lewer 13 liter gemmerbier.

 

GEMMERBIER 2

Kneus 60g gemmer en

kook in 10 liter water.

Giet in 'n vaatjie en

voeg 1 kg suiker,

30g kremetart en

2 dungesnyde suurlemoene by.

Wanneer die mengsel afgekoel het tot lou,

voeg 30g suurdeeg by en laat 12 uur staan.

Syg deur, gooi in erdekanne of bottels en kurk toe. Na 36 uur sal dit gereed

wees vir gebruik.

 

GEMMERBIER 3

4 x 500 ml ( 2kg?) suiker

20 x 250 ml ( 5 liter) kookwater

5 ml droë gis

50 ml rosyntjies, gekneus

10 ml Jamaica gemmer

12,5 g kremetart ('n halwe pakkie)

• Los die suiker in die kookwater op en laat afkoel tot dit lou is.

• Week die surrdeeg in 'n bietjie water (lou) en voeg saam met res van

bestanddele by.

• Laat 6 ure staan. Syg deur en bottel - kurk toe.

• Na 12 uur is die bier gereed vir gebruik. Verkoel voor opdiening.

 

GEMMERBIER 4

Maak 4½ liter

1 koekie suurdeeg

4 stukke droë gemmer, gekneus

1 teel suiker

3 koppies water

½ kop sterk lou water

Krummel die koekie suurdeeg saam met die suiker en meng tot dit loperig

word.

Voeg die lou water by en laat staan vir ± 10 minute tot dit skuimerig is.

Kook die gekneusde gemmer en water vir 5 minute.

Gooi die volgende in ‘n 6 liter houer:

3 kop suiker

2 kop kookwater

1 suurlemoen, skil en al in skyfies gesny

12 Hanepoot rosyne

13 kop koue water (= 3 liter + 250 ml)

Roer tot suiker opgelos is

Voeg die gemmerstukke en water by.

Voeg die suurdeegmengsel by.

Roer tot gemeng.

Laat staan vir 12 uur of oornag met ‘n doek oor.

Syg deur.

Gooi in 2 liter bottels en sit in die yskas.

 

GEMMERBIER 5

1 Pakkie Anchor Aktiewe Droë Suurdeeg

6 Liter Louwarm water

4 k Suiker

1t Kremetart

1t Wynsteensuur

3t Fyn gemmer

1 Bottel Jamaika gemmer (opsioneel)

Los suiker in water op

Meng ander bestandele met 'n klein bietjie water en voeg by suiker water

Voeg Jamaika gemmer by. Syfer deur dun doek.

Gooi in bottles, gooi ook 3 rosyne in elke bottle en en sit prop

op.(MOENIE bottles te vol gooi nie)

Laat staan 24 tot 48 uur buite yskas maak kontroleer die gisting.

Plaas nou in yskas om koud te word.

LET WEL: Al is die gemmerbier in yskas kontroleer steeds die gisting!

 

GEMMERBIER 6

1k Bruinsuiker

2k Witsuiker

4,5 liter Lou warm water

20-30ml Gemmer

10ml Kremetart

10ml Wynsteensuur

5ml Droë gis

1eetlepel Rosyne

Meng alles saam.

Laat staan vir 24uur.

Bottel.

Drink na 12 - 24uur.

 

GEMMERBIER 7

20ml gemaalde gemmer

10 liter lou water

1.6kg wit suiker

150g rosyne

10g aktiewe droëgis

0ml kremetart

10ml wynsteensuur

Voeg die gemmer by die water en suiker en roer tot die suiker opgelos is. Voeg

die res van die bestanddele by. Giet die mengsel in 'n plastiekemmer met 'n

deksel en laat dit 24 uur lank gis. Syg die bier daarna deur en giet die filtraat

in gesteriliseerde bottels. Moenie die bottels te vol maak nie. Plaas 2-3 van die

rosyne in elke bottel en draai die proppe lossies vas. Laat die bier 'n dag of

twee by kamertemperatuur gis voordat dit in die koelkas bewaar word.

 

GEMMERBIER 8

Hierdie resep kom van baie geslagte terug ............

6 liter water

6 koppies suiker

1 eetl fyn gemmer

handvol rosyne

1 koekie yeast (nat blou blokkie)

Gooi alles in emmer, en roer goed. Laat staan vir 24 uur. Gooi deur kaasdoek

(om gemmer en rosyne op te vang. Bottel en laat yskoud word en geniet dit.

Moenie proppe op die bottels plaas nie!

Dis heerlik.

 

VINNIGE GEMMERBIER 9

1 Groot emmer met deksel wat lugdig sluit

7 x 750ml louwarm water (5¼ Liter)

4½ koppies suiker

10ml Jamaika Gemmer (Lennons se produk)

10ml kitsgis (korrelsuurdeeg)

28 rosyne

1. Meng 10ml suiker en die 10ml kitsgis in 125ml louwarm water. Laat staan vir 10 - 20 minute (todat dit begin gis).

2. Voeg die suiker by die louwarm water in die emmer en roer ongeveer 3 minute (totdat suiker gesmelt het).

3. Voeg die Jamaika Gemmer en die water-, suiker- en kitsgismengsel (nadat dit begin gis het) by die suikerwater en roer baie goed. Voeg die rosyne by en roer weer deur.

4. Plaas deksel op emmer en laat staan in die son om te gis. Persoonlik laat staan ek dit in die son van so ongeveer 10 uur in die oggend tot 2 uur in die middag. Dit is dan gereed, maar smaak verskil en dit kan langer in die son gelaat word om verder te gis. Onthou net om elke nou en dan die lug uit te laat, anders skiet die deksel af en jou gemmerbier is daarmee heen"

5. Gooi die bier in houers en plaas in yskas om verdere gisting te voorkom.

Nota: Dit is 'n heel eenvoudig resep en baie lekker. Ek moet egter erken toe ek die resep die eerste keer onder oë kry, was ek baie skepties. Hoe gebruik mens dan nou medisyne om gemmerbier mee te maak? Ek het dit egter

probeer, en die resultate was verstommend. Selfs mense wat nie graag gemmerbier drink nie, het gesê dit is lekker. Behalwe vir die suiker, is dit ook nie so duur om te maak nie. So, probeer dit gerus.

 

GEMMERBIER 10

7 liter water

7 koppies suiker

7 eetlepels gemmer

1 koekie suurdeeg (dit moet die outydse koekie suurdeeg wees wat mens

in warm water oplos, nie kitsgis nie)

1 tl kremetart

1 tl wynsteensuur (tartaric acid)

1 handvol rosyne

Los die suurdeeg in warm water op en meng alles goed saam totdat die suiker

opgelos is (ek het 'n spesiale emmer hiervoor). Laat staan oornag - die rosyne

sal bo dryf as die gisproses klaar is. Gooi deur 'n doek of fyn net, bottel en

plaas in yskas. Jy kan dit dadelik drink maar die smaak verbeter hoe langer

dit staan.

 

GEMMERBIER 11

12 k suiker (2½ kg)

1 pakkie kremetart (25 ml)

1 k gekneusde gemmer

½ pakkie tartaric acid (12,5 ml)

1 k gekneusde rosyne

20 naeltjies

1 k stroop

2 e suurdeeg

Gooi al die bestanddele buiten die suurdeeg, in 'n 4-gelling (? liter) kan.

Vul op met kookwater.

Sit suurdeeg volgende dag by.

Hou in warm plek.

Bottel wanneer rosyne almal bo is - ± 3 dae.

 

GEMMERBIER 12

3 x 750 ml kookwater

750 ml (3 k) suiker

3 x 750 ml koue water

15 ml Jamaica-gemmer

20 ml droë suurdeeg

handvol rosyne met pitte – gekneus

Los suiker in kookwater op.

Voeg koue water en gemmer by.

Laat afkoel tot louwarm.

 

VINNIGE GEMMERBIER 13

1 groot emmer met lugdigdeksel

7 x 750 ml ( 5.25 liter) louwarm water

4,5 k suiker

10 ml Jamaica-gemmer

10 ml kitsgis

28 rosyne

Meng 10 ml suiker en 10 ml kitsgis in 125 ml louwarm water – laat staan om te gis.

Voeg die suiker by die louwarm water in die emmer en roer ongeveer 3 min. tot suiker opgelos is.

Voeg die Jamaica-gemmer en die water- suiker- en kitsgismengsel by die suikerwater en roer baie goed.

Voeg die rosyne by en roer weer deur.

Plaas deksel op die emmer en laat staan in die son om te gis (10:00 tot14:00 of langer).

Laat gas elke nou en dan uit.

Gooi in houers en plaas in yskas om verdere gisting te voorkom.

 

GEMMERBIER 14

Kneus 60g gemmer en kook in 10 liter water. Giet in 'n vaatjie en voeg 1 kg

suiker, 30g kremetart en 2 dungesnyde suurlemoene by. Wanneer die mengsel

afgekoel het tot lou, voeg 30g suurdeeg by en laat 12 uur staan. Syg deur,

gooi in erdekanne of bottels en kurk toe. Na 36 uur sal dit gereed wees vir

gebruik.

 

GEMMERBIER 15

4 x 500 ml suiker

20 x 250 ml (5 liter) kookwater

5 ml droë gis

50 ml rosyntjies, gekneus

10 ml Jamaica gemmer

12,5 g kremetart ('n halwe pakkie)

Los die suiker in die kookwater op en laat afkoel tot dit lou is.

Week die surrdeeg in 'n bietjie water (lou) en voeg saam met res van

bestanddele by.

Laat 6 ure staan. Syg deur en bottel - kurk toe.

Na 12 uur is die bier gereed vir gebruik. Verkoel voor opdiening.

 

LEMOEN-EN-SUURLEMOEN-STROOP:

8 sappige lemoene

4 sappige suurlemoene

1.5liter kookwater

1.2kg wit suiker

15ml wynsteen of sitroensuur

Rasper net die oranje en geel buiteskil vandie lemoene en suurlemoene dun af.

Moet nie die albedo ook rasper nie aangesien dit die stroop bitter sal laat

smaak. Druk die sap van die lemoene en suurlemoene uit en voeg dit by die

gerasperde skil. Voeg die res van die bestanddele by en roer tot die suiker

opgelos is. Verhit die mengsel tot kookpunt en kook dit vir 5 minute lank. Laat

die stroop afkoel, syg dit deur en bottel en verseël dit.

OM TE SKINK:

Skink dit in lang glase, na smaak verdun met soda of yswater, met 'n paar

ysblokkies.

 

LIMONADE:

500ml suiker

250ml water

250ml vars suurlemoensap

Meng die suiker en water in 'n kastrol en verhit dit stadig terwyl dit

aanhoudend geroer word totdat die suiker opgelos is. Verhit die stroop tot

kookpunt en laat dit 5 minute lank kook oor matige hitte sonder om te roer.

Laat die stroop afkoel en voeg die suurlemoensap by. Syg die limonade deur 'n

moeseliendoek en bêre dit in 'n houer met 'n deksel in die yskas. Bedien die

limonade deur 30ml van die suurlemoenstroop by 'n glas yswater te voeg.

Lewer ongeveer 600ml onverdunde stroop.

 

Esthee Erasmus skryf: Goeie dag,Ek het n resep by my ma gekry wat sy nog van so maak mens af gekry het. Ek het dit ongelukkig in n onlangse trek verloor en het gewonder of julle nie dalk n kopie van die resep in julle rekords het nie? Die resep se naam is n Swart Fluweel Sjokeladekoek en ek het nog geen soortgelyke sjokeladekoek resep in die hande kon kry nie. Baie dankie

Esthee, ek  kon die volgende vir jou opspoor,

Laat weet my asb of dit die regte resep was! Lekker bak!

Tadidadaaaa!!!!

Hier volg dus EKSKLUSIEF: Esmé en Jan se SWART SJOKOLADE FLUWEELKOEK! !

(Eksklusief ja, want al E&J se resepte verskyn mos tans in KAMMANUUS, voordat dit per E-BOEK hier op SO MAAK MENS beskikbaar gestel gaan word!!...)

 

SWART SJOKOLADE FLUWEELKOEK

2 k koekmeel

1 k botter

1 3/4 k suiker

1/2 - 1 k mielieblom (maizena)

4 t bakpoeier

1 t vanilla

4 eiers

1 k lou melk

1/4 t sout

1/2 k kakao

Room botter en suiker tot suiker opgelos.

Sif meel en sout 2 keer saam

Meng melk, kakao en mielieblom tot glad

Vou beurtelings meelmengsel en melkmengsel by botter en suiker.

Voeg laastens die bakpoeier en vanilla by Bak 30 -35 min by 180 grade C.

 

En toe het ek ook aan Estee ‘n hele paar ANDER ook gestuur…

Waaronder verskeie ROOI FLUWEEL KOEKE…

Koek:

100g Botter

350g Suiker

2 Eiers

75ml Kakao

30ml Kookwater

2 Bottels rooi voedselkleursel

520ml Koekmeelblom

5ml Sout

250ml Karringmelk

5ml Vanieljegeursel

5ml Koeksoda

5ml Witasyn

Versiersel:

250ml Melk

90ml Koekmeelblom

275ml Suiker

250ml Botter

5ml Vanieljegeursel

Sjokolade-vermicelli

Koek:

Voorverhit die oond tot 180C.

Smeer twee 20cm losboomkoekpanne met margarien.

Verroom die botter en suiker saam tot lig en romerig.

Voeg die eiers een vir een by en klits na elke byvoeging.

Meng die kakao, kookwater en voedselkleursel saam om ‘n stywe pasta te vorm.

Voeg by die botter mengsel en meng. Sif die koekmeelblim en sout saam. Meng ook die karringmelk en vanieljegeursel saam.

Voeg om die beurt met die droë bestanddele by die bottermengsel.

Meng laastens die koeksoda en asyn saam en voeg by die mengsel. Meng goed.

Verdeel die mengsel in twee gelyke dele en skep in die voorbereide koekpanne.

Bak sowat 30 minute lank of totdat pen skoon uit die middel van die koek kom.

Versiersel:

Voeg ‘n bietjie van die melk by die koekmeelblom en meng tot ‘n gladde pasta. Bring die res van die melk saam met die suiker tot kookpunt.

Roer gedurig.

Voeg ‘n bietjie van die warm melk by die meelpasta en meng goed.

Voeg by die warm melk en kook oor lae hitte tot gaar en dik.

Roer gedurig.

Verroom die botter tot sag.

Voeg die vanieljegeursel by.

Giet die melkmengsel by en klits totdat dit lyk soos styfgeklopte room.

Koel af.

Smeer ‘n bietjie van die versiersel op 1 koeklaag en plaas die ander koeklaag bo-op. Versier die koek met die res van die versiersel.

Strooi ‘n bietjie sjokolade-vermicelli bo-oor.

 

En ook laastens: ‘n BEETKOEK

Hierdie beetkoek is amper soos 'n rooi fluweelkoek waar hulle rooi voedselkleursel gebruik vir die dieprooi-kleur. As jy dit nie wil insit nie, kan jy dit ook uitlos.

Basisresep

Met hierdie resep kan jy verskillende groentekoeke maak (sien hieronder).

420 g (750 ml) bruismeel

15 ml koeksoda

 1 ml sout

250 ml sonneblomolie

400 g (500 ml) suiker

4 eiers

Verhit oond tot 180ºC.

Sif meel, koeksoda en sout saam. Meng olie, suiker en eiers. Voeg oliemengsel by droë bestanddele en meng goed. Volg verder jou gekose variasie (onder) se metode.Al die koeke word in 'n standaardgrootte losboom-ringpan (20 x 18 cm) gebak.

Vir die Beetkoek : VOEG BY b.s.

5 ml fyn kaneel

1 ml fyn neutmuskaat

500 ml beet, geskil en gerasper (OF WORTEL,PAMPOEN,PATAT)

250 ml wortel, gerasper

150 ml melk

100 g pekanneute, gekap

1 botteltjie rooi voedselkleursel (OPSIONEEL)

Bolaag

250 g gladde maaskaas

sap en geel skil van 2 suurlemoene

80 ml kondensmelk

vars bessies van jou keuse

Vou kaneel, neutmuskaat, beet, wortel, melk, neute en rooi voedselkleursel by basisresep in. Spuit 'n losboom-ringkoekpan met kleefwerende sproei. Gooi beslag in die pan en bak vir 35 - 40 minute of totdat 'n toetspen skoon uitkom. Keer uit op 'n draadrak en laat afkoel. Meng bestanddele vir bolaag saam (behalwe bessies)en versier koek na keuse..!

 

STUKKIE KLETS:

DIS Mei! April het gekom en gegaan en soos die misbanke soggens nou wit en ondeurdringbaar oor die rivier hang voor die son dit stelselmatig begin lig, net so is dit al soggens plek plek spierwit op die omliggende bossies geryp.  Met al die water en vloede en ongekende baie reën het die bome nie eers verkleur om die Herfs aan te kondig nie, nee, dit het direk van Somer na Winter oorgegaan met vallende rypgebrande blare wat nou selfs harder op die sinkdakke neer reën.

Dit bly mooi in die Bos, met al sy nuanses…

MAAR, Aangesien Mei die Winter amptelik innooi, wil ek afskop met ‘n stuk oor:

 

GEMMER! - ‘n Lieflike wonderlike mooi  plant / krui / spesery en medisyne alles in een!

Ek het reeds vroeër in ‘n leser navraag ietsie oor GEMMER geplaas, maar ek is self so mal oor GEMMER dat ek graag meer wil deel!

 

Oor die Kweek van GEMMER sê Ernst van die BURGER die volgende:

Die bloeiwyse en blare van die geelgemmer, Hedychium gardneranum, een van die gemmer-verwante is 'n mooi tuinplant. Gemmer is bekend vir sy medisinale waarde veral as 'n vloeibare ekstrak teen koliek.

Eetbare gemmer behoort tot die gemmer-familie, Zingiberaceae, en is naverwant aan ons kraanvoëlblom, Strelitziaceae, en die piesang, Muscaceae. Hulle is wortelstok-meerjariges en dié familie se verspreiding is meestal beperk tot die tropiese gedeeltes van die wêreld meestal Indo-Maleisië.

Daar kom ook drie inheemse wildegemmer-soorte, Siphonochilos, in die noordelike subtropiese dele van ons land voor. Hulle is veral gewild vir hul medisinale nut en is al byna uitgeroei.

Ons inheemse soorte het ook besonder mooi blomme en die Zoeloes gebruik die wortelstok vir verkoue en seer keel. Bygelowiges plant die gemmerplante naby hul huis teen weerlig. Die Swazi's gebruik dit teen malaria.

Die gewone gemmer, Zingiber officinale, en verwante plante maak mooi tuinplante en het aromatiese kruie-eienskappe wat deur die mens benut word. Die plante groei meestal van 'n kruipende wortelstok, soos die gemmerplant s'n wat u gekoop het, mev. Cronje.

Die blare is groot en gewoonlik in twee teenoorstaande rye gerangskik. Die gewoonlik aantreklike bloeiwyse is van die verlengde soort en word aan die eindpunt van die stingel gedra.

Soorte wat algemeen gekweek word in ons streek, sluit in rooigemmer, Alpinia purpurata, skulpgemmer, A. zerumbet, rooigemmer- lelie, Hedychium coccineum, witgemmer-lelie, H. coronarium, en die geelgemmer-lelie, H. gardneranum. Die gemmersoorte verkies ryk, vrugbare grond, volop water en 'n rypvrye omgewing.(Vra vir Ernst, WoonBurger, Posbus 692, Kaapstad 8000.)

 

OOR GEMMER EN GESONDHEID, skryf  Hettie Grove ’n omvattende inligtingstuk hieroor op die werf WOES,  dit word geplaas op leen-erkenning.

 

GEMMER, NAARHEID EN KANKER..

Gemmer is so bekende spesery, maar ongelukkig word die gebruike van gemmer word soms tot ons voedseldisse beperk. Die immer gewilde gemmer, aromatiese wortel word dus ook `ʼn ontdekkings kas vol gesondheids- voordele, is nie net beperk tot swangerskap en kinderbaringsjare nie. Onlangse navorsing het bewys dat die gemmerkoekies in die oggend vir oggend of swangerskap naarheid toe nie mite was nie. Gemmer help nie net met die verligting van menstruele krampe nie, maar is ook effektief in die stryd teen kolonkanker en lewerkanker. Inderdaad `ʼn ou worteltjie wat duidelik sy gewig in tonne werd is.

Die spesery gemmer kom van die ondergrondse risoom van die gemmerplant botanies die Zingiber Officinale. Die eetbare risoom is gewoonlik geel of wit in kleur, en word bedek deur dun bruin skil, nadat hy geskil is, kan die ferm tekstuur gerasper, of fyngemaal word. Dit mag rou op slaaie, groente disse en boontjies gebruik word.

Dit gee fassinerende, pikante smaak ervaring aan die kos en sommige mense beskryf dit as warm . Gemmer is `ʼn gunsteling in Asiatiese kookkuns vir etlike eeue. Daar word ook na gemmer verwys in antieke Chinese, Indiese en Middel Oosterse skryfwerk. Deur die eeue is gemmer geprys vir sy kook en medisinale gebruike. Word ook tradisioneel gebruik deur die Chinese en Meksikane, wat dit in hul seekos- geregte as detoksifikasie agente gebruik, om voedselvergiftiging deur seekos te voorkom. Die drink van gemmer tee word gereeld deur Chinese geneeshere voorgestel as manier om vitaliteit te behou.

 

GEMMER EN SWANGERSKAP, NAARHEID EN BRAKING

Sewe en sestig vroue wat van naarheid en braking gekla het, het hulself beskikbaar gestel vir `ʼn studie wat beskryf is in die Journal of Alternative and Complementary Medicine van 15 Maart 2009. Die vroue is toe verdeel in `n eksperimentele groep en `ʼn kontrolegroep. Die eksperimentele groep het 250mg gemmer kapsules ontvang 4 keer dag vir 4 dae en die kontrole groep het plasebo’s ontvang. Effek van die behandeling is geevalueer twee maal per dag, deur middel van voor en na behandeling vraelyste, die gemmerverbruikers het verbetering getoon, wat relatief hoog was teenoor die placebo verbruikers naamlik 85% versus 56 %. Die afname in brakingstye was ook relatief hoog naamlik 50 % versus 9%

Baie sal weer redeneer of dit werklik goeie studie is, en is daar werklik soveel verbetering maar vroue wêreld wyd sal saamstem, enige bietjie hulp wat nie newe effekte het, en relatief goedkoop is, is beter as niks

 

GEMMER HELP VIR MENSTRUELE PYN NET SO EFFEKTIEF SOOS MEDIKASIE

`ʼn Studie is gedoen om die effekte van gemmer, ibuprofeen en mefenaamsuur vergelyk. Hierdie studie is oor 6 maande gedoen, en die deelnemers was almal studente 18 jaar en ouer, opgedeel in drie groepe. Die gemmergroep het 250mg gemmerpoeier kapsules, vier maal dag vir drie dae vanaf die begin van menstruasie geneem. Die ander 2 groepe het onderskeidelik 250mg mefenaam suur en 500 mg ibuprofen op dieselfde protokol gekry . Evaluasie van die ervaring van pyn is op verbale, multidimensionele puntestelsel gedoen om die graad van die pyn vas te stel,

Graad van pyn, pyn verligting en tevredenheid met die behandeling was onder andere vergelyk tussen die groepe na een menstruasiesiklus. Die resultaat in al drie groepe was, dat die graad van pyn, pynverligting en tevredenheid met hul produk beter was, en geen verskille was gevind. Geen erge newe –effekte het voorgekom. Die navorsers se gevolgtrekking was dat die gemmer net so effektief as mefenaamsuur en ibuprofen is om menstruele pyn te verlig. Die studie is gepubliseer in the Journal of Alternative and Complementary Medicine.van 13 februarie.2009

 

GEMMER BIED OOK KANKER BESKERMING

Gingerol, die hoofkomponent van gemmer, is verantwoordelik vir gemmer se unieke smaak. Dit word geglo dat dit die rede is hoekom die eet van gemmer, beskerming oordra teen kolon kanker. Die Burns School of Medicine at the University of Hawai, het aantal navorsers die bio-aktiwiteit van 6 gingerol en gemmer ekstrakte, in 2 sleutelaspekte van kolon kanker nagevors. Hul kyk na die kanker biologie, en kankersel proliferasie, sowel as die vermoë en handhawing van eie bloedvoorsiening. Interessant hul het bevind dat hierdie selektiewe bio-aktiewe samestelling van gemmer `ʼn direkte invloed het op in kanker voorkoming. Die effek op die selproliferasie, en indirekte effek op die endoteel sel funksie, is fenomenaal. Die navorsers het tot die gevolgtrekking gekom dat 6-gingerol 2 tipe anti-tumor effekte het.Dit het invloed op kolonkanker sel groei waardeur te onderdruk en inhibeer dan die bloedstoevoer voorsiening van die tumor te inhibeer. Die studie was gepubliseer in inhibits. Physiotherapy Resources, December 31, 2008

Daar is ook bevind dat gingerol ovaria of eierstok kanker kan beveg, deur middel van indusering van `ʼn geprogrammeerde sel dood en selfvertering daarvan. In nog `ʼn studie gepubliseer The World’s Healthiest Foods is gemeld dat gemmer ekstrak wat 5% gingerol bevat verskeie ovaria kankerselle beïnvloed. Wanneer gemmer betrokke is, word die hoof oorsake vir inflammasie onderdruk in die ovariale kankerselle dit is groot pluspunt want gemmer mag dan van groot nut wees vir die persoon met kanker. Indien mens kanker probeer vermy, is gemmer altyd `ʼn goeie idee. In die Desember, 2008 uitgawe van Clinics was die gevolgtrekking dat gemmer wel goeie anti-inflammatoriese en `n anti-karsinogeniese agent mag wees

 

GEMMER HELP OOK MET REISSIEKTES

Navorsers het bevind dat gemmer meer effektief is as Dramamine om duiseligheid, naarheid, braking en koue sweet, deur hierdie insidente te voorkom of te verminder.

 

GEMMER VERLIG TOT ARTERITIS

Verskeie mense met osteo-artritis en rumatoïede artritis het `ʼn vermindering in pyn vlakke, en verbetering van mobiliteit getoon, indien hul gemmer gereeld gebruik. Twee kliniese studies, het bewys dat 75% van artritis pasiënte, en 100% pasiënte met spier ongemak, minder pyn ervaar as hul gereeld gemmer gebruik.

 

GEBRUIK DIE VARSTE GEMMER WAT JY KAN VIND.

Dis altyd beter om vars gemmer as die gedroogde soort te gebruik. Nie net is die geur beter nie, maar dit bevat ook hoeer vlakke van gingerol en ander samestellings wat inflammasie onderdruk. Ongeskilde gemmer kan vir tot drie weke in die yskas geberg word. Gemmer is ook hoog in kalium wat weer nodig is vir hartfunksie, mangaan, `ʼn mineraal wat weer help om weerstand teen siekte op bou. Dit help ook om die hartvoering te beskerm. Verder bevat die goeie gemmer vitamine A, C, E en die B kompleks sowel as magnesium, fosfor, sodium, yster, kalsium en beta karoteen.

Wie sou kon droom dat gemmer goeie ou gemmer se lof so sou besing word in die teenswoordige eeu van vandag. Dat dit nou sou gebruik word in swangerskaps naarheid, kanker, artritis, hart probleme en vir al die vitamiene en minerale vir optimale gesondheid. Mense staan nie verniet deesdae tou waar vars gemmer te koop is nie, hul weet iets wat baie ander nie weet nie

 

En Natuurlik,  wat is SO MAAK MENS sonder: RESEPTE!!

 

Gemmer gee vervelige disse ʼn hupstoot ! Meng rys disse met bietjie gerasperde gemmer. Gebruik dit in slaaie met olyfolie en knoffel. Sprinkel bietjie gemmer op patats en groente. Gebruik dit ook vars groente en vrugte, in hoenderdisse en vis. Een derde  teelepel vars gerasperde gemmer by jou voedsel of drankies elke dag het vele voordele!

 

Peter Veldsman se KWEPER-EN-GEMMER-BREDIE

1,5 kg ontbeende skaapbors en -blad, in bokkies gesny

10 ml gerasperde neutmuskaat

3 ml fyn kruie-naeltjies

sout en varsgemaalde swartpeper sonneblomolie

2 groot uie, oorlangs gehalveer, skille afgetrek en gekap

1,5 kg kwepers, oornag in 'n lou-warm oond gebak

5 ml borrie

5 ml fyn gemmer

5 ml fyn wonderpeper

1 groot stuk pypkaneel

1 groot stuk (75 mm) vars gemmerwortel, geskil en in skyfies gesny

1 steranys

6 vet knoffelhuisies, gekneus, geskil en fyngemaak

Geur die vleisblokkies met neutmuskaat, naeltjies, sout en peper en laat 30 minute lank staan. Verhit 'n bietjie olie in 'n swaarboomkastrol en braai 'n paar vleisblokkies op 'n keer rondom bruin. Verwyder met 'n gaatjieslepel en hou eenkant. Braai die res van die vleis, ook 'n bietjie op 'n keer, bruin. Gebruik meer olie, indien nodig. Skep die uie in die kastrol waarin die vleis gebraai is (met die olie daarin) en braai tot sag. Skep die helfte van die vleis terug in die kastrol. Sny die kwepers, skil, pitte en al in skywe en geur met borrie, fyn gemmer en fyn wonderpeper. Skep die helfte van die kwepers bo-op die vleis in die kastrol en plaas die stuk pypkaneel en steranys daarop. Skep die res van die vleis en daan die res van die kwepers in die kastrol. Strooi die gemmer en knoffel bo-oor.  Voeg 'n klein bietjie water (sowat 125 ml) by. Verlaag die hitte na laag, plaas die deksel op en prut stadig - sowat 2-2 ½ uur lank totdat die vleis  murgsag en gaar is. Loer af en toe in die kastrol en voeg klein bietjies water (niks meer as 50 ml op 'n keer) by, indien nodig. Aan die einde van die kooktyd, rasper ek gewoonlik die skil van 1 lemoen en 1 suurlemoen en meng dit met 50 ml fyngekapte pietersielie en 2 vet, fyngekapte knofflehuisies. Net voordat die bredie voorgesit word, word dit versigtig by die bredie ingeroer. Sit voor met stampkoring of rys.

 

Barbara Joubert, SARIE KOS Herfs 2010 se GEMMER-EN-VINKEL-TEE

Kyk in jou yskas en maak self 'n drankie met gemmer en vinkel as jy nie op jou beste voel nie of met slegte spysvertering sukkel.

             1½ cm-stuk vars gemmer, in skyfies gesny

             1 vinkeltakkie, afgespoel en opgesny

             1 - 2 koppies kookwater

Laat die gemmer en vinkel sowat 5 minute in kookwater trek. Versoet met heuning, indien verkies. Onthou, vir chroniese derm-ongemak mag dit nodig wees om ook ander dieet-aanpassings te maak.

 

GEMMER TERT (Onbekend)

Bestanddele Tert Kors

1 k Meelblom

1 e Strooisuiker

125 g Margarien

'n Knippie sout

Bestanddele Tert

1 k Goue stroop

1 k kookwater

2 k Water

2 e Vlapoeier

2 e Mielieblom

1 t Vanilla

75 g Ingelegde gemmerkonfyt

½ t Fyn gemmer

Metode Tert kors

Meng die meelblom en suiker. Vryf botter daarin totdat dit krummelrig is. Druk die mengsel op die boom en die kante van 'n groot tertdop vas. Bak dop by 190°C tot mooi bruin.

Metode Tert

Meng die stroop, kookwater en fyn gemmer en kook dit saam. Voeg gemmerkonfyt by en meng deeglik. Meng die mielieblom en vlapoeier met die koue water. Voeg die mielieblom mengsel by die gemmer mengsel. Kook die mengsel vir 3 minute. Gooi die mengsel in gebakte tertkors, laat afkoel en styf word. Versier met geklopte room indien verkies.

 

GEMMER-HOENDERSLAAI

500 ml fyngesnyde blaarslaai

1 blik ( 250 g ) appelkooshalwes

1 pakkie ( 250 g ) groenbone – gekook

600 g gaar rys ( 750 ml )

450 g gaar hoendervleisblokkies ( 750 ml )

125 ml joghurt

12,5 ml olie

12,5 ml suurlemoensap

1,5 g gemmer ( 5 ml )

Voer slaaibak uit met fyngesnyde blaarslaai. Dreineer appelkose en sny elke halwe middeldeur. Dreineer groenbone en meng met rys. Voeg hoederblokkies en appelkose by en meng liggies met vurk. Meng res van bestanddele en giet bo-oor. Hou in koelkas tot benodig.

 

GEMMER - LEMOENWORTELS- PIEKELS

80g suiker     

5ml gemaalde gemmer

10ml mielieblom    

60ml asyn

750ml gaar wortels, in blokkies of ringetjies

15ml olie

10ml gerasperde lemoenskil ( opsioneel)

Meng suiker, gemmer en mielieblom in 'n kastrol. Voeg asyn geleidelik by en kook by lae hitte tot dik. Voeg geelwortels en olie by en prut 10 minute stadig. Voeg lemoenskil laaste paar minute by. Skep dadelik in gesteriliseerde inmaakflesse en verseël. Bêre in koelkas na oopmaak.

 

STUKKIE KLETS:

PAASTYD.

Die jaar stap aan, en elke seisoen bring sy eie FEESTE.

Herfs, en April, is sinoniem met PASE. Vir die klein kindertjies is dit ‘n spel van paaseiers soek en vind, vir baie ander spel dit bloot sjokolade-eiers, sjokolade-hase, kuikentjies en alles wat dierbaar is…vir party is dit bloot net nog ‘n foefie-tyd, en vir ander bly dit die toppunt van ons Christelike jaar-kalender, wanneer ons kan introspeksie doen en weereens kan besef HOE kosbaar Jesus se soenverdienste vir ons is.

Laasjaar het die volgende op die WERFIE oor PAASTYD verskyn:

Izak de Villiers het vir April geskryf:

"In tye van die dood en opstanding van ons Heer, Jesus Christus,

wat gekom het om ons U liefde te wys,

en ons deel te maak van U vernuwing,

en van die herskepping van alles wat U gemaak het,

soek ons na die stil punt in ons lewe,

soek ons die wysheid van U gees,

soek ons U in alles wat ons sien en ervaar."

April hier op SO MAAK MENS,het dan ook te doen met die viering van PAASFEES!

Elke land vier tradisioneel PASE met sy eie unieke gebak. Paastyd geregte is ook simbolies, so word EIERS beskou as die simbool van lewe en wedergeboorte. Vandaar die gebruik van die paaseiers...

PAPAWERS, soos in die Russiese Papawersaad-brosbrood ,simboliseer die passie van ons Heer, en die vredevolle slaap van die dooies.HEUNING simboliseer weer soetheid en oorvloed. (Aldus “alle-resepte.com”)

So kry ons tradisionele Russiese vlegsel brode, 'n ryk brood (in Russies 'n Kulich) se tekstuur herinner effens aan mosbolletjies.

Dit word tradisioneel in blikke gebak om 'n hoë, ronde brood te verkry. Die Russe bedien 'n soet smeerkaas daarby en dit word met die res van die Paasmaal (wat gewoonlik bestaan uit vleis, kaas en gekookte eiers) geëet. En wat van hul gisryke “babka” brooddeeg, dun uitgerol en gevul met kaneel-neut vulsel of sjokolade vulsel- watertand lekker!

Hollandse Paasbrood, gevul met amandel pasta , rosyne en suurlemoenskil...

Italiaanse spesery koekies “Piparelli” genoem, en is 'n gunsteling wat net ná die vastyd oral in Italiaanse koekwinkels verskyn.

Dit word met naeltjies gegeur en die heuning in die deeg karameliseer terwyl die koekies bak en verleen 'n besonderse geur.

Choereg, bekend as Tsoureki in Griekeland, is tradisioneel gegeur met gemaalde suurkersie pitte genaamd makhlepi of mahaleb en is ‘n soort

gevlegte brood. En wat van Lemoenskilkoekies, Sagte Griekse koekies (Koulourakia) met 'n ligte sitrus, anyssaad of sesamsaad vir geur.

Italië, se gevlegte brood (pane di Pasqua) is weer spesery ryk en word gemaak met kaas, vleis, olywe en kappertjies.

En te enige tyd en orals is die bekende “hot cross buns “ altyd 'n welkome  lekkerny.

Dié bekende SIMNELKOEK, Paasfees lekkerny, het sy oorsprong in Frankryk.

Dit word nie, soos die meeste vrugtekoeke, ryp gemaak voor dit geëet word nie. Inteendeel, dis warm uit die oond die heel lekkerste.

Simnelkoek word tradisioneel met 'n lagie marsepein versier en kry dan elf marsepeinballetjies bo-op.

Dié elf balletjies verteenwoordig die elf getroue dissipels (die twaalfde een, wat Judas verteenwoordig, word uitgelaat.)

Dié volgende variasie daarvan is deur ARINA DU PLESSIS aangepas uit die Sarie resepteboek: Soetgoed, en het in haar artikel: Paasgebak uit verre land, in 2006 in die LANDBOU WEEKBLAD verskyn.

SIMNELKOEK

750 g marsepein

80 ml botter

200 ml strooisuiker

4 groot eiers

375 ml koekmeel

3 ml bakpoeier

10 ml gemengde speserye

500 g luukse vrugtekoekmengsel

Voorverhit die oond tot 150 °C. Smeer 'n hoë losboomkoekpan van 18 cm en voer die bodem en kante met bakpapier uit.Deel die marsepein in drie gelyke dele. Draai die een in kleefplastiek toe en hou eenkant. Rol die ander ongeveer so groot soos die pan uit en sny 'n sirkel so groot soos die pan se bodem uit elkeen. Verroom die botter en suiker goed. Voeg die eiers een vir een by en klits goed ná elke byvoeging. Sif die meel, bakpoeier en speserye bo-oor. Voeg die vrugtekoekmengsel by en roer tot gemeng. Skep die helfte van die beslag in die pan.

Sit een van die marsepein sirkels op die beslag en skep die res van die beslag bo-op. Maak gelyk en bak vir 2 uur tot gaar.Deel intussen die orige stuk marsepein in elf ewe groot stukkies en rol in bolletjies.

Laat vir 10 minute in die pan afkoel en verhit intussen die oondrooster. Keer die koek uit.

Plaas die tweede marsepein sirkel bo-op die koek en pak die marsepeinbolletjies op.

Druk die koek vinnig onder die oondrooster tot die marsepeinlaag en -bolletjies ligbruin is.

Laat afkoel en bêre in 'n lugdigte houer.

 

 

WARM-KRUIS-BOLLETJIES  (ALA Retha)

1 pk kitsgis

¼ kp warm lou water

4 ¼ kp meelblom

Knippie sout

½ kp suiker

1 tl anys

1 ¼ kp lou melk

½ kp gesmelte botter

1 eier

½  kp rosyne sonder pitte of sultanas of koekvrugte

2 - 2 ½ kp versiersuiker

¼ kp melk

1 tl amandel geursel

Strooi die gis oor die warm water en los tot opgelos.

Meng nou die meel, suiker, anys, 1 ¼ kp melk, botter en eier, gooi die gis bo-oor.

Werk deur met die hand en knie dan tot elasties en tot jou hande “skoon” kom. Knie dan die rosyne goed deur.

Deel die deeg in 12 bolletjies. Bedek en laat rys tot dubbel hul grootte.Sowat driekwart uur.

Bak in voorverhitte oond teen 175 º C tot goudbruin. Vir 20 tot 25 minute.

Meng intussen die versiersuiker, ¼ kp melk en amandel geursel tot glad.

Sodra die bolletjies afgekoel het, versier elkeen met ‘n kruisie bo-op. Ek hou ook van ‘n strooisel kaneelsuiker by.

 

Variasie: (“CHELSEA-bolletjies”)

I.p.v. anys,  gebruik ½  tl fyn kaneel en ½ tl gemengde speserye.

Rol die deeg liggies plat, strooi die speserye en rosyne bo–oor, rol dan op soos 'n rolkoek, sny in skywe, pak in oondpan, laat rys, bak dan soos hierbo, en versier deur die versiersel liggies bo oop te smeer.

 

Hoe jy ookal verder  oor PASE dink, sonder PAASBOLLETJIES  saam met tee onder ‘n lieflike Herfs getooide Rivier-oewerboom, kan ek myne nie voorstel nie!

 

Uit die arsenaal van PAASRESEPTE wat in my argief, en in al wat tydskrif , Radio, en TV-program hierdie tyd verskyn, het ek die volgende ook vir jul saamgestel. Geniet dit!

 

Bronne: My eie boeke, Idees, WEG, Die Burger, Sarie, Ontbytsake, Landbouweekblad, asook Kook en Geniet en Ander Afrikaanse Respte op die WWW.

 

Mev. J. Swanepoel van Fatti's & Moni's het dié maklike PAASBOLLETJIE  resep:

10 g Anchor droë kitsgis

500 g koekmeel

65 ml suiker

5 ml sout

3 ml gemengde speserye

3 ml fyn neut

 4 ml fyn kaneel

150 ml lou warmwater

60 g margarien gesmelt

125 louwarm melk

1 eier geklits

150 g droë vrugte koekmengsel

Kruisie:

100 g koekmeel

50 ml olie

125 ml melk

2 ml sout

Metode:

Meng meel, sout, suiker, speserye, kitsgis en vrugte baie goed saam. Meng gesmelte margarien, louwarm water, melk en eier. Voeg vloeistof by droë bestanddele en meng tot 'n sagte elastiese deeg. Plaas deeg in gesmeerde bak. Bedek en laat rus vir 20 minute. Knie goed deur en verdeel in 18 eweredige dele. Rol in bolletjies en plaas op gesmeerde bakplaat. Laat 20 minute rys of tot dubbel die grootte.

Maak intussen die deeg vir die kruise. Meng meel, sout, olie en melk tot 'n dun deeg, wat gespuit kan word, maar nog vorm sal behou. Bestryk die bolletjies met geklitste eier. Spuit 'n kruis oor elke bolletjie en bak 15 tot 20 minute op 200 C.

Kook intussen  50 ml melk, 50 ml suiker en 50 ml water vir vier minute lank saam. Glanseer bolletjies hiermee sodra dit uit die oond kom.

 

STAP-VIR-STAP SJOKOLADEPAASBOLLETJIES

Volg dié maklike stappe om 'n heerlike sjokoladeweergawe van almal se gunsteling-Paaslekkerny te maak.

Maak: 12

Bereidingstyd: 45 minute, plus rystyd

Baktyd: 20 minute

Oondtemperatuur: 200ºC

        450g (830ml) witbroodmeel

        5ml fyn kaneel

        2ml fyn kardemom

        50g (60ml) suiker

        7g (10ml) droë kitsgis

        55g (55ml) sagte botter

        215ml louwarm melk

        10ml vanieljegeursel

        1 groot eier, liggies geklop

        100g donkersjokoladebrokkies

VERSIERSEL

        60ml witbroodmeel

        15ml suiker

        15ml melk

        1 groot eier

1 Sif die meel en die speserye in 'n mengbak saam met 2ml sout. Roer die suiker en gis daarby in. Voeg die botter in 'n aparte bakkie by die melk en roer totdat die botter gesmelt het. Voeg die vanieljegeursel en eier by die melkmengsel.

2 Maak 'n holte in die middel van die droë bestanddele en gooi die vloeistof daarin. Gebruik 'n houtlepel om die droë bestanddele van die kante af in te roer. As dit klaar gemeng is, moet die deeg sag wees, maar nie taai nie. As dit te taai is, moet jy 'n lepel vol meel en melk op 'n slag byvoeg tot jy 'n sagte deeg het.

3 Knie die deeg vir 10 minute op 'n oppervlak wat liggies met meel bestrooi is, of gebruik die deeghaak van 'n voedselverwerker teen 'n stadige spoed.

4 Bedek die bak met 'n klam vadoek en laat dit eenkant op 'n warm plek rys tot die deeg dubbel die oorspronklike grootte is. Knie die deeg af.

5 Voeg nou die sjokoladebrokkies by. Knie vir 'n paar minute om die sjokolade by die deeg in te werk. Verdeel die deeg in 12 stukke en rol elkeen in 'n bolletjie. Pak die Paasbolletjies langs mekaar op 'n gesmeerde vierkantige of reghoekige bakplaat. Sit hulle 'n entjie uitmekaar sodat hulle plek het om te rys. Laat weer eenkant staan om te rys vir sowat 45 minute, of totdat die Paasbolletjies dubbel die oorspronklike grootte is.

 6 Versiersel

Meng die meel en suiker met 60ml water om 'n dik, gladde pasta te vorm. Skep dit in 'n spuitsak met 'n gewone spuit. Gebruik die agterkant van 'n mes om 'n kruis oor die bolletjies te trek. Meng die melk en eier, verf dit oor die bolletjies en spuit dan die pasta in die kruise.

7 Sit die bolletjies in 'n voorverhitte oond en bak dit vir 15 tot 20 minute tot goudbruin en deurgaar. Haal dit uit die oond uit en laat dit op 'n draadrakkie staan om af te koel. Wanneer die bolletjies heeltemal afgekoel het, kan jy hulle liggies van mekaar lostrek.

 

Wenke

        Maak tradisionele Paasbolletjies deur die sjokoladebrokkies uit te laat en 120g gemengde droëvrugte (rosyne, sultanas, korente en gemengde sitrusskil) by te voeg. Gebruik ook 5ml fyn gemengde speserye in plaas van die kardemom.

        Dis baie belangrik om vars gis te gebruik, en om die bolletjies 'n ligte tekstuur te gee moet jy die deeg knie tot dit glad en elasties is.

        Laat die deeg op 'n warm plek rys, maar dit moet nie aan 'n te hoë hitte blootgestel word nie, want dit kan die gis doodmaak en dan sal die deeg nie rys nie.

        As jy wil, kan jy die Paasbolletjies 'n lekker taai bolagie gee deur 50ml suiker met 'n bietjie warm water te meng en dan die suikerwater oor die bolletjies te verf sodra dit uit die oond kom en nog warm is.

        Sit die Paasbolletjies voor op die dag wat jy dit gebak het, of bêre dit in 'n lugdigte houer en sny dit dan middeldeur voor jy dit rooster en voorsit met botter.

 

VRUGTE-RING

Kikker Paasfees op met hiérdie pikante vrugte-ring.

Maak: 1 groot ring of 6-8 klein ringetjies

Bereidingstyd: 35 minute, plus rystyd

Gaarmaaktyd: 20-25 minute

Oondtemperatuur: 200 °C

• 420 ml (230 g) koekmeel

• 10 ml fyn kaneel

• 10 ml fyn gemengde speserye

• 10 ml droë kitsgis

• 45 ml (40 g) koue botter

• 70 ml melk

• 1 groot eier, liggies geklits

Vulsel

• 140 ml vars lemoensap

• 100 ml (75 g) droë pere, gekap

• 20 ml (15 g) gemengde sitrusskil

• 95 ml (85 g) botter

• 70 ml (60 g) bruinsuiker

• 55 ml (30 g) koekmeel

• 80 ml (60 g) sultanas

• 145 ml (60 g) gekapte pekanneute

• 10 ml gerasperde lemoenskil

Glaseersel

• 30 ml melk

• 30 ml suiker

1 Meng die meel, speserye, gis en 2 ml sout en vryf die botter daarby in. Meng die melk en eier. Maak 'n holte in die middel van die droë mengsel en gooi die vloeistof daarin. Meng stadig tot 'n sagte deeg. Knie vir 10 minute.

2 Sit die deeg eenkant en laat dit rys vir 'n uur of tot die volume verdubbel het.

3 Verhit die lemoensap vir die vulsel effens en gooi dit oor die pere en sitrusskil. Laat afkoel.

4 Dreineer die pere en sitrusskil. (Gooi die vloeistof weg.) Klop die botter en suiker saam. Sif die meel by en roer die vrugte, sultanas, neute en gerasperde lemoenskil in.

5 Knie die deeg af en rol dit uit op 'n oppervlak wat liggies met meel bestrooi is om 'n reghoek van 30 x 22 cm te vorm. Smeer die vulsel oor die deeg en rol dit soos 'n konfytrol in die lengte op. Rol die deegrol weer liggies uit tot dit sowat 50 cm lank is.

6 Gebruik 'n skerp mes en sny die deegrol in die lengte middeldeur. Sorg dat die gesnyde kante bo is en draai die helftes versigtig om mekaar. Sit dit op 'n gesmeerde bakplaat sodat die deeg 'n ring vorm en knyp die punte aan mekaar vas. Bedek dit en laat dit rys tot dit verdubbel het (sowat 'n uur). Bak in die verhitte oond vir 20 tot 25 minute tot goudbruin.

7 Verhit die melk en suiker vir die glaseersel saam en verf dit oor die vrugterol sodra dit uit die oond kom. Laat staan dit op 'n draadrakkie om af te koel.

 

VINNIGE KOFFIEKOEK

Niks in die huis vir teetyd nie? Bak gou dié heerlike koffiekoek.

Maak: 1 x 24 cm-ringkoek

Bereidingstyd: 15 minute

Baktyd: 5-7 minute

60 ml melk

25 ml kitskoffiekorrels

200 ml (200 g) sagte botter

200 ml (175 g) strooisuiker

3 groot eiers, liggies geklop

300 ml (165 g) bruismeel

25 ml kakaopoeier

VERSIERSEL

300 ml (160 g) gesifte versiersuiker

wit Dipped Flake-sjokolade, vir versiering

        1 Verhit die melk en los die kitskoffiekorrels daarin op. Klop 175 ml (175 g) van die botter saam met die strooisuiker tot lig. Voeg die eier bietjies-bietjies op 'n slag by en klop goed ná elke byvoeging. Vou die meel en kakaopoeier om die beurt by die melk in.

        2 Skep die beslag in 'n gesmeerde ringvormige silikoon- of mikrogolfbakpan. Mikrogolf dit vir vyf tot sewe minute op hoog tot die koek terugspring as jy daaraan raak. (Dit raak nog fermer ná dit uit die mikrogolfoond kom.)

        3 Haal die koek uit die oond uit en sit dit vir vyf minute eenkant om af te koel voor jy dit uit die pan keer.

        4 Meng die res van die botter met die versiersuiker. Voeg genoeg kookwater by om 'n gladde, smeerbare mengsel te vorm en skep dan die versiersel bo-op die koek. Versier met gekrummelde wit Dipped Flake-sjokolade.

 

Marlene van Eeden se PAASBOLLETJIE-BROODPOEDING

As daar tydens Paasfees 'n paar ekstra Paasbolletjies oorbly, kan jy dit gebruik vir dié heerlike nagereg.

Jy benodig (vir 6 mense)

        6 paasbolletjies

        90 ml botter

        90 ml fyn appelkooskonfyt

        250 ml room

        3 eiergele

        4 eierwitte

        100 g (120 ml) strooisuiker

Só maak jy

1 Voorverhit die oond tot 108º C.

2 Sny die paasbolletjies oop en smeer dik met botter en appelkooskonfyt. Plaas ’n Paasbolletjie in ’n teekoppie wat met botter gesmeer is. Druk gate met ’n mes in elke bolletjie.

3 Klits die room em eiergele saam en gooi oor die paasbolletjies. Plaas die koppies in ’n oondbak en vul die bak met kookwater tot halfpad op teen die koppies. Plaas in die oond vir 15 minute.

4 Klits intussen die eierwitte styf en voeg die strooisuiker lepel vir lepel by. Dit moet ’n lekker stywe meringue wees.

5 Haal die oondbak versigtig uit die oond en skep die meringue bo-op die bolletjies. Plaas terug in die oond vir minstens 8 minute tot die meringue bruin word. Sit warm voor.

 

Persoonlik kon ek nog nooit verstaan hoe die haas uit die eier kom nie..! Maar Marlene van Eeden sê: “Maak vanjaar jou eie gekleurde eiers. Wie weet, dalk kry jy 'n Paashaas in jou tuin...”

So, hier is haar: GEKLEURDE EIERS!

Jy benodig

• hardgekookte eiers (soveel soos wat jy nodig het)

• voedselkleursel

• koue water

• ‘n glas vir elke kleur wat jy gebruik.  (groot genoeg om ‘n eier in te dompel)

• 'n kombuistang of ‘n paar kombuishandskoene as jy nie jou hande vol kleursel wil hê nie

• ‘n leë eierhouer waarin die gekleurde eiers kan droog word.

So maak jy

1 Kook die eiers vir sowat 6 minute tot hard. Laat dit afkoel. Maak intussen die kleursel aan.

2 Gooi een eetlepel kleursel in ‘n glas en maak die glas vol met net genoeg water om ‘n eier te bedek.

3 Dompel die eiers een vir een in die kleursel. Laat staan vir minstens 5 minute – afhangende hoe donker jy die kleure verkies. Gebruik ‘n kombuistang en haal die eiers versigtig uit die kleursel.

4 Plaas die eiers op die leë eierhouer om droog te word.

WENK Voor jy die eiers kleur, kan jy hulle een vir een uitblaas deur klein gaatjies aan beide kante te maak. Ryg die gekleurde eiers aan ‘n tou en hang dit by die voordeur op.

 

‘n 2009 uitknipsel in my boek lees só:

PAASFEES OP DIE PLAAS, Deur ARINA DU PLESSIS (aduplessis@landbou.com)

Die rustigheid en vars lug van 'n plaas, die samesyn van familie en 'n lang tafel vol lekker kos is die ideale bestanddele vir 'n ete om te onthou. Dek vanjaar 'n Paastafel buite en geniet al hierdie goeie dinge saam met die mense na aan jou hart.

 

Spyskaart

Olyfbrood met eiervrugsmeer en crudités

Gerolde hoender gevul met

kaas en kruie

Oondgeroosterde groentegereg

Appel-en-filotertjies met karringmelkroomys

Koffie en paaseiers

 

OLYFBROOD

Dié brood maak die lekkerste toebroodjies - probeer 'n vulsel van roomkaas en ham of beleë cheddar en seldery. Dis net so lekker as dit louwarm voorgesit word met olyfolie en dukkah om dit in te doop.

500 g koekmeel

5 ml sout

10 ml suiker

10 ml kitsgis

Vars gemaalde swartpeper

60 ml olyfolie

250-375 ml louwarm water

180 ml grof gekapte, ontpitte olywe (swart of calamata)

Meng die meel, sout en suiker in 'n groot mengbak. Voeg die gis by en meng goed. Maak 'n holte in die middel en voeg die

swartpeper, olyfolie en warm water bietjie vir bietjie by, terwyl jy met jou hande meng tot 'n sagte, hanteerbare deeg. Keer die deeg uit op 'n meelbestrooide oppervlak en knie vir ongeveer 10 minute tot glad en elasties. Sit die deeg in 'n gesmeerde bak en bedek losweg met kleefplastiek of met 'n effe klam vadoek. Laat rys die deeg op 'n warm plek tot dubbel in volume. Knie die deeg af en knie die olywe by die deeg in. Smeer 'n bakplaat en bestuif met meel. Vorm die deeg in twee langwerpige brode en plaas op die bakplaat. Bedek weer liggies met plastiek of 'n vadoek en laat rys die brode weer tot dit verdubbel in volume (ongeveer 20 minute). Voorverhit intussen die oond tot 200 °C. Bak die brode vir ongeveer 20 minute by 200 °C. Verlaag die temperatuur tot 180 °C en bak vir 'n verdere 20-25 minute tot deurgaar en goudbruin. Lewer twee middelslagbrode.

 

EIERVRUGSMEER

2 groot eiervrugte

2 knoffelhuisies, fyn gedruk

Sap van 1 suurlemoen

30 ml gekapte, vars koljander of pietersielie

Sout en vars gemaalde swartpeper na smaak

Voorverhit die oond tot 220 °C. Smeer die eiervrugte se skil met olie en draai elkeen in foelie toe. Pak op 'n bakplaat en bak in die oond vir ongeveer 45 minute tot die eiervrugte papsag is. Halveer elkeen en skep die vleis uit. Plaas in 'n voedserverwerker en pols tot glad. Voeg die knoffel, suurlemoensap, kruie, sout en peper by. Pols weer tot goed gemeng. Skep uit in bakkies en sit voor met die olyfbrood en crudités. Genoeg vir ses tot agt mense.

Nota: Crudites is die Franse term vir rou groente wat (heel of gesny) op 'n groentebord bedien word, meestal saam met 'n doopsous. 'n Lekker kombinasie is heel radyse, 'n stukkie komkommer, heel kersietamaties, stukke wortel, mangetout en babamielies.

 

HOENDER-INVOLTINI

6-8 hoenderborsies, sonder vel of been

2 knoffelhuisies, fyn gedruk

15 ml gekapte, vars salie

45 ml gekapte, vars pietersielie

Fyngerasperde skil van 1 suurlemoen

2-3 snye Provolone of Emmenthalerkaas

6-8 tiemietakkies

15 ml olyfolie

125 ml sjerrie

Sout en vars gemaalde swartpeper na smaak

Voorverhit die oond tot 180 °C. Maak 'n sny teen die kant van elke hoenderborsie en vlek elkeen oop. Bedek elke hoenderborsie met kleefplastiek en kap liggies platter met 'n vleishamer of rolstok. (Elke borsie moet so dun as moontlik wees

sonder dat die vleis vol gate is.) Meng die knoffel, salie, pietersielie en suurlemoenskil in 'n bakkie. Sny die kaassnye in kleiner stukkies en pak daarvan op elke borsie. Smeer die knoffelmengsel bo-oor die kaas, op elke borsie. Rol die borsies in die lengte op. Sit 'n tiemietakkie boop elkeen en bind vas met 'n stukkie tou. Verhit die olie in 'n oondvaste pan en braai die hoenderrolletjies daarin tot egalig goudbruin. Giet die sjerrie oor en laat opkook. Verwyder van die stoofplaat en bak in die oond vir 15 minute, tot die hoender gaar is. Laat rus vir 10 minute voor dit voorgesit word. Om voor te sit, knip die toutjies af en sny die hoenderborsies in skywe. Bedruip met die pansouse en sit voor. Genoeg vir ses tot agt mense.

 

Wenk: Meng 'n paar skeute pikantrissie-spatsous (sien "Nuut en Nuttig", bladsy 49) met die pansouse en skep dit net voor opdiening oor die hoender, vir ekstra geur en 'n bietjie byt.

 

GEROOSTERDE GROENTEGEREG

2 rooi soetrissies, gehalveer en ontpit

1 kg aartappels

30 ml olyfolie

500 g botterskorsie, geskil en in blokkies gesny

Paar takkies vars roosmaryn

Sout en vars gemaalde swartpeper na smaak

Sap van 1 suurlemoen

Voorverhit die oond tot 200 °C. Sny die soetrissies in dik repe en hou eenkant. Sny die aartappels in kwarte, spoel af en druk droog. Verhit die olie in 'n swaarboompan en braai die aartappel-kwarte daarin tot goudbruin en bros. Skep uit en rangskik in 'n oondbak. Voeg die soetrissierepe, botterskorsieblokkies en roosmaryntakkies by en giet die olie (uit die pan) oor die groente. Geur met sout en peper en rooster vir ongeveer 40 minute tot die groente deurgaar is. Verwyder van die hitte en bedruip met vars suurlemoensap. Sit dadelik voor. Genoeg vir ses tot agt mense.

 

APPEL-EN-FILO-TERTJIES

6-8 velle filodeeg

50 ml gesmelte botter

3 appels, in kwarte gesny

60 ml gevlokte amandels

15-30 ml bruinsuiker

Versiersuiker, om oor te sif

Voorverhit die oond tot 180 °C en smeer twee bakplate met olie. Voer uit met bakpapier. Gebruik een vel filodeeg op 'n slag en hou die res goed toe met 'n klam vadoek terwyl jy werk. Smeer elke vel filodeeg met botter, vou in die helfte en smeer weer met botter. Frummel die buitekante van die deegblok na binne en vorm elkeen rofweg in 'n sirkel van ongeveer 12 cm. Herhaal met die res van die deeg. Ontkern en skil die appels en sny in dunner skyfies. Pak die appelskyfies binne-in die filosirkels, smeer met gesmelte botter en sprinkel die amandels en bruinsuiker bo-oor. Bak vir 15-20 minute tot goudbruin. Bestuif met versiersuiker en sit louwarm voor met karringmelkroomys of geklopte room. Lewer 6-8 tertjies.

 

KARRINGMELKROOMYS

Maak die roomys minstens die vorige dag, maar jy kan dit ook tot ?n week voor die ete berei.

125 ml suiker

250 ml volroommelk

4 groot eiergele

375 ml karringmelk

5 ml vanieljegeursel

Verhit die suiker en melk stadig oor lae hitte tot die suiker gesmelt is. Verwyder van die hitte. Klits die eiergele in 'n groot mengbak tot lig en dik. Voeg die warm melkmengsel stadig in 'n dun straaltjie by die eiergele terwyl aanhoudend geroer word. Giet alles terug in die kastrol en verhit weer oor baie lae hitte, terwyl geroer word, tot die vla verdik (moenie kook nie). Die vla is reg as dit die agterkant van 'n lepel met 'n dun lagie bedek as dit geroer word. Verwyder van die hitte, laat afkoel en roer die karringmelk en geursel by. Giet in 'n geskikte bak en vries tot die mengsel net-net begin yskristalle vorm. Klits die mengsel goed deur (om groot kristalle op te breek). Vries weer, tot amper gevries, en klits dan weer deur. Vries nou tot hard en haal 5 minute voor opdiening uit die vrieskas om skepwerk te vergemaklik. Lewer ongeveer 625 ml roomys (genoeg vir ses tot agt mense).(Landbouweekblad, 10 April 2009)

 

STUKKIE KLETS:

Mag APRIL vir u ook, Liewe Leser, 'n tyd van introspeksie wees, en hier en daar ‘n soetigheidjie…!

Geseënde Paasfees jul toegebid.

Shalom!

Wayne Dyer:  "Wat jy vandag doen, is die enigste aanduiding van wie en wat jy is!

April, ook Gekke-maand noem party dit.

Die dat ek nie op 1 April  met plasings begin het nie! Want vir my is April wonderlik! Die begin van die Herfs met sy lieflike blaar kleurskakerings…Die son deur die blare en die gras in die lááste lig is die kleur van soet ryk akasia-heuning, diep, ryk, lig geelgoud wat soos ligte amber die son in die binnekamers inhou al het dit al gesak.

Wat hou hierdie maand vir jou in? Waarna sien jy uit? Is daar lewe in vandag en more?

Ek lees op die oulike blog-bladsy, met die naam: HEUNING (!!) (http://www.heuning.co.za/index.htm) die volgende stelling van die skrywer raak:

 …ons het die kuns verloor om vir vandag te lewe. Iemand noem vir my hierdie aanhaling: "Yesterday is history, tomorrow is a mystery, but today is a blessing." Hoe moeilik is dit nie vir ons arme mensdom om vandag voluit te leef nie. Ek het die vraag gevra, "Wat hou vandag vir jou in? Vir jou, as individu. Vir die meeste mense is dit of niks, of spanning, of harde werk, of sommer net 'n totale leegheid. So asof ons sommer soms net opgee om te leef.

Sjoe, maar dit klink darem swaarmoedig en stroef, maar dis ongelukkig die realiteit. Ons as mense het die kuns verloor om te leef vir vandag, om uit te sien na more en om dit wat tot 'n goeie vandag gelei het, te koester. As kind het ek altyd iets in my kop gehad wat lekker was om aan te dink, en altyd iets gehad waarna ek uitgesien het. Ek onthou ook as kind dat ek soms my ma gevra het, wat gaan "eendag" gebeur. "Eendag" was vir my iets misterieus wat voorgelê het. So leef ons ook vir eendag, en nie vir vandag nie.

Carpe Diem - Gryp die dag. Moeilik om vandag voluit te leef. Ons leef maar almal vir môre, of iewers in die toekoms, en maak in alles voorsiening vir môre, ipv vandag. Die makelaars vertel jou om soveel moontlik vandag opsy te sit vir môre. Op die ou end is ons almal meer werd dood as lewendig. So asof môre 'n uitgemaakte saak is...

Hoe leef ons vir vandag?

• Doen vandag iets sinvol of lekker, iets wat jy kan geniet. Drink koffie saam met jou lewensmaat.

• Gaan kyk vandag daardie rugbywedstryd,want môre is dit dalk te laat.

• Neem dalk vandag daardie groot besluit. Dit wat jy moet doen om jou te laat losbreek van die bande van ongelukkigheid wat jou vashou.

• Maak 'n afspraak om vir daardie vriend te gaan kuier wat jy lankal wou sien.

• Bel vandag jou ma, pa, kind, broer, suster vir wie jy so lank opsy skuif.

• Beplan meer vir vandag as die toekoms, want jy kom dalk nooit daarby uit nie.

• Spandeer dalk so 'n paar rand op jouself, of bederf iemand anders.

• Glimlag vir 'n slag. Sommer ook vir jou baas. Dalk val hy om - dan glip jy vroeg huis toe.

• Maak dalk vandag iets met iemand reg, wat jy lankal uitstel.

• Laat vandag tel. Laat môre vir môre en gister in die verlede.

 

Onse FRIK LOMBARD skryf oor HEUNING die volgende:

Die eerste verwysing na heuning in die Bybel kom voor in Genesis 43:11. So van die begin af was die by al daar gewees om ons van sy soete arbeid te gee. Op 26 Junie 2003 is die 29ste herdenking van die strepieskode (barcode) gevier. In die natuur vlieg die by rond met sy eie strepieskode op sy agterlyf.

Die by is ´n meerdoelige dier. Eers help hy met die bestuiwingsproses en dan maak hy ook die lekkerste en soetste lekkerny vir ons. Daar word ook tans ´n studie gedoen oor die gif van heuningbye wat gebruik kan word vir die verligting van artritis onder andere.

Ongeveer een derde van alle artikels wat ons in supermarkte koop het heuning in. Die Engelse woord "honey" maak deel uit van die woord honeymoon. Die oorsprong van die woord kom van die middeleeue waar pasgetroudes vir een maand lank elke dag "Mead" gedrink het. Mead is ´n heerlike heuningdrankie. Mead is gedrink om te verseker dat die paartjie ´n seun so kry. Die basiese meadresep bestaan uit heuning, water, gis en speserye.

Indien mens na ´n natuurlike middel teen seer kele en verkoues soek dan is heuning die antwoord. Wanneer jou keel krapperig voel gryp die bottel heuning nader en eet ´n teelepel vol heuning. Jy kan met die behandeling aanhou tot jou keel beter is, heuning is nie skadelik nie so jy kan maar eet tot jou keel beter is. Nou moet ek ook dadelik sê dat as jou keel nie binne ´n dag of twee beter is nie gaan sien maar liewers jou dokter. Verder kan jy heuning meng met lemoensap, suurlemoensap of met pomelo´s om daardie ekstra vitamiene in te kry om die verkoue die finale nekslag toe te dien.

Daar is ook navorsing gedoen oor die effek wat heuning het op atlete. Heuning is nie net ´n opkikker nie maar daar is bewyse dat indien atlete heuning gebruik voor strawwe oefeninge of resies, hulle spiere vinniger en makliker herstel as atlete wat glad nie heuning gebruik nie. So dit sal goed wees vir atlete om eerder ´n heuning energiedrankie te drink as om enige chemiese middel te gebruik.

Vir die skoner geslag is daar ook goeie nuus. Wanneer jy vol spanning is bad in heuning. Die bad sal al jou spanning wegneem en dit sal jou vel bevog aangesien heuning die natuur se eie bevogter is. Nou hierdie resep is so maklik: 1 Koppie amandelolie of ligte olyf olie, ½ koppie heuning, ½ koppie badolie en 1 teelepel vanilla ekstrak. Meng al die bestanddele in ´n mengbak en sit dit dan in ´n bottel. Skroef die bottel toe en gebruik soos nodig. Skud die bottel voor gebruik.

Daar is genoeg heuning badolie in vir 4 heerlike en hemelse badervarings.

Ek glo ook nie dit sal ons mans skade aandoen om so nou en dan in een van hierdie baddens te klim nie. Mans, terwyl ek so sit en dink is hierdie eintlik ´n pragtig geskenk om vir jou vrou te maak vir moedersdag of sommer net om dankie te sê vir alles wat sy vir jou beteken. Gooi net die mengsel in ´n mooi glas bottel. Ek dink hierdie geskenk sal ook help om te sê ek is jammer, want ons manlike spesie is mos maar altyd in die moeilikheid!

 

En hoe sal SO MAAK MENS wees as hierook nie ‘n paar HEUNING RESEPTE is nie!!

 

GEBRAAIDE PIESANG MET HEUNING

piesang

Botter

heuning

Skil piesang en sny in die lengte deur. Verhit in ‘n pan bietjie botter en braai die piesang alkant mooi goudbruin. Bedien op roosterbrood met ‘n lepeltjie heuning bo-oor!

 

KALKOEN MET HEUNING

1 kalkoen

12 pruimedante, oornag geweek in water

15 heel okkerneute

40 ml heuning

½ kg varkworsvleis

1 ui

1 eier

Om kalkoen mee te bedek:

60 ml botter

1 kalkoen12 pruimedante, oornag geweek in water15 heel okkerneute40 ml heuning½ kg varkworsvleis1 ui1 eierOm kalkoen meet e bedek:60 ml botter

50 ml heuning

Maak die kalkoen goed droog.

Dreineer en ontpit die pruimedante, doop dit in die heuning.

Maak seker dat al die heuning gebruik word.

Plaas die varkworsvleis in ‘n mengbak.

Voeg hierby die pruimedante en gekerfde ui.

Voeg laastens die eier by en meng goed.

Vul die kalkoen met die mengsel en werk toe.

Moenie te styf vul nie – die vleis krimp in die gaarmaak proses en die vulsel sit uit – dit kan die kalkoen laat bars.

Draai die kalkoen goed in gebotterde foelie toe.

Bak vir 3 uur in voorverhitte oond van 160ºC, maar maak die foelie na 1½ uur oop en

bedruip met die sappe in die foelie en smeer met die heuning.

Draai die kalkoen weer toe en bak vir die volgende 1½ uur.

Vir ‘n bros vel moet die kalkoen die laaste 40 minute oop gebak word.

 

HEUNING-EN-SUURLEMOEN-HOENDERVLERKIES( Bernice van der Merwe)

16 hoendervlerkies, puntjies afgesny en gehalveer

7 ml seesout

125 ml suurlemoensap

3 knoffelhuisies, gekneus

1 knippie rooipeper

90 g heuning

suurlemoenwiggies vir opdiening

Voorverhit die oond tot 200 °C.

Plaas die vlerkies in ’n oondpan, sprinkel die sout oor en rooster 25 minute.

Verhit die suurlemoensap, knoffel, rooipeper en heuning oor lae hitte totdat die heuning gesmelt het.

Giet dit oor die hoendervlerkies en roer om dit met die heuningmengsel te bedek.

Rooster nog 15 – 20 minute tot goudbruin.

Sit dit voor met suurlemoenwiggies en kapokaartappels of oondgebraaide groente.

 

BARBARA JOUBERT, VAN SARIE,  SE HEUNING-KOEKIES

 (ongeveer 40 koekies)

185 g botter

125 ml bruinsuiker

125 ml geroomde heuning

1 eier

420 g (750 ml) meel

5 ml kaneel

2 ml bakpoeier

knippie sout

Room die botter, suiker en heuning tot glad. Voeg die eier by en meng goed. Sif die droë bestanddele saam. Voeg die droë bestanddele by die bottermengsel en maak aan tot ’n stywe deeg. Vorm die deeg in ’n langwerpige fatsoen. Dit moet so 4 tot 5 cm in deursnee wees. Maak toe met kleefplastiek en laat staan vir ’n uur in die yskas. Verhit die oond tot 180 °C. Voer bakplate met bakpapier uit en smeer met gesmelte botter of spuit die papier met ’n kleefwerende kossproei. Sny die deeg in skywe van so ’n ½ cm dik. Plaas op die bakplaat en bak vir 10 minute.

 

Pasella se HEUNING STAFIES

Hierdie stafies is propvol glukose wat vinnig energie vrystel en heuning wat stadig koolhidraatenergie vrystel – perfek vir ouer kinders wat baie aktief bly of na skool sport doen.(Maak 10)

100 g heuning

100 g room

40 g glukose

40 g gedroogde vrugte

50 g gemengde neute

Voer ‘n bakplaat met bakpapier uit en verseker dat die kante ook bedek is. Plaas die heuning, room en glukose in ‘n kastrol en kook saam tot 128°C of hardebalstadium (die stroop sal ‘n harde, tog vormbare bal vorm as ‘n halwe teelepel daarvan in koue water geplaas word). Voeg die gedroogde vrugte en neute by en meng goed. Giet in die bak

 

HEUNING-EN-KANEELBAKLAVA (ARINA DU PLESSIS, LandbouWeekblad)

Die Turke en Grieke sê mekaar glo oor en weer sleg oor dié hemelse neute-en-filodeeg-nagereg, want albei maak aanspraak daarop dat dit van hulle afkomstig is. Wie dit ook al uitgedink het – ek is net bly hulle het die resep die res van die wêreld ingestuur. ’n Wenk – soek vir jou ’n oondpan waarin ’n vel filodeeg netjies pas sodat jy nie deeg hoef te meet of sny nie.

Stroop

1 groot suurlemoen

500 ml (2 k) witsuiker

160 ml (2/3 k) water

2 kaneelstokke

180 ml (¾ k) heuning

Vulsel

500 g ongesoute neute van jou keuse

(ons het amandels, makadamias en

pistasieneute gebruik)

60 ml (¼ k) strooisuiker

10 ml (2 t) fyn kaneel

½ pak (250 g) filodeeg

Sowat 180 ml (¾ k) gesmelte botter

Stroop

Rasper die skil van die suurlemoen fyn af en hou eenkant. Druk die suurlemoen se sap uit en verhit dit, saam met die res van die bestanddele vir die stroop, oor lae hitte. Roer gereeld, tot die suiker gesmelt is. Verhit tot kookpunt en kook vinnig vir 10 minute. Laat afkoel tot kamertemperatuur en haal die kaneelstokke uit.

Vulsel

 Kap die neute baie fyn en meng met die fyngerasperde suurlemoenskil, strooisuiker en kaneel. Voorverhit die oond tot 180 °C en smeer ’n oondbak (waarin ’n vel filodeeg netjies pas) met gesmelte botter. Lê ’n vel filodeeg op die werksoppervlak neer en verf met ’n dun lagie gesmelte botter. Sit nóg ’n vel deeg presies bo-op neer en smeer weer met gesmelte botter. Sit die dubbele laag deeg in die oondbak. Sprinkel ’n dun lagie van die vulsel oor en volg weer met ’n dubbele laag bottergesmeerde filodeeg. Herhaal die proses en hou die lagies dun, tot die neute of deeg opgebruik is (eindig met ’n laag deeg). Smeer bo-op ook met gesmelte botter. Neem ’n skerp toetspen of stukkie draad en druk ’n paar gaatjies van bo af dwarsdeur die baklava. Bak vir sowat 35 minute, tot goudbruin. Sodra dit uit die oond kom, skep die stroop oor. Maak seker dit trek oral goed in en loop in al die gaatjies. Laat afkoel tot kamertemperatuur en bedek goed tot wanneer benodig. Sny in skywe of blokkies en sit voor met sterk koffie.

Lewer sowat 30 porsies.

 

HEUNINGDRANKIE

1 koppie lemoensap

4 eetlepels suurlemoensap

3 eetlepels heuning

knippie sout

Meng al die bestanddele goed. Bedien op ys en versier met lemoenskil!

 

Maar die einde is dit niet.

 

Neem twee eetlepels heuning, twee eetlepels amandel of olyfolie, 5 druppels roos olie en 1 druppel vitamiene olie. Meng alles goed en smeer aan jou gesig en nek. Gaan lê en ontspan vir 15 minute.

Was dan die mengsel af van jou gesig met lou water.

Jou vel sal gou jonger lyk en baie verfrissend voel!

 

Natuurlike gesig maskers met HEUNING in, is VIR:

'n uitstekende skoonmaak, ‘n bron van genesing, ‘n stress-verwante aknee  behandelling in adolessensie, ‘n nagtelike Velselvernuwende kuur…

Na toediening, spoel altyd met louwarm water af.

 

KANEEL EN HEUNING MASKER.  Meng in 'n glasbak:1 eetlepel heuning en1 eetlepel kaneel. Smeer aan. Hou aan so lank as wat jy wil, hoe langer hoe beter! Spoel met warm water af en droog liggies met skoon handdoek.

 

EIER WIT-HEUNING MASKER: 1 eier wit word gemeng met 2 eetlepels heuning en aan die gesig gesmeer.  Hou aan vir 20 minute.  Was gesig met warm water aan die einde van die tyd.

 

Heuning liefhebbers weet dat verskillende heuning  elk sy eie eienskappe  het.

BV:

SITROEN heuning het 'n kalmerende effek, is goed teen slapeloosheid en senuweeagtigheid,

FYNBOS heuning en tiemie, is geskik vir die griep,

DONKER heuning, soos Alfalfa, is aangedui vir die genesing van  urinêre kwale,

BLOEKOM heuning vir  die ontbinding van slym,

DANDELION/paardebloem heuning en ander veldblom heuning help met ontgifting ens.

 

En dan praat ons nie eers van al die MEDISINALE rate met HEUNING in nie!

Stokou resepte lui:

HEUNING ROSE

Berei 'n tee met ongeveer 3 eetlepels roosblare (beste as geoes in Mei) en 150 ml van die water. Voeg dit na filtrasie, by ongeveer 450 g heuning. Die resultaat is 'n heuning met strelende eienskappe, en effens vrank is maar sal  ten einde strelend wees na dit geëet word.  Vir berging: voeg 0,2% van natriumsalicylaat ontbind nell'infuso by.

HEUNING VIOOLTJIES

Berei 'n tee met ongeveer 3 eetlepels van die blare van viooltjies en ongeveer 150 ml van die water. Voeg dit na filtrasie, by ongeveer 450 g heuning.

KALK HEUNING

Berei 'n tee met ongeveer 3 eetlepels van kalk en ongeveer 150 ml van die water en voeg  by sowat 900 g van heuning.

Hierdie mengsel help vir algemene borskwale soos hoes, kroep, brongitis en so meer. Dit maak slym los maar verlig ook 'n droë hoes. Dit verminder ook die sinus slym en beheer dus die slym wat agter in die keel afloop. Sinus-lyers vind grootliks verligting met die gereelde gebruik van hierdie mengsel.

 

En dan die volgende BOERERATE met HEUNING in:

Voordat jy begin, moet jy bewus wees dat baie mense die smaak van hierdie mengsels onaangenaam vind. As jy dus iemand is wat te kere gaan vir die reuk en smaak van medisyne, moet jy liewer los, want jy sal net jou geld mors. Ek glo egter die reuk/smaak weersin is maklik beheerbaar, dit verg net 'n bietjie selfbeheersing("it is all in the mind ! ")

 

BORSMIDDEL

Meng die volgende in 'n groterige glas bottel met 'n digte skroefdeksel:

1 botteltjie LENNON Paragora; 1 botteltjie Peppermentdruppels; 1 botteltjie LENNON Turlington; 1 botteltjie LENNON Ipekakuanawyn; 1 botteltjie LENNON Borsdruppels; 1 botteltjie roulyn olie; ½ bottel heuning(250g). Meng dit deeglik totdat als in die heuning vermeng is. OF Gooi alles saam, kook vir 5 minute en gooi in 'n bottel. Vat so twee groot slukke, of 2 groot desertlepels vol op 'n slag OF Neem een desertlepel vol soggens en saans. Sodra jou toestand verbeter het kan jy net een keer per dag 'n desertlepel vol neem. Kinders van so drie tot agt jaar moet net 'n halwe desertlepel op 'n slag neem. Raadpleeg eers jou geneesheer voordat jy dit vir babatjies gee.

 

HOES MEDISYNE

2 botteltjies borsdruppels

1/2 koppie vars suurlemoen sap

1/2 bottel heuning

Meng bestandele saam in 'n houer. neem (1) eetlepel daarvan 3 maal per dag. (Moet nie in yskas plaas)

 

EN NOG IS HET EINDE NIET!

 

HEUNING  bevat :

SUIKERS : Glukose - fruktose  en klaar verteerde  suiker ensieme ..

VITAMIENE: B-1 Thiamin - Riboflavien B-2 - Pantothenic 3 - tot 4 Necotiik - niasien op 5 - tot 6 - tot 8 - tot 9 - Vitamien K – askorbiensure,  beta karoteen wat in die lewer omgeskakel word  tot vitamien A - Biotin…

GROEP ENSIEME:Invertase - amilase - Alkataliz - fosfatase - 'n Gelokosidiz - Glukose Oksidase - B amylase…

GROEP MINERALE:Yster- Koper - Fosfor - Magnesium - Natrium - Kalsium - swael - Mangaan - kalium - silika - chloor - Selenium ...

GROEP SURE:Citroenzuur - melksuur - azijnzuur - miere suur - bottersuur - tannine - oxalic

GROEP PROTEÏENE:Beptun - Alpimin - globulien - Nikilobrotin ...

 

Heuning het die natuurlike neiging om te kristalliseer by lae minimum temperature, 20 grade Celsius, die temperatuur van kristallisasie wissel egter van elke tipe heuning na gelang van die bron .

As jou heuning gekristaliseer het, MOET DIT NIE KOOK nie- dit  vernietig die goeie ensieme, laat staan dit net in baie-nie kokend- warm water tot dit weer gesmelt het.

ONTHOU OOK: Ligter heuning neem langer om te kristaliseer as donker heuning.

Donker heuning se yster inhoud is meer as ligte heuning s’n.

 

NOG ENKELE VOORDELE van HEUNING

Vanweë die terapeutiese, voorkomende en hoë voedingswaarde is  heuning nuttig vir kinders en volwassenes, dit  bly  nie lank in die maag  nie en die vinnige vertering  beteken dit kan vinnig opgeneem word in die limfatiese stelsel om die bloed te bereik.

Behandeling van verteringsteurnisse -dit verhoog die aktiwiteit van die ingewande en veroorsaak nie fermentasie vir pasiënte met spysverteringskanaal en irritasie van die  spysverteringstelsel kanale en  wande nie, en werk mee om die proses van weefsel metabolisme te stimuleer en maak die uitvoer  van gifstowwe maklik .

Kanselleer die impak van 'n oormaat suur in die maag sal verhoed dat maagsere van die maag en duodenum  vererger.

Word gemeng met heuning en stuifmeel en koninklike jellie -Om pyn te verlig - die genesing van weefsels  in alle vorme van wonde – is anti-bakterieël.

Help met die Behandeling van chroniese hepatitis en ontsteking van die galblaas

Heuning werk  ten gunste van hartsiektes , versterk die hartspier want die teenwoordigheid van glukose en heuning, voed die hartspier - elke dag (100-150 gm)

Help met die behandeling van anemie en verhoog die hemoglobien in die bloed ( ryk aan Vitamien B 12 en vitamien C)

Verlig slaaploosheid

Gebruik in die behandeling van senuwee hoofpyn en inflammasie, want dit bevat (vitamien B 1)

Behandel rumatiek en artritis (heuning, stuifmeel en koninklike gelei)

Weerstand van seksuele impotensie en onvrugbaarheid

Werk om die groei van bene en tande te verbeter en te verhoed dat die risiko van ragitis by kinders voorkom (kalsium en fosfor)

Strelend  en nuttig vir droë keel en droë hoes , het  goeie potensiële impak  by ontsteking van die mangels en keel

Nuttig  by voeding  vir pasiënte in herstellingsoorde en speel ‘n rol in teen veroudering by koma-pasiente.

Voordelig vir vroue: Behandeling van menstruele pyn en sametrekking van die uterus en pre-eklampsie en word gebruik in die behandeling van borskanker. Swanger vroue tydens swangerskap, werk  braking teen,  versterk die sametrekkings van die uterus tydens geboorte. 

Baie nuttig vir die vel van vroue, nael versorging  en vermindering van plooie !

Heuning word beskou as ‘n anti-bloedings middel en help dus om bloedstolling te bespoedig.

Verbeter sig-vermoë (vitamien B2) Voorkom  nag blindheid en infeksies van die kornea en konjunktiva en die rand van die ooglid en chroniese inflammasie van die kornea (vitamien A)

Help met velbesering tydens herpes besmetting en psoriase, ryk aanVitamien E

Behandeling van infeksies van die tandvleis, nuttig vir die kinders wanneer hulle tandekry, help met koorsblare op die tong, tandbederf en gekraakte lippe, ryk aan (fluoor)

Verlaag bloedsuiker diabetes: Die teenwoordigheid van fruktose en sy Alzylaihtaj Insulien vir verbranding bevat 'n stof soortgelyk aan Alonsoliyn wat bloedsuiker in toom hou.

Heuning verhoog Anti-mikrobiese weerstand.

Heuning is goed in die behandeling van hardlywigheid en aambeie!

Jy kan selfs gewig verloor , want dis glo wetenskaplik  bewys dat heuning  'n anti-vetsug hormoon bevat,dus laat dit die liggaam sodat die liggaam vet kan verbrand!

Die wetenskap begin nou eers om te bewys wat ons voorouers al lankal geweet het en dit is dat heuning goed is vir ´n mens. Een van die dae sal die wetenskaplikes miskien ´n heuningpil maak wat ons kan gebruik om ons te help verlos van al ons pyne skete en kwale.

Hoe dit ookal sy, en of jy nou alles wat hier bo staan, vir soetheuning opeet of nie, HEUNING het bewese voordele, en soms dalk ‘n paar onbewese eienskappe, maar dit is nie te versmaai  nie!

Niemand kan stry nie, HEUNING is pragtig, HEUNING is heerlik en HEUNING is kos van Bo!!

So, geniet dit net!

As jy NOG oor HEUNING wil weet, gaan kuier ook gerus hier:

http://www.health-benefits-of-honey.com/index.html

Volia!!

 

STUKKIE KLETS:

Dagsê julle!!

Die afgelope naweek was ek vasgenael voor die TV. Hoe allerverskriklik om te sien hoe die mense van Japan se omstandighede voor jou oë radikaal verander!  Hoe die pynlike smarte voor jou ontvou asof in ‘n surrealistiese film.

Uur op uur word die beelde herhaal en elke keer kom ‘n bietjie meer kommentaar by.

Ek kan identifiseer- op klein skaal. Ek weet hoe ek gevoel het toe die waters van die Grote Gariep al hoër gestyg het. Hoe die waters die fondasies van ons nuwe oewerkaia begin uitkalf het. Hoe die besluite geneem moes word om te ontruim…

LW, ek sê, ek kan identifiseer OP KLEIN SKAAL.(Gemeet aan wat in Japan gebeur het, is ons s'n nie eers op 'n skaal nie !!)

En tog was dit vir my ‘n emosionele reis. En ek kyk na die kinder gesiggies op TV, wat stil en ”composed” kalm na alles om hul kyk. Ek wat so verbaal alles wat ek gevoel het met almal wou deel!

My “ontberinge” is nou in retrospeksie slegs ‘n afbeelding, ‘n minimale gewig in die skaal van proporsionele grote teenoor hierdie ramp wat hierdie mense getref het. Hoe bloei my hart!

Na die vloede ons “geteister” het, het ek na my aardse goedjies gekyk en gedink, ja ek het daarvan afskeid geneem eintlik…nou waardeer ek alles weer te meer…tot ek gesien het hoe niks vir hulle in Japan oorgebly het nie- hoe bloei my hart!

Ek voel klein en skaam om so vasgenael te sit en kyk na die pyn en verlies van ander- tog, tog vul dit my met onuitspreeklike dankbaarheid oor alles wat ek het- maar ook met skaamte oor ek in die lig van die afgelope maande se vloede hier tuis op my voorstoep, gedink het wat my getref het was erg!

Tot jy sien wat met ander gebeur, dan besef jy weer en weer jou eie lot is so ongelooflik geseënd en lig! En ons bid, laat hierdie beker tog by my verbygaan! Waarom?

Waarom moet dit MY gespaar word? En hierdie mense nie? Is ek dan op meer genade as hulle geregtig? Mag ek aanspraak maak daarop dat swaarkry en rampe my nie tref nie? Op grond waarvan?!

Ek, sondaar! Wees my genadig!

Mag dit my gespaar word dat ek nooit weer sal bid vir luukshede nie, en mag ek daagliks meer en meer dankbaar bly vir elke klein guns van Genade uit my Pappa-God se Vrygewende hand!

 

NOU Ietsie oor BUNNY CHOWS…

Bunny chow is 'n eg Suid-Afrikaanse dis. Basies is dit kerrie wat in brood bedien word. Op die stadium is daar net eenstemmigheid dat dit in Durban begin het en dat dit as gevolg van Apartheid was... Die "oplossing" was om 'n kwart brood uit te hol en die kerrie daarin te skep en dit so te verkoop vir buite eet...

Sny 'n brood in vier en hol die kwarte uit.

1 ui

1 knoffelhuisie, in papierdun skywe gesny

5 komyn

5 ml borrie

10 ml kerrie

1 blikkie gekapte tamaties

1 groen soetrissie, in blokkies gesny

1 blikkie gebakte bone

10 ml olyfolie

sout en varsgemaalde peper

1 groen rissie, fyn opgesny

Braai die ui en knoffel in die olie tot glaserig. Roer die soetrissie, rissie, komyn, borrie en kerrie by en braai vir nog een minuut. Gooi die tamaties en bone by en prut vir 15 minute oor lae hitte. Toets vir sout en peper.

 

 My persoonlike gunsteling kerrie is seekos...

 

 Peter sê: Myne is bees of hoender wat ek dan soos gewoonlik maak en dit dan uit die uitgeholde kwart brood eet. Ook 'n anderse manier om te onthaal met geen skottelgoed na die ete nie! Ook lekker vir kampeerkos! Onthou: Die tradisionele drankie saam met Bunny chow is Cream Soda!

Ditto! Peter!

Maak sommer jou eie variasie hiervan met vetkoek of met

Peter se MAKLIKE ROOSTERKOEK

500 g Bruismeel (1 pakkie)

340 ml bier ( 1 blikkie)

5 ml (1 t) sout

olyfolie

Metode

Meng die bestanddele deeglik en knie. Vorm die roosterkoekies en smeer dit met olyfolie. Rooster dit 20 minute lank oor baie stadige kole. Draai dit gereeld om.

Variasie: Voeg 5 ml (1 t) gekapte knoffel, 125 ml (1/2 k) gerasperde Cheddarkaas en 'n gerasperde ui by.

 

 

STUKKIE KLETS:

MAART 2011

Dit is die derde maand van hierdie jaar 2011!!

Nou, hierdie tyd van die jaar by ons is ek lelik LUI vir kosmaak...Wie wil nou ook kosmaak as jy net land toe kan stap en VARS GROENMIELIES kan gaan afpluk!!

Groenmielietyd gaan so gou verby dan word dit hard en is dit wag tot volgende seisoen en glo my, die lus daarvoor betrap mens soms ongevraagd!

 

MIELIE-WENKE

* ’n Maklike, vinnige manier om mielies gaar te maak is om die mielie in sy blare op kombuispapier in die mikrogolf te plaas vir 2-4minute (vol sterkte). Vir elke bykomende mielie moet daar nog 2 minute bygevoeg word.

* Heel mielies kan vir ’n jaar bevrore bly, die pitte net 3 – 4 maande.

* Draai mielies in foelie toe, met vars kruie of ’n stukkie suurlemoen, en braai oor die kole − ’n lekker alternatief vir botter en sout.

* Sny gaar mielies in ringe van 3 cm en ryg saam met soetrissie en olywe op sosatiestokkies. Braai oor die kole.

* Sny sowat 10 mieliekoppe se mielies af, maal dit fyn en meng met ½ t sout, en stoom in blikkies gaar vir sowat 1 ½ uur – of plaas lepelsvol hiervan – gemeng met 1 eier en ½ k bruismeel op ‘n mielieblaar, vou toe en steek vas met ‘n tandestokkie, (of op foelie) en “bak” op die kole...

* geroomde suikermielies = roommielies = roomsoort mielies = (Sweetcorn) !!

* Gaan loer by vorige plasings, daar is nog heerlike MIELIE GEREGTE op hierdie werf!

 

Of dit nou VOORGEREG, HOOFGEREG of NAGEREG is, MIELIES bly voortreflik!

 

ANDA NIEUWOUDT SE MIELIESOP

(bedien 4)

2 patats, geskil en in blokkies gesny

2 liter aftreksel (groente / hoender)

1 bottel bier

10 ml fyngemaalde komyn

1 lourierblaar

1 ui, fyn opgesny

2 knoffelhuisies, fyngedruk

olyfolie

1 blikkie geroomde mielies

2 rissies, pitte verwyder en fyn opgesny

500 ml melk

125 ml room

450 g Cheddar, gerasper

vars gekapte koljander

sout en varsgemaalde swartpeper

Braai die uie, rissie en knoffel in olyfolie tot sag in 'n lekker swaar-boom soppot of drukkoker (sonder sy deksel natuurlik).

Kook die patats sag in helfte van die aftreksel, die bier, die komyn en die lourierblaar. Verwyder die lourierblaar wanneer die patats sag is.

Voeg die patats, die res van die aftreksel en die mielies by die uie en knoffel.

Roer die melk en room geleidelik by terwyl dit liggies kook - 15 minute.

Voeg die kaas by (maak seker jou sop is deurwarm) en bedien met vars koljander bo-op.

 

Party seg :MIELIE TERT (Onbekend) ander seg dis DIRK SE MIELIE TERT ~ RSG. (die enigste verskil is 20 ml suiker!! 40ml of 60ml!!)

60 ml Koekmeelblom

15 ml Bakpoeier

2 blikke (410 g) geroomde suikermielies

40 ml Suiker

60 ml Gesmelte Margarien

4 Eiers Geklits

Voorverhit oond tot 180° C. Smeer 'n oondvaste bak met margarien. Meng al die bestanddele goed en gooi in bak. Bak vir 1 uur of tot gaar. Sny in blokke en bedien warm of koud met braaivleis.

 

MONICA VAN SCHALKWYK SE MIELIE GEREG

3 blikkies roomsoort mielies

3 e botter

6 e koekmeel

6 eiers

3 knippies sout

1½ t bakpoeier

375ml suiker

¾ k melk

smelt botter en suiker in kastrol

voeg res van bestanddele by – meng goed

voeg mielies by en roer goed deur

bak 180° +- 1uur tot styf

 

MIELIE GEREG (naamloos)

1 eier

30ml suiker

30ml koekmeel

30ml botter

7ml bakpoeier

1 blik room mielies

Meng alles saam, gooi in plat bak

oond: 180º C

bak gereg tot goud bruin

laat staan vir 10min

 

MINNIE SE MIELIEGEREG

2 blikkies roommielies

½ k mieliemeel

2 eiers

½ k melk

1 k suiker

½ t bakpoeier

1 ½  k gaar gebraaide spek, sampioene en uie mengsel

Gerasperde kaas om bo-oor te strooi - opsioneel

Meng alles, skep in oondpan, bak tot gestol!

 

SARIE - OKTOBER 2009 SE MIELIE-SOUFFLÉ

Jy hoef glad nie bang te wees om ’n soufflé te maak nie. As jy ’n witsous kan maak, kan jy ook dié soufflé maak (4 porsies)

50 ml botter

50 ml koekmeel

3 ml sout

250 ml melk

250 ml gerasperde cheddarkaas

1 blik (340 g) mieliepitte, gedreineer

4 eiers, geskei

Verhit oond tot 180 °C. Smelt botter en voeg meel en sout by. Roer tot gladde pasta. Voeg melk bietjies-bietjies by en roer heeltyd tot ’n gladde pasta vorm. Voeg kaas en mieliepitte by. Haal van hitte af en voeg eiergele een vir een by. Klits eierwitte styf. Skep ’n groot lepel styfgeklitste eierwit by die mengsel en roer goed deur. Dit breek die mengsel effens. Vou res van eierwitte versigtig in. Skep mengsel versigtig in ’n gesmeerde oondbak van so 18 – 20 cm. Trek met jou vinger ’n sirkel om die rand en bak vir 45 minute. Sit onmiddellik voor.

 

SUIKERMIELIE POFFERTJIES (Soos pampoenpoffers, net makliker, vinniger en net so heerlik!!- dit kan amper as NAGEREG werk!!)

BESLAG:

1 blik roommielies

1 t bakpoeier

1 k koekmeel

1 eier

Meng alles saam, skep lepelsvol in redelike diep olie en bak tot goudbruin en gaar. Dreineer op kombuispapier.

SOUS:

1 k suiker

1/3 k melk

2 t maizena

½ k water

2 t margarine

Knypie sout

Maak Maizena aan met melk, meng res van bestanddele in mikrogolfvaste bak of op stoofplaat en verhit tot sous verdik. Roer gereeld. Gooi oor warm mieliepoffertjies en maak seker almal word met sous bedek! Bedien dadelik!

 

NOG SUIKERMIELIEPOFFERTJIES

250ml koekmeelblom

10ml bakpoeier

5ml sout

1ml rooipeper

30ml margarien (gesmelt)

2 eiers (geskei)

5 ml Uie (gerasper)

300ml Cheddarkaas (gerasper)

420g geroomde suikermielies (Sweetcorn)

Olie vir vlak vet braai

Sif die droë bestanddele saam.

Voeg die margarien of botter by.

Klop die eiergele en voeg dit by die koekmeelblom mengsel.

Meng dit goed.

Voeg die ui, kaas en suikermielies by en meng dit deeglik.

Vou die styf geklitste eierwitte in.

Skep lepelsvol van die beslag in warm olie en bak dit tot goudbruin.

Dreineer goed.

 

SARIE - MEI 2009 SE MIELIE-VETKOEK

280 g (500 ml) koekmeel

20 ml bakpoeier

2 ml sout

15 ml botter

250 ml melk

1 blik (410 g) mieliepitte, gedreineer

sowat 500 ml sonneblomolie

Sif droë bestanddele saam. Vryf botter daarby in. Voeg melk by en meng goed. Voeg mielies by en meng goed. Verhit die olie. Skep ’n klein stukkie deeg in die warm olie om te toets of dit

gereed is. As die deeg mooi stadig bruin braai, is olie reg. Draai die temperatuur laer wanneer vetkoeke begin verbruin. Dit braai sowat 10 minute om dwarsdeur gaar te word. Dreineer op kombuispapier.

Wenk:Gebruik twee eetlepels om deeg in die olie te skep, en doop die lepels voor elke skep in die warm olie.

 

 ASPERSIES EN MIELIES

Ligte Middag of Aandete Resep

30 ml ( 2 e ) koekmeelblom

30 ml ( 2 e ) olie of margarien

1 blik ( 410 g ) ingedampte melk

1 ekstra-groot eier, liggies geklits

1 blik ( 283 g ) aspersielote

1 blik ( 420 g ) mielies, gedreineer

2 ekstra-groot eiers, hard gekook en gekap ( opsioneel )

250 ml ( 1 k ) gerasperde kaas

100 ml vars broodkrummels

Voorverhit oond tot 180 C en smeer `n dieperige oondbak van 20 cm met botter. Meng meelblom en olie in `n pan en koek ongeveer 1 minuut lank saam. Voeg ingedampte melk by en roer tot glad; kook dan totdat dit `n dik sous vorm. Geur met sout en peper na smaak. Laat effens afkoel en voeg geklitste eier by. Roer deur. Voeg aspersies, mielies en hard gekookte eier by. Skep in voorbereide bak en sprinkel kaas en broodkrummels bo-oor. Plaas klein stukkies botter bo-op en bak 20 minute lank tot goudbruin en gaar.

 

MIELIE-KONKOKSIE

Hier is nou 'n maklike gereg! Hierdie resep kom van Isca Scorgie van Warmbad. Sy

was die stigter van Huis Tekna, 'n huis vir verwaarloosde en mishandelde kinders.

1 blikkie suikermielies

1 blikkie pitmielies

½ koppie suiker

1 groot eetlepel maizena

1 teelepel bakpoeier

3-4 eiers (geklits)

Metode:

Meng al die bestanddele en bak vir 1 uur by 180ºC.

Bedien saam met ontbyt of saam met braaivleis.

 

MIELIEBROOD IN 'N POTJIE OP DIE VUUR

500g bruismeel

1/2 teelepel sout

1 koppie melk

2 eiers

1 blikkie geroomde suikermielies 410g

Bietjie pietersielie en paprika vir versiering

Metode

Vryf jou platboompotjie goed in met bietjie olie (deksel ook). Meng al die bestanddele saam en stoom dit stadig oor lae hitte (omtrent 'n uur). Dis ook lekker om bietjie kaas, spek en gebraaide uie in te roer.

 

ANSA se MIELIEBROOD

1 blik soetmielies

1 pakkie bruismeel( 500g)

1 eier

1 houerkarringmelk (500ml)

1 knippie sout

Meng alles en bak vir 1 uur in matig warm oond.

( 500ml melk + 2 e asyn + vervanging vir die karringmelk!)

 

MIELIMEEL MIELIEBROOD

Klop saam:

¾ k suiker

2 e olie

3 eiers

Sif saam:

1 k mieliemeel

1 k koekmeel

2 e bakpoeier

1 t sout

Meng alles en voeg by: 1 blikkie roommielies ¼ k melk.

Meng alles en bak vir 1 uur in matig warm oond.

 

WENNER MIELIEMEEL SKEPBROOD

500 ml melk

170 ml mieliemeel

2 ml sout

45 g botter

4 eiers geskei

Oond 180º C

Laat melk opkook, verlaag hitte en roere mieliemeel en sout in melk in. Hou aan roer tot dik. Voeg botter by, verwyder van hitte en laat effe afkoel. Voeg eiergele een vir een by. Klop eierwitte styf en vou in. Plaas in gesmeerde kasserolbak en bak sowat 40 minute. Sit voor met botter of eet saam met die sousie van ‘n stowegereg of saam met braaivleis!

 

MAKLIKE MIELIEBROOD

1 kop. meelblom

1 blik geroomde soort suikermielies

3 eiers

1/2 kop. suiker

1 kop. mieliemeel ( fyn )

3 tl. bakpoeier

sout

Klits eiers en voeg die res van bestanddele by. Gooi in gesmeerde broodpan. Kook n bietjie water in n groot kastrol en plaas die broodpan daarin. Laat dit vinnig stoom in die toe kastrol vir + - 20 minute. As die water wegkook, kan dit na 10 minute weer aangevul word.

 

HANS HAINES SE SPEK-EN-MIELIE-KAASBROODJIE

1 klein blikkie suikermielies (roomsoort)

1 klein tot medium ui, fyn gekap

1 pakkie spek, sonder swoerd

1 koppie cheddar

6 snye brood liggies gesmeer met botter. (dag-oud brood werk goed)

Aromat

Braai die ui in botter of olie tot sag . Gebruik min olie of botter. Snipper die spek en voeg by die ui wat braai, hier kom die verdere olie van die spek wat sal uitbraai. Braai tot spek na jou smaak gaar is. Voeg nou die mielies en helfte van die kaas by en roer deur tot die kaas gesmelt het en die mielies warm is. Laat effens afkoel en skep eweredig oor die ses snye brood wat op ʼn bakplaat gesit is. Strooi Aromat oor en versprei die res van die kaas oor die brood. Plaas onder die roosterelement van die oond en rooster tot die kaas gesmelt het. Sit voor met goeie koffie en jy het n redelike ontbyt of ligte Sondag-aand happie.

(Erkenning vir foto’s goedgunstiglik geleen: SARIEKOS se webwerf.)

 

STUKKIE KLETS:

GESKENKIE: Gaan loer gerus hier!

http://www.allexplore.com/id582.htm

http://www.allexplore.com/id192.htm

(Ag ja, en wat sal jul tog sonder my doen! Vir diegene vir wie dit werklik net te omslagtig gaan wees om al die resepte bymekaar te maak, kontak my gerus, en ek stuur dit alles SONDER die foto’s! in Word-formaat graag aan jou! Vra net vir die UIT DE KOMBUIS AFRIKAANSE RESEPTE !)

28 Februarie! Nee, dis nie die dag voor Skrikkeldag in ‘n Skrikkeljaar nie, maar dit is hierdie jaar se laaste dag in Februarie!

Wanneer is Skrikkeljaar nou weer? ...op ‘n paar na, Elke jaar wat deur 4 gedeel kan word...dus volgende jaar behoort weer 29 dae in Februarie te hê...

22 Februarie, So, tussen die ontruimings vir potensiële vloedskade, terugtrek, herbouery van uitgekalwe fondasies en bou van nuwe terrasse en die blote aangaan met die lewe, het my kuikens hul vlerke wyd gesprei en is een tans in die Bahamas op 'n groot skeep as Duik Instrukteur doenig, en die ander een pas terug na 'n besoek aan Georgia saam met ‘n TLU inisiatief...

Kan mens glo dat daar 'n tyd was toe die wêreld nog so groot was dat jou enigste twee kuikens onmoontlik so wyd en ver van die huis af kon gaan? Die wêreld het voorwaar gekrimp mens kan via die tegnologie almal se voetspore navolg, enige plek besoek en verken, en mens wonder of daar nog mense is wat kan aanspraak maak daarop dat hul werklik 'n on-virtuele eksklusiewe plek het waar net hul woon en net hul die padkaart daarheen ken!

Virtuele en digitale beelde  het so bekend en deel van vandag se lewe geword soos Anderson en Broeder Grimm se Sprokies tekeninge vir ons was toe ons kinders was. Lank lank gelede, toe die wye wêreld daarbuite, en reis en soetkys net vir Prinse en Konings beskore was...

So kry ek die lieflikste foto’s van Georgia, balkonne en hekke en buitelug oonde waarin ruit-gevormde broodjies teen die kante bak tot goudbruin heerlikhede- net die reuk daarvan ontbreek.

(Wanneer gaan iemand uitvind hoe ons ook geure en reuke digitaal sal kan versend?)…

Ek moes meer van die brode te wete kom!

Hulle word tonis puri genoem [Georgian Baton Bread (Shotis Puri),

kiln bread, of Tandoor Oven Bread!]

Dankie aan Bennie van Zyl (TLU) wie se foto’s ek plaas en vir sy hulp om die resep op te spoor!

Erkenning ook aan THE GEORGIAN FEAST van D Goldstein, asook  Mc Seas, Ivan, Jeffrey Alford en Naomi Duguid vir al hul inligting!

AGTERGROND

Georgia: Hoofstad is Tbilisi.

Republiek  van  Georgia, omtrent 27,000 vierkante myl.

TONE BREAD (Georgian: თონის პური Tonis Puri ) is a type of Georgian bread, baked in specific bakery called tone or torne/turne (old Georgian). The bread is served as any other bread but it tends to be more popular on special celebrations such as Easter, Christmas, New Year's Day, as well as birthdays and weddings.

PURI (TONIS PURI) – the Georgian bread staple. Baked in a ceramic circular hearth oven with the dough stuck to the side (like Indian naan), puri comes out moist and sourdoughy, perfectly tainted with black bits from the oven. Its edges are browned and taste faintly of matzo.

Maar, Hoe Kan Jy TRADISIONELE Tonis Puri’s oftewel Tandoor-Styl platbrood uit jou eie oond, bak SONDER DIE REGTE OOND??

Wel jy kan! (Volgens Fine Cooking, October/November, 2001)

Oond gebakte platbrode is die ideale inleiding tot broodbak. Hul onreëlmatige vorms is juis hul aantreklikheid en nuweling bakkers hoef nie daardie onvolmaakte broodjie te vrees nie en kan dus ontspan en dit net geniet! Omdat dit ook plat en dun broodjies is, en in 'n warm oond bak, bak dit baie vinnig en is dus vinnig gereed, binne 5-10 minute!

Die tipiese TANDOOR oond waar die brode teen die binne wande bokant kole gebak word verskaf 'n krakerige onderkant met 'n sagter bo-kors.

As jy nie 'n tradisionele TANDOOR of Pizza-oond het nie is 'N BAKKLIP / ongeglasuurde KLEI-TEEL of PIZZA STEEN in 'n BAIE warm oond die sleutel tot jou eie Tonis Puri broodjies!

Plaas net jou teël op jou bak-rak in jou oond. Die teël behoort die hele rak vol te lê – hoe groter hoe beter- met sowat 1-2 duim spasie reg rondom vir lug sirkulasie. Pizza stene is gewoonlik sowat 1-2 cm dik.  Verhit jou oond sowat 20 minute voordat jy die brode insit om die bak-klip goed warm te kry.

Gebruik dan 'n plat  plaat sonder randjie as jy nie 'n Pizza-spaan het nie om die deeg op die bak-klip in die warm oond te kry en ook weer daaruit te kry!

Die tradisionele GEORGIA-OOND:  ‘n FOTO-STORIE op sy eie!

1.Die deeg word volgens resep gemeng, geknie, laat rys, en afgeknie .

2.Die bakker maak deegballe in plat ruit vorms, en “plak” dit met ‘n hout spaan teen die kante van die oond.

3. Dan bak dit 6-8 min bokant kole of soms  bokant ‘n gasvlam.

4. Sodra gaar, word die brode met ‘n hout stok raakgevat-gesteek en uitgehaal vanuit die baie warm oond en Siedaar! Gereed vir eet!

Die GEHEIM lê in die hoeveelheid SOUT! Teveel, en die brood smaak goor, te min en die deeg klou nie aan die oond-wande terwyl dit daar bak nie!

 

 

Die TONIS PURI RESEP:

1 t  aktiewe droë gis

2 ½ k louwarm water

1 k volgraan broodmeel

Sowat 5 en 'n derde k ongebleikte veeldoelige koekmeel, soos benodig(!)

1 e growwe sout

Los die gis in die lou-water op, begin dan die meel bietjies-bietjies byvoeg. Roer in dieselfde rigting. Hierdie eenrigting roer beweging veroorsaak lang GLUTEN stringe. Tydens die knie proses word hierdie stringe oor en oor oormekaar ingevou wat die komplekse sel struktuur van die deeg vorm wat later sal uitsit en verstewig tydens die bakproses, en sodoende ons die regte tekstuur sal gee!

As jy omtrent 2/3 van die meel bygevoeg het sal dit te styf raak vir roer. Nou keer jy die deeg uit op 'n meelbestrooide oppervlak en begin knie –gebruik jou orige meel hiervoor soos wat jy knie tel die deeg self die meel by.

Hoe meer meel jy gebruik hoe stywer jou deeg en droër jou brood, hoe minder jy gebruik hoe taaier en sagter die deeg. Knie tot jou hande skoon kom en die deeg glad en elasties is en nie meer aan jou hande vassit nie.

'n Langer rys-tyd by 'n kouer temperatuur – soos oornag net onder

75°F, gee beter resultate as 'n kort rys tydperk by warm temperatuur. Die stadiger fermenteer proses verskaf ook daardie dieper ryker kenmerkende broodsuurdeeg-geur.

Maar jy HOEF nie dit die vorige aand al te knie soos onse (Georgiese) oumas dit gedoen het as jy nie wil nie! 

Vorm jou aparte broodjies en laat dit rus vir sowat 20 minute, dan kan jy dit makliker rek en strek in die vorm wat jy dit wil hê. As jy dit eers plat gemaak het moet dit nie omkeer nie, want jy wil nie 'n meel oppervlakte bo hê nie.

Plaas die deeg in die warm oond op jou bak-klip, dit sal dadelik vassit daaraan. Sodra die kors onder begin opkrul en bo goudbruin kolle uitslaan is jou broodjies gereed! Laat vir sowat 5 minute op 'n afkoelrak afkoel, dit sal effe oppof, stoom uitlaat en dan ferm wees. Maar eet dit egter net so heerlik warm!

En as dit als vir jou gans te erg klink, probeer dan sommer hierdie flatervrye PIZZA DEEG –dit proe amper net soos die ware Jakob (verseker my seun my!)- verander net die vorm en bedien sonder bolaag!! – of dan as jy moet, met net 'n dun smeersel knoffel en pietersieliebotter of korrelmosterd en Mozarella kaas...

 

Bestanddele:

600 g witbroodmeel

1 pakkie kitssuurdeeg

30 ml olyfolie

10 ml sout

Ongeveer 300ml louwarm water

Metode:

1. Meng die witbroodmeel, suurdeeg, olyfolie en sout in ‘n groot mengbak. Maak ‘n holte in die meelmengsel en gooi die water in. Meng met skoon hande. Voeg nog water by indien nodig om stywe deeg te vorm.

2. Knie vir 10 minute. Verdeel in 4 ewe groot balle. Maak die bak met kleefplastiek toe en laat rys tot dubbel die grootte.

3. Sit op oppervlakte wat met meel bestrooi is en rol uit om pizzabasis –of jou Tonis Puri broodjies te maak!

[Klaar uitgerolde pizzabasisse kan vir tot ‘n maand in die vrieskas gehou word. Pak dit doodeenvoudig tussen lae kleefplastiek. Maak net seker die deeg is heeltemal met die kleefplastiek bedek anders droog dit uit.]

Oppas vir brand!!

        

Nog 'n paar GEORGIESE DISSE wat jy tuis kan probeer!

KHACHAPURI

200 ml joghurt, suurmelk of wei

3 eiers,

Broodmeel of koekmeel

0,5 kg Kaas (feta werk goed)

25-50 g botter

½ t sout

Klits 2 eiers en die joghurt en sout en maak verder aan met meel tot ‘n sagte nie taai deeg. Verdeel deeg in  4 stukke. Rol elke deel omtrent 1 cm dik uit. Krummel die kaas en meng dit met die ander eier en die botter. Verdeel kaas mengsel tussen die 4 dele deeg en Smeer oor elke stuk deeg. Plaas deeg lae op mekaar. Druk stewig vas of rol liggies platter.  Diepbraai die Khachapuri nou in ‘n swaarboom pan in botter tot ligbruin aan onderkant. Sodra dit onder bruin is, draai dit versigtig om, borsel gebraaide kant met botter en bedien dan dadelik in wig-snitte!

 

LABDA (AARTAPPEL PANNEKOEK)

Labda is ‘n PAAS spesialiteit van die Georgiaanse Jode, maar hierdie groot pannekoeke maak ‘n vullende aandete enige tyd van die jaar!

2 k fyn gedrukte geskilde, gekookte aartappels

1 k gekapte neute

2 e fyn gekapte vars pietersielie

½ t sout

vars gemaalde swart peper

3 groot eiers geklits

Meng alles.

Verhit nou 1 e botter en 1 e olie in ‘n vlak pan, skep al die beslag daarin, en druk plat en braai tot goudbruin en amper bros. Laat op ‘n bord uitgly. Verhit weer 1 e botter en 1 e olie, plaas halfgaar pannekoek terug in warm olie en braai die anderkant ook tot bruin en bros. Bedien ook in wiggies.

Jy kan ook as jy wil i.p.v die pannekoek weer in verhitte olie aan die anderkant ook te braai, die pan bloot in die oond onder die rooster druk sodat die bokant so verder kan gaarbak.

 

KADA (BOTTER PASTEI)

Deeg:

1 ½ k  witbroodmeel

¼ t sout

½ k water

6 e gesmelte botter

Vulsel

2 e koekmeel

3  e botter

½ k suiker

1 eiergeel geklits

Plaas broodmeel in ‘n groot bak, vorm holte in middel en voeg sout en water by en maak aan tot ‘n ferm deeg, knie goed vir sowat 1 minuut. Rol uit in ‘n reghoek. Smeer die deeg met gesmelte botter, vou in kwarte, draai toe in waspapier en laat rus in yskas vir 10 tot 15 minute. Herhaal hierdie proses  nog 2 keer. (3keer in totaal) Laat yskoud word.

Berei nou intussen die vulsel:Braai die koekmeel droog in ‘n warm pan tot dit begin verkleur, maar moenie die meel skroei nie. Voeg nou die botter by en roer goed tot die botter smelt, en die mengsel glad is. Verwyder van hitte en roer die suiker by. Laat afkoel.

Voorverhit oond tot 350°F .Stuif ‘n 10-duim pasteibord liggies met meel. Rol die deeg nou uit tot ‘n reghoek, bedek met die vulsel en rol in die lengte op soos ‘n rolkoek. Rek die rol nou met die hand liggies uit tot langerige “wors”. Plaas die deeg-wors nou opgerol soos at mens wors in ‘n pan sou sit in die pastei-bak, met die soomkant na onder. Druk die begin en eindpunte met koue water goed toe. Borsel die deeg-ring met die geklitste eiergeel. Bak tot ligbruin vir sowat, 45 tot 50 minute.Verwyder uit bak en laat afkoel. Bedien lou.

 

GEORGIESE VRUGTE PASTEIE

6 e bakpoeier

2 t gemaalde kaneel

6 ¼  k  koekmeel

1 t sout

½  t All spice

12 g bruin suiker

½ k stroop of heuning

2 k Rosyne

2 k room

2 k roomkaas (feta werk goed maar laat dan die sout weg)

4 k gekapte vars appel stukkies

1/3 k pruimedante puree

1/3 k Appel sous

1/3 k perske puree

1/3 k Water

Meng droë bestanddele saam, gooi die vloeistowwe , behalwe die room oor, frummel die kaas oor , meng alles nou met die hand in tot goed deurgemeng. Laaste die appel en rosyne, en dan die room. Meng goed deur. Vorm 24 deeg balle, druk effe plat en vorm in pastei-vorms as jy wil. Bak op gesmeerde bakplaat vir 50-55 minute in voorverhitte oond teen 300 º F.

 

STUKKIE KLETS:

VIR DIEGENE WAT NOU WONDER...:

Fahrenheit     Celsius           Gas     Beskrywing

225               110              1/4     Baie stadig

250               120/130        1/2     Baie stadig

275               140              1        Stadig

300               150               2        Stadig

325               160/170        3        Matig

350               180               4        Matig

375               190               5        Matig

400               200               6        Matig

425               220               7        Warm

450               230               8        Warm

475               240               9        Baie warm

Kliek ook hier: http://www.allexplore.com/id582.htm

En heerlike bonus: http://www.allexplore.com/id192.htm

Voila!!

Geniet dit!

14 Februarie 2011: Ons is uiteindelik weer terug getrek in onse Oewerkaia wat ons moes ontruim het weens die vloede...

En op hierdie “spesiale” dag het my “aandete” toe ‘n laatmiddag-ete geword want die manne het honger ingekom en verslind wat reeds gaar was sonder om te wag vir die volledige aandete! Maar honger is 'n goeie kok en ek kla dus nie! Vir “Valentynsdag-aandete” het ons toe volstaan met 'n koppie tee en 'n “Tinkie”...

 

Hester het geskryf: ek is op soek na ñ wasgoed bondeltjie resep. Baie dankie

Hester!

SAGTE TUNA PASTEITJIES / TUNA WASGOEDBONDELTJIES

(Enige ander spek of maalvleis vulsel kan ook gebruik word.)

VULSEL

2 blikkies tuna, gedreineer en gevlok

2ml mosterd

3 Etl vars pietersielie

Sout, swart peper, paprika na smaak

½ kp fyn gerasperde kaas

1 pakkie tamatie pasta

1 groot fyn gerasperde ui

Meng alles, hou gereed.

DEEG

4 kp meelblom

4 tl bakpoeier

½ tl sout

250 g botter

Yswater

Vryf smeer in droë bestanddele in, meng met yswater tot hanteerbare deeg.

Rol dunnerig uit.

 

Vir WASGOED BONDELTJIES :

Druk vierkantige vormpies uit deeg uit, skep lepel vulsel in middel, bring hoeke bymekaar en steek vas met heel naeltjie.

Bak in diep olie tot goudbruin, plaas op kombuispapier om te dreineer.

 

Vir PASTEITJIES:

Druk sirkel vormpies uit deeg uit, skep vulsel in middel en vou oor mekaar tot halfmaan pasteitjie, druk  halfmaan kante goed met vurk vas, smeer bo-oor met geklopte eiergeel wat met gesmelte botter geklits is.

Bak in oond tot goudbruin OF ook in diep olie!!

 

En terwyl ons met hierdie manier van southappies maak besig is,  probeer ook gerus hierdie BLAASOPPIES.

3 kp meelblom

1 ½ tl sout

5 eiers

Sif meel en sout saam, Voeg eiers een vir een by tot ferm kniebare deeg. Knie goed.

Rek en trek deeg. Rol dun uit, druk vormpies uit deeg uit.

Bak in diep olie.

Skep enige vulsel daarop!

Voila!!

 

Martie Weyers se versugting is ook baie ander s’n: Hoe om regtig gewig te verloor en dit af te hou!

Martie, daar is heelwat oulike wenke al op die werfie geplaas, maar ek volstaan met die volgende:

Stap elke dag, en eet reg.

Begin met 10 min se wegstap, en 10 min terug Huistoe. (20min in total) vir die 1ste week. Dan volg week, 15 min se wegstap, 15 min terug, die week daarna 20 min se weg en terug en die week daarna 30 min weg en 30 min terug. % dae per week. Stap so vinnig: 120 treë per minuut.

Eet reg: Baie groente en vrugte, min stysel en suikers en sny witbrood en witrys en witpasta ens. uit.

Los die tussen in peusel.

Gebruik min vette en eet maer vleis, en nie teveel eiers nie.

Vetvrye melk en jogurt.

DRINK BAIE WATER!

Dis die basis en dit werk regtig want dis nie so drasties nie en mens kan daarmee volhou.

Dit word LEEFWYSE nie dieet nie. As mens op dieet gaan moet mens weer daarvan afgaan dis hoekom dit nie werk nie, maar as jy jou leefwyse aanpas vat dit effe langer maar dit werk en hou vir altyd die vetrolletjies weg.

En wees realisties. Kyk hoe lank jy is, en hoe oud jy is, en werk jou BMI uit (op die werfie is daar ‘n omsetter by die tabelle bladsy)Gebruik jou BMI as RIGTINGWYSER. Onthou net niemand sal ooit weer weeg wat iemand geweeg het toe ons jonk was nie, maar as jy bv 6-7 kg meer as op jou maerste kan draai en dit konstant kan hou  dan is jy 100% reg.(Ek is baie kort - was altyd–46 kg- ek sal dit nooit weer sien nie en wie wil nou ook! Nou is ek Honkey-Dorey met tussen 55-60kg en dis amper 10+ meer as my maerste tyd!! Maar ek’s gelukkig in my vel en niemand sien werklik die paar ekstras nie hul kyk mos na jou glimlag mens! En ons is mos slim genoeg om reg aan te trek ook mos...!)

As ‘n rigtingwyser: ‘n vrou van sowat 1.65m behoort tussen 55-65 kg te weeg.

As jy tussen 1.6 en 1.7m lank is en tussen 40-60 jr oud is, mik vir 60kg.

AS jy dit vir meer as ‘n jaar daarop kan hou sal jy nie weer gewig optel nie.

Sterkte!!

 

Marietjie van der Merwe, is ook op soek na die kristalle wat haar ouma hulle gebruik het om gemmerbier mee te maak...

 

Marietjie, daar is baie navrae hiervoor maar ek kon dit nog nie opspoor om vir jou in SA te sê waar om te kry nie.

Een van ons lesers het egter van hierdie kristalle vanaf Australië aangekoop, die regte naam is: WATER of SUIKER KEFIR.

Ek het van die leseres die belofte gekry sodra sy haar kristalle (party noem dit “bye”) het sal sy vir my laat weet en dit dalk ook beskikbaar stel aan julle wat daarna vra.

Hou die werfie dop vir die aankondiging hoor! (Op werfie is heelwat oor KEFIR geplaas ook en ook adresse waar jy meer hieroor kan oplees.

Ekself is ‘n Melk-KEFIR-MAISTER, en dit is heerlik om altyd vars jogurt in die huis te kan hê!

As jy in Pretoria omgewing is kan ek vir jou daarvan laat kry.)

 

 

 

Kyk watter heerlikhede loop ek raak... o.a. ’n paar Begin die dag met 'n lag se resepte...

HEERLIKE SOUS VIR VLEIS (Van Alta)

Kerf 1 pakkie sampioene dun en braai in groot eetlepel opgehoopte margarien

Gooi by 1 bakkie opgehoopte margarien

Gooi by 1 bakkie vars room en

1 blokkie hoender ekstrak (net so)

Bind met 1½ teelepel maizena

Proe of sout genoeg is

Geur met swart peper, suurlemoenpeper na smaak.

1 Bossie grasuie 1 cm stukkies gesny asook die lowwe.Meng.


MARA SE SOUS

Bestanddele :

Sampioene

'Bacon' 250 gram

1 bakkie room

Braai sampioene en spek saam

Meng met room en bedien oor aartappels.

 

SOUTTERT (van Rassie)

1 blik (113g) Weense worsies , fyn gemaak

1 koppie kaas

1 koppie melk

2 eiers

1 teelepel mosterd

1 eetlepel meel

sout en peper na smaak

Meng alles en bak by 180° tot ligbruin. Omtrent 20 min.

 

TAMATIE HOENDERLEWERTJIES (van Rassie)

2 houers (250g elk) hoender lewertjies, skoongemaak

Sout en varsgemaalde swartpeper na smaak , olie

1 uie in ringe gesny

1 groen soetrissie, ontpit en in blokkies gesny

200g sampioene in skywe gesny

2 ryp tamaties, ontvel en in blokkies gesny

10ml tamatiesous

25 - 50 ml worcestersous

Geur die hoender lewertjies na smaak met sout en peper en braai in 'n bietjie

olie tot bruin van buite, maar nog ligpienk van binne. Skep uit en hou eenkant.

Soteer die uie en soetrissie in dieselfde pan tot sag. Voeg die sampioene by

en roerbraai tot ligbruin. Voeg die tamatieblokkies by. Meng die tamatie en

worcestersous, voeg by die sampioen mengsel en prut tot 'n moes. Skep die hoender lewertjies terug in die pan en prut tot die gereg lekker warm is. Geur weer met sout en peper indien nodig. Dien op met rys.

 

SPINASIEGEREG (van Rassie)

1 Rol blaardeeg

1 Pak spinasie

250ml suurroom

2 Fetakaas sirkels

½ pak spek

swartpeper

meel

Voer die bak uit met deeg. Sny spinasie en kook vir 10 minute. Dreineer baie

goed. Braai spek. Gooi by spinasie en suurroom. Brokkel fetakaas binne

in spinasie mengsel. Verdik met meel (ongeveer 2 opgehoopte eetlepels).

Skep in deeg. Bak 20 min by 200°C.

 

MARINDA SE PASTA

1 pak pasta van jou keuse

1 pakkie spek

2 blikkies gerookte mossels

1 blikkie tamatie en uie smoor

knoffel

witsous of kaassous (sommer die kits pakkies of nog beter maak jou eie)

gerasperde kaas

kook die pasta volgens die aanwysings

intussen braai die spek tot lekker bros, voeg knoffel by en braai 1 minuut

gooi tamatie en uie smoor by

dreineer olie van gerookte mossels en voeg mossels ook by

laat prut tot warm - sowat 1 minuut

geur met sout (indien nodig aangesien dit reeds souterig sal wees) en peper

dreineer gaar pasta en vorm lae met pasta en mengsel in 'n oondvaste bak

gooi die witsous/kaassous oor die gereg en sprinkel gerasperde kaas bo oor

bak in oond tot kaas gesmelt is

sit voor met mengelslaai en lekker vars brood

 

BEESVLEIS-EN-GROENTEBREDIE

3 pd dikrib

2 eetlepels meel

2 teelepels sout

kwart teelepel peper

3 eetlepels olie

5 middelmatige wortels

5 klein uie

l klein koolkop

2 koppies ertjies

2 koppies vleis-ekstrak

kwart lb droëperske snippers

Sny vleis, rol in meel, sout en peper en braai bruin in warm olie.

Voeg ekstrak by en laat stadig kook vir 1 uur.

Berei groente en vrugte voor. Sny uie middeldeur en sny die wortels in die lengte.

Voeg groente en perskes by die vleis en laat stowe tot sag.

Kook ertjies apart. Kook koolblare sag.

Haal vleis en groente uit die sous en verdik die sous

Rangskik koolblare in vleisskottel en skep vleis, wortels, perskes en uie

daarop. Versier met ertjies.

 

SEMELROOMBESKUIT:

1 kg Bruismeel

8 x 250 ml Semels

500 ml Witsuiker

5 ml sout

500 gr Margarien of Botter

1 liter Room (of ½ room en ½ ingedampte melk)

Verhit oond tot 180°C

Smeer twee rolkoekpanne van 40 x 27 x 2

Meng die bruismeel, semels, witsuiker en sout saam

Frummel die smeer daarin

Voeg die room by en meng goed

Druk deeg eweredig met spaan in panne

Sny die deeg in vierkante van ongeveer 4 x 6cm

Bak beskuit ongeveer 45 minute tot gaar en effens bruin

Keer versigtig uit op draadrak en laat afkoel

Wanneer koud, sny stukke los deur vurk in snymerke te steek

Droog beskuit uit in koel oond

(Voer panne uit met waspapier of bakpapier want die beskuit is baie bros en

geneig om vas te sit.

As die deeg bietjie droog is, kan bietjie ekstra melk bygevoeg word)

 

GESONDHEIDSBESKUIT RESEP: (van Elizma)

Dit is heerlik en die kinders vra altyd dat ek 'n paar stukkies

nie moet uitdroog nie sodat hulle dit vir koekies kan eet.

1 Kg bruismeel

10 ml bakpoeier

5 ml Sout

4 koppies Semels

½ koppie Klapper

500 g Margarien

500 ml Karringmelk of melk met 2 eetlepels asyn aangesuur

3 Eiers

1½ koppie Suiker

Sultanas (opsioneel)

Smeer twee rolkoekpanne. Sif meel, bakpoeier en sout saam. Voeg

semels en klapper by. Vryf smeer in meelmengsel. Klits melk, eiers

en suiker saam tot goed gemeng. Voeg by droë bestanddele by en

meng goed. Skep deeg in panne en maak gelyk. Sny in klein stukke

en bak teen 180°C. Droog uit.

Wenk : Indien jy die beskuit growwer verkies kan jy van volkoring bruismeel

gebruik maak.

 

PEUSEL BROODJIES - vinnig en maklik (van Marlene)

Lang rolletjies of 'French Bread' - daai lang, maer brode

Margarien/botter (opsioneel)

Kaas (Cheddar, Soetmelk, Mozzarella, ens.)

Sny die rolletjies/brood in 'ronde skyfies' en plaas die volgende bo-op:

[Danie - as vulsel 'filling' in Engels is, wat is 'topping' in Afrikaans??]

'Topping' 1:

Rasper die volgende baie fyn - hoeveelhede na smaak - wortel, ui, agurkies.

Meng met mayonnaise en voeg kerriepoeier, sout en peper na smaak by. Smeer

bo-op broodskyfies en sprinkel bietjie kaas bo-oor. Plaas onder die

roosterelement totdat die kaas borrel en goudbruin is.

'Topping' 2:

Smeer toebroodjiesmeer (Sandwich Spread) bo-op en sprinkel bietjie kaas

bo-oor. Rooster tot goudbruin.

'Topping' 3:

Plaas biltongskyfies bo-op broodjie en sprinkel met kaas. Rooster tot

goudbruin.

'Topping' 4:

Die immergewilde tamatie-en-kaas roosterbroodjie, maar sprinkel bietjie

'Portuguese Chicken Spice' of 'Cajun Spice' bo-oor die tamatie voordat jy

die kaas oorstrooi - dis njammies!

 

HOENDERPASTEI (VAN CHARLENE)

1 x 1kg pak hoender(Gaar en ontbeen en in stukkies gesny)

1 Blikkie sampioenroomsop

1 Pakkie hoenderroomsop of sampioenroomsop

4 Eiers

1 Pak skilferkorsdeeg (Uitgerol en in twee dele gedeel)

Metode:

Voorverhit oond: 200 º C

Meng al die bestanddele saam, behalwe een eier.

Voer 1 helfte van die deeg uit in 'n pastei bak.

Skep hoendermengsel op deeg.

Plaas ander deel deeg bo-op.

Smeer geklitste eier bo-op deeg.

Bak vir 30 min of tot goudbruin.

Dien op.

Dit is vinnig, maklik en HEERLIK!

 

Martie se EIERVRUG (BRINJAL) SOUTTERT

6 - 8 porsies

2 - 3 Eiervrug

1 groot ui, gekap

2 x 250 ml kartonnetjie suurroom

l pakkie sampioensop

1 rol Readydoe skilferkorspastei deeg

Gerasperde cheddarkaas vir bo-op

Skil die eiervrug en sny in skywe.

Pak op skinkbord en sprinkel goed met sout

Laat staan vir ongeveer 30 minute

en was dan die skywe goed onder koue water

en droog met papierhanddoek

Sny skywe in blokkies en braai saam met die gekapte ui

Voer 'n groot oondskottel uit met kors en

smeer die eiervrug en uiemengsel bo-oor die kors.

Meng die suurroom met die sampioensop en

gooi bo-oor die eiervrugmengsel

Maak toe met gerasperde kaas

Bak teen 180ºC vir 30 minute

 

ONWERKLIKE TERT (Van Welma G)

Dis waarlik onwerklik hoe die tert lyk as dit klaar gebak is. Die bestanddele word alles op een slag in ‘n bak gegooi maar is dit gaar, het die tert ‘n behoorlike kors, met ‘n vlavulsel in die middel en ‘n klapperbolaag.

4 eiers

50 ml margarien

200 g (250 ml) suiker

60 g (125 ml) koekmeelblom

2 ml sout

3 ml bakpoeier

500 ml melk

80 g (25) ml) klapper

5 ml vanieljegeursel

Voorverhit die oond tot 180º C (350º F).

Plaas al die bestanddele in ‘n mengbak en klits goed totdat al die bestanddele goed gemeng is.

Giet in ‘n gesmeerde oondvaste 24-cm tertbord en bak sowat 45-55 minute lank of totdat die bokors goudbruin en die vlavulsel gestol is. Los in die oond nadat dit afgeskakel is dan stol dit gouer.

Lewer sowat 12 skywe.

Dit is so ‘n lekker en vinnige tert dat jy nie anders kan as om dit dubbeld aan te maak nie.

 

GEMENGDE SLAAI (Van: Judy Myburgh)

2 gaar aartappels, in blokkies gesny

1 klein komkommer, in blokkies gesny

1 koppie gaar ertjies

1 skyf pynappel, grof gekap

1 piesang, in skywe gesny

knippie rooi peper

1 teelepel sout

half koppie mayonnaise

slaaiblare

half teelepel Aromat

Metode

Meng al die groente en vrugte.

Geur dit met sout, peper en rooipeper.

Klam dit aan met die mayonnaise.

Skep ‘n lepelvol in elke slaaiblaar.

Versier met repies rooi tamatie en dien op met nog mayonnaise.

 

ERTJIESLAAI (Corrie Marais)

BESTANDDELE

1 blik ertjies 250 g gebraaide spek

2 uie fyn gekap en gebraai 6 gekookte eiers in ringe gesny

1 pak Bacon Kips fyngemaak Mayonnaise

METODE

Meng alles behalwe die Bacon Kips liggies saam. Meng die B. Kips by net

voor opdiening.

 

PYNAPPEL RING (Corrie Marais)

2 ringe

2 pakkie pynappeljellie 1 teelepel gelatine 2 koppies gerasperde kaas of

1 houer maaskaas (gebruik 1 kop kaas en 1 maaskaas) 2

koppies room 1 blik fyn pynappel ½ tot 1 koppie neute gekap

METODE

1. Meng jellie, gelatine en 2 koppies water.

2. Laat afkoel.

3. Voeg alles by behalwe room.

4. Klits room styf en vou in.

5. Laat stol in ringe.

 

SJOKOLADE POEDING (Wilma Murphy)

Ek het die volgende resep vir die poeding, die een word in die mikrogold gebak, maar 'n mens kan dit ook in die gewone oond bak.

250 ml koekmeel

25 ml kakao

15 ml bakpoeier

knypie gemaalde naeltjies

sout

200 ml sagte bruinsuiker

60 ml sagte botter / marg.

1 eier

175 ml melk

SOUS

250 ml water

250 ml sagte bruinsuiker

25 ml kakao

2 ml kaneel

1 sif droë bestanddele saam

2. verroom botter, suiker en eier en voeg melk by (mengsel sal skif)

3. roer droë bestanddele by en meng goed

4 gooi mengsel in gesmeerde, diep 2 l glasbak

5. mikrogolf die sousbestanddele 5 min oop in 1 l bak by 100 % krag ( of kook op stoof tot suiker gesmelt het)

Roer af en toe

6. Giet die kokende sous oor die beslag.

7. Bedek die bak met kleefplastiek/ deksel en mikrogolf 9 minute by 100% krag. Laat 5 minute staan. / bak ongeveer 30 minute by 180 grade tot gaar.

bedien met roomys.

 

AFVAL POTJIE

2 klompe skaappens (goed skoongeskraap)

water om in te kook

250 ml halfsoet wit wyn

sap van 1/2 suurlemoen

sout en varsgemaalde swartpeper

1 skaapnek

6 groot uie (gekap)

12 klein aartappeltjies

25 ml matige sterk kerriepoeier

2 ml rissiepoeier

10 ml donkerbruin suiker

asyn om mee aan te maak

250 g droëperskes

Sny pense in blokkies en plaas in driepootpot saam met water, wyn,

suurlemoensap, sout, peper en skaapnek. Sit deksel op, plaas pot oor

matig warm kole en laat kook tot inhoud sag is – ongeveer 3-4 uur.

Wanneer pens blokkies sag is en vleis van nekwerwels afval, verwyder

nekwerwels, voeg uie en aartappels by inhoud en kook nog 30 minute lank.

Maak kerriepoeier, rissiepoeier en suiker met asyn aan en voeg saam met

perskes by inhoud van pot. Sit deksel op en plaas weer op vuur vir 30

minute. Roer goed om en dien op.

 

HOENDER-BROCCOLIGEBAK

½ Pakkie Spiraal pasta

4 Blik Dubbel dik sampioensop

1 k Dik room

½ k Mayonnaise

1 t Kerriepoeier

3 e Koljander, gekap

1 t Hoenderaftreksel-poeier

Sout en swartpeper na smaak

6 Sprietuie, gekap

6 Gaar Hoenderborsies, in repies gesny

1 Gaar Broccoli, in blommetjies gebreek

1 k Vars broodkrummels

1 ½ Koppie Kaas, gerasper

Stel oond op 180C. Kook pasta in water met sout en bietjie olie. Dreineer en hou eenkant. Meng intussen sop, room, mayonnaise, kerrie, koljander, hoenderaftreksel-poeier, sout, peper en sprietuie. Roer hoender en broccoli by. Skep hoendermengsel in gesmeerde oondbak. Meng broodkrummels en kaas en sprinkel oor. Bak 25 minute en sit warm voor.

 

BILTONG PATEE

1 Ui Gekap

1 Knoffelhuisie, gekneus

Bietjie olie

1 Pakkie Sampioene, in skyfies gesny

500 ml Fyn biltong

1 Bakkie Laevetmaaskaas

½ Koppie Laevetmayonnaise

2 E Vars pietersielie, gekap

Soteer ui en knoffel in olie tot sag en deurskynend en voeg sampioene by. Roerbraai tot sampioene sag is. Laat afkoel. Kap uiemengsel in voedselverwerker tot redelik glad. Voeg oorblywende bestanddele by en verwerk tot goed gemeng. Skep in geskikte bak of in twee of drie kleiner bakkies en verkoel. Sit saam met soutbeskuitjies of kaasstrooitjies voor.

 

KORSLOSE MELKTERT

4 e. margarien ( gesmelt )

1 kop. suiker.

4 eiers. ( geskei )

2 t. bakpoeier.

1 k. meelblom.

4 k. melk.

sout.

Smelt margarien en suiker. Klits goed. Voeg eiergele by. Klits goed.

Voeg meelblom, bakpoeier en sout by. Klits goed. Voeg melk ge -

leidelik by. Vou styf geklopte eierwitte by. Bak teen 180 Grade C vir

45 minute. Sprinkel kaneel oor wanneer koud. Lewer 3 tertborde.

 

VINNIGE MELKTERT RESEP

Dit maak 2 ronde gewone silwer foelie bakkies vol of anders die gewone glas vierkantige tertbakke vol. Gebruik n kors van jou keuse. Hy het nie n spesifieke een nie.

Benodighede

1 Blik kondensmelk

50 ml Maisina

50 ml Vlapoeier

1 Eier

1 L Melk

Essense(Vanilla)

Kaneel

Gooi die blik kondensmelk in n pot en maak die leë blik vol melk in gooi saam met die kondensmelk. Gooi altesaam 3 blikke melk saam met die 1 blik kondensmelk. Roer aanmekaar tot kook. Vat die laaste melk en meng dit saam met die eier, vlapoeier en Maisina. Sodra die melk/kondensmelk gekook het gooi die laaste melk mengsel met vla ens. by. Maak seker jy roer deeglik. Dit is geneig om vinnig vas te brand. Roer vir so 8 min en gooi die essense by.

Nou kan jy die mengsel in jou bak gooi en dadelik kaneel oorgooi. Los vir so rukkie buite totdat dit afgekoel het dan kan jy dit in die yskas sit.(Maak asb. net seker dat die mengsel n bietjie dikker geword het voordat jy dit oorgooi.)

Die tert stol vinnig. Wat ek gewoonlik doen is ek kook die kondensmelk en melk in die begin in die mikrogolf dan hoef ek nie aanmekaar te roer nie en dit brand ook nie vas nie. Ek maak net seker dat dit nie oorkook nie.

 

RAAP EN SKRAAP (DIS NOU MY SOORT KOS, DIÉ)

4 dik snye brood (wit) korsies afgesny

500ml kookmelk

1 blik geroomde suikermielies van 410g

1 blik Weense worsies van 375g gedreineer en fyngesny of koue ham – 2

koppies fyngesny

3 eiers geklits

5ml mosterdpoeier

sout en peper na smaak

15ml gerasperde ui

25ml fyngekapte pietersielie

100g (250ml) gerasperde kaas

Stel oond op180°C (350°F). Week brood in kookmelk en roer fyn met

vurk. Roer res van bestanddele behalwe helfte van kaas bo-oor en bak 40

minute. Dun skyfies tamatie kan bo-op kaas geplaas word en dan met

aromat gegeur word voordat dit in die oond geplaas word.

Voila!

 

STUKKIE KLETS:

Sê net hier is nie iets waarvan jy gehou het nie!

...iemand het gesê: Daar is nie beter antibiotika vir die siel as die bos, en ‘n rivier met lopende water nie. Spandeer bietjie tyd langs lopende water en reflekteer oor jou lewe. Dink aan alles wat jou lewe beïnvloed, aan alles wat klaar ‘n merk gelos het, en aan jou drome. Stilte, sonder afleiding, bied geleentheid om jou lewe, jou menswees, in perspektief te beskou onder ‘n vergrootglas. Jy besef weereens dat jy nie in ‘n lugblasie lewe nie, en dat niemand beloftes gemaak het dat alles maklik gaan wees nie. Jy is nie die enigste klip in die rivier nie, en die water gaan aanhou om jou te vorm. Daardie water kan die vorm van geluk, hartseer, pyn of vreugde aanneem. Dit is die lewe, in beter perspektief.

En hierby kan ek net voeg: En jy het die KEUSE hoe jy op alles gaan reageer.

KIES dus die positiefste KEUSE!

EN dis al reeds Februarie!

Wat het van Januarie geword?

O Ja, ek – en vele ander- het gekyk na water, reën en op eie manier vloede ervaar!

En volgens alle weer spekulasies en voorspellings, is het nog einde niet!

Soos jul kan onthou, het ek wyd en syd gevra vir oorspronklike SO MAAK MENS resepte! Wel heelwat lesers het vir my tussen hul moeders se boeke begin snuffel en ek het reeds heelparty wonderlike resepte ontvang! (Hou aan stuur asb!!)

Hierdie resepte sal van nou af telkens in die KAMMANUUS verskyn! Maak seker jy maak jou eie reeks daarvan bymekaar! (Vir diegene wat nie ingeteken is nie- Ag-Nee!!- Toemaar ek sal die volledige reeks, na afloop van alle plasings in E-Boek formaat beskikbaar stel!! Hou maar die werfie dop vir die aankondiging! Tevrede? Die wat nie kan wag nie, kry jou KAMMANUUS!!)

Aangesien ek julle egter in Januarie so afgeskeep het (ek het darem alle NAVRAE persoonlik beantwoord!!) en eerlik nie weet wat die Gariep se vloei my in Februarie gaan toelaat nie, plaas ek graag 'n hele MENGELMOES-KARDOES-BONUS vol resepte!

Die wat al gekyk het na Eg-Afrikaans, Peterjasie Patriot, ons eie Frik, en ANNA se resepte samestellings, sal weet dat hulle ook nuusbriewe uitstuur. Die volgende resepte is o.a. uit van die nuusbriewe van die afgelope halfjaar.

Ek hoop jul geniet dit!

 

RYSROERBRAAI MET TUNA

45ml olie

1 eier, geklits

10ml water

2 knoffelhuisies, gekneus

3 stingeluie, fyn gekap

2 blikke (175g elk) tuna in water, gedreineer

750ml gaar rys

20ml vissous

30ml sojasous

250ml koljanderblare

¼ pynappel, in klein blokkies gesny (opsioneel)

1 klein komkommer, in blokkies gesny; brandrissiesous om voor te sit

Verhit ’n klein bietjie van die olie in ’n groot braaipan of wok, meng die eier en water saam en giet in die pan, verhit tot gestol en skep uit. Rol die eieromelet op en sny in dun repe; hou eenkant vir garnering. Verhit die res van die olie en braai die knoffel, stingel-uie en tuna ’n paar minute. Roer die rys by en roerbraai tot deurwarm. Meng die souse by die rysmengsel in en sprinkel die koljander en eierrepies oor. Sit voor met die gekapte pynappel, komkommer en brandrissiesous. Lewer 4 porsies.

 

WORSIE EN KAASGEBAK

450ml gesnyde macaroni

50ml botter of margarien

1 klein ui, fyn gekap

1 groen soetrissie, fyn gekap

1 pakkie sampioenroomsoppoeier

575ml koue melk

250ml gerasperde Cheddarkaas

1ml vars gemaalde swartpeper

50ml droë broodkrummels

3 gaar beesworsies

10ml aangemaakte mosterd

37.5ml Parmesaan kaas, gerasper

Voorverhit die oond tot 180C. Kook die macaroni gewoonweg tot gaar en dreineer dit. Spoel dit met warm water af en hou dit warm. Verhit die botter of margarien in ‘n swaarboomkastrol en soteer die ui en soetrissie ongeveer 5 minute lank daarin totdat dit sag is. Roer die soppoeier vinnig by. Roer die melk geleidelik by en verhit dit tot kookpunt. Laat dit 10-15 minute lank prut totdat die sous dik is. Roer dit voortdurend. Roer die Cheddarkaas en die peper by en verhit dit totdat die kaas gesmelt het. Roer die macaroni by die sous en skep dit uit in ‘n gesmeerde oondskottel. Strooi die broodkrummels bo-oor en bak dit 20-25 minute op die middelste oondrak. Voorverhit die roosterelement van die oond sodra die macaroni kaasgebak uit die oond gehaal word. Halveer die gaar worsies in die helfte sodat daar 6 helftes is. Smeer die worsies met die mosterd. Rangskik die gaar worsies soos die speke van ‘n wiel op die macaroni kaasgebak. Strooi die Parmesaankaas bo-oor en verhit die gereg in die voorverhitte oond totdat die kaas gesmelt het. Garneer die gereg met geroosterde tamatieskywe

 

SIMBA TJIPS GEREG

4 eetlepels botter

3 eetlepels koekmeel

375ml warm melk

250ml ham

2 x 375ml gekrummelde skyfies

375ml gerasperde kaas

Voorverhit die oond tot 180C. Maak ‘n witsous van die botter, meel en melk. Gooi die ham, kaas en 1 pak skyfies by. Gooi die helfte van die ander pak skyfies onder in ‘n bak, skep die witsous bo-op, bedek met kaas en skyfies gemeng en bak 15–20 minute.

 

LIP-AFLEK KAASPAMPOEN

4 groot skywe pampoen, ongeskil

90ml bruinsuiker

60ml botter

100g grondbone

1 vanielje peul in lengte verdeel en dan gehalveer

125g bloukaas, gekrummel

Verhit 'n swart platboompot. Braai die pampoen in die suiker, botter en vanielje stadig tot dit deurskynend en sag is. Gebruik 'n eierspaan om die pampoen om te keer - dit moet heel bly. Voeg grondbone en bloukaas by. Sodra die kaas gesmelt is, verwyder die pampoen van die vuur of stoof en bedien warm. Lewer 4 porsies.

 

VIS EN TJIPS

 (3 porsies: 2 stukke vir elkeen)

6 porsies bevrore stokvisfilette

Beslag

120g koekmeel

1 eiergeel

90ml bier

1ml sout

45ml melk, gemeng met 30 ml koue water

2 eierwitte

sowat 600 ml sonneblomolie om vis in te braai

Sit die koekmeel in 'n mengbak. Maak 'n holte in die middel van die meel. Gooi die eiergeel, bier en sout in die middel van die holte. Meng baie goed. Ek gebruik gewoonlik 'n ballonklitser, dis die een wat sjefs gebruik. Maak seker dat daar geen klonte is nie. Voeg die melkwater geleidelik by en meng tot glad. Maak die bak met 'n vadoek toe en laat die beslag vir minstens 30 minute rus. Klits die eierwitte tot sagte punte vorm. Vou nou die geklopte eierwitte versigtig by die beslag in. Verhit die olie in ‘n kastrol. Doop 2 tot 3 visfilette in die beslag en wanneer dit goed bedek is, sit dit versigtig in die warm olie. Braai die vis sowat 4 tot 5 minute aan weerskante. Haal versigtig uit die warm olie. Dreineer op kombuispapier en herhaal met die res van die vis. Sit voor saam met tjips.

 

MELKKOS

750ml vermicelli

water om te bedek

knypie sout

10ml kookolie

6 x 250mlmelk

2 stukkies pypkaneel

2 steranyse

3 huisies kardamom

12.5ml suiker

sout

12.5ml mielieblom

125ml water

30ml botter

Breek die vermicelli in 5 cm stukkies, sodat jy genoeg het om 3 koppies te vul. Bedek met water in ‘n kastrol, voeg ‘n knypie sout en die kookolie by en kook tot sag. Dreineer en hou eenkant. Kook die melk, pypkaneel, steranys, kardamom, suiker en sout. Voeg die gekookte vermicelli daarby. Meng nou die mielieblom met die 1/2 koppie wateren roer dit in die melk. Voeg die botter by. Laat dit stadig prut vir 5 minute. Skep op in diepborde en dien op met kaneelsuiker.

 

KLAPPERYS IN DIE MIKROGOLF

Gebruik ‘n mengbak was mikrogolf vriendelik is. Gooi 500g suiker en 150ml melk saam in ‘n mengbak en kook ophoog vir 8 minute. Roer die mengsel gedurig tydens die kookproses. Die mengsel moet nou lekker stroperig wees. Voeg 200g gedroogde klapper by en meng goed. Skep helfte van die mensel in ‘n bakplaat of oondpan van ongeveer 20cm x 20cm en maak mooi gelyk. Kleur nou die ander helfte van die mengsel met rooi of pienk voedselkleursel en smeer die pienk mengsel oor die wit mengsel. Laat afkoel en sny in blokkies ! Geniet! !

 

FRANSE ROOSTERBROOD

6 dik snye brood

2 eiers

2/3 koppie melk

1/4 teelepel kaneel (Opsioneel)

1/4 teelepel neut (Opsioneel)

1 teelepel vanielje ekstrak

sout na smaak

Klop die eiers, melk, sout, speserye en vanielje saam. Verhit 'n lig gesmeerde riffelpan goed. Doop die snye brood in die eiermengsel en sorg dat albei kante geweek is. Plaas in die pan en bak aan beide kante tot goudbruin. Bedien warm.

Wenk:

Gooi ook bietjie botter in die pan vir ekstra geur. 'n Deksel oor die pan help om dit binne ook goed gaar te kry.

 

DROËVRUGTESLAAI.

Droëvrugte kan soms duur wees maar die slaai is vullend en met so ‘n bak kom mens ver.

Week 1kg gemengde droëvrugte vir ‘n uur in kouewater. Kook die vrugte tot sag en laat afkoel en sny in stukke. Maak intussen die slaaisous deur 1 klein blikkie Ingedampte melk styf te klits. Vou ‘n blikkie kondensmelk by die melk in en roer dan 125ml asyn, 125 ml olie en 15ml aangemaakte mosterd by. Laat staan om dik te word. Sny 8 piesangs in skywe. Pak nou ‘n laag vrugte, ‘n laag piesangs ‘n lag gekapte neute ‘n laag sous en herhaal tot bak vol is. Bedien koud.

 

VARKTJOPS MET HEERLIKE SOUS

6 groot varktjops                                                     

bietjie knoffel                    

250ml kookwater                                          

125ml koppie mayonnaise                                              

125ml koppie tamatiesous

1 pakkie bruin uiesoppoeier

125ml blatjang

Braai tjops goudbruin aan beide kante.  Meng die sousbestanddele bymekaar en gooi oor die tjops wat in 'n oondvaste skottel gesit is, sit foelie oor en bak vir 1 uur in die oond.

 

MAALVLEIS-NOEDELS

250g groen of wit lintnoedels                                       400g maalvleis

30ml olie                                                                       15ml botter sout

swartpeper en 'n knippie suiker                                   2 uie, gekap

500ml gerasperde wortels                                           125ml gesnipperde tafelseldery

2,5ml gerasperde neut                                                 125ml gekapte pietersielie

3 knoffelhuisies, fyngedruk

Maak die pasta gaar volgens die vervaardiger se instruksies, maar wees versigtig om dit nie langer te kook nie - die gaarmaakproses gaan voort nadat dit van die stoof afgehaal is. Roerbraai die maalvleis in die olie en botter. Gebruik 'n vurk om dit te roer en terselfdertyd die klonte fyn te druk. Voeg die geurmiddels en groente by. Roerbraai tot die uie sag en geurig is. Voeg die neut by. Dreineer die pasta en meng met die vleismengsel. Skep in 'n opdienbak. Meng die pietersielie met die fyngedrukte knoffel en sprinkel oor die gereg net voor dit opgedien word. Sit voor met 'n tamatie-en-blaarslaai. Lewer 4 porsies.

 

GEROOKTE HOENDERSLAAI met SOET MOSTERDSOUS

4 gerookte hoenderborsies

250 g boontjies

350 g baba-aartappels

SOUS:

3 eiers

250 ml suiker

250 ml asyn

40 ml mosterdpoeier

5 ml sout

50 ml kondensmelk

Sny hoender in skyfies en plaas in 'n mengbak. Kook die aartappels tot gaar, laat dit afkoel en halveer. Kook die boontjies vir n minuut en meng saam met die hoender. Meng al die bestanddele vir die mosterdsous, behalwe die kondensmelk, saam en klits goed vir 'n paar minute. Plaas die sous in 'n klein kastrol en op die stoof oor 'n baie lae hitte. Roer aanhoudend totdat die sous begin kook. Sodra die sous begin kook, roer die kondensmelk by. Meng nou die bestanddele vir die slaai saam en roer die afgekoelde soetmosterdsous daarby. Genoeg vir vier tot ses mense.

 

MEXIKAANSE HOENDER

30ml olie

1 kg hoenderdye

sout en peper na smaak

2 uie, fyngekap

125ml tamatiesous

15ml Worcestersous

15ml blatjang

45ml suiker

40ml kerriepoeier

250g spekvleis

vars koljanderblare vir garnering

Voorverhit die hoender tot 180C. Verhit olie in pan en geur hoender met sout. Braai hoender tot goudbruin aan beide kante. Skep uit en braai uir in dieslfde pan tot ligbruin. Giet tamatiesous, worcestersous, blatjang en suiker by en bring tot kookpunt. Laat prut vir ‘n paar minute. Pak gebraaide hoenderstukke in oondbak en giet sous oor. Strooi die kerriepoeier oor die hoender en rangskik die spek bo-op. Bedek met foelie en bak vir sowat 30 minute of tot gaar. Garneer met koljanderblare. Bedien met rys en groen groente. 4-6 porsies.

 

PIKANTE TAMATIE-VARKVLEIS

1kg varkvleis in blokkies of repies gesny

30ml kookolie

1  medium ui, gekap

1  stingel seldery, gekap

1  groenrissie, gekap

1 x  pakkie tamatiesoppoeier

500ml water

sout en peper na smaak

Verbruin varkvleis in verhitte kookolie. Verwyder en hou eenkant. Soteer ui en seldery en groenrissie tot deurskynend en plaas vleis terug in kastrol. Voeg sop, water en geurmiddels by. Bedek en prut vir 45 tot 60 minute tot varkvleis sag is. (6 porsies)

 

MAALVLEIS EN MIELIEGEREG

250g maalvleis

25 ml kookolie

1 ui, fyngekap

2 tamaties, geskil en fyngekap

1 lourierblaar

7 ml sout

2ml vars-gemaalde swartpeper

4 ml neutmuskaat

 

MIELIEBOLAAG:

20 gr (25 ml) botter

12g (25 ml) meelblom

125 ml melk aangevul met suikermieliesous tot 250ml

80 g (200 ml) gerasperde Cheddarkaas

1 blik suikermielies

Verhit kookolie en braai vleis tot bruin. Voeg ui by en sorter. Voeg res van bestanddele by en prut vir 15 minute. Skep vleis in ‘n vuurvaste bak. Maak ‘n witsous van die botter, meelblom en melkmengsel. Voeg die suikermielies by en prut vir 5 minute. Roer  nou die kaas in. Skep oor vleis en bak by 200C vir 15 minute. 4 – 6 porsies.

 

AARBEI JOGURT–TERT

500 ml room

500 ml aarbei jogurt

3 pakkies aarbei jellie

Flake sjokolade

Tennisbeskuitjie kors

Maak jellie aan met een koppie kook en een koppie koue water. Plaas in yskas tot koud maar nie gestol. Klits room styf en voeg daarby die koue, maar nie gestolde jellie. Klits goed. Klits daarna die jogurt by. Giet in tertkors en sprinkel ‘n flake sjokolade oor. Deur jellie en jogurt te verander, kan ander geure gemaak word. Jy kan ook