....Só MAAK MENS !

Sept tot Des'09

2009

 

DESEMBER

 


 

 5

Sousbone

 

Piekels, Kool, bone, knoffel asyn

 

Gemmer en lemoen wortels

 

Slaphakskeentjies

 

Piekel eiers

 

Perskes

15

Brandrissies

 

Roomys

 

Cholesterol raad

 

Hartstigting dieet en raad

 

Sagte tuna tertjies

 

Wasgoed bondeltjies en blaasoppies

 

Alles oor waspoeier en skoonmaak middels en hoe om jou eie te maak

20

Nog oor vrugtesappe, smere, jonge manne en meisies!

 

Maak jou eie margarien en maak smeer meer!

 

Mikrogolf vrugtekoek (My ma)

NOVEMBER


1

 Oom Jan se Gemmerbier

9

Alles oor meel

 

Nog Wenke oor meel

 

Kolwyntjies: basiese resep en ander variasies

 

Alles oor Deeg...

10

Brood, korse, witsous...!

 

Kitsgis en gis wenke en nog deeg wenke

11

Kook woordeboek en woordeskat

13

Roomys

20

Appelkoos en perske resepte

 

Mieliebrode

 

Alles oor pekel van vleis

 

Wasgoed wenke

21

Kefir

 

Stap wenke

23

Knie-lose brood resep

26

Iets vir die siel

28

Nog iets oor appelkose en perskes

 

Poeier eiers

 

Kook en Geniet se Boerbeskuit  resep

 

Springmielies en ander happies

 

Sonoond en resepte: Hoender, skaapboud, stampmielies, pasta.

 

Konfyt tertjies

 

Wafels, wafels, wafels

OKTOBER


1

 Agurkies, komkommers en nog piekels

6

Dieet Wenke

10

Paella

11

Lemoenkoek

18

Doppies vir vulsels en Alles oor brood

19

Yskastert,  Maaskaastert, Marshmallow tert

25

Plante en troeteldier wenke

27

Mielietert by braaivleis  en Pampoenkoekies

 

Vrugtesappe,

 

Gewone jogurt

SEPTEMBER


3

 Nog seepkook en konfyt tertjie wenke!

4

Plaatkoekies

 

Puisies

8

Diabetiese konfyt

12

Roomys

14

Alles oor Boerseep kook

17

Muggies en plae

18

Quiche

19

Psoriase

 

Suurdeeg, plantjies en Vriendskapsbroodjies

 

Roly-Poly’ ies en broodwiele

 

Sjokolade rolkoek

22

Rolkoeke, wenke en nog resepte

Desember 2009

 

DESEMBER is ons Fees-vier-maand, die maand van Kerskoek, Gemmermannetjies, gemmerbier, yskoue waatlemoenskywe op grasperkkoeltes, kerse, familie, vriende en vreugde!
Dit is ook die maand van introspeksie en nabetragting oor die jaar wat verby gesnel het sonder dat ons dit kon keer.
Genademaand. Seënmaand. Maand van dankbaarheid en deel.

Mag die maand wat voorlê, jul oorbluf met die wondergawe om elke dag, akuut te mag beleef! 

 

 


In die woorde van Harry Alfred Wigget, groet ek jul vir 2009!

Mag die jaar uitloop in Sy uurglas ritme, en mag Hy julle bewaar en vashou in die palm van Sy hand.

Mag Hy jul seën met die Keur van SY seëninge in 2010!

Swyende Vader

Swyende Seun

Swyende Gees

Dankie dat ek kan weet, wanneer ek dínk U swyg,

Dan is my sintuie maar net nie ingestel om U waar te neem nie!

Fluisterende God,

Máák my ore oop om te hoor in die stilte van mense se onuitgesproke pyn

Raak my oë aan om U te sien in die stilte van medemenslikheid;

Laat my U ruik in die stilte van ʼn blom of veldplant;

Laat my u proe in die stilte van U brood en wyn.

Swyende God,

Ek het U lief in die stilte

van U Teenwoordigheid.

 

20 DESEMBER

Dagsê Lesers!

Deon het gevra: Hi daar, hoe vermeerder n mens margarien vir brood smeer doeleindes? Beste wense, Deon.

Ja, dit is inderdaad moontlik!

Mens neem 500 g margarien, en klits daarby 1 tl sout en 1 kp water. Klits goed en laat set in yskas.

Ek het dit nog nie self getoets nie maar my bronne sê dit werk!

Jul kommentaar welkom!

Of jul kan een van die volgende resepte uittoets om jul eie margarien te maak!

1. Klits ¼ kp groente olie met ½ kp sagte room kaas!(Cottage-cheese)

2. Plaas 1/2 kp  sojamelk in ‘n menger en begin op hoogste spoed klits.

Voeg nou stadig 1 kp canola olie by en klits aanhoudend totdat mengsel  na die middel toe inval. Skakel menger af, en voeg 1 ml borrie by vir kleur, en ‘n paar druppels suurlemoensap vir varsheid, sowel as ½  tl sout.

Meng stadig deur, skep in bakkies en plaas in yskas tot gestol vir gebruik. Dit word nie so ferm soos gewone margarien nie maar is net so smaaklik.

3. Klits 500 g amper sagte botter met ½ kp canola olie

Dit set slegs in die yskas, so hou dit daar vir gebruik!

4.Neem

1 kp sonneblom olie

1 tl vloeibare lesitien

1 kp koue water

Gooi bietjie van die water in menger, voeg dan olie en lesitien by. Klits vinnig op hoë spoed, terwyl die res van water ook bygevoeg word.

Hou in yskas en gebruik binne 2-3 weke.

Vir ‘n ryk en romerige variasie voeg 1 Etl stroop en 2 tl karob poeier by.

5. Smelt 30 g plantaardige vet in ‘n bak in die mikrogolf.

Voeg 2 Etl sonneblom olie,2 tl melk, 2 tl eiergeel, knippie sout en ‘n paar druppels  suurlemoensap by. Klits op stadige spoed tot ‘n sagte gladde margarien.

Maak seker al jou bestanddele is yskoud.

Alles wat jy sê, moet waar wees, maar alles wat waar is, hoef jy nie te sê nie!

-Henk-

 

 

En, Ja!

Vir die laatslapers, bak gou die volgende vinnige treffer

 

 

MIKROGOLF VRUGTEKOEK !

 

750 g koekvrugte OF

250 g gesnipperde dadels, 300 g glansvrugte , 200 g gekapte neute

250 g meelblom

5 ml bakpoeier

5 ml gemengde speserye

2 ml gemmer

2 ml neutmuskaat

2 ml kaneel

1 ml fyn naeltjies

2 eiers

200 ml brandewyn

250 g margarien

180 ml water

160 ml bruinsuiker

5 ml koeksoda aangemaak met bietjie melk.

Meng vrugte, botter, water en suiker.

Kook 7 min op Hoog.

Voeg neute en 100 ml brandewyn by.

Sif droë bestanddele by. Klits die eiers en voeg by. Meng alles.

Voer  mikrogolf koekpan met handdoek papier uit. Spuit met kleefwerende middel. Bak vir 26 min op MED. Haal uit, keer om, trek papier af, wag tot effe afgekoel en gooi die oorblywende 100 ml brandewyn oor koek.

Voila!!

Lus vir  GEMMERBIER?

SO maak Mens:

2 tl gemmer

4 l water

4 kp suiker

1 pk kitsgis

1 tl wynsteensuur

2 tl kremetart

Handvol rosyne

Meng alles  bymekaar in ’n  5 liter emmertjie. Laat staan vir ’n  paar  ure of oornag. Syg deur, en hou in yskas. Hou die rosyne daarin!

Die manier om goeie idees te kry is om baie idees bymekaar te maak,

en dan die slegtes weg te gooi!

- Linus Pauling - 

 

15 DESEMBER

Dagsê Lesers!

Die groot dae kruip nou ongenadiglik vinnig nader, almal spook met laaste voorbereidings,

of vir die groot etery of die groot see-toe-ganery...

SO: Haal diep asem, blaas uit, In, uit...

 

Vir Hennie Coetzee , wat wou weet of mens ’n roomys maker masjien ook al kry, het ek die volgende opgespoor!

Daar is sowaar so ’n roomys masjien!

THE CELATISSIMO ITALIAN ICE CREAM MACHINE !

Tel : 011 7012200

Of : 021 552 9550

Epos : info@culinary.co.za

www.culinary.co.za

Hy het intussen vir ons die volgende interessante resep ingestuur as antwoord op die een wat ek geplaas het. Hy sê:Ek het ook 'n maklike roomysresep wat selfs vir diabete gebruik kan word!

3  derde koppies suiker of fruktose na gelang van die geval

3 eiers, geel en wit geskei

1 pakkie Orley Whip (2 sakkies)

Klits Orley Whip en 1/3 koppie versoeter styf

Klits eierwitte en 1/3 koppie versoeter styf

Klits eiergele plus 1/3 koppie versoeter styf

Meng Orley Whip en eierwit en vou dan eiergeel daarby in.

Vries.

Baie Dankie Hennie!

Tersia Kock het ook weer vir ons geskryf.  Sy sê: Hallo Retha

Baie dankie vir al jou moeite, maaaaaaaaar,  my probleem is ek wil nie eiers gebruik nie,  As gevolg van ‘n cholestrol probleem moet ek so min as moontlik eiers eet en het ’n  alternatief gesoek wat geen eiers bevat nie maar dieselfde resultate het.

Wanneer mense begin eiers uitsny, dan wonder ek altyd dadelik of daar nie ’n  Cholesterol probleem is nie, want dit is die eerste ding wat dokters vir ons sê: Sny die eiers uit!

Ek wil egter vir jul sê dat die eiergeel die probleem is en dat jy die eierwit  eintlik mag gebruik!

Dit is egter net so smaakloos (vir my) dat ek uit pure moedswil deesdae juis net die geel eet en die wit los!! Stout  ek weet!

’n  Paar wenke:

Onthou om OATBRAN  by enige gereg te voeg, jy daardeur baie van die nadelige effekte verlaag en sodoende ook met ‘n bietjie eier kan wegkom.

Eet elke dag OATS pap vir ontbyt of aandete!

En gaan loer asb op my ARGIEF bladsy daar iewers het ek ‘n reseppie van CHOLESTEROL broodrolletjies geplaas, dis regtig nogal lekker!

Lees ook jou etikette, as dit sê min suiker is daar ekstra vette in en as dit lees min vet, is daar ekstra suikers in vir smaak.

(En suiker is net so nadelig  as vet!)

Ek gebruik ook  net CANOLA  margarine in die blou bakkie, en dan smeer ek (vir sout vulsels) my broodjies met KRAFT laevet Mayonnaise i.p.v. botter of margarien.

Die hartseer van cholesterol is dat mens dink,  die enigste uiteinde is ’n hartaanval, en dit is vinnig en  relatief ’n  “maklike” dood, maar die meerderheid  vrouens sterf nie aan hartaanvalle nie, maar kry eerder beroerte van hoë cholesterol, en dit is erger as die “vinnige” dood want gewoonlik eindig mens in ’n semi-invalide toestand wat ’n swaar verantwoordelikheid op ander plaas, en dit is juis hierdie feit wat my motiveer om myne so laag moontlik te probeer  hou...

Ken jul die Hartstigting se regte dieet?

Indien nie, stuur vir my ‘n faks nommer en ek faks dit graag vir jou.

Dalk sal ek dit later  “inscan”  en op die werfie plaas as daar genoeg belangstelling is?...

Dalk doen jul al oefening, indien nie, begin asseblief dadelik, stap is die heel beste cholesterol verlagende medisyne wat daar is, 5 dae per week,  ten minste 30 minute, stoot dit dan later stelselmatig op na ’n  uur elke dag.  Jy moet 120 treë per minuut kan handhaaf dan is jy hart-fiks! Geniet dit!

Nanda Hefer skryf: Hi Retha, dit is die 1ste keer dat ek met die nuwe tegnologie van e-posse te doen het, ek hoop my e-pos kom by jou uit. Ek wil met die deur in die huis val en jou vra of jy weet van 'n resep vir tuna tertjies. Jare terug het ons 'n tuisnywerheid op ons dorp gehad, ek bly al lankal nie meer daar nie, wat tuna tertjies verkoop het met 'n sagte degie. Dit het soos 'n konfyt handtertjie gelyk, maar die degie was sag. Hoop jy kan my help.

Nanda, Gaan kyk solank in die ARGIEF bladsy daar is ’n sagte pasteitjie resep, jy kan enige vulsel daarin sit maar dit is meer ’n "skonnerige" degie! y kan ook enige van die broskors of skilfer kors resepte wat geskik is vir soet handtertjies gebruik vir sout tertjies of pasteitjies. Ek wonder tog of die waaraan jy dink nie sagter geword het  nadat dit afgekoel of oornag bewaar is nie, omdat die vulsel dit effe laat aanklam het nie? Probeer intussen hierdie, dalk is dit waarna jy soek?

SAGTE TUNA PASTEITJIES / TUNA WASGOEDBONDELTJIES (Enige ander spek of maalvleis vulsel kan ook gebruik word.)

VULSEL

2 blikkies tuna, gedreineer en gevlok

2ml mosterd

3 Etl vars pietersielie

Sout, swart peper, paprika na smaak

½ kp fyn gerasperde kaas

1 pakkie tamatie pasta

1 groot fyn gerasperde ui

Meng alles, hou gereed.

DEEG

4 kp meelblom

4 tl bakpoeier

½ tl sout

250 g botter

Yswater

Vryf smeer in droë bestanddele in, meng met yswater tot hanteerbare deeg.

Rol dunnerig uit.

Vir WASGOED BONDELTJIES :

Druk vierkantige vormpies uit deeg uit, skep lepel vulsel in middel, bring hoeke bymekaar en steek vas met heel naeltjie.

Bak in diep olie tot goudbruin, plaas op kombuispapier om te dreineer.

Vir PASTEITJIES:

Druk sirkel vormpies uit deeg uit, skep vulsel in middel en vou oor mekaar tot halfmaan pasteitjie, druk  halfmaan kante goed met vurk vas, smeer bo-oor met geklopte eiergeel wat met gesmelte botter geklits is.

Bak in oond tot goudbruin OF ook in diep olie!!

En terwyl ons met hierdie manier van southappies maak besig is,  probeer ook gerus hierdie BLAASOPPIES.

3 kp meelblom

1 ½ tl sout

5 eiers

Sif meel en sout saam, Voeg eiers een vir een by tot ferm kniebare deeg. Knie goed.

Rek en trek deeg. Rol dun uit, druk vormpies uit deeg uit.

Bak in diep olie.

Skep enige vulsel daarop!

Voila!!

Elmarie Marren skryf:

Hi Retha, ek wil graag weet hoe om self waspoeier te maak. 

Kan jy my dalk help met die bestanddele.

Groete Elmarie

En YOLANDE wou ook weet: EK IS OPSOEK NA RESEPTE VIR EG, NATUURLIKE, TUISGEMAAKTE SEEP, KERSE, ALLE TOILETWARE, SKOONMAAKMIDDELS,ENIGE IETS ANDERS, SOOS OUMA DIT GEMAAK HET. ASB!!

Wel julle, Waspoeier op klein skaal by jou eie huis...Die boererate sê as jy skraapsels  maak van seepkokery, is dit wonderlike waspoeier!

Ander besparings wenke sê, gooi al jou klein stukkies badseep bymekaar en rasper dit fyn...of maal fyn met meuletjie...

Of bind afval stukkie in ’n  sykous toe, gooi dit saam met jou wasgoed in en sodra dit seperig genoeg is, haal die kous uit...

Party glo weer dat koeksoda en suurlemoensap in die plek van waspoeier gebruik kan word

Ek hou van die keramiek BIOWASH BALL i.p.v. waspoeier...

In 11 Desember se VROUEKEUR was daar ook ’n  paar “bad-bederfies” om uit te toets !

Maar hier is ’n  paar handige resepte wat ek opgespoor het, as jul wil begin eksperimenteer!

Wenke: Koper2 Sulfaat ( Blou viterjoel) maak klere witter en ontsmet dit...

            PH Plus (swembad goed) is net so goed i.p.v. was soda...

Om jou eie WASPOEIER te maak:

1 kp gerasperde handwas seep of seep vlokkies as jy haastig is! ( Die groen, rooi of blou blokke, of kommersiële waspoeier vlokkies van enige seep wat jy wil, maar vermy die sintetiese geparfumeerde soorte)

2 kp boraks

2 kp was soda.

Meng alles en bewaar in koel droë houer.

OF

 

12 kp Boraks
8 kp Bakpoeier (!! JA regtig!)
8 kp Was Soda
8 kp
  gerasperde wasgoed-koekie-seep

 

Meng alles en bewaar in drë verseëlde houer vir gebruik.

Gebruik 1/8 ste kp per was.

 

OF

 

1 kp wit asyn
1 kp bakpoeier
1 kp Was Soda
1/4 kp vloeibare
  skottelgoedseep / handreiniger

Meng goed. Gooi die vloeibare seep eerste in, dan die was soda, dan die bakpoeier en voeg die asyn bietjie bietjie by , dit skuim aanvanklik. Die mengsel vorm eers ’n  dik pasta, maar breek later op in growwe  poeiervorm, hou maar net aan roer. Harde klonte moet uitgeroer word. Gebruik ½ kp per was. Jy kan ook 10 tot 15 druppels  essensiële olie  by jou waspoeier voeg vir geur, gebruik laventel, roosmaryn, tee-boom of roos olie. Hou in verseëlde houer

SKOTTELGOEDSEEP

400g waspoeier 

500 ml kookwater

750 ml vloeibare skottelgoedseep           

250 ml brandspiritus

250 ml suurlemoensap   

5 liter koue water.

Voeg die waspoeier by kookwater en roer dit tot 'n pasta.  Laat afkoel.  Los die skottelgoedseep, brandspiritus en suurlemoensap in die koue water op.  Voeg die waspoeierpasta by en roer tot dit goed gemeng is.  Bottel die opwasmiddel en verseël dit.

OF

 

1 deel bakpoeier
1 deel boraks
1 deel water
1 druppel suurlemoen of lemoen essensiele olie per kp wasmiddel

Meng deeglik en hou in bottel

Gebruik 1 tot 2 Etl per lading.

En gebruik wit asyn in jou spoel siklus.

3.  WASMENGSEL VIR KOMBERSE

Vermeng

675g waspoeier

250 ml brandspiritus

20 ml bloekomolie

en bewaar dit in 'n digte houer.  Los 'n koppievol van die seepmengsel in 'n bad water op en week vuil komberse 'n rukkie daarin. 

Druk-druk die komberse dat dit goed deurweek kan word.  Spoel komberse in skoon water uit en hang dit op om droog te word.

Nota:  Die bloekomolie in die mengsel laat nie net die komberse skoon en vars ruik nie, maar verdryf ook silwermotte

VLEKVERWYDERAAR:

1 kp warm water
1/2 kp bak soda
1/2 kp waterstof peroksied

Meng alles en hou in sproei bottels.

Behandel vlekke “Spot treaten week oornag.

 

Laetitia Bothma het geskryf: Ons het verskriklik baie geel perskes hierdie jaar maar almal klein...kan ek droe perskes daarvan maak en hoe doen ek dit?

En FRANS BOUWER wou weet: HOE MAAK MENS PERSKESMEER.DROE PERSKES

Aangesien dit steeds appelkoos, perske en pruim tyd tyd is, en ons in ‘n kits wêreld leef, plaas ek ‘n vorige plasing sommer gou weer hier vir julle sodat jul nie in die ARGIEF blad daarna hoef te soek nie!

Ek wil jul egter tog herinner, Liewe Lesers, dat alles wat reeds geplaas is, elke maand na die ARGIEF bladsy oorskuif, so gaan loer gerus ook daar rond!

...soos vroeër genoem:

Ek is nie ’n  boffin met vrugte rolle en smere droog nie, maar hier is wat ek vir jul kon bymekaar kry!

(Kook en Geniet en Orania APK Boekie) Jul kan dieselfde resepte gebruik vir perskes!

Klein perskes kan net so met pit en al gedroog word, sprei dit net oop in die son word vertel en "hark" dit elke dag om!

Ek het dit ook al bloot net opgekook met helfte water helfte suiker. Maak net genoeg stroop aan om vrugte te bedek, kook dan vrugte in die stroop tot sag, dan het ek dit in die stroop gevries, later ontdooi en  dit  gebruik as ingelegte perskes of in die resep "ou-vrou-onner-die-kombers" Gaan loer in die ARGIEF vir die resep!

APPELKOOS (OF PERSKE ) SAP

Kook 8 dele appelkose en 2 dele water saam tot vrugte heeltemal sag is.

Vryf mengsel deur ’n  draadsif en syg dan die sap deur ’n  klam doek.

Voeg 500 g suiker by elke 1.7 liter sap, verhit en roer tot suiker gesmelt is.

Giet in skoon bottels, bottel warm, gebruik soos aanmaak koeldrank.

OF

2 kg appelkose

1 kg suiker

10 ml wynsteensuur

10 ml Engelse sout

Maal appelkose fyn, Kook alles saam vir 15 minute, Bottel en hou op rak vir gebruik.

OF

4kg appelkose of perskes

3 liter water

1/2 kg suiker

Versap vrugte, voeg water en suiker by. Meng goed, kook 10 minute. Laat koud word. Vries in 2 liter bakke.

Vir gebruik, ontdooi, voeg water by en bedien yskoud!

APPELKOOSLEKKERS

Was 3 kg ryp appelkose en 1 kg appels goed, skil appels en ontkern.

Kook die appelskille en kerns 30 minute lank in 250 ml water terwyl die appelkose ontpit word en die appels

in stukke gesny word.

Syg die vloeistof van die appelskille deur en voeg water by om 190 ml te maak.

Voeg dit by die vrugte en stowe tot vrugte goed sag is.

Vryf die vrugte met ’n  houtlepel deur ’n  draadsif, voeg 5 ml sout en 125 ml suiker vir elke 250 ml vrugtemoes by.

Kook en roer aanhoudend tot die vrugte losraak van die kante van die kastrol.

Skep vrugte in gesmeerde pan omtrent 1.5 cm dik.

Laat 3-4 dae staan om droog te word tot dit heeltemal styf en nie meer taai is nie.

Sny in blokkies en rol in suiker.

Laat weer 2-3 dae lank droog word en pak in flesse of tussen waspapier in lugdigte houers.

OF

2 lb appelkose

3 pakkies suurlemoenjellie of perske jellie

1 3/4 lb suiker

Sap van 1 suurlemoen en 1 lemoen

Rasper nerfie van lemoene af. Maal vrugte fyn.

Kook suiker, vrugte en sap vir 30 minute. Verwyder van stoof. Roer jellie by. Gooi in gesmeerde pan.

Laat 24 uur staan, sny in blokkies en rol in suiker.

APPELKOOS SMEER

(Hierdie is eintlik vir perskes, maar mens kan seker dieselfde resep gebruik vir appelkose,

hoewel dit heelwat suurder sal wees.)

Ontpit en Sny vrugte fyn.

Kook die vrugte in bietjie water, 500 ml water vir sowat 5 kg vrugte.

Voeg 250 ml suiker by vir elke 500 ml water.

Kook net tot vrugte sag is en haal uit die water, gebruik die vloeistof vir koeldrank.

Maal die vrugte nou met ’n meule of voedselverwerker en keer dit uit op plastiek materiaal wat met olie gesmeer is, smeer dun uit. Laat droog in vol son. Dit neem sowat 2-3 dae.

Rol op wanneer droog. Sny kante mooi netjies, en bêre in lugdigte houers.

BOERMEISJES of JONGEMEISJES is appelkose in drank, gewoonlik in Gin of Wodka ingelê, soet en ferm ...

en BOERJONGE is weer geel taaipit perskes met pit en al ingelê in Brandewyn,  Rum of Konjak, styf en ferm...

lui die pittige oorlewerde grappies...

Was en sorteer jou vrugte, maak seker dat daar geen letsels of slegte merkies aan is nie, dit sal die bottel versuur of laat verrot.

Vrugte moet nog ferm wees en nie oorryp nie.

Die appelkose kan ontpit word en in halwes gebruik word, sommiges doen dit ook pit en al, maar ek verkies ontpit.

Prik jou vrugte met ’n  skerp tand vurk, en pak stewig in gesteriliseerde bottels.

Vul nou die bottels met drank van jou keuse. (Party maak die drank warm maar dan verslaan die alkohol)

Ek doen dit sommer net so koud.

Draai jou deksels styf op en laat staan vir 3 tot 4 weke op koel donker plek voor gebruik.

Party  kook ’n  kastrol met water en dompel die vol, verseëlde bottels vir halfminuut in die kokende water, laat afkoel en bêre dit steeds vir 3-4 weke voor gebruik, maar ek is maar bang vir die  metode, 'n bottel wat bars maak alles ’n onaangename affêre, en my koue proses het nog altyd goed gewerk.

Jy kan ook die vrugte eers net in suikerwater/stroop opkook, dit daarna in bottels pak en die bottels verder vul met die Gin of Wodka.

Maar ek het lg. nog nie uitgetoets nie!

’n Persoon wat nooit foute maak nie,

  Maak nooit énigiets nie!

                                  -Anoniem- 

 

5 DESEMBER

Linda skryf: Ek is op soek na sousboontjie resep en groente piekels!

Hi Linda!
Probeer gerus hierdie, dit is baie lekker!

SOUSBOONTJIES
RESEP 1

500 ml gaar, gespikkelde bone
125 g spekvleis, fyngesnipper
1 ui, gekap
50 ml bruin suiker
15 ml mosterdpoeier
5 ml sout
2 ml swartpeper
30 ml wynasyn
200 ml water of bone-aftreksel
Meng al die bestanddele saam en plaas in 'n vuurvaste oondskottel.
Bak dit vir 1 uur in 'n voorverhitte oond by 180C.

RESEP 2
Outydse sousbone vir kerstyd!
Week 500gr bone oornag
Spoel, bedek met water en kook tot sag.
Voeg by:
3/4 kp asyn
2 Etl suiker
2 Etl botter
Sout en peper na smaak

Kook vir nog 5 minute. Laat afkoel, bêre in yskas.
Dit vries ook uitstekend, laat oornag ontdooi en roer goed deur!

PIEKELS...
GROENTE

50ml sout
2 liter water
1 blomkool in blommetjies gebreek
4 wortels geskil en in skyfies gesny
2 uie grof gekap
4 brandrissies - ontpit en fyn gekap
2 knoffeltoontjies fyngedruk
1 liter olie
80ml atjar masala of gewone masala

Los sout in water op en sit wortels, blomkool en uie daarin.
Week vir 24 uur en dreineer en druk droog.
Verhit olie saam met rissies, knoffel en masala tot goed warm.
Meng groente en oliemengsel en sit in gesteriliseerde bottels.
Laat afkoel en verseël.
En sommer nog 'n hele klompie resepte
om mee te eksperimenteer!

KOOL
2kg vars kool, gekerf
1kg uie, gekerf
25ml kerriepoeier
12.5ml borrie
750ml asyn
750ml suiker
25ml sout
30ml mielieblom

Was kool en dreineer goed.
Kook kool, uie, suiker, sout en asyn saam tot kool sag is, maar nie pap nie.
Maak kerriepoeier, borrie en mielieblom met 'n bietjie asyn aan en voeg by
koolmengsel. Laat goed deurkook en bottel terwyl koolmengsel nog warm is.
Dit hou baie goed in die yskas.

KERRIE BOONTJIE-PIEKELS
2kg vars groenboontjies
500g uie, geskil en in skywe gesny
500ml kokende soutwater
375ml asyn
15ml sout
375ml suiker
30ml kerriepoeier
30ml koekmeelblom

Kerf boontjies en kook saam met die uie tot sag in die kokende soutwater.
Dreineer. Kook asyn, sout en suiker 'n paar minute.
Meng kerriepoeier en meel met 'n bietjie water, voeg by asyn mengsel en roer by matige hitte tot dik. Giet oor gedreineerde boontjies en uie en meng goed. Skep in gesteriliseerde inmaakflesse en verseël dadelik.

GEMMER - LEMOENWORTELS
80g suiker
5ml gemaalde gemmer
10ml mielieblom
60ml asyn
750ml gaar wortels, in blokkies of ringetjies
15ml olie
10ml gerasperde lemoenskil ( opsioneel)

Meng suiker, gemmer en mielieblom in 'n kastrol.
Voeg asyn geleidelik by en kook by lae hitte tot dik.
Voeg geelwortels en olie by en prut 10 minute stadig.
Voeg lemoenskil laaste paar minute by.
Skep dadelik in gesteriliseerde inmaakflesse en verseël.
Bêre in koelkas na oopmaak.

KNOFFELASYN
1 middelslag ui
3 medium tot groot knoffelhuisies
2 lourierlare
1 takkie dragon
3 heel kruienaeltjies
1ml gemaalde neutmuskaat
1ml sout
750ml wit wynasyn

Skil die ui en kap dit baie fyn.
Skil en kneus die knoffelhuisies.
Laat dit saam met die res van die bestanddele 3 weke lank in 'n toe glasfles in die son trek. Skud die fles af en toe.
Syg dit daarna deur en bottel en verseël die filtraat.

SLAPHAKSKEENTJIES
1.5kg dwerguitjies
150g gebleikte sultanas
125g wit suiker
250ml wit asyn
250ml water
125ml tamatiepasta
50ml sonneblomolie
2 ml sout
knippie rissiepeper

Skil die uitjies. Voeg die res van die bestanddele by en kook dit, aan die begin met die deksel op, maar later daarsonder, oor matige hitte totdat die uitjies sag en die sous dik is.
Bottel die uitjies warm en verseël dit dadelik.

PIEKEL EIERS
... piekeleiers saam met slaai, brood en kaas...
Dis ook heerlik saam met kouevleis of as skemerhappie.
14 hardgekookte eiers, afgedop;
4 rooi brandrissies, gehalveer en ontpit;
'n klein stukkie vars gemmerwortel, gekneus;
1 liter wit asyn;
5ml sout;
10ml peperkorrels.

Plaas eiers met rissies en gemmer in inmaakflesse.
Prut asyn vir 10 minute saam met sout en peperkorrels en laat afkoel.
Bedek eiers met asynmengsel en verseël onmiddellik.
Gebruik ná 4 weke.

HEEL GEPIEKELDE PERSKES
- kan ook gesnyde perskes wees, verkort net kooktyd
2kg meduim taaipitperskes , geskil heel naeltjies
500ml asyn
250ml water
450g suiker
3 heel kaneelstokkies
3 stukke steranys

Plaas 2 naeltjies in elke perske.
Plaas onmiddelik in ligte sout en asyn water.
Kook 3 minute in KOOKwater.
Pak in gesteriliseerde flesse, sodra stroop gereed is.

STROOP
Verhit die asyn, water en suiker saam, roer totdat suiker gesmelt is.
Laat 5 minute lank kook. Plaas kaneelstok asook steranys saam met perskes
in elke fles en gooi kokende stroop tot by die rand van die fles.
Perskes moet heeltemal bedek wees. Verseël...
Bedien saam met vleis.

GROEN PIEKEL BRANDRISSIE
600g brandrissie
15 swartpeper korrels
5 lourierblare
2 eetlepels koljandersade
5 teelepels sout
6 eetlepels strooisuiker
1 liter wit asyn
1 eetlepel paprika
1 teelepel borrie

Sny rissies oop en verwyder sade, indien verkies.
Gooi kookwater oor rissies en laat 1 minuut staan en dreineer.
Plaas rissies, peperkorrels, lourier blare, koljander en geurmiddels in fles.
Verhit suiker en asyn tot suiker gesmelt is en terwyl nog warm, maar nie kokend, gooi dit in fles, en bottel warm.

Op die aarde is daar geen hemel, maar daar is definitief stukkies daarvan! - Jules Renard

LESERS  NAVRAE : As jy nie jou navrae hier sien nie, is daardie vraag al reeds ook deur 'n vorige leser gevra en wel hier iewers beantwoord! Maar dan sou ek jou ook persoonlik eers geantwoord het! 


Hantie Skryf: ek gaan op n uitgebreide karavaan toer deur Suid Afrika het jy dalk vir my resepte wat ek kan maak wat vinnig gaan vir 2 mense. baie dankie

Hantie, Hantie!!

Spesiaal vir jou! Ons is self mal oor kamp, so ek heg graag vir jou kampkos en karavaankos resepte aan! Geniet dit!

Beste Groete !

 

Moira: n goulash resep wat bier bevat, het verskyn n week of drie terug ???

Beste Moira

Sjoe, ek pleit skuldig, maar ek spoor die resep waarvan jy praat glad nie op in die ARGIEWE nie, en gewoonlik is al die resepte wat reeds verskyn het daar! In die KAMMANUUS verskyn nou ‘n reeks oor geregte van die wêreld, maar ek dink nie dit het al daarin verskyn nie!

Ek sluit egter vir jou my gunsteling GOULASH resepte in, dalk is dit een van hulle?

 

Mooi wense en lekker kook!

(Met Apologie, ek weet nie meer by wie of waar ek dit gekry het nie! Dis slegs oorgetik en in my boek geplak en ek gebruik dit slegs as riglyn, want as jy een resep eenmaal gemaak het, maak jy daarna altyd jou eie variasie! Ek eksperimenteer gewoonlik met die groente wat ek op daardie stadium in seisoen het, en wees nou maar eerlik, enige “stew”  Potjiekos, of prut-gereg, met vleis, uie, soetrissies en paprika is maar ‘n “goulash”!!  Sjoe! Die kook-deskundiges sal my sekerlik hieroor oor die vingers raps!! )

 

BEES GOULASH MET BIER I

30 ml olie
750 g beesvleisblokkies
2 uie, grof gekap
3 knoffelhuisies, fyn gedruk
10 ml paprika
2 blikke (410 g elk) heel, geskilde tamaties
1 blikkie Bier
10 ml bruinsuiker
Sout en vars gemaalde swartpeper
125 ml suurroom of jogurt

Verhit olie in ’n swaarboompot en braai vleisblokkies bruin. Voeg uie en knoffel by en braai tot uie sag is. Voeg paprika by, braai liggies en voeg tamaties, bier, bruinsuiker, sout en peper by. Verhit tot kookpunt. Bedek pot, verlaag hitte en prut vir 1 ½-2 uur of tot vleis sag en sous dik is. Verwyder van hitte en geur na smaak. Roer suurroom deur. Sit voor op aartappels of pasta. Genoeg vir 4-6 mense.

 

BEES GOULASH MET BIER II

600 gr vleis blokkies

1 blikkie / botteltjie bier

paprika, sout en peper, rooi-peper, tiemie

2 rooi soetrissies in repies gesny

3 uie fyngekap

3 huisies knoffel gekap

2 aartappels in blokkies gesny

4 tamaties opgekap


Meng die vleis blokkies goed met die uie, knoffel en kruie. Soteer dit liggies in olie of botter tot mooi bruin. Gooi helfte van die bier oor mengsel en laat prut tot droog gekook. Voeg nou aartappels, tamaties, soetrissies en res van bier by en stowe verder tot alles sag en gaar is. Bedien met rys.

 

VOLSTRUIS GOULASH MET PORT, SAMPIOENE en KLEIN UITJIES

(Ek het dit nog net met bees-filet probeer)

1 e olyfolie
1 e balsamiekasyn
3 e port
1 ui, gekap
 
3 takkies vars roosmaryn, gekneus
1 e naeltjies en neutmuskaat
sout en peper, na smaak
 
1 kg volstruisfilet, in blokkies gesny (goulash)

Meng al die bestanddele saam en laat vleis oornag hierin marineer.

1 e botter 
125 g spekvleis, gekap
1 prei, gekap
 
1 kg volstuisvleis met die marinade
2 knoffelhuisies, gekneus
½ t naeltjies
sout en peper, na smaak
 
'n hand vol vars tiemie, gekap
‘n hand vol roosmaryn, gekap
 
500 g sampioene
 
125 g klein uitjies
 
60 ml vars room

Verhit botter in kastrol. Soteer spek en preie daarin. Voeg vleis en marinade by. Voeg al die geurmiddels by en laat prut 3-4 uur. Voeg die sampioene en uitjies by dertig minute voordat die kooktyd verby is. Haal vleis uit en sit sous terug op stoof. Voeg room by en kook tot verminder en verdik. Plaas die vleis terug in sous en laat deurwarm word. Skep warm goulash met sous, uitjies en sampioene op warm tagliatelle-pasta. (Hierdie resep het ek via die TV program PASELA afgeskryf!)

 

HONGAARSE GOULASH

(‘n mengsel van ‘n Nederlandse internet resep en my improvisering!)

Smelt 2 eetlepels Holsum vet – of olyf olie

Braai 2 groot gekapte uie, moenie dit karameliseer nie.  Strooi 1 eetlepel paprika (die Hongaarse soort as jou kruidenier dit aanhou) en pasop dat dit nie aanbrand nie.  Roer deur.

Neem 500g kook beesvleis, in blokkies opgesny, en saute dit in die pot.  Die vleis gaan begin vog afgee. Dis perfek. 

Gooi 2 huisies fyngekapte knoffel, 1 teelepel caraway sade, ‘n lourier of suurlemoenblaar, sout en peper by .

Gooi water in die pot wat die inhoud net-net bedek, sit die deksel op en prut vir so 1 ½ uur.

Na hierdie eerste kooktyd gooi jy 2 wortels in wieletjies opgesny, 2 Medium tamaties, opgesny, ‘n pakkie tamatie pasta, en 2 greenpeppers, in klein blokkies gesny by.

Gooi nog 2-3 koppies kookwater by, sit die deksel terug en prut verder tot wortels en vleis lekker sag maar nie pap is nie.

Bedien met ‘n lekker potbrood of maak kluitjies bo-op.

 

KLUITJIES

Klits 2 eiers, 3 ETL gesmelte botter en ¾ kp melk goed. Roer 2 kp bruismeel by. Skep lepelsvol bo-op die vleis, laat gaar stoom vir laaste 10 minute, hou deksel dig toe !

 

Voila!

Loraine Eksteen het geskryf: Goeiedag Retha, Ek het 'n oortrui begin brei wat in een van VKEUR uitgawes was en kan my boek nou nerens opspoor nie. HELP ASB!!

Liewe Lorraine!

Ek het dit vir jou! Met komplimente van VROUEKEUR! (Ongelukkig het ek nie die reg om die foto’s ook aan te heg nie! Die een het ‘n pragtige loserige V-hals-kraag en die ander een is ‘n lospassende/loshangende lae nek Polo-hals.)

Groetnis !

Dubbele breiplesier

Moeilikheidsgraad: matig

Dis weer breityd! Skop af met dié twee maklike oortruie

Benodigdhede

OORTRUI MET KRAAG

SIRDAR CLICK ARAN of ELLE ARAN (50 g-balle)

6(6;8;9;10)balle in kleur van jou keuse

Een paar 4 mm- en 5 mm-breinaalde

Steekhouers

OORTRUI MET LAE HALS

SIRDAR COUNTRY STYLE DK of ELLE DK (100 g-balle)

4(5;6;6;7;8)balle in kleur van jou keuse

Een paar elk 3,25 mm- en 4 mm-breinaalde

Steekhouers

Tensy aanbevole breidraad gebruik word, kan Saprotex nie vir die voltooide produk verantwoordelikheid aanvaar nie.

Mate

OORTRUI MET POLOHALS

Om borsmaat te pas van: 61-66(71-76;81-86;91-97;102-107)cm

Ware grootte: Bors: 71(80;90;101;111)cm

Volle lengte: 40(50;60;62;64)cm

OORTRUI MET LAE HALS

Om borsmaat te pas van: 81-86(91-97;102-107;113-117;122-127;132-137)cm

Ware grootte: Bors: 91(101;111;121;131;141)cm

Volle lengte: 65(67;71;75;79;83)cm

Aanwysings word vir die kleinste grootte gegee, met die groter groottes tussen hakies. Waar net een syfer gegee word, geld dit vir al die groottes.

Spanning

Spaar tyd, doen ‘n spanningstoets.

OORTRUI MET POLOHALS

18 ste en 24 rye = 10 cm oor koussteek met 5 mm-naalde

OORTRUI MET LAE HALS

24 ste en 36 rye = 10 cm oor pat met 4 mm-naalde

Vir die beste resultate is dit belangrik om die regte spanning te hê. As daar te min steke op die toetslappie is, gebruik dunner naalde; as daar te veel steke op is, gebruik dikker naalde.

Afkortings

alt – alternatiewe

aw – aweregs

beg – begin

cm - sentimeter

herh – herhaal

ks – koussteek

mm - millimeter

oorbl – oorblywende

pat – patroon

– regs

R1O – regs in onderste st

R(V)K – regte(verkeerde) kant

st(e) – steek(steke)

tes – tesame

vermin – verminder

vermeer – vermeerder

vlg – volgende

OORTRUI MET POLOHALS

Agterpant

Met 4 mm-naalde en duimmetode, stel 73(85;97;103;115)ste op.

1ste ry: r2, *aw3, r3, herh van * tot laaste 5 ste, aw3, r2.

2de ry: aw2, r3, *aw3, r3, herh van * tot laaste 2 ste, aw2.

Hierdie 2 rye sal nou na verwys word as 3x3-rif.

Gaan voort in 3x3-rif vir 6(7;8;8;8)cm, eindig met VK-ry.

Vlg ry: aw4(6;2;7;8), aw2tes, (aw6[4;4;6;5], aw2tes)8(12;15;11;14)keer, aw3(5;3;6;7).

64(72;81;91;100)ste.

Met 5 mm-naalde gaan soos volg voort:

1ste ry: r.

2de ry: aw.

Hierdie 2 rye sal nou na verwys word as ks.**

Gaan voort in ks (deurgaans) tot agterpant 37(47;57;59;61)cm lank is, eindig met VK-ry.

Skouervorming

Heg 6(7;8;10;11)ste aan beg van vlg 2 rye af.

52(58;65;71;78)ste.

Heg 6(7;9;10;11)ste aan beg van vlg 2 rye af.

40(44;47;51;56)ste.

Heg 7(8;9;10;12)ste aan beg van vlg 2 rye af.

26(28;29;31;32)ste.

Laat oorbl 26(28;29;31;32)ste op steekhouer.

Voorpant

Werk soos gegee vir agterpant tot **.

Werk in ks (deurgaans) tot voorpant 31(40;49;51;52)cm lank is, eindg met VK-ry.

Halsvorming

Vlg ry: r26(29;33;37;41), draai, laat oorbl 38(43;48;54;59)ste op steekhouer.

Werk slegs oor hierdie 26(29;33;37;41)ste soos volg:

Vlg ry: aw.

Werk 4 rye, vermin 1 st aan nekrand in elke ry.

22(25;29;33;37)ste.

Werk 5 rye, vermin 1 st aan nekrand in vlg en elke vlg alt ry.

19(22;26;30;34)ste.

Gaan voort sonder om te vorm tot voorpant 37(47;57;59;61)cm lank is, eindig met VK-ry.

Skouervorming

Heg 6(7;8;10;11)ste af, r tot einde.

13(15;18;20;23)ste.

Vlg ry: aw.

Vlg ry: heg 6(7;8;10;11)ste af, r tot einde.

7(8;9;10;12)ste.

Vlg ry: aw.

Heg oorbl 7(8;9;10;12)ste af.

Met RKV, werk oor oorbl 38(43;48;54;59)ste, gl12(14;15;17;18)ste op steekhouer, heg draad aan oorbl 26(29;33;37;41)ste en r tot einde.

Vlg ry: aw.

Werk 4 rye, vermin 1 st aan nekrand in elke ry.

22(25;29;33;37)ste.

Werk 5 rye, vermin 1 st aan nekrand in vlg en elke vlg alt ry.

19(22;26;30;34)ste.

Gaan voort sonder om te vorm tot voorpant 37(47;57;59;61)cm lank is, eindig met RK-ry.

Skouervoming

Vlg ry: heg 6(7;8;10;11)ste af, aw tot einde.

13(15;18;20;23)ste.

Vlg ry: r.

Vlg ry: heg 6(7;9;10;11)ste af, aw tot einde.

7(8;9;10;12)ste.

Vlg ry: r.

Heg oorbl 7(8;9;;10;12)ste af.

Polohals

Werk regterskouernaat toe. Met RKV en 4 mm-naalde tel op en r20(22;23;23;26)ste eweredig langs linkerkant van nek, 12(14;15;17;18)ste oor op steekhouer aan voorkant van nek, 20(22;23;23;26)ste eweredig langs regterkant van nek en 26(28;29;31;32)ste oor op steekhouer aan agterkant van nek.

78(86;90;94;102)ste.

1ste ry: r2, *vermeer in vlg ste aweregsgewys, aw1, vermeer in vlg st regsgewys, r1, herh van * tot laaste 4 ste, vermeer in vlg st aweregsgewys, aw1, r2.

115(127;133;139;151)ste.

Begin met 2de ry van 3x3-rif, werk tot polohals 13(14;15;15;15)cm lank is, eindig met VK-ry.

Heg in rif af.

Mousgatrande (dieselfde)

Werk linkerskouer- en polohalsnaat toe, werk aan verkeerde kant vir omslaan. Plaas merkers 17(19;22;24;26)cm van skouernate af aan sykante van voor- en agterpante om mousgate aan te dui. Met RKV en 4 mm-naalde, tel op en r79(85;97;109;115)ste eweredig tussen mousgatmerkers aan voor- en agterpant. Begin met 2de ry van 3x3-rif werk 3(3;4;4;4)cm, eindig met VK-ry.

Heg in rif af.

Om te voltooi

Werk sy- en mousgatnate toe. Lê trui uit volgens mate, bedek met klam lap en laat om droog te word. Sien verpakkingsmateriaal vir versorgingsinstruksies.

OORTRUI MET LAE HALS

Agterpant

Met 3,25 mm-naalde en duimmetode, stel 118(134;146;158;170;186)ste op.

1ste ry: r2, *aw2, r2, herh van * tot einde.

2de ry: *aw2, r2, herh van * tot laaste 2 ste, aw2.

Hierdie 2 rye sal nou na verwys word as 2x2-rif. Werk in 2x2-rif vir 10(10;10;12;12;12)cm, eindig met RK-ry.

Vlg ry: rif 10(6;6;6;6;4), rif2tes, (rif10[8;9;10;11;9], rif2tes)8(12;12;12;12;16)keer, rif10(6;6;6;6;4).

109(121;133;145;157;169)ste.

Met 4 mm-naalde gaan soos volg vort:

1ste ry: r.

2de ry: aw.

3de ry: aw1, *r1, aw1, herh van * tot einde,

4de ry: r1, aw1, *R1O, aw1, herh van * tot laaste st, r1.

Van 1ste tot 4de rye stel pat vas **

Gaan voort in pat soos vasgestel (deurgaans) tot agterpant 65(67;71;75;79;83)cm lank is, eindig met VK-ry.

Skouervorming

Heg 17(20;23;25;28;29)ste in pat aan begin van vlg 2 rye af.

75(81;87;95;101;111)ste.

Heg 18(20;23;25;28;30)ste in pat aan begin van vlg 2 rye af.

39(41;41;45;45;51)ste.

Heg oorbl 39(41;41;45;45;51)ste in pat af.

Voorpant

Werk soos gegee vir agterpat tot **.

Gaan voort in pat soos vasgestel (deurgaans) tot voorpant 30(30;32;34;36;38)cm oak is, eindig met VK-ry.

Verdeel vir nek

Vlg ry: pat 47(52;58;63;69;75), draai, laat oorbl 62(69;75;82;88;94)ste op steekhouer.

Werk slegs oor hierdie 47(52;58;63;69;75)ste, gaan soos volg voort:

Vlg ry: pat.

Werk 111(91;91;61;61;33)rye, vermin 1 st aan nekrand in vlg en elke vlg 10(10;10;10;10;8)ste ry.

35(42;48;56;62;70)ste.

Vir slegs 2dee, 3de, 4de, 5de en 6de groottes

Werk (24;24;72;72;110)rye, vermin 1 st aan nekrand in elke vlg (12;12;12;12;10)de ry.

(40;46;50;56;59)ste.

Vir al 6 groottes

Gaan voort sonder om te vorm tot voorpant 65(67;71;75;79;83)cm lank is, eindig met VK-ry.

Skouervorming

Vlg ry: heg 17(20;23;25;28;29)ste in pat af, pat tot einde.

18(20;23;25;28;30)ste.

Vlg ry: pat.

Heg oorbl 18(20;23;25;28;30)ste in pat af.

Met RKV heg draad aan oorbl 62(69;75;82;88;94)ste en gaan soos volg voort:

Vlg ry: heg 15(17;17;19;19;19)ste in pat af, pat tot einde.

47(52;58;63;69;75)ste.

Vlg ry: pat.

Werk 111(91;91;61;61;33)rye, vermin 1 st aanb nekrand in vlg en elke vlg 10(10;10;10;10;8)ste ry.

35(42;48;56;62;70)ste.

Vir slegs 2de, 3de, 4de, 5de en 6de groottes

Werk (24;24;72;72;110)rye, vermin 1 st aan nekrand in elke vlg (12;12;12;12;10)de ry.

(40;46;50;56;59)ste.

Vir al 6 groottes

Gaan voort sonder om te vorm tot voorpant 65(67;71;75;79;83)cm lank is, eindig met RK-ry.

Skouervorming

Vlg ry: heg 17(20;23;25;28;29)ste in pat af, pat tot einde.

18(20;23;25;28;30)ste.

Vlg ry: pat.

Heg oorbl 18(20;23;25;28;30)ste in pat af.

Nekband

Regterkant

Werk skouernate toe. Met RKV en 3,25 mm-naalde begin aan binnerand van afhegste aan voorkant van nek, tel op en r127(131;139;145;153;161)ste eweredig oor regterkant van nek en 20(20;20;22;22;26)ste tot in middel van nek agter.

147(151;159;167;175;187)ste.

1ste ry: aw2, *r2, aw2, herh van * tot laaste st, r1.

2de ry: aw1, *r2, aw2, herh van * tot laaste 2 ste, r2.

1ste en 2de rye stel rif vas.

Werk in rif vir 6(7;7;8;8;8)cm , eindig met VK-ry.

Heg in rif af.

Linkerkant

Met RKV en 3,25 mm-naalde begin in middel van nek agter, tel op en r20(20;20;22;22;26)ste eweredig tot by skouer en 127(131;139;145;153;161)ste eweredig oor linkerkant van nek.

147(151;159;167;175;187)ste.

1ste ry: r1, *aw2, r2, herh van * tot laaste 2 ste, aw2.

2de ry: r2, *aw2, r2, herh van * tot laaste st, aw1.

1ste en 2de rye stel rif vas.

Werk in rif vir 6(7;7;8;8;8)cm, eindig met VK-ry.

Heg in rif af.

Mousgatrande (dieselfde)

Plaas merkers 21(23;25;27;29;31)cm van bokant van skouers af aan voor- en agterpant. Met RKV en 3,25 mm-naalde tel op en r110(122;134;146;154;162)ste eweredig tussen merkers. Begin 2de ry van 2x2-rif, werk 6 cm, eindig met VK-ry.

Heg in rif af.

Om te voltooi

Werk sy- en mousgatnate toe. Werk naat in middel van nek agter toe. Plaas regter- oor linkerkant, werk syrande van nekband in posisie oor afhegste aan voorkant van nek. Lê trui uit volgens mate, bedek met klam lap en laat om droog te word. Sien verpakkingsmateriaal vir versorgingsinstruksies.

 

ErikaMy kind moet 'n taak maak met die verskil tussen botterbroodjies en muffins en die bakproses, en drie verskillende apparater warmee filterkoffie berei kan word. Help, groot asb!

Liewe Erika, ‘n Liewe Niggie in die familie is ‘n kookdeskundige, en sy het my met die antwoord gehelp! Dankie Marelie!! Sy laat weet:

Liewe Tannie, Kom ons begin met die maklikste eerste…

Volgens wat ek kon kry in my handboeke en op Google (my beste maatjie) kry n mens n vakuum brouer, perkulator en plunjer…

In verband met die botterbroodjies (skons) en muffins is albei deel van Vinnige brode “Quick breads” wat beteken dat hul albei van chemiese rys agente“chemical leavening agents” gemaak word wat koeksoda “baking soda”en bak poeier“baking powder” is. 

Onder quick breads is daar drie tipes meng tegnieke naamlik Koekies metode “Biscuit method”, Muffin metode “Muffin method” en Roommetode “Creaming method”.  ‘n Skon word van die Biscuit method gemaak en die doel is om n “light, flaky and tender” eind produk te kry.  Die prosedure vir die Biscuit method is soos volg.

1.Weeg en meet al die bestandele

2.Sif die droë bestandele saam

3.Sny die vet in die droë bestandele in, die vet moet in ‘n solide vorm wees.

4.Meng die vloeistowwe saam, insluitend die eiers

5.Voeg die nat bestandele saam met die droë bestandele en meng.  Moet 

nie oor meng nie dit veroorsaak dat die eindproduk taai is en dit belemmer die rys van die produk.

6.Knie die deeg 10 tot 15 keer ( 20-30 sekondes).  Die deeg moet sag 

en elasties wees maar nie taai nie.

7.Die deeg kan nou gevorm en gabak word.

Vorm en bak proses

1.Rol die deeg uit oor n oppervlakte met meel oor, tot n dikte van 

1.2-1.8 cm.  Roll dit eweredig uit, die eindproduk gaan dubbel in hoogte wees na gebak.

2.Sny die deeg in die gepasde vorm.  Sny reguit af en moet nie die 

vorm “twist” nie dit belemmer die rys.

3.Plaas die vormpies op n gesmeerde pan.  Hoe nader die vorms aan 

mekaar is, hoe sagter gaan die eindproduk wees, vir ‘n “crusty” kant, sit die vormpies verder van mekaar af weg.

4.Druk die oorblywende deeg saam en rol weer uit.  Dit kan net een 

keer gedoen word.

5.Bak dadelik in ‘n warm oond

6.Koel die eindproduk af voor bediening

‘n Muffin word weer met die Muffin method gemaak  die doel is om ‘n “tender product with an even shape and even distribution of fruits, nuts or other ingredients” te kry.  Muffin metode:

1.Weeg en meet al die bestandele

2.Sif die droë bestandele saam

3.Kombineer die vloeistowwe, dit sluit die gesmelte vet of olie in

4.Voeg die nat bestandele by die droë bestandele en roer net tot 

gemeng.  Moet nie oor meng nie.  Die beslag sal klontereg wees as gevolg van die neute, vrugte of ander bestandele.

5.Die beslag is nou reg om gedeel en gebak te word.

Vorm en bak:

1.Smeer die muffin pannetjie

2.Skep eweveel beslag in elke pannetjie

3.Bak

4.Koel die eindproduk af voor bediening

Let ook asseblif op dat as daar na skon verwys word praat ons van deeg en as ons na muffin verwys praat ons van beslag… die verskil gaan oor die water inhoud van die twee. 

Bron:LABENSKYS.R & HAUSE, A.M. 2007. On Cooking. 3th  Edition. Prentice

Hall: New Jersey

Die volgende webwerwe vind ek ook behulpsaam!

http://www.afrikaanseskoolprojekte.co.za/

http://openpdf.com/ebook/gasvryheidstudies-pdf.html

http://www.mpumalanga.gov.za/education/past_matrci_papers/grade10_2006/Hospitality%20Studies/Afrikaans/FINAAL%20Gasvryheidstudies%20-%20Loods%20Nov%2006.pdf

http://www.impakonderwys.co.za/images/Gasvryheidstudie%20Junie-eksamen%20G10%20K2.pdf

http://www.futureentrepreneurs.co.za/uploads/lessons/AFR/Gr10/Graad10_Gas_Final.pdf

http://www.impakonderwys.co.za/images/Gasvryheidstudie%20Studiebrief%20G10%20K2.pdf

http://openpdf.com/ebook/gasvryheidstudies-pdf.html

 

http://www.guidelines.co.za/cat-search.aspx?count=280&Ssearch=

Mareta: Hoe bewaar ek droe bone sodat daar nie miet inkom nie. Ook droe vrugte asb.

Beste Mareta!

Dankie vir jou navraag!

Wat ek met sukses gebruik en wat sover vir my help is 'n stuk gewone wit kers. Ek breek stukke af en plaas dit tussen my rys, mieliemeel ens. in 'n lugdigte bottel of Tupper-houer.

Ek het ook al droë Lourierblare met sukses i.p.v kerse gebruik. My hawermout hou ek egter in die yskas, ek kan nie onthou hoekom nie! Of dit steeds miet ingekry het en of ek dit bloot daarin begin sit het oor die houer so gerieflik in die yskasdeur vir die kinders gepas het om hul eie "oats-pap" of "ouma-see-pap" soos hul dit genoem het, te kon maak, weet ek nie, maar ja, dit bly steeds in die yskas...

My droë vrugte gebruik ek te gou op! Maar ek hou gewoonlik myne ook in die yskas en my dadels sommer vir maande in die vrieskas. Ons koop gewoonlik 'n paar kilogramme as ons byPella verbygaan en dis te kosbaar om versmaai te word! Dan "ontdooi" ek dit teen kamer temperatuur en dis piekfyn. Vanweë die hoë suiker inhoud, vries dit nie werklik nie en ontdooi dit dus baie gou. Hoop dit help ook vir jou, laat weet gerus!

Colleen ClaassenHi daar, Ek het vandag eers op julle werf aan gekom en dit is stunning. Ons is in die proses om te verhuis na Upington, ek het gister in die Landbouweekblad gelees van die sonstoof.  Ek is bitter nuuskierig hoe die potte en die stoof lyk en het gewondr of U my dalk 'n prentjie of meer kan vertel?  Lekker dag!!!

ColleenEk is so bly jy het op ons werfie beland!

Ek is self besig om te verhuis, nie ver nie maar soos jy weet bly dit chaos! Oe Upington is 'n heerlike plek! Ons is ook Noord Kapenaars en dis die beste provinsie in ons land! Skoon lug, baie son, water, goeie grond, veiligheid en stilte....

Wil jy nie asb op die GISTER OP DIE AGTERGROND bladsy gaan loer nie, heel onder iewers was daar iets en resepte oor 'n sonstoof, ook 'n webwerf se adres waar jy meer kan oplees!

Hoop dit sal jou help, laat weet as jy nie regkom nie dan stuur ek dit vir jou aan sodra ek kansie kry!Mooi dag en beste groete!

Louise: Beste Retha

Ek het vandag vir die eerste maal by jou webwerf uitgekom – en was dit nou vir jou ‘n fees!!  Baie dankie vir al die kosbaarhede wat jy met ander deel – dit word gekoester. Ek kon net nie die ingelegde komkommer resep raaklees by die argiewe nie – dalk was daar te veel ander goed wat my oë op gefokus het – sal jy dit asseblief vir my kan stuur.  Ek het gehoor dat ‘n mens ook Engelse komkommers soos agurkies in stroop kan kook – sou dit graag wou probeer omdat agurkies nie so geredelik beskikbaar is nie. Sal van nou af gereeld op jou webwerf rondstap – geniet jou beskrywing van die Karoo ongelooflik – en ja, jy het beslis ongekende talent – dankie dat jy die mooi van die lewe metander deel.  Mooi bly en geniet die wonderlike plaaslewe – mal oor jou foto waar jy die ou bokkie so voer!  God skenk ons soveel vreugde – ons moet net altyd daarvan bewus wees – want ons vind dit oral! Seënwense

Louise , Dankie vir jou heerlike brief! Ek help graag!

GEBOTTELDE AGURKIES

3 bottels (750 ml) asyn

1 bottel water

1/2 kp sout

1/2 kp suiker

1/2 pakkie " Pickling-Spice"

Was jou klein komkommertjies goed af, dreineer alle oortollige water, en pak dit rou en styf in jou bottels.

Kook bs. en gooi dit kokend oor die gebottelde agurkies of jong komkommers. Bottel warm deur dadelik die deksels op te draai,keer die bottels om en laat afkoel voor jy dit was en wegpak. As jou komkommers al te groot raak, kan jy dit was en in skyfies sny en dan ook soos hierbo bottel.

Probeer OOK die volgende:

3 kg vars agurkies of komkommer skyfies

6 kp asyn

6 kp suiker

1 Etl borrie

3 Etl kerrie

6 uie gekap

Aromat na smaak

1 pakkie "Pickling-Spice"

3 rooi "green peppers"

Braai uie. Voeg kerrie en borrie by, roer goed deur.Gooi asyn en ander speserye by, kook. Gooi agurkies of skyfies komkommer by en laat vir so 2-3 minute deurkook. Bottel warm.

En OOK die volgende is heerlik:

4 groot uie in ringe gesny

1 groot Engelse komkommer in ringe gesny

Kook 1 kp water, gooi uie en komkommer by en kook 10 minute tot droog.

Voeg nou by: 1 kp asyn

1 kp suiker

2 Etl kerrie

2 Tl mosterd poeier

1 tl pietersielie en tiemie opsioneel

Kook tot suiker opgelos en deurgekook is. Moenie weer droogkook nie!

Meng 2 Etl mielieblom met 1 kp asyn en gooi dit by,kook tot verdik.

Bottel dadelik warm. Geniet jou komkommers!

Jakkie JoubertWaar kan ek Eier poeier koop (gedroogte eier)Groot asseblief

Hi JakkieJy kan eierpoeier koop by CAMPO in Krugersdorp! (Weet nie waar jy is nie!) En ook by ander uitgesoekte kamp / outdoor verskaffings plekke... en as jy by 28 November op die GISTER ... bladsy op die werfie gaan loer, vertel ek jou ook hoe om jou eie te maak as jy sou wou!

Mooi dag en beste groete!

Alta VisserHiasinte - is dit 'n plant of onkruid.  Waar tref mens dit aan? Wel Alta, Water Hiasinte is 'n onkruid wat die suurstof uit ons damme en mere steel en so die water lewe  stadig maar seker vernietig.  Hiasinte , egter met hul lieflike wit, pers, blou of pienk  welriekende blomme, is winter bolle wat begin blom sodra die lente aanbreek en jy kan dit gerus aanplant. Jy kan dit ook as fokusplant  in die huis  gebruik, plaas bv. 3-4 bolle op wit spoelklippies in 'n mooi glasbak, en vul met water om die klippies te bedek maar die bolle moet net-net aan die water raak sodat dit wortels kan vorm en die bolle aan die klippies kan anker. So sien jy die wortelgroei en dit word 'n baie mooi  binnenshuise plant. Wanneer dit klaar geblom het  kan jy die bolle in die tuin gaan uitplant tot volgende jaar. Jy kan by enige kwekery of supermark wat bolle aanhou daarvan te koop kry. Ek dink dit is 'n uitheemse plant en wel afkomstig van Holland. 

ISAURA: ek is op soek na ou resep hoe om boer seep te maak.

Ek kon vir Isaura antwoord en haar ook herlei na die GISTER op die AGTERGROND bladsy waar resepte  verskyn... en

daleenvanas@yahoo.com het juis geskryf en gesê:  Iemand het navraag gehad oor boereseep, ek maak en verkoop nog die regte outydse boereseep - kontak my gerus!

Carin de Beerdiabetiese beskuit resep asb!

Hi Carin! Probeer gerus hierdie een! Daar is wel suiker by, maar omdat dit so hoog in semels is, is dit Gi-Goed!

En mens kan nie juis teveel daarvan eet nie! Uitstekend vir die maag! Dit is baie bros hoor!

9 kp semels

2 kp bruismeel

3 kp NuttyWheat

1 ½ kp suiker(gebruik plaasvervanger soos natreen of Huletts se Suger-lite...)

1 groot hoë Etl bakpoeier

1 desertlepel sout

500 g botter

4 eiers

500 ml melk

3 desertlepels asyn

Meng droë bestandele.

Vryf die botter in die meelmengsel in.

Meng al die vloeistof bestandele en roer by bs.

Druk vas in oondpan

Bak vir 40 min teen 180 grade C.

Droog uit.

Ek heg ook vir jou die beste uittreksels van ‘n interesante webbladsy aan dalk wil jy inteken by hulle?...jul ander kan my ook kontak as jul meer hieroor wil weet...

En laastens, ‘n spesiale Dankie aan ons Burgemeister Hennerik, wat vir my ook via die werfie se navrae-blokkie laat weet het: Jou webtuiste is regtig wonderlik en ek is moerse trots op jou en jou eindelose entoesiasme! Wel gedaan rietbok!

Onthou jul, Marie Burger het gevra:

Waarom bars pasteie wat met broskors deeg gemaak partymaal in die vrieskas ? Wel Marie, Jy het seker gedink ek het heeltemal van jou vergeet? Moenie glo nie! Kyk watter ander raad het ek vir jou opgespoor!

RETHA van SOMAAKMENS, en SOMAAKMENS se FAN BLADSY op FACEBOOK, se VRIENDE het gereageer! Hoop dit help!

1. Gert Myburgh het laat weet: Ontdooi deeg in yskas.....dis die geheim

2. Ursula Steyn sê weer:  As dit klaar gemaakte pasteie is van broskors deeg, sou ek raai dat die vrieskas miskien te koud gestel is of dit kanwees dat die deeg 'n bietjie te veel meel in het.

3. Annique Victor Strepies het gesê: Roudeeg moet goed in kleefplastiek toegedraai word-vir 2-3 dae in yskas, ontdooi deeg voor uitrol anderskraak dit.

4. Linda Fouche het laat weet: Ek dink dis die vetterigheid van die botter wat met die vogtigheid van die yskas in aanraking kom wat dit veroorsaak, want as jy water en botter  in 'n pan gooi, dan skei dit mos, en ek dink dit kan dalk die rede wees hoekom die deeg dan kraak.

Laat weet gerus of dit jou help!

Hantie skryf: ek gaan op n uitgebreide karavaan toer deur suid afrika het jy dalk vir my resepte wat ek kan maak wat vinnig gaan vir 2 mense.

baie dankie

Beste Hantie...ek hoop jy hou van die resepte wat ek aangestuur het, en kan dit gebruik! Gaan loer ook tussen die resepte op die Argief bladsy, daar is al heel lekker dinge wat jy met sukses op kamp kan maak...ons is self lief vir kamp en kampkos!Hou ons gerus op hoogte van wat jy maak en waar jul dit eet! Die plek maak mos dikwels die maal! En gaan die rekenaar saam? Met SO MAAK MENS naby het jy nie eers nodig om 'n resepte boek te pak nie! Groetnis!

Hester Kruis skryf: Hallo, Ek is op soek na respte vir die volgende; inlê van groen rissies, engelse komkommer asook 'n resep om brandrissie soos 'n patee te maak. Ek hoop iemand sal my kan help.

Natuurlik Hester sal iemand jou kan help! Die komkommer resep kan jy in die ARGIEF kry, en die rrrrrregte  rrrrrissie  patee rrrresep soek ek nog vir jou!

Miems Vorster het geskryf: Ons beplan 'n groentetuin by ons huis in Benoni.  Watter groente kan nou geplant word?  Groete

Liewe Miems, ek het vir jou goeie raad in ons TUINHOEK, sal jy daar gaan snuffel ook?

Hetty Openshaw het  gesoek na : Hoesstroop resepte!

Hetty, Hoop ek kan jou hiermee help! My ouma se resepte lui:

1. Kook 250 ml asyn met 12.5 ml naeltjies vir sowat 6 minute, syg deur, voeg by  die naeltjie-asyn 250 ml suiker  en kook daarvan ‘n dunnerige stroop. Laat afkoel, en bottle.

Gebruik 5 ml soos nodig.

2.Rooster afgedopte sonneblom sade soos koffiebone, en maal dit dan. Maak  hiervan ‘n kp “sonneblom-koffie”. Versoet met suiker of heuning. Drink vryelik.

3.Meng 1 Etl Rum, ½ Etl Terpentyn-spiritus (Turlington’s) en 1 Etl heuning. Meng goed, en gebruik as SMEERMIDDEL op bors, rug, polse en onder voetsole.

4. Meng 15 druppels Ipecuana Wyn en 10 druppels Paragorie

Gee snags op suiker of in bietjie water.

Jy kan dit tesame met brorsdruppels ook in gouestroop inmeng en so daarvan gebruik.

5. Meng 2 Etl Brandewyn, ½ kp  heuning en 3 Etl suurlemoensap deeglik, en gebruik soos nodig.

6. Kook ‘n hoesstroop van 2 kp Wildeals, ( gebreekte blare en takkies)  en een 20 cm takkie Wynruit en 1 kp suiker in 1 liter water.Kook dit saggies op matige vuur vir sowat 1 uur tot daar sowat ‘n kwart verdamp het en dit ‘n lekker stropie gekook het.

Gebruik soos nodig.

www.MasterHerbRemedies.com. Gee die volgende rate:

Herbal Cold and Flu Remedies

My granny used to say that "If you take medicine for a cold, you will be cured within seven days, and if you don't, you will be cured within a week." But the common cold is the cause of considerable misery, especially at this time of the year. Searches for its cure are like searches for the Holy Grail. Fortunately herbs, when used as part of a well planned natural treatment protocol, have much to offer. In this weeks newsletter I want to introduce you to 5 herbs that you should consider learning about this year.

Cayenne (Capsicum sp.)

Chillies, especially Jalapeno, are probably the best, most available and most effective antiviral. Unfortunately, unless you are used to taking it, your digestive tract won't tolerate enough cayenne to treat your virus infection. Try to integrate more chillies into your diet before you get sick. Then, when you need it, you'll have a better tolerance for high doses. To get accustomed to the heat of chilli try a glass of water or milk with a few drops of Tabasco sauce on a daily basis. Gradually increase the drops. You can grow your own chilli plants or you can buy chillies from your green grocer.

Echinacea (Echinacea sp.)

Taken frequently, and in sufficient quantities, this is undoubtedly the best herb to take during the early stages of your cold. It is not an antibiotic - it does not kill germs. Instead, it works by stimulating the production of white blood cells, accelerating their maturity, and speeding their travel to the area of infection where they fight off the invaders. You can also take echinacea in small quantities before you get a cold (especially when everybody around you is getting sick) to help build your immunity. Take echinacea as an infusion or as a tincture. Both are available from health shops. You can also grow your own.

Elderberry (Sambucus nigra)

Elderberry has been used for centuries to treat colds and flu. Recent research indicates that elderberry fruit extract may de-activate cold and flu viruses by preventing them from replicating (they must reproduce or else they can't infect the body.) Although this finding is exciting it only proves what millions have known for ages - it works for colds and flu. It is best taken at the first signs of a cold either as an infusion, tincture or capsules. Discontinue use as soon as your symptoms subside. Available from health shops. Don't try to grow your own in South Africa, it's very invasive.

Garlic (Allium sativum)

Garlic is sometimes referred to as a truly natural antibiotic as it can destroy foreign bacteria without any side effects. Its antimicrobial properties stem from the substance allicin, a potent antibacterial agent that is released when garlic cloves are cut or bruised. The volatile oil containing the allicin is excreted via the lungs. This explains why garlic is so successful in combating respiratory infections such as chronic bronchitis, catarrh and recurrent colds and flu. Garlic is best when fresh but it can also be taken in capsule form. But make sure that the capsules contain natural allicin - the synthetic alternatives are useless. Many people use it daily as a tonic to maintain health and to prevent recurrent respiratory infections. About 4 g fresh garlic (one medium sized clove) daily is recommended for tonic use, or if you prefer capsules, one capsule twice daily. For a therapeutic dose use one clove three times a day. Obtain it from your grocer or try and grow your own.

Ginger (Zingiber officinalis)

Ginger, either freshly grated or powdered, taken as a tea induces sweating and elimination. Hot ginger tea (or my favourite - ginger brandy made with a prima quality 10 year old brandy and fresh ginger root) also supports and tonifies the stomach, spleen and large intestine and it improves bowel function. It is a classic immune system and respiratory tonic. Ginger will also provide relief for virtually all of your cold symptoms - fever, sinus congestion, sore throat, stomach ache and nausea. Available from you grocer or supermarket as fresh root, ginger powder or tincture (Lennon's Jamaica Gemmer.)

 

www.ageless.co.za/herbal_remedies.htm seg:

For Colds use: bergamot, echinacea, elderflower, ginger, lemon thyme, maidenhair fern, marjoram, pineapple sage, rose hip, rosella, sage, violet, yarrow Colic anise, caraway, cardamom, catmint, chamomile, fennel, lemon grass, lemon verbena, melissa, mint, peppermint, rose hip, strawberry Colitis calendula, melissa, mint 

For Coughs use: anise, bergamot, borage, buchu, clover, elderflower, ginger, lemon thyme, maidenhair fern, marjoram, mullein, rose hip, rosella, violet Cramps lemon grass, mint, gotu kola, peppermint  
 
MARINDA  wou weet wat help vir 'n lekblaas? Bekken en kegel-oefeninge vriendin! En ek hoop die boererate wat ek aangestuur het het iets gehad wat kon help? 
M Pollock het laat weet dat koeksoda ook help teen miertjies en kokkerotte, en dat eierpoeier gekoop kan word by CAMPO in Krugersdorp!
Ook, dat suurlemoensap en gerasperde ui gemeng wondere verrig met BRANDWONDE ! Eet dan ook baie rou uie, tamaties en borrie, dis anti-inflamatories en 'n natuurlike antibiotikum.  Dankie mens!
CARIEN van HEERDEN van Wesselsbron wou weet of sy nog spinasie kan plant, al is die herfs al in die laat middel? Carien, jou antwoorde wag vir jou in die TUINHOEK! 
Daar was bv. Madel Brand, wat geskryf het: Ek is op soek na 'n outydse Boerseep resep, nie vir oorlewering nie, maar omdat ek dit graag wil maak, want my ma sweer daar is geen ander seep wat vlekke so lekker lig nie.
Jan, wat hulp gevra het met sy: Ek weet nie of ek uit my pad is nie maar ek soek raad wat werk vir klein swart miertjies
Schalk se: My vrou ken van KFC Family Super Variety Bucket en Hungry Jack's Double Whopper Burgers. So eg Ozzie. Vir 'n Ozzie Burger sit jy net beet en eier by.Ons maak ons eie biltong, en stoei nog met die sout, asyn, speserye en tydsduur vir elkeen. Maar die biltong verdwyn, so dit proe al heel gangbaar!
Rika West wat destyds ‚n Yogurt-plantjie gesoek het, het my op die spoor gebring na my soektog vir haar op die KEFIR kulture, dis is  aangeskaf en ek kan nou al hieroor berig ek is nou ook al sowaar ‚n KEFIR-MEISTER!!
Susanna het so gesoek na die wafel-sous resep wat sy verloor het, en SASKO / Snowflake het die presiese resep gehad vir die wafel sous resep wat sy gesoek het! Opgespoor! Dit was by albei al geplaas en is dieselfde. Sy het laat weet dit was reg!
250 ml bruinsuiker
50 g botter
250 ml melk
25 ml vlapoeier
1 ml sout
5 ml karamelgeursel
Karamelliseer bruinsuiker ne botter effens tot dit begin bruin word.
Verwyder van hitte en voeg 200 ml verhitte melk geleidelik by. Roer tot suiker opgelos is.
Meng vlapoeier, sout en orige melk tot gladde pasta en voeg by melk.
Verhit tot mengsel begin kook en verdik. Kook sowat 3 minute.
Verwyder van hitte. Voeg geursel by.
Voila! 

Thea Fouche het gevra: Ek wil beet inlê en soek asseblief 'n resep.

Wel Thea, SO MAAK JY! GEBOTTELDE GEMMER-BEET (Ouma Leen)

500ml suiker

500 ml water

750 ml asyn

3 ml gemmer

5 ml kaneel

Sout en peper na smaak

2 bossies beet ( sowat 12)

Kook beet tot gaar, verwyder skil en sny of rasper. Kook res van bestandele saam. Voeg beet by en laat weer opkook.As jy dit bietjie meer wil bind, kan jy 1 Etl Maizena byroer net voor jy dit bottel.

Bottel warm.

En Dan uit:E-Boek:  EGTE AFRIKAANSE RESEPTE, my variasie!

BEET-ATJAR

Meng en bring 2 kp bruin asyn,  en 3 kp suiker tot kookpunt. Voeg dan by: 6 kp gaar beet in blokkies gesny en 2 uie redelik fyn gekap.

Meng die volgende en voeg by kokende mengsel: 3 tl kerrie, 1 tl tiemie,1 tl sout, en kook alles vir nog sowat 10 minute, voeg dan 45 ml maizena by en kook deur tot verlangde dikte. Bottel warm.

OF

BEET-BLATJAN

 2 groot bossies beet

8-10 uie

6Etl Kerrie

1.5 kg suiker

1.5 l wit asyn

Sout en peper na smaak

3 Etl olie

4 Etl Maizena

Kook beet tot gaar, rasper. Braai uie in olie tot ligbruin.Voeg by beet. Voeg res van bestandele by, bring tot kookpunt. Meng die Maizena met bietjie water en voeg egter laaste by, roer tot verdik. Bottel.

 

KRUIE-ASYN-BEET

1 kg beet, sag gekook, gerasper of in skyfies gesny.Pak in gesteriliseerde bottels.

Kook die volgende vir sowat 5 minute saam : 1 kp water

2 kp suiker

1/2 tl gemmer

1/4 tl kaneel

4 kp asyn

Sout en peper na smaak.

Gooi kokende asyn-mengsel oor beet, en bottel warm.

SPESERYE-BEET-SLAAI (My Verwerking van die resep wat in KNUPPELDIK verskyn het.Kan ook gebottel word.)

Kook vir sowat 10-15 minute:

2 kp asyn

2 kp water

1/2 tl fyn naeltjies

1/2 tl kaneel

1 tl piment korrels

2 lourierblare

Sout en peper na smaak

Maak 1 pk rooi Jellie nou aan met hierdie asyn, en gooi bo-oor gerasperde gaar beet. Laat stol en bedien as koue slaai.

* Ek het die jellie ook al by die asyn gemeng in die kastrol, die water vervang met 1 kp suiker, en dit dan oor blokkies gaar beet in bottels gegooi en warm gebottel. Dit wss op geeet voor 2 maande om was so ek weet nie of dit langer sou gehou het,soos die ander bottel-resepte hierbo nie!

En wat van 'n BEET-WORTELKOEK?

500 ml meelblom, gesif

12.5 ml bakpoeier

5 ml fyn kaneel

1 ml sout

250 ml olie

3 eiers geskei, witte styf geklop

375 ml strooisuiker

250 ml gerasperde gaar beet

250 ml gerasperde wortels

250 ml gekapte neute

Sif meel, bakpoeier en kaneel saam. Klop olie en suiker tot glad. Voeg beet, wortels, neute en eiergele by. Roer goed in. Meng nou die droë bestandele by, en dan die eierwitte ingevou.

Bak in gesmeerde ringpan in MIKROGOLF vir sowat 11 minute teen volle krag.

Laat staan rukkie voor uitkeer. Ek voer my pan ook met handdoekpapier uit, en spuit dit ook met kllefsproei...

BASIESE BILTONG RESEP (vir bees of wildsvleis)

Gebruik goeie snitte uit die boud, blad of rugstring.

Meng:

1 kg growwe sout

45 ml bruin suiker

50 ml saltpeter (Opsioneel, dit gee daardie mooi pienk kleur en help met persevering.)

10 ml koeksoda (Ook opsioneel, help met preservering en sagmaak van vleis)

15 ml swart peper

62.5 ml growwe koljander.

Sout die biltong deeglik in. Sprinkel die asyn oor die biltong en laat lê vir 12 uur of oornag.

Haal uit en was af in matige asynwater. Hang op om droog te word.

* Ons meng sommer alles en “roer” die biltong, asyn en speserye mengsel goed met die hand deurmekaar, laat dit oornag, en in ons warmer gebiede, “spoel” ons dit nie weer met ligte asyn af nie, maar hang dit direk na die oornag-wag op, dan drup die oormatige asyn en vog self af op koerantpapier.

Laat droog tot hoe droog jy dit verkies, en bêre in sakkies in vrieskas of in katoen slopie in donker koel plek. In slopie word dit net nog meer droog en bros maar in vrieskas behou dit daardie klam“ biltong tekstuur. Laai ontdooi teen kamer temperatuur en Voila!! 

Geniet jul kookerye!

Hennie Coetzee het weer vir my geskryf: Môre Retha

Hoop die nuwe jaar bring jou vreugde. Ek is alweer op soek na 'n resep en wonder of jy sal kan help. Iets wat ons as kinders gereeld gedrink het, was suurpap of te wel mageu, 'n tradisionele drankie waarvan mieliemeel die hoofbestandeel is en waarvoor Swart mense veral baie lief is. Die hedendaagse mageu wat in kafees ens te koop is kom in soveel geure maar nie een kom by die smaak van die gewone mageu van my kinderjare nie.Hoop jy kan help.Groetnis,

Hennie, ek het op hierdie afgekom  op 'n FERMENTEER geselsblad...verskoon weereens die ander taal, maar ek wil so vinnig as moontlik reageer, en om dadelik alles te vertaal laat onodige foute insluip...soms! Ja, ek belowe om met tyd, wel alles in alle ander tale na AFRIKAANS te vertaal, want ek IS  trots AFRIKAANS! 

 ... To make traditional suurpap you start by stonemilling unsprouted maizekernels into a fine flour. This is mixed with pure fresh cold water into a thin slurry, put in an earthen crock and covered with a cloth to keep out insects. After a week it should have formed a thin white scum on the surface and smell sourish, which indicates a bacterial fermentation has taken place. Now boil a pot of water on a open fire and scoop out 1 or 2 cups of this soured raw maize and stirr into the boiling water. It will start to thicken immediately. A drinking consistancy was normally required so two cups is enough for about 10 litres of boiling water. It is boiled for 10 minutes and emits a specific aroma during this period of boiling which is instantly recognized by those that know it. When sugar or honey was available the wife would also add a bit during boiling for a now sweet/sour tang.
After boiling it is set aside to get cold and then stored in a kalbas and enjoyed by the men and women and children as a filler when hungry or a thirst quencher. No alcohol fermentation takes place and by using the unsifted kernel it is high in fibre and b-vitamins. The glycemic index also changes because it is drunk cold to a very low, good value and it is thus suitable for diabetics or health conscious people.

Alternative: Thin mealie pap is prepared, to which wheat flour is added, providing the inoculum of lactate-producing bacteria. The mixture is left to ferment, typically in a warm area.I added Matabella powder and not wheat flour. Sugar is added traditionally. did that, leave it again for a few days.Now it has turned really sour and delicious. Most of the sugar is gone, but it is still lingering there...

 
Rika West het geskryf : Beste Retha, waar kan mens 'n jogurt plantjie koop of verkry asseblief. Ek het jare gelede een gehad wat gelyk het soos 'n klein blomkool maar dit het tot niet gegaan. Waarderend, Rika.

Beste Rika! Jou vraag is die een vraag wat ek van die begin af gevrees het!! Ek weet presies waarvan jy praat, dit is iets waarna ek al jare ook bly soek maar nog steeds nie weer kon opspoor nie en ek seg van die begin af vir almal daar is een vraag wat ek nie sal kan beantwoord nie en dis joune!!  Ek sal nie moed opgee om te kyk of ons wel hierdie plantjie kan opspoor nie! So hou moed ek sal aanhou soek!!

En RAAI WAT?

Hennerik stuur toe 'n antwoord vir ons in, wat my op die regte spoor bring, en siedaar! heelwat verstommende en wonderlike inligting ontvou voor my!! GELUK Hennerik, jy ontvang ook 'n gratis E-Resepte boek vir jou bydrae!

KEFIR seg mens in AFRIKAANS só: kê-veer!!

Internet opinie is dat mens jogurt maak met ‘lewende kultuur’  daar word waarskynlik verwys na die ‘kefir’ plantjie wat wel soos n blomkool lyk en waarvan mens kan gebruik maak.

Kan ook via die net bestel word.

... Vergewe die Engels, maar die volgende het ook betrekking. Ek belowe die Afrikaanse vertaling volg!

What is kefir?
Kefir is a cultured milk product that is created by adding a mother culture to milk, fermenting it at room temperature, and then straining out the mother culture for use in the next batch.

How is kefir pronounced?
The "proper" pronunciation for the word "kefir" is "kuh-feer'". Many people, especially in the US, pronounce it "kee'-fur", similar to the name of Donald Sutherland's son. Basically, it's pronounced however you pronounce it (a rose by any other name, and all) but the "traditional" pronunciation is as described here.

What are kefir grains or kefir granules?
Kefir grains, also called kefir granules, are the mother culture for kefir. They are a SCOBY (Symbiotic Colony of Bacteria and Yeasts) similar to that which the kombucha tea mushroom produces. The bacteria and yeasts produce a protective protein and polysaccharide matrix in which they live and propagate. (More information and chemical make-up is available on Dom's Kefir In-Site.)

To make kefir, you add the grains to your milk and allow them to ferment the milk. After the primary fermentation, you strain the kefir to separate out the grains for use in the next batch. As a by-product of the fermentation process, the grains grow and bud off new grains so that the volume of grains increases with each fermentation cycle. This allows you to freely share grains with those who do not have them or to eat them, either fresh or dried, to add to the probiotic effects that the kefir offers. 

It's been shown the ingestion of kefir grains also provides benefits beyond the population of beneficial bacteria in your gut. They are known to have an anti-inflammatory effect and it's possible that they can provide many other health benefits.

From where does kefir originate?
That is a very long story. It's believed that kefir originated in the Caucasus mountains. It was later introduced to Russia through some rather strange and romantic (in a way) interactions and has spread through the world from there.

From what kind of milk is kefir made?
Originally, kefir was made from whole cow or goat milk. Kefir can propagate in just about any kind of milk including nut and grain milks such as soy or rice milk.

You can make kefir with just about any milk. Pasteurization is not a factor in kefir growth, nor is the fat percentage of the milk. You can even use dehydrated milk, though it would be best to mix it with water before doing so.

How can I get kefir grains?
The best way to get kefir grains is from someone who has them. Try pointing to the sky, uttering the words "Look! Haley's comet!", grabbing the grains and running. Or, if you would be more polite, just ask.
Many people who have grains will happily share them. If you cannot find someone in your community who has grains that they can share, many people will ship them to you for the cost of shipping and packaging. Often the easiest method of packaging them involves dehydration. Dehydrated grains may take some time to come back from their dormant stage and fully recover from the dehydration process. By 'some time', I mean months. If you can get fresh, hydrated grains then you'll have great kefir right from the start.

Dom, the operator of Dom's Kefir In-Site, does ship his grains around the world. Contact him for information on getting some of his grains. He has a booklet that he ships with them that includes recipes, historical information about kefir, and instructions to make kefir.

I have kefir grains. How do I use them?
To use your kefir grains, first you need the following items:

  • A sanitized clean jar with a clean, loose-fitting lid or some covering method (such as a coffee filter held in place with a rubber band).
  • A plastic or stainless steel colander or strainer.
  • A with a mouth larger than your strainer or colander.
  • A spoon (plastic, lexan, nylon, etc) can be useful.

You also, of course, need milk and your kefir grains. 
To culture the kefir:

  1. Pour your milk into the jar in about a 1:3 ratio of grains to milk (depending on your tastes).
  2. Cover the jar loosely with lid or coffee filter.
  3. Place the jar in a warm place away from strong sunlight. 
  4. Some people recommend that you give the jar a gentle rocking motion after the first 12-14 hours of fermentation or stir with a clean spoon to make a nicer curd.
  5. After 24 hours, uncover the jar and start to pour the finished kefir through your strainer. You may need to tap or shake the strainer to get the curd to pass through the strainer.
  6. When all of the kefir is strained and your grains are in your strainer, wash the jar.
  7. Allow the jar to cool, or go back to step 1 and use cold milk. Do not add grains to a jar that is still hot from the wash.

When your kefir is finished with the primary fermentation, you can either drink it fresh, refrigerate it and drink it later, or put it into a loosely-capped jar or container of some sort and leave it at room temperature for a secondary fermentation. 

retha/Kefir.jpg

 

 

  Ja-ja, ek sal dit vir jul vergroot, gee kans!

Verbeel jou intussen: dit lyk soos te lank gekookte blomkool, mooi wit egter en ferm-slymerig tussen jou vingers. 

Moenie so gril nie! Dis nie vir voel nie, dis vir werk en kweek daarmee, en dit is uiters gesond!! 

Jul kan ook jul eie kultuur plantjie aanskaf by :

Elna van Coller

Cell: 082 77 88 037  

 http://www.personaltrainer4fitness.co.za/4u/Products/KefirHelpforDairyAllergies/tabid/64/Default.aspx

Sy het my baie gehelp en een van die dae sal ek dit ook aan jul kan verskaf asook die KOMBUCHA "sampioen" waarvan gefermenteerde tee gemaak kan word! 

NOG 'n vraag waarop ek geen definitiewe antwoord gehad het nie, was: WAAR kry mens in die gewone handel EIERPOEIER te koop?
Weet iemand dalk? 
 
En die antwoord hierop is deur Johan Le Roux van Pretoria verskaf!
Gaan loer by 28 November 2009! Baie Dankie Johan, jy ontvang 'n gratis E-Resepteboek, met my komplimente!  

NOVEMBER

Tersia Kock, het al vroeër gevra: Kan julle vir my sê waar koop ʼn mens eier poeier?

Ek plaas t.w.v. "deeglikheid" weer my eerste antwoord, en my verdere antwoord!

Sien! Ek vergeet nie van julle as ek jul klaar geantwoord het nie en sal opvolg antwoorde bly gee

soos wat ek op nog iets insiggewend afkom!

Ek hou aan soek.Wat ek wil sê, is dat as jy nie tevrede is met my antwoord nie, jy weer moet kom kyk want

ek plaas dalk net 'n beter nuwer antwoord ook!

Tersia, NCD het op 'n tyd  eierpoeier verkoop maar helaas die tak in Bloemfontein weet niks meer daarvan!

 Die ander wat dit ook verkoop het was dieselfde produsente wat kaas poeier verkoop, en dit het ek al

by bakwinkels weer raakgeloop.

(Country Pasture, Housewives, Sunspray Food ingredients, 011 473 6800

92 Price street, Industria JHB.)

Die enigste plek waar ek nog kan dink mens dit kan kry is by die groter sentrums wat spysenierings goed verkoop,

want hulle lewer immers aan Hotel groepe.

Wees verseker dat ek jou dadelik sal laat weet as ek 'n definitiewe verskaffer vir jou kan opspoor!

Intussen het ek uitgevind dat party Pick en Pay takke dit wel verkoop, langs die Mielieblom!! S

o vra liewer dit sal baie soek spaar.

En, ek het nog iets opgespoor!

Gaan loer gerus onderaan hierdie bladsy daar is 'n video wat wys hoe om jou eie poeier-eiers te maak!

http://suidlanders.co.za/poeier-eiers/

Hulle skryf o.a. oor poeier eiers:

Wanneer ‘n mens vir langer as net ‘n paar dae kampeer, veral wanneer yskas geriewe nie maklik beskikbaar is nie,

is eiers altyd ‘n probleem.  Gelukkig kry ‘n mens eiers in poeier vorm wat lekker in verskillende resepte

gebruik kan word. 

Poeier eiers is beskikbaar by baie stap-winkels (bv. Hikers Paradise).

Kommersiële poeier eiers het egter twee nadele - koste, en rakleeftyd.  Dit is nie goedkoop nie, en die

vervaldatum is gewoonlik nie te ver in die toekoms nie.

Onderaan hierdie artikel is daar ‘n skakel na ‘n Youtube video wat handel oor hoe om jou eie

verpoeierde eiers te maak. 

Ons stel voor mense probeer dit vir hulself en sien hoe die proses werk, en ook om dit in resepte te toets

(die eiers word gebak voordat dit verpoeier word in hierdie proses).

" How to make powdered eggs..." Gaan kliek daarop!

 En reken net,die selfgemaakte poeier eiers se rakleeftyd word nou amper 5 jaar!

Hennie skryf: Ai mens ons het ons "Kook en Geniet" verloor en sit op moedverloor se vlakte.

Soek groot asseblief resep vir Outydse Boerbeskuit van Tannie De Villiers. Dankie by voorbaat

Beste Hennie, ek help graag!

TANNIE DE VILLIERS SE BOERBESKUIT

1 tot 1.5 kg botter of margarien of mengsel van botter en varkvet

375 ml (1 1/2 kp ) kookmelk

375 ml ( 1 1/2 kp ) kookwater

5 kg witbrood meel of koekmeel

1 liter (4 kp ) soetsuurdeeg

10 ml (1 Etl) sout

GLASEERSEL

Geel van 1 eier

Melk

Smelt die botter en voeg die warm melk en water by.

Skep meelblom in knieskottel maak holte in die middel en plaas die suurdeeg sout en bottermengsel daarin.

Meng goed tot 'n stywe deeg. Voeg meer meel by indien nodig en knie baie goed.

Maak goed toe en laat oornag op 'n warm plek rys.

Knie die volgende oggend af en vorm die deeg in klein ronde balletjies.

Pak dit in 3-4 groot gesmeerde broodpanne en laat weer rys tot dubbel  die oorspronklike grootte.

Verf glaseersel bo-oor en bak omtrent 1 uur by 200 tot 230 ºC sodat dit bo-op 'n  goudbruin kleur het.

Wenke:

Moenie die beskuit in stukke sny om uit te droog nie, breek met die vingerpunte oop.

Pleks van soetsuurdeeg, gebruik 1 1/2 koekie droë of klam gis of 22.5 ml aktiewe droë gis.

SOETSUURDEEG

Gebruik 'n  emalje emmertjie van 2 liter met digpassende deksel.

Giet daarin 850 ml kookwater, 5 ml suiker en 10 ml sout.

Strooi sowat 4 kp volkoringmeel liggies daaroor. (Moenie inroer nie)

Maak die emmertjie warm toe en laat oornag op 'n  warm plek of in 'n  hooikis.

Roer die volgende oggend 250 ml feitlik kokende water daarin en maak weer toe. Laat 1 uur staan.

Hou die emmertjie op 'n  warm plek tot die mengsel goed gerys het. Dit sal skuimerig lyk en 'n 

kenmerkende reuk hê.

Gebruik die suurdeeg dadelik.

Die hoeveelheid is genoeg vir 3 kg meel (3-4 brode)

Lekker bak!

Marian: Soek reseppies vir kleinkind bederf - SONDER suiker en meel - hmmm, reg gelees. 

Ken net rou dadel balletjies.

Beste Marian, Wat van :

*Ongegeurde  springmielies of gegeur met ‘n ½ pakkie vanilla gegeurde Canderal poeier,

dit bly ‘n lekker krakerige soetheid.

Of probeer gerus hierdie (reeds geplaaste) variasies op jou tema:

VRUGTE EN NEUTE HAPPIES.(2 opsies)

½ kp baie fyn gekapte droë mango (of ander droë vrugte)

½ kp gekapte Macadamia's ( of Pekans)

½  tl fyn kaneel

1kp grondboontjie botter

OF

1kp fyn gekapte dadels

1kp fyn gekapte droë appelkose

½ kp fyn gekapte Pekans

½ kp Macadamias

Meng alles baie goed. Rol in balletjies en rol balletjies in klapper of sesamsade.

Of wat van: vars vrugte en groente stokkies en happies?

Sny vrugte in blokkies en rol in klapper of sesamsaad, en bedien groente stokkies saam met 'n lekker roomkaas 'dip"...

Of maak van beet, appels en patats, in dun skyfies gesny en op 'n  bakplaat in die oond gebak tot bros,

lekker sout happies...

Remona: Ek is opsoek na resepte vir 'n sonoond. kan iemand help asb. . .

Beste Remona As jy resepte soek om die sonoond te maak, daar is al vir 'n  vorige leser die antwoord geplaas,

maar as jy resepte soek vir kos binne in die oond, dan kan ek vir jou sê dat met my navraag oor hierdie kookwyse,

is aan my gesê dat jy enige resep geskik vir 'n  prutpot kan gebruik, m.a.w. enigiets wat stadig gaar moet word,

bv. stampmielies met groenbone en spekblokkies... skaapboud...

Hierdie resepte was ook al op die werfie, probeer dit gerus in jou sonoond!

KERRIE (...en Rys)

Braai uie tot sag en goudbruin in pannetjie op stoof. Roer daarby 1 - 2 tl kerrie, 1tl borrie, 1tl gemengde

vleis speserye,

sout en peper, ½ kp appelkooskonfyt en ½ kp sultanas.

Plaas  vleis ( beeskook, skenkels, skaaprib, maalvleis...) onder in kastrol ( of bo-oor rys en water in pot)

Bedek vleis met ‘n lagie  ertappels en 1kp gevriesde gemengde groente.

Skep nou uie en speserye mengsel bo-oor.

Sit pot se deksel op, plaas binne jou sonstoof en laat die son vir jou werk!

HOENDER (....en Rys)

Strooi bietjie bruin uiesop poeier onder in kastrol of  bo oor rys .Peper na smaak NIE SOUT NIE,

die soppoeier het genoeg in!

Bedek met lagie van opgesnyde 2wortels, 2ertappels, 500g sampioene en 1 ui .

Strooi lagie bruin uiesop poeier bo oor.

Plaas nou 5 hoenderporsies ( tjoppies of frikkadelle) bo-op groente, nog soppoeier, vleis of hoender speserye

en nog 125 ml water.

Sit deksel op kastrol  en gaan aan met jou eie werk...

SKAAPNEK...

6-8 Skaapnek "tjops"

200ml koekmeel, sout, peper en aromat

3 ryp tamaties in skywe gesny.

1 groot ui in ringe gesny

100ml Chutney, 50ml tamatiesous en 200ml water.

Meng meel, speserye in plastieksak, en skud die "tjops" daarin tot goed bedek met meel en speserye.

Pak nou lae vleis, tamatie en uie in pot.

Meng die Chutney, tamatiesous en water en gooi bo oor. Sit deksel op en plaas in jou sonstoof tot gaar!

PASTA-GEREG

1kp Pasta , 125ml gekapte spek / maalvleis , 1 gekapte ui, groenrissie en sampioene opsioneel,

Aromat na smaak,

60 g sampioen of wit uie sop poeier, 2 kp melk.

Meng alles saam en plaas in emalje bak. Bedek met foelie en plaas in jou sonstoof tot gaar!

Strooi 1kp gerasperde kaas bo-oor gereg voor opdiening.

BOONTJIE BREDIE

Ja- ja, jy kan ook hierin klein stukkies skenkelvleis of spek heel onder in pot sit!

Meng 2 kp gekerfde groenbone, 3 middelslag aartappels in blokkies, 1 gekapte ui, 1 gekapte tamatie,

2 Etl margarien of 2 Etl room, sout en peper na smaak.

Bedek en laat prut!

VINNIGE VIS-DIS!

750g Stokvis (Hake)

250ml room of melk

1pk wit uie soppoeier

3 tamaties in skywe en 1 groot ui in ringe gesny

Handvol kaas.

Pak vis, tamatie en uie in pot, (met of sonder rys) of bo op enkel lagie klein ongeskilde aartappeltjies .

Meng res van bestanddele en gooi bo oor vis.

Sit deksel op en plaas in jou sonstoof tot gaar!

Gooi kaas oor wanneer gaar.

STAMPMIELIE GEREG (Tradisioneel)

Neem 2 kp stampmielies, en 1kp droë rooi bone, week dit oornag. Plaas dit die volgende oggend

( spoel en gooi water af)

in 'n  kastrol. Voeg by: 2 kp groenbone , 250 g gesnipperde spek, aromat en swart peper na smaak en

3 Etl botter. Bedek met water.

Sit deksel op en plaas in jou sonstoof tot gaar!

MimiGoeiemore,Ek wil graag weet wat doen die baasbaksters as hulle toe konfyttertjies bak sonder dat

die konfyt uitloop.Groete Mimi.

So 'n rukkie gelede het 'n leser juis oor toe tertjies gevra, en die raat aan haar om te keer dat die konfyt

nie uitkook nie,was ook dat sy die volgende moes beproef:

1.Spuit jou konfyt later met 'n versierspuit in!

 2.Seël jou tertjie baie goed met eierwit voor jy dit opmekaar toedruk.

 3. Om ook te verhinder dat dit uitkook tydens die bakproses kan jy die konfyt voor gebruik weer OOR kook,

tot dit goed dik is,

    of klontjies konfytstukke gebruik i.p.v. fyn konfyt.

 4.Iemand het ook gesê dat "gevriesde" konfyt goed werk.

 5. Ek hou van hierdie raat: Meng jou konfyt vooraf met bietjie meelblom!

 Ek het i.p.v. konfyt, so al tertappels met kaneel en korente met meelblom gemeng gebruik, dit was 'n 

heerlike tertjie!

 Geniet dit en laat weet gerus of dit vir jou gewerk het!

 

Breggie: Is op soek na n wafel resep wat nie eiers bevat nie groot asb.

Beste Breggie

Wel dit het ekself nog nie uit probeer nie maar my wafel resep is 'n  maklike wenner, en ek is seker

jy sal die eiers kan vervang met die volgende

EIERSUBSTITUUT (aldus "Eet gesond vir die lekker" deur Pat Barton en Magdaleen van Wyk)

65 ml = 1 heel eier

6 eierwitte

65 ml vetvrye poeiermelk(Elite)

15 ml olie

Plaas bestanddele in 'n  mengbak en meng tot glad.

Bêre in lugdigte houer in die yskas vir tot 'n  week.

Ek weet ook dat mens 1 Etl asyn in jou beslag kan voeg vir elke eier wat weggelaat word.

MY WEN-WAFEL RESEP

1 kp meel

1 tl bakpoeier

Of 1 kp bruismeel

1/2 tl sout

1 tl suiker

1 kp melk

1 eier

1 Etl gesmelte botter/ margarien

Sif droë bestanddele, klits res van bestanddele goed by.

Bak in elektriese wafelpan, of gewone wafelpan op plaat of gas.

Verder kan mens net die eierwit gebruik en net die gele weglaat soos in die volgende

LAE-VET WAFEL resep:

3 eierwitte

500 ml karringmelk

120 g koekmeel

120 g volkoring meel

10 ml bakpoeier

5 ml koeksoda

65 ml olie

Klits eierwitte tot skuimerig en vou oorblywende bestanddele daarby in.

Bak soos gewoonlik.

Hennie wou weet: Mens kry deesdae apparate vir tuisgebruik waarmee jy tot brood kan bak.

Wat ek egter wil weet is of jy 'n apparaat kry om roomys tuis te vervaardig.

 

Beste Hennie

Ag nee man! Hoe maklik wil jy dit nou hê!

Jammer ek kom nou eers by jou vraag uit maar ek moes darem bietjie rondloer vir 'n antwoord vir jou!

Nee, behalwe die "Soft-Serve" masjiene, soos daardie in die roomys-klokkie-kombi's kon ek nog nie 'n

beter patent as die gewone klitser

vir jou opspoor nie!

Het jy my HEERLIKE maklike roomys resep van 11 November al uitgetoets? Jy sal regtig baie daarvan hou!

Elize skryf: : Ek het komkommers wat ek wil inlê soek asb. ʼn resep.

Beste Elize

Ek het net wat jy soek, dit is maklik en altyd 'n sukses! Hoop nie ek antwoord jou te laat nie!!

Komkommers wil mos dadelik bewerk word!

GEBOTTELDE AGURKIES

3 bottels (750 ml) asyn

1 bottel water

1/2 kp sout

1/2 kp suiker

1/2 pakkie " Pickling-Spice"

Was jou klein komkommertjies goed af, dreineer alle oortollige water, en pak dit rou en styf in jou bottels.

Kook bs. en gooi dit kokend oor die gebottelde agurkies of jong komkommers. Bottel warm deur dadelik

die deksels op te draai,keer die bottels om en laat afkoel voor jy dit was en wegpak.

As jou komkommers al te groot raak, kan jy dit was en in skyfies sny en dan ook soos hierbo bottel.

Probeer OOK die volgende:

3 kg vars agurkies of komkommer skyfies

6 kp asyn

6 kp suiker

1 Etl borrie

3 Etl kerrie

6 uie gekap

Aromat na smaak

1 pakkie "Pickling-Spice"

3 rooi "green peppers"

Braai uie. Voeg kerrie en borrie by, roer goed deur.

Gooi asyn en ander speserye by, kook.

Gooi agurkies of skyfies komkommer by en laat vir so 2-3 minute deurkook.

Bottel warm.

En OOK die volgende is heerlik:

4 groot uie in ringe gesny

1 groot Engelse komkommer in ringe gesny

Kook 1 kp water, gooi uie en komkommer by en kook 10 minute tot droog. Voeg nou by: 1 kp asyn

1 kp suiker

2 Etl kerrie

2 Tl mosterd poeier

1 tl pietersielie en tiemie opsioneel

Kook tot suiker opgelos en deurgekook is. Moenie weer droogkook nie!

Meng 2 Etl mielieblom met 1 kp asyn en gooi dit by,kook tot verdik.

Bottel dadelik warm.

Geniet jou komkommers!

Erna: Hallo Retha,

Ek was opsoek na resepte vir Jongemeisjes en boerjonge toe kom ek op jou webblad uit.

Ek het gekyk maar sien nie enige resepte nie kan jy my help asb.

Mooi en Geseënde dag vir julle.Groete, Erna

Annarie : Hi, ek sit met ‘n probleem, ek bly op plaas met vrek baie appelkose en het al klaar blatjang en

konfyt gemaak,nou soek ek asb dringend resepte vir enige ding soos appelkoos rolletjies, gelatien

lekkers ens.Dankie!

Beste Erna en Annarie

Dit klink of ons in dieselfde bootjie is, ons boord loop ook oor hierdie jaar en dit is al verkoop,

verkwansel, verdeel, verpulp, versap, verkook en daar is steeds massas!

Tot die boerbokke wei lustig aan alles wat begin afval!

JONGEMEISJES, of BOEREMEISJES, is appelkose in drank, gewoonlik in Gin of Wodka ingelê, soet en ferm ...

BOERJONGEN is weer geel taaipit perskes met pit en al ingelê in Brandewyn, Rum of Konjak, styf en ferm...

(Aldus pittige oorlewerde grappies...)

Was en sorteer jou vrugte, maak seker dat daar geen letsels of slegte merkies aan is nie,

dit sal die bottel versuur of laat verrot.

Vrugte moet nog ferm wees en nie oorryp nie.

Die appelkose kan ontpit word en in halwes gebruik word, sommiges doen dit ook pit en al, maar ek verkies ontpit.

Prik jou vrugte met 'n  skerp tand vurk, en pak stewig in gesteriliseerde bottels.

Vul nou die bottels met drank van jou keuse. (Party maak die drank warm maar dan verslaan die alkohol)

Ek doen dit sommer net so koud.

Draai jou deksels styf op en laat staan vir 3 tot 4 weke op koel donker plek voor gebruik.

Party  kook 'n  kastrol met water en dompel die vol, verseëlde bottels vir halfminuut in die kokende water,

laat afkoel en bêre dit

steeds vir 3-4 weke voor gebruik, maar ek is maar bang vir die metode, 'n bottel wat bars maak alles 'n

onaangename affêre,en my koue proses het nog altyd goed gewerk.

Ek doen ook dieselfde met nartjie skyfies en vars kersies.

 

Ek is nie 'n  boffin met vrugte rolle en smere droog nie, maar hier is wat ek vir jul kon bymekaar kry!

(Kook en Geniet en Orania APK Boekie)

APPELKOOSSAP

Kook 8 dele appelkose en 2 dele water saam tot vrugte heeltemal sag is.

Vryf mengsel deur 'n  draadsif en syg dan die sap deur 'n  klam doek.

Voeg 500 g suiker by elke 1.7 liter sap, verhit en roer tot suiker gesmelt is.

Giet in skoon bottels, bottel warm, gebruik soos aanmaak koeldrank.

OF

2 kg appelkose

1 kg suiker

10 ml wynsteensuur

10 ml Engelse sout

Maal appelkose fyn, Kook alles saam vir 15 minute, Bottel en hou op rak vir gebruik.

OF

4kg appelkose

3 liter water

1/2 kg suiker

 Versap appelkose, voeg water en suiker by. Meng goed, kook 10 minute. Laat koud word.

Vries in 2 liter bakke.

Vir gebruik, ontdooi, voeg water by en bedien yskoud

APPELKOOSLEKKERS

Was 3 kg ryp appelkose en 1 kg appels goed, skil appels en ontkern.

Kook die appelskille en kerns 30 minute lank in 250 ml water terwyl die appelkose ontpit word en die

appels in stukke gesny word.

Syg die vloeistof van die appelskille deur en voeg water by om 190 ml te maak. V

oeg dit by die vrugte en stowe tot vrugte goed sag is.

Vryf die vrugte met 'n  houtlepel deur 'n  draadsif, voeg 5 ml sout en 125 ml suiker vir elke

250 ml vrugtemoes by.

Kook en roer aanhoudend tot die vrugte losraak van die kante van die kastrol.

Skep vrugte in gesmeerde pan omtrent 1.5 cm dik.

Laat 3-4 dae staan om droog te word tot dit heeltemal styf en nie meer taai is nie.

Sny in blokkies en rol in suiker.

Laat weer 2-3 dae lank droog word en pak in flesse of tussen waspapier in lugdigte houers.

OF

2 lb appelkose

3 pakkies suurlemoenjellie of perske jellie

1 3/4 lb suiker

Sap van 1 suurlemoen en 1 lemoen

Rasper nerfie van lemoene af. Maal vrugte fyn.

Kook suiker, vrugte en sap vir 30 minute. Verwyder van stoof. Roer jellie by. Gooi in gesmeerde pan.

Laat 24 uur staan, sny in blokkies en rol in suiker.

APPELKOOS SMEER

(Hierdie is eintlik vir perskes, maar mens kan seker dieselfde resep gebruik vir appelkose,

hoewel dit heelwat suurder sal wees.)

Ontpit en Sny vrugte fyn.

Kook die vrugte in bietjie water, 500 ml water vir sowat 5 kg vrugte.

Voeg 250 ml suiker by vir elke 500 ml water.

Kook net tot vrugte sag is en haal uit die water, gebruik die vloeistof vir koeldrank.

Maal die vrugte nou met 'n meule of voedselverwerker en keer dit uit op plastiek materiaal wat met

olie gesmeer is, smeer dun uit.

Laat droog in vol son. Dit neem sowat 2-3 dae.

Rol op wanneer droog. Sny kante mooi netjies, en bêre in lugdigte houers.

Hoop dit kon jul almal help!

Maar al die gepraat van resepte en nog wat, dwing my om vir jul te sê:

Nee kyk!  vandag moet ons darem bietjie OEFEN ook !

Ag toe, komaan, NET EEN ou oefeninkie!!

PILATES vir 'n  platter magie!

Vir 'n  ferm magie word PILATES oefeninge al meer aanbeveel.

Dit verbeter jou postuur, en gee sterker maagspiere, aldus die Griekse navorsers! 

SO MAAK MENS :

Lê plat op jou rug met jou hande agter jou kop.

Trek nou jou maagspiere styf, en lig die boonste deel van jou lyf effens van die grond af.

Lig nou jou linkerbeen en strek dit reguit in die lug op.

Terwyl jy jou maagspiere styf en jou heupe stil hou, moet jy met jou linkerbeen regsom vier

sirkels, so groot soos 'n sagtebal, in die lug trek.

Voer dieselfde beweging linksom uit en ontspan.

Herhaal hierna die oefening met jou regterbeen.

Dit verrig wondere vir jou maagspiere, heupe en agterstewe!

Ag toe komaan! Wat het jy om te verloor!

Mens kan net wen!

Iemand lus om my dalkies uit te daag?

Oor Vriende en vyande het Martin Luther King Jr die volgende gesê:

Met die einde,

sal ons nie die woorde van ons vyande onthou nie,

maar net die stiltes

van ons vriende.

Inderdaad ja, dit is nie wat mense aan ons doen of wat hulle vir ons sê wat tel nie,

maar dis HOE hulle ons laat voel, wat ons onthou.

23 November.

Dagsê Lesers!

Deel met my vandag, aan die begin van nog 'n nuwe week, hierdie gebed wat ek per epos ontvang het.

Geseënde week verder!

Vader, wanneer ek eerlik met myself is,

besef ek dat daar 'n klomp lae aangeplakte verf

oor my hart gesmeer is.

Die dinge wat mense van my gesê het

onwaarhede wat Satan in my oor gefluister het

en die simpel goed wat ek myself wysgemaak het,

het lankal die ware ek toegeverf.

 

Ek wil weer "ek" wees, Skepper-God.

Ek wil die mens wees wat u bedoel het ek sal wees.

Ek wil die onseker-wees-bagasie uit my lewe gooi,

die negatiwiteit verban

en die ware ek ontdek.

En dan ...

dan wil ek die res van my lewe met oorgawe gaan lééf.

 

Maar Gees van God, ek kan nie

hierdie skoonmaakproses alleen volg nie.

Sal U asseblief dit saam met my doen?

Sal U aan my wys presies hoe kosbaar ek in u oë is,

wat die gawes en talente is wat U aan my gegee het

en wat dit is wat my spesiaal maak?

 

Sal U my dan help

om tree vir tree op die pad van

my volle potensiaal te loop

sodat ek met passie, selfvertroue en doelgerigtheid

soos 'n wonderskone lelie

op die water-van-waarheid sal blom. 

 

Amen. 

 

 

21 November

Dagsê Liewe Lesers!

As kranige stapper leer ek graag by ander stappers en het ek (ook) in die Weg,

Petro Gouws se stap-wenke, raakgelees!

Ek deel dit, en ook van my eie, graag met jul want dit is alles self beproef!

Deel ook gerus jul wenke en raad met my!

1. Koue melk

Gooi vars melk in n 500ml Coke-botteltjie en dra dit dan in 'n dik kous wat jy nat hou aan die buitekant

van jou rugsak. By die kamp hang dit in 'n boom. Die melk bly koud vir drie tot vier dae, selfs al is dit baie warm.

2. 'n Tuisgemaakte Dirkie 
Kondensmelk in 'n skroefdop-botteltjie is ook 'n wenner. Kondensmelk-tee smaak verruklik en

kondensmelk-koffie is ook baie lekker. Dit hou ook so lank as wat nodig is.

3. 'n Coke-warmwatersak
Nog 'n Coke-botteltjie (moenie 'n ander botteltjie gebruik nie, die plastiek is te sag) dien as warmwatersak.

Maak dit vol kookwater en sit dit ook in 'n dik kous. Dit hou jou heerlik warm in jou slaapsak in die bitter koue.

4. Régte botter 
Vat 'n regte blok-botter saam. Dit hou agt dae plus. Botter gee geur aan enige kos.

Sit jou botter in 'n  toeskroef glas inmaakfles, as dit bedags smelt dan skud jy dit net goed en dit "set" weer

oornag!

(Butro en margarien smelt as dit warm raak, skei water en olies af, "set" nie weer soos dit moet wees nie en

raak galsterig en af na net 'n paar dae,

Botter daarenteen, al smelt dit ook, behou sy samestelling en hou baie langer vars.)

5. Brëespektrum-antibiotika
Neem altyd brëespektrum-antibiotika saam.

Petro sê:  Dit het al vele van my stapmaats uit die moeilikheid gehelp

as ons ver van hulp af was.'n Wond wat uiteindelik ses steke nodig gehad het, het na vier

dae geen infeksie gehad nie, selfs al moes ons meer as twintig riviere wat afgekom het, kruis.

5. Vars Vleis

Ons het al 14 dae gekamp met vars vleis sonder verkoeling, pak jou ontbeende, ontdooide,

maar nie bloederige "Steaks" in 'n 5 liter emmertjie wat dig sluit.

Tussen elke laag vleis  pak jy 'n  handvol suurlemoen blare, en dan vul jy die emmer met kookolie.

Met die skud van die voertuig, "Lamineer" die olie die vleis en dit verseël sodoende dat dit glad nie

bederf of bloed trek nie,

die geheim is, dat dit goed verseël moet wees!

(Wors ,tjops en hoender het ons om verskeie redes nie so lank probeer nie!)

(En dan het jy sommer olie byderhand...)

 

En terwyl ons nou op die kamp en stap onderwerp is, hier is  'n  maklike

KNIE-LOSE BROODRESEP wat jy kan inpak en saamneem!

250g bruismeel, 250 ml karringmelk, [OF vervang die karringmelk met 250 ml bier]

halwe pakkie uie sop poeier, omtrent 'n eetlepel olie.

Meng alles saam en bak in 'n gietyster pot met matige kole onder, en 'n paar op die deksel.

 ...Het jul gesien,

CADAC het so 'n lieflike gietyster broodpan-potjie? 


Buitengewone mense oorleef buitengewone omstandighede,

en hulle word selfs méér buitengewoon

as gevolg daarvan.  - Robertson Davies -

 

20 November.

 Dagsê Lesers!

Sit 'n  plank onder die son, sê my vriendin nou die dag, die dae hardloop onder ons uit!

Ek beaam dit. Ek berou dit. Ek wens vir langer son gevulde dae waarop ek meer kan inkry as wat ek doen.

Ek wens vir dae waarop ek vir meer vriende kan Dag sê, en vir meer kan Dankie sê,

en vir meer kan vertel hoe spesiaal hul my lewe maak.

En tog, jubel ek in dankbaarheid omdat , hoe kort die dae wel soms mag voel,

dit steeds in die Palm van Sy Hand veilig is.  

 

Het ons nie almal iewers 'n  naamgenoot of dubbelganger nie?

Nou hoe wonderlik is dit dat ek 'n naamgenoot het wat ook met kos en lekker dinge te doen het!

In die tydskrif : Weg,  het my naamgenoot hierdie Mieliebrood resep 

gepubliseer. Probeer dit gerus!

 Jy benodig

 3koppies bevrore pitmielies (of vars en rou afgesny van die stronk en gemaal )

425g geroomde suikermielies ( ek het dit ook al uitgelaat en die pitmielies met 1 ½  kp + 2  Etl 

kondensmelk  vermeerder ) 

4 ekstra groot eiers

50ml olie

100ml suiker

125ml melk

250ml semolina ( ek het dit uitgelaat en my koekmeel met 'n  koppie vermeerder!)

100ml koekmeelblom

2,5ml sout

15ml bakpoeier ( as jy bruismeel gebruik i.p.v. koekmeel, laat bakpoeier weg )

Só maak jy: 

Berei 12 mini-broodpannetjies of 2 23cm X 14cm broodpannetjies voor. 

 

 Spuit met kos-sproei en voer die pannetjies se bome met bakpapier uit.
 Meet 3 koppies (750 ml) bevrore pitmielies af en laat ontdooi.

Versap dan in `n voedselverwerker tot nog effens grof. 

In `n groterige mengbak, plaas die inhoud van `n blikkie 425g geroomde suikermielies. 
Meet die versapte pitmielies in dieselfde blikkie af. Dit moet ongeveer 1 en een-derde blikkie vol wees.

Voeg by die suikermielies en roer deur. 
Klits saam: 4 XG eiers 50 ml olie 100 ml suiker 125 ml melk Klits by die mieliemengsel 
Meng in `n mengbakkie: 250 ml semolina 100 ml koekmeelblom 2,5 ml sout 15 ml bakpoeier 
Roer by die mieliemengsel tot net vermeng. 
Voorverhit oond by 180 grade C. 
Skep ongeveer 2-3 lepelsvol beslag in elke klein pannetjie (ongeveer twee-derdes vol), of verdeel dit

tussen die twee broodpannetjies. 
Bak die mieliebrood by 180 grade C, vir 35-40 minute vir die klein pannetjies, en vir 50-55 minute vir

die groter panne.
Verwyder uit die oond, laat ongeveer 5 minute afkoel. Maak die kante versigtig los en keer uit op `n

draadrakkie. 
Laat afkoel tot louwarm en smeer met botter. 
Tradisioneel is snye gesmeerde mieliebrood as `n ligte maaltyd bedien, met `n glas koue melk. 

OF, Probeer my resep:

500 g bruismeel

1 blik room mielies OF 2 kp rou afgesnyde gemaalde mielies + 2 Etl kondensmelk (opsioneel !)

2 eiers geklits

Knippie sout

500 ml karringmelk / melk wat met 1-2 Etl asyn of suurlemoensap suur gemaak is.

Meng alles. Bak tot goudbruin en gaar.

(Gaan loer ook in die argief daar is nog soortgelyke watertand resepte!)

En nou eers weer 'n  paar terugvoer antwoorde!

Wessel Kriek skryf: 

Ek soek ʼn resep om ʼn varkboud te pekel en te rook.

Hoe maak mens die pekel en hoe lank los ek die vleis in die pekel?

 

Sout en salpeter is jou aktiewe preserveermiddels.

Sout is jou bewarende middel maar dit laat ook die vesels verhard.

Die bruinsuiker werk die verharding teë, maar dit is juis die sout wat die besonderse geur aan

gepekelde vleis gee.

Die salpeter verleen die aantreklike pienk kleur aan soutvleis en hamme, en help ook met die

preservering daarvan.

Te veel salpeter verhard ook die vesels en sal jou vleis taai maak, gebruik dus net die aanbevele

hoeveelheid.

By die droë metode, waar die lug vogtig is, gebruik witsuiker, sodat die pekel mengsel nie skuim nie.

Jy kan speserye soos koljander, lourierblare naeltjies knoffel  en mosterdkorrels ook by die pekel mengsels

voeg vir ekstra geur.

Die water moet altyd vooraf eers gekook  word, dit voorkom bederf in jou pekelmengsel.

Pekel wat bederf is skuimerig en smetterig.

Houers vir pekel moet plastiek, hout, emalje of erdeware wees, geen aluminium of ander metale nie.

Pekel wat met die metaal in aanraking kom reageer met verkleuring en bysmake.

'n  Lang regop houer is die mees geskikste,

dit kan 'n  paar snitte bo op mekaar hou met 'n  minimum vloeistof. Pekel balies van sement of asbes(Liefs nie!!)

is in die handel te koop.

Jou pekel mengsel moet altyd koud wees. In warm klimaat kan jy dit selfs in 'n  koelkamer of in jou yskas pekel.

Gaan koop jou salpeter om jou pekel te maak by jou naaste slaghuis, apteek of Freddy Hirsch verskaffer, en

dan maak jy so:

NATPEKEL:

1 liter kookwater

500 g growwe sout

40 g salpeter

14 g swartpeperkorrels

310 ml bruinsuiker

1.5 tot 3 kg vleis

Ekstra sout vir invryf voor die tyd.

Giet die water oor die sout, salpeter, peper en bruin suiker en laat afkoel.

Vryf die vleis goed in met die ekstra sout en plaas dit dan in die koue pekeloplossing sodat dit heeltemal

bedek is.

Sit 'n  bord op die vleis  met 'n  gewig bo-op sodat dit die vleis heeltyd onder die pekeloplossing kan hou.

Laat die vleis 3-4 dae in die pekel lê en draai die vleis net elke dag om.

Jy kan dit ook in 'n  hout vaatjie doen.

DROOG PEKEL: ( is ietwat verouderde proses en het heelwat massaverlies tot gevolg.)

90 ml sout

30 ml bruinsuiker

15 ml salpeter

10 ml koljander

3 kg vleis

Meng alles goed en vryf die vleis goed in met die mengsel.

Laat dit drie dae(bedek met doekie)lê, en draai net elke dag om.

Was na die 3-4 dae die vleis deeglik af en as dit lank in die pekel oplossing gelê het,

week dit vir 1 uur in vars koue water.

Sit die vleis in 'n diep kastrol, bedek met koue water sodat oortollige sout onttrek kan word.

(Gooi water af of kook daarin, afhangende hoe sout jy dit verkies)

Verhit stadig tot kookpunt en prut stadig tot vleis sag is.

35-40 minute vir elke 500g vleis.

Vir HAM, gebruik die volgende Pekel resep :

30 ml salpeter

250 ml bruinsuiker

28 g koeksoda

9 tot 12 liter koue water

1 vars rou eier

Sowat 2 kg fyn sout

Roer salpeter, bruinsuiker en koeksoda in koue water tot opgelos.

Gebruik hout of erde vaatjie, maar nie metaal houer nie.

Sit die heel, ongebreekte eier in die dop, in die oplossing.

Voeg die sout bietjies-bietjies by en roer elke keer tot opgelos.

Hou aan om sout by te voeg en goed te roer tot die eier bo op dryf.

(Jy doen dit om 'n versadigde oplossing te bereik, die eier is 'n uitstekende aanwyser daartoe,

daarom moet dit 'n vars eier wees, 'n ouer eier sal nie in die versadigde sout oplossing dryf nie...

sien ek's amper Wetenskap onnie ook! )

Verwyder dan die eier, en plaas jou varkboud of ham in die pekeloplossing,

hou onder die pekel vloeistof vir 3-5 WEKE.

Draai daagliks.

As jy dit in 'n vaatjie of emalje emmer doen, mens kry by die slaghuise sulke "plastiek" nette waarin jy jou

vleis kan sit en dan hang jy dit daarmee in die pekel dit vergemaklik die draai en hantering baie,

as dit "los" in die pekel hang hoef jy dit nie te draai daagliks nie, sorg net dat dit altyd bedek is.

Hou die pekel dop, as dit skuimerig raak bo-op, haal vleis uit, en maak vars pekel aan, sit vleis weer in

nuwe oplossing tot die 3-5 weke om is.

As die pekel proses klaar is, haal vleis uit en hang dit oornag op om winddroog te raak.

Pers nou die vleis tussen 2 planke  met 'n  swaar gewig daarop tot daar geen water meer uitkom nie.

Verf die oppervlak van jou ham met kommersiële rookgeursel of berook dit in 'n beroker.

Indien die ham lank gebêre moet word, werk dit in moeselien of kaasdoek sakkies toe, en hang op in

koel droë plek.

Spekvleis, word ook soos Ham gemaak, maar pekel dit net vir 3-4 DAE !

Jy kry ook kommersiële pekel mengsels wat jou hele proses verkort dat jy jou vleis binne 7 ure na inspuiting

of 2 - 5 dae se lê al kan gebruik.

Die hele rookgeursel of beroking is jou eie keuse en smaak, party hou van gerookte Ham ander nie.

Jy kan by die kampwinkels 'n  CADAC beroker aanskaf as jy nog nie een het nie, en dan volg jy net hul

aanwysings en pakkies saagsels...

As jy jou eie beroker wil maak, maak jy so:

Maak 'n  100 liter drom goed skoon.

Verwyder die boom en deksel. Heg een of meer dwars stawe vas aan die binnekant van die drom sowat

75 mm van bo af om die vleis aan te hang.

‘n ou fietswiel werk ook lekker, plaas die vleis op die speke en laat sak die wiel dan af oor die rook en

hang dit met hakke oor die kante van die drom.

Die stawe kan vas gesweis of vas geskroef word, of in gleuwe wat bo in gesny word, rus.

Bou nou 'n  fondament waarop die drom kan staan deur 'n dubbellaag stene opmekaar te stapel

(sonder sement as jy dit nie permanent wil doen nie)

Laat 'n  opening in die boonste laag waardeur die fyn saagsels aan die brand gesteek kan word.

Die lug deurvloei word beheer deur 'n  plank voor die opening.

Pak klam grond rondom , aan die buitekant van die bakstene, om die hele samestel lugdig te maak.

Bedek die boonste opening met 'n  plat plaat.

Dit kan gelig word om rook uit te laat deur twee 5mm plankies tussen die plaat en drom in te skuif.

As die drom dwarsgleuwe het waarop die stawe rus behoort daar genoegsaam rook uit te gaan.

Die beste saagsels vir beroking kom van harde nie-harpuisagtige houtsoorte. Jy kan pakkies saagsels vir

beroking in meeste supermarkte of slaghuise koop.

BLY WEG van TAMBOTIE, dit is giftig! Bloekom, ook nie goed nie.

Eikehout, wingerd en vrugteboom saagsels is die beste.

Die saagsels moet baie droog wees anders sal dit nie smeul nie.

Maak jou drom bo oop terwyl jy die vuur aansteek.  Gooi saagsels onder in, 3,6 kg behoort genoeg te wees.

Frommel koerantpapier op en maak 'n holte daarvoor in die saagsels. Steek dit aan die brand, wanneer dit

uitgebrand het, behoort die saagsels goed te smeul.

Sodra daar geen vlamme is nie en die saagsels smeul, hang jy jou vleis in die rook oor die smeulende

saagsels, en maak jou drom toe.

Rook jou vleis tot dit 'n mooi egalige goudbruin kleur verkry.

Vleis moet afkoel tot kamer temperatuur voor jy dit kan bêre. 

Beroking is uiters effektief op koeler dae, aangesien warm buite temperature maklike bederf kan meebring.

Voila!

Hoop jy geniet die proses!

Juanne-Marie vra: Help asseblief, my wit wasgoed is grys.  Weet nie of dit as gevolg van water of

verkeerde wasmiddels is nie. 

Maar ek kry niks meer wit nie.  Hoop jy kan my help. Byvoorbaat dankie.

Ja dit is nogal 'n  pyn! Ek het gevind dat water met baie minerale in wel so 'n  grys kleur kan veroorsaak,

dus party boorgat-water maak nogal so. Verder ook sekere wasgoed versag middels. Veral as jy dit na die

tyd by jou afspoelwater voeg is party sintetiese stowwe veral geneig tot grysheid.

Sorg ook dat jy soms jou masjien met 'n leë siklus was om van neerslae ontslae te raak, dit dra by tot grys klere

Ek kan 'n paar dinge voorstel, die gewone hand-was SURF waspoeier met die gekleurde korrels is uitstekend

om die grys te breek, week jou klere vir 'n rukkie of oornag daarin en was dan gewoonweg met die hand uit.

Of week alles oornag in 'n sterk oplossing van Engelse sout of koeksoda en water.  

Kies 'n versagmiddel wat nie blou is nie, en vir wit-goed los 'n  blokkie outydse ROBIN blousel op in jou

afspoelwater.

Suurlemoensap kan ook help om die wit terug te bring, spoel af in suurlemoenwater en hang in direkte

sonlig op.

Jy kan ook enige van die volgende by jou laaste spoelwater voeg, om dit wit te hou:

Wit asyn , Suurlemoensap, Kremetart, koeksoda of Engelse sout !

Nylon bly veral wit en sag indien bietjie kremetart by die afspoelwater gevoeg word.

Dettol hou jou klere sag en vars sonder versagmiddel.

As jy oorgeskakel het na die BIO-WASH was balle met die keramiek stukkies in, het jy geen

waspoeier of versagmiddel nodig nie maar die eerste paar wasse tot alle neerslae van chemiese middels

uitgewas is, sal effe grys wees tot alles weer mooi reg kom.

VANISH in die pienk houertjies, wel dit werk regtig hoor!

SteriNappi is nie net vir baba doeke nie, dit speel ook klaar met grys klere, was dit daarna met 'n ander

waspoeier, ek het gevind Bio-afbreekbare waspoeiers werk beter in koue water.

Van die water gepraat, klere in 'n elektriese masjien wat met warm water was, is ook geneig tot grys word,

skakel oor na 'n koue was siklus, dis GROEN en beter vir jou klere.

Nou ek hoop dit los jou probleem sommer gou spoel-spoel op!

Rika West skryf : Beste Retha, waar kan mens 'n jogurt plantjie koop of verkry asseblief.

Ek het jare gelede een gehad wat gelyk het soos 'n klein blomkool

maar dit het tot niet gegaan. Waarderend, Rika.

Beste Rika!

Jou vraag is die een vraag wat ek van die begin af gevrees het!!

Ek weet presies waarvan jy praat, dit is iets waarna ek al jare ook bly soek maar nog steeds nie weer kon

opspoor nie en ek seg van die begin af vir almal daar is een vraag wat ek nie sal kan beantwoord nie

en dis joune!! 

Ek sal nie moed opgee om te kyk of ons wel hierdie plantjie kan opspoor nie!

So hou moed ek sal aanhou soek!!

Cornie vd Merwe sê: Ek vra 'n simpel vraag: Hoe kweek mens gemmer ?

Ek het 'n wortel wat mooi uitloop, wat nou ?? Kom dit in grond - buitekant in 'n pot ??

Asseblief help.

 

Liewe lesers, Geen vraag is ooit simpel nie, dit weet jul mos self!

Oe! En ek is self mal oor gemmer, stuur dadelik daardie wortel aan dat ek dit mag plant!! Helaas helaas !

SO MAAK MENS !

Gemmer (Zingiber officinale)

Is 'n  meerjarige  plant en groei tot 3 voet hoog in die ou terme!

Dit benodig koelte en matige of gefiltreerde son, doen dus uitstekend onder skadunet.

In rypvrye gebiede!

Gemmer hou van hoë humiditeit, hoë temperature en klam grond.

Die wortel wat jy het met "ogies" op wat kan uitloop, oftewel stuk van die gemmer risoom of knol,

m.a.w. deel van die ondergrondse stam, word direk in die grond

of in 'n baie ruim vlak pot geplant.

Wanneer die risome die pot vul, oes dit deur dit bloot uit te lig en te verdeel.

In die grond, haal jy dit ook later uit soos wat jy patats sou uithaal.

Die gemmer blare is aantreklike loof en dra rooi, geel en roomwit trosse blomme.

Mens kry ook die Hedychium sp. wat 'n gemmer lelie is en wat in vlak water kan groei as waterplant,

maar dit is nie (sover ek weet) eetbaar nie,

die blomme is egter soortgelyk, geurig en treffend!

(Ons het dit by ons binnenshuise water fontein in vlak grond gehad, en dit het dwarsdeur die jaar sy

loof behou en dan lente en somer geblom.

Die koue by ons het egter nie baie mooi daarmee gewerk nie en dit het nie veel vermeerder nie.)

Hoop ek kon help!

As jy nie 'n  poging aanwend om te verkry wat jy graag wil hê nie,

sal jy dit nooit verkry nie.

As jy nie vra nie is die antwoord altyd, Nee.

  As jy nie 'n  tree vorentoe neem nie, bly jy altyd op dieselfde plek!

                                                                               -Nora Robberts-

13 November

Vrydag die 13'e !!

Dagsê Liewe Lesers!

Nou as jul my moes vra na die vreugdes in my lewe, sal Appelkoostyd redelik hoog op die lysie verskyn!

Na die koue winter met sy eie bekoring, bars die appelkoosboord uit in 'n baldadige bloeisel massa.

Dan word die boord ademloos groen

en word die vrug wat na die bestuiwing vorm vir 'n wyle weggesteek soos 'n embrio, stil gekoester gedra,

voor dit aan die wêreld, rooiwang tussen groen blare uit basuin: Kyk ek is hier, Kom Pluk my!

En so, met die tyd ryp, hang die vol uitgeswelde manjifieke appelkoos-oranje kleur kolle,

aan takke wat amper breek, swaar vol gedra aan 'n volryp oes! 

Pluktyd.

Vrouens met breë rand hoede, net so vrolik soos die rompe wat klok-swaai in die wind,

mans in oorpakke wat singend teen lere op en af klouter,

mandjies, emmers, kratte vol geel-oranje-rooi vreugde. 

... Asof in afwagting vra almal:

Gaan jy konfyt kook? Blatjang en piekels maak? Jongemeisjes en Boerjonge inlê?

Ons praat nie eers van laat middag onder die bome jou staan kry, pluk en eet, pluk en eet nie!

Appelkoos-maagtyd is verby, en nou bly net die uitgerekte lekker oor, van oranje stroop-sous wat

teen jou ken afdrup en ken-baard maak, soos 'n  melkdrink-snor jou verraai as jy kleintyd in die skuur

gaan warm melk loop bedel het!

Ja, gewis, appelkoostyd is een van die vreugdes, baie naby aan die bopunt op my vreugdelys!

APPELKOOSKONFYT

2.5 kg afgespoelde, halveerde en ontpitte appelkose

2.5 kg suiker.

LW: GEEN WATER !

Dan voeg ek ook by, maar dis opsioneel:

1 tl fyn gemmer

2 Etl suurlemoensap (dit lewer mooi helder en ligte konfyt)

2 tl margarien (dit verhoed te veel skuim vorming)

Berei jou appelkose voor en gooi suiker daaroor in 'n skottel. Laat oornag staan.

Roer goed deur en laat stadig opkook tot die suiker gesmelt is.

Kook dan vinnig en roer kort-kort totdat konfyt soos lawa opkook.

Toets deur van die konfyt met 'n teelepel op 'n  pierinkie te skep en dit te laat afkoel deur dit in die

lug in "op te roer".

As dit loperig is, kook nog 'n rukkie, sodra die konfyt drupsgewys van die teelepel in die piering drup,

is dit gereed vir bottel.

Bottel mooi vol sodat geen plek vir lug gelaat word in die fles nie.

Laat heeltemal koud word voor jy dit verseël.

Party hou daarvan om 'n waspapiertjie wat in brandewyn gedoop is, bo-op te plaas voor dit verseël word,

en party drup was daarop.

Dit voorkom dat kim of skimmel daarop vorm.

Ekself, ag my gelukkig dat ek dit nooit eers doen nie, en my konfyt hou pragtig.

Ek dink die geheim lê daarin dat ek my flesse baie vol maak en geen ruimte vir lug of suurstof laat nie,

want dit is die aanraking met die suurstof of kondensasie vorming as jy te warm bottel wat dit laat bederf.

Verder eet my mense dit ook so vinnig op dat dit nie kans kry om kim te vorm nie!

APPELKOOS PIEKELS.

My eige:  "Mrs. No-Balls" ! Vir blatjang, gebruik ek dieselfde resep, ek maak dit net met die

voedselverwerker fyn!

Onthou, ek woon op 'n plaas, ons het 'n  hele appelkoosboord, so ek werk met groot hoeveelhede.

Gebruik jou sakrekenaartjie en verminder dit ooreenkomstig jou behoeftes!

My maatbeker in hierdie geval is 'n 5 liter emmertjie !

Werk op  die verhouding  1 uie : 3 vrugte

m.a.w.:

2 ½  liter uie gekap 

7 ½ liter  voorbereide vrugte (gewas, ontpit, halveer)

500 g sultanas.

Kook uie, vrugte en sultanas in water tot net sag. NIE fyn nie. Dreineer goed.

Voeg by :

2.5 kg suiker

1 Etl elk van : sout, growwe swart peper, rooi peper , rissies, (ops.) geel kerrie poeier, gemmer, mosterd.

750 ml asyn

Kook alles oor matige hitte tot vrugte glansend vertoon en sous verdik.

Indien jy dit bietjie dikker wil hê, voeg 200 ml meelblom by, roer goed deur en bottel WARM.

Draai jou gebottelde fles dadelik om sodat die dekseltjie styf vassuig en dit die produk kan verseël.

Hou dit onderstebo tot koud voor jy jou bottels omkeer, was en bêre!

BRUINASYN het meer smaak, maar lewer 'n donkerder resultaat, vir blatjang is dit lekkerder,

maar vir piekels gebruik ek wit asyn.

Jy kan enige kombinasie vrugte gebruik na hartelus! Net een soort vrug of sommer 'n hele verskeidenheid!

Geniet dit net !

Slegs lammers

is dankbaar genoeg

om geknield te drink.   

 

11 November.

 Dagsê Lesers

Dit is mos nou Somer wordend nie waar, en sodra jul die laaste stuiptrekkings van die koue fronte

klaar trotseer het, maak dan gerus hierdie heerlike VANILLA ROOMYS !!

Makliker en romeriger gaan jy nie kry nie! Die sleg van hierdie resep, behalwe dat dit ryk is...

Jy sal dit weer en weer moet maak!

 

SO MAAK MENS:

2 blikke kondensmelk

1 l room

100 ml melk

knippie sout

15 ml vanilla

Klits die room styf.

Meng al die ander bestandele liggies in.

Verkoel in vrieskas tot gestol.

Bedien.

Voila!!

Wees vol deernis vir jouself.

Ons is al so goed daarmee om onself te kasty oor die simpelste dinge.

Leer om jouself te vergewe en beweeg aan!

                                     -Louise Field-

10 November

Dagsê Lesers!

Na MEEL en DEEG voel ek egter hierdie onderwerp is nog nie afgehandel as ek nie ook die

volgende wenke met julle deel nie!

(Gaan loer ook by die NUTTIGE INFO bladsy vir meer !)

 

Droë KITSGIS : Dit is maklik om te gebruik aangesien dit die rysperiode verkort en dit nie

eers nodig is op dit op te los nie.

Geseëlde pakkies kan tot 18 maande op 'n  koel droë plek bewaar word.

KNIE : Dit is die belangrikste stap in brood en beskuitbak. Dit veroorsaak dat die deeg elasties word

wat die deeg toelaat om goed te rys en te verseker dat die eindproduk sy vorm behou.

Bestrooi jou hande en die oppervlakte met meel aan die begin, en begin aan die buitekant en werk

na die binnekant.

Gebruik die palm van jou hand om die deeg herhaaldelik te vou. As die deeg taai raak, strooi bietjie

meel maar nie te veel nie.

Knie totdat die deeg elasties en glad is sowat 10 minute!

RYS: Plaas jou deeg in 'n gesmeerde houer en bedek met kleefplastiek.

Ek het ook reeds hieroor ander wenke gegee

gebruik wat jy vind vir jou help. Die rysperiode sal verskil van gebak tot gebak, maar rys die beste

in warm toestande.

Die deeg moet verdubbel in hoeveelheid tydens die rysperiode, dan is dit reg.

Druk jou vinger daarin om te sien of dit klaar

gerys het, as dit genoeg gerys het sal jou vinger se afdruk op die deeg agterbly.

AFKNIE : Nadat die deeg gerys het, keer dit op 'n  meelbestrooide oppervlak uit en knie

die deeg weer totdat dit so groot soos die oorspronklike grote is.

Dit sal die gasborrels wat tydens die rysproses ontstaan het egalig deur die deeg versprei

en verseker dat die deeg 'n  egalige tekstuur kry wanneer dit gebak word. Knie die deeg af

deur jou kneukels herhaaldelik in die deeg te druk.

Daarna kan die deeg gevorm word soos verkies in broodjies, bolletjies, vetkoeke, pizza basisse ens.

Brood en beskuit kan nou weer in die panne laat rys word tot  amper dubbel volume en dan gebak word,

of dadelik gebak word.

GLASERING: Dit beteken dat die bokant van die gevormde brode met 'n  glaseersel  soos 'n 

geklitste eier of melk gesmeer word.

Dit beskerm die kors en verbeter die voorkoms van die brood.

 

BAK: Brood word gewoonlik teen 200ºC gebak.

Om te toets of dit gaan is, klop teen die onderkant met jou kneukels.

As dit hol klink, is die brood gaar. Koel af op draadrakkie.

VRIES van brood : Draai  toe in kleefplastiek en vries sodra afgekoel, tot solank as drie maande.

Ontdooi brood teen kamertemperatuur of in mikrogolfoond.

 

En as jy nie lus is vir brood bak nie maak dan eerder SKONS / BOTTERBROODJIES vir 'n ligte ete!

Gebruik:

240g bruismeel, 1 ml sout, 1 eier, 125 ml melk en 25 ml olie

Sif meel en sout saam.  Klits eier, melk en olie saam. Voeg  eiermengsel by meel, sny  met mes deur

tot dit 'n deeg vorm.

Strooi meel op oppervlakte, druk deeg met hand effe plat. Druk botterbroodjies met koekiedrukker uit en

plaas op gesmeerde bakplaat.

Smeer bietjie melk oor elkeen en bak in voorverhitte oond op 180ºC vir 15 minute.

Bedien warm saam met kaas en konfyt en room...

 

OF

 

Vorm die deeg in 'n ovaalvorm en sit dit op gesmeerde bakplaat.

Rasper kaas, sny sowat 6 snye ham in blokkies en kook 3 eiers hard.

Sit die ham, kaas en eiers en 'n hand vol vars gekapte pietersielie bo-oor deeg.

Vou die kante van die deeg toe, tot 'n amper rol,

smeer met geklitste eier bo-oor en bak 15 minute teen 180ºC.

Sny dit warm in skywe voor.

                                                   

 

(Vermelding : SASKO, SNOWFLAKE en GOLDEN CLOUD.

Seg net ek doen nie mooi navorsing vir julle nie!!)

 

Geluk is wanneer dit wat jy dink, wat jy sê en wat jy doen, in harmonie is.

         -Ghandi-                                                                                                                                                                                                                                                                                                         

 

9 November

Dagsê Lesers!

Ek skeep jul nie af nie!! IS nie!

Die Bo-Karoo het reën gekry!

Behalwe dat ek, baldadig soos 'n kind deur modderplasse gespeel en rysmiere op gejaag het totdat

hul vlerkies so girts-girts teen my wange skuur, was die seine bietjie onkant en was my internet

konneksie hier teen ons aalwyn-kop,

effe swak...so vergewe die skrale "stilte" !

 

Hmmm...laas was oor meel...

 

Onthou, hoe varser jou meel, hoe minder vloeistof is nodig,

hoe ouer die meel : gebruik dan bietjie meer vloeistof!

Dit is verkieslik om  standaard metrieke meettoerusting te gebruik aangesien alle koppies en

eetlepels nie ewe groot is nie.

Of gebruik 'n  omrekeningstabel waar nodig.

Om meel korrek af te meet, skep ongesifte meelblom met 'n  lepel in 'n  maatkoppie sonder

om dit vas te druk.

Skud die koppie effens en maak dit gelyk bo-op met 'n  mes.

Sif dit 1 keer voor jy dit meng dit verseker 'n  ligte resultaat.

Koekmeel, bruismeel witbroodmeel en semolina word eers gesif en dan gemeng.

Bruinbroodmeel en volkoringmeel word gesif en die semels net weer daarna terug gegooi.

Semels word nie gesif nie en netso gebruik!

 

ELIZE VILJOEN het geskryf: Hallo Retha,

Baie geluk met hierdie splinternuwe baadjie wat jou werfie nou aangetrek het. Pragtig hoor.

Het jy dalk vir my raad om swart skoenmerke en kolle van gepoleerde porselein teëls af te haal.

Asseblief en dankie!!!

Vriendelike groete

 

Hi Elize!

Dankie dat jy dink my nuwe baadjie is ook mooi, dit is goed om te weet!

Ja, is daardie lastige swart merke nie genoeg om mens se dag te versuur nie!

Raad wat ek vir jou gekry het is :

1. Gebruik Domestos OF Brasso op 'n stukkie staalwol en "skuur" die merk daarmee weg.

Poleer weer daarna soos gewoonlik.

2. Skoenpolitoer merke kan ook met brandspiritus, metielalkohol of terpentyn verwyder word.

Hoop dit werk! Laat weet gerus! Anders soek ek net nog raad vir jou!

 

Rita skryf: Al weer ek!! Ek was nou onlangs in Holland en wat baie opvallend was is dat hulle oral,

in die geskenkewinkels,  koeibeeldjies het. Wat beteken die koeie vir die Hollanders. Dankie vir jou tyd.

Groete uit die Namakwaland

 

Hi Rita!

Altyd lekker om van jou te hoor!

Ek het my Hollandse vriendin wat juis sopas van Holland af terug is na 'n kuier by haar ma en familie daar,

gebel om uit te vind oor die koei beeldjies! Sy sê dit is om geen noemenswaardige rede nie,

behalwe dat Holland bekend is vir sy Fries-beeste en hul "Lakenvelders",ook 'n  swart ras met 'n spierwit

"laken" oor die rug area.Albei rasse is goed vir melk lewering en kaas maak, vandaar ook

(met liefde en respek) die verwysings na die Hollanders as "Kaaskoppe"!

(...Rooinekke, Boere, Gatjieponders, Doppers...)

So ek neem aan dis seker hoekom hulle baie beeldjies van koeie het!

Hoop dit stel jou nuuskierigheid tevrede? Ek is net so, wil altyd die storie agter die storie ook ken!

Het jy darem vir jou so 'n beeldjie aangeskaf? Wys foto toe!

 

Regina skryf: ek soek asb 'n lekker kolwyntjie resep. dankie

 

Wel Regina, SO MAAK MENS!

Kolwyntjies - Basiese resep:

Klits 125 g botter en 200 ml suiker tot lig en romerig. Klits 5 ml vanielje en 2 ekstra groot eiers by.

Klits goed. Sif 500 ml meelblom, 10 ml bakpoeier en 'n  knippie sout goed saam.

Meet 160 ml melk af. Vou droë bestanddele beurtelings met melk by bottermengsel,

skep in papiervorms n bak teen 190ºC vir 15 - 20 minute tot goudbruin en gaar.

Versiersel:

Verroom 125 g botter en klop 375 ml versiersuiker daarby. Klits tot romerig en geur met vanielje.

Jy kan dit met koekkleursel kleur as jy wil.

 Variasies:

1. Voeg 50 g gevlokte geroosterde amandels en 3 ml amandel geursel by.

2. Vervang melk in basiese resep met 1 ¾  blikkie grenadella pulp...

3. Vervang melk met vars uitgedrukte lemoensap en vou gerasperde skil van 1 lemoen by beslag in...

4.Roer ½ kp klapper by versiersel...

 

Tina van der Merwe skryf: My man is ʼn diabeet en ek wil graag n resep kry om suikervrye konfyt en

lae Gi beskuit te maak.

 

Liewe Tina, gaan loer gerus by vorige datums rond, daar is dalk ook iets wat jy kan gebruik!

Daar is hoeka iets oor konfyt!

Onthou gerus die volgende, en weet maar jy sal bietjie moet eksperimenteer!

Lees altyd jou etikette, lae suiker  goed het bygevoegde vette, en lae vet goed het bygevoegde suikers!

Indien ‘n versoeter ‘n bitter of metaal smaak nasmaak het eksperimenteer met ander tot jy die

beste een vind!

Of gebruik ‘n kombinasie.Ek het Natreen vloeibaar as baie goed ervaar so ver en Huletts se nuwe Sugalite

werk ook goed.

Siklamaat en sakkarien is ideaal vir geregte soos crème bruleé wat nie te hoë temperature benodig nie,

hoë temperature maak die eindresultaat bitter so voeg dit eerder na gaarmaaktyd by, veral by vrugte geregte.

En onthou lae GI kosse en hoë vesel kosse is ideaal!

Dadels, dadels dadels...het ek gesê dadels?

(Dis soet,dis gesond, in matige hoeveelhede natuurlik, maar het ek genoem dis gesond?..)

 

Vir jou het ek egter ook die volgende:

(Uit Eet Gesond vir die lekker, deur Pat Barton en Magdaleen van Wyk)

Volkoring Karringmelkbeskuit.(400kj per porsie)

1 kg ongesifte volkoringmeel

250 g meelblom

10 ml bakpoeier

10 ml koeksoda

10 ml kremetart

10 ml sout

250 g margarien en 250 ml Canola olie

125 ml korente

2 eiers

500 ml vetvrye karringmelk (gebruik Elite melkpoeier + 1 Etl suurlemoensap)

Voorverhit oond tot 190 ºC

Meng al die droë bestanddele, in groot mengbak. Vryf margarien in tot dit soos fyn krummels lyk.

Voeg korente by.

Klits eiers, melk en olie saam. Meng by meelmengsel om stywe deeg te maak.

Vorm in balletjies of in gesmeerde broodpannetjies, bak 45 minute lank. Keer uit.

Laat afkoel, breek los of sny in beskuitjies, droog uit.

 

Muffins (280 kj per porsie)

200 ml volkoringmeel

250 ml meelblom

25 ml bakpoeier

2 ml sout

125 ml vetvrye melk

1 eier goed geklits

75 ml Canola olie

65 ml heuning

Oond 200ºC

Meng droë bestandele. Meng olie, melk, eier en heuning saam en voeg by droë bestandele.

Roer tot net deur aangeklam. Maak muffin panne 2/3 vol en bak 20 minute tot goudbruin en veerkragtig

onder aanraking.

Bedien koud of warm...

Voila!

 

...Nou ja, laas was oor meel...Nou, MEER oor DEEG !

 

BROOD DEEG

vir brode, vetkoek, oliebolle, pizzas...

[...ja ek weet, van hierdie was al geplaas...maar ter wille van volledigheid, vergun my dit weer!]

Vir Basiese Brooddeeg

Gebruik :4 kp meel, 10g (1 pakkie) kitsgis, 7.5 ml sout, 375 - 500 ml louwarm water, 2 tl suiker

Meng droë bestanddele. Gooi water bietjie bietjie by en meng tot hanteerbare deeg. 

Knie vir so 10 minute op meelbestrooide oppervlakte tot glad en elasties. Smeer jou hande met olie dit  

werk makliker.

Sit deeg in skoon bak wat liggies met olie gesmeer is, smeer deeg bo-op ook liggies sodat dit nie uitdroog nie,

maak toe en sit op warm plek om te rys tot dubbel die grote. Moenie afknie nie. Sit in pannetjies en

bak ¾ uur @ 180 ºC

WITSOUS

(Ja dis ook ‘n deeg!)Jy kry 3 diktes, dun witsous vir basis  in romerige sop,

matige dikte vir bedeksouse en dik witsous as bindmiddel vir bv krokette.

Die dikte word bepaal deur die hoeveelheid botter en meel  wat jy gebruik.

Vir dun witsous gebruik 15 ml botter, 15 ml koekmeel en 200 ml melk.                               

Vir matig, gebruik  25 ml botter, 25 ml koekmeel en 200 ml melk.                                      

 Vir dik  gebruik 50 ml botter, 50 ml koekmeel en 200 ml melk.                                        

Smelt botter in kastrol oor lae hitte. Roer meel vinnig by om klonte te voorkom.

Roer melk stadig by, roer aanhoudend en kook 3-5 minute lank oor matige hitte tot glad,

verlangde dikte en gaar.

BROS-KORS-DEEG 

amper krummelrig - 'n  tertdeeg wat vir so te sê enigiets perfek is,

pasteie, terte, flans, kluitjies, toe-tertjies...Die verhouding is 'n  halwe deel smeer tot een deel meelblom.

Gebruik : 240g meelblom, knypie sout, 120 g smeer, 5 ml koue water vir elke 30 g meelblom

Sif meel en sout saam, sny smeer in, vryf liggies in meel in totdat die soos broodkrummels lyk.

Voeg water by om ferm deeg te vorm.

Vorm in bol Plaas op effens bestrooide meeloppervlakte knie liggies tot geen barsies meer vorm nie.

WARMWATER-KORS-DEEG

Vorm die deeg terwyl dit nog warm is, dit verstewig  terwyl dit afkoel. Veral geskik vir hoë pasteie.

Varkvet  word as smeer gebruik.

Gebruik: 90 g varkvet, 65 ml water,240 g meel en 2.5 ml sout

Verhit vet en water in kastrol tot vet gesmelt is. Sif meel en sout,

maak holte in middel en gooi kokende vloeistof alles gelyk by. Meng met houtlepel tot koud genoeg

om te hanteer,vorm dan in 'n  bol, knie liggies en gebruik onmiddellik.

FRANSE FLANDEEG  

Dis 'n  ryk soet brosdeeg ideaal vir spesiale flans, tertjies en enigiets met 'n  beskuitjiebasis. 

Gebruik: 120 g meelblom, knypie sout, 60 g sagte botter, 2 eiergele, 60 g strooisuiker.

Sif meel en sout op werksoppervlakte. Maak holte in middel en voeg sagte botter, eiergele en suiker by.

Meng botter, suiker, eiergele met een hand saam en werk meel met mes in ander hand  by.

Wanneer dit deeg vorm, knie liggies tot barsies verdwyn. Draai in plastieksak toe en verkoel halfuur

voor gebruik.

CHOUXDEEG

Dit is 'n  ligte fyn deeg wat oprys om 'n  omhulsel vir menige soet en sout vulsels te vorm.

Ideaal vir poffertjies!

( Skep lepelsvol op bakplaat en bak, vir 10 minute  op 190ºC,

verhoog  temperatuur dan na 200ºC en bak nog 10 minute tot opgepof en goudbruin ,

sny eenkant oop om stoom te laat ontsnap,

plaas weer in oond om uit te droog  as verkies of laat gewoon afkoel ,

vul met vla of room en bedruip met gesmelte sjokolade en strooisel versiersuiker!)

Gebruik : 75g meelblom, knypie sout, 30 g margarien, 145 ml water, 2 eiers geklits 

OF   : 110g meelblom, knypie sout, 90 g margarien 187.5 ml water en 3 eiers geklits.

Sif meel en sout saam. Verhit margarien en water in kastrol  tot margarien gesmelt is.

Laat opkook en verwyder van hitte. Voeg meel  en sout alles op een slag  by in kastrol,

 en  klop baie goed  met houtlepel om stywe pasta deeg bol  te vorm wat  nie meer aan kante vaskleef nie.

Laat effens afkoel.

Klits eiers geleidelik by en klop goed na elke byvoeging totdat mengsel glad en glansend is en vorm behou.

NIERVETDEEG

Die deeg het 'n  ligte vlokkige tekstuur en is ideaal vir soet of soutige poedings wat gekook of gestoom word,

kluitjies, en gebakte bokors pasteie.

Gebruik : 240 g bruismeel, knypie sout, 120 g  gerasperde vet of botter, 12.5 ml koue water vir

elke 30 g meel. 

Sif meel en sout saam. Gebruik rondelemmes en roer-sny deur mengsel om sagte nie-klewerige deeg te vorm.

Vorm in bol.

Keer uit op effe meelbestrooide oppervlakte en knie liggies.  Skep lepelsvol bo-op vrugte of groente of

bo-op stowe vleis.

RU-SKILFERDEEG

makliker variasie as skilferdeeg. Heerlik vir een-kors pasteie, handtertjies, pasteitjies, roomskywe..

Gebruik : 180 g  botter, 240 g meelblom, knypie sout, 50 ml yswater, 1 ml suurlemoensap

Sny koue smeer in klein blokkies. Sif meel en sout in bak.

Voeg smeer, water en suurlemoensap by druk mengsel aanmekaar, maar moenie smeer opbreek nie.

Plaas op meel bestrooide oppervlak. Fatsoeneer in baksteenvorm en rol in langwerpige stuk uit. 

Vou boonste een derder van deeg om en onderste een erde bo-oor hierdie deel.

Verseël kante met rolstok. Half-draai deeg. Herhaal proses 3 keer. Verkoel. Gebruik.

SKILFERDEEG

maak net soos hierbo aan maar,

Gebruik 240 g meelblom, 240 g botter 120 ml yswater en 5 ml suurlemoensap

VLOKKIGE BLAARDEEG 

Gebruik : 180 g botter, 240g meelblom, knypie sout en 100 ml koue water

KITSBLAARDEEG

(worsrolletjies en vleispasteie)

Gebruik : 360 g meelblom, knypie sout, 240 g harde botter gerasper, 125 ml koue water.

Sif meel en sout saam in mengbak. Voeg grof gerasperde botter by ,

(sprinkel meel oor rasper terwyl botter gerasper word om te keer dat botter vasklou)

Meng  goed deur met slaplemmes- nie vingers nie! (anders smelt botter)

Voeg water by, deeg is bietjie sagter as brosdeeg, draai in kleefplastiek toe  laat rus in yskas vir halfuur.

QUICHE-TERTDEEG  

ligte lekker bros deeg vir vlak soet en sout terte en kan lank voor die tyd gebak word.

Hanteer tertdeeg so min moontlik, en lig met die rolstok op.

Moenie deeg rek of trek nie, laat liggies in pan lê en prik en bak blind. Plaas lagie waspapier oor deeg.

Gooi lagie droë bone daarop en bak in oond tot gaar,

verwyder papier en bone uit en laat effe afkoel voordat vulsel ingesit word en weer gebak word tot vulsel

gestol het.

Jy kan die  gaar tertdoppe bêre of vries of ook die rou tertkorse direk met vulsel vul en bak.

Gebruik : 200 g meelblom, knypie sout, 100g botter, 45 ml koue water OF 1 eiergeel en  25 ml water

Sif meel en sout saam. Sny botter in blokkies en vryf by meel in. Meng koue water OF eiergeel en water,

liggies met vurk in tot mengsel egalig klam is, trek mengsel met vingers na mekaar om growwe deeg te vorm,

keer uit op meelbestrooide oppervlak en knie liggies tot gladde deeg.

Vorm in bal, bedek met plastieksakkie en laat halfuur rus. Gebruik

OLIETERTDEEG

Gebruik : 180 g meelblom, 3 ml sout, 125 ml olie,25 ml melk

Sif droë bestanddele, maak holte in middel en voeg olie en melk in holte.

Meng met mes in en smeer in kolwyntjiepanne, vul met vulsels, en bak. Ideaal vir klein kits-pizzatjies.

KOOKWATERDEEG 

Rasper 500g botter en mengbak, giet 250 ml kookwater oor botter. Roer tot gesmelt.

Sif 500 g meelblom en 5 ml sout by mengsel.

Meng goed en plaas oornag in yskas.  Rol uit en gebruik.

BESLAGDEEG  

Dit is 'n  gladde loperige deeg, soos vir pannekoek, wafels , gedoopte groente of uie-ringe...

BESLAG vir UIE-RINGE 

Gebruik : 120 g koekmeel, 5 ml bakpoeier, 1 ml sout, 12.5 ml gesmelte botter, 1 eier geklits, 250 ml melk

Sif droë bestanddele saam, smelt eers botter en meet dit dan af, voeg nou gesmelte botter,

eier en melk by en klits met elektriese menger tot gladde loperige deeg of beslag. 

 

Dan kry ons nog,

KAASTERTDEEG, SUURROOMTERTDEEG , ROOMTERTDEEG, MIELIEBLOMDEEG en vele meer!

Maar ek volstaan hiermee, vra gerus as jy nog iets wil probeer!

 

'n  Paar interessante wenke:

1. Wanneer jy tertdeeg aanmaak, maak genoeg vir 'n  paar terte of pasteie,

in foelie toegedraai kan die deeg tot 'n  week in die yskas hou! Of vries dit!

2. Stapel deegsirkels, met waspapier tussen in, opmekaar en vries vir 1 uur lank oop.

 Draai dit dan daarna toe, merk en vries.

Ontdooi later vir 30 minute teen kamertemperatuur voor gebruik dit sal maklik van mekaar afkom.

3. Om deeg papierdun uit te rol, sit vel plastiek op skoon tafelblad. Stryk glad en plaas deeg daarop.

Sit nog 'n vel plastiek bo-oor en rol dan uit! Verwyder plastiek sodra jy tevrede is!

4. Deeg wat in yskas gerus het voor jy dit begin uitrol, rol makliker uit en breek nie so maklik nie.

5. As te veel vloeistof by tertdeeg gevoeg word, word dit taai. Moet dit ook nie teveel hanteer

voor jy dit bak nie.

6. Om uitrol te vergemaklik, onthou om die oppervlakte en rolstok liggies net meel te bestuif.

7. As jy vlapoeier oor jou uitrol plank strooi sal jou gebak 'n  mooi bruin kleur verkry!

8. Onthou dat deeg in die gaarmaakproses krimp, sorg dus dat daar genoeg deeg in middel van bak is,

en dat kante goed vasgedruk is. Jy kan dit ook 5 minute laat staan voor jy die randjie voltooi of

eers blind bak.

9. 'n Paar druppels suurlemoensap by enige deeg sal die tekstuur verbeter.

10. Moenie oorskiet mieliepap weggooi nie !

Dit kan met 'n klontjie botter gemeng word en met 'n  lepel in 'n tertbord vasgedruk word,

 as lekker alternatiewe tertdeeg vir sout vulsels!

Maklike paaie lewer nie bevoegde bestuurders op nie.

Kalm waters lei nie goeie stuurmanne op nie. Die beste loodse het ook storms nodig.

'n  Probleemvrye lewe maak nie van jou 'n sterk persoon nie.

 Lewens krisisse bou karakter.

Wees daarom sterk genoeg om die uitdagings van die lewe te aanvaar.

Vra nie aan die lewe: Waarom ek? nie! Sê eerder : Probeer my!

                                                                            -Anoniem-

 

1 November

Beste Lesers!

Algemene inligting oor meel.

Vir die gesoute baksters onder ons, ou nuus, maar vir die jongeres dalk nie!

En glo my, ek is ook nie te oud om elke dag iets nuuts te leer nie!

Dit bly 'n voorreg om hierdie rubriek-fragmente vir julle bymekaar te maak!

 

KORING is een van die wêreld se belangrikste voedselbronne.

Die voedingstowwe wat daarin voorkom is, is koolhidrate, proteïne, lipides, minerale en vitamines.

Dit word alles geberg in die koringkorrel wat bestaan uit die

SEMELS : die buitenste dop wat verwyder word om suiwer meelblom te produseer.

Dit bevat baie ruvesel en minerale, bevorder goeie spysverteing en voorkom hardlywigheid.

ENDOSPERM is die bruikbare binneste deel van die koringkorrel.

Dit word  van die semels geskei en tot poeier gemaal om die meelblom te verkry,

belangrike bron van stysel en verskaf hitte en energie.

KORINGKIEM, waaruit die nuwe koringplant ontwikkel,

word normaalweg verwyder want die hoë vetinhoud het 'n  nadelige uitwerking wanneer meelblom

gemaal word,

 en berg die bergtyd daarvan- daarom word koringkiem in die yskas geberg anders word dit galsterig.

KOEKMEEL is 'n  fyn, wit meel en is ideaal vir fyngebak soos pasteie, croissants, soetgebak soos

sponskoeke,muffins en ligte gesuurde produkte met 'n  fyn tekstuur soos rolletjies en oliebolle. 

Dit bevat baie proteïen, (gluten) is ongebleik en bevat geen bymiddels nie. 

Dit is die gluten in meel wat die mengsel bind.

WITBROODMEEL is 'n  roomwit meel en is ideaal vir gesuurde broodprodukte,

 en kan selfs as plaasvervanger vir koekmeel gebruik word in byvoorbeeld tertbeslag of klein koekies.

BRUINBROODMEEL is 'n  veselryke, ligbruin, growwe meel en is ideaal vir gesuurde bruinbroodprodukte.

BRUISMEEL is 'n  baie fyn, wit meelmengsel wat uit koekmeel en bakpoeier bestaan.

Ideaal vir vinnige maklike gebak soos pannekoek, muffins, sodabrood, skons en beskuit. 

As jy bruismeel benodig, sif 250 ml koekmeelblom en 5 ml bakpoeier saam om 250 ml bruismeel te verkry.

SEMELRYKE BRUISMEEL is 'n  growwe, ligte meelmengsel bestaande uit koekmeel,

uitgesoekte koringsemels en bakpoeier. Ideaal vir semelryke variasies van vinnige maklike gebak soos muffins,

sodabrood, skons en beskuit. Om jou eie te maak, voeg 5 ml bakpoeier by elke 250 ml gewone volkoringmeel. 

 Sif dit 'n  paar keer voor gebruik.

VOLGRAANSEMELS is grof, bruin en veselryk en is ideaal om die veselinhoud van gebak soos brood,

rolletjies, muffins en beskuit te verhoog.

VOLKORINGMEEL (Nutty Wheat) is witbroodmeel waarby ongeveer 20 % growwe koringsemels bygevoeg is.

Dit is die gesondste tipes van alle meel want dit bevat 'n  hoë persentasie ruvesel.

Omdat dit ook koringkiem bevat ,bevat dit ook olie daarom dat dit nie so lank geberg kan word nie,

koop dus soos nodig of berg in yskas.

Gebakte produkte hiermee sal effens swaarder wees en as jy ligter tekstuur verlang,

vervang die helfte van die volkoringmeel met koekmeel of witbroodmeel.

STAMPKORING is baie grof en word gemaak deur uitgesoekte harde koring te maal.

Ideaal om gesuurde broodprodukte of ander gebak soos muffins en beskuit bros te maak.

SEMOLINA is ook 'n  suiwer koringproduk in korrelvorm en word kommersieel gebruik om spaghetti

en noedels te maak.

Ook ideaal vir ontbytpap en nageregte.

 

BEWARING van meelprodukte: 

MEEL kan 3-8 maande in ideale omstandighede bewaar word en sowat 1 jaar lank in die vrieskas

bewaar word.

'n  Lourierblaar of 'n  stukkie kers sal kalanders weghou.

Meeste produkte kan nog 6-8 maande na die vervaldatum op die pak  met  gemoedsrus gebruik word.

Meel wat in vrieskas bewaar is, moet vir 1 uur by kamertemperatuur staan alvorens jy dit gebruik.

Dit was meer oor MEEL volgende keer:  oor DEEG!

 Don Miguel Ruiz het gesê :

Niks wat ander mense doen, is as gevolg van jou nie.

Wat ander sê of doen is 'n projeksie van hul eie realiteit, hul eie droom.

Wanneer jy immuun raak teen die opinies en aksies van ander,

bevry jy jouself van die slagoffer-wees-mentaliteit

van onnodige binne-wroeg en lyding. 

Oktober.

 

 27 Oktober

Beste Lesers!

 

Die wind waai aanmekaar en as dit weer vir ons soveel heerlike deurdringende reën soos

laasnag gaan uitwaai, kla geen Karoo-boer nie!

 

En toe, het jul al 'n eiertjie gelê op die openbare forum?

Doen dit gerus! 

En hoe hou jul van my bladsy se nuwe "look"? !

 

Maar nou eers weer my bietjie terugvoer op van jul navrae!

 

LW.

Party verkies 'n  persoonlike antwoord en ek respekteer dit, maar ander beantwoord ek graag hier!

Dis immers nie lekker om net in monoloë te gesels nie!

 

Ek is altyd dankbaar vir jul deelname!

 

1. Lydia skryf :Ek het 2 kinders wat geen vrugte en groente eet nie ek het vir my 'n versapper

gekoop en soek na lekker resepte wat ek vir hulle kan maak.

Sodat hulle vrugte en groente in hulle lywe kan kry. Help asb.

Dankie

 

2. Henry Stopforth skryf : Hi ek soek 'n boerseep resep. Dankie!

 

3. Ina Pienaar vra die resep vir outydse konfyttertjies maar die toe-tertjies asb.  Baie dankie.

 

4. Gideon Naude stuur die volgende navraag: Kan iemand my vertel hoe maak mens joghurt.

As kind het my ma melk in n beker gesit dit laat staan tot dit dik geword het.

Ons het dit met suiker geëet. Was dit dan vandag se joghurt?

 

5. Willie Coetzee vra: Waar kan ek die boek "Die suiker-sleutel" te koop aantref.

My vrou het suiker probleme en ek het gehoor van die boek en ek stel belang om dit te koop

aangesien ons nuut is in die suiker gebied...

                  

Wel SO MAAK MENS!

 

Vandag se Versappers kom uit met ʼn handige boekie vol kombinasies vir sap-resepte!

Maar of die kinders daarvan gaan hou weet mens nooit.

Een van die beste produkte wat ek al gebruik het is die Hamilton Beach, en hulle het die

wonderlikste resepte boekie wat van roomys tot jogurt tot  soppe en wat nog als insluit!

 

Jy kan dalk hul arm draai vir ʼn boekie

HSO Home Supply organization, Posbus 69225, Bryanston, 2021.

Ek kan jou waarborg dat jou kinders beslis hul groente en vrugte op al die maniere

sal inkry en dit geniet !

 

Probeer intussen die volgende:

Maak pannekoek met vrugte vulsels, of wafels met ʼn  tuisgemaakte vrugte-sorbet.

Bak muffins met  gerasperde appel en wortels in, gooi droë vrugte in vleis geregte,

gebakte aartappels met ʼn groente en kaas vulsel.

En dan, voer hulle slaai! Vars en krakerig en sit sommer altyd wortel repies en appels by...

 

Lekker Vrugte roomys.

(Dit is ʼn Sagte roomys, jy kan dit hard vries as jy verkies om dit ʼn sorbet te maak, maar dis heerlik net so sag!) 

150 g gevriesde vrugte (pynappels / perske/ kiwi / lemoen/ aarbeie...net wat jy het)

100 ml Ideal melk

30 ml suurlemoensap

En sowat 1 ETL  vloeibare Natreen as versoeter ( Gebruik dit in al die resepte en na smaak,

bietjie meer of bietjie minder ...)

Gooi als in jou versapper, en meng baie goed op hoë spoed  tot "gestol".

Eet dadelik.

 

Vrugtesappe:

Neem 2  van enige vrugte ( m.a.w. 2 appels of 2 lemoene...) in stukke gesny

Halwe suurlemoen geskil

Versoeter

 1 kp. koue water

 4-5 ysblokkies laaste bygegooi

 Gooi als in jou versapper, en versap/verpulp baie goed op hoë spoed  tot heerlike sap.

Drink dadelik.

 

Vir ‘n melk skommel vervang die 1 kp water met 1 kp melk! Kamma Joghurt

200 ml melk

1 suurlemoen geskil in stukke gesny

 Versoeter

 2 piesangs

 Halwe appel in stukke gesny.

Verpulp op hoë spoed tot stewige , room-skuim dikte . Voeg piesangs en appels laaste by.

Bedien koud en dadelik. 

 Vervang die appels met 100 g van enige ander vrugte van jou keuse.

 

Vertel my gerus  of jy hul kon wen!

 

So van Joghurt / jogurt gepraat! (JA! Albei spellings is korrek!)

 

Ja, Gideon, jy is reg vandag se jogurt is maar net dieselfde as aangesuurde melk...

natuurlik met bietjie finesse!

En jy moet 'n  gebore Nataller wees om van dikmelk en suiker te hou...O so saam met

krummelpap, of gemaalde swartkoring  of gekrummelde koue mieliebrood..!

Ai hoe laat jy nou hierdie Drakensberger ver verlang! Toe ander Ma's,  biduur tye op die plaas,  

hul kinders Purity gevoer het , het my ma skaam - skaam my in die motor my "purity" gaan voer...!

 

Maar jy kan vandag steeds jou eie Jogurt maak!

 

Jy kan vir jou 'n  kommersiële jogurt maker koop met sulke pakkies wat jy by gekookte melk

voeg en  oornag laat staan tot verdik, maar ek het altyd vir my kinders sommer my

eie goedkoper weergawe gemaak:

Kook 1 l melk  tot die skilletjie daarop vorm. Roer 100 ml Elite melkpoeier daarby.

Gooi dit in 'n  warmfles en laat staan oornag dit sal volgende oggend gereed wees,

verkil dan  voor opdiening. Of jy kan dit oornag buite die yskas  laat afkoel.

Roer dit die volgende oggend  goed deur, en laat staan op warm plek tot dik

maar dit moet nie water afskei soos tradisionele dikmelk as dit suur word nie. 

Daarna kan jy dit in die yskas hou dit sal nie verder aansuur nie.

Kap dan bietjie vrugte op  en roer by vir heerlike vrugte jogurt!

 

 

Of

Neem 12.5 ml gewone ongegeurde kommersiële jogurt

Roer 500 ml verkoelde warm melk daarby in, en hou op warm plek vir 24 uur.

Soos gesê, 'n  warmfles  is baie geskik hiervoor.

Voeg vars vrugte by bereide jogurt.

 

Of

1 liter vars melk + 6 ml afgeroomde melkpoeier

175 ml jogurt

Roer  melk oor matige hitte tot kookpunt. Roer joghurt by.

Gooi in 8 plastiek glasies. Pak in digte plastiek bak .

(Tupperware het 'n  Multi-server wat ideaal werk)

Gooi warm water  tussen glasies tot dit amper die bo-rand van die glasies raak.

Maak dig toe en sit dit op warm plek of  maak toe met warm kombers.

Sowat 5 ure.  Voila! Jy het jou eie joghurt!

 

Henry ,

het jy al by die vorige  bydrae vir Boerseep geloer? Probeer ook hierdie moderner weergawe!

Stuur asb. jou pos adres aan my ek het 'n  vorige leser belowe ek sal  vir haar

die ander resepte pos, nou kan ek sommer albei s'n  pos!

 

Pampoenseep!

2 ½  pond vet, 5 pd  gaar pampoen, ¾ pd soda , 1 bottel warm water (750 ml) 2 Etl terpentyn

Los die soda op in water en laat afkoel. Meng die lou gaar pampoen in vet, roer vir 10 minute.

Voeg lou  sodawater  stadig by. Roer  vir 15 minute, die laaste die terpentyn.

Gooi dan uit in 1 gelling pannetjie en maak warm toe vir drie dae.

Sny in steentjies.

 

Jammer!! Ek weet wraggies nie nou hoe groot  is 'n  gelling pannetjie nie!!

Ai, hoe verraai ek nou my ouderdom! Help maar reg, Ja!

Nog meer inligting oor Tuisgemaakte boer seep... doodeenvoudig berei uit
1) diervet,
2) die loog verkry uit die as van verbrande plante en
3) water.

Dis trouens steeds die basiese resep van vandag se sepe: meng gesmelte vette of

plantolies met 'n alkali soos bytpotas of bytsoda wat in water opgelos is.

Bring dit in die regte hoeveelhede en op die korrekte manier bymekaar en

jy is verseker van 'n aantal stene van ons onontbeerlikste wasmiddel

(of miskien 'n hoeveelheid sjampoe-agtige vloeistof).


Loog is 'n alkaliese oplossing wat verkry word deur water op onder meer as te laat trek.

Die as van enige verbrande plant is geskik, maar daar is kenners wat reken dat die blare

en stamme van piesangbome vir die sterkste loog sorg, terwyl die hout van appelbome glo

weer die witste seep oplewer.

Plante-as, of potas soos dit  genoem word, bevat die chemikalie kaliumkarbonaat,K2CO3.

Deur 'n oplossing hiervan in water saam met gebluste kalk (kalsium hidroksied, Ca(OH)2 ) te kook,

vind 'n proses van dubbele omwisseling plaas en word bytpotas (kaliumhidroksied, KOH ) gevorm,

terwyl grootliks onoplosbare kalsiumkabonaat ( CaCO3 ) uit die oplosssing neergeslaan word

en gevolglik deur middel van filtrasie daaruit verwyder kan word. Die oorblywende kaliumhidroksied

kan dan gebruik word vir seepmaak.

Seepmaak is egter ook hoogs gevaarlik, iets wat geen leek of groentjie alleen moet aandurf nie.

Dit het van ons voorsate stellig destyds terdeë besef. Alkalië soos bytpotas of bytsoda

(kaliumhidroksied, KOH, en natriumhidroksied, NaOH ) kan immers gate in mensvleis vreet,

'n mens blind maak as dit in jou oë spat en dodelik wees as iemand (miskien 'n klein kindjie)

'n oplossing daarvan in die hande kry en drink.

Boonop is warm vet natuurlik ook niks om mee te speel nie.

Die chemiese proses wat in die seepmakery plaasvind, bring mee dat die gevaarlike alkalië

as.'t ware deur die vet "geblus" word. Die seep wat gevorm word, is 'n verbinding tussen die vet

en die alkali, wat veel minder toksies is as die alkali self. Chemies gesproke is seep die sout van 'n vetsuur.

Seep se nut lê daarin dat dit met sowel olie-molekules as water-molekules kan reageer en dus

vettighede met behulp van water kan verwyder.

Die gebruik van seep het natuurlik al baie lank voor die agttiende eeu begin.

Die eerste opgetekende getuienis van die maak van seepagtige stowwe dateer terug tot nagenoeg

2800 v.C. in ou Babilon. Tog het ons voorouers in Suid-Afrika hul eie unieke seepsoorte gemaak

deur die toevoeging van kruie en ander stowwe uit die Afrika-omgewing.

Dink maar aan die olie uit die giftige sade van die rooiessenhout(Trichilia emetica) waarvan daar,

na vertel word, 'n uitstekende seep gemaak kan word.

(Bron: Mieliestronk)

 

Willie,

jy kan die boek : Die Suiker Sleutel, balanseer jou bloedsuiker natuurlik...

geredigeer deur Sari Harrar, te koop kry by :  

Die posbestellings boekdiens van RODALE en PREVENTION boeke.

Die Afrikaanse uitgawe deur Jacklin Uitgewers, Posbus 521, Parklands, 2121.   

www.jacklin.co.za

 ISBN 1-59486-469-1

 

En Ina,

laaste maar nie die minste nie, die lekkerste  toe-konfyt-tertjies maak ons so :

6 kp. (6x250 ml) meelblom

8 ml sout

3 eiergele geklits

60 ml wit asyn

5 ml gelyk geskraap kremetart

190 ml koue water

625 g margarien

 

Sif droë bestanddele  en vryf gerasperde margarien in.

Meng tot 'n  deeg met geklitste vloeistof.

Laat deeg oornag in yskas rus.

Rol klein stukkies deeg dun uit, druk af met 'n  8 Cm  deursnee ronde koekiedrukker.

Plaas 'n  stukkie appelkooskonfyt op elke sirkel. ( 'n  vriendin  hou haar konfyt in vrieskas oornag )

Klop eierwit effens en verf helfte van die sirkel .Vou deeg oor konfyt en verseël met vurk.

Plaas op gesmeerde bakplaat, verf geklitste eiergeel oor tertjies.

Plaas panne in yskas tot al jou tertjies klaar gemaak is. Bak daarna in oond  by 200ºC vir

10 - 12 minute tot goudkleurig.

 

My vriendin  het hierdie wenner ook :

Op Stoof,  kook saam : 1 groot blik tertappels, 1 blik pynappelstukke en 1 klein blikkie

grenadella moes, verdik met bietjie Maizena. Laat afkoel. 

Neem 'n  rol skilferkors, vou sagkens oop, rol effens glad, sny 20 vierkante uit.

Skep nou  teelepelvol van appelmengsel op elke vierkantjie in  'n  diagonale strepie en

vou die oorkruis punte  losweg oor mekaar. Plak  punte vas met eierwit. Bak tot goudbruin. 

Bestrooi liggies met versiersuiker as dit uit oond kom.

Geniet dit!

 

En dan net om te wys hoe 'n wonderlike wisselwerking ons hier in ONSDORP via

SOMAAKMENS ondervind :

 

Rita skryf: I.v.m.Frankryk, het ons 'n persoon daar wat ek kan kontak oor 'n besoek aan die land,

dorpie GARIES. Ek kom nou net van 'n vakansie uit die VK wat ek al die jare begeer het,

my man was so bly om my te sien dat hy (glad nie 'n reisiger nie, die plaas mag mos verskuif in

sy afwesigheid!)besluit het volgende keer gaan hy saam en op navraag waar gaan ons heen,

sê hy Garies! menende die een hier by ons in Namakwaland!!.

Wil hom net wys na watter Garies toe wil ek gaan!!!

Toevallig boer hy ook met wingerd en dit lyk of Frankryk se Garies ook 'n druiwegebied mag wees?

 

Wel antwoord ek Rita toe :

Beste Rita

Ek stuur jou navrae aan ons Kambasatrise! Ek is seker sy sal jou kan help!

Sterkte met jou manlief se reisplanne...dit klink so baie na myne s'n!

Ek wil so graag na Parys, Frankryk...hy? Parys innie Vrystaat!!

 

En kom ons dadelike korrekte antwoord:

 

Rita, Ons kontakman in Frankryk is Marius Schmulian en hy woon in Isle Sur La Sorgue, 

Provence, en volgens Google Maps is Isle Sur La Sorgue en Garies omtrent so 440km van mekaar af. 

Hier is Marius se epos adres: 

Marius Schmulian <mariusschmulian@hotmail.com>
En Marius, hoop jy kan vir Rita 'n bietjie in die regte rigting wys met die inligting

wat sy soek oor Garies (nou nie die een in Namakwaland nie :-}).

Groetnis van huis tot huis en lekker wyn proe!!

Merraai

(Marie-Louise Oosthuysen de Gutierrez

Kambassadrise

Mexicostad, Mexico)

 

Sien julle nou, Is dit nie alles heerlik nie!

 

Onthou, Geluk hang nie af van wie jy is

of wat jy het nie,

dit hang uitsluitlik af

                          van wat jy dink!

 

25 Oktober 

 

Op hierdie mooi windstil Sondag, vergun my die deel van die volgende:

Boegoe vannie Liefde. Deur  Hans du Plessis.

 

Ek wil jou vi altyd neffens my hê,

hou my sos boegoe teen jou vas:

ek wil sosse ring om jou se vinger pas,

en sos grashout op jou se hart loop lê.

 

Die liefde het eentliki dood se krag,

hy gryp jou wa jy niks verwag,

die liefde die soek okkie ytie,

vra nou nie wat jy self beslytie.

 

Die liefde brandsteek 'n annerlike vier,

en jy kannie hele waterse kom stier

of goi ma Grootrivier yt op hy se kop,

môre sien jy, hie statie liefde self wee op !

 

 23 Oktober

Dagsê Lesers!

 

Op aanvraag : Twee tradisionele gunstelinge !

 

Mielietert by braaivleis.

No 1.

2 snye dik witbrood

1 kp melk

2 eiers

1 blikkie roomsoort mielies OF 2 kp gevriesde pit mielies met 3 Etl kondensmelk

Sout en peper

1 Etl botter

2 Etl suiker

Week brood in melk, klits eiers , meng alles goed saam, bak in oond by 180ºC tot

goudbruin en gestol.

 

No 2.

2 blikkies roomsoort mielies

½ kp mieliemeel

½ kp melk

½ kp suiker

½ tl bakpoeier

 2 eiers

 Meng alles, bak tot goudbruin  en gestol in oond by 180ºC .

 

Pampoenkoekies.

No 1.

2 kp gaar pampoen

½ kp meel

2 ml sout

2 eiers geklits

1 tl bakpoeier

Meng, bak lepelsvol alkante bruin in warm olie. Dreineer en strooi met kaneelsuiker.

 

No 2.

750 g (3 kp) gaar fyngemaakte pampoen
2 eiers

 5 ml (1 tl) sout

275 g (500 ml ) ( 2 kp) bruismeel

15 ml (3 tl) bakpoeier
500 ml (2 kp ) olie vir bak

Klop eiers, pampoen en sout saam. Sif bruismeel en bakpoeier saam en meng met

pampoenmengsel tot sagte deeg.

Verhit olie in kastrol oor matige hitte. Skep dessertlepelsvol pampoenmengsel  in olie

en braai tot ligbruin en gaar.

Dreineer poffers op kombuispapier, skep in opdienbak en hou warm.

Stroop :

400g (500 ml of 2 kp )suiker

250 ml (1 kp) water

125 ml (halwe kp) melk

25 g (30 ml of 2 Etl) margarien

Knypie sout

10 ml ( 2 tl) mielieblom

Verhit al die stroop bestanddele behalwe die mielieblom saam tot kookpunt.

Meng mielieblom met bietjie koue water tot 'n pasta en roer by die stroop.

Roer goed deur.

Gooi stroop oor warm poffers. Bedien.

 

   

Elke dag, en die leef daarvan

  behoort 'n doelbewuste skeppingsdaad te wees

  waarin dissipline en orde afgewissel word

                                  met 'n  bietjie speel en lawwigheid.
                                                - Mary Satton -

 

 

19 Oktober

 

...terwyl ons nou almal so fanaties begin tuinmaak, 'n nuwe week is op hande! 

 

Vir die plant liefhebbers onder ons :

Neem ‘n stuk oase, maak gaatjies met ‘n skerp voorwerp en verwyder los stukkies.

Vul gaatjies halfpad met bietjie grond, sit saadjies in en gooi weer bietjie grond bo-oor.

Hou klam.

Sodra plantjies groot genoeg is om uit te plant, sny plantjies los van mekaar en "plant"

netso met oase stukkies om plantjie in diegrond.

Sit steggies ook in stukkies oase in herwinbare houertjies, hou klam en wanneer wortels uitkom,

plant steggie met oase en al.

Leë eierhouertjies kan ook vir saadontkieming gebruik word. Vul met stukkies oase of potgrond,

plant saadjies en hou klam. Plant met eierhouertjie en al.

 

En Vir ons troeteldier liefhebbers:

As jou kat jou deurmatjies uitrafel, smeer dit met ‘n mengsel van parrafien en asyn onderaan.

Katte hou nie van die reuk nie!

Om jou kat of hond vlooivry te hou, gooi 1 Etl ontsmettingsmiddel in die water waarmee jy

hom bad, dit maak ook die hare  lekker sag.

Een tablet kiniensulfaat vir troeteldiere  per dag, behoort ook die vlooie en bosluise weg te hou! 

 

 

 

     Die manier om goeie idees te kry

is om baie idees bymekaar te maak, 

    en dan die slegtes weg te gooi!

                                                                                           - Linus Pauling -

 18 Oktober

 Liewe Lesers!

 Toe ek Malverlief, die eerste keer by my aanstaande gaan kuier het,

 wou ek hom so graag beïndruk..!

 En het ek nie ! Maak gerus hierdie ou gunstelinge

 wat nou al amper vergete geraak het!

Driehoek-Maaskaas Yskaskoek.

1 pk Tennis beskuitjies

Foelie

En vir die Vulsel: Meng goed saam: 125 ml botter, 80 ml strooisuiker, 1 bakkie (250 ml )

gladde ongegeurde maaskaas, 1 eier, goed geklits en 1 blikkie fyn pynappel.

Pak die koekies op die foelie uit in 3 rye.

Smeer die vulsel net op die middelste ry koekies.

Vou dit met die foelie toe in 'n driehoek. Vou foelie stewig bo toe, om die vorm stewig te behou.

Plaas in vrieskas tot gestol.

Net voor bediening kan gesmelte sjokolade bo-oor gegooi word. Sny in skywe en bedien yskoud.

 

Ja-ja... jy kan dit ook as 'n  gewone  yskas tert voorberei en die vulsel skep in 'n 

koekiekrummelkors, gemaak deur  koekies fyn te druk en met 3 Etl gesmelte margarien te meng,

en stewig in tertbord vas te druk.

...maar watter verliefde gaan jy daarmee beïndruk? Die driehoek lyk immers of jy kan kook!