|
....Só MAAK MENS ! |
|
|
|
Sept tot Des'09 2009 DESEMBER 5 Sousbone Piekels, Kool, bone, knoffel asyn Gemmer en lemoen wortels Slaphakskeentjies Piekel eiers Perskes 15 Brandrissies Roomys Cholesterol raad Hartstigting dieet en raad Sagte tuna tertjies Wasgoed bondeltjies en blaasoppies Alles oor waspoeier en skoonmaak middels en hoe om jou eie te maak 20 Nog oor vrugtesappe, smere, jonge manne en meisies! Maak jou eie margarien en maak smeer meer! Mikrogolf vrugtekoek (My ma) NOVEMBER 1 Oom Jan se Gemmerbier 9 Alles oor meel Nog Wenke oor meel Kolwyntjies: basiese resep en ander variasies Alles oor Deeg... 10 Brood, korse, witsous...! Kitsgis en gis wenke en nog deeg wenke 11 Kook woordeboek en woordeskat 13 Roomys 20 Appelkoos en perske resepte Mieliebrode Alles oor pekel van vleis Wasgoed wenke 21 Kefir Stap wenke 23 Knie-lose brood resep 26 Iets vir die siel 28 Nog iets oor appelkose en perskes Poeier eiers Kook en Geniet se Boerbeskuit resep Springmielies en ander happies Sonoond en resepte: Hoender, skaapboud, stampmielies, pasta. Konfyt tertjies Wafels, wafels, wafels OKTOBER 1 Agurkies, komkommers en nog piekels 6 Dieet Wenke 10 Paella 11 Lemoenkoek 18 Doppies vir vulsels en Alles oor brood 19 Yskastert, Maaskaastert, Marshmallow tert 25 Plante en troeteldier wenke 27 Mielietert by braaivleis en Pampoenkoekies Vrugtesappe, Gewone jogurt SEPTEMBER 3 Nog seepkook en konfyt tertjie wenke! 4 Plaatkoekies Puisies 8 Diabetiese konfyt 12 Roomys 14 Alles oor Boerseep kook 17 Muggies en plae 18 Quiche 19 Psoriase Suurdeeg, plantjies en Vriendskapsbroodjies Roly-Poly’ ies en broodwiele Sjokolade rolkoek 22 Rolkoeke, wenke en nog resepte
Hantie, Hantie!! Spesiaal vir jou! Ons is self mal oor kamp, so ek heg graag
vir jou kampkos en karavaankos resepte aan! Geniet dit! Beste Groete ! Moira: n goulash resep wat
bier bevat, het verskyn n week of drie terug ??? Beste Moira Sjoe, ek pleit skuldig, maar ek spoor die resep waarvan jy praat glad nie op in die ARGIEWE nie, en gewoonlik is
al die resepte wat reeds verskyn het daar! In die KAMMANUUS verskyn nou ‘n reeks oor geregte van die wêreld, maar
ek dink nie dit het al daarin verskyn nie! Ek sluit egter vir jou my gunsteling GOULASH resepte in, dalk is dit een van hulle? Mooi wense en lekker kook! (Met Apologie, ek weet nie meer by wie of waar ek dit gekry het nie! Dis slegs oorgetik
en in my boek geplak en ek gebruik dit slegs as riglyn, want as jy een resep eenmaal gemaak het, maak jy daarna altyd jou
eie variasie! Ek eksperimenteer gewoonlik met die groente wat ek op daardie stadium in seisoen het, en wees nou maar eerlik,
enige “stew” Potjiekos, of prut-gereg, met vleis, uie, soetrissies en paprika is maar ‘n “goulash”!!
Sjoe! Die kook-deskundiges sal my sekerlik hieroor oor die vingers raps!! ) BEES GOULASH MET BIER I 30 ml olie Verhit olie in ’n swaarboompot en braai vleisblokkies bruin. Voeg
uie en knoffel by en braai tot uie sag is. Voeg paprika by, braai liggies en voeg tamaties, bier, bruinsuiker, sout en peper
by. Verhit tot kookpunt. Bedek pot, verlaag hitte en prut vir 1 ½-2 uur of tot vleis sag en sous dik is. Verwyder van
hitte en geur na smaak. Roer suurroom deur. Sit voor op aartappels of pasta. Genoeg vir 4-6 mense. BEES GOULASH MET BIER II 600 gr vleis blokkies 1 blikkie / botteltjie bier paprika, sout en peper,
rooi-peper, tiemie 2 rooi soetrissies in repies gesny 3 uie fyngekap 3 huisies knoffel gekap 2 aartappels in blokkies gesny VOLSTRUIS GOULASH MET PORT, SAMPIOENE en KLEIN UITJIES (Ek het dit nog net met bees-filet probeer) 1 e olyfolie Meng al die bestanddele
saam en laat vleis oornag hierin marineer. 1 e botter Verhit botter in kastrol. Soteer spek en preie daarin. Voeg
vleis en marinade by. Voeg al die geurmiddels by en laat prut 3-4 uur. Voeg die sampioene en uitjies by dertig minute voordat
die kooktyd verby is. Haal vleis uit en sit sous terug op stoof. Voeg room by en kook tot verminder en verdik. Plaas die vleis
terug in sous en laat deurwarm word. Skep warm goulash met sous, uitjies en sampioene op warm tagliatelle-pasta. (Hierdie
resep het ek via die TV program PASELA afgeskryf!) HONGAARSE GOULASH (‘n mengsel van ‘n Nederlandse internet resep
en my improvisering!) Smelt
2 eetlepels Holsum vet – of olyf olie Braai 2 groot gekapte uie, moenie dit karameliseer nie. Strooi 1 eetlepel paprika (die Hongaarse soort
as jou kruidenier dit aanhou) en pasop dat dit nie aanbrand nie. Roer deur. Neem 500g kook beesvleis, in blokkies opgesny, en saute dit in die pot.
Die vleis gaan begin vog afgee. Dis perfek. Gooi 2 huisies fyngekapte knoffel, 1 teelepel caraway sade, ‘n lourier
of suurlemoenblaar, sout en peper by . Gooi water in die pot wat die inhoud net-net bedek, sit die deksel op en prut vir so 1 ½ uur. Na hierdie eerste kooktyd gooi jy 2 wortels in wieletjies
opgesny, 2 Medium tamaties, opgesny, ‘n pakkie tamatie pasta, en 2 greenpeppers, in klein blokkies gesny
by. Gooi nog 2-3 koppies
kookwater by, sit die deksel terug en prut verder tot wortels en vleis lekker sag maar nie pap is nie. Bedien met ‘n lekker potbrood of maak kluitjies bo-op. KLUITJIES Klits 2 eiers, 3 ETL gesmelte botter en ¾ kp melk goed. Roer 2 kp bruismeel by. Skep lepelsvol bo-op die vleis,
laat gaar stoom vir laaste 10 minute, hou deksel dig toe ! Voila! Loraine Eksteen het geskryf: Goeiedag Retha, Ek het 'n oortrui begin brei wat in een van VKEUR uitgawes was
en kan my boek nou nerens opspoor nie. HELP ASB!! Liewe Lorraine! Ek het dit vir jou!
Met komplimente van VROUEKEUR! (Ongelukkig het ek nie die reg om die foto’s ook aan te heg nie! Die een het ‘n
pragtige loserige V-hals-kraag en die ander een is ‘n lospassende/loshangende lae nek Polo-hals.) Groetnis ! Dubbele breiplesier Moeilikheidsgraad: matig Dis weer breityd! Skop af met dié twee maklike oortruie Benodigdhede OORTRUI MET KRAAG SIRDAR CLICK ARAN of ELLE ARAN (50 g-balle) 6(6;8;9;10)balle in kleur van jou keuse Een paar 4 mm- en 5 mm-breinaalde Steekhouers OORTRUI MET LAE HALS SIRDAR COUNTRY STYLE
DK of ELLE DK (100 g-balle) 4(5;6;6;7;8)balle in kleur van jou keuse Een paar elk 3,25 mm- en 4 mm-breinaalde Steekhouers Tensy aanbevole breidraad gebruik word, kan Saprotex nie vir die voltooide produk verantwoordelikheid
aanvaar nie. Mate OORTRUI MET POLOHALS Om borsmaat te pas van: 61-66(71-76;81-86;91-97;102-107)cm Ware grootte: Bors:
71(80;90;101;111)cm Volle lengte: 40(50;60;62;64)cm OORTRUI MET LAE HALS Om borsmaat te pas van: 81-86(91-97;102-107;113-117;122-127;132-137)cm Ware grootte: Bors: 91(101;111;121;131;141)cm Volle lengte: 65(67;71;75;79;83)cm Aanwysings word vir die kleinste grootte gegee, met die groter groottes tussen hakies. Waar net
een syfer gegee word, geld dit vir al die groottes. Spanning Spaar tyd, doen ‘n spanningstoets. OORTRUI
MET POLOHALS 18 ste en 24 rye = 10 cm oor koussteek met
5 mm-naalde OORTRUI MET LAE HALS 24 ste en 36 rye = 10 cm oor pat met 4 mm-naalde Vir die beste resultate is dit belangrik om die regte spanning te hê. As daar te min steke op die toetslappie
is, gebruik dunner naalde; as daar te veel steke op is, gebruik dikker naalde. Afkortings alt – alternatiewe aw – aweregs beg – begin cm - sentimeter herh – herhaal ks – koussteek mm - millimeter oorbl – oorblywende pat – patroon r – regs R1O – regs in onderste st R(V)K – regte(verkeerde)
kant st(e) – steek(steke) tes – tesame vermin – verminder vermeer – vermeerder vlg – volgende OORTRUI MET POLOHALS Agterpant Met 4 mm-naalde en duimmetode, stel 73(85;97;103;115)ste op. 1ste ry: r2, *aw3, r3, herh van * tot laaste 5 ste, aw3, r2. 2de ry: aw2, r3, *aw3,
r3, herh van * tot laaste 2 ste, aw2. Hierdie 2 rye sal nou na verwys word as 3x3-rif. Gaan voort in 3x3-rif vir 6(7;8;8;8)cm, eindig met VK-ry. Vlg ry: aw4(6;2;7;8),
aw2tes, (aw6[4;4;6;5], aw2tes)8(12;15;11;14)keer, aw3(5;3;6;7). 64(72;81;91;100)ste. Met 5 mm-naalde gaan soos volg voort: 1ste ry: r. 2de ry: aw. Hierdie 2 rye sal nou na verwys word as ks.** Gaan voort in ks (deurgaans) tot agterpant 37(47;57;59;61)cm lank is, eindig met VK-ry. Skouervorming Heg 6(7;8;10;11)ste aan beg van vlg 2 rye af. 52(58;65;71;78)ste. Heg 6(7;9;10;11)ste aan beg van vlg 2 rye af. 40(44;47;51;56)ste. Heg 7(8;9;10;12)ste aan beg van vlg 2 rye af. 26(28;29;31;32)ste. Laat oorbl 26(28;29;31;32)ste op steekhouer. Voorpant Werk soos gegee vir agterpant tot **. Werk in ks (deurgaans) tot voorpant 31(40;49;51;52)cm lank is, eindg met VK-ry. Halsvorming Vlg ry: r26(29;33;37;41), draai, laat oorbl 38(43;48;54;59)ste
op steekhouer. Werk slegs oor hierdie 26(29;33;37;41)ste soos volg: Vlg ry: aw. Werk 4 rye, vermin 1 st aan nekrand in elke ry. 22(25;29;33;37)ste. Werk 5 rye, vermin 1 st aan nekrand in vlg en elke vlg alt
ry. 19(22;26;30;34)ste. Gaan voort sonder om te vorm tot voorpant
37(47;57;59;61)cm lank is, eindig met VK-ry. Skouervorming Heg 6(7;8;10;11)ste af, r tot einde. 13(15;18;20;23)ste. Vlg ry: aw. Vlg ry: heg 6(7;8;10;11)ste af, r tot einde. 7(8;9;10;12)ste. Vlg ry: aw. Heg oorbl 7(8;9;10;12)ste
af. Met RKV, werk oor oorbl 38(43;48;54;59)ste, gl12(14;15;17;18)ste op steekhouer, heg draad aan oorbl
26(29;33;37;41)ste en r tot einde. Vlg ry: aw. Werk 4 rye, vermin
1 st aan nekrand in elke ry. 22(25;29;33;37)ste. Werk 5 rye, vermin
1 st aan nekrand in vlg en elke vlg alt ry. 19(22;26;30;34)ste. Gaan voort sonder om te vorm tot voorpant 37(47;57;59;61)cm lank is, eindig met RK-ry. Skouervoming Vlg ry: heg 6(7;8;10;11)ste af, aw tot einde. 13(15;18;20;23)ste. Vlg ry: r. Vlg ry: heg 6(7;9;10;11)ste
af, aw tot einde. 7(8;9;10;12)ste. Vlg ry: r. Heg oorbl 7(8;9;;10;12)ste af. Polohals Werk regterskouernaat toe. Met RKV en 4 mm-naalde tel op en r20(22;23;23;26)ste eweredig langs linkerkant van nek,
12(14;15;17;18)ste oor op steekhouer aan voorkant van nek, 20(22;23;23;26)ste eweredig langs regterkant van nek en 26(28;29;31;32)ste
oor op steekhouer aan agterkant van nek. 78(86;90;94;102)ste. 1ste ry: r2, *vermeer in vlg ste aweregsgewys, aw1, vermeer in vlg st regsgewys, r1, herh van * tot laaste 4 ste,
vermeer in vlg st aweregsgewys, aw1, r2. 115(127;133;139;151)ste. Begin met 2de ry van 3x3-rif, werk tot polohals 13(14;15;15;15)cm lank is, eindig met VK-ry. Heg in rif af. Mousgatrande (dieselfde) Werk linkerskouer- en polohalsnaat toe, werk aan verkeerde kant vir omslaan. Plaas merkers 17(19;22;24;26)cm van
skouernate af aan sykante van voor- en agterpante om mousgate aan te dui. Met RKV en 4 mm-naalde, tel op en r79(85;97;109;115)ste
eweredig tussen mousgatmerkers aan voor- en agterpant. Begin met 2de ry van 3x3-rif werk 3(3;4;4;4)cm, eindig met VK-ry. Heg in rif af. Om te voltooi Werk sy- en mousgatnate
toe. Lê trui uit volgens mate, bedek met klam lap en laat om droog te word. Sien verpakkingsmateriaal vir versorgingsinstruksies. OORTRUI MET LAE HALS Agterpant Met 3,25 mm-naalde
en duimmetode, stel 118(134;146;158;170;186)ste op. 1ste ry: r2, *aw2, r2, herh van * tot einde. 2de ry: *aw2, r2, herh van * tot laaste 2 ste, aw2. Hierdie 2 rye sal nou
na verwys word as 2x2-rif. Werk in 2x2-rif vir 10(10;10;12;12;12)cm, eindig met RK-ry. Vlg ry: rif 10(6;6;6;6;4),
rif2tes, (rif10[8;9;10;11;9], rif2tes)8(12;12;12;12;16)keer, rif10(6;6;6;6;4). 109(121;133;145;157;169)ste. Met 4 mm-naalde gaan soos volg vort: 1ste ry: r. 2de ry: aw. 3de ry: aw1, *r1, aw1, herh van * tot einde, 4de ry: r1, aw1, *R1O, aw1, herh van * tot laaste st, r1. Van 1ste tot 4de rye
stel pat vas ** Gaan voort in pat soos vasgestel (deurgaans) tot agterpant 65(67;71;75;79;83)cm
lank is, eindig met VK-ry. Skouervorming Heg 17(20;23;25;28;29)ste
in pat aan begin van vlg 2 rye af. 75(81;87;95;101;111)ste. Heg 18(20;23;25;28;30)ste in pat aan begin van vlg 2 rye af. 39(41;41;45;45;51)ste. Heg oorbl 39(41;41;45;45;51)ste in pat af. Voorpant Werk soos gegee vir agterpat tot **. Gaan voort in pat soos vasgestel (deurgaans)
tot voorpant 30(30;32;34;36;38)cm oak is, eindig met VK-ry. Verdeel vir nek Vlg ry: pat 47(52;58;63;69;75), draai, laat oorbl 62(69;75;82;88;94)ste op steekhouer. Werk slegs oor hierdie 47(52;58;63;69;75)ste, gaan soos volg voort: Vlg ry: pat. Werk 111(91;91;61;61;33)rye, vermin 1 st aan nekrand in vlg en elke vlg 10(10;10;10;10;8)ste ry. 35(42;48;56;62;70)ste. Vir slegs 2dee, 3de, 4de, 5de en 6de groottes Werk (24;24;72;72;110)rye, vermin 1 st aan nekrand in elke vlg (12;12;12;12;10)de ry. (40;46;50;56;59)ste. Vir al 6 groottes Gaan voort sonder om
te vorm tot voorpant 65(67;71;75;79;83)cm lank is, eindig met VK-ry. Skouervorming Vlg ry: heg 17(20;23;25;28;29)ste in pat af, pat tot einde. 18(20;23;25;28;30)ste. Vlg ry: pat. Heg oorbl 18(20;23;25;28;30)ste in pat af. Met RKV heg draad aan oorbl 62(69;75;82;88;94)ste en gaan soos volg voort: Vlg ry: heg 15(17;17;19;19;19)ste
in pat af, pat tot einde. 47(52;58;63;69;75)ste. Vlg ry: pat. Werk 111(91;91;61;61;33)rye, vermin 1 st aanb nekrand in
vlg en elke vlg 10(10;10;10;10;8)ste ry. 35(42;48;56;62;70)ste. Vir slegs 2de, 3de, 4de, 5de en 6de groottes Werk (24;24;72;72;110)rye, vermin 1 st aan
nekrand in elke vlg (12;12;12;12;10)de ry. (40;46;50;56;59)ste. Vir al 6 groottes Gaan voort sonder om te vorm tot voorpant 65(67;71;75;79;83)cm
lank is, eindig met RK-ry. Skouervorming Vlg ry: heg 17(20;23;25;28;29)ste
in pat af, pat tot einde. 18(20;23;25;28;30)ste. Vlg ry: pat. Heg oorbl 18(20;23;25;28;30)ste in pat af. Nekband Regterkant Werk skouernate toe.
Met RKV en 3,25 mm-naalde begin aan binnerand van afhegste aan voorkant van nek, tel op en r127(131;139;145;153;161)ste eweredig
oor regterkant van nek en 20(20;20;22;22;26)ste tot in middel van nek agter. 147(151;159;167;175;187)ste. 1ste ry: aw2, *r2, aw2, herh van * tot laaste st, r1. 2de ry: aw1, *r2, aw2,
herh van * tot laaste 2 ste, r2. 1ste en 2de rye stel rif vas. Werk in rif vir 6(7;7;8;8;8)cm , eindig met VK-ry. Heg in rif af. Linkerkant Met RKV en 3,25 mm-naalde begin in middel van nek agter, tel op en r20(20;20;22;22;26)ste
eweredig tot by skouer en 127(131;139;145;153;161)ste eweredig oor linkerkant van nek. 147(151;159;167;175;187)ste. 1ste ry: r1, *aw2, r2, herh van * tot laaste 2 ste, aw2. 2de ry: r2, *aw2, r2,
herh van * tot laaste st, aw1. 1ste en 2de rye stel rif vas. Werk in rif vir 6(7;7;8;8;8)cm, eindig met VK-ry. Heg in rif af. Mousgatrande (dieselfde) Plaas merkers 21(23;25;27;29;31)cm van bokant van skouers
af aan voor- en agterpant. Met RKV en 3,25 mm-naalde tel op en r110(122;134;146;154;162)ste eweredig tussen merkers. Begin
2de ry van 2x2-rif, werk 6 cm, eindig met VK-ry. Heg in rif af. Om te voltooi Werk sy- en mousgatnate toe. Werk naat in
middel van nek agter toe. Plaas regter- oor linkerkant, werk syrande van nekband in posisie oor afhegste aan voorkant van
nek. Lê trui uit volgens mate, bedek met klam lap en laat om droog te word. Sien verpakkingsmateriaal vir versorgingsinstruksies. Erika: My kind moet 'n taak maak met die verskil tussen botterbroodjies en muffins en die bakproses, en
drie verskillende apparater warmee filterkoffie berei kan word. Help, groot asb! Liewe Erika, ‘n Liewe Niggie in die familie
is ‘n kookdeskundige, en sy het my met die antwoord gehelp! Dankie Marelie!! Sy laat weet: Liewe Tannie, Kom ons begin met die maklikste eerste… Volgens wat ek kon kry in my handboeke en op Google (my beste maatjie) kry n mens n vakuum brouer, perkulator en
plunjer… In verband met die botterbroodjies (skons) en muffins is albei deel van Vinnige brode “Quick
breads” wat beteken dat hul albei van chemiese rys agente“chemical leavening agents” gemaak word wat koeksoda
“baking soda”en bak poeier“baking powder” is. Onder quick breads
is daar drie tipes meng tegnieke naamlik Koekies metode “Biscuit method”, Muffin metode “Muffin method”
en Roommetode “Creaming method”. ‘n Skon word van die Biscuit method gemaak en die doel is om n “light,
flaky and tender” eind produk te kry. Die prosedure vir die Biscuit method is soos volg. 1.Weeg en meet al die bestandele 2.Sif die droë bestandele saam 3.Sny die vet in die droë bestandele in, die vet moet in ‘n solide vorm wees. 4.Meng die vloeistowwe saam, insluitend die eiers 5.Voeg die nat bestandele saam met die droë
bestandele en meng. Moet nie oor meng nie dit veroorsaak dat die eindproduk taai
is en dit belemmer die rys van die produk. 6.Knie die deeg 10 tot 15 keer ( 20-30 sekondes).
Die deeg moet sag en elasties wees maar nie taai nie. 7.Die deeg kan nou gevorm
en gabak word. Vorm en bak proses 1.Rol die deeg
uit oor n oppervlakte met meel oor, tot n dikte van 1.2-1.8 cm. Roll dit eweredig uit,
die eindproduk gaan dubbel in hoogte wees na gebak. 2.Sny die deeg in die gepasde vorm.
Sny reguit af en moet nie die vorm “twist” nie dit belemmer die rys. 3.Plaas die vormpies op n gesmeerde pan. Hoe nader die vorms aan mekaar is, hoe sagter gaan die eindproduk wees, vir ‘n “crusty” kant, sit die vormpies
verder van mekaar af weg. 4.Druk die oorblywende deeg saam en rol weer uit.
Dit kan net een keer gedoen word. 5.Bak dadelik in ‘n warm oond 6.Koel die eindproduk af voor bediening ‘n Muffin word weer met die Muffin method gemaak die doel is om ‘n “tender product with an
even shape and even distribution of fruits, nuts or other ingredients” te kry. Muffin metode: 1.Weeg en meet al die bestandele 2.Sif die droë bestandele saam 3.Kombineer die vloeistowwe, dit sluit die gesmelte vet of olie in 4.Voeg die nat
bestandele by die droë bestandele en roer net tot gemeng. Moet nie oor meng nie.
Die beslag sal klontereg wees as gevolg van die neute, vrugte of ander bestandele. 5.Die beslag is nou reg om gedeel en gebak te word. Vorm en bak: 1.Smeer die muffin pannetjie 2.Skep eweveel beslag in elke pannetjie 3.Bak 4.Koel die eindproduk af voor bediening Let ook asseblif op dat as daar na skon verwys word praat ons van deeg en as ons na muffin verwys praat ons van beslag…
die verskil gaan oor die water inhoud van die twee. Bron:LABENSKY, S.R & HAUSE, A.M. 2007. On Cooking.
3th Edition. Prentice Hall: New Jersey Die volgende webwerwe vind ek ook behulpsaam! http://www.afrikaanseskoolprojekte.co.za/ http://openpdf.com/ebook/gasvryheidstudies-pdf.html http://www.impakonderwys.co.za/images/Gasvryheidstudie%20Junie-eksamen%20G10%20K2.pdf http://www.futureentrepreneurs.co.za/uploads/lessons/AFR/Gr10/Graad10_Gas_Final.pdf http://www.impakonderwys.co.za/images/Gasvryheidstudie%20Studiebrief%20G10%20K2.pdf http://openpdf.com/ebook/gasvryheidstudies-pdf.html http://www.guidelines.co.za/cat-search.aspx?count=280&Ssearch= Mareta: Hoe bewaar ek droe bone sodat daar nie miet inkom nie. Ook droe vrugte
asb. Beste Mareta! Dankie vir jou navraag! Wat ek met sukses gebruik en wat sover vir my help is 'n stuk gewone wit kers. Ek breek stukke af en plaas dit tussen
my rys, mieliemeel ens. in 'n lugdigte bottel of Tupper-houer. Ek het ook al droë Lourierblare met
sukses i.p.v kerse gebruik. My hawermout hou ek egter in die yskas, ek kan nie onthou hoekom nie! Of dit steeds
miet ingekry het en of ek dit bloot daarin begin sit het oor die houer so gerieflik in die yskasdeur vir die kinders gepas
het om hul eie "oats-pap" of "ouma-see-pap" soos hul dit genoem het, te kon maak, weet ek nie, maar ja,
dit bly steeds in die yskas... My droë vrugte gebruik ek te gou op! Maar ek hou gewoonlik myne ook
in die yskas en my dadels sommer vir maande in die vrieskas. Ons koop gewoonlik 'n paar kilogramme as ons byPella verbygaan en
dis te kosbaar om versmaai te word! Dan "ontdooi" ek dit teen kamer temperatuur en dis piekfyn. Vanweë die hoë
suiker inhoud, vries dit nie werklik nie en ontdooi dit dus baie gou. Hoop dit help ook vir jou, laat weet gerus! Colleen Claassen: Hi daar, Ek het vandag
eers op julle werf aan gekom en dit is stunning. Ons is in die proses om te verhuis na Upington, ek het gister in die Landbouweekblad
gelees van die sonstoof. Ek is bitter nuuskierig hoe die potte en die stoof lyk en het gewondr of U my dalk 'n prentjie
of meer kan vertel? Lekker dag!!! Colleen, Ek is so bly jy het op ons
werfie beland! Ek is self besig om te verhuis, nie ver nie maar soos jy weet bly dit chaos! Oe Upington is 'n heerlike
plek! Ons is ook Noord Kapenaars en dis die beste provinsie in ons land! Skoon lug, baie son, water, goeie grond, veiligheid
en stilte.... Wil jy nie asb op die GISTER OP DIE AGTERGROND bladsy gaan
loer nie, heel onder iewers was daar iets en resepte oor 'n sonstoof, ook 'n webwerf se adres waar jy meer kan oplees! Hoop dit sal jou help, laat weet as jy nie regkom nie dan stuur ek dit
vir jou aan sodra ek kansie kry!Mooi dag en beste groete! Louise: Beste Retha Ek het vandag vir die eerste maal by jou webwerf uitgekom – en was dit nou vir jou ‘n fees!! Baie
dankie vir al die kosbaarhede wat jy met ander deel – dit word gekoester. Ek kon net nie die
ingelegde komkommer resep raaklees by die argiewe nie – dalk was daar te veel ander goed wat my oë op gefokus het
– sal jy dit asseblief vir my kan stuur. Ek het gehoor dat ‘n mens ook Engelse komkommers soos agurkies in stroop kan kook –
sou dit graag wou probeer omdat agurkies nie so geredelik beskikbaar is nie. Sal van nou af gereeld
op jou webwerf rondstap – geniet jou beskrywing van die Karoo ongelooflik – en ja, jy het beslis ongekende
talent – dankie dat jy die mooi van die lewe metander deel. Mooi bly en geniet die wonderlike plaaslewe
– mal oor jou foto waar jy die ou bokkie so voer! God skenk ons soveel vreugde – ons moet net altyd daarvan
bewus wees – want ons vind dit oral! Seënwense Louise , Dankie vir jou heerlike brief! Ek help graag! GEBOTTELDE AGURKIES 3
bottels (750 ml) asyn 1 bottel water 1/2 kp sout 1/2 kp suiker 1/2
pakkie " Pickling-Spice" Was jou klein komkommertjies goed af, dreineer alle
oortollige water, en pak dit rou en styf in jou bottels. Kook bs. en gooi dit kokend oor die gebottelde
agurkies of jong komkommers. Bottel warm deur dadelik die deksels op te draai,keer die bottels om en laat afkoel
voor jy dit was en wegpak. As jou komkommers al te groot raak, kan jy dit was en in skyfies sny en dan ook soos hierbo
bottel. Probeer OOK die volgende: 3 kg vars agurkies of komkommer skyfies 6
kp asyn 6 kp suiker 1 Etl borrie 3 Etl kerrie 6
uie gekap Aromat na smaak 1 pakkie "Pickling-Spice" 3
rooi "green peppers" Braai uie. Voeg kerrie en borrie by, roer goed deur.Gooi
asyn en ander speserye by, kook. Gooi agurkies of skyfies komkommer by en laat vir so 2-3 minute deurkook. Bottel warm. En OOK die volgende is heerlik: 4 groot uie in ringe gesny 1
groot Engelse komkommer in ringe gesny Kook 1 kp water, gooi uie en komkommer by en kook 10 minute
tot droog. Voeg nou by: 1 kp asyn 1 kp suiker 2 Etl kerrie 2
Tl mosterd poeier 1 tl pietersielie en tiemie opsioneel Kook tot suiker opgelos
en deurgekook is. Moenie weer droogkook nie! Meng 2 Etl mielieblom met 1 kp asyn en gooi dit by,kook
tot verdik. Bottel dadelik warm. Geniet jou komkommers! Jakkie Joubert: Waar kan ek Eier poeier
koop (gedroogte eier)Groot asseblief Hi Jakkie! Jy kan eierpoeier koop by CAMPO in Krugersdorp!
(Weet nie waar jy is nie!) En ook by ander uitgesoekte kamp / outdoor verskaffings plekke... en as jy by 28 November op die
GISTER ... bladsy op die werfie gaan loer, vertel ek jou ook hoe om jou eie te maak as jy sou wou! Mooi
dag en beste groete! Alta Visser: Hiasinte - is dit 'n plant of onkruid.
Waar tref mens dit aan? Wel Alta, Water Hiasinte is 'n onkruid wat die suurstof uit ons damme en mere steel en so die water lewe stadig maar
seker vernietig. Hiasinte , egter met hul lieflike wit, pers, blou of pienk welriekende blomme, is winter
bolle wat begin blom sodra die lente aanbreek en jy kan dit gerus aanplant. Jy kan dit ook as fokusplant in die huis
gebruik, plaas bv. 3-4 bolle op wit spoelklippies in 'n mooi glasbak, en vul met water om die klippies te bedek maar
die bolle moet net-net aan die water raak sodat dit wortels kan vorm en die bolle aan die klippies kan anker. So sien jy die
wortelgroei en dit word 'n baie mooi binnenshuise plant. Wanneer dit klaar geblom het kan jy die bolle in die
tuin gaan uitplant tot volgende jaar. Jy kan by enige kwekery of supermark wat bolle aanhou daarvan te koop kry. Ek dink dit
is 'n uitheemse plant en wel afkomstig van Holland. ISAURA: ek is op soek na ou resep hoe om boer seep
te maak. Ek kon vir Isaura antwoord en haar ook herlei na die GISTER
op die AGTERGROND bladsy waar resepte verskyn... en daleenvanas@yahoo.com het juis
geskryf en gesê: Iemand het navraag gehad oor boereseep, ek maak en verkoop nog die regte outydse boereseep
- kontak my gerus! Carin de Beer: diabetiese beskuit resep asb! Hi Carin! Probeer gerus hierdie een! Daar is wel suiker
by, maar omdat dit so hoog in semels is, is dit Gi-Goed! En mens kan nie juis teveel daarvan eet nie! Uitstekend
vir die maag! Dit is baie bros hoor! 9 kp semels 2 kp bruismeel 3
kp NuttyWheat 1 ½ kp suiker(gebruik plaasvervanger soos natreen of Huletts se Suger-lite...) 1
groot hoë Etl bakpoeier 1 desertlepel sout 500 g botter 4
eiers 500 ml melk 3 desertlepels asyn Meng droë bestandele. Vryf
die botter in die meelmengsel in. Meng al die vloeistof bestandele en roer by bs. Druk
vas in oondpan Bak vir 40 min teen 180 grade C. Droog uit. Ek heg ook vir jou
die beste uittreksels van ‘n interesante webbladsy aan dalk wil jy inteken by hulle?...jul ander kan my ook kontak
as jul meer hieroor wil weet... En laastens, ‘n spesiale Dankie aan ons Burgemeister Hennerik, wat vir my ook via
die werfie se navrae-blokkie laat weet het: Jou webtuiste is regtig wonderlik en ek is moerse trots op jou en jou
eindelose entoesiasme! Wel gedaan rietbok! Onthou jul, Marie Burger het gevra: Waarom bars pasteie wat met broskors deeg gemaak partymaal
in die vrieskas ? Wel Marie, Jy het seker gedink ek het heeltemal van jou vergeet? Moenie glo nie! Kyk watter ander raad het ek vir jou opgespoor! RETHA van SOMAAKMENS, en SOMAAKMENS se FAN BLADSY op FACEBOOK, se
VRIENDE het gereageer! Hoop dit help! 1. Gert Myburgh het laat weet: Ontdooi deeg in yskas.....dis die geheim 2. Ursula Steyn sê weer: As dit klaar gemaakte pasteie is van broskors deeg, sou ek raai dat die vrieskas miskien
te koud gestel is of dit kanwees dat
die deeg 'n bietjie te veel meel in het. 3. Annique Victor Strepies het gesê: Roudeeg moet goed in kleefplastiek toegedraai word-vir
2-3 dae in yskas, ontdooi deeg voor uitrol anderskraak dit. 4. Linda Fouche het laat weet: Ek dink dis die vetterigheid van die botter wat met die vogtigheid van die yskas in
aanraking kom wat dit veroorsaak, want as jy water en botter in 'n pan gooi, dan skei dit mos, en ek dink dit kan dalk
die rede wees hoekom die deeg dan kraak. Laat weet gerus of dit jou help! Hantie skryf: ek gaan op n uitgebreide karavaan toer deur suid afrika het jy dalk vir
my resepte wat ek kan maak wat vinnig gaan vir 2 mense. baie dankie Beste Hantie...ek hoop jy hou van die resepte wat ek aangestuur het, en kan dit gebruik! Gaan loer ook tussen die resepte op die Argief bladsy, daar
is al heel lekker dinge wat jy met sukses op kamp kan maak...ons is self lief vir kamp en kampkos!Hou ons gerus op hoogte van wat jy maak en waar jul dit eet! Die
plek maak mos dikwels die maal! En gaan die rekenaar saam? Met SO MAAK MENS naby het jy nie eers nodig om 'n resepte boek
te pak nie! Groetnis! Hester Kruis skryf: Hallo, Ek is op soek na respte vir die volgende; inlê van groen
rissies, engelse komkommer asook 'n resep om brandrissie soos 'n patee te maak. Ek hoop iemand sal my kan help. Natuurlik Hester sal iemand jou kan help!
Die komkommer resep kan jy in die ARGIEF kry, en die rrrrrregte
rrrrrissie patee rrrresep soek ek nog vir jou! Miems Vorster het geskryf: Ons beplan 'n groentetuin by ons huis in Benoni. Watter groente kan nou geplant word? Groete Liewe Miems, ek het
vir jou goeie raad in ons TUINHOEK, sal jy daar gaan snuffel ook? Hetty Openshaw het gesoek na : Hoesstroop resepte! Hetty, Hoop ek kan jou hiermee help! My ouma se resepte lui: 1. Kook 250 ml asyn met 12.5 ml naeltjies vir sowat 6 minute,
syg deur, voeg by die naeltjie-asyn 250 ml suiker en kook daarvan ‘n dunnerige stroop. Laat afkoel, en bottle. Gebruik 5 ml soos
nodig. 2.Rooster afgedopte sonneblom sade soos
koffiebone, en maal dit dan. Maak hiervan ‘n kp “sonneblom-koffie”. Versoet met suiker of heuning.
Drink vryelik. 3.Meng 1 Etl Rum, ½ Etl Terpentyn-spiritus (Turlington’s) en 1 Etl heuning. Meng goed,
en gebruik as SMEERMIDDEL op bors, rug, polse en onder voetsole. 4. Meng 15 druppels Ipecuana Wyn en 10 druppels Paragorie Gee snags op suiker
of in bietjie water. Jy kan dit tesame met brorsdruppels ook in
gouestroop inmeng en so daarvan gebruik. 5. Meng 2 Etl Brandewyn, ½ kp heuning en 3 Etl suurlemoensap deeglik, en gebruik soos
nodig. 6. Kook ‘n hoesstroop van 2 kp Wildeals, ( gebreekte blare en takkies) en een 20 cm takkie Wynruit en
1 kp suiker in 1 liter water.Kook dit saggies op matige vuur vir sowat 1 uur tot daar sowat ‘n kwart verdamp het en
dit ‘n lekker stropie gekook het. Gebruik soos nodig. My granny used to say that "If you take medicine for a cold, you
will be cured within seven days, and if you don't, you will be cured within a week." But the common cold is the cause
of considerable misery, especially at this time of the year. Searches for its cure are like searches for the Holy Grail. Fortunately
herbs, when used as part of a well planned natural treatment protocol, have much to offer. In this weeks newsletter I want
to introduce you to 5 herbs that you should consider learning about this year. Cayenne (Capsicum sp.) Chillies, especially Jalapeno, are probably the best, most
available and most effective antiviral. Unfortunately, unless you are used to taking it, your digestive tract won't tolerate
enough cayenne to treat your virus infection. Try to integrate more chillies into your diet before you get sick. Then, when
you need it, you'll have a better tolerance for high doses. To get accustomed to the heat of chilli try a glass of water or
milk with a few drops of Tabasco sauce
on a daily basis. Gradually increase the drops. You can grow your own chilli plants or you can buy chillies from your green
grocer. Echinacea (Echinacea sp.) Taken frequently, and in sufficient quantities, this is
undoubtedly the best herb to take during the early stages of your cold. It is not an antibiotic - it does not kill germs.
Instead, it works by stimulating the production of white blood cells, accelerating their maturity, and speeding their travel
to the area of infection where they fight off the invaders. You can also take echinacea in small quantities before you get
a cold (especially when everybody around you is getting sick) to help build your immunity. Take echinacea as an infusion or
as a tincture. Both are available from health shops. You can also grow your own. Elderberry (Sambucus nigra) Elderberry has been used for centuries to treat colds and
flu. Recent research indicates that elderberry fruit extract may de-activate cold and flu viruses by preventing them from
replicating (they must reproduce or else they can't infect the body.) Although this finding is exciting it only proves what
millions have known for ages - it works for colds and flu. It is best taken at the first signs of a cold either as an infusion,
tincture or capsules. Discontinue use as soon as your symptoms subside. Available from health shops. Don't try to grow your
own in South Africa, it's very invasive. Garlic (Allium sativum) Garlic is sometimes referred to as a truly natural antibiotic
as it can destroy foreign bacteria without any side effects. Its antimicrobial properties stem from the substance allicin,
a potent antibacterial agent that is released when garlic cloves are cut or bruised. The volatile oil containing the allicin
is excreted via the lungs. This explains why garlic is so successful in combating respiratory infections such as chronic bronchitis,
catarrh and recurrent colds and flu. Garlic is best when fresh but it can also be taken in capsule form. But make sure that
the capsules contain natural allicin - the synthetic alternatives are useless. Many people use it daily as a tonic to maintain
health and to prevent recurrent respiratory infections. About 4 g fresh garlic (one medium sized clove) daily is recommended
for tonic use, or if you prefer capsules, one capsule twice daily. For a therapeutic dose use one clove three times a day.
Obtain it from your grocer or try and grow your own. Ginger (Zingiber officinalis) Ginger, either freshly grated or powdered, taken
as a tea induces sweating and elimination. Hot ginger tea (or my favourite - ginger brandy made with a prima quality 10 year
old brandy and fresh ginger root) also supports and tonifies the stomach, spleen and large intestine and it improves bowel
function. It is a classic immune system and respiratory tonic. Ginger will also provide relief for virtually all of your cold symptoms - fever, sinus congestion, sore throat, stomach
ache and nausea. Available from you grocer or supermarket as fresh root, ginger powder or tincture (Lennon's Jamaica Gemmer.) www.ageless.co.za/herbal_remedies.htm seg: For Colds use: bergamot, echinacea, elderflower, ginger,
lemon thyme, maidenhair fern, marjoram, pineapple sage, rose hip, rosella, sage, violet, yarrow Colic anise, caraway, cardamom,
catmint, chamomile, fennel, lemon grass, lemon verbena, melissa, mint, peppermint, rose hip, strawberry Colitis calendula,
melissa, mint Thea Fouche het gevra: Ek wil beet inlê en soek asseblief 'n resep. Wel Thea, SO MAAK JY! GEBOTTELDE GEMMER-BEET (Ouma Leen) 500ml suiker 500 ml water 750 ml asyn 3 ml gemmer 5 ml kaneel Sout en peper na smaak 2 bossies beet ( sowat 12) Kook beet tot gaar, verwyder skil en sny
of rasper. Kook res van bestandele saam. Voeg beet by en laat weer opkook.As jy dit bietjie meer wil bind, kan jy 1 Etl Maizena
byroer net voor jy dit bottel. Bottel warm. En Dan uit:E-Boek:
EGTE AFRIKAANSE RESEPTE, my variasie! BEET-ATJAR Meng en bring 2 kp bruin asyn, en 3 kp suiker tot kookpunt. Voeg dan by: 6 kp gaar beet in blokkies gesny en
2 uie redelik fyn gekap. Meng die volgende en voeg by kokende mengsel: 3 tl kerrie,
1 tl tiemie,1 tl sout, en kook alles vir nog sowat 10 minute, voeg dan 45 ml maizena by en kook deur tot verlangde dikte.
Bottel warm. OF BEET-BLATJAN 2 groot bossies beet 8-10 uie 6Etl Kerrie 1.5 kg suiker 1.5 l wit asyn Sout en peper na smaak 3 Etl olie 4 Etl Maizena Kook beet tot gaar, rasper. Braai uie in olie tot ligbruin.Voeg by beet. Voeg res van bestandele by, bring tot kookpunt.
Meng die Maizena met bietjie water en voeg egter laaste by, roer tot verdik. Bottel. KRUIE-ASYN-BEET 1 kg beet, sag gekook, gerasper of in skyfies gesny.Pak in gesteriliseerde bottels. Kook die volgende vir sowat 5 minute saam : 1 kp water 2 kp suiker 1/2 tl gemmer 1/4 tl kaneel 4 kp asyn Sout en peper na smaak. Gooi kokende asyn-mengsel oor beet, en bottel
warm. SPESERYE-BEET-SLAAI (My Verwerking van die resep wat in
KNUPPELDIK verskyn het.Kan ook gebottel word.) Kook vir sowat 10-15 minute: 2 kp asyn 2 kp water 1/2 tl fyn naeltjies 1/2 tl kaneel 1 tl piment korrels 2 lourierblare Sout en peper na smaak Maak 1 pk rooi Jellie nou aan met hierdie asyn, en gooi
bo-oor gerasperde gaar beet. Laat stol en bedien as koue slaai. * Ek het die jellie
ook al by die asyn gemeng in die kastrol, die water vervang met 1 kp suiker, en dit dan oor blokkies gaar beet in bottels
gegooi en warm gebottel. Dit wss op geeet voor 2 maande om was so ek weet nie of dit langer sou gehou het,soos die ander bottel-resepte
hierbo nie! En wat van 'n BEET-WORTELKOEK? 500 ml meelblom, gesif 12.5 ml bakpoeier 5 ml fyn kaneel 1 ml sout 250 ml olie 3 eiers geskei, witte
styf geklop 375 ml strooisuiker 250 ml gerasperde gaar
beet 250 ml gerasperde wortels 250 ml gekapte neute Sif meel, bakpoeier en kaneel saam. Klop olie en suiker tot glad. Voeg beet, wortels, neute en eiergele by. Roer
goed in. Meng nou die droë bestandele by, en dan die eierwitte ingevou. Bak in gesmeerde ringpan
in MIKROGOLF vir sowat 11 minute teen volle krag. Laat staan rukkie voor uitkeer. Ek voer my
pan ook met handdoekpapier uit, en spuit dit ook met kllefsproei... BASIESE BILTONG
RESEP (vir
bees of wildsvleis) Gebruik goeie snitte uit die boud, blad of rugstring. Meng: 1 kg growwe sout 45 ml bruin suiker 50 ml saltpeter (Opsioneel, dit gee daardie mooi pienk kleur en help met persevering.) 10 ml koeksoda (Ook opsioneel, help met preservering en sagmaak van vleis) 15 ml swart peper 62.5 ml growwe koljander. Sout die biltong deeglik in. Sprinkel die asyn oor die biltong
en laat lê vir 12 uur of oornag. Haal uit en was af in matige asynwater. Hang
op om droog te word. * Ons meng sommer alles en “roer” die biltong,
asyn en speserye mengsel goed met die hand deurmekaar, laat dit oornag, en in ons warmer gebiede, “spoel” ons
dit nie weer met ligte asyn af nie, maar hang dit direk na die oornag-wag op, dan drup die oormatige asyn en vog self af op
koerantpapier. Laat droog tot hoe droog jy dit verkies, en bêre in sakkies in vrieskas
of in katoen slopie in donker koel plek. In slopie word dit net nog meer droog en bros maar in vrieskas behou dit daardie ”klam“ biltong
tekstuur. Laai ontdooi teen kamer temperatuur en Voila!! Geniet jul kookerye! Hennie Coetzee het weer vir my geskryf: Môre
Retha Hoop die nuwe jaar bring jou vreugde. Ek is alweer op soek na 'n resep en wonder of jy sal kan help. Iets wat ons
as kinders gereeld gedrink het, was suurpap of te wel mageu, 'n tradisionele drankie waarvan mieliemeel die hoofbestandeel
is en waarvoor Swart mense veral baie lief is. Die hedendaagse mageu wat in kafees ens te koop is kom in soveel geure maar
nie een kom by die smaak van die gewone mageu van my kinderjare nie.Hoop jy kan help.Groetnis, Hennie, ek het op hierdie afgekom op 'n FERMENTEER geselsblad...verskoon weereens die ander
taal, maar ek wil so vinnig as moontlik reageer, en om dadelik alles te vertaal laat onodige foute insluip...soms! Ja, ek
belowe om met tyd, wel alles in alle ander tale na AFRIKAANS te vertaal, want ek IS trots AFRIKAANS! ... To make traditional suurpap you start by stonemilling unsprouted maizekernels into a
fine flour. This is mixed with pure fresh cold water into a thin slurry, put in an earthen crock and covered with a cloth
to keep out insects. After a week it should have formed a thin white scum on the surface and smell sourish, which indicates
a bacterial fermentation has taken place. Now boil a pot of water on a open fire and scoop out 1 or 2 cups of this soured
raw maize and stirr into the boiling water. It will start to thicken immediately. A drinking consistancy was normally required
so two cups is enough for about 10 litres of boiling water. It is boiled for 10 minutes and emits a specific aroma during
this period of boiling which is instantly recognized by those that know it. When sugar or honey was available the wife would
also add a bit during boiling for a now sweet/sour tang. Alternative: Thin mealie pap is prepared, to which wheat flour is
added, providing the inoculum of lactate-producing bacteria. The mixture is left to ferment, typically in a warm area.I added
Matabella powder and not wheat flour. Sugar is added traditionally. did that, leave it again for a few days.Now it has turned
really sour and delicious. Most of the sugar is gone, but it is still lingering there... Beste Rika! Jou vraag is die een vraag wat ek van die begin af gevrees het!! Ek weet presies waarvan
jy praat, dit is iets waarna ek al jare ook bly soek maar nog steeds nie weer kon opspoor nie en ek seg van die begin af vir almal daar is een vraag
wat ek nie sal kan beantwoord nie en dis joune!! Ek sal nie moed opgee om te kyk of ons wel hierdie plantjie kan opspoor nie! So hou moed ek sal aanhou
soek!! En
RAAI WAT? Hennerik stuur toe 'n antwoord vir ons in, wat my op die regte spoor bring, en siedaar! heelwat verstommende en wonderlike
inligting ontvou voor my!! GELUK Hennerik, jy ontvang ook 'n gratis E-Resepte boek vir jou bydrae! KEFIR seg mens in AFRIKAANS só: kê-veer!! Internet opinie is
dat mens jogurt maak met ‘lewende kultuur’ daar word waarskynlik verwys na die ‘kefir’ plantjie
wat wel soos n blomkool lyk en waarvan mens kan gebruik maak. Kan ook via die net bestel word. ... Vergewe die Engels,
maar die volgende het ook betrekking. Ek belowe die Afrikaanse vertaling volg! What is kefir? You
also, of course, need milk and your kefir grains. When
your kefir is finished with the primary fermentation, you can either drink it fresh, refrigerate it and drink it later, or
put it into a loosely-capped jar or container of some sort and leave it at room temperature for a secondary fermentation. Ja-ja,
ek sal dit vir jul vergroot, gee kans! Verbeel jou intussen: dit lyk soos te lank gekookte blomkool, mooi wit
egter en ferm-slymerig tussen jou vingers. Moenie so gril nie! Dis nie vir voel nie, dis vir werk en kweek daarmee,
en dit is uiters gesond!! Jul kan ook jul eie kultuur plantjie aanskaf by : Elna van Coller Cell: 082 77 88 037 http://www.personaltrainer4fitness.co.za/4u/Products/KefirHelpforDairyAllergies/tabid/64/Default.aspx Sy
het my baie gehelp en een van die dae sal ek dit ook aan jul kan verskaf asook die KOMBUCHA "sampioen" waarvan gefermenteerde
tee gemaak kan word! NOVEMBER Tersia Kock, het al
vroeër gevra: Kan julle vir my sê waar koop ʼn mens eier poeier? Ek plaas t.w.v. "deeglikheid"
weer my eerste antwoord, en my verdere antwoord! Sien! Ek vergeet nie van julle as ek jul klaar geantwoord het nie en sal
opvolg antwoorde bly gee soos wat ek op nog iets insiggewend afkom! Ek hou aan soek.Wat ek wil sê, is dat as jy nie tevrede
is met my antwoord nie, jy weer moet kom kyk want ek plaas dalk net 'n beter nuwer antwoord ook! Tersia, NCD het op 'n tyd eierpoeier
verkoop maar helaas die tak in Bloemfontein weet niks meer daarvan! Die ander wat dit ook verkoop het was dieselfde produsente
wat kaas poeier verkoop, en dit het ek al by bakwinkels weer raakgeloop. (Country Pasture, Housewives, Sunspray
Food ingredients, 011 473 6800 92 Price street, Industria JHB.) Die enigste plek waar ek nog kan dink mens dit kan kry is
by die groter sentrums wat spysenierings goed verkoop, want hulle lewer immers aan Hotel groepe. Wees verseker
dat ek jou dadelik sal laat weet as ek 'n definitiewe verskaffer vir jou kan opspoor! Intussen het ek uitgevind dat party
Pick en Pay takke dit wel verkoop, langs die Mielieblom!! S o vra liewer dit sal baie soek spaar. En, ek het nog iets opgespoor! Gaan loer gerus onderaan hierdie bladsy
daar is 'n video wat wys hoe om jou eie poeier-eiers te maak! http://suidlanders.co.za/poeier-eiers/ Hulle skryf
o.a. oor poeier eiers: Wanneer ‘n mens vir langer as net ‘n paar dae kampeer, veral wanneer yskas geriewe nie
maklik beskikbaar is nie, is eiers altyd ‘n probleem. Gelukkig kry ‘n mens eiers in poeier vorm wat lekker
in verskillende resepte gebruik kan word. Poeier eiers is beskikbaar by baie stap-winkels (bv. Hikers Paradise). Kommersiële poeier eiers het egter
twee nadele - koste, en rakleeftyd. Dit is nie goedkoop nie, en die vervaldatum is gewoonlik nie te ver in die toekoms
nie. Onderaan hierdie artikel is daar ‘n skakel na ‘n Youtube video wat handel oor hoe om jou eie verpoeierde eiers te maak. Ons stel voor mense probeer dit vir
hulself en sien hoe die proses werk, en ook om dit in resepte te toets (die eiers word gebak voordat dit verpoeier word in hierdie
proses). " How to make powdered eggs..." Gaan kliek daarop! En reken net,die selfgemaakte poeier eiers se rakleeftyd
word nou amper 5 jaar! Hennie skryf: Ai mens ons het ons "Kook en Geniet" verloor en sit op moedverloor se
vlakte. Soek groot asseblief resep vir Outydse Boerbeskuit van Tannie De Villiers. Dankie by voorbaat Beste Hennie, ek help graag! TANNIE DE VILLIERS SE BOERBESKUIT 1 tot 1.5 kg botter of margarien of
mengsel van botter en varkvet 375 ml (1 1/2 kp ) kookmelk 375 ml ( 1 1/2 kp ) kookwater 5 kg witbrood meel of koekmeel 1 liter (4 kp ) soetsuurdeeg 10 ml (1 Etl) sout GLASEERSEL Geel van 1 eier Melk Smelt die botter en voeg die warm melk
en water by. Skep meelblom in knieskottel maak holte in die middel en plaas die suurdeeg sout en bottermengsel daarin. Meng goed tot 'n stywe deeg. Voeg meer
meel by indien nodig en knie baie goed. Maak goed toe en laat oornag op 'n warm plek rys. Knie die volgende oggend af en vorm
die deeg in klein ronde balletjies. Pak dit in 3-4 groot gesmeerde broodpanne
en laat weer rys tot dubbel die oorspronklike grootte. Verf glaseersel bo-oor en bak omtrent
1 uur by 200 tot 230 ºC sodat dit bo-op 'n goudbruin kleur het. Wenke: Moenie die beskuit in stukke sny om
uit te droog nie, breek met die vingerpunte oop. Pleks van soetsuurdeeg, gebruik 1 1/2 koekie droë of klam gis of
22.5 ml aktiewe droë gis. SOETSUURDEEG Gebruik 'n emalje emmertjie van 2 liter met digpassende deksel. Giet daarin 850 ml kookwater, 5 ml suiker
en 10 ml sout. Strooi sowat 4 kp volkoringmeel liggies daaroor. (Moenie inroer nie) Maak die emmertjie warm toe en laat
oornag op 'n warm plek of in 'n hooikis. Roer die volgende oggend 250 ml feitlik kokende water daarin
en maak weer toe. Laat 1 uur staan. Hou die emmertjie op 'n warm plek tot die mengsel goed gerys het. Dit sal skuimerig lyk en
'n kenmerkende reuk hê. Gebruik die suurdeeg dadelik. Die hoeveelheid is genoeg vir 3 kg meel (3-4 brode) Lekker bak! Marian: Soek reseppies
vir kleinkind bederf - SONDER suiker en meel - hmmm, reg gelees. Ken net rou dadel balletjies. Beste Marian, Wat van : *Ongegeurde springmielies of gegeur
met ‘n ½ pakkie vanilla gegeurde Canderal poeier, dit bly ‘n lekker krakerige soetheid. Of probeer gerus hierdie (reeds geplaaste)
variasies op jou tema: VRUGTE EN NEUTE HAPPIES.(2 opsies) ½ kp baie fyn gekapte droë mango (of ander droë vrugte) ½ kp gekapte Macadamia's ( of
Pekans) ½ tl fyn kaneel 1kp grondboontjie botter OF 1kp fyn gekapte dadels 1kp fyn gekapte droë appelkose ½ kp fyn gekapte Pekans ½ kp Macadamias Meng alles baie goed. Rol in balletjies
en rol balletjies in klapper of sesamsade. Of wat van: vars vrugte en groente stokkies en happies? Sny vrugte in blokkies en rol in klapper
of sesamsaad, en bedien groente stokkies saam met 'n lekker roomkaas 'dip"... Of maak van
beet, appels en patats, in dun skyfies gesny en op 'n bakplaat in die oond gebak tot bros, lekker sout
happies... Remona: Ek is opsoek na resepte vir 'n sonoond. kan iemand help asb. . . Beste Remona As jy resepte soek om die
sonoond te maak, daar is al vir 'n vorige leser die antwoord geplaas, maar as jy resepte soek vir kos binne
in die oond, dan kan ek vir jou sê dat met my navraag oor hierdie kookwyse, is aan my gesê dat jy enige
resep geskik vir 'n prutpot kan gebruik, m.a.w. enigiets wat stadig gaar moet word, bv. stampmielies met groenbone en spekblokkies...
skaapboud... Hierdie resepte was ook al op die werfie, probeer dit gerus in jou sonoond! KERRIE (...en Rys) Braai uie tot
sag en goudbruin in pannetjie op stoof. Roer daarby 1 - 2 tl kerrie, 1tl borrie, 1tl gemengde vleis speserye, sout en peper, ½ kp appelkooskonfyt
en ½ kp sultanas. Plaas vleis ( beeskook, skenkels, skaaprib, maalvleis...)
onder in kastrol ( of bo-oor rys en water in pot) Bedek vleis met ‘n lagie
ertappels en 1kp gevriesde gemengde groente. Skep nou uie en speserye mengsel bo-oor. Sit pot se deksel op, plaas binne jou
sonstoof en laat die son vir jou werk! HOENDER (....en Rys) Strooi bietjie bruin uiesop poeier onder in kastrol of
bo oor rys .Peper na smaak NIE SOUT NIE, die soppoeier het genoeg in! Bedek met lagie van opgesnyde 2wortels,
2ertappels, 500g sampioene en 1 ui . Strooi lagie bruin uiesop poeier bo oor. Plaas nou 5 hoenderporsies ( tjoppies of frikkadelle) bo-op
groente, nog soppoeier, vleis of hoender speserye en nog 125 ml water. Sit deksel op kastrol en gaan aan met jou eie werk... SKAAPNEK... 6-8 Skaapnek "tjops" 200ml koekmeel, sout, peper en aromat 3 ryp tamaties in skywe gesny. 1 groot ui in ringe gesny 100ml Chutney, 50ml tamatiesous en 200ml
water. Meng meel, speserye in plastieksak, en skud die "tjops" daarin tot goed bedek met meel
en speserye. Pak nou lae vleis, tamatie en uie in pot. Meng die Chutney, tamatiesous en water
en gooi bo oor. Sit deksel op en plaas in jou sonstoof tot gaar! PASTA-GEREG 1kp Pasta , 125ml gekapte spek / maalvleis
, 1 gekapte ui, groenrissie en sampioene opsioneel, Aromat na smaak, 60 g sampioen of wit uie sop poeier, 2 kp melk. Meng alles
saam en plaas in emalje bak. Bedek met foelie en plaas in jou sonstoof tot gaar! Strooi 1kp gerasperde kaas bo-oor gereg
voor opdiening. BOONTJIE BREDIE Ja- ja, jy kan ook hierin klein stukkies skenkelvleis of spek heel onder in pot sit! Meng 2 kp gekerfde groenbone, 3 middelslag
aartappels in blokkies, 1 gekapte ui, 1 gekapte tamatie, 2 Etl margarien of 2 Etl room, sout en peper na smaak. Bedek en laat
prut! VINNIGE VIS-DIS! 750g Stokvis (Hake) 250ml room of melk 1pk wit uie soppoeier 3 tamaties in skywe en 1 groot ui in
ringe gesny Handvol kaas. Pak vis, tamatie en uie in pot, (met of sonder rys) of bo
op enkel lagie klein ongeskilde aartappeltjies . Meng res van bestanddele en gooi bo oor vis. Sit deksel op en plaas in jou sonstoof
tot gaar! Gooi kaas oor wanneer gaar. STAMPMIELIE GEREG (Tradisioneel) Neem 2 kp stampmielies, en 1kp droë rooi bone, week
dit oornag. Plaas dit die volgende oggend ( spoel en gooi water af) in 'n kastrol. Voeg by: 2 kp groenbone
, 250 g gesnipperde spek, aromat en swart peper na smaak en 3 Etl botter. Bedek met water. Sit deksel op en plaas in jou sonstoof
tot gaar! Mimi: Goeiemore,Ek wil graag weet wat doen die baasbaksters as hulle toe konfyttertjies
bak sonder dat die konfyt uitloop.Groete Mimi. So 'n rukkie gelede het 'n leser juis
oor toe tertjies gevra, en die raat aan haar om te keer dat die konfyt nie uitkook nie,was ook dat sy die volgende moes beproef: 1.Spuit jou konfyt later met 'n versierspuit
in! 2.Seël jou tertjie baie goed met eierwit voor jy dit opmekaar toedruk. 3. Om ook te verhinder dat dit
uitkook tydens die bakproses kan jy die konfyt voor gebruik weer OOR kook, tot dit goed dik is, of klontjies konfytstukke
gebruik i.p.v. fyn konfyt. 4.Iemand het ook gesê dat "gevriesde" konfyt goed werk. 5. Ek hou van hierdie raat: Meng
jou konfyt vooraf met bietjie meelblom! Ek het i.p.v. konfyt, so al tertappels met kaneel en korente met
meelblom gemeng gebruik, dit was 'n heerlike tertjie! Geniet
dit en laat weet gerus of dit vir jou gewerk het! Breggie: Is op soek
na n wafel resep wat nie eiers bevat nie groot asb. Beste Breggie Wel dit het ekself nog nie uit probeer nie maar my wafel
resep is 'n maklike wenner, en ek is seker jy sal die eiers kan vervang met die volgende EIERSUBSTITUUT (aldus "Eet gesond
vir die lekker" deur Pat Barton en Magdaleen van Wyk) 65 ml = 1 heel eier 6 eierwitte 65 ml vetvrye poeiermelk(Elite) 15 ml olie Plaas bestanddele in 'n mengbak
en meng tot glad. Bêre in lugdigte houer in die yskas vir tot 'n week. Ek weet ook dat mens 1 Etl asyn in jou
beslag kan voeg vir elke eier wat weggelaat word. MY WEN-WAFEL RESEP 1 kp meel 1 tl bakpoeier Of 1 kp bruismeel 1/2 tl sout 1 tl suiker 1 kp melk 1 eier 1 Etl gesmelte botter/ margarien Sif droë bestanddele, klits res
van bestanddele goed by. Bak in elektriese wafelpan, of gewone wafelpan op plaat of gas. Verder kan mens net die eierwit gebruik
en net die gele weglaat soos in die volgende LAE-VET WAFEL resep: 3 eierwitte 500 ml karringmelk 120 g koekmeel 120 g volkoring
meel 10 ml bakpoeier 5 ml koeksoda 65 ml olie Klits eierwitte tot skuimerig en vou oorblywende bestanddele
daarby in. Bak soos gewoonlik. Hennie wou weet: Mens kry deesdae apparate vir tuisgebruik waarmee jy tot
brood kan bak. Wat ek egter wil weet is of jy 'n apparaat kry om roomys tuis te vervaardig. Beste Hennie Ag nee man! Hoe maklik wil jy dit nou hê! Jammer ek kom nou eers by jou vraag uit maar ek moes darem
bietjie rondloer vir 'n antwoord vir jou! Nee, behalwe die "Soft-Serve" masjiene, soos daardie in die
roomys-klokkie-kombi's kon ek nog nie 'n beter patent as die gewone klitser vir jou opspoor nie! Het jy my HEERLIKE maklike roomys resep
van 11 November al uitgetoets? Jy sal regtig baie daarvan hou! Elize skryf: : Ek het komkommers wat ek wil inlê
soek asb. ʼn resep. Beste Elize Ek het net wat jy soek, dit is maklik en altyd 'n sukses! Hoop nie ek
antwoord jou te laat nie!! Komkommers wil mos dadelik bewerk word! GEBOTTELDE AGURKIES 3 bottels (750 ml) asyn 1 bottel water 1/2 kp sout 1/2 kp suiker 1/2 pakkie " Pickling-Spice" Was jou klein komkommertjies goed af,
dreineer alle oortollige water, en pak dit rou en styf in jou bottels. Kook bs. en gooi dit kokend oor die gebottelde agurkies
of jong komkommers. Bottel warm deur dadelik die deksels op te draai,keer die bottels om en laat afkoel voor jy dit
was en wegpak. As jou komkommers al te groot raak, kan jy dit was en in skyfies sny en dan ook soos hierbo bottel. Probeer OOK die volgende: 3 kg vars agurkies of komkommer
skyfies 6 kp asyn 6 kp suiker 1 Etl borrie 3 Etl kerrie 6 uie gekap Aromat na smaak 1 pakkie "Pickling-Spice" 3 rooi "green peppers" Braai uie. Voeg kerrie en borrie by,
roer goed deur. Gooi asyn en ander speserye by, kook. Gooi agurkies of skyfies komkommer by en laat vir so 2-3 minute deurkook. Bottel warm. En OOK die volgende is heerlik: 4 groot uie in ringe gesny 1 groot Engelse komkommer in ringe gesny Kook 1 kp water, gooi uie en komkommer
by en kook 10 minute tot droog. Voeg nou by: 1 kp asyn 1 kp suiker 2 Etl kerrie 2 Tl mosterd poeier 1 tl pietersielie en tiemie opsioneel Kook tot suiker opgelos en deurgekook
is. Moenie weer droogkook nie! Meng 2 Etl mielieblom met 1 kp asyn en gooi dit by,kook tot verdik. Bottel dadelik warm. Geniet jou komkommers! Erna: Hallo
Retha, Ek was opsoek na resepte vir Jongemeisjes
en boerjonge toe kom ek op jou webblad uit. Ek het gekyk maar sien nie enige resepte nie kan jy my help asb. Mooi en Geseënde dag vir julle.Groete, Erna Annarie : Hi,
ek sit met ‘n probleem, ek bly op plaas met vrek baie appelkose en het al klaar blatjang en konfyt gemaak,nou soek ek asb dringend resepte vir enige ding soos appelkoos rolletjies, gelatien lekkers ens.Dankie! Beste Erna en Annarie Dit klink of ons in dieselfde bootjie is, ons boord loop
ook oor hierdie jaar en dit is al verkoop, verkwansel, verdeel, verpulp, versap, verkook en daar is steeds massas! Tot die boerbokke wei lustig aan alles
wat begin afval! JONGEMEISJES, of BOEREMEISJES, is appelkose in drank, gewoonlik in Gin of Wodka ingelê, soet en ferm ... BOERJONGEN is weer geel taaipit perskes
met pit en al ingelê in Brandewyn, Rum of Konjak, styf en ferm... (Aldus pittige oorlewerde grappies...) Was en sorteer jou vrugte, maak seker
dat daar geen letsels of slegte merkies aan is nie, dit sal die bottel versuur of laat verrot. Vrugte moet nog ferm wees en nie oorryp
nie. Die appelkose kan ontpit word en in halwes gebruik word, sommiges doen dit ook pit en al, maar ek verkies ontpit. Prik jou vrugte met 'n skerp tand
vurk, en pak stewig in gesteriliseerde bottels. Vul nou die bottels met drank van jou keuse. (Party maak die drank warm
maar dan verslaan die alkohol) Ek doen dit sommer net so koud. Draai jou deksels styf op en laat staan vir 3 tot 4 weke
op koel donker plek voor gebruik. Party kook 'n kastrol met water en dompel die vol, verseëlde bottels vir halfminuut
in die kokende water, laat afkoel en bêre dit steeds vir 3-4 weke voor gebruik, maar ek is maar bang vir die metode,
'n bottel wat bars maak alles 'n onaangename affêre,en my koue proses het nog altyd goed gewerk. Ek doen ook dieselfde met nartjie skyfies
en vars kersies. Ek is nie 'n boffin met vrugte rolle en smere droog
nie, maar hier is wat ek vir jul kon bymekaar kry! (Kook en Geniet en Orania APK Boekie) APPELKOOSSAP Kook 8 dele appelkose en 2 dele water
saam tot vrugte heeltemal sag is. Vryf mengsel deur 'n draadsif en syg dan die sap deur 'n klam doek. Voeg 500 g
suiker by elke 1.7 liter sap, verhit en roer tot suiker gesmelt is. Giet in skoon bottels, bottel warm, gebruik soos aanmaak
koeldrank. OF 2 kg appelkose 1 kg suiker 10 ml wynsteensuur 10 ml Engelse sout Maal appelkose fyn, Kook alles saam
vir 15 minute, Bottel en hou op rak vir gebruik. OF 4kg appelkose 3 liter water 1/2 kg suiker Versap
appelkose, voeg water en suiker by. Meng goed, kook 10 minute. Laat koud word. Vries in 2 liter bakke. Vir gebruik, ontdooi, voeg water by
en bedien yskoud APPELKOOSLEKKERS Was 3 kg ryp appelkose en 1 kg appels goed, skil appels en ontkern. Kook die appelskille en kerns 30 minute
lank in 250 ml water terwyl die appelkose ontpit word en die appels in stukke gesny word. Syg die vloeistof van die appelskille
deur en voeg water by om 190 ml te maak. V oeg dit by die vrugte en stowe tot vrugte goed sag is. Vryf die vrugte met 'n houtlepel
deur 'n draadsif, voeg 5 ml sout en 125 ml suiker vir elke 250 ml vrugtemoes by. Kook en roer
aanhoudend tot die vrugte losraak van die kante van die kastrol. Skep vrugte in gesmeerde pan omtrent 1.5 cm dik. Laat 3-4 dae staan om droog te word
tot dit heeltemal styf en nie meer taai is nie. Sny in blokkies en rol in suiker. Laat weer 2-3 dae lank droog word en
pak in flesse of tussen waspapier in lugdigte houers. OF 2 lb appelkose 3 pakkies suurlemoenjellie of perske
jellie 1 3/4 lb suiker Sap van 1 suurlemoen en 1 lemoen Rasper nerfie van lemoene af. Maal vrugte fyn. Kook suiker, vrugte en sap vir 30 minute.
Verwyder van stoof. Roer jellie by. Gooi in gesmeerde pan. Laat 24 uur staan, sny in blokkies en rol in suiker. APPELKOOS SMEER (Hierdie is eintlik vir perskes, maar
mens kan seker dieselfde resep gebruik vir appelkose, hoewel dit heelwat suurder sal wees.) Ontpit en Sny vrugte fyn. Kook die vrugte in bietjie water, 500
ml water vir sowat 5 kg vrugte. Voeg 250 ml suiker by vir elke 500 ml water. Kook net tot vrugte sag is en haal uit
die water, gebruik die vloeistof vir koeldrank. Maal die vrugte nou met 'n meule of voedselverwerker en keer dit uit op
plastiek materiaal wat met olie gesmeer is, smeer dun uit. Laat droog in vol son. Dit neem sowat 2-3 dae. Rol op wanneer droog. Sny kante mooi
netjies, en bêre in lugdigte houers. Hoop dit kon jul almal help! Maar al die gepraat van resepte en nog
wat, dwing my om vir jul te sê: Nee kyk! vandag moet ons darem bietjie OEFEN ook ! Ag toe, komaan, NET EEN ou oefeninkie!! PILATES vir 'n platter magie! Vir 'n ferm magie word PILATES
oefeninge al meer aanbeveel. Dit verbeter jou postuur, en gee sterker maagspiere, aldus die Griekse navorsers! SO MAAK MENS : Lê plat op jou rug met jou hande
agter jou kop. Trek nou jou maagspiere styf, en lig die boonste deel van jou lyf effens
van die grond af. Lig nou jou linkerbeen en strek dit reguit in die lug op. Terwyl jy jou maagspiere styf en jou heupe stil hou, moet
jy met jou linkerbeen regsom vier sirkels, so groot soos 'n sagtebal, in die lug trek. Voer dieselfde beweging linksom uit
en ontspan. Herhaal hierna die oefening met jou regterbeen. Dit verrig wondere vir jou maagspiere,
heupe en agterstewe! Ag toe komaan! Wat het jy om te verloor! Mens kan net wen! Iemand lus om my dalkies uit te daag? Oor Vriende en vyande het Martin Luther
King Jr die volgende gesê: sal ons nie die woorde van ons vyande
onthou nie, maar net die stiltes van ons vriende. Inderdaad ja, dit is nie wat mense aan ons doen of wat hulle vir ons sê
wat tel nie, maar dis HOE hulle ons laat voel, wat ons onthou. 23 November. Dagsê Lesers! Deel met my vandag, aan die begin van
nog 'n nuwe week, hierdie gebed wat ek per epos ontvang het. Geseënde week verder! Vader, wanneer ek eerlik met myself
is, besef ek dat daar 'n klomp lae aangeplakte verf oor my hart gesmeer
is. Die dinge wat mense van my gesê het onwaarhede wat Satan in my oor gefluister het en die simpel goed wat ek myself wysgemaak
het, het lankal die ware ek toegeverf. Ek wil weer "ek" wees, Skepper-God. Ek wil die mens wees wat u bedoel
het ek sal wees. Ek wil die onseker-wees-bagasie uit my lewe gooi, die negatiwiteit verban en die ware ek
ontdek. En dan ... dan wil ek die res van my lewe met oorgawe gaan lééf. Maar Gees van God, ek kan nie hierdie skoonmaakproses alleen volg
nie. Sal U asseblief dit saam met my doen? Sal U aan my wys presies hoe kosbaar ek in u oë is, wat die gawes
en talente is wat U aan my gegee het en wat dit is wat my spesiaal maak? Sal U my dan help om tree vir tree op die pad van my volle potensiaal te loop sodat ek met passie, selfvertroue
en doelgerigtheid soos 'n wonderskone lelie op die water-van-waarheid sal blom. Amen. 21 November Dagsê Liewe Lesers! As kranige
stapper leer ek graag by ander stappers en het ek (ook) in die Weg, Petro Gouws se stap-wenke, raakgelees! Ek deel dit, en ook van my eie, graag
met jul want dit is alles self beproef! Deel ook gerus jul wenke en raad met my! 1. Koue melk Gooi vars melk in n 500ml Coke-botteltjie
en dra dit dan in 'n dik kous wat jy nat hou aan die buitekant van jou rugsak. By die kamp hang dit in 'n boom. Die melk
bly koud vir drie tot vier dae, selfs al is dit baie warm. 2. 'n Tuisgemaakte Dirkie kondensmelk-koffie is ook baie lekker. Dit hou ook so lank
as wat nodig is. 3. 'n Coke-warmwatersak Maak dit vol kookwater en sit dit ook in 'n dik kous. Dit hou jou heerlik warm in jou slaapsak in die bitter koue. 4. Régte botter Sit jou botter in 'n toeskroef glas inmaakfles, as
dit bedags smelt dan skud jy dit net goed en dit "set" weer oornag! (Butro en margarien smelt as dit warm raak, skei water en
olies af, "set" nie weer soos dit moet wees nie en raak galsterig en af na net 'n paar dae, Botter daarenteen, al smelt dit ook,
behou sy samestelling en hou baie langer vars.) 5. Brëespektrum-antibiotika Petro sê: Dit het al vele van my stapmaats uit die moeilikheid gehelp as ons ver van hulp af was.'n Wond wat
uiteindelik ses steke nodig gehad het, het na vier dae geen infeksie gehad nie, selfs
al moes ons meer as twintig riviere wat afgekom het, kruis. 5. Vars Vleis Ons het al 14 dae gekamp met vars vleis
sonder verkoeling, pak jou ontbeende, ontdooide, maar nie bloederige "Steaks" in 'n 5 liter emmertjie wat
dig sluit. Tussen elke laag vleis pak jy 'n handvol suurlemoen blare, en dan vul jy die emmer met kookolie. Met die skud van die voertuig, "Lamineer"
die olie die vleis en dit verseël sodoende dat dit glad nie bederf of bloed trek nie, die geheim is, dat dit goed verseël
moet wees! (Wors ,tjops en hoender het ons om verskeie redes nie so lank probeer
nie!) (En dan het jy sommer olie byderhand...) En terwyl ons nou op die kamp en stap onderwerp is, hier
is 'n maklike KNIE-LOSE BROODRESEP wat jy kan inpak en saamneem! halwe pakkie uie sop poeier, omtrent 'n eetlepel olie. Meng alles
saam en bak in 'n gietyster pot met matige kole onder, en 'n paar op die deksel. ...Het jul gesien, CADAC het so 'n lieflike gietyster broodpan-potjie? en hulle word selfs méér buitengewoon as gevolg daarvan. - Robertson Davies - 20 November. Dagsê Lesers! Sit 'n plank onder die son, sê my vriendin nou die dag, die dae hardloop onder ons uit! Ek beaam dit. Ek berou dit. Ek wens
vir langer son gevulde dae waarop ek meer kan inkry as wat ek doen. Ek wens vir dae waarop ek vir meer vriende kan Dag sê,
en vir meer kan Dankie sê, en vir meer kan vertel hoe spesiaal hul my lewe maak. En tog, jubel ek in dankbaarheid omdat
, hoe kort die dae wel soms mag voel, dit steeds in die Palm van Sy Hand veilig is. Het ons nie almal iewers 'n naamgenoot
of dubbelganger nie? Nou hoe wonderlik is dit dat ek 'n naamgenoot het wat ook met kos en lekker dinge te doen het! In die tydskrif : Weg, het my naamgenoot hierdie Mieliebrood resep gepubliseer. Probeer dit gerus! Jy benodig 3koppies bevrore pitmielies (of
vars en rou afgesny van die stronk en gemaal ) 425g geroomde suikermielies ( ek het
dit ook al uitgelaat en die pitmielies met 1 ½ kp + 2 Etl kondensmelk vermeerder ) 4 ekstra groot eiers 50ml olie 100ml suiker 125ml melk 250ml semolina ( ek het dit uitgelaat
en my koekmeel met 'n koppie vermeerder!) 100ml koekmeelblom 2,5ml sout 15ml bakpoeier ( as jy bruismeel gebruik
i.p.v. koekmeel, laat bakpoeier weg ) Só maak jy: Berei
12 mini-broodpannetjies of 2 23cm X 14cm broodpannetjies voor. Spuit met kos-sproei en voer die
pannetjies se bome met bakpapier uit. Versap dan in `n voedselverwerker tot nog
effens grof. In `n groterige mengbak, plaas die inhoud van `n blikkie 425g geroomde suikermielies. Voeg by die suikermielies en roer deur. tussen die
twee broodpannetjies. die groter panne. draadrakkie. OF, Probeer my resep: 500 g bruismeel 1 blik room mielies OF 2 kp rou afgesnyde
gemaalde mielies + 2 Etl kondensmelk (opsioneel !) 2 eiers geklits Knippie sout 500 ml karringmelk
/ melk wat met 1-2 Etl asyn of suurlemoensap suur gemaak is. Meng alles. Bak tot goudbruin en gaar. (Gaan loer ook in die argief daar is
nog soortgelyke watertand resepte!) En nou eers weer 'n paar terugvoer antwoorde! Wessel Kriek skryf: Ek soek ʼn resep om ʼn varkboud te pekel en te rook. Hoe
maak mens die pekel en hoe lank los ek die vleis in die pekel? Sout en salpeter is jou aktiewe preserveermiddels. Sout is jou bewarende middel maar dit
laat ook die vesels verhard. Die bruinsuiker werk die verharding teë, maar dit is juis die sout wat die besonderse geur
aan gepekelde vleis gee. Die salpeter verleen die aantreklike pienk kleur aan soutvleis en hamme, en help ook met die preservering daarvan. Te veel salpeter verhard ook die vesels
en sal jou vleis taai maak, gebruik dus net die aanbevele hoeveelheid. By die droë metode, waar die lug
vogtig is, gebruik witsuiker, sodat die pekel mengsel nie skuim nie. Jy kan speserye soos koljander, lourierblare naeltjies knoffel
en mosterdkorrels ook by die pekel mengsels voeg vir ekstra geur. Die water moet altyd vooraf eers gekook word, dit
voorkom bederf in jou pekelmengsel. Pekel wat bederf is skuimerig en smetterig. Houers vir pekel moet plastiek, hout, emalje of erdeware
wees, geen aluminium of ander metale nie. Pekel wat met die metaal in aanraking kom reageer met verkleuring en bysmake. 'n Lang regop houer is die mees
geskikste, dit kan 'n paar snitte bo op mekaar hou met 'n minimum vloeistof. Pekel balies van sement of asbes(Liefs
nie!!) is in die handel te koop. Jou pekel mengsel moet altyd koud wees. In warm klimaat kan jy dit selfs in 'n koelkamer
of in jou yskas pekel. Gaan koop jou salpeter om jou pekel te maak by jou naaste slaghuis, apteek of Freddy Hirsch verskaffer, en dan maak jy so: NATPEKEL: 1 liter kookwater 500 g growwe sout 40 g salpeter 14 g swartpeperkorrels 310 ml bruinsuiker 1.5 tot 3 kg vleis Ekstra sout
vir invryf voor die tyd. Giet die water oor die sout, salpeter, peper en bruin suiker en laat afkoel. Vryf die vleis goed in met die ekstra
sout en plaas dit dan in die koue pekeloplossing sodat dit heeltemal bedek is. Sit 'n bord op die vleis
met 'n gewig bo-op sodat dit die vleis heeltyd onder die pekeloplossing kan hou. Laat die vleis 3-4 dae in die pekel
lê en draai die vleis net elke dag om. Jy kan dit ook in 'n hout vaatjie doen. DROOG PEKEL: ( is ietwat verouderde
proses en het heelwat massaverlies tot gevolg.) 90 ml sout 30 ml bruinsuiker 15 ml salpeter 10 ml koljander 3 kg vleis Meng alles goed en vryf die vleis goed
in met die mengsel. Laat dit drie dae(bedek met doekie)lê, en draai net elke dag om. Was na die 3-4 dae die vleis deeglik
af en as dit lank in die pekel oplossing gelê het, week dit vir 1 uur in vars koue water. Sit die vleis in 'n diep kastrol, bedek
met koue water sodat oortollige sout onttrek kan word. (Gooi water af of kook daarin, afhangende hoe sout jy dit
verkies) Verhit stadig tot kookpunt en prut stadig tot vleis sag is. 35-40 minute vir elke 500g vleis. Vir HAM, gebruik die volgende Pekel
resep : 30 ml salpeter 250 ml bruinsuiker 28 g koeksoda 9 tot 12 liter koue water 1 vars rou eier Sowat 2 kg fyn sout Roer salpeter, bruinsuiker en koeksoda
in koue water tot opgelos. Gebruik hout of erde vaatjie, maar nie metaal houer nie. Sit die heel, ongebreekte eier in die
dop, in die oplossing. Voeg die sout bietjies-bietjies by en roer elke keer tot opgelos. Hou aan om sout by te voeg en goed te roer tot die eier
bo op dryf. (Jy doen dit om 'n versadigde oplossing te bereik, die eier is 'n uitstekende aanwyser daartoe, daarom moet dit 'n vars eier wees, 'n
ouer eier sal nie in die versadigde sout oplossing dryf nie... sien ek's amper Wetenskap onnie ook! ) Verwyder dan die eier, en plaas jou
varkboud of ham in die pekeloplossing, hou onder die pekel vloeistof vir 3-5 WEKE. Draai daagliks. As jy dit in 'n vaatjie of emalje emmer
doen, mens kry by die slaghuise sulke "plastiek" nette waarin jy jou vleis kan sit en dan hang jy dit daarmee
in die pekel dit vergemaklik die draai en hantering baie, as dit "los" in die pekel hang hoef jy dit nie
te draai daagliks nie, sorg net dat dit altyd bedek is. Hou die pekel dop, as dit skuimerig raak bo-op, haal vleis
uit, en maak vars pekel aan, sit vleis weer in nuwe oplossing tot die 3-5 weke om is. As die pekel proses klaar is, haal vleis
uit en hang dit oornag op om winddroog te raak. Pers nou die vleis tussen 2 planke
met 'n swaar gewig daarop tot daar geen water meer uitkom nie. Verf die oppervlak van jou ham met kommersiële
rookgeursel of berook dit in 'n beroker. Indien die ham lank gebêre moet word, werk dit in moeselien of kaasdoek
sakkies toe, en hang op in koel droë plek. Spekvleis, word ook soos Ham gemaak, maar pekel dit net vir 3-4 DAE ! Jy kry ook kommersiële pekel mengsels
wat jou hele proses verkort dat jy jou vleis binne 7 ure na inspuiting of 2 - 5 dae se lê al kan gebruik. Die hele rookgeursel of beroking is
jou eie keuse en smaak, party hou van gerookte Ham ander nie. Jy kan by die kampwinkels 'n CADAC beroker aanskaf
as jy nog nie een het nie, en dan volg jy net hul aanwysings en pakkies saagsels... As jy jou eie beroker wil maak, maak
jy so: Maak 'n 100 liter drom goed skoon. Verwyder die boom en deksel. Heg een of meer dwars stawe vas aan die binnekant
van die drom sowat 75 mm van bo af om die vleis aan te hang. ‘n ou fietswiel werk ook lekker, plaas die vleis op die speke en
laat sak die wiel dan af oor die rook en hang dit met hakke oor die kante van die drom. Die stawe kan vas gesweis of vas geskroef
word, of in gleuwe wat bo in gesny word, rus. Bou nou 'n fondament waarop die
drom kan staan deur 'n dubbellaag stene opmekaar te stapel (sonder sement as jy dit nie permanent
wil doen nie) Laat 'n opening in die boonste laag waardeur die fyn saagsels aan die brand gesteek kan word. Die lug deurvloei word beheer deur 'n
plank voor die opening. Pak klam grond rondom , aan die buitekant van die bakstene, om die hele samestel lugdig te maak. Bedek die boonste
opening met 'n plat plaat. Dit kan gelig word om rook uit te laat deur twee 5mm plankies tussen die plaat en drom in te skuif. As die drom dwarsgleuwe het waarop die
stawe rus behoort daar genoegsaam rook uit te gaan. Die beste saagsels vir beroking kom van harde nie-harpuisagtige houtsoorte.
Jy kan pakkies saagsels vir beroking in meeste supermarkte of slaghuise koop. BLY WEG van TAMBOTIE, dit is giftig!
Bloekom, ook nie goed nie. Eikehout, wingerd en vrugteboom saagsels is die beste. Die saagsels moet baie droog wees anders
sal dit nie smeul nie. Maak jou drom bo oop terwyl jy die vuur aansteek. Gooi saagsels onder in, 3,6 kg behoort genoeg te wees. Frommel koerantpapier op en maak 'n
holte daarvoor in die saagsels. Steek dit aan die brand, wanneer dit uitgebrand het, behoort die saagsels goed te smeul. Sodra daar geen vlamme is nie en die
saagsels smeul, hang jy jou vleis in die rook oor die smeulende saagsels, en maak jou drom toe. Rook jou vleis tot dit 'n mooi egalige
goudbruin kleur verkry. Vleis moet afkoel tot kamer temperatuur voor jy dit kan bêre. Beroking is uiters effektief op koeler
dae, aangesien warm buite temperature maklike bederf kan meebring. Voila! Hoop jy geniet die proses! Juanne-Marie vra:
Help asseblief, my wit wasgoed is grys. Weet nie of dit as gevolg van water of verkeerde wasmiddels is nie. Maar ek kry niks meer wit nie.
Hoop jy kan my help. Byvoorbaat dankie. Ja dit is nogal 'n pyn! Ek het gevind dat water met baie minerale
in wel so 'n grys kleur kan veroorsaak, dus party boorgat-water maak nogal so. Verder ook sekere wasgoed versag
middels. Veral as jy dit na die tyd by jou afspoelwater voeg is party sintetiese stowwe veral geneig tot grysheid. Sorg ook dat jy soms jou masjien met
'n leë siklus was om van neerslae ontslae te raak, dit dra by tot grys klere. Ek kan 'n paar dinge voorstel, die gewone
hand-was SURF waspoeier met die gekleurde korrels is uitstekend om die grys te breek, week jou klere vir 'n rukkie
of oornag daarin en was dan gewoonweg met die hand uit. Of week alles oornag in 'n sterk oplossing van Engelse sout
of koeksoda en water. Kies 'n versagmiddel wat nie blou is nie, en vir wit-goed los 'n blokkie outydse ROBIN blousel
op in jou afspoelwater. Suurlemoensap kan ook help om die wit terug te bring, spoel af in suurlemoenwater en hang in direkte sonlig op. Jy kan ook enige van die volgende by
jou laaste spoelwater voeg, om dit wit te hou: Wit asyn , Suurlemoensap, Kremetart, koeksoda of Engelse sout ! Nylon bly veral
wit en sag indien bietjie kremetart by die afspoelwater gevoeg word. Dettol hou jou klere sag en vars sonder versagmiddel. As jy oorgeskakel het na die BIO-WASH
was balle met die keramiek stukkies in, het jy geen waspoeier of versagmiddel nodig nie maar die eerste paar wasse tot
alle neerslae van chemiese middels uitgewas is, sal effe grys wees tot alles weer mooi reg kom. VANISH in die
pienk houertjies, wel dit werk regtig hoor! SteriNappi is nie net vir baba doeke nie, dit speel ook klaar met grys
klere, was dit daarna met 'n ander waspoeier, ek het gevind Bio-afbreekbare waspoeiers werk beter in koue water. Van die water
gepraat, klere in 'n elektriese masjien wat met warm water was, is ook geneig tot grys word, skakel oor
na 'n koue was siklus, dis GROEN en beter vir jou klere. Nou ek hoop dit los jou probleem sommer gou spoel-spoel
op! Rika West skryf : Beste Retha, waar kan mens 'n jogurt plantjie koop of verkry asseblief. Ek het jare gelede een gehad wat gelyk
het soos 'n klein blomkool maar dit het tot niet gegaan. Waarderend, Rika. Beste Rika! Jou vraag is die een vraag wat ek van
die begin af gevrees het!! Ek weet presies waarvan jy praat, dit is iets waarna ek al jare ook bly soek maar nog steeds nie
weer kon opspoor nie en ek seg van die begin af vir almal daar is een vraag wat ek nie sal kan beantwoord nie en dis joune!! Ek sal nie moed opgee om te kyk of ons
wel hierdie plantjie kan opspoor nie! So hou moed ek sal aanhou soek!! Cornie vd Merwe sê: Ek vra 'n
simpel vraag: Hoe kweek mens gemmer ? Ek het 'n wortel wat mooi uitloop, wat nou ?? Kom dit in grond - buitekant
in 'n pot ?? Asseblief help. Liewe lesers, Geen vraag is ooit simpel nie, dit weet jul
mos self! Oe! En ek is self mal oor gemmer, stuur dadelik daardie wortel aan dat ek dit mag plant!! Helaas helaas ! SO MAAK MENS ! Gemmer (Zingiber officinale) Is 'n meerjarige plant en
groei tot 3 voet hoog in die ou terme! Dit benodig koelte en matige of gefiltreerde son, doen dus uitstekend
onder skadunet. In rypvrye gebiede! Gemmer hou van hoë humiditeit, hoë temperature en klam grond. Die wortel wat jy het met "ogies"
op wat kan uitloop, oftewel stuk van die gemmer risoom of knol, m.a.w. deel van die ondergrondse stam, word direk in die
grond of in 'n baie ruim vlak pot geplant. Wanneer die risome die pot vul, oes dit deur dit bloot uit te lig en te
verdeel. In die grond, haal jy dit ook later uit soos wat jy patats sou uithaal. Die gemmer blare is aantreklike loof
en dra rooi, geel en roomwit trosse blomme. Mens kry ook die Hedychium sp. wat 'n gemmer lelie is en wat in vlak water
kan groei as waterplant, maar dit is nie (sover ek weet) eetbaar nie, die blomme is egter soortgelyk, geurig en treffend! (Ons het dit
by ons binnenshuise water fontein in vlak grond gehad, en dit het dwarsdeur die jaar sy loof behou
en dan lente en somer geblom. Die koue by ons het egter nie baie mooi daarmee gewerk nie en dit het nie veel vermeerder nie.) Hoop ek kon help! sal jy dit nooit verkry nie. As jy nie vra nie is die antwoord altyd, Nee. As
jy nie 'n tree vorentoe neem nie, bly jy altyd op dieselfde plek!
-Nora Robberts- 13 November Vrydag die 13'e !! Dagsê Liewe Lesers! Nou as jul my moes vra na die vreugdes
in my lewe, sal Appelkoostyd redelik hoog op die lysie verskyn! Na die koue winter met sy eie bekoring, bars die appelkoosboord
uit in 'n baldadige bloeisel massa. Dan word die boord ademloos groen en word die vrug wat na die bestuiwing vorm vir 'n wyle
weggesteek soos 'n embrio, stil gekoester gedra, voor dit aan die wêreld, rooiwang tussen groen blare uit basuin:
Kyk ek is hier, Kom Pluk my! En so, met die tyd ryp, hang die vol uitgeswelde manjifieke appelkoos-oranje kleur kolle, aan takke wat amper breek, swaar
vol gedra aan 'n volryp oes! Pluktyd. Vrouens met breë rand hoede, net so vrolik soos die rompe wat klok-swaai in die wind, mans in oorpakke
wat singend teen lere op en af klouter, mandjies, emmers, kratte vol geel-oranje-rooi vreugde. ... Asof in afwagting vra almal: Gaan jy konfyt kook? Blatjang en piekels
maak? Jongemeisjes en Boerjonge inlê? Ons praat nie eers van laat middag onder die bome jou staan
kry, pluk en eet, pluk en eet nie! Appelkoos-maagtyd is verby, en nou bly net die uitgerekte lekker oor, van oranje stroop-sous wat teen jou ken afdrup en ken-baard
maak, soos 'n melkdrink-snor jou verraai as jy kleintyd in die skuur gaan warm melk loop bedel het! Ja, gewis, appelkoostyd is een van die
vreugdes, baie naby aan die bopunt op my vreugdelys! APPELKOOSKONFYT 2.5 kg afgespoelde, halveerde en ontpitte
appelkose 2.5 kg suiker. LW: GEEN WATER ! Dan voeg ek ook by, maar dis opsioneel: 1 tl fyn gemmer 2 Etl suurlemoensap (dit lewer mooi
helder en ligte konfyt) 2 tl margarien (dit verhoed te veel skuim vorming) Berei jou appelkose voor en gooi suiker
daaroor in 'n skottel. Laat oornag staan. Roer goed deur en laat stadig opkook tot die suiker gesmelt is. Kook dan vinnig en roer kort-kort totdat
konfyt soos lawa opkook. Toets deur van die konfyt met 'n teelepel op 'n pierinkie te skep en dit te laat afkoel deur
dit in die lug in "op te roer". As dit loperig is, kook nog 'n rukkie, sodra die konfyt drupsgewys van
die teelepel in die piering drup, is dit gereed vir bottel. Bottel mooi vol sodat geen plek vir lug gelaat word in die
fles nie. Laat heeltemal koud word voor jy dit verseël. Party hou daarvan om 'n waspapiertjie wat in brandewyn gedoop
is, bo-op te plaas voor dit verseël word, en party drup was daarop. Dit voorkom dat kim of skimmel daarop
vorm. Ekself, ag my gelukkig dat ek dit nooit eers doen nie, en my konfyt hou pragtig. Ek dink die geheim lê daarin dat
ek my flesse baie vol maak en geen ruimte vir lug of suurstof laat nie, want dit is die aanraking met die suurstof of kondensasie
vorming as jy te warm bottel wat dit laat bederf. Verder eet my mense dit ook so vinnig op dat dit nie kans kry om kim te
vorm nie! APPELKOOS PIEKELS. My eige: "Mrs. No-Balls" ! Vir blatjang, gebruik ek dieselfde resep, ek maak dit
net met die voedselverwerker fyn! Onthou, ek woon op 'n plaas, ons het 'n hele appelkoosboord,
so ek werk met groot hoeveelhede. Gebruik jou sakrekenaartjie en verminder dit ooreenkomstig jou behoeftes! My maatbeker in hierdie geval is 'n
5 liter emmertjie ! Werk op die verhouding 1 uie : 3 vrugte m.a.w.: 2 ½ liter uie gekap 7 ½ liter voorbereide vrugte
(gewas, ontpit, halveer) 500 g sultanas. Kook uie, vrugte en sultanas in water tot net sag. NIE fyn nie. Dreineer
goed. Voeg by : 2.5 kg suiker 1 Etl elk van : sout, growwe swart peper, rooi peper , rissies,
(ops.) geel kerrie poeier, gemmer, mosterd. 750 ml asyn Kook alles oor matige hitte tot vrugte
glansend vertoon en sous verdik. Indien jy dit bietjie dikker wil hê, voeg 200 ml meelblom
by, roer goed deur en bottel WARM. Draai jou gebottelde fles dadelik om sodat die dekseltjie styf vassuig en dit die produk kan verseël. Hou dit onderstebo tot koud voor jy
jou bottels omkeer, was en bêre! BRUINASYN het meer smaak, maar lewer 'n donkerder resultaat, vir blatjang
is dit lekkerder, maar vir piekels gebruik ek wit asyn. Jy kan enige kombinasie vrugte gebruik na hartelus! Net een soort vrug
of sommer 'n hele verskeidenheid! Geniet dit net ! is dankbaar genoeg om geknield te drink. 11 November. Dagsê Lesers Dit is mos nou Somer wordend nie waar,
en sodra jul die laaste stuiptrekkings van die koue fronte klaar trotseer het, maak dan gerus hierdie
heerlike VANILLA ROOMYS !! Makliker en romeriger gaan jy nie kry nie! Die sleg van hierdie resep, behalwe dat dit ryk
is... Jy sal dit weer en weer moet maak! SO MAAK MENS: 2 blikke kondensmelk 1 l room 100 ml melk knippie sout 15 ml vanilla Klits die room styf. Meng al die
ander bestandele liggies in. Verkoel in vrieskas tot gestol. Bedien. Voila!! Ons is al so goed daarmee om onself
te kasty oor die simpelste dinge. Leer om jouself te vergewe en beweeg aan!
-Louise Field- 10 November Dagsê Lesers! Na MEEL en DEEG voel ek egter hierdie
onderwerp is nog nie afgehandel as ek nie ook die volgende wenke met julle deel nie! (Gaan loer ook by die NUTTIGE INFO bladsy
vir meer !) Droë KITSGIS : Dit is maklik om te gebruik aangesien dit die rysperiode verkort en dit nie eers nodig is op dit op te los nie. Geseëlde pakkies kan tot 18 maande
op 'n koel droë plek bewaar word. KNIE : Dit is die belangrikste stap in brood en beskuitbak. Dit veroorsaak
dat die deeg elasties word wat die deeg toelaat om goed te rys en te verseker dat die eindproduk sy vorm behou. Bestrooi jou
hande en die oppervlakte met meel aan die begin, en begin aan die buitekant en werk na die binnekant. Gebruik die palm van jou hand om die
deeg herhaaldelik te vou. As die deeg taai raak, strooi bietjie meel maar nie te veel nie. Knie totdat die deeg elasties en
glad is sowat 10 minute! RYS: Plaas jou deeg in 'n gesmeerde houer en bedek met kleefplastiek. Ek het ook reeds hieroor ander wenke
gegee gebruik wat jy vind vir jou help. Die rysperiode sal verskil van gebak tot gebak, maar rys die beste in warm toestande. Die deeg moet verdubbel in hoeveelheid
tydens die rysperiode, dan is dit reg. Druk jou vinger daarin om te sien of dit klaar gerys het, as dit genoeg gerys het sal
jou vinger se afdruk op die deeg agterbly. AFKNIE : Nadat die deeg gerys het, keer dit op 'n meelbestrooide
oppervlak uit en knie die deeg weer totdat dit so groot soos die oorspronklike grote is. Dit sal die
gasborrels wat tydens die rysproses ontstaan het egalig deur die deeg versprei en verseker dat die deeg 'n egalige
tekstuur kry wanneer dit gebak word. Knie die deeg af deur jou kneukels herhaaldelik in die deeg te druk. Daarna kan die deeg gevorm word soos
verkies in broodjies, bolletjies, vetkoeke, pizza basisse ens. Brood en beskuit kan nou weer in die panne laat rys word
tot amper dubbel volume en dan gebak word, of dadelik gebak word. GLASERING: Dit beteken dat die bokant
van die gevormde brode met 'n glaseersel soos 'n geklitste eier of melk gesmeer word. Dit beskerm die kors en verbeter die
voorkoms van die brood. BAK: Brood word gewoonlik teen 200ºC gebak. Om te toets
of dit gaan is, klop teen die onderkant met jou kneukels. As dit hol klink, is die brood gaar. Koel af op draadrakkie. VRIES van brood : Draai toe in
kleefplastiek en vries sodra afgekoel, tot solank as drie maande. Ontdooi brood teen kamertemperatuur of in mikrogolfoond. En as jy nie lus is vir brood bak nie
maak dan eerder SKONS / BOTTERBROODJIES vir 'n ligte ete! Gebruik: 240g bruismeel, 1 ml sout, 1 eier, 125
ml melk en 25 ml olie Sif meel en sout saam. Klits eier, melk en olie saam. Voeg eiermengsel by meel, sny met mes deur tot dit 'n deeg vorm. Strooi meel op oppervlakte, druk deeg
met hand effe plat. Druk botterbroodjies met koekiedrukker uit en plaas op gesmeerde bakplaat. Smeer bietjie melk oor elkeen en bak
in voorverhitte oond op 180ºC vir 15 minute. Bedien warm saam met kaas en konfyt en room... OF Vorm die deeg in 'n ovaalvorm en sit
dit op gesmeerde bakplaat. Rasper kaas, sny sowat 6 snye ham in blokkies en kook 3 eiers hard. Sit die ham, kaas en eiers en 'n hand
vol vars gekapte pietersielie bo-oor deeg. Vou die kante van die deeg toe, tot 'n amper rol, smeer met geklitste eier bo-oor en bak
15 minute teen 180ºC. Sny dit warm in skywe voor.
(Vermelding
: SASKO, SNOWFLAKE en GOLDEN CLOUD. Seg net ek doen nie mooi navorsing vir julle nie!!) Geluk is wanneer dit wat jy dink,
wat jy sê en wat jy doen, in harmonie is. -Ghandi-
9 November Dagsê Lesers! Ek skeep jul nie af nie!! IS nie! Die Bo-Karoo het reën gekry! Behalwe dat
ek, baldadig soos 'n kind deur modderplasse gespeel en rysmiere op gejaag het totdat hul vlerkies so girts-girts teen my wange skuur, was die seine bietjie onkant en was my internet konneksie hier teen ons aalwyn-kop, effe swak...so vergewe die skrale "stilte"
! Hmmm...laas was oor meel... Onthou, hoe varser jou meel, hoe minder vloeistof is nodig, hoe ouer die
meel : gebruik dan bietjie meer vloeistof! Dit is verkieslik om standaard metrieke meettoerusting te gebruik
aangesien alle koppies en eetlepels nie ewe groot is nie. Of gebruik 'n omrekeningstabel waar nodig. Om meel korrek af te meet, skep ongesifte
meelblom met 'n lepel in 'n maatkoppie sonder om dit vas te druk. Skud die koppie effens en maak dit gelyk
bo-op met 'n mes. Sif dit 1 keer voor jy dit meng dit verseker 'n ligte resultaat. Koekmeel, bruismeel witbroodmeel en
semolina word eers gesif en dan gemeng. Bruinbroodmeel en volkoringmeel word gesif en die semels net weer daarna
terug gegooi. Semels word nie gesif nie en netso gebruik! ELIZE VILJOEN het geskryf: Hallo Retha, Baie geluk met hierdie splinternuwe
baadjie wat jou werfie nou aangetrek het. Pragtig hoor. Het jy dalk vir my raad om swart skoenmerke
en kolle van gepoleerde porselein teëls af te haal. Asseblief en dankie!!! Vriendelike groete Hi Elize! Dankie dat jy dink my nuwe baadjie is
ook mooi, dit is goed om te weet! Ja, is daardie lastige swart merke nie genoeg om mens se dag te versuur nie! Raad wat ek vir jou gekry het is : 1. Gebruik Domestos OF Brasso op 'n
stukkie staalwol en "skuur" die merk daarmee weg. Poleer weer daarna soos gewoonlik. 2. Skoenpolitoer merke kan ook met brandspiritus,
metielalkohol of terpentyn verwyder word. Hoop dit werk! Laat weet gerus! Anders soek ek net nog raad vir jou! Rita skryf: Al weer ek!! Ek was nou
onlangs in Holland en wat baie opvallend was is dat hulle oral, in die geskenkewinkels, koeibeeldjies het. Wat beteken
die koeie vir die Hollanders. Dankie vir jou tyd. Groete uit die Namakwaland Hi Rita! Altyd lekker om van jou te hoor! Ek het my Hollandse vriendin wat juis
sopas van Holland af terug is na 'n kuier by haar ma en familie daar, gebel om uit te vind oor die koei beeldjies! Sy sê
dit is om geen noemenswaardige rede nie, behalwe dat Holland bekend is vir sy Fries-beeste en hul "Lakenvelders",ook
'n swart ras met 'n spierwit "laken" oor die rug area.Albei rasse is goed vir melk lewering en kaas maak, vandaar
ook (met liefde en respek) die verwysings na die Hollanders as "Kaaskoppe"! (...Rooinekke, Boere, Gatjieponders,
Doppers...) So ek neem aan dis seker hoekom hulle baie beeldjies van koeie het! Hoop dit stel
jou nuuskierigheid tevrede? Ek is net so, wil altyd die storie agter die storie ook ken! Het jy darem
vir jou so 'n beeldjie aangeskaf? Wys foto toe! Regina skryf: ek soek asb 'n lekker kolwyntjie resep. dankie Wel Regina, SO MAAK MENS! Kolwyntjies - Basiese resep: Klits 125 g botter en 200 ml suiker
tot lig en romerig. Klits 5 ml vanielje en 2 ekstra groot eiers by. Klits goed. Sif 500 ml meelblom, 10 ml bakpoeier en 'n
knippie sout goed saam. Meet 160 ml melk af. Vou droë bestanddele beurtelings met melk by bottermengsel, skep in papiervorms n bak teen 190ºC
vir 15 - 20 minute tot goudbruin en gaar. Versiersel: Verroom 125 g botter en klop 375 ml
versiersuiker daarby. Klits tot romerig en geur met vanielje. Jy kan dit met koekkleursel kleur as jy wil. Variasies: 1. Voeg 50 g gevlokte geroosterde amandels
en 3 ml amandel geursel by. 2. Vervang melk in basiese resep met 1 ¾ blikkie grenadella pulp... 3. Vervang melk met vars uitgedrukte
lemoensap en vou gerasperde skil van 1 lemoen by beslag in... 4.Roer ½ kp klapper by versiersel... Tina van der Merwe skryf: My man is ʼn diabeet en ek wil graag
n resep kry om suikervrye konfyt en lae Gi beskuit te maak. Liewe Tina, gaan loer gerus by vorige
datums rond, daar is dalk ook iets wat jy kan gebruik! Daar is hoeka iets oor konfyt! Onthou gerus die volgende, en weet maar
jy sal bietjie moet eksperimenteer! Lees altyd jou etikette, lae suiker goed het bygevoegde vette, en lae vet goed het bygevoegde
suikers! Indien ‘n versoeter ‘n bitter of metaal smaak nasmaak het eksperimenteer met ander tot jy die beste een vind! Of gebruik ‘n kombinasie.Ek het
Natreen vloeibaar as baie goed ervaar so ver en Huletts se nuwe Sugalite werk ook goed. Siklamaat en sakkarien is ideaal vir
geregte soos crème bruleé wat nie te hoë temperature benodig nie, hoë temperature maak die eindresultaat
bitter so voeg dit eerder na gaarmaaktyd by, veral by vrugte geregte. En onthou lae GI kosse en hoë vesel kosse is ideaal! Dadels, dadels
dadels...het ek gesê dadels? (Dis soet,dis gesond, in matige hoeveelhede natuurlik, maar het ek genoem dis gesond?..) Vir jou het ek egter ook die volgende: (Uit Eet Gesond vir die lekker, deur
Pat Barton en Magdaleen van Wyk) Volkoring Karringmelkbeskuit.(400kj per porsie) 1 kg ongesifte volkoringmeel 250 g meelblom 10 ml bakpoeier 10 ml koeksoda 10 ml kremetart 10 ml sout 250 g margarien en 250 ml Canola olie 125 ml korente 2 eiers 500 ml vetvrye karringmelk (gebruik
Elite melkpoeier + 1 Etl suurlemoensap) Voorverhit oond tot 190 ºC Meng al die droë bestanddele, in
groot mengbak. Vryf margarien in tot dit soos fyn krummels lyk. Voeg korente by. Klits eiers, melk en olie saam. Meng
by meelmengsel om stywe deeg te maak. Vorm in balletjies of in gesmeerde broodpannetjies, bak 45 minute lank.
Keer uit. Laat afkoel, breek los of sny in beskuitjies, droog uit. Muffins (280 kj per porsie) 200 ml volkoringmeel 250 ml meelblom 25 ml bakpoeier 2 ml sout 125 ml vetvrye melk 1 eier goed geklits 75 ml Canola
olie 65 ml heuning Oond 200ºC Meng droë bestandele. Meng olie, melk, eier en heuning saam en voeg by droë bestandele. Roer tot net deur aangeklam. Maak muffin
panne 2/3 vol en bak 20 minute tot goudbruin en veerkragtig onder aanraking. Bedien koud of warm... Voila! ...Nou ja, laas was oor meel...Nou, MEER oor DEEG ! BROOD DEEG vir brode, vetkoek, oliebolle, pizzas... [...ja ek weet, van hierdie was al geplaas...maar
ter wille van volledigheid, vergun my dit weer!] Vir Basiese Brooddeeg Gebruik :4 kp meel, 10g (1 pakkie) kitsgis, 7.5 ml sout,
375 - 500 ml louwarm water, 2 tl suiker Meng droë bestanddele. Gooi water bietjie bietjie by en meng tot
hanteerbare deeg. Knie vir so 10 minute op meelbestrooide oppervlakte tot glad en elasties. Smeer jou hande met olie
dit werk makliker. Sit deeg in skoon bak wat liggies met olie gesmeer is, smeer deeg bo-op ook liggies sodat dit nie uitdroog nie, maak toe en sit op warm plek om te rys
tot dubbel die grote. Moenie afknie nie. Sit in pannetjies en bak ¾ uur @ 180 ºC WITSOUS (Ja dis ook
‘n deeg!)Jy kry 3 diktes, dun witsous vir basis in romerige sop, matige dikte vir bedeksouse en dik witsous
as bindmiddel vir bv krokette. Die dikte word bepaal deur die hoeveelheid botter en meel wat jy gebruik. Vir dun witsous gebruik 15 ml botter, 15 ml koekmeel
en 200 ml melk. Vir matig, gebruik 25 ml botter, 25 ml koekmeel
en 200 ml melk. Vir dik gebruik 50 ml botter, 50 ml koekmeel
en 200 ml melk. Smelt botter in kastrol oor lae hitte.
Roer meel vinnig by om klonte te voorkom. Roer melk stadig by, roer aanhoudend en kook 3-5 minute lank oor matige
hitte tot glad, verlangde dikte en gaar. BROS-KORS-DEEG amper krummelrig - 'n tertdeeg wat vir so te sê
enigiets perfek is, pasteie, terte, flans, kluitjies, toe-tertjies...Die verhouding is 'n halwe deel smeer tot een deel meelblom. Gebruik : 240g meelblom, knypie sout,
120 g smeer, 5 ml koue water vir elke 30 g meelblom Sif meel en sout saam, sny smeer in, vryf liggies in meel in totdat die
soos broodkrummels lyk. Voeg water by om ferm deeg te vorm. Vorm in bol Plaas op effens bestrooide meeloppervlakte knie
liggies tot geen barsies meer vorm nie. WARMWATER-KORS-DEEG Vorm die deeg terwyl dit nog warm is,
dit verstewig terwyl dit afkoel. Veral geskik vir hoë pasteie. Varkvet word as smeer gebruik. Gebruik: 90 g varkvet, 65 ml water,240
g meel en 2.5 ml sout Verhit vet en water in kastrol tot vet gesmelt is. Sif meel en sout, maak holte in middel en gooi kokende
vloeistof alles gelyk by. Meng met houtlepel tot koud genoeg om te hanteer,vorm dan in 'n bol,
knie liggies en gebruik onmiddellik. FRANSE FLANDEEG Dis 'n ryk soet brosdeeg ideaal
vir spesiale flans, tertjies en enigiets met 'n beskuitjiebasis. Gebruik: 120 g meelblom, knypie sout,
60 g sagte botter, 2 eiergele, 60 g strooisuiker. Sif meel en sout op werksoppervlakte. Maak holte in middel en voeg sagte
botter, eiergele en suiker by. Meng botter, suiker, eiergele met een hand saam en werk meel met mes in ander hand by. Wanneer dit
deeg vorm, knie liggies tot barsies verdwyn. Draai in plastieksak toe en verkoel halfuur voor gebruik. CHOUXDEEG Dit is 'n ligte fyn deeg wat oprys
om 'n omhulsel vir menige soet en sout vulsels te vorm. Ideaal vir poffertjies! ( Skep lepelsvol op bakplaat en bak,
vir 10 minute op 190ºC, verhoog temperatuur dan na 200ºC en bak nog 10 minute tot opgepof en goudbruin , sny eenkant oop om stoom te laat ontsnap, plaas weer in oond om uit te droog
as verkies of laat gewoon afkoel , vul met vla of room en bedruip met gesmelte sjokolade en strooisel versiersuiker!) Gebruik : 75g meelblom, knypie sout,
30 g margarien, 145 ml water, 2 eiers geklits OF : 110g meelblom, knypie sout, 90 g margarien 187.5 ml water
en 3 eiers geklits. Sif meel en sout saam. Verhit margarien en water in kastrol tot margarien gesmelt is. Laat opkook en verwyder van hitte. Voeg
meel en sout alles op een slag by in kastrol, en klop baie goed
met houtlepel om stywe pasta deeg bol te vorm wat nie meer aan kante vaskleef nie. Laat effens afkoel. Klits eiers geleidelik by en klop goed
na elke byvoeging totdat mengsel glad en glansend is en vorm behou. NIERVETDEEG Die deeg het 'n ligte vlokkige
tekstuur en is ideaal vir soet of soutige poedings wat gekook of gestoom word, kluitjies, en gebakte bokors pasteie. Gebruik : 240 g bruismeel, knypie sout,
120 g gerasperde vet of botter, 12.5 ml koue water vir elke 30 g meel. Sif meel en sout saam. Gebruik rondelemmes
en roer-sny deur mengsel om sagte nie-klewerige deeg te vorm. Vorm in bol. Keer uit op effe meelbestrooide oppervlakte
en knie liggies. Skep lepelsvol bo-op vrugte of groente of bo-op stowe vleis. RU-SKILFERDEEG makliker variasie as skilferdeeg. Heerlik
vir een-kors pasteie, handtertjies, pasteitjies, roomskywe.. Gebruik : 180 g botter, 240 g meelblom, knypie sout,
50 ml yswater, 1 ml suurlemoensap Sny koue smeer in klein blokkies. Sif meel en sout in bak. Voeg smeer,
water en suurlemoensap by druk mengsel aanmekaar, maar moenie smeer opbreek nie. Plaas op meel bestrooide oppervlak.
Fatsoeneer in baksteenvorm en rol in langwerpige stuk uit. Vou boonste een derder van deeg om en onderste een erde
bo-oor hierdie deel. Verseël kante met rolstok. Half-draai deeg. Herhaal proses 3 keer. Verkoel. Gebruik. SKILFERDEEG maak net soos hierbo aan maar, Gebruik 240 g meelblom, 240 g botter
120 ml yswater en 5 ml suurlemoensap VLOKKIGE BLAARDEEG Gebruik : 180
g botter, 240g meelblom, knypie sout en 100 ml koue water KITSBLAARDEEG (worsrolletjies en vleispasteie) Gebruik : 360 g meelblom, knypie sout,
240 g harde botter gerasper, 125 ml koue water. Sif meel en sout saam in mengbak. Voeg grof gerasperde botter by , (sprinkel meel
oor rasper terwyl botter gerasper word om te keer dat botter vasklou) Meng goed deur met slaplemmes- nie vingers nie! (anders
smelt botter) Voeg water by, deeg is bietjie sagter as brosdeeg, draai in kleefplastiek toe laat rus in yskas vir halfuur. QUICHE-TERTDEEG ligte lekker bros deeg vir vlak soet
en sout terte en kan lank voor die tyd gebak word. Hanteer tertdeeg so min moontlik, en lig met die rolstok op. Moenie deeg
rek of trek nie, laat liggies in pan lê en prik en bak blind. Plaas lagie waspapier oor deeg. Gooi lagie droë bone daarop en
bak in oond tot gaar, verwyder papier en bone uit en laat effe afkoel voordat vulsel ingesit word en weer gebak word tot vulsel gestol het. Jy kan die
gaar tertdoppe bêre of vries of ook die rou tertkorse direk met vulsel vul en bak. Gebruik : 200 g meelblom, knypie sout,
100g botter, 45 ml koue water OF 1 eiergeel en 25 ml water Sif meel en sout saam. Sny botter in blokkies en vryf by
meel in. Meng koue water OF eiergeel en water, liggies met vurk in tot mengsel egalig klam is, trek mengsel met vingers
na mekaar om growwe deeg te vorm, keer uit op meelbestrooide oppervlak en knie liggies tot gladde deeg. Vorm in bal, bedek met plastieksakkie
en laat halfuur rus. Gebruik OLIETERTDEEG Gebruik : 180 g meelblom, 3 ml sout, 125 ml olie,25 ml melk Sif droë bestanddele, maak holte
in middel en voeg olie en melk in holte. Meng met mes in en smeer in kolwyntjiepanne, vul met vulsels, en bak.
Ideaal vir klein kits-pizzatjies. KOOKWATERDEEG Rasper 500g botter en mengbak, giet
250 ml kookwater oor botter. Roer tot gesmelt. Sif 500 g meelblom en 5 ml sout by mengsel. Meng goed en plaas oornag in yskas.
Rol uit en gebruik. BESLAGDEEG Dit is 'n gladde loperige deeg, soos vir pannekoek, wafels , gedoopte groente of uie-ringe... BESLAG vir UIE-RINGE Gebruik : 120
g koekmeel, 5 ml bakpoeier, 1 ml sout, 12.5 ml gesmelte botter, 1 eier geklits, 250 ml melk Sif droë bestanddele saam, smelt
eers botter en meet dit dan af, voeg nou gesmelte botter, eier en melk by en klits met elektriese menger tot gladde
loperige deeg of beslag. Dan kry ons nog, KAASTERTDEEG, SUURROOMTERTDEEG , ROOMTERTDEEG,
MIELIEBLOMDEEG en vele meer! Maar ek volstaan hiermee, vra gerus as jy nog iets wil probeer! 'n Paar interessante wenke: 1. Wanneer jy tertdeeg aanmaak, maak
genoeg vir 'n paar terte of pasteie, in foelie toegedraai kan die deeg tot
'n week in die yskas hou! Of vries dit! 2. Stapel deegsirkels, met waspapier
tussen in, opmekaar en vries vir 1 uur lank oop. Draai dit dan daarna toe, merk
en vries. Ontdooi later vir 30 minute teen kamertemperatuur voor gebruik dit sal
maklik van mekaar afkom. 3. Om deeg papierdun uit te rol, sit vel plastiek op skoon
tafelblad. Stryk glad en plaas deeg daarop. Sit nog 'n vel plastiek bo-oor en rol
dan uit! Verwyder plastiek sodra jy tevrede is! 4. Deeg wat in yskas gerus het voor
jy dit begin uitrol, rol makliker uit en breek nie so maklik nie. 5. As te veel vloeistof by tertdeeg gevoeg word, word dit taai. Moet dit ook nie teveel hanteer voor jy dit bak nie. 6. Om uitrol te vergemaklik, onthou om die oppervlakte en
rolstok liggies net meel te bestuif. 7. As jy vlapoeier oor jou uitrol plank
strooi sal jou gebak 'n mooi bruin kleur verkry! 8. Onthou dat deeg in die gaarmaakproses
krimp, sorg dus dat daar genoeg deeg in middel van bak is, en dat kante
goed vasgedruk is. Jy kan dit ook 5 minute laat staan voor jy die randjie voltooi of eers blind bak. 9. 'n Paar druppels suurlemoensap by
enige deeg sal die tekstuur verbeter. 10. Moenie oorskiet mieliepap weggooi
nie ! Dit kan met 'n klontjie botter gemeng word en met 'n lepel in 'n
tertbord vasgedruk word, as lekker alternatiewe tertdeeg vir sout vulsels! Maklike paaie lewer nie bevoegde bestuurders
op nie. Kalm waters lei nie goeie stuurmanne op nie. Die beste loodse het ook storms nodig. Lewens krisisse bou karakter. Wees daarom sterk genoeg om die uitdagings van die
lewe te aanvaar. Vra nie aan die lewe: Waarom ek? nie! Sê eerder : Probeer my!
-Anoniem- 1 November Beste Lesers! Algemene inligting
oor meel. Vir die gesoute baksters onder ons, ou nuus, maar vir die jongeres dalk
nie! En glo my, ek is ook nie te oud om elke dag iets nuuts te leer nie! Dit bly 'n voorreg om hierdie rubriek-fragmente vir julle bymekaar te maak! KORING is een van die wêreld se
belangrikste voedselbronne. Die voedingstowwe wat daarin voorkom is, is koolhidrate,
proteïne, lipides, minerale en vitamines. Dit word alles geberg in die koringkorrel wat bestaan uit die SEMELS : die buitenste dop wat verwyder
word om suiwer meelblom te produseer. Dit bevat baie ruvesel en minerale, bevorder goeie spysverteing en voorkom
hardlywigheid. ENDOSPERM is die bruikbare binneste deel van die koringkorrel. Dit word van die semels geskei
en tot poeier gemaal om die meelblom te verkry, belangrike bron van stysel en verskaf hitte en energie. KORINGKIEM, waaruit die nuwe koringplant
ontwikkel, word normaalweg verwyder want die hoë vetinhoud het 'n nadelige uitwerking wanneer meelblom gemaal word, en berg die bergtyd daarvan- daarom
word koringkiem in die yskas geberg anders word dit galsterig. KOEKMEEL is 'n fyn, wit meel en is ideaal vir fyngebak
soos pasteie, croissants, soetgebak soos sponskoeke,muffins en ligte gesuurde produkte met 'n fyn tekstuur
soos rolletjies en oliebolle. Dit bevat baie proteïen, (gluten) is ongebleik en bevat geen bymiddels nie. Dit is die gluten in meel wat die mengsel
bind. WITBROODMEEL is 'n roomwit meel en is ideaal vir gesuurde broodprodukte, en kan selfs as plaasvervanger
vir koekmeel gebruik word in byvoorbeeld tertbeslag of klein koekies. BRUINBROODMEEL is 'n veselryke, ligbruin, growwe meel
en is ideaal vir gesuurde bruinbroodprodukte. BRUISMEEL is 'n baie fyn, wit meelmengsel wat uit koekmeel en bakpoeier
bestaan. Ideaal vir vinnige maklike gebak soos pannekoek, muffins, sodabrood, skons en beskuit. As jy bruismeel benodig, sif 250 ml
koekmeelblom en 5 ml bakpoeier saam om 250 ml bruismeel te verkry. SEMELRYKE BRUISMEEL is 'n growwe, ligte meelmengsel
bestaande uit koekmeel, uitgesoekte koringsemels en bakpoeier. Ideaal vir semelryke variasies van vinnige maklike gebak
soos muffins, sodabrood, skons en beskuit. Om jou eie te maak, voeg 5 ml bakpoeier by elke 250 ml gewone volkoringmeel. Sif dit 'n paar keer voor
gebruik. VOLGRAANSEMELS is grof, bruin en veselryk en is ideaal om die veselinhoud van gebak soos brood, rolletjies,
muffins en beskuit te verhoog. VOLKORINGMEEL (Nutty Wheat) is witbroodmeel waarby ongeveer 20 % growwe koringsemels bygevoeg is. Dit is die gesondste tipes van alle
meel want dit bevat 'n hoë persentasie ruvesel. Omdat dit ook koringkiem bevat ,bevat dit ook olie daarom
dat dit nie so lank geberg kan word nie, koop dus soos nodig of berg in yskas. Gebakte produkte hiermee sal effens
swaarder wees en as jy ligter tekstuur verlang, vervang die helfte van die volkoringmeel met koekmeel of witbroodmeel. STAMPKORING
is baie grof en word gemaak deur uitgesoekte harde koring te maal. Ideaal om gesuurde broodprodukte of ander gebak soos muffins
en beskuit bros te maak. SEMOLINA is ook 'n suiwer koringproduk in korrelvorm en word kommersieel gebruik om spaghetti en noedels te maak. Ook ideaal vir ontbytpap en nageregte. BEWARING van meelprodukte: MEEL kan 3-8 maande in ideale omstandighede
bewaar word en sowat 1 jaar lank in die vrieskas bewaar word. 'n Lourierblaar of 'n stukkie kers sal kalanders weghou. Meeste produkte
kan nog 6-8 maande na die vervaldatum op die pak met gemoedsrus gebruik word. Meel wat in vrieskas bewaar is, moet vir 1 uur by kamertemperatuur staan alvorens jy dit gebruik. Dit was meer oor MEEL volgende keer: oor DEEG! Niks
wat ander mense doen, is as gevolg van jou nie. Wat ander sê of doen is 'n projeksie van hul eie realiteit, hul eie
droom. Wanneer jy immuun raak teen die opinies en aksies van ander, bevry jy jouself van die slagoffer-wees-mentaliteit van onnodige binne-wroeg en lyding. Oktober. 27 Oktober Beste Lesers! Die wind waai aanmekaar en as dit weer vir ons soveel heerlike deurdringende reën soos laasnag gaan uitwaai, kla geen Karoo-boer nie! En toe, het jul al 'n eiertjie gelê op die
openbare forum? Doen
dit gerus! En
hoe hou jul van my bladsy se nuwe "look"? ! Maar nou eers weer my bietjie terugvoer op van jul navrae! LW. Party verkies 'n persoonlike antwoord en ek respekteer dit, maar ander beantwoord ek graag hier! Dis immers nie lekker om net in monoloë te
gesels nie! Ek is altyd dankbaar vir jul deelname! 1. Lydia skryf :Ek het 2 kinders wat geen vrugte
en groente eet nie ek het vir my 'n versapper gekoop en soek na lekker resepte wat ek vir hulle kan maak. Sodat hulle vrugte en groente in hulle lywe kan
kry. Help asb. Dankie 2. Henry Stopforth skryf : Hi ek soek 'n boerseep
resep. Dankie! 3. Ina Pienaar vra die resep vir outydse
konfyttertjies maar die toe-tertjies asb. Baie dankie. 4. Gideon Naude stuur die volgende navraag: Kan iemand my vertel hoe maak mens joghurt. As kind het my ma melk in n beker gesit dit laat
staan tot dit dik geword het. Ons het dit met suiker geëet. Was dit dan vandag se joghurt? 5. Willie Coetzee vra: Waar kan ek die boek "Die suiker-sleutel" te koop aantref. My vrou het suiker probleme en ek het gehoor van
die boek en ek stel belang om dit te koop aangesien ons nuut is in die suiker gebied... Wel SO MAAK MENS! Vandag se Versappers kom uit met ʼn handige
boekie vol kombinasies vir sap-resepte! Maar of die kinders daarvan gaan hou weet mens nooit. Een van die beste produkte wat ek al gebruik het is die Hamilton Beach,
en hulle het die wonderlikste
resepte boekie wat van roomys tot jogurt tot soppe en wat nog als insluit! Jy kan dalk hul arm draai vir ʼn boekie HSO Home Supply organization, Posbus 69225, Bryanston, 2021. Ek kan jou waarborg dat jou kinders
beslis hul groente en vrugte op al die maniere sal inkry en dit geniet ! Probeer intussen die volgende: Maak pannekoek met vrugte vulsels, of wafels met ʼn tuisgemaakte vrugte-sorbet. Bak muffins met gerasperde appel
en wortels in, gooi droë vrugte in vleis geregte, gebakte aartappels met ʼn groente en kaas vulsel. En dan, voer hulle slaai! Vars en krakerig en sit sommer altyd wortel
repies en appels by... Lekker Vrugte roomys. (Dit is ʼn Sagte roomys, jy kan dit hard vries as jy verkies om dit ʼn sorbet te maak,
maar dis heerlik net so sag!) 150 g gevriesde vrugte (pynappels / perske/ kiwi / lemoen/ aarbeie...net wat jy het) 100 ml Ideal melk 30 ml suurlemoensap En sowat 1 ETL vloeibare Natreen as versoeter
( Gebruik dit in al die resepte en na smaak, bietjie meer of bietjie minder ...) Gooi als in jou versapper, en meng baie goed op hoë spoed tot
"gestol". Eet dadelik. Vrugtesappe: Neem 2 van enige vrugte ( m.a.w. 2 appels of 2 lemoene...) in stukke gesny Halwe suurlemoen geskil Versoeter 1 kp. koue water 4-5 ysblokkies laaste bygegooi Gooi als in jou versapper, en
versap/verpulp baie goed op hoë spoed tot heerlike sap. Drink dadelik. Vir ‘n melk skommel vervang
die 1 kp water met 1 kp melk! Kamma Joghurt 200 ml melk 1 suurlemoen geskil in stukke gesny Versoeter 2 piesangs Halwe appel in stukke gesny. Verpulp op hoë spoed tot stewige , room-skuim
dikte . Voeg piesangs en appels laaste by. Bedien koud en dadelik. Vervang die appels met 100 g van enige ander vrugte van jou keuse. Vertel my gerus of jy hul kon wen! So van Joghurt / jogurt gepraat! (JA! Albei spellings is korrek!) Ja, Gideon, jy is reg vandag se jogurt is maar net dieselfde as aangesuurde
melk... natuurlik
met bietjie finesse! En jy moet 'n gebore Nataller wees om van dikmelk en suiker te hou...O so saam met krummelpap, of gemaalde swartkoring of gekrummelde
koue mieliebrood..! Ai hoe laat jy nou hierdie Drakensberger ver verlang! Toe ander Ma's, biduur tye op die plaas, hul kinders Purity gevoer het , het my ma skaam
- skaam my in die motor my "purity" gaan voer...! Maar jy kan vandag steeds jou eie Jogurt maak! Jy kan vir jou 'n kommersiële jogurt maker koop met sulke pakkies wat jy by gekookte melk voeg en oornag laat staan tot verdik, maar
ek het altyd vir my kinders sommer my eie goedkoper weergawe gemaak: Kook 1 l melk tot die skilletjie daarop vorm. Roer 100 ml Elite melkpoeier daarby. Gooi dit in 'n warmfles en laat
staan oornag dit sal volgende oggend gereed wees, verkil dan voor opdiening. Of jy kan dit oornag buite die yskas laat afkoel. Roer dit die volgende oggend goed deur, en
laat staan op warm plek tot dik maar dit moet nie water afskei soos tradisionele dikmelk as dit suur word nie. Daarna kan jy dit in die yskas hou dit sal nie verder
aansuur nie. Kap
dan bietjie vrugte op en roer by vir heerlike vrugte jogurt! Of Neem
12.5 ml gewone ongegeurde kommersiële jogurt Roer 500 ml verkoelde warm melk daarby in, en hou op warm plek vir 24 uur. Soos gesê, 'n warmfles
is baie geskik hiervoor. Voeg vars vrugte by bereide jogurt. Of 1
liter vars melk + 6 ml afgeroomde melkpoeier 175 ml jogurt Roer melk oor matige hitte tot kookpunt. Roer joghurt by. Gooi in 8 plastiek glasies. Pak in digte plastiek
bak . (Tupperware
het 'n Multi-server wat ideaal werk) Gooi warm water tussen glasies tot dit amper die bo-rand van die glasies raak. Maak dig toe en sit dit op warm plek of maak
toe met warm kombers. Sowat 5 ure. Voila! Jy het jou eie joghurt! Henry , het
jy al by die vorige bydrae vir Boerseep geloer? Probeer ook hierdie moderner weergawe! Stuur asb. jou pos adres aan my ek het 'n
vorige leser belowe ek sal vir haar die ander resepte pos, nou kan ek sommer albei s'n pos! Pampoenseep! 2 ½ pond vet, 5 pd
gaar pampoen, ¾ pd soda , 1 bottel warm water (750 ml) 2 Etl terpentyn Los die soda op in water en laat afkoel. Meng die lou gaar pampoen in
vet, roer vir 10 minute. Voeg lou sodawater stadig by. Roer vir 15 minute, die laaste die terpentyn. Gooi dan uit in 1 gelling pannetjie
en maak warm toe vir drie dae. Sny in steentjies. Jammer!!
Ek weet wraggies nie nou hoe groot is 'n gelling pannetjie nie!! Ai, hoe verraai ek nou my ouderdom! Help maar reg, Ja! Nog meer inligting oor Tuisgemaakte
boer seep... doodeenvoudig berei uit plantolies met 'n alkali soos bytpotas of bytsoda wat in water opgelos is. Bring dit in die regte hoeveelhede en op die korrekte manier bymekaar
en jy is verseker
van 'n aantal stene van ons onontbeerlikste wasmiddel (of miskien 'n hoeveelheid sjampoe-agtige vloeistof). Die as van enige verbrande plant is geskik, maar daar is kenners wat reken dat die blare en stamme van piesangbome vir die sterkste loog
sorg, terwyl die hout van appelbome glo weer die witste seep oplewer. Plante-as, of potas soos dit genoem word, bevat die chemikalie kaliumkarbonaat,K2CO3.
Deur 'n oplossing
hiervan in water saam met gebluste kalk (kalsium hidroksied, Ca(OH)2 )
te kook, vind
'n proses van dubbele omwisseling plaas en word bytpotas (kaliumhidroksied, KOH ) gevorm, terwyl grootliks onoplosbare kalsiumkabonaat ( CaCO3 ) uit die oplosssing neergeslaan word en gevolglik deur middel van filtrasie daaruit verwyder
kan word. Die oorblywende kaliumhidroksied kan dan gebruik word vir seepmaak. Seepmaak is egter ook hoogs gevaarlik, iets wat geen leek of groentjie alleen moet aandurf nie.
Dit het van
ons voorsate stellig destyds terdeë besef. Alkalië soos bytpotas of bytsoda (kaliumhidroksied, KOH, en natriumhidroksied, NaOH )
kan immers gate in mensvleis vreet, 'n mens blind maak as dit in jou oë spat en dodelik wees as iemand (miskien 'n klein kindjie) 'n oplossing daarvan in die hande kry en drink.
Boonop is warm
vet natuurlik ook niks om mee te speel nie. as.'t ware deur die vet "geblus" word.
Die seep wat gevorm word, is 'n verbinding tussen die vet en die alkali, wat veel minder toksies is as die alkali self. Chemies gesproke is seep die sout
van 'n vetsuur. Seep
se nut lê daarin dat dit met sowel olie-molekules as water-molekules kan reageer en dus vettighede met behulp van water kan verwyder. Die gebruik van seep het natuurlik
al baie lank voor die agttiende eeu begin. Die eerste opgetekende getuienis van die maak van seepagtige stowwe dateer terug tot nagenoeg 2800 v.C. in ou Babilon. Tog het ons voorouers in
Suid-Afrika hul eie unieke seepsoorte gemaak deur die toevoeging van kruie en ander stowwe uit die Afrika-omgewing. Dink maar aan die olie uit die giftige sade van
die rooiessenhout(Trichilia emetica) waarvan daar, na vertel word, 'n uitstekende seep gemaak kan word. (Bron: Mieliestronk) Willie, jy kan die boek : Die Suiker Sleutel,
balanseer jou bloedsuiker natuurlik... geredigeer deur Sari Harrar, te koop kry by : Die posbestellings boekdiens van RODALE en PREVENTION boeke. Die Afrikaanse uitgawe deur Jacklin
Uitgewers, Posbus 521, Parklands, 2121. ISBN 1-59486-469-1 En Ina, laaste maar nie die minste nie, die lekkerste toe-konfyt-tertjies
maak ons so : 6 kp.
(6x250 ml) meelblom 8 ml sout 3
eiergele geklits 60
ml wit asyn 5
ml gelyk geskraap kremetart 190 ml koue water 625 g margarien Sif
droë bestanddele en vryf gerasperde margarien in. Meng tot 'n deeg met geklitste vloeistof. Laat deeg oornag in yskas rus. Rol klein stukkies deeg dun uit, druk af met 'n 8 Cm deursnee
ronde koekiedrukker. Plaas 'n stukkie appelkooskonfyt op elke sirkel. ( 'n vriendin hou haar konfyt in vrieskas oornag
) Klop eierwit
effens en verf helfte van die sirkel .Vou deeg oor konfyt en verseël met vurk. Plaas op gesmeerde bakplaat, verf geklitste eiergeel oor tertjies. Plaas panne in yskas tot al jou tertjies
klaar gemaak is. Bak daarna in oond by 200ºC vir 10 - 12 minute tot goudkleurig. My vriendin het hierdie wenner ook : Op Stoof, kook saam : 1 groot blik tertappels, 1 blik pynappelstukke en 1 klein blikkie grenadella moes, verdik met bietjie Maizena. Laat
afkoel. Neem
'n rol skilferkors, vou sagkens oop, rol effens glad, sny 20 vierkante uit. Skep nou teelepelvol van appelmengsel op elke vierkantjie in 'n
diagonale strepie en vou die oorkruis punte losweg oor mekaar. Plak punte vas met eierwit. Bak tot goudbruin. Bestrooi liggies met versiersuiker as dit uit oond
kom. Geniet
dit! En dan net om te wys hoe 'n wonderlike
wisselwerking ons hier in ONSDORP via SOMAAKMENS ondervind : Rita
skryf: I.v.m.Frankryk, het ons 'n persoon daar wat ek kan kontak oor 'n besoek aan die land, dorpie GARIES. Ek kom nou net van 'n vakansie uit
die VK wat ek al die jare begeer het, my man was so bly om my te sien dat hy (glad nie 'n reisiger nie, die plaas mag mos verskuif in sy afwesigheid!)besluit het volgende keer gaan hy
saam en op navraag waar gaan ons heen, sê hy Garies! menende die een hier by ons in Namakwaland!!. Wil hom net wys na watter Garies toe wil ek gaan!!!
Toevallig boer
hy ook met wingerd en dit lyk of Frankryk se Garies ook 'n druiwegebied mag wees? Wel antwoord ek Rita toe : Beste Rita Ek stuur jou navrae aan ons Kambasatrise! Ek is seker sy sal jou kan help! Sterkte met jou manlief se reisplanne...dit
klink so baie na myne s'n! Ek wil so graag na Parys, Frankryk...hy? Parys innie Vrystaat!! En kom ons dadelike korrekte antwoord: Rita, Ons kontakman in Frankryk is Marius Schmulian en hy woon in Isle Sur La Sorgue, Provence, en volgens Google Maps is Isle Sur La
Sorgue en Garies omtrent so 440km van mekaar af. Hier is Marius se epos adres: Marius Schmulian <mariusschmulian@hotmail.com> wat sy soek oor Garies (nou nie die een in Namakwaland nie :-}). Groetnis van huis tot huis en lekker wyn proe!! Merraai (Marie-Louise Oosthuysen de Gutierrez Kambassadrise Mexicostad, Mexico) Sien julle nou, Is dit nie alles heerlik nie! of wat jy het nie, dit hang uitsluitlik af
van wat jy dink! 25 Oktober Op hierdie mooi windstil Sondag, vergun
my die deel van die volgende: Boegoe vannie Liefde. Deur Hans du Plessis. Ek wil jou vi altyd neffens my hê, hou my sos boegoe teen jou vas: ek wil sosse ring om jou se vinger pas, en sos grashout op jou se hart loop lê. Die liefde het eentliki dood se krag, hy gryp jou wa jy niks verwag, die liefde die soek okkie ytie, vra nou nie wat jy self beslytie. Die liefde brandsteek 'n annerlike vier, en jy kannie hele waterse kom stier of goi ma Grootrivier yt op hy se
kop, môre
sien jy, hie statie liefde self wee op ! 23 Oktober Dagsê Lesers! Op aanvraag : Twee tradisionele gunstelinge ! Mielietert by braaivleis. No 1. 2 snye dik witbrood 1 kp melk 2 eiers 1 blikkie
roomsoort mielies OF 2 kp gevriesde pit mielies met 3 Etl kondensmelk Sout en peper 1 Etl botter 2
Etl suiker Week brood
in melk, klits eiers , meng alles goed saam, bak in oond by 180ºC tot goudbruin en gestol. No 2. 2 blikkies roomsoort mielies ½ kp mieliemeel ½ kp melk ½
kp suiker ½ tl
bakpoeier 2 eiers Meng alles, bak tot goudbruin
en gestol in oond by 180ºC . Pampoenkoekies. No 1. 2 kp gaar pampoen ½ kp meel 2 ml sout 2 eiers geklits 1
tl bakpoeier Meng, bak
lepelsvol alkante bruin in warm olie. Dreineer en strooi met kaneelsuiker. No 2. 750 g (3 kp) gaar fyngemaakte pampoen 5 ml (1 tl) sout 275 g (500 ml ) ( 2 kp) bruismeel 15 ml (3 tl) bakpoeier Klop eiers, pampoen en sout saam. Sif bruismeel en bakpoeier saam en meng
met pampoenmengsel tot
sagte deeg. Verhit olie
in kastrol oor matige hitte. Skep dessertlepelsvol pampoenmengsel in olie en braai tot ligbruin en gaar. Dreineer poffers op kombuispapier, skep in opdienbak en hou warm. Stroop : 400g (500 ml of 2 kp )suiker 250 ml (1 kp) water 125 ml (halwe kp) melk 25 g (30 ml of 2 Etl) margarien Knypie sout 10 ml ( 2 tl) mielieblom Verhit al die stroop bestanddele behalwe die mielieblom
saam tot kookpunt. Meng
mielieblom met bietjie koue water tot 'n pasta en roer by die stroop. Roer goed deur. Gooi stroop oor warm poffers. Bedien. behoort 'n doelbewuste
skeppingsdaad te wees waarin dissipline en orde afgewissel word
met 'n bietjie speel en lawwigheid. 19
Oktober ...terwyl ons nou almal so fanaties
begin tuinmaak, 'n nuwe week is op hande! Vir die plant liefhebbers onder ons : Neem ‘n stuk oase, maak gaatjies met ‘n skerp voorwerp en verwyder los stukkies. Vul gaatjies halfpad met bietjie grond, sit saadjies
in en gooi weer bietjie grond bo-oor. Hou klam. Sodra
plantjies groot genoeg is om uit te plant, sny plantjies los van mekaar en "plant" netso met oase stukkies om plantjie in diegrond. Sit steggies ook in stukkies oase
in herwinbare houertjies, hou klam en wanneer wortels uitkom, plant steggie met oase en al. Leë eierhouertjies kan ook vir saadontkieming gebruik word. Vul met stukkies oase of potgrond,
plant saadjies
en hou klam. Plant met eierhouertjie en al. En Vir ons troeteldier liefhebbers: As jou kat jou deurmatjies uitrafel, smeer dit met ‘n mengsel van parrafien en asyn onderaan.
Katte hou nie
van die reuk nie! Om
jou kat of hond vlooivry te hou, gooi 1 Etl ontsmettingsmiddel in die water waarmee jy hom bad, dit maak ook die hare lekker sag. Een tablet kiniensulfaat vir troeteldiere
per dag, behoort ook die vlooie en bosluise weg te hou! Die manier om goeie idees te
kry is om baie idees bymekaar te maak, en dan die slegtes weg te gooi!
- Linus Pauling - 18 Oktober Liewe Lesers! Toe ek Malverlief, die eerste keer by my aanstaande gaan kuier het, wou ek hom so graag beïndruk..! En het ek nie ! Maak gerus hierdie ou
gunstelinge wat
nou al amper vergete geraak het! Driehoek-Maaskaas Yskaskoek. 1 pk Tennis beskuitjies Foelie En vir die Vulsel: Meng goed saam: 125 ml botter, 80 ml strooisuiker, 1 bakkie (250 ml ) gladde ongegeurde maaskaas, 1 eier, goed geklits
en 1 blikkie fyn pynappel. Pak die koekies op die foelie uit in 3 rye. Smeer die vulsel net op die middelste ry koekies. Vou dit met die foelie toe in 'n driehoek. Vou foelie stewig bo toe, om
die vorm stewig te behou. Plaas in vrieskas tot gestol. Net voor bediening kan gesmelte sjokolade bo-oor gegooi word. Sny in skywe en bedien yskoud. Ja-ja... jy kan dit ook as 'n gewone
yskas tert voorberei en die vulsel skep in 'n koekiekrummelkors, gemaak deur koekies fyn te druk en met 3 Etl gesmelte margarien te meng,
en stewig in
tertbord vas te druk. ...maar watter verliefde gaan jy daarmee beïndruk? Die driehoek lyk immers of jy kan kook! Daarna het dit makliker en makliker gegaan... Maaskaastert met glasuursel. Maak 'n krummelkoekie kors deur
koekies fyn te druk en met 3 Etl gesmelte margarien te meng, druk stewig vas in tertbord. Meng : ½ kp suurlemoensap, 1 blikkie kondensmelk, 250 g maaskaas en 1 tl vanilla. Skep bo op krummelkors. Dreineer 1 blikkie aarbeie of jongbessies,
hou sap eenkant, pak die vrugte bo op tert. Kook die sap, tesame met 2 Etl suiker en 2 tl mielieblom tot dik en glansend, en skep dit bo-oor die vrugte. Laat set in yskas, bedien. Marshmallow tert. Maak 'n krummelkoekie kors deur koekies
fyn te druk en met 3 Etl gesmelte margarien te meng, druk stewig vas in tertbord. Meng : 1 medium pakkie marshmallows in klein stukkies gesnipper 1 houertjie maaskaas 1 blikkie kondensmelk 125 ml suurlemoensap Skep die vulsel in die koekiekrummelkors, garneer
met rooi en groen kersies of room rosies reg rondom, plaas in yskas tot gestol en Voila!
deur jou op jou voorkop te soen of selfs net diep ingedagte te kan sit, en genot te put uit sy eie binnevrede. 11 Oktober Dagsê Lesers! Ek is alweer skuldig!! Ek is jammer!! Trudie het my nou al twee keer gevra na maklike brood resepte - hul woon op 'n plaas
en sy en manlief
bak graag saam, asook maklike "doppies" vir klein melktertjies ... Wel Trudie, en liewe Lesers, SO MAAK MENS! 20 - 25 dosyn doppies! 8 kp meel 1 ½ kp suiker 1 lb ( 500g ) botter 1 tl sout 8 tl bakpoeier 4 eiers Klits die botter en suiker goed en voeg eiers een
by een by, dan die meel en bakpoeier. Dit moet nie 'n te stywe deeg wees nie. Rol uit , gebruik deegdrukkertjie om die deeg sirkeltjies netjies in kolwyn
pannetjies te vorm, en
bak blind. Vul
met jou gunsteling vulsel soos nodig. Melktertpap, vla, en karamel kondensmelk bly treffers. Doppies gevul met Karamel kondensmelk en pofrys
is 'n kinder treffer! ...en
nou, kom breek 'n broodjie saam.... Maklike
witbrood 4
kp meel 10g
(1 pakkie) kitsgis 7.5
ml sout 375
- 500 ml louwarm water. 2 tl suiker Meng droë bestanddele. Gooi water bietjie bietjie by en meng tot hanteerbare deeg. Knie vir so 10 minute op meelbestrooide oppervlakte
tot glad en elasties. Smeer jou hande met olie dit werk makliker. Sit deeg in skoon bak wat liggies met olie gesmeer is, smeer deeg bo-op ook liggies sodat dit nie uitdroog nie, maak toe en sit op warm
plek om te rys tot dubbel die grote. Moenie afknie nie. Sit in pannetjies en bak ¾ uur @ 180 ºC Wenke: 1. Gebruik witbrooddeeg ook vir vetkoek, of pizza of stokbrood of roosterkoek... 2. Sit 45 ml olyfolie, olywe , roosmaryn
en gedroogde tamatie by...en jy het ‘n ciabatta! 3. Ek sit my deeg sommer in ʼn ander skottel met warm water in, dan rys dit vinniger! Of ek maak dit met ʼn elektriese kombers op
no 1 toe. 4.
Brooddeeg kan vir 'n dag in yskas gehou word want lae temperature inhibeer die gis en vertraag die rysproses. 5. Onthou deeg moet by kamertemperatuur
wees voor jy daarmee begin werk. Deeg vries ook goed, laat ontdooi @ kamer temperatuur. Bruin Potbrood 1 kg Nutty Wheat 1 kp bruismeel 1 Etl sout 4 tl suiker 1 pk kitsgis Meng als met louwarm water tot medium deeg. Vryf hande met botter en knie deur. Deel in panne of sit in plat boom pot, bedek,
laat rys vir 20 minute. Bak ¾ uur @ 180 ºC Maklike Bruinbrood / Joghurt-brood. 500 ml joghurt of karringmelk 500 ml koekmeelblom 500 ml volgraan meel of bruinbroodmeel 7,5 ml suiker 5 ml koeksoda 5 ml sout Meng alles goed saam, maar moenie knie nie. Bak vir 1 uur in matige oond. Heerlike uie-broodjie 500 g bruismeel 500 ml karringmelk 1 pakkie bruin uie sop poeier Meng als, gooi beslag in broodpannetjie,
rasper kaas bo-oor, bak sowat uur by 180ºC Bierbroodjie 500g bruismeel 2Etl suiker 1 tl sout 1
tl gemengde kruie 1
blikkie 9 340 ml ) bier Meng als, gooi beslag in broodpannetjie, bak sowat uur by 180ºC Gesonde "broodrolletjies" vir Cholesterol-bewustes 3/4 kp fyn Oatbran ½ kp bruismeel ¾ kp afgeroomde melk 2 Etl heuning 3 Etl olie Meng alles, skep lepelsvol op koekplaat.
Bak @ 190ºC vir 8 - 10 minute. Heerlike Mieliebroodjie 500g bruismeel 1 blikkie (340 g) heelpitmielies 1 blikkie (410 g) ingedampte melk 1 tl sout OF 500g bruismeel 2 groot eiers ½ kp melk 2 Etl olie 1 tl sout 1 blikkie (420g) roomsoort mielies Meng alles saam, gooi in pannetjie, bak 45 minute by 180ºC Maltabella brood 200g maltabella meel 3 eiers 1 tl bakpoeier 1 tl koeksoda 1 tl sout 1 Etl margarien 50 g hawermout 200 ml aangesuurde melk / karringmelk Meng alles saam, gooi in pannetjie, bak 45 minute by 180ºC Voila! of
onwetend gaan seermaak. Maar net jy kan besluit, wie die pyn werd is.
-
Facebook gedagte - 10 Oktober Dagsê! Hoeveel
van julle het al die heerlike uitdagende Lemoen rol wat ek 'n wyle gelede geplaas het probeer? A Nee A! Wat's dan fout ! Jul mis beslis 'n wenner! Vir die bangerds onder julle, probeer
my oorlede skoonmoeder
se wonderlike LEMOENKOEK resep. Dit kan nie flop nie en bly altyd 'n treffer. 4 eiers 2 kp. suiker 2 kp. meelblom ¼ tl sout 1 kp. melk 4 Etl olie 2 tl bakpoeier 1 tl lemoengeursel 2 Etl mielieblom Bak in 2, 25 Cm koekpanne of een groot reghoekige tertbak. Klits die eiers tot skuim. Voeg suiker geleidelik by en klits tot
dik en romerig. Sif
meel en sout goed saam, vou meel in eiermengsel en meng baie goed. Verhit melk en olie tot kookpunt. Strooi bakpoeier oor meelbeslag en gooi dan die
warm melk en olie bo-oor. Meng alles deeglik saam en voeg laastens die geursel by. Bak vir 25 minute teen 180ºC Haal uit oond, prik met vurk en gooi
die stroop oor warm koek. Laat afkoel en bedien. Ook lekker as nagereg saam met room. Stroop. 2 kp suiker 1 kp water 1 kp vars lemoensap 2 Etl gerasperde lemoenskil 2 tl botter Kook suiker, water en botter vir 5 minute. Koel af, voeg sap en skil by.
Stroop moet
nog lou wees as dit oor die warm koek gegooi word. Heerlik! 1. 'n Glas lemoensap met 1 tl opgeloste gelatien soggens sorg vir mooi sterk naels en glansende
hare ! 2.
Plaas Lemoene in die Mikrogolf of in kookwater vir sowat half minuut voor jy dit uitdruk, jy sal meer sap uitkry! 3. Skille kan gedroog word en oor
braaivleis kole gegooi word vir 'n aangename geur. 4. Lemoene sal maande hou as jy dit in sneespapier toedraai en tussen saagsels bêre. 5. En het jy geweet, as jy jou tande
met die binnekant van lemoen of suurlemoen skil vryf, (of 'n halwe aarbei) jy van baie tandvlekke ontslae kan raak?
Nê! 6 Oktober Dagsê Lesers! Die tuin en boorde is by Lente verby, dis Somer en die groen blare vorm
sambrele van koeltes
orals waar mens gaan. Ek hoef nie onder 'n Karoo son te wedywer vir 'n koeltekol met die boerbokkies wat kwispelstertjies al huppelend van koelte tot koelte speel nie. Nee, koelte is daar, soos genade, genoeg vir ons
almal! Vra iemand my nou die dag, wat is Paella
nou eintlik, dit lyk vir hom soos 'n roerbraai affêre! Wel, Paella is Spanje se bekendste dis. Dit is oorspronklik 'n landelike gereg en bekend as herderkookkuns. Die tuiste van Paella is Valencis, maar dit varieer van provinsie tot
provinsie. Spaanse à
la Vasca (Baskiese) kos word as die beste beskou. 'n Kleurvolle verskeidenheid bestanddele is gebruik, en elke lid van die huishouding het sy bydrae gebring. Die gereg is op 'n groot oop vuur
voorberei. 'n Houtsoort met 'n besondere geur is daarvoor gebruik en die dis is voorberei in 'n spesiale oop plat pan met twee handvatsels. Enige vleis, vis is gebruik, rys en saffraan
vir kleur en ander geurmiddels veral groenpeper was onontbeerlik. Hoe is dit gedoen? Maak
Olyfolie warm. Braai vooraf bereide vleisstukkies in olie. Voeg groente by. Braai alles saam. Voeg kookwater by. Voeg rys, saffraan en geurmiddels
by. Maak genoeg vuur
totdat rys half gaar is, daarna word vuur geleidelik kleiner gemaak totdat al die sous weggekook is. Bedien en hou res warm oor smeulende kole. Heerlike Moderne variasie van PAELLA ! 1 pakkie seekos rys 1 blikkie Kreef 2 blikkies Mossels 500g Garnale 2 groot Uie gekap en 5 ml knoffel Vars swart peper 250
ml beesvleisaftreksel 12
swart olywe 10 ml Worcestersous 4 tamaties (verwyder skil) Vars pietersielie 250g Beesfilet Kook rys volgens voorskrif op pakkie en hou eenkant. Verhit olie in pan, soteer kreef, vleis
stukkies, mossels en garnale. Voeg uie en knoffel by asook swart peper en kook 'n paar minute lank. Voeg aftreksel, olywe, Worcestersous en tamatie blokkies by en laat 10
minute prut. Voeg die
gaar rys by en roer liggies tot gemeng. Strooi vars gekapte pietersielie en grasuie oor en bedien dadelik. - Ek hou van 'n seekos Paella alleen. As ek die filet gebruik, is
dit lekkerder om dan ook hoender
repies by te sit, dan het jy vleis , hoender en vis in een Paella, en dit werk. Maar jy kan self kies, net vis, of net vleis maar tradisioneel,
was dit alles! Voila!
"Wat dink jy?" as om hierdie woorde vir jou te vra nie. Hierdie vraag maak dadelik van
jou 'n persoon van waarde, wie se opinie vir die vraagsteller of organisasie van uiterste belang is. Vra dit dus vir mekaar, en
beantwoord dit nadenkend. 1 Oktober Dagsê Lesers! Aan ons, ONSDORP - Leier en sy Kamermaatjie
wat in Duskantland kuier, Geniet elke oomblik daarvan! Lesers Navrae en Terugvoer : Annamarie skryf : Die dame wat sukkel met haar kind se vel "bobmartins" honde pille help. Ek het n vriendin wat gesukkel het met altwee haar
dogters se vel, dit het baie gehelp! Alida Taljaard van: info@boerseep.co.za skryf : Hi, ek onthou ook nog die SOMAAKMENS program as kind. Ek en my tweelingsuster
het my ma se
boerseep besigheid oorgeneem en maak nou kouewater boerseep vir 'n ekstra inkomste Indien enige iemand meer inligting verlang of bestellings wil plaas kan
hul my gerus kontak
by 082 264 3057 Nogmaals dankie! Tersia
Kock het gevra : Kan
julle vir my sê waar koop n mens eier poeier? Wel Tersia, NCD het op 'n tyd eierpoeier verkoop maar helaas ... Ek het dit ook wel al by 'n bekende Kamp-groep
wat gedroogde produkte vir stappers
verkoop gekry. Die ander
wat dit ook verkoop het was dieselfde produsente wat kaas poeier nl: Country Pasture,
Housewives, Sunspray Food ingredients, 011 473 680092 Price street, Industria JHB. dit
aan Hotel groepe lewer. Baby Britz skryf : Ek wil graag uitvind of frambose in Bloemfontein sal groei. Niemand hier kan vir my help nie. Die botanici sê 'n bessie is 'n vrug met baie sade wat regdeur die vlesige binneste van die vlug versprei is. Die aarbei, braam
en framboos beantwoord nie
een aan hierdie beskrywing nie, maar daar is ander bekende vrugtesoorte wat dit wel doen, al dink ons selde só aan hulle. Glo dit as jy wil, die druif, piesang,
lemoen en waatlemoen
is almal bessies, asook die tamatie, wat gewoonlik as 'n groente beskou word. SOOS die aarbei is die framboos (Rubus idaeus) geen ware bessie nie-selfs al dui die
woordeboek hom aan as
" 'n soort bessievrug soos 'n braam". Die sappige pitvrugte kom in trosse voor, elke vrug met sy eie saad. Dié heerlike vroegsomerse vrugte (in Engels
"raspberries" genoem) groei aan lang stele; die blomme is wit. Die vrugte is meestal rooi of pers, maar party soorte kan swart, geel of selfs wit wees.Hoewel hy inheems in die Noordelike
Halfrond is, word die framboos tans in baie ander
wêreldstreke met 'n gematigde klimaat verbou, ook in die Wes-Kaap. Die vrugte is sag en delikaat en moet met die hand gepluk word om te keer
dat hulle gekneus raak.
Hulle kan rou, ingemaak of gevries geniet word, versap word of konfyt kan daarvan gekook word. Frambose aard dus goed in goeie reënval streke, en in ons land veral in die Overberg, George, Hermanus en Kleinmond. Rypvry gebiede, so
ek dink nie Bloemfontein sal heeltemal
geskik wees nie tensy jy dit in tonnels wil verbou en dan sal jy swamsiektes moet dophou. Verder bied die IDC ook finansiering aan opkomende boerderye en het hul juis 'n framboos boerdery al gefinansier.Hul kontak
no in Bloemfontein is 051 4111450, dalk sal hulle vir jou kan sê of Bloemfontein geskik sal wees en of daar dalk so iets in die Vrystaat is! Ander Lesers wat vir Baby kan help, kontak
my asseblief! Terloops, Baie Dankie, M, vir die wonderlike
kompliment dat jy my Esme noem!! Wel, M Fourie, skryf : Goeie dag Esme, Jong ek het gewonder of jy my dalk kan help met 'n dieet wat goed is vir 'n mens wat bv. vrugte en joghurt en vrugtesap insluit,
ek wil so graag my gewig
weer terug hê, wat moet ek doen om dit terug te kry ek is nie mal daaroor om oefeninge te doen nie ek raak gou moeg daar voor het jy dalk
vir my 'n plan! Ja
is die gewig nie maar vir ons almal 'n netelige kwessie nie! Eks wel bietjie ouer as jy, maar ons "specs" klink baie dieselfde, maar daar is altyd
raad! (Ek het in
minder as 8 maande 13 kg afgeskud, so ek sal nie vir jou jok nie!) Die slegte nuus is dat geen dieet ooit werk nie! Sjoe! dit klink negatief, maar eerlik, Geen dieet werk regtig SONDER oefening nie, en dit
is ongelukkig die waarheid. Maar jy hoef nie daardeur ontmoedig te wees nie, bly jy iewers waar jy elke dag kan gaan stap? Dit is bewys dat as jy net elke dag 11000 tree ekstra
gee, jy baie vinnig en
effektief gewig kan verloor. Dit klink vreeslik baie maar dit is nie te erg nie. Ekself hou niks van oefeninge nie maar het 'n klein MP3 spelertjie aangeskaf
en begin stap! Nou is
dit al so 'n gewoonte dat ek nie meer daarsonder kan nie! Ek stap daagliks gemiddeld so 5-6 kilometer, en dit maak daardie permanente verskil wat jy graag wil sien, en eerlik, as jy dit eers
reggekry het sal jy nooit weer terugkyk of die gewig weer aansit nie. Wat jou dieet betref, ek glo aan 'n natuurlike benadering, glo ook aan baie vrugte en groente, min vette en amper geen stysels en suiker
nie. Dit klink ook radikaal,
maar gegewe die feit dat ek geen dieetkundige is nie, maar wel al amper al wat dieet is met mekaar vergelyk het, is dit 'n feit wat werk. Daarmee bedoel ek nie jy mag geen aartappels
of patats of wortels eet nie, eet dit net matig en dan SONDER olie en bygevoegde suiker. Aartappels in broek en baadjie gekook bly immers baie gesond, maar los die botter en die suurroom en die olies waarin jy dit wil bak... Gestoomde groente is baie lekker
, en niks is verkeerd daarmee om sodra dit gaar is 'n klontjie botter en effense tikkie soetigheid of heuning by te drup nie. Witbrood vervang jy met saad en gesondheidsbroodjies,
koek en sulke dinge is vir net nou en dan, ek glo nie daaraan dat jy iets moet verban uit jou lewe nie maar weereens matigheid is die wagwoord. So, hou by baie vrugte(as jy nie diabeties
is nie)baie groente, en proteïne. Drink baie vars vrugtesap, en groentesappe,maar meer water egter, en matig tee en koffie. Vermy te veel drank, as jy moet, hou by Whiskey,
Gin, Wodka en rooi wyn. Los alle gaskoeldranke en ander versoete koeldranke uit. Dieetkundiges en maer-word-groepe gaan my seker stenig, maar, Weet jy wat het ek eenkeer gelees? : Dat enige "dieet-produk"
wat aan iemand (die verskaffer
of uitdinker daarvan) geld in die sak bring, geen dieet produk is nie! Kyk maar na al die foefies waarmee ons verlei word, "shakes" en spesiale kunsmatige
goed - ten duurste -
wat op ons gevoel speel, maar wat ander, ten koste van ons gesondheid verryk! Kyk eerder na vars onverwerkte produkte uit ons Vader se hand- dit maak
niemand ryk nie maar
jy baat daarby! Eet daardie dinge! En onthou lees jou etikette, as dit sê vetvry, beteken dit daar is suiker by om smaak te gee, as dit sê suikervry, weet dan daar is ekstra
vet by om dit smaak te gee... Balans en 'n algemene gesonde uitkyk oor alles is die wagwoord en vertrou my, GEEN kitsdieet of enige belofte wat te goed is om waar te wees, werk nie. Bly nugter, en regtig, jy sal maar moet
oefen, maar stap kan jy volhou tot jy eendag oud is, dit het geen beserings, kos jou niks het ongelooflike goeie resultate, dis kalmerend, dis lekker, dis sosiaal, dis verslankend, dit help
jou hart...moet ek aangaan? Sterkte!
Om net jouself
te wees, in 'n wêreld wat sy bes doen om iemand anders van jou te maak, is een van die moeilikste gevegte wat
jy moet stry. Daarom hou aan veg ! September 22 September Dagsê Liewe Lesers! Kyk, Inspirasie is ‘n vreemde ding. En dit tref jou soos verliefraak uit die bloute! Wat roep die woordjie "Rolkoek" by jou op? Behalwe dat ek dadelik watertand raak as ek aan die vars appelkooskonfyt binne-in dink, en die suikerkorreltjies amper kan proe wat op jou bo-lip vas bly sit soos vroeg-oggend doudruppels, doem daar egter ook die verdoemende visie voor my op, hoe ek dit in verflenterde flardes koekstukkies uit die pan laat uit-tuimel, om beslis nie in ‘n netjiese suikerbestrooide manjefieke rol te eindig nie ! Rolkoek-bak vir my, was nog altyd angswekkend om die minste te sê, en ek beny elke baasbakster die kuns! So kry ek die wonderlike Portugese Lemoenrol resep van Mimi Jardim, (Cooking the Portuguese Way) en siedaar, GEEN meel daarin nie! Ek moes dit net probeer! Toe byt die gogga my...en vir die hele week verder kry my huismense "swizzroll" vir ontbyt, middag en aandete! En wel, ek moet erken, dit verg bietjie oefening, bietjie noukeurigheid en bietjie uithou en aanhou, maar die eindresultaat is makliker as wat ek geglo het, vinniger as ‘n gewone koek en dit laat jou met soveel meer genoegdoening ! Lemoenrol, ALA Mimi 8 eiers 450 g suiker 15 ml lemoenskil 250 ml vars lemoensap 2 ml bakpoeier 15 ml mielieblom Voorverhit oond tot 200ºC. Smeer en voer ‘n baie diep rolkoekpan uit. Roer die eiers, suiker en lemoenskil saam, maar moenie dit oordoen nie. In ‘n aparte beker, meng die lemoensap, bakpoeier en mielieblom, en voeg dit dan by die eiermengsel. Giet in voorbereide pan en bak 15 -18 minute of tot ferm met aanraking. Keer versigtig uit op waspapier wat met suiker bestrooi is,trek bakpapier of baksakkie af en rol dit warm, dadelik vinnig op. Bedien koel as koek of nagereg! Hierdie Lemoenrol is Uiters heerlik! Selfs die "floppies" was! En as jy dit baie dun uitgooi en bak dan word dit ‘n heerlike karamel lekkerte!!...en amper vetvry behalwe vir die eiers... en die suiker is baie, maar OE! Dis die afstap-moeite-daarna werd! (Mimi gee ook kooklesse, om haar te kontak, kontak my gerus.)
En die gewone Rolkoek-resep ALA Retha! 5 eiers 1 kp (250 ml) koekmeel 2 tl / 10 ml bakpoeier 2 Etl / 25 ml olie 1 kp suiker
Klits eiers, meng res van bestandele in, giet in voorbereide rolkoekpan en bak op 180ºC tot goudbruin en gaar.Sprei ‘n klam vadoek oop en strooi suiker kwistig oor. Keer die rolkoek daarop uit.Trek die waspapier af en sny die harde rande van die rolkoek af. Rol die rolkoek saam met die vadoek op en laat ‘n rukkie afkoel. Rol dit oop en smeer die konfyt oor afgekoelde rolkoek. Rol die rolkoek daarna weer stewig op, laat verder afkoel en bedien.
Tradisionele Rolkoek 1 kp koekmeel ¾ kp suiker 2 tl bakpoeier ½ tl sout 4 eiers 4 Etl kookwater 1 tl vanilla Appelkooskonfyt Sif meel, bakpoeier en sout saam. Skei eiers. Klits eiergele en voeg suiker geleidelik by. Voeg kookwater ook geleidelik by en klits totdat suiker opgelos is. Voeg meel by eiermengsel en meng goed. Roer geursel by. Voeg laastens styfgeklitste eierwitte by. Bak 12 min by 220ºC in uitgevoerde pan. Keer uit op klam doek. Trek waspapier versigtig af. Sny kante af. Smeer appelkooskonfyt oor hele koek en rol op m.b.v. die doek. Strooi suiker bo-oor. Laat afkoel en bedien.
Vir Sjokoladerol : Volg tradisionele resep, maar sif 30 ml kakao saam met die droë bestandele, en voeg 30 ml water by die eiergele. Pleks van appelkooskonfyt gebruik : ¾ kp botter, 1 ½ - 2 kp versiersuiker en ½ tl vanilla. Klop botter en werk versiersuiker geleidelik by tot lig en romerig, roer vanilla by, smeer oor koek en rol op. Wenke: *Die uitvoer van jou pan is NB. Gebruik bakpapier of ‘n oopgesnyde baksakkie, dit werk uitstekend! *Die uitkeer op suiker bestrooide waspapier is ook NB *Die oprol vinnig en terwyl dit nog warm is , is ook NB *‘n Diep rolkoekpan gee gemoedsrus.Gebruik sommer jou oondpan. * Sny die kante mooi gelyk voor jy die lemoenrol oprol , en strooi bietjie strooisuiker of gerasperde lemoenskil bo-oor . *Die lemoenrol verg meer oefening, dit is baie klammer as die gewone rolkoek, en jy moet dit vinnig oprol, dat dit kan "set". Moenie skrik nie dit moet so klam lyk. En dit bak baie bruiner bo-op in die oond as ‘n gewone rolkoek. * As jou lemoenrol bruin gebak is, maak oond vinnig oop en raak in middel daarvan of skud pan liggies, dis gaar as dit geset het. * Wonderlike wenk : as jy die lemoenrol nie dadelik regkry nie, bedien dit soos ‘n tert in blokkies! Bak dit net!
*Met die gewone Rolkoek, kan jy i.p.v. die koek uitkeer op ‘n klam skoon afdroogdoek, dit direk op ander waspapier ook uitkeer, strooi die suiker kwistig! Rol dit daarmee op,hou so tot afgekoel, dit verhoed dat die koek bars en breek! * Ek het klam vadoek geneem, waspapier met suiker op dit geplaas, en my rolkoek toe daarop uitgekeer,die bakpapier afgetrek en dit toe opgerol. Die vadoek laat dit vinnig afkoel en dit breek ook nie. * i.p.v. appelkooskonfyt ... room en karamel-kondensmelk mengsel, of kakao en koffie botterversiersel... *Rolkoeke vries uitstekend, laat net op rak ontdooi. *As die rolkoek sowaar (ongelooflik!) on-op-ge-eet oud raak, besprinkel dit met sjerrie of likeur en gebruik in koekstruif!
En so gepraat van nagereg...
"Roly-Poly"...SO MAAK MENS! Vryf 1 kp gerasperde botter in 4 kp bruismeel in. Breek 2 eiers daarin, gooi bietjies - bietjies warm water by en meng-knie tot gladde deeg. Rol of druk sowat 1 cm dik uit op meelbestrooide oppervlak. Smeer dik appelkooskonfyt oor. Rol op soos rolkoek. Sny skywe en pak in oondpan. Smelt: 4 kp suiker, 5 kp water en 1 Etl botter. Gooi bo-oor die deeg-wiele, en bak tot uitgerys, goudbruin en gaar! Bedien saam met vla of roomys.  Jy kan dit ook op die vuur in ‘n potjie doen as kampvuur nagereg. Matige kole onder die pot en ook op die deksel.
En nog is het einde niet! Saam met die braaivleis...ja hul moes tog vleis ook inkry !
Gevulde-Broodwiele Neem 1 baksel brood se deeg, druk dit mooi in ‘n vierkantige stuk uit met die hand op ‘n meel bestrooide of oliebesmeerde oppervlak, sowat 1 ½ cm dik. Smeer met tamatiepasta. Strooi nou gerasperde kaas, gaar bros gebraaide spek stukkies, gebraaide gekapte uie en gaar sampioene oor. Rol dit nou soos ‘n Rolkoek op. Sny sowat 2cm breë skywe en pak die skywe plat in gesmeerde oondpan. Besprinkel met hoender speserye, en bak in 180ºC warm oond tot gaar. (Ek weet jy kan selfs room oorgooi net voor jy dit in die oond steek...maar sjoe! Hartaanvalle is vollop genoeg, en ek wil dit nie op my gewete hê na al die ongeoorloofde koek wat ek reeds die afgelope week opgedis het nie!)
grootste dinge nie, eerder in die meer eenvoudiger dinge... So : Voila! Geniet dit!
19 September Dagsê Lesers! Na aanleiding van ‘n leser se navrae oor hoe mens ‘n suurdeegplantjie maak, en nadat ek ‘n "Vriendskaps-broodjie" van ‘n vriendin gekry het, wil ek die volgende resep graag met julle deel! Amiese vriendskapbrood is ‘n tipe spesery brood/koek wat van suurdeeg gemaak word en soos "kettingbriewe" versprei word. Die deeg dien as plaasvervanger vir gis en dit word gebruik vir die maak van die resep, of om dit uit te deel aan vriende...Jy kan dit selfs vries vir latere gebruik! Die resep lui dat jy 1 kp gebruik om jou broodjie te bak,1 kp uithou vir jou volgende broodjie en die ander 2 kp aangee vir 2 vriende...een kp deeg maak een broodjie. Die feit dat jy jou "plantjie" vir 10 dae moet "versorg" is sodat jy telkens doelbewus aan jou vriendin,wat dit aan jou gegee het, kan dink! Begin jou suurdeeg-plantjie so: 500 ml koekmeel 10 g kitsgis 500 ml louwarm water. Meng bestandele saam, en laat vir 7 dae bedek staan - roer een maal per dag, maar as die beslag in grootte verdubbel, roer tweemaal per dag. Op dag 7, begin jou 10-dae "vriendskaps-siklus" Dan : Dag 1 : voeg 250 ml suiker, 250 ml koekmeel en 250 ml melk by. Bedek en laat staan om te rys. Dag 2,3 en 4 : Roer goed. Bedek en laat staan om te rys. Dag 5 : Voeg weer 250 ml suiker, 250 ml koekmeel en 250 ml melk by.Bedek en laat staan om te rys. Dag 6,7,8 en 9 : Roer goed. Bedek en laat staan om te rys. Dag 10 : Roer, Gebruik nou hiervan 250 ml vir die bak van jou eie broodjie.Hou 250 ml as "Plantjie" vir volgende gebak of vermeerdering en deel die res en die volgende resep uit aan vriende... Vriendskapsbroodjie-resep. 250 ml van jou suurdeegplantjie-deeg 250 ml olie 3 eiers geklits 250 ml suiker 500 ml koekmeel 5 ml koeksoda 10 ml vanilla 5 ml kaneel 3 ml gemmer 2 ml gemengde speserye Jy kan ook enige van die volgende OPSIONEEL byvoeg maar dan voeg ek ook 10 ml bakpoeier by. 1 kp gekapte dadels OF 1 kp korente OF 1 kp gekapte droë appels OF 1 kp kersies OF 1 kp gerasperde wortels OF 1 kp Koekvrugte en 125 ml gekapte neute OF ‘n 385 g blik tert-appels opgekap OF 1 kp Piesangpulp .... Roer al die bestandele bymekaar. Bak in broodpannetjie teen 160ºC vir sowat 45 min. Bestrooi met versiersuiker en bedien warm of koud met botter of room.
Aartappel-Suurdeegplantjie: 1 middelslag aartappel 5 ml suiker 2.5 ml sout Sterk lou water Begin vroeg. Skil en rasper aartappel grof. Plaas dit in ‘n 1 l vrugtefles,voeg suiker en sout by. Voeg sterk lou water by tot die fles 4/5 vol is. Maak fles dig toe en sit op warm plek soos ‘n vensterbank in die son. Dit is gereed as dit borrel en skuimend raak. Dit ruik ook soos gis. Gebruik dit om in te suur,knie goed,en laat jou deeg weer staan om te rys. Knie af, maak bolletjies of broodjie,plaas in panne,laat in panne weer rys voor jy dit bak. Aartappelsuurdeeg-Boer-beskuit. Smelt: 1 blik kondensmelk 6 kp suiker 500 g margarine en 8 kondensmelk-blikkies water. Laat afkoel. Klits 4 eiers, voeg by b.s. Voeg by : 5 kg witbroodmeel ½ kp anys 3 Etl sout Al die Aartappelsuurdeeg. Maak aan tot gladde elastiese deeg. Knie lank en baie goed.Laat in knieskottel rys. Knie af. Maak bolletjies en sit in panne. Laat in panne rys. Bak 180ºC sowat 1 uur. LW.: Jy kan i.p.v. die Aartappelsuurdeeg ook die volgende doen: 4 koekies suurdeeg 2 kp louwater 2 tl suiker 1 tl sout 1 kp meel. Maak aan, sit op warm plek om te rys tot dit borrels maak en gebruik in b.s. resep. Lekker suurdeeg maak !
Ek glo ons swaarste las is die dinge wat nooit gebeur nie.
18 September Dagsê Lesers! Hierdie werfie is uitsluitlik daar om ‘n diens te lewer, daarom as ek van julle hoor, hoop ek, ek kan help! En geen vraag is ooit ‘n dom vraag nie! Nog ‘n leser skryf oor PSORIASE: "Wel ek het ook 'n vel uitslag wat nou al vir 10 jaar op my sit dit is op my bene ek het nou al al die soorte room en pille gebruik vir die uitslag maar dit wil nie weg gaan nie wat moet ek doen dit juk baie die dr het gese dat dit is die juk s iekte maar ek is nie so seker van die saak nie want dan juk dit en dan juk dit nie ek het ook al seep gebruik vir juk siekte die produkte demp net die gejuk maar vat dit nie regtig weg nie, wat is Psoriase? En wat moet ek doen, gee raad asb dankie." Beste Leser, Ek wil myself weereens herhaal deur te sê ek is nie 'n dokter nie... Maar dit klink of ‘n ander opinie hier benodig word! Jeuk-siekte duur nie vir 10 jaar onophoudelik nie. J y sê nie hoe oud jy is nie ook nie of jy ander mediese probleme het nie... Jy vra egter: Wat is PSORIASE? Psoriase is nie aansteeklik nie. Dit word veroorsaak deur oorproduksie van velkeratinosiete wat nie tot normale keratien ontwikkel nie. Velvernuwing vind dus plek plek vinniger plaas as oor die res van die liggaam wat die kenmerkende uitslag-kolle veroorsaak. Normale velvernuwing-siklus neem sowat 28 dae waar in Psoriase gevalle die letselvormende dele se velvernuwing slegs sowat 8 dae neem, dit veroorsaak die skubberige afskilfering en rooi letsels wat ontstaan. Dit kom voor veral op die skedel, elmboë, knieë, boude, bo-bene, lae-rug of voorarms. Dit kan toegeskryf word aan wanfunksie van die imuunstelsel en volg soms op streptokokke-infeksies of velbesering. Psoriase word in die meerderheid van gevalle in verband gebring met ‘n gespanne en introverte persoonlikheid , en word vererger deur stress, bekommernis en rook. Swak hantering van woede of die onderdrukking daarvan kan ‘n aanval van Psoriase veroorsaak.Dit is dikwels ‘n genetiese familiekwaal. Simptome : Rooi soms opgehewe soms ontsteekte velkolle, dikwels met silwer-wit-kleurige skubbe en ‘n jeukerige ge-iriteerde afname-en-terugkeer-siklus is kenmerkend. Soms het lyers ook las van "loslatende" of geel verkleurende naels. Die vel raak plek - plek gebars of gekraak en in erge gevalle raak die ontsteekte dele etterig en baie pynlik. Gewrigspyne, swelling en stywigheid in die gewrigte kom ook soms voor. Pasiente het oorwegend droë of sensitiewe velle. Behandeling : Studies het bewys dat uitbrake van Psoriase beheer kan word deur ‘n leefstyl verandering, en Anti oksidante in wortels, tamaties en vars vrugte daagliks, in vars produkte of pilvorm. Ook Omega 3 olies, essensiele vetsure soos in vlassaadolie, visolie of aandblomolie, vetterige vis sluit in : snoek, sardines, tuna, salm en geelstert. Vit A is nodig vir gesonde vel, en sink is nodig om genesing te bevorder. Melkdistel(jy kry dit in enige supermark of apteek "milkthistle") het anti-inflamatoriese eienskappe en kan help met die beheer van die uitslag, en die vel afskilfering vertraag. Son (15 - 30 minute) is essensieel op die letsels om dit te herstel. Aalwyn gel is ‘n goeie bevogtende middel, om vel uitdroging teen te werk. Dermatologiese rome en voorskrif middels is nuttig om die letsels te behandel. (sien my vorige raad aan ‘n Psoriase lyer.)  As ek jou "dokter" was, sou ek daagliks voorskryf: (veral effektief saam met jou ander voorskrif medisynes bv bloeddruk en cholesterol middels ...) 1. 2 kapsule antioksidante soos Procydin, 2. 1-2 kapsule Omega 3(as jy diabeties is, net 1) 3. 1 multi-viatmien soos Emvit-A of Amway se "Dayly's" (dit bevat al die nodige vitamienes en sink) 4. 1-2 kapsule melkdistel 5. Voorskrif rome vir behandeling van reeds gevormde en of jeukende letsels. 6. Kry ‘n goeie vogroom "moisturiser" wat aalwyn of kamille bevat, gebruik oor hele liggaam om droogheid teen te werk. 7. Hou asb op rook as jy rook, dit vererger Psoriase ongelooflik! 8. Kry daaglikse son op die letsels. 9. Eet gesond, met baie vars groente en vrugte, minder vleis en vet, meer hoender en vis,en matige alkohol, whiskey of droë rooiwyn! 10. Kry ten minste daagliks ‘n halfuur lekker flink stap met mooi musiek in! (‘n MP3 player is nie duur nie en baie effektief!) Probeer minder STRES, en werk aan konflik en woede hantering. Lees, vang vis, het ek al gesê: gaan stap, terwyl jy na mooi musiek luister... Werk aan verhoudingsprobleme of enige iets wat stres of woede veroorsaak. Haal diep asem, kyk en sien die natuur weer raak, maak tyd vir die regte prioriteite, vereenvoudig jou lewe, wees dankbaar, positief en Bid. NS. As jy net jeuk en geen ander simptome van Psoriase het nie, kry dalk net vir jou iets soos Mylocort room vir die jeuk en volg nogtans my "voorskrif"! Groete, en beterskap!
Die liefde is soos masels - hoe ouer ‘n mens is, hoe erger tref dit jou!
17 September Dagsê Lesers! Hoe vinnig gaan die tyd nie verby nie! Die lente is reeds kniediep in die helfte van sy eerste maand, en terwyl groen botsels en bloeisels in alle kleure by ons wink, verkleur die eerste bome in ryk skakerings en val die blare al in herfshope in die Noordelike lande. Ek vier die draai van die seisoen met ‘n heerlike ligte Quiche ! (Erkenning : Sasko )Die deeg is genoeg vir vier 12cm pannetjies of een groot quiche. Kors : 200 g Koekmeel 2 ml sout 100 g botter 45 ml water Sif meel en sout saam. Sny botter in blokkies en voeg by meel, vryf botter in meel in tot dit soos broodkrummels lyk. Voeg die water by en vorm in ‘n deeg. Maak toe met kleefplastiek en laat vir 30 min in die yskas rus. Verdeel deeg in vier en rol dun uit op meelbestrooide oppervlak. Om te keer dat deeg breek , tel dit met die koekroller op en plaas in gesmeerde pannetjies. Bak blind. 20 min op 200 grade C. Vulsel : Rasper 125 g kaas. Braai 250 g spek blokkies tot bros. Plaas gerasperde kaas onder in korse en dan die spek. Klits 2 eiers saam met 250 ml room en gooi ‘n kwart daarvan in elke pannetjie. Geur met vars gemaalde swart peper en vars pietersielie. Bak in voorverhitte oond van 180 grade C vir 20 - 25 min tot eiermengsel gestol en gaar is. WENKE : - As jy, soos ek, nie daarvan hou om botter in meel in te vryf nie, gebruik ‘n deegsnyer !! Daardie halfmaan ding met 5 gebôe drade wat aan ‘n handvatsel vas is waarmee mens botter in die meel "insny"... Ek hou baie van speel met klei, maar botter in deeg invryf is nie vir my nie! - ‘n Vinnige manier vir blind bak: Plaas al die pannetjies met die rou deeg op mekaar met een leë pannetjie heel bo-op en bak in voorverhitte oond van 200 grade C vir 20 minute. - As jy een groot Quiche maak, bak blind op gewone manier: sit waspapier bo-oor rou deeg en vul pannetjie met droë bone, bak 20 min op 200 grade C. Haal bone en waspapier uit, laat afkoel en hou gereed vir gebruik. - As jy nie bone wil gebruik nie, kan jy nog ‘n ewe groot tertbak bo-op die deeg plaas soos met die klein pannetjies en dit so ook bak. Onthou om onderkant van die leë pan te smeer/spuit. - Jy kan korse voor die tyd bak en dan het jy altyd ‘n paar wat gereed is vir gebruik. Dit vries ook uitstekend. - Jy kan ook aspersie stukkies, sampioene of gaar maalvleis as vulsel gebruik. - Ek hou ook baie van gaar spinasie, fetakaas en sampioene. - En gaar brocholli met hoender stukkies! - En, Hierdie kors is ook geskik vir melktert...Moet ek aangaan...?
hoe minder sal jy die hede met liefde kan beleef ! Barbara De Angelis
14 September ‘n Leser,Pieter,Skryf: Ons beleef 'n muggieplaag en weet nie hoe om van dit op die mees effektiewe wyse ontslae te raak nie. Watter omstandighede maak dit eerstens gunstig vir muggies om uit te broei? Ons een buurman het 'n aantal voëlhokke opgerig waarin hy verskeie voëls begin aanhou. Die hokke kyk reg op ons kombuisdeur in, en is ek nie seker of dit die bron/ne kan wees waar die muggies broei nie.Enige hulp en antwoorde sal waardeer word. Dankie.
Dagsê Pieter, Ja julle sit met 'n tammeletjie, en dis jammer om te sê, tensy die oorsaak nie behandel word nie gaan jy 'n onoorwinlike stryd voer. Ons praat hier van Clogmia albipunctata. Larwes voed op organiese en water fungi.Broeiplekke is altyd naby water of verottende septiese gate... Ek is nie 'n Gifhandelaar of Fundi hieroor nie, en my raad is op waarneming gebaseer en in goedertrou! Wenkem, Bayer en Rentokil het egter almal goeie produkte hiervoor. My beste raad vir jou om enige gifstof met 'n Peritroid basis (bv. Decis, 25 ml op 15-20 l vloeistof)aan te skaf en orals in en om jou huis, die gordyne en veral die vensterbanke buite te spuit. Vir huislike gebruik meng dit met water.Jy kan dit by enige tuinsentrum of kwekery of gif handelaar te koop kry dis wel duur maar baie effektief en dit is binne die regte hantering daarvan, nie giftig vir mense en troeteldiere nie. Voëls, vis en bye wel ....! Dit hou ook ander plae soos vlieë, kokkerotte en muskiete vir tot 8 weke weg. Jy kan ook die grond of paadjies en selfs die plante en heining tussen julle bespuit. Ons woon langs die groot Gariep en dit is wel 'n ietwat ander saak, maar die riviermuggies (ja mens kry verskillendes!) raak soms 'n yslike plaag wat dieresiektes laat ontstaan. Ons "behandel" dit deurdat die oewers "doelbewus" soms "oorstroom" word, dit verwyder baie muggie eiers/larwes van die riete langs die kante af en dan is die plaag redelik onder beheer. Ten tye van droogte en indien nodig is rivier oewers ook soms met gif bespuit. 'n Plaas raad is dat ons bv Decis of iets soortgelyk meng met Stocholmteer,en ratkasolie (ook al kookolie,diesel en parrafien) en dit op die beeste smeer dit hou die muggies van hulle weg. Ons smeer dit ook op die pale en heinings van die krale,muggies vlug vir die reuk,so ek weet nie of jy dit dalk op die heining wil smeer nie.(Dit stink nogal!) Ons meng gewoonlik sowat 25 ml gif op 10 liter ratkasolie,of Stockholmteer. Maar die regte mates vir jou gebruik kan enige gif handelaar met aankope vir jou gee. Die oorsaak moet egter ook opgelos word. 'n Gesamentlike stryd tussen al die buurmense is al wat sal help. Die plek waar die muggies veral uitbroei is juis waar die afval of mis gegooi word, of waar skille en vrugte afval gelaat word. Muggies hou van klam vogtige warm plekke. In dorps gebiede en op plase is muggies vollop waar diere mis, riool-werke, afvoerslote,waterslote,'drein'gate ens. is. Daar's nie dalk 'n watersloot of vlei-gebied naby jul nie? Ag,ek moet seker die cleché inbring: as niemand wil saamwerk nie skakel met jou plaaslike Munisipaliteit....Gaan hulle kan help? Dit bly 'n ope vraag! Jy kan ook gereeld korrel-aas vir vlieë uitsit, dit hou net nie baie lank nie... Ek wens jou sterkte toe. Groete!
Steek dit in ander se lewens aan en dit sal ook in jou eie lewe brand.
12 September Dagsê liewe Lesers! Ons is so behep met wat ander van ons dink, en hoe ons lyk, dat ons vergeet dat ons ons eie beste vriend moet wees. Sewe jaar gelede, het ek (o.a.) my nek gebreek. Deur oneindige Genade, is ek bevoorreg om vandag meer te doen as selfs voor my ongeluk. Ek noem my letsels, my "Celebration-of-life-tekens." Kom ons wees lief vir ons voluit-leef-verouderende lywe, kom ons voed dit met deernis en respek, met die regte gesonde leefwyse en oefening, en fokus eerder daarop dat ons nog die gawe het om te kan loop, te kan hardloop, te kan bergklim... Dit maak nie saak hoe ons in die baaikostuum van die lewe lyk nie, wat saak maak is die Genade dat hierdie lyf waarin jy woon, God se geskenk aan jou is, dit die voertuig is waarin jy kan rond beweeg, kan dans, kan sing en kan bid! Wees dankbaar en moet jouself en wie jy is nooit as net vanselfsprekend aanvaar nie. En as ander nie van jou hou soos jy is nie, dan hoort jy nie by daardie persoon nie! Ek deel iets (met erkenning) wat ek raakgelees het in 'n onlangse "LEEF". Kelly Bliss skryf: Brief van 'n (jou) liggaam. As jou doel is om my te verander, stuur al jou liefdevolle dade op weerstand af. Maar as jou doel is om my lief te hê... sal ek jou liefde geniet, en jou myne gee. En vanuit my liefde, sal ek alles doen wat ek kan om jou gelukkig te maak. Wat dit moeilik maak, is dat jy my moet liefhê nes ek nou is. Want, as jy my liefhet om my te verander, is jou doel om my te verander Dan stuur al jou liefdevolle dade op weerstand af. Maar as jou doel is om my lief te hê...
En, Geniet die pragtige Lentedae!!
9 September ( 09.09.09 ! 'n Spesiale dag, ons beleef dit slegs eenmaal in ons lewens, maar God hou ons vas, elke dag 90x90x90!)
Liewe Lesers! Hierdie "rubriek" is soos Huistoe kom! En jul navrae maak dit ekstra spesiaal! Dis sooo lekker om te kan gesels oor bekende - amper nostalgiese - dinge, en te weet dat daar nog ander soos ons is, wat weet en ervaar het, hoe dit was om nog by kerslig en parrafien lampe groot te word. Wat nog kan onthou hoe dit gevoel het om nie TV of selfone of video speletjies te hê nie. Wat nog weet van perskepit- en misvloere, wat nog die reuke ken van warm vars gemelkte melk wat in skoon geskropte emmers inspuit, die deursyg deur moeselien doeke, die room-afskeier se klokkies kan hoor lui en die sing daarvan nog ken. Om self botter te karring... Ons is al so gewoond dat ons kinders nie meer weet wat grensdiens was nie, hulle ken nie SOMAAKMENS en Troepie Doepie programme nie, hulle weet nie van kleilat speel en vry agter ‘n kraalmuur nie, van granate pluk en turksvye met blikkies bo-op ‘n lang stok afdraai nie, hulle ken nie moddergat swem, bergklim en bome ry vir speel nie... Daarom dat iemand se navrae oor seepkook, uiteraard vir my heerlik is om te antwoord. Want, ek ken van! Beatrice de Beer skryf : Ek moet my dogter leer seep kook, en het al my resepte verloor. Kan iemand my help. Ek wil graag roerseep maak.Ek was lid van die Seepkokersgilde, bestaan dit nog? Mens kry outydse gekookte seep, groot stene roomkleur seep met sy kenmerkende reuk, ook die "koue" proses van ongekookte seep maak oftewel, Roerseep, maar dis afgeskiet deur Ouma as Rou-seep! Maar vandag seker veel makliker.Dis ‘n koue proses en kan in die kombuis in ‘n skottel gemaak word. En natuurlik moderne gliserien sepe... Plaas-slag op ons grootword plaas teen die Skurweberge in Vryheid-distrik was ‘n groot storie... (Net terloops, ken julle nog van vleis inmaak? ) Nadat vleis snitte verwerk en potte vol kaiings uitgekook is, was daar baie uitgebraaide vark of beesvet. Dit is of in bottels gebêre vir kook doeleindes, of die res is vir seepkook "opgespaar". Seepkook was ‘n hele ritueel. Dit moes ‘n windstil dag wees. Geen stof! Buite is die werf om die vuurpotte met water besprinkel, kinders en honde moes grasperk langs hardloop... Die huis skoonmaak is vervroeg na voor sonopkoms. Die kersvlamme moes in die linoleum en sementvloere terug-blink! Daar was soos op die Groot-skoonmaak Vrydag elke tweede week, as die koolstoof ook uitmekaar gehaal en gepolitoer is, vensterrame en koperknoppe blink gepoets is, plafonne en mure afgewas...ook nie Kookkos soos elke middag, op Seepkook dae nie, nee, ons moes lig eet! Ouma het die eiers vroeër as gewoonlik uit die neste gehaal, gewas, in die eierkiste gebêre, die diere kosgegee, die huishoudelike take afgehandel, tuinwerk uitgedeel... vroeg reeds die buitevure laat brandsteek... genoeg vuurmaakhout... die seepspaan is nagegaan vir enige los splinters, nog silwerskoon van vorige seepkook en gladskoon gevreet deur die loog, konkas reg gesit vir die berging van nuwe loog, dan is die groot seeppotte uitgehaal, alle roesdeeltjies afgeskuur met fyn skuurwol, die yslike potte gereed... Dan het sy haar blou blommetjies of groen blommetjies voorskoot vasgestrik, nie haar gewone elkedagse voorskote nie, nee, haar regte Seepkook-voortrekker kappie met sy lieflike spiraal opnaaisels agter en valletjie in die nek opgesit, die grys bolla en fyn haartjies daaronder ingedruk en haar moue spreekwoordelik opgerol. Die klein draadloos is aan ‘n oorhang tak van die pruimboom gehang, en niemand of niks anders het werklik aandag gekry behalwe die seeppot vir die hele duurte van die proses nie.Dit was haar trots, haar seep was volmaak sy was ‘n fundi en daarvan het baie skoupryse getuig. Vryheid skou sonder my ouma se seep, melktert, boerbrood en beskuit, konfyt en ingelegte vrugte, was nie Vryheid-Skou nie! Ek deel graag my ouma se Tradisionele SEEPKOOK "resep".
Dit is buite gedoen, want dit is ‘n warm werk en jy kan nie amper 40 liter se seep roer as jy in die lug werk nie, jy dans behoorlik al om die vuur om die pot!As jy nie heeltyd wil bywees, geduldig wees, wil warm kry nie, of wil ROER nie, moenie eers probeer seepkook nie. As jou seep eers aanbrand kan jy ook maar los. Die dat jou pot blinkglad skoongeskuur moet wees voor jy begin. My ouma se strengheid oor die fyner detail het sy dividende gehad! Die baie roer keer dat dit opskuim en oorkook, dit help ook met die "lyming" proses. Dit verhoed ook dat latere gevaarlike loog uitspat en jou brand. O ja, jou vuur moet nie groot wees nie maar net so wees dat die vloeistof in die pot heeltyd teen ‘n vinnige en aanhoudende tempo kan kook. LW: Seepsoda is gevaarlik! So werk versigtig en hou weg van kinders! Dit veroorsaak (in gewone taal) dat die alkaliese bytsoda, die vet opbreek tot‘n Nie vetterige produk wat met die water kan vermeng tot ‘n emulsie wat kan ver-lym en kan stol in ‘n "seep" vastestof. (Ek's nou nie ‘n Wetenskaplike of Chemikus ook nie!) 1. In ‘n groot seeppot, neem 25 liter uitgebraaide bees of varkvet. (Verkieslik varkvet, dit kook vinniger lym en sorg vir ‘n mooier spierwit eindproduk) 2. Smelt die vet in die pot oor stadige hitte, roer en sodra dit gesmelt het, voeg jy 20 liter warmwater, waarin 1 Etl Seepsoda/Bytsoda (Caustic Soda) opgelos is by. 3. Laat goed kook. (Sowat 20 min, en roer heeltyd) 4. Voeg nou by nog 3 Etl Seepsoda opgelos in ½ liter water. (Dit voorkom spat en vermeng makliker.) Moenie al die Seepsoda op een slag wil ingooi nie dis met rede dat dit met verdag bygevoeg word. (Byvoegings so min of meer elke 20 minute.Dit hang later in die proses af van die logings tempo.) 5. Kook weer rukkie. Dit moet heeltyd vinnig kook. En roer aanhoudend! 6. Voeg weer 3 Etl Seepsoda opgelos in ½ liter water by. Kook en roer. Jy sal sien dat die vetterige mengsel nou begin ver-lym. Die wit-geel dikker vloeistof begin nou bo "dryf".Dit word ook so taaierig. Roer aanhoudend. As jy die spaan sou uitlig, en met jou vingers daaraan vat, dit so tussen die vingers toeknyp en oopmaak dan trek dit die kenmerkende gommerige drade, soos wat kommersiele koue lym maak. Ons praat nou van die seep "lym". Jy sal nou ook sien dat dit skei met die water tot ‘n bruin borrelende vloeistof aan die onderkant , dit noem ons die "loog". Die loog is die gevaarlike of bytende vloeistof, te veel seepsoda en jou seep sal jou vel "brand" of jou klere beskadig, en dit wil jy nie ! Te min en die vet kook nie genoeg lym om te kan seep word nie. Goeie seep is sag op die vel maar ook ‘n goeie reinigings middel. Dit moet dus die goeie olie of voedende en beskermende eienskappe van die vet behou maar genoegsaam verlym met die soda tot ‘n reinigings middel. 7. Sodra die skeidings proses begin, voeg weer 3-4 Etl Seepsoda by. Roer en kook. LW: Hierdie is ook die stadium waar jy bv. Laventel takkies of rooibostee of Camille blomblare of hawermout ens. sou byvoeg. NIE Vroeër nie, dit sou wegkook, nie later nie want dan sal dit nie meer in die lym/ seep vasgevang word nie . Jy moet nou versigtig werk, want die loog borrel baie en wil spatterig raak! Sien, daarom die voorskoot! 8. Sodra die loog ‘n helder bruin borrelende vloeistof raak en heeltemal van die lym of seep skei, en jy dit nou getoets het met die vingers of die wit lym deel nou mooi bind, verwyder jou pot van die vuur. (Haal die hele vuur onder die pot uit jy kan nie die hele pot van die vuur aftel nie!) 9. Roer tot dit amper heeltemal afgekoel het. Sit deksel op en los oornag buite. Die loog sak dan af en die seep stol bo-op soos wat koue vet mos maak. 10. Die volgende oggend, sny die kante los met ‘n lang mes. Druk nou met jou hand liggies aan die een kant van die seep.( Gebruik gerus plastiek handskoene !)Jy sal sien dit lig skuins na die ander kant toe op, dan kan jy dit bo van die loog aftel. Moenie dat dit in die loog in breek nie dis sag al het dit gestol so werk versigtig. Twee mense is beter om dit uit te tel dis nogal groot en swaar. 11. Tel die seep"wiel" uit pot en sit onderstebo op tafel. 12. Sny dit nou in lang stene met mes of met ‘n stuk sterk vislyn wat tussen 2 stronke of houtblokkies vasgemaak is. 13. Los dit op die tafel tot winddroog. skraap die kante wat nog loog aan het, met ‘n meslem skoon, en sny in verdere kleiner stene. Jy kan dit nie later doen nie, dan word die seep te droog en hard en verkrummel dit as jy dit dan wil sny. So, onthou, jy sny eers die lang "bane" skraap skoon, en sny dan dit in blokke of stene. 14. Laat 3-4 weke goed droog word. Op koel drộe plek. Jy kan as jy wil dit nou in nog kleiner blokke saag met ‘n fyn houtsaag. Die saagsels is uitstekend vir wasgoed week. 15. Was jou eindproduk met ‘n warm lap af en droog af. 16. Jy kan dit nou verpak in waspapier of in moeselien slopies. Wanneer jy die seep uit die loog gehaal het, bêre die loog versigtig want dit is ‘n bytende vretende middel en gevaarlik. Wanneer jy nou die volgende seep wil kook, word die loog i.p.v die Seepsoda gebruik tot waar die seep en loog weer skei dan voeg jy net die laaste 3-4 Etl Seepsoda by om die verlyming en skeidings proses te finaliseer. Die tweede en daaropvolgende "batches" word dus vinniger en goedkoper ... Loog kan redelik lank in ‘n verseëlde drom gebêre word. Opsommend : Gesmelte Vet + water. Kook sowat 20 min- halfuur + 1Etl - 2 Etl Seepsoda Kook sowat 20 min - halfuur + 3 Etl Seepsoda Kook sowat 20 min - halfuur + 3 Etl Seepsoda Verlyming begin plaasvind. Kook sowat 20+ min Skeiding en verloging + 3-4 Etl Seepsoda Kook sowat 20+ min voltooi verlymings proses Verwyder hitte. Afkoeling en stollings proses. Verwyder seep van loog en verwerk. Uitdroging. Finale verwerking en verpakking. En dan, Beatrice vir jou : My Ouma se ma se Roerseep of Aartappelseep. (Sy het nie daarvan gehou nie , gesê die vet word nie genoeg "gaar" nie en die terpentyn het haar afgesit , gesê dit droog die vel net uit! Sy het dit wel gemaak soms, maar dan vars suurlemoenskil ingerasper. (Die skil het met tyd verdonker in kleur) Dit was nogal lekker, ek kan die sagter seep onthou en dit het lekker geruik maar dit het gou opgewas en nie so lank gehou soos die tradisionele boerseep nie.) Eksperimenteer maar self en gee terugvoer asb! Neem 5 pond ( 2.5 kg) warm gesmelte vet en 10 pond (5 kg) geskil en gekookte, gemaalde / ge-"mash-de" aartappels. Gooi die warm vet en aartappels in een skottel of seeppot. Neem 1 ½ pond seepsoda ( 750 g) en drie bottels water ( 3 x 750 ml) en gooi dit oor. Roer baie goed en maak dan toe tot die volgende oggend. Gooi dan een koppie terpentyn by. Roer weer goed deur. Jy kan nou ook laventel takkies of geurmiddels byroer . Skep in vierkantige houers en laat set. Keer uit, sny kleiner en laat goed uitdroog. Verpak. Dit is ‘n sagter romeriger seep as gekookte boerseep.
Hoop jul het hierdie bydrae geniet al gaan jul dalk nie soveel seep kook nie! Ek is seker mens sal die hoeveelhede kan aanpas en verklein en selfs ‘n toets lopie kan maak op ‘n gasvlam... Terugvoer sal wonderlik wees! En Seepkook-gildes kan ook gerus van hul laat hoor! Daar is ook op die internet heelwat inligting maar ek het gedink jul sal ‘n persoonlike belewing meer geniet!Maar gaan lees gerus meer by : http://www.mieliestronk.com/mieliemuseum.html (Foto : Erkenning : Mieliestronk) Voila!
8 September
Dagsê Lesers! Ingrid Maritz vra: Hoe maak 'n mens vanilla roomys? Wel Ingrid, probeer gerus hierdie heerlike resep! Makliker en romeriger gaan jy nie kry nie! Die sleg van hierdie resep, behalwe dat dit ryk is...Jy sal dit weer en weer moet maak! 2 blikke kondensmelk 1 l room 100 ml melk Knippie sout 15 ml vanilla Klits room styf. Meng als liggies in. Verkoel in vrieskas tot gestol. Bedien. Voila!!
4 September Dagsê Lesers! Vandag eers bietjie terugvoer oor lesers navrae!
Hennie Coetzee het werwe gesoek waar hy gratis en veilig ou films kan aflaai, ons vertrou hy het reggekom. Trudie S, kuier lekker saam met ons, hou so aan!
Sarie Potgieter skryf : My seun is 15 en sukkel vreeslik met puisies op die buitekante van albei arms, wat kan ek gebruik daarvoor, want hy is vreeslik selfbewus daaroor. Beste Sarie, Oe Eina! Ken ons dit nie! 15 jarige seuns is maar fyngevoelig ek weet! Ek moet eerlik wees, en dink jy moet hom na ‘n Dermatoloog neem vir die vinnigste en effektiefste behandeling, veral as dit ontsteek raak of baie ernstig is. Boererate gaan help maar dit gaan lank neem. Tog wil ek voorstel dat hy soveel moontlik sweetvrye klere dra, verkieslik katoen, vermy NYLON!! En kry matige son op sy arms! Vir my kinders,het ek altyd GRISEOVULFIN pille gekry, hul drink 1 per dag vir 30 dae. Dit vorm ‘n lagie in die keratienlaag van die vel, en beskerm die vel teen enige fungus en virale infeksie vir baie lank. (Omlope en atleetvoete baat ook daarby)
Verder moet hy 1. met ‘n goeie lyfskrop en reiniger die arms sagkens afwas (‘n Lufa is uitstekend) (Growwe Seesout en olyfolie of sitroenolie werk ook wondere as hy nie ‘n wasmiddel wil aanskaf nie) 2.Smeer daarna ‘n uitdrogings middel aan( naskeer middel werk effektief! ( "Spoel" selfs suurlemoensap of rooibostee aan - dit versag en ontsmet ) 3.Smeer dan ‘n vogroom met sonfilter aan. (Ek beveel NIVEA vir mans baie sterk aan, dit ruik heerlik, is bekostigbaar en werk uitstekend! Hulle wasmiddel, naskeer en vogroom sal jou seun beslis geniet ! (...Uhmm, wens hulle lees my werfie...hul waardering kan nogal wonderlik wees!!...)
My seun is nou 22, en glo my sy hoërskooljare was nie ‘n nagmerrie nie. Hoop ek kon jou help?
Rina vra: n resep om diabeet konfyt te kook asb. Dankie.
Beste Rina Dankie vir jou navraag! Kom ek probeer help! Volgens my vriendin met ‘n diabeet tiener kan jy gewone konfyt resepte gebruik MAAR i.p.v. die suiker, gebruik jy FRUKTOSE. Huletts se SUGALITE is ook 'n goeie alternatief . Die rakleeftyd is korter en dis effe suurder en dit is ook ‘n meer lopende konfyt. OF (ek het nog idees opgespoor!) Jy het al kommersiële suikervrye konfyt gekoop nie waar? Wel dan weet jy dat dit nie regtig 'n rakleeftyd het as dit eers oopgemaak is nie. Dit is omdat die basis daarvan 'n pektien of jellie basis is.
Jy kan dus 'verneuk" en klein hoeveelhede "kamma-konfyt" maak, deur te eksperimenteer en amper enige vrugte te versap en met gelatien te verdik en dit dan in die yskas te bewaar vir gebruik.
Bv. : 'n growwe vars lemoen-jellie op roosterbrood . Skil en sny 2 lemoene fyn, meng 1kp se aangemaakte gelatien, volgens aanwysings op pakkie maar vervang die water met suikervrye aanmaak koeldrank. Meng die gelatien mengsel met die vars vrugte en laat stol.
Kies ook vrugte soos aarbeie, frambose en moerbeie vir mooi kleur en sterk geur. ‘n Mengsel van droë vrugte soos dadels, sultanas, appelringe en perskes wat verpulp is tot ‘n pasta is ook ‘n lekker en gesonder alternatief vir konfyt. Lemoen en suurlemoen kan verwerk word tot 'lemon-curd' wat ook baie minder suiker as marmelades bevat. Jy kan ook vrugtepektien maak,dit bottel en bêre. Hoe klink die volgende vir jou:
Piesang-jellie. 1/2 kp korente 6-8 piesangs 1/2 kp gemengde droë perskes of appelkose Verpulp die korente in ‘n versapper tot ‘n pasta.voeg die piesangs en droë vrugte by en verpulp verder tot glad en amper romerig. Hou in yskas in glasfles. Bedien i.p.v. konfyt.
Appel of Appelliefie pektien.
1 kg suur vrugte ( gesonde vrugte wat net net ryp is, nie volryp en oorryp nie) 1 l water Was en sny vrugte fyner met skil en pitte. Voeg water by en kook met deksel op sowat 20 minute tot vrugte sag is. Syg deur ‘n klam doek sonder om dit te roer of te druk. As al die sap deurgeloop het, meet die vrugtemoes.Hou die sap eenkant. Voeg net soveel water by as wat daar vrugtemoes is en kook dit weer sowat 20 minute. Syg weer deur. Neem die eerste sap en hierdie tweede sap en kook vinnig in ‘n groot kastrol tot dit 500 ml (2 kp) meet. Giet die kokende pektien in gesteriliseerde bottels en verseël dadelik. Jy kan die helder jellie of pektien NA DIE KOOKPROSES met kunsmatige versoeter geur,of jy kan ander vars vrugte net in water opkook tot dit sag is, dit deursyg en die vrugte met pektien meng en dit dan ook met kunsmatige versoeter versoet om bv. Perske "konfyt" te maak. As jy bv groen appels ontkern, en in elke gaatjie rosyne, knippie kaneel en 1 tl bruin suiker sit en dit dan in die oond bak, en dit daarna verpulp, kan jy dit dan met die pektien of jellie meng, dit het dan dardie karamel smaak by en het ook nie soveel suiker soos tradisionele konfyt in nie.
Suurlemoensmeer.(Lemon Curd) 500 ml suiker / fruktose 125 g botter of margarien Sap van 3 suurlemoene Gerasperde geel skil van 1 suurlemoen 4 eiers Meng suiker,botter sap en skil, roer aanhoudend en verhit tot kookpunt. Klits eiers , voeg by en roer tot mengsel verdik is. Skep in flesse, bêre in yskas en gebruik soos nodig.
Maar soos gesê, maak klein hoeveelhede en hou in yskas. En toets eers jou eter se voorkeure... Laat weet asseblief of dit jou kon help en of jy suksesvol was.
3 September Dagsê Lesers!
Dis heerlike lente, die winter's verby! Hol-la-trio-ja-Hol-la-trio!
Lentedag, het ons tereg in Namakwaland gevier, maar op die wonderlike dag is ons begroet met ‘n digte misbank en trietsige weer op Niewoudsville. Ons bedink net daar ons blomkyk planne na omgewing-kyk planne en beland op Papkuilsfontein en by die Waenhuis! Boere gasvryheid by uitstek en wat ‘n prag plek! Van die natuurliefhebber wat nie tierlantyntjies soek nie maar net die vrede wil indrink tot die uitsoekerigste gas sal daar welkom voel. Hul spesialiteit is lamspastei, kaaskoek en die pragmooi dekadente sjokoladekoek! (Sien foto!) En, Nee! Ek het nie die resep nie, party dinge is nie vir uitdeel nie! En daar is hierdie vreeslike mooi waterval, asemrowend, ongelooflik en skouspelagtig! En beslis nog ‘n paar byvoeglike naamwoorde werd. Na ons stappie het die misbank weggetrek en kon ons die Lentedag verder vier, deur op Matjiesfontein, die skouspel van God se lentetuin vol blomme te ervaar. Daarna is ons weer terug na die 4x4 kamp te Papkuilsfontein, waar jy kan kies om te kamp, of om in hul pragtige sandsteen huisies te oornag. Hierdie mooi plek is defnitief ‘n besoek werd!  Terwyl ek so tegnologies "los" was vir die paar dae, kom daar via riemtelegram na my die navrae : Is jy seker jou plaatkoekie resep met sjokolade stukkies in is korrek? ! En, tot my skande moet ek erken dat ek ‘n gruwelike fout begaan het! Ek het ‘n resep geplaas wat ekself nie beproef het nie en ek vra nederig omverskoning! Wees verseker dat geplaasde resepte van nou af op een of ander manier eers getoets sal wees voor plasing! Dat ‘n maklike plaatkoekie resep nou so ingewikkeld moet raak is sowaar my verdiende loon! Die internet resep wat ek ongetoets geplaas het, het gepraat van ‘n 410g blikkie Ideal melk, ek het dit bloot vervang met gewone melk sonder om te dink dat ek die gram nie aangepas het nie. En het jul al agtergekom dat die huidige blikkies Ideal melk NIE MEER 410g is nie maar nou 380g blikkies is, so wees gewaarsku, as ‘n resep praat van ‘n blikkie Ideal melk, die mates beslis ooreenkomstig aangepas moet word! 30 ml kan vir die fynproewer ‘n verskil maak...maar ek moet erken wat's 30 ml nou ... Wat die sjokolade brokkies betref, dis hoekom ek dit haat om in metrieke mates te werk, want met koppies was dit alles (vir my in elk geval) meer eenvormig. (Oauch!! Is ek uit de oude doos of is ek nie!) In die gewraakte resep word bedoel hou 250 g m.a.w 1 kp gereed , maar gebruik elke keer net 15 ml of 3 tl oor elke plaatkoekie terwyl jy dit bak. Liewe Lesers, ek gaan daardie resep (en ook die dupliserings wat ingesluip het terwyl ons die webwerf "geverf" het) uit hierdie argiewe verwyder, maar gebruik asb. die volgende (my eige beproefde) resep i.p.v. die omstrede resep! Plaatkoekies met Sjokoladebrokkies. 360 ml bruismeel (1 ½ kp) 60 ml suiker (3 Etl ) 2 eiers 300 ml melk (1 ¼ kp ) 250 g sjokolade brokkies. ( plus minus 1 kp ) ( Ek rasper eerder gewone sjokolade as wat ek die brokkies gebruik. Dit smelt vinniger.) Olie vir bak Meng al die bestandele tot ‘n bietjie dikker beslag as ‘n roomtekstuur. Verhit pan met bietjie olie in, skep ewe groot lepelsvol beslag in die warm pan. Sodra dit borrels maak, draai dit om en bak die ander kant ook tot goudbruin en tot die kenmerkende fluweel tekstuur. NB: Om die sjokolade brokkies in die plaatkoekies in te bak : Net nadat jy die lepelsvol deeg in jou pan geskep het, skep jy in die middel op elke plaatkoekie sowat 1 Etl sjokolade brokkies sodat dit in die deeg kan insmelt voor jy dit omdraai. (Haastige Ek, strooi eerder die gerasperde sjokolade op die warm gaar plaatkoekies, dan is daar geen gemors in die pan terwyl jy nog wil bak nie. En kan die wat nie daarvan hou nie hulle s'n kry sonder die sjokolade!) Bedien saam met geklopte room. En Voila! ....Geen plaatkoekie resepte sal hierna weer verskyn nie...
Die hysbak na sukses werk nie - Gebruik die trappe !
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
